اول شي الحمد لله ماعندي مشكله وحتى لو عندي لا سمح الله فالشكوى لله لأني عارفه ماحد يقدر يحل مشكلة حد الارب الكون
وتاني شي هي مش مشكله هي كارثه بنظري رحت السوق مع زوجي في ليلة 27 واتخيلو ايش شفت والله الين اليوم انا ندمانه شفت بنت تمشي مع شاب في الشوارع مره تكشف عن وجهها ومره تتنقب ومره تسوي نفسها انو طاح وبتصلحو ومن دي الحركات القرعه حقت البنات المايعه الله يسامحهم في الأول قلت يابنت لا تسيئي الظن يمكن اخوها ومشيت مع انو الناس كله تتفرج عليها وحركاتها ماتطمن المهم كملنا مشوارنا انا وزوجي لحد ما وصلنا لسيارتنا وقلي زوجي ليه كنتي تطالعي للشاب والشابه قلت وضعهم غريب قلي احسني الظن قلتلو الكل كان يطالع لانو عندنا البنات ماتكشف عن وجهها فعشان كده اذا شفنا وحده ماهي مغطيه وجهها يدور حولها الشك المهم خلصنا من السوق ورحنا مطعم قريب نتسحر عشان كان وقت السحور وراح زوجي يطلب الطلب ورجع وهو ما على عادتو قلت ايشفيك قال والله انك صادقه انو الولد والبنت الي شفتيهم علاقتهم بعض مش كويسه قلت ليه قال دوبني شايفهم البنت دخلت وجلست والولد جايب صاحبو معاه عشان يجلسو مع بعض يتقاسمو الأكل والبنت يالطيف والله ومن يومها اني مقهوره من نفسي ليه مامسكت البنت وقلتلها ماتخافي لا يجيكي هادم الذات وانتي بهاي الحاله ياليتني كنت نصحتها والله اني كل يوم احلم احلام والله غريبه حلمت اني جالسه مع شباب ما اعرفهم وفي بنات ماجنات لسهم مو شبه عاري مره عاري كل شي باين وجات هيئة الأمر بالمعروف والنهي عن المنكر واخذوني معهم وكنت مره خايفه طول الحلم وانا متضايقه
وصحيت من نومي وقلت ياليتني كنت نصحتها يمكن كانت انكتبتلي بها حسنه تبعدني عن النار ولهيبها يارب حرم وجهنا من النار
وآسفه طولت من جد كنت متضايقه ومازلت من الموضوع هدا