ازياء - فساتين سهرة و مكياج و طبخ - سيليوليت...ترهل في الجلد....خطوط بيضا....حاجات مضايقة وانتي بتخسي وعايزة الحل

- العناية بالبشرة و الجسم (https://fashion.azyya.com/29)

سيليوليت...ترهل في الجلد....خطوط بيضا....حاجات مضايقة وانتي بتخسي وعايزة الحل

حبايبي وروح قلبي رواد قسم الرشاقة

طبعا انا عارفة انكم هاتستغربوا جدا من الموضوع وليه موجود في القسم ده
انا بعد اذن مشرفاتنا الغالين طبعا لما قريت كذا موضوع هنا الاقي البنات ماشاء الله
عاملين جروبات متازة وملتزمين بالريجيم وبيخسوا فعلا وحاجة اخر جمال
ويارب الجميع يخس ان شاء بصحة وعافية

بس بلاقي كله بيشتكي من نفس الشكوي
الترهل....................السل يوليت............... ...........الخطوط البيضا المزعجة
فقلت انسب مكان ليها يبقي هنا
ياه دانا رغاية اوي

نبدا في المهم بقي:

السليوليت :

كتير منا عارفينه وكتير رلا وهو باختصار عبارة عن
(دهون بتكون تحت الجلد وحتي ممكن تكون عند الناس الرفيعين مش بس عند السمنة او زيادة الوزن
والدهون دي بتبوظ شكل الجلد وتعمل فيه تعرجات وزي حفر كدا بتبقي شكلها وحش جدا ،
وده بيكون نتيجة تركم الدهون يوم ورا يوم واهمال الرياضة )

ولو عايزة تعملي اختبار بسيط تعرفي عندك سليوليت ولا لا تعالي عند مثلا اعلي الفخد واضغكي لجوة هاتلاقي الجلد تعرج وبقي شبه جلد البرتقالة
هو ده السليوليت

طيب العلاج بقي

اكبر علاج للموضع ده الرياضة طبعا بتخفه كتير وكمان اليزر بيتعمله جلسات عشان يتشال
بس بقي دلوعة جايبلكم لازم تدلع اخواتها وجبت لكم وصفة فظيعة لتقليل السليوليت وعن تجربة

كريم البن:
هاتي علبة جليسوليد وحطي عليها معلقتين كبار مليانين بن القهوة التركي وقلبي
واعصري ليمونة كبيرة عليهم وخليه عندك
3 مرات في الاسبوع تدهنيه علي المناطق الي فيها سليوليت (البطن-الارداف-المؤخرة)
وافضلي ادعكي ادعكي لحد مالجسم يتشربه ويبتدي البن ينزل علي هيئة لفائف كدا
وبعدين اغسليه واستمري كدا بقي مع الرياضة وادعيلي

الترهلات

مشكلة كبيرة جدا بتقابل الفتوكة مع الخسان وبتحبط من عزيمتها جدا
هارجع بردو واقولك لما بتخسي وبعدين ترجعي تتخني تاني وهكذا بتسبي انك
تفقدي جلدك المرونة الازمة عشان يرجع تاني لوضعه الطبيعي
واكيد الرياضة بتقل المشكلة دي بردو بس عشان تساعدي جسمك انه يتشد
اعملي الكريم ده وانتي بتعملي اي رياضة

كريم الشد :

علبة كريم جليسوليد وحطي عليه معلقتين شبة ونص فنجان خل تفاح وعصير ليمونة كبيرة
وادهني جسمك والعبي بقي سواء
سويدي -جيم-الاوربتراك-او مشاية )اي رياضة
وبعدين خدي دش حلو كدا والكلام ده كل يوم وشوفي جسمك هايتشد كتير باذن اله

الخطوط البيضا :

وطبعا دي غنية عن التعريف وقارفانا كلنا سواء كانت مع الحمل والولادة او مع الريجيم او حتي لوحدها كدا

دي بقي مع كريم الشد وكريم السليوليت هاتحسن كتير
وكل يوم بليل تجيبي مرهم بانثينول من الصيدليه (رخيص جدا جدا )وحطيه في علبة وحطي عليه معلقة زيت لوز مر ومعلقة زيت لوز حلو
وادهني كل المناطق الي فيها خطوط بيضا
والحامل بلاش زيت الوز المر كفاية الحلو مع البانثينول

وبكدا يارب اكون وفيت في الموضوع ده
واتمني ان الموضوع مايتنقلش لاني قاصدة فعلا اعمله هنا
عشان اكبر فئة ممكن تستفيد منه باذن الله هنا في قسم الرشاقة

وباي باي بقي ياحلي رشيقات في الدنيا وان شاء الله تجربوا وتدعولي

سلام

:11_1_209[1]::11_1_209[1]::11_1_209[1]::icon_wink::0108::11_1_209[1]: