ازياء - فساتين سهرة و مكياج و طبخ - من جد رسايل رفعت ضغطي ..!! ركزوا على الرساله الثانيه‎

- عالم التقنية (https://fashion.azyya.com/107)

من جد رسايل رفعت ضغطي ..!! ركزوا على الرساله الثانيه‎

السلام عليكم ورحمة الله

كيفكم صبايا موضوعي يتعلق برسايل المسنجر موضوع أغلبنا أو كلنا موجود عندنا وهو تصحيح لبعض

المفهيم الخاطئه عند أكثرنا أنا أؤيد الكاتب وأشد على يده واضم صوتي له .. معليش طولت عليكم

اتمنى من الي يرسلون لي يتجنبون إرسال مثل هالرسايل

أولاً

الحبيب السري

قسم بالله هالرساله طلعت من خشمي

وش هالإختراع او المنطق العجيب الي يبين حبيبك السري

والمشكلة ان فيه من يصدق ويعير للموضع اهتمام .!

الرساله الثانيه

برب كلمه تغضب الله

لا اله الا الله

كلنا عارفين ان برب = بي رايت باك

( be right back )

واختصارها = BRB

وش دخلها في " قل اعوذ برب الفلق " .؟

المعنى يختلف إختلاف تام ،

والا حاطين بإعتقادكم بس نشوف هالآية بنقول ايه والله شكله صدق .!

مافيه اي فتوى صحيحة تثبت هالكلام الفاضي

الرساله الثالثه

لا تدعها تقف بجهازك أنشر تؤجر

استغفرك ربي بس ..هالرساله اذا ماشفتها في اليوم خمس مرات ماعرف ايميلي

ياجماعه كلنا نبي الأجر .. والدال على الخير كفاعله

لكن للأسف كثير من الأحاديث تكون ضعيفه وبعضها موضوعه أصلا

هذا غيرالاقوال والأدعيه الي تطلع بدعه مالها اي اساس من الصحه

وحنا نشرها عن حسن نيه

والله العالم بنية الي يسويها

وعلى سيرة الادعيه ..اذا تبون تنشرون دعاء هاتوا دعاء ورد في القران او السنه او الاثر هذي تؤجرون عليها واحيكم على نشرها :)

اما ان كل واحد سمع له دعاء من ابوه والا جده قال بنشره .. خير ؟؟

اخواني ترا المؤمن مابينه وبين الله حجاب ..واذا تبون تدعون كل واحد يدعي بالي بنفسه ربي مجيب سميع الدعاء ..

دعاء صادق من قلبك وباسلوبك انت ..مو دعاء قاله غيرك !!

،، بس بيني وبينكم هذآ أرحم من الرساله الأخيره

الرساله الرابعه

تنشيط المسن

(Activations)

ارسلها لعشرين ثم تحق امنياتك مدري مايقفل المسن

رجاء هالرساله لاعاد أشوفها

خلاص بكيفي انا ابي ايميلي يقفل ..بتفاهم مع ال بعدين

لا عاد حد يرسلها ..سامعين

جابتلي مغص الملاريا <<

الرساله الأخيره

[ اسألك بالله ترسلها لكل الي عندك ]

[ امآنة برقبتك ترسلها ل20 شخص ] سلامات

[ وصلت هذه الرساله لطيار بحري وأهملها ومدري ايش صار في قرعته .. وصلت هذه الرساله لطالب وأهملها فرسب >> والله جاتني ]

[ حلم شخص بالنبي صلى الله عليه وسلم يحثه على النشر ]

[ ان لم تنشرها سيحدث لك اليلة حدث سيحزنك ، وان نشرتها ل15 شخص ستسمع غداً بخبر يسعدك ]

ومن هذا الكلام الي ما يودي ولا يجيب وكله إستخفاف بعقل القارئ

وأحلى شي الي يقولك : (والله العظيم سوف أرسل هذه الرساله لكل من عندي >>>> خلاص عاد إنت حلفت لازم ترسلها ..؟؟؟

خير ..لعب بزران هو .!!

بليز ياجماعه ..خلونا نكون ناس مثقفين فاهمين واعين

نشر علم وثقافه وناسه وترفيه وهبال ودين صح

اهم شي الدين واضح ياعيوني مو متأكد منه لا تنشره اوكيه .