|
$قصة ريما ونواف قصه رومنسيه سعوديه$
السلام عليكم ..
جايبه لكم قصه .. حبيت انقلها لكم هي قصه سعوديه ... طبعا اتمنى انها تعجبكم وهذا الجزء الاول .... اولا شخصيات القصه ريما:بنت عمرها18 سنة بثاني علمي وحيدة امها اوبوها يعني المدلعة كانت مرة حلوة ونعومة ابوها:فهد وهو تاجر غني مدلع بنته دلع.. امها:سلمى مديرة روضة ومره اهتمامها بنفسه وبريما.. ............... عيال عم ريما: نواف:عمره 24يدرس هندسة كمبيوتر(كان يدرس بامريكا 5سنوات وكمل في الرياض)<<مزيون مررة محمد:عمره 19 ثالث ثانوي علمي<مملوح بشكل!! ابوهم:سعود وكان له شركات كبيرة في الرياض امهم:ليلى معلمة بس تركت التدريس وجلست بالبيت.. .............. عم ريما طلال: نوف بنته:عمرها 17 اول ثانوي وكانت مقربة لريما.. عبد الرحمن:اخوها وعمره 18سنة العم طلال: استاذ في الجامعه زوجتة العنود: كان لها مشغل كبير في الرياض(بزنس ومن) ............... عمت ريما: فيصل:عمره 24 وصديق نواف بالمرة مايفترقون عن بعض الهنوف: عمرها18 صديقة ريما ونوف مره اسراهم عند بعضم<<مملوحة نورة:عمت ريما وكانت ربة بيت ماتشتغل.. .............. خوال ريما: ندى: خالت ريما الصغيره وكانت بسنة ثاني كلية تخصصها "علم نفس" وتموت في شيء اسمه ريما وريما كذلك تركي:خال ريما الصغير كان اكبر منها بسنة ويدرس طب سنه اولى.. جدتها اسمها:هيا.. .............. ريما من كانت صغيره وعمها سعود يحبها ودايماً يقول انها لولده نواف كبرت ريما وكبر معها الحلم وكانت دايماًتفكر فيه..العم سعود يحب ريما حيل ولاسيما ان ماعندة بنات..ريماماكانت تعرف ولا شي عن نواف ولاتعرف شعوره..ولاتعرف حتى شكلةلانها مابعد يوم كانت صغيرة سافر نواف يدرس وبعدها رجع والبنت كبرت وصارت تتغطى عنه..وهو كذلك ماقد شافها بس يسمع عنها.. البداية: الهنوف:الو ريما كيفك؟ ريما:تمام وانتي شخبارك؟ الهنوف:بخير اقول ريما طفشانة وضايق صدري تكفين تعالي عندي ريما:طيب نوف بتجي؟ الهنوف:ايه قلت لها وقالت لامها وافقت. ريما:ياسلام وانا آخر وحدة ينقالها فيكم؟ الهنوف:يالله عاد بتدلعين علينا يعني؟ ريما:هههههههه لاخلاص بقول لابوي وارد لك. الهنوف:اوكي!! بعد دقايق رن جوال الهنوف ريما:هنو<<اسم الدلع لهنوف هنو راح اجيكم اليلة الهنوف:حياك ربي يالله بنتظراك لاتأخرين.. ريما:ابشري الساعة خمس العصر.. كانوا البنات مجتمعات عند الهنوف وفالينها وناسة سوالف وحالتهم حالة البنات كانوا في الحديقة..فيصل فتح الباب البنات ارتبكوا على طول تغطوا بعبايتهم وطراحهم الهنوف:ياهوة عيب عليك فيه ناس جالسين هنا فيصل:اوه آسف حقك علي بس لاتزعلين<يتريق عليها الهنوف:لاوالله <طفشت منه فيصل:اقول وراك ماتغطين ترى نواف بينزل يتقهوى معي الهنوف:نواف احلف معك<علشان ريما تشوفه البنت متحمسة فيصل:انتي وش دخلك معي ولا مو معي الهنوف:هاه بس لانه ماقد جانا من سفرته<اتربكت فيصل:اقول نسيتني الولدفي السيارة نواف:احم احم<علشان بيدخل دخل نواف وفيصل الحديقة الي كانوا البنات جالسين فيها مع العمة نورة دخل نواف علشان يسلم على عمتة نورة وكانت ريما الي جالسة جنب عمتها على طول دقات قلبها تضرب بقوة والهنوف ونوف اعيونهم عليها ياترى وش بيصير..!! اتمنى من الجميع التفاعل والا ماراح اكملها << تهدد اختكم منوره:0154: |
رد: $قصة ريما ونواف قصه رومنسيه سعوديه$
اذا ماشفت التفاعل والردود ما بكملها
اوك ياحلوات |
رد: $قصة ريما ونواف قصه رومنسيه سعوديه$
اها كذه
اوك مابكملها<<<زعلت |
رد: $قصة ريما ونواف قصه رومنسيه سعوديه$
والله ماتزعلين وشيوخ موجودة الموضوع اكثر من رائع يالغلا ومشكورة اوي
|
رد: $قصة ريما ونواف قصه رومنسيه سعوديه$
الله يسعدك ياقمر
فين البنات ماراح اكمل القصه |
رد: $قصة ريما ونواف قصه رومنسيه سعوديه$
اجل انا الي راح ازعل بليز كمليها
|
رد: $قصة ريما ونواف قصه رومنسيه سعوديه$
اوك عشانك بس اكملها بس والباقين حسابهم عندي بعدين<<ياويلكم
|
رد: $قصة ريما ونواف قصه رومنسيه سعوديه$
:::::الجزء الثاني ::::
نواف:مساء الخير ياعمتي العمة نورة:ياهلا والله بولدي شلونك؟وشلون ابوك وامك؟ نواف:بخير يسلمون عليك العمة نورة:اخيراً زرتنا نواف:والله تعرفين مشاغل العمة نورة:نواف هذولي بنات عمك سلم عليهم نواف من بعيد:شخباركم بنات.. البنات:الحمد لله.. فيصل:يالله بسرعة خلينا نروح للمجلس. نواف:عن اذنكم.. العمة نورة:حتى انا بروح ابي اشوف الاخبار نوف:واي يهبل وش ذا انسان ولا ملاك يابختك ياريما الهنوف: روعة يجنن بمعنى الكلمة ريما كانت ساكتة وتفكر ياترى يدري فيني يعرفني آآه لو تدري يانواف اش قد احبك واموت فيك الهنوف:من شاف احبابه نسي اصحابه ريما:هاه لا بس ماسمعتكم نوف:اكيد من شفتي ذا الزين عقلك معاه ريما:اقول انتي وياه اسكتوا انا بروح للبيت الهنوف:وين تو الناس.؟ ريما كانت متضايقة ان نواف ماعبرهم ولا بكلمة ولاعطاهم وجهه ريما:لا بس حاسة نفسي تعبانة نوف:خلاص هنو لاتضغطين عليها خليها براحتها<نوف حست فيها راحت ريما بعد نص ساعة جاها السواق والشغالة.. وبعدها كانت الهنوف بتروح للمطبخ بتشرب ماء الا مروا من عندها فيصل ونواف وماكان معاه جلال ولا اي شيء تتغطى فيه..نواف اعجبته من اول نظرة وطات عيونه فيها فيصل:هنوف يالله روحي الولد بيطلع الهنوف على طول طلعت وهي تجري من الخوف •·.·°¯`·.·• •·.·°¯`·.·• في بيت ريما دخلت عليهم وكانت امها جالسة بالصالة وابوها يتابع التلفزيون ريما:السلام عليكم الكل:وعليكم السلام ابو ريما:ياهلا وغلا توة ينور البيت يالغلا ريما:تسلم يالله انا بروح فوق لغرفتي ابي انام تصبحون على خير ام ريما:وش فيك حبيبتي ماهي عادتك بالعادة تجين من هنوف والابستامة شاقة وجهك ريما :لابس تعرفين هنوف ونوف راسي صدع منهم ومن صراخهم وسواليفهم ابو ريما:خليها ياسلمى يمكن البنت دايخة ريما:يالله تصبحون على خير الكل:وانتي من اهله ريما من دخلت غرفتها وطاحت على السرير وجلست تصيح بصوت واطي علشان مايحسون فيها اهلها ياربي انا ليش حظي كذا من وعيت على الدنيا وانا احبك يانواف وانت مو حاس فيني ولا معبرني..ليش كذا..آه يانواف لو تدري بحبي لك من 7 سنين وانا احبك حرام الي جالس تسويه فيني جاء الصبح ويرن جوال ريما ريما:الو؟ نوف:هلا وغلا بريما ريما:هههه وش عندك على الصبح؟ نوف:عندي خبر انا ايه عجيب!! ريما:الله يستر منك ومن اخبارك ههههههه نوف:افا طيب يالله مع السلامة ريما:استني امزح عليك والله نوف:هههه عارفة بس حبيت اتغلى غليك ريما:هاه وش الخبر نوف:اليوم اتصل علينا عمي سعود يقول بنطلع للبر بكرى كلنا من الصبح الى اليل وبنشوي ونستانس هاه وش رايك؟ ريما:الكل بيطلع<تقصد العيال نوف:كلهم ريماخلاص ان شاء الله بنطلع وياكم اكيد قالوا لامي وابوي نوف:خلاص اجل اشوفك بكرى باي ريما:باي •·.·°¯`·.·• •·.·°¯`·.·• يطق باب غرفة ريما طق طق! ريما:مين؟ ندى(خالتها):انا ريوم قومي وجع افتحي الباب ريما:خالتي هنا يامرحبا ندى:حرام عليك لي ساعة وانا اصعد درجكم وراه الفت خربان؟ ريما:مدري امس تعطل على حظك يالعجوز هههههه ندى:هاه بتفتحين الباب ولا شلون؟ ريما وتفتح الباب..وكانت تسمع اغنية محمد عبدة (سير علينا ياهواك سير علينا مشتاق لعيونك تعال سير علينا..سير وش الي جرى قي غيبتك حالي برى..النوم من عيني سرى وانا انتظر منك الوصال..سير علينا يهواك سير علينا.) ندى:اكيد لي الاغنية لاني من زمان ماجيتكم<اثقة ريما:ياعني ع الواثقين ندى:ريوم وش رايك نطلع نتغداء في الفيصلية انا وانتي !! ريما:ياليت ضايق صدري ندى:ياحياتي وش فيك! ريما:ابد سلامتك وتبستم ابتسامة صفرا ندى:يالله لبسي عباتك خلينا نروح استأذنت لك من امك ريما:دقايق وانزل لك. •·.·°¯`·.·• •·.·°¯`·.·• وصلوا الفيصلية.. وراحوا يتمشون فيها وبعدين صعدوا يتغدون المفاجأة كان هناك فيصل ونواف ومحمد اخو نواف جالسين يتقهون.. ريما:وتضرب كتف خالتها ندى:اي وجع وش فيك؟ ريما:خالتي شوفي هذولي الشباب ندى:عيب عليك وش فيك تطالعينهم<بتقهرها ريما:لا بس عيال عمي سعود ندى:وينهم ابي اشوفهم تكفين وين نواف الي يقولون تحفة ريما:انت وش عرفك في نواف؟ ندى:بس اذكر وهو صغير حليو ريما:شوفي ذاك الي لابس بنطلون جينز وتيشرت اسود ندى:روعة ماشاء الله انا اقول وش فيهم البنات يحمون حولهم ريما:ايو الله شوفي كيف يطالعون للعيال بنات آخر زمن ندى:تكفين ريوم روحي سلمي عليهم ريما:لاعيوني والله لو فيها عمري ماروح..يالله قومي خلينا نتغدى تراني جوعانة تغدوا وكانت ريما واقفة تطالع نواف وتحسر على حظها •·.·°¯`·.·• •·.·°¯`·.·• جاء من بكرى الكل الصباح كان مستعد للطلعة البر ام ريما:ريما يالله فشلة تأخرنا عليهم قومي بسرعة ريما:حرام عليكم احد يطلع للثماة الصبح حر!! ام ريما:يالله شوفي هنوف من الصبح وهو تتصل علينا تقول قوموها بسرعة ريما:اوف طيب بقوم وشكوي لله ريما جلست نص ساعة على بال ماغسلت وصلت وجهزت عباتها وشنطتها..كانت لابسةبنطلون جينز وبلوزة فوشي حرير روعة ولابسة كاب فوشي مكتوب عليه r وبوت رياضة..وشطتها كانت صغرية فوشي لونها ..وكحلت عيونها طالعة كيوت.. ركبوا السيارة مع ابوها وصلوا كان مخيم كبير ومكيف قسم للحريم وقسم للرجال الكل كان موجود ماعدا نواف وفيصل كانوا نايمين ولافكروا انهم يجون البنات كانوا مبسوطات بشكل راحت ريما بتجيب شنطتها من اسلياة الا محمد اخو نواف طلع عليها وهي ستحت وعلى طول تغطت بسرعة..محمد طار عقلة فيها اعجبته بشكل..ريما كان الوضع عادي لان ملك قلهبا للنواف فقط.. خذت شنطتها ورجعت للبنات المهم جت السعة خمس ونص والعم طلال وين نواف وفيصل وراهم ماحوا؟ ابو نواف:الحين بتصل عليه هذا ابو نواف:الو وينك فيه؟تعال سلم على عمامك يسئلون عنك. نواف:يبة بس انا مع فيصل عندنا لعب كورة مع العيال ابو نواف:ترى ان ماجيت بعد شوي مو بزين لك..تفهم؟ نواف:تامر آمر يبة راح نجيكم.. فيصل:ياخي انت ليش تقولهم اني معاك؟ نواف:ياسلام علشان اذا رحنا لهم تصير براسي الدعوى وانا الي الي يطيحون فين تفشيل جت الساعة 6 المغرب ويجون فيصل ونواف فيصل نواف: السلام عليكم؟؟ الرجال:وعليكم السلام..سلموا عليهم .. عبد الرحمن اخو نوف جاء عند الحريم:نوف نوف تعالي نوف:وش تبي؟ عبد الرحمن:ابوي يقول جيبوا القهوة ترى فيصل نواف جوا نوف:طيب بنرسلها لكم نوف على طول عند ريما:ريمانواف جاء فرصتك روحي صارحيه انك تحبينه تكفين اي استمتع بقصة الحب والغرام حقتك ريما:ياشيخة فيكنا شكلك متأثرة بالافلام الهندية الهنوف:هههههههههههههه<<على اي شيء تضحك الحريم كانوا فالينها وناسة سواليف وضحك واصواتهم عالية مررة.. ابو نواف:اقول نواف قم جب لنا عشاء رح لم امك قهلا وش يبون نواف:طيب من عيوني ياغالي ابو ريما:ههههههههحرام عليك ياسعود شف ولدك كيف يحترمك وانت من شوي تقول مايطيعك ولاشيء نواف:افا يابو نواف ماهقيتها منك طلال:لا نوافم ماعليك منهم شخبارك دراستك نواف: الحمد لله محمد وعبد الرحمن: اقول احنا راح نجيب العشاء طلال:لا عبد الرحمن مين بيوديك ؟ عبد الرحمن:محمد طلال:انتم صغار ولاطلعتوا رخصة اقول اجلسوا فيصل:لقطوا وجيهكم خخخخخخخخخخخخخخ محمد:بس ياعمي اناعرف اسوق .. طلال:بس اذا طلعت رخصة ماحد بقولك شيء.. محمد: طيب<<زعلان عبد الرحمن:محمد تعال خلينا نتمشى في البر الجو حلو باليل.. محمد:يالله فيصل:نواف يالله جب العشاء نواف:وانت ماهمك غير بطنك يادب.. ابو ريما:ههههههه اذكر الله ياولدي نواف:ماشاء الله هههههههه ام نواف كانت تهتم بريمابشكل.وكأن مافيه غير ريما بالوجود ريما ماكنت تتوقع ان وراء المعاملة هذي فية شيء وسلامتكم ....انتظروا الجزء الثالث ولاتنسونا من الردود ... •·.·°¯`·.·• •·.·°¯`·.·• |
رد: $قصة ريما ونواف قصه رومنسيه سعوديه$
صراعة روعة واستمتعت كثير ونا اقراء مشكورة ياقلبي على القصة
|
رد: $قصة ريما ونواف قصه رومنسيه سعوديه$
باقي ياقمر الي يبغاني اكمل يكتب رد
ولا بخرج من المنتدى وش رايكم الي يبغى مني الفكه لايرد |
رد: $قصة ريما ونواف قصه رومنسيه سعوديه$
هاه اوك ماراح اكمل بطلع من المنتدى
|
رد: $قصة ريما ونواف قصه رومنسيه سعوديه$
لا ياحبي لاتطلعين يلا كملي
يلا بنتظارك |
رد: $قصة ريما ونواف قصه رومنسيه سعوديه$
نواف:يمة وش تبون عشاء انا بروح اجيب لكم..
ام نواف:هلا نواف طيب لازم يروح معك احد لان احنا مو من مطعم واحد يعني البنات طلباتهم غير واحنا يالحريم غير نواف:يعني مين بيروح؟طيب خلو احد البزارين يجي معاي ام نواف:صاحي انت وش معرفهم ذولا..الحين اخلي احد البنات تروح معاك نواف بينه وبين نفسة يارب تكون الهنوف اتمنى اعرفها زين ريما قامت بتشرب مويا الا ام نواف استغلت الفرصة ام نواف:ريما حبيبتي ممكن اطل منك طلب!؟ ريما:تامرين ياخالتي<<احترام لها ام نواف:ياليت لو تروحين مع السواق تجيبون العشا مثل مانتي عارفة مايعرف وش الطلبات ريما بينها وبين نفسها ياربي نوف تقول فيه شوي وجلست تطالع في نوف نظرات ريما:اوكي خالتي خلي البنات يروحون معاي ام نواف: لاعيوني كلكم ماتصلح وبعدين (وتسكت)اقول تعالي معاي قامت ام نواف من مكانها علشان تركب ريما في سيارة نواف وريما ماتدري وش السالفة نوف:ريما آسفة ياقلبي بس قلت بنسوي باربيكيو علشان تتحمسين للطلعى البر لاتزعلين ريما:طيب لك شغل معي بس اذا رجعت ريما انصدمت يوم شافت نواف في السيارة وخافت وقفت مكانها بعد ماكانت تمشي وراء ام نواف حست ام نواف ان ريما وقفت ورجعت لها.. ام نواف:وش فيك ريما وقفتي؟ ريما:هماك خالتي تقولين السواق مين ذا الي بيوديني؟؟ ام نواف:هذا نواف ريما: اهئ <<شهقت ام نواف:وش فيك؟ ريما:لاخالتي مقدر خلي البزارين يروحون مها بنت عمي طلال وعبد الله اخو الهنوف الصغار انا مقدر مستحية ام نواف:لاياعمري انا قلت لنواف وانتي قلتيها صغار مايفهمون يالله الحين لبستي عباتك (وتجر يديها وتفتح الباب وترجع ريما) ريما:خالتي:ماراح اركب قدام فشلة بركب وراء ام نواف:لا يايمة ياريما وارء العشاء راح يكون وبعدين لاتعقدين الموضوع كلها لابع ساعة وانتي هنا ركبت ريما قدام وامرها الى الله.. في السيارة كان نواف مايدري وش السالفة مثل الاطرش بالزفة ريما:السلام عليكم نواف:وعليكم السلام ريما؟ ريما وقلبها يدق بقوة:هلا نواف: كيفك؟ ريما:تمام انت كيفك؟ نواف:بخير وجلسوا دقايق ورن جوال ريما..صديقتها رشا بالفصل كانت هلاليه بما ان ريما هلالية ريما:الو هلا رشا:هلا والله ريوم عندي البشارة كم بتعطيني؟ ريما:يالله قولي رشا:يارس القحطاني لاعب القادسية انتقل للهلال ريما:لاعاد صادقة متى وقع رشا:امس وقع معاه الامير محمد بن فيصل ريما:مبروك رشا:بس حبيت اقولك يالله باي ريما:باي نواف كان يتسأل بينه وبين نفسة وش فيها فرحانة وش الي تبارك فيه..منهو الي وقع؟ريما كانت نفسها تقوله بس خافت يفشلها يمكن مياحب الكورة..وقطع تفكيرهم جوال نواف نواف:هلا ابراهيم<صديقه ابراهيم:شفت ياسر نواف:اي ياسر؟ ابراهيم:ياسر القحطاين هذاك نواف: ايه وش فية؟ ابراهيم :وقع للهلال مبروك..اقول لاتنسى بكرى موعد المباراة مع الشباب لاتنسى نواف:الله يبارك فيك.ابشر ولايهمك بكرى ان شاء الله انا وفيصل عندكم..فمان الله.. نواف كان هلالي مررة وجلس يقول الحمدلله ريما:مبروك توقيع ياسر نواف:هههههههه الله يبارك فيك ريما:والله الصفقة ممتاز لاسيما ان سامي الجابر يحب ياسر اكيد يعرف ان مستواه ممتاز ولا كان ماقال للإدارة تضمه.. نواف كان مستغرب ومبسوط بنفس الوقت اول مرة يحس ان له بنت عم..وهلالية ياسلام نواف:ايه والله لاعب حريف الا انتي هلالية.؟ ريما:ايوة هلالية نواف:والنعم والله يابنت العم ريما استحت ياربي من وين الجرآءة جبتها..افا وش بيقول عني الولد آآآآآآه وش اسوي كانت تتمنى الارض تنشق وتبلعها كان فيه درج سيارة نواف انفتح وتبعثرت الاوراق تحت رجول ريما نواف كان مرتبك وانحرج وكان يقول يارب ماتشوفها ريما حست ان نواف مايبيها تشوف الاوراق بس فضولها واخذت تجمع الاوراق وتركت ورقة تحت رجلها مانتبه نواف لها وبعدين نزل نواف للمطع يطلب واخذت الورقة وجلست تقراها كانت قصيدى مرة حلوة ومرة اعجبتها وكانت تقول ياترى هذا نواف الي كتبها<<ريما تموت في القصيد وتحب تسمع وتقرا القصايد والدواوين.. كانت القصيدة بعنوان الهنوف..ريما ياربي وش السالفة معقوله هنو بنت عمتي بس هو ماشفها ابد ولايعرفها!!اكيد مو هنوف بس كذا هو اعبجة الاسم رجع نواف وشاف الورقة بيد ريما نواف:قريتيها؟ ريما:آمم ا<<تلعثمت نواف:وش رايك في القصيده؟ ريما:روعة اسلوب روعة طرح متميز..إبداع في الاختيار الالفاظ والمعنى بالله مين الي كتبها؟ نواف:واحد من الشباب اصدقائي ريماحست انه يكذب عليها ريما:اها11111 نواف:ريما تحبين القصيد؟ ريما:اموت فيه نواف:مين تحبين تسمعين له؟ ريما:بدر بن عبالمحسن وسعود الفيصل وسعد بن علش وطلال الرشيد الله يرحمة وياسر التويجري وفزاع نواف:ههههههههه ماشاء الله مابقى احد ريما انرحجت وحست كأنها طفلة نواف:ريما ابقولك شيء ماقد قلت لاحد حتى فيصل القريب لي مالت له ريما:تفضل نواف:سر بيكون بيننا ريما:وهيتقول (يمة قلبي):وعد بيكون سر!! نواف:انا الي كتبت هذا القصيد ريما:احلف بربك ؟انت؟ نواف:هههههههه ليش مو مصدقة يعني اكذب؟ ريما:لاحشاك من الكذب بس مو مصدقة روعة اسلوبك نواف:ريما انا ماقلت لك الا حسيت انك تعرفين للشعر واهله واذا عندك اي نقد قولي لي وعطاها الاوراق اقريها على بال مانكون في الطريق ريما:كانت توجهه له انتقداتها يعني عل الوزن والقافية وكانت انتقادتها في محلها حتى اعجبت نواف.. ريما:طيب فيه قصايد جديدة لك؟ نواف:اذا كتبت بعطيك اياها تقرينها وتقولين لي وجهه نظرك فيها ؟؟ ريما: لا كيف قدام الناس فشلة ويعدين لما يشوفونها البنات وش بيقولون؟؟وانت كيف بتعطيني اياها؟ نواف:عادي ارسلها مع البزران واذا ع البنات لاتقرينها قدامهم وارسلي النقد بورقة..احمد ربي الي لقيت الي يفهمني في الشعر. ريما بنتها وبين نفسها استحت مررة وماتدري وش تقول!! وصلوا للبر الهنوف كانت مع اخوها عبودي الصغير تشربة مويا الا نواف نازل من السياراة وشافها ماعليها جلال حس باحساس غريب يقول يارب انا حبيتها من قلبي خذت عقلي وتفكيري الهنوف على طول تغطت بجلالها وكان نواف مايشيل عيونه عليها وجالس يناديها الهنوف الهنوف تعالي..!! ريما استغربت وحست ان الموضوع فيه شيء الهنوف:خير نواف ؟ نواف:كيفك؟ الهنوف(الحين جالس تناديني وبالخير كيفك):انا تمام نواف:بالله ساعديني تعالي شيلي اكياس العشاء الهنوف:اعتقد فيه شغالات يجون يشيلونها ريما على طول تضايقت من الموقف وراحت تجلس عند الحريم وكانت فيها العبرة مخنوقة من الموقف الهنوف حست في ريما علشان كذا ماعطت الموقف اهمية وفشلت نواف.. بعد العشاء نوف:هاه ريوم وش صار بالتفصيل الممل.. ريما(طفشانة):ماصار شيء الهنوف:معقولة؟ ريما(بعصبيه حاده):ايه ارتاحي!! الهنوف:ريما وش فيك علي.؟ ريما قامت وراحت تمشي بالبر وجلست على صخرة كبيرة لحالها تبكي!! وسمع صوتها محمد ولد عمها الي كان يمشي بالبر اعجبة الجو والقمر كان ليلة 15 وسمع صياحها وجاء يركض لها محمد:مين ريما؟ ريما على طول تغطت بالجلال بسرعة ماتدري وش تقولة؟ محمد:مين؟ ريما:انا ريما محمد:وش فيك ريما عسى ماشر ريما (ياربي وش اقوله؟):لابس تعبانة محمد:والي تعبان يبكي؟ ريما(هذا وقتك بعد انت):هاه ايه..لابس فيه شيء تذكرته محمد:ريما اكيد مافيك شيء؟ ريما:لامافيني اي شيء ومشكور يامحمد محمد<كان مبسوط ع الاخر:ريما اذا احجتيني انا موجود ريما استغربت من كلامة :ان شاء الله مشكور محمد:بس تكفين لاعاد تبكين ترى ماحب الدموع ريما:ابشر محمد:يالله فمان الله ريما:بالله يحفظك. الهنوف قالت لنوف الموقف وراحوا لريما الي كانت تبكي بحرارة بعد ماراح محمد تذكرت نواف وحركته السخيفة!!وبعدين انبها ضميرها الهنوف مالها اي دخل وحرام انا هاوشتها والله مالي حق وجلست تبكي.. الهنوف:ريما وربي انا مالي ذنب ريما:آسفة هنو والله انفعلت عليك وانت مالك اي دخل بالموضوع تكفين سامحيني (تذكرت القصيدة الي بعنوان الهنوف) وجلست تبكي وتقول: بس والله يحبك يالهنوف انا اقولك يحبك وجلست تبكي.. نوف:استغفر الله العظيم انتي وش تقولين؟ الهنوف:بلا سخافة ريوم بس علشان قال الكلميتن ذولي.!! نوف:لاتعطين الموضوع اكبر من حجمة الهنوف:بس يابنت الحلال هونيها وتهون وعادي الموقف لانه انحرج لما شافني ماعلي جلال وحس اني مرتبكة وحب يروح الارتباك الي فيني ياخبلا نوف(تحاول وتروح الحزن الي في ريما):اقول ريوم خالتي ام نواف ماسكت بس تمدح فيك ماشاء الله عليها جمال ودلال واحنا ولاكانا موجودين الهنوف:ريوم تدرين يوم نزلتي انتي ونواف يالله مرة لايقين على بعض تهبلون ريما:تضحك هههههههههههه الله يقطع سوالفكم يابنات نوف:ايوه كذا نبي الضحكة ياماما.. ريما:ليش اصغر عيالك. نوف:ايه الكل:هههههههههههههههه رجعو البنات للحريم جلسوا البنات شوية يسولفون وبعدين قالوا الرجال يالله بنمشي الكل ركب السيارة وحركوا للبيت وريما كانت مشاعر الفرح والحيرة تختلط معاها وجلست طول اليل تفكر بنواف.. ونواف جلس يفكر بجمال الهنوف وكان يحاول يسمع اي خبر عنها ويسحب الكلام سحب من فيصل الي هو اخوها ويعرف اخبارها منه.... وش تتوقعن راح يصير؟؟ |
رد: $قصة ريما ونواف قصه رومنسيه سعوديه$
الجزء الثاني
الفصل الأول : : : بعد مرور يومين على طلعة البر اتصل خال ريما تركي وقالها انه راح يمرها هو ندى يتعشون بمطعم فايف ستارز عازمهم على العشاء لانه مشتاق لريما ..وامة الي هي الجدة هيا كانت عند ام ريما تزروها من زمان عنها.. راحوا للمطع. ريما:ياحياتي ياخالي تركي والله انك ذوقمو مثل بعض الناس.. ندى:ايه بس لريما العشاء ولا ماكلف خاطرة وقال حتى لندى.. وبعدين كنك تقصدين في كلامك ريموة؟ تركي: هههههههه ريما من زمان عنها انا مشغول بدراستي وماشفتها وانتي 24 ساعه قدامي ومليت منك.. ندى:اهى اهى ياربي متى اتزوج وافتك منكم ومن سواليفكم البايخه!! تركي و ريما:ههههههههههههه رجعوا لبيت ريما ... الجدة هيا:كان مطولين بعد ماصار عشاء 3 ساعات وانتم طالعين ريما وهي تبوس راسها:لا ياجدتي تمشى فينا خالي تروكي ندى:ايه خالي تروكي وانا ..ماقد دلعتيني ريما:سوي فيني مثل خالي تروكي وادلعك ندى:لا والله اشوف العالم كلها تدعلك وانا ياحياتي مالي نصيب ريما:تغارين خالتي ندى؟ هههههههههههه تركي:لو ماتغار مازعجتنا دلعوني مثل ريما ههههههههههههه ريما:هههههههههههههه ام ريما:حر11111م عليكم وشفيكم على ندى ؟ ندى:يحيى الحق!! وينك عني من طلعتنا وهم بس علي كني ذابحه لهم احد .. الجدة هيا:حشى كاننا بحرب الكل:ههههههههههههههههه سهروا عندهم الى الساعة 12 ونص وبعدين راحوا.. :::::::::: ريما دعت نوف والهنوف عندهم بالبيت..البنات جوا الساعة 5 العصر وجلسوا في الصالة ريما:يربي اليوم حر! ام ريما:ايوالله حر الله يسلم المكيفات الي ماحسستنا بالحر هنوف:الصيف موت حر بس مع كذا اموت فيه علشان اجازتنا الكبيرة تكون في الصيف هههههه نوف:هههههههه والله انك صادقة ريما:يمة طلبتك لاترديني!! ام ريما:وش تبين؟اذا قدرت علية آمري انتي بس ريما:يمة نبي نسبح انا والبنات الهنوف: اهئء<شهقت صاحية ريوم انا ماجبت ملابس سباحة ولاستعديت نوف:يالله خالتي سلمى تكفين نفسي اسبح الحين وانتي هنوف ياسخيفة تعرفين ان ريما ماكثر من ملابسها اكثر ملابس بالرياض ريما:ههههههه الله اكبر هنوف وش ذا العقل عليك!! نوف:ههههه الكل يعقل الا الهنوف ام ريما:وش فيكم على هنوف؟؟ الهنوف: هههههههه شفتي خالتي كلوني.. ام ريما:يالله يابنات قوموا جهزوا ملابسكم عشان السباحة ريما:يس!قوموا صبايا نجهزهم البنات جلسوا يخربطون ويصارخون لما نزلوا المسبح وجلسوا جلسة فلةً والكيف كايف..جلسوا يسبحون الى صلاة العشاء جتهم ام ريما وجلست ع الكراسي الي قدام المسبح.. ريما:يمة تعالي اسبحي معانا وناسة ام ريما:هههههه راسي مصدع شوية البنات:سلامات خالتي ام ريما:الله يسلمكم .بنات ماتبون تعشون؟ ريما:ايه جوعانة تكفين يمة ارسلي السواق لماكدونالدز ام ريما:يعني ماتبون الاكل الي انا طابخته ريما:لا يمة صحه وعافية على قلبك انتي وابوي نوف:بالله سبايسي اموت عليها ريما:ههههههه خلاص بنكتب الطلبات ونرسلها مع السواق هنوف:ريوم لاتنسين الآيسكريم حقهم الماك فلوري خطير ريما (بتقهرهم):لا بعدين حلقك يلتهب الهنوف:الحمد لله والشكر ترانا بالصيف ريما:ههههه امزح عليم من عنوني يالغاليات كم نوف وهنوف عندي؟ طلعوا البنات من المسبح واخذوا شاور سريع وغيروا ملابسهم وبعدين جابوا الشغالات العشاء وتعشوا البنات وهم غراقنين بالسوالف وجتاء سواق هنوف وراحت معاها نوف.. بعد ماراحو البنات جلست ريما قدام التلفزيون الى الساعة 4 الفجر وبعدين صعدت صلت بغرفتها ولا جاها النوم ..قالت مالي الا ندى خالتي ازعجها المسكينة كانت غاطة في سابع نومه وهاوشتها وقالت لها روحي نامي وسكرت الخط بوجهها وريما ميته من الضحك.. اخذت ديوان شعر لبدر بن عبدالمحسن وجلست تقراها وتذكرت نواف وضاق صدرها وطفشت ونامت الى الساعة 6 المغرب ام ريما:ريما افتحي الباب ماصار كل هذا نوم؟ ريما:ليش كم الساعة؟ ام ريما:الساعة 6 المغرب يالله بنروح! ريما:وافا الساعة 6 ولا صحيتوني وبعدين وين بنروح؟ ام ريما:ياربي من اسلاعة 3 وانا اصحي فيك ..بنروح الية لبيت عمك سعود (ابو نواف)..عندهم جمعتنا قبل الاختبارات ريما:تركض فتحت الباب..احلفي يمة؟ليش ماصحيتني بدري ياربي خلاص ماعد فيه وقت ماراح اروح معك.. ام ريما:تونا بنروح الساعة 8 يالله. بسرعة ريما على طول خذت شاور سريع ولبست تنورة الى نص الساق سوداء وفيها كسرات وفي النهاية على الجنب فيه فراشات صغيرة لونها تركواز تلمع..بلوزة دانتيل اسود وبروش تركواز يلمع..وصندل (وانتوابكرامة)اسود فيه فصوص تركواز ولف على الساق ..وحطت ميك آب خفيف شدو تركواز وجلوس يلمع وكحل اسود داخل العين ..ورشت عطر كوكوشانيل<<روعة نعومة بمعنى الكلمة ونزلت عند امها وابوها في الصالة..جالسين ينتظرونها.. ابوريما:وش ذا الزين ماتركتي شيء للبنات ام ريما:وينك تأخرنا والله لو انتي عروس ريما استحت ودنقت راسها من الحيا ابو ريما:يالله مشينا وصلوا الحريم راحوا للمجلس وابو ريما راح قسم الرجال كان فيه بيت شعر قزاز على بالحديقة دخل عليهم ابو ريما ابو ريما:السلام عليكم الكل:وعليكم السلام ابو نواف:وينك فيه؟وش فيك تاخرت؟ ابو ريما:ريما اخرتنا ابو نواف: مادامها ريماجل حلاص سامحناك العم طلال:الا شلون دراستها؟ ابو ريما:ماشاء الله عليها مجتهدة والله يوفقها العم طلال:في طموحها من كانت صغيرة مهندسة ديكور ابو ريما:ولحد الحين مصممة ع الهندسة العم طلال:الله يوفقها محمد كان مبسوط وهم يسولفون عن ريما وكان متحمس نواف لاحظ عليه نواف:يالحبيب نحن هنا محمد:هاه نواف:من قال هاه سمع..جالسين يتكلمون عن ريما مو عن محمد محمد:ياخي انت وش دخلك؟ نواف:لا بس حبيت انبهك محمد:هذاني انتبهت.. عبدالرحمن:وش فيكم تهاوشون؟ محمد:لا ابد سلامتك دخل فيصل المجلس :السلام عليكم(فيصل كان ابوه متوفي من 5 سنين) الكل:وعليكم السلام ابونواف:خير يبة وراكم متأخرين؟ فيصل:لا بس صلينا العشاء وهذانا جينا ابو ريما:حياكم الله نواف:هلا وغلا بفصيل ولد عمتي نورة فيصل وهو مقصر صوتة:تراك فشلتنا عند الرجاجيل. عند الحريم البنات كانوا غارقانات بالسوالف جالسات آخر المجلس ام نواف:ريوم حبيبتي تعالي اجلسي جنبي. الهنوف:ياحركات انتي قومي عليك طلبية هههههههههه نوف:قومي ياحظي المرة انبح صوتها وهي تناديك ريما: طيب انتي وياها جالسين تتريقون علي مردودة نوف وهنوف يغنون:مردودة مردودة<<اغنية راشد ريما تشمي بحيا وجلست جنبها ام نواف:ريومة شلون المذاكرة الاختبارات ع الابواب ريما:الحمد لله الله يوفقنا ام نواف:اللهم آمين..مثل نواف ياحياتي مجتهد وآخر ترم له يعني بيتخرج وبعدها راح ازوجه ان شاء الله<<لازم تذكر نواف ريما وهي بينها وبين نفسها ياربي معقولة نواف كذا بيطير من بين يديني وانا افكر فيه طول السنين الي فات...وقطع تفكيرها صوت العمة نورة.. العمة نورة:ماشاء الله بتزوجونة عساكم لقيتوا له بنت الحلال؟ ام نواف:من زمان بس ماراح اوقلها لك اخاف تخطفينها لفيصل وهي تضحك وتطالع ريما العمة نورة:لاوش نخطبها خلي نواف يقول بتزوج ويصير خير.. ام نوف (زوجة طلال):الا على فكرة ترى بنتجمع بعد الاختبارات عندنا باستراحتنا الي في الثمامة ام ريما:والله استراحتكم تهبل ومن زمان عنها وتوسع الصدر ام نوف:خلاص اجل ان شاء الله العزيمة في الاستراحة عندنا العيال طلعوا يلعبون كورة بالحديقة(كان فيه ملعب في بيتهم بما ان بيتهم عيال يعني مافيه بنات اكيد البيت بيطلع ولادي100%)نواف لابس ملابس الهلال والفنيلة حقته رقم 9 سامي الجابر<<يموت فيه بشكل جنوني نوف طلعت تكلم بالجوال بالحديقة وبالصدفة شافت العيال يلعبون وراحت تركض للمجلس علشان تقول لهنوف وريما نوف:يالله بنات قوموا معاي الحين بالنات:وين؟ نوف:العايل يلبعبون برى وناسة الهنوف:اخوي فيصل يلعب معاهم..؟ نوف:ايه قومي خلينا نضحك عليهم.. هنوف:بروح اضحك عليه واشفي غليلي منه ريما:هههههه وش ذي غليلي طالعة من قلبك بس مابي اطلع نوف:بلا سخافة قومي فيه مفاجائة(فيه واحد منهم لابس لبس الهلال ولا بعد رقمة 9 ساميو) ريما:قمزت احلفي سامي آه ياقلبي عليك ياسمسم<مجنونه في سامي هنوف:هههههههههه يالله بلا دلع قومي مو علشاني علشان سامي ريما:بقوم بس علشان سامي ههههههههه لبسوا البنت جلال وجلسوا على الطولة والكراسي يشوفون العيال وهم يلعبون طا1111111رت الكورة وضربت راس نوف نوف: آآآآآآآآآآآخ ياراسي من ذا الوقح الي رماها علي؟ محمد:هههههههه آسف والله مدري انا الي رميتها بالغلط عليك يانوف نوف:ولا لك وجهه تعترف بعد؟ محمد ميت ضحك عليها هو وريما وهنوف معصبه بشكل خطير محمد:يالله اعطيني الكورة يانوف. نوف:ماراح اعطيك بعدين تعورني مرة ثانيه؟وبعدين اذا ماعطيتك اياها وش بتسوي؟ الشباب عصبوا:يالله انت وياها بسرعة بنكمل العب عبد الرحمن (اخو نوف): اقول نوف اعطيه اياها<معصب منها نوف خافت:طيب طيب بس انا بشوتها نوف جت بتشوتها وتطيح ع الارض ويضحكون عليها ريما قامت من الكرسي:انا بعطيكم اياها وترميهابقوة وضربت صدر رجل نواف ريما تقول وش ذا الحظ؟ نواف:عاشت والله ريما الهلاليه الهنوف:ياهوة بعد يعرف انك هلالية والله خطير نواف ريما مبسوطة ع الاخر الحمد لله مانسى اني هلاليه ولابعد يحب العب نفسه سامي وش ذا الصدفة سجل فيصل اخو هنوف هتدف والبنات يصرخون وخلصت المباراة 1/0 لفريق نواف وفيصل ضد محمد وعبدالرحمن.......سهروا كلهم وبعدين الكل راح لبيته جت الاختبارا11111111111ت الكل مشغول عن الثاني وشاد حيله الا فيصل كان يشتغل في شركة خالة فهد ابو ريما خلص دراسته كان إداراة اعمال..نواف آخر سنة لانه الترم الثاني جاء وكملة في الرياض بعد ماكن في امريكا.. خلصت الاختبارات ابشركم ريما11111 نجحت وجابت الاولى <<ثاني علمي امها وابوها فرحانين مررة ابوها شرى لها ساعة رولكس الماس ذهبيه هدية نجاحها.. امها شرت لها جوال جديد كان نفسها فيه قبل الاختبارت.. الكل نجح :هنوف+نوف+محمد+عبدالرحمن وابشركم نو111111111ف نجح وتخرج من الجامعة.. |
رد: $قصة ريما ونواف قصه رومنسيه سعوديه$
هاذي المره ماراح اكمل لين تكتبوا رد
|
رد: $قصة ريما ونواف قصه رومنسيه سعوديه$
ا الله حبيبتي كمليها انا في انتظارك صرحه روعه متحمسه عاد انا يا الله حبيبتي كمليها نوني
|
رد: $قصة ريما ونواف قصه رومنسيه سعوديه$
عاد اموت في قصص الحب يا الله كمليها عشان اقوال قصه عندي روعه
|
رد: $قصة ريما ونواف قصه رومنسيه سعوديه$
الف شكر
|
رد: $قصة ريما ونواف قصه رومنسيه سعوديه$
هههههه من عيوني قلبوا
|
رد: $قصة ريما ونواف قصه رومنسيه سعوديه$
تفضلوا
الجزء الثاني الفصل الثاني : : : بعدما انتهت الاختبارت كانت في عزيمة عند العم طلال وزوجتة العنود<ام نوف> في الاستراحة كانت روعة الاستراحة كبيرة بشكل.. وكلها حدائق وفيه قسمين كبار للحريم والرجال.. ريما سوت تشيز كيك فراولة واخذته معاها وجايبه تورتة من باسكن روبنز بمناسبة النجاح.. لبست ريما بنطولون جينز برومودا وبدي سماوي سيور وفوقة جكيت جينز قصير الى نص الصدر وعقد على الرقبة الي كانه اكثر من سلاسل مجموعه بعقد واحد وطويل وجزمة وانتم بكرامة سبور سماوي بابيض..وميك آب نعوم جلوس وكحل داخل العين لونه ازرق <<روعة الحريم في المجلس وسوالف وحالتهم حالة..فجاْة يتصل جوال ام نواف ردت ماطولت ابتسمت وعلى طول سكرتها..وقالت مباشرة ريومة انتي وهنوف ونوف عمكم سعود يبي يسلم عليكم ويبارك لكم بالنجاح روحوا له بالمجلس عند الرجال... البنات لبسوا جلال ودخلوا كان فيه ابو ريما وابو نواف وابو عبد الرحمن<عمهم طلال..ومحمد وعبد الرحمن ونواف وفيصل.. البنات:السلام عليكم الكل:وعليكم السلام ابو نواف:ياهلا ومرحبا بالبنات الف مبروك النجاح يبة ريما والبنات:الله يبارك فيك ابو ريما:الف مبروك نوف وهنوف تستاهلون نوف وهنوف:الله يبارك فيك عمي+خالي..جلسوا البنات وعمهم طلال يسولوف عليهم ونصايح علشان لازم يشدون حيلهم السنة الجاية ثالث وبعدين قالت ريما: ريما:عن اذنكم محمد وطُير عيونه..نواف يضرب كتفه ويبتسم له ..محمد تفشل ابو نواف:وين ريوم مابعد شبعان منك..!! ريما انحرجت وماتدري وش بتقول ابو نواف:تعالي عندي ريما جت وجلست جنبه قام نواف وقال شباب يالله خيلنا نطلع بالحديقة ونترك البنات على راحتهم(رحمهم متغطيات طول الوقت اشكالهم تكسر الخاطر هههه)وطلعوا العيال ابو نواف:ماشاء الله ياريما كبرتي وصرتي عروس نوف جلست تناظر الهنوف وحسوا ان ريما انحرجت<<البنت على طول تستحي حيويه بمعنى الكلمة ابو ريما يبتسم دق جوال ريما وطلعت خالتها ندى ريما(الحمد لله الي فكيتيني من ذا الموقف ياندو) ريما:عن اذنكم بكلم خالتي الهنوف ونوف:حتى حنا يالله مع السلامة العمام:اذنكم معاكم طلعوا البنات وريما تكلم ندى جلست شوية عند المسبح وتفكر بكلام عمها بعد ماسكرت من خالتها.. وهنوف ونوف على طول دخلوا لما كانت ريما تكلم خالتها واتركوها على راحتها برى..وجت بتدخل واول مافتحت الباب ويطلع في وجهها محمد وقف ولا تحرك ريما جلست تطالع فية وانصدمت ليش مايتحرك وعلى طول تغطت هو تفشل وطلع ومو مصدق (ياربي وش فيني انا هذي بنت عمي كيف اطالعها كذا..وش بتقول عني؟ بس انا ماصبر اشوف كل ذا الزين وانا ساكت) ريما(ياربي عليه وش ذا الطول..مملوح بشكل ..بس نواف احلى منه) البنات كانوا جالسات في الصالة عند رورتانا خليجية وريما جتهم تركض نوف:وش فيك؟ ريما:يالله طلع في وجهي محمد ..وشافني نوف:احلفي؟كيف؟متى؟وين؟ وش قالك؟ هنوف:شوي شوي على البنية كل ذا بتجاوب عليه نوف دنقت وتفشلت ريما:فوفو حبيبتي وش فيك ارتبكتي يوم قلت لك لا يكون نوف:وشو بعد؟ هنوف:مدري عنك ..تعالي بالله وش فيك.لايكون تحب نوف:لا عاد انتي وياها ان الخبلا الي اجلس معاكم وقامت ريما مسكت يدها:فوفو لاتعصبين وش فيك اليوم صايرة كبريت هنوف:خلاص حبيتي لاتزعلين وانا اسحب الكلام الي قلتة نوف:ياويلكم تفكرون في الخرابيط هذي مرة ثانية ريما:ههههههه خلاص ولايهمك هنوف:ابشري يافوفو ريما بنات انا جت كيكية عشان النجاح تعالوا عند الحريم نقطعها ونحتفل نوف:والله انك خطيرة ياريوم هنوف:الله لايحرمنا منك ومن كيكاتك ريما:هذا الي همك بطنك هنوف:ههههههه ذكري ربك ريما:ماشاء الله هههههههههه راحوا البنات عند الحريم والبزارين معاهم والكل يبارك لريما ع النجاح وعقبال الدكتوراة..ٌطعوا الكيكة وقالت ام نوف:وراكم ماتذوقون الرجال من كيكية النجاح ريما:ايوة صح..خلاص بقطع لهم انا جيبة كبيرة ريما هي وهنوف يقطعون للرجال والعيال نوف انا بوديهم اوكي بعطي اخوي عبد الرحمن يعطيهم راحت نوف ولبست جلال وكان الباب قزاز يعني تشوف الي برى في الحديقةوكان عبد الرحمن ومحمد جالسين يسولفون وكان واضح ان عبد الرحمن متحمس معاه ومحمد كان يتكلم في موضوع جاد ومهم (نوف ياربي وش يتكلمون فيه اكيد شيء مهم)وطلعت وسمعت محمد يقول محمد:ياعبد الرحمن تعرف وش معنى احبها وربي احبها عبد الرحمن:طيب هي تدري؟ محمد:لا وش بيعرفها؟ عبد الرحمن:تبيها تدري عن الموضوع؟ محمد:كيف؟ يابو الافكار؟ عبد الرحمن: علشان تعرف منهو عبد الرحمن ..بس اسمع هذي الفكرة بخمس مية ريال هههههه... محمد:خلاص لك الي تبغى بس وش الفكرة.؟ عبد الرحمن:اقول لاختي نوف تقولها ريما ونوف مثل الخوات واسرارهم عند بعض نوف وقفت في مكانها ونزلت دموع من عيونها لاشعورياً نوف ونبرة صوتها حادة ومعصبة:عبد الرحمن تعال عبد الرحمن:بسم الله جبنا سيرة القط جانا ينط محمد:هههههههههههه نوف(وتضحك بعد احر ماعندي ابرد ماعندك):عبد الرحمن تعال اخذ هذا للرجال عبد الرحمن:وش ذا؟ نوف:من ريما بمناسبة نجاحها ونجاحنا محمد يوم سمع اسم ريما التفت وجلس يطالع في نوف. نوف(بسم الله عليك شوي شوي )وهي تناظر لمحمد عبد الرحمن:ياهلال بالحامل والمحمول محمد:ههههههههههه دخلت نوف وهي معصبة وراحت فوق في غرفتها(كان بالاستراحة بيت صغير وفيه غرفه لها ولاخوها عبد الرحمن ولامها وابوها)شافتها هنوف وهي تكبي..وبسرعة راحت تركض وراها على طول نوف قفلت الباب.. الهنوف:نوف وش فيك؟افتحي الباب نوف وهي تبكي بحرارة:مافيني شي بس تعبانة هنوف:طيب افتحي الباب نوف:خليني براحتي هنوف:كيف اترك وانتي كذا اقولك افتحي الباب ولا بعلم امك نوف:لاتعلمينها بشيء تكفين وهي تصرخ:اتركيني هنوف راحت تركض لريما وريما كانت جالسة عند امها الهنوف دخلت وكان وجهها متغير ودنقن وهمست باذن ريما:ريما قومي معاي نوف تصيح بغرفتها وتقول لاتقولون لاحد ريما:طيب يالله اصعدي قبلي علشان مايشكون الحريم راحت الهنوف ريما:عن اذنكم ام ريما: وش فيكم؟ وش فيها هنوف؟ ريما: لابس آآآآ امم أه ه ه<تخربطت ام نواف: اتركيها يام ريما تعرفين اسرار البنات ام نوف:ههههههه صادقه تلاقينهم عندهم سوالف ريما وهي مستعجلة:يالله عن ذانكم صعدت ريما ولاقت هنوف جالسة بالصالة لحالها ريما:هاه بشري وافقت تفتح الباب؟ هنوف:لا ولا فيه امل ريما:طيب انا بوريك كيف بتفتح؟ ريما وراحت لغرفه نوف وتطق الباب ريما:نوفه حبيبتي انا ريما افتحي لي نوف:حرا11م عليكم اتركوني خلوني براحتي ريما:انتي الي حرام عليك الي جالسة تسوين فينا هنوف:بالله افتحي طيحتي قلوبنا .. نوف صرخت:اتركوني هنوف:يعني مو بفاتحة الباب يانوف؟ نوف:لا ريما غمزت لهنوف ريما:آآآه بطني الحقوني..بموت آآآي الم فظيع هنوف:ريما بسم الله عليك وش فيك بروح اكلم خالي فهد نوف على طول فتحت الباب:ريما وش فيك؟ ريما:صا111111دوة هنوف:هههههههههههههه نوف يوم شافتهم كذا يضحكون جلست عند الباب تبكي ريما:افا وش فيك عيوني فوفو هنوف:يمة وش فيك ..وش قالوا لك العيال؟انتي من رحتي لهم ورجعتي جلستي تبكين ريما:ماعاش من يخلي فوفو تبكي...تكلمي ريحينا نوف لاشعورياً:والله احبه.. نوف:محمد محمد ياريما ريما: وش فيه؟ نوف:محمد يحبك ريما مو مستوعبة الي تقوله نوف:انتي وش جالسة تخربطين؟ هنوف:نوف شوي شوي وفهمينا وش عرفك؟ نوف جلست تقولهم السالفة....وهي تبكي ريما مصدومة ماقالت ولا كلمة هنوف:طيب يانوف ليش ماقلتي له قبل انك تحبينة؟وبعدين ليش ماقلتي لنا؟ نوف:مدري والله مدري <جلست تبكي هنوف:وانتي ياريما وش رايك؟ ريما ساكتة وفي حالة سرحا11ن هنوف:ريما نحن هنا ريما:هاه هنوف: وش رايك بالسالفة ريما:نوف حبيبتي لازم نتعرفين اني مافكر فيه..واعتبرة اخوي الي ماجبتة امي..والله كنت اتكلم معه وسولف على اساس اني معتبرته اخوي ماكنت اعرف انه يفكربشيء ثاني..حبيبتي انتي لازم تمسكين نفسك..وتمسكين فيه لان حبك مايروح كذا لازم تصارحينه بالوقت المناسب..ولازم تحببينه فيك فاهمتني.. هنوف:لازم توصلين له انك تحبينه باي طريقة .. ريما:وبعدين مابي اشوف دموعك مرة ثانية..وياجبل مايهزك ريح يالله الحين اضحكي ابي اشوف ابتسامتك.. هنوف:ياحظي هذي تحب وهذيك تحب وانا ياربي اشكثر اعا111111ني محد احبه ولاحد يحبني نوف:ههههههههه ريما:ايوه كذا فكيها..يوه(قمزت من مكانها)نسيتوني التشيز كيك يالله بسرعة خلينا نقطعها مع العصير هنوف:ريوم ليش ماتخلينه بعد العشاء نوف:ايه الحين ماكلنا الباسكن ريما:يالله اجل قوموا ناكل الباسكن ونتعشاء هنوف:ايه صح تراني على لحم بطني ريما:اهئ <شهقت من شوية جالسه تتقهوين وتاكلين نوف:ههههههههههههه هنوف:ريوم وش فيك علي ريما:الي قاهرني انك عصلا نحيفة يابسة مالك بطن هههههههههههه ماشاء الله لاله الا الله عليك نزلوا البنات وكن شيء ماصار تعشوا وبعد العشاء راحت ريما تقطع التشيز كيك واعطت الحريم العمة نورة:عقبال ماناكل كيكه زواجك ام نواف:آمين ريما دنقت راسها قطعت ريما للرجال وارسلتهم مع الشغالات ابو عبد الرحمن:الله وش ذا الحركات تشيز كيك ابو ريما:ايه هذا ريوم مصلحته ابو نواف:ماشاء الله عليها فنانة مطبخ ابو ريما:اكيد مايحتاج هذي بنتي الله لايخلني منها فيصل:الله على بنتك ياخالي ياليت كل يوم تنجح علشان تذوقنا هالكيكات نواف:هههههههههههههههه ابو ريما:ريوم مابتقصر هههههههههه محمد:ماشاء الله روعة التشز كيك عبد الرحمن:ياليت نوف يايبة تتعلم منها ابو عبد الرحمن:خلاص بنخلي ريما تعطيها كورسات فيصل:وخلو الهنوف معاها تتعلم الكل:هههههههههههههه نواف غص في الاكل من سمع طاري هنوف ابو نواف:بسم الله عليك قوم اشرب ماء يبة محمد:ايه اكيد اعجبة التشيز كيك الكل:ههههههههههه نواف(الحمد لله الي ماحسوا فيني) سهروا البنات وكانت ندى كل شوي تتصل على البنات هنوف :ريما تكفين حطية سبيكر بنسمع سوالفها الي مثل العسل نوف:ايه والي يسلمك ريما:طيب ريما:هلا وغلا باحلى خالة بالدنيا ندى:الو؟انا؟شكلي غلطانة..مو هذا جوال ريما فهد ال..... البنات:هههههههههههههههههه ندى:ريموه وجع فشلتيني سكري السبيكر ريما:لا بس البنات بيسمعون سوالفك.. ندى:منهم؟ ريما:هنوف ونوف ندى:اها11 اشوى احسبهم ناس ثانينين ندى:هالو صابايا.. البنات:هالو ندو<اسم الدلع ندى:ياحياتي انتم تعلمي ياريموة منهم كيف الكلام الزين البنات:هههههههههههههه ندى:الا تعالوا انا زعلانه منكم. هنوف:ليش يالغالية كل شيء ولا زعلك ندى:طيب ماعلية تتجمعون ولا تعزموني نوف:يوة ماجت على بالنا اعذرينا ندى:هههههههه لابس امزح هنوف:ندى تكفين بنتجمع لنا يوم معاك ندى:انا ماعندي مانع بس عندكم البخيلة ريموة ماتعزم ريما:حر1111111م عليك يالظالمة ندى:ههههههههه خلاص بنات وش رايكم بعد بكرى عند ريما البنات:خلاص اوكي ريما:ماشاء الله اشوفكم عزمتوا انفسكم؟ ندى:ماقولكم انها بخيلة ريما:هههههههههههه امزح والله حياكم الله بتنوروننا ندى:اوكي اشوفكم على خير...سي يو... البنات:هههههههه سي يو وبعدين جلسوا الى الساعة 2 باليل ورجعوا لبيوتهم هههههه قطعت عليكم الحماس |
رد: $قصة ريما ونواف قصه رومنسيه سعوديه$
هذي المره ابغا اشوف الردود
|
رد: $قصة ريما ونواف قصه رومنسيه سعوديه$
الجزء الثالث
الفصل الاول : : : بعد يومين تجمعوا البنات وندى عند ريما...وام ريما كانت في بيت خوالها عند الجدة هيا تزورها.. جوا البنات.. في الصالة جالسات وكانت الصالة كبيرة وروعة الباب قزاز وكبير وفيه جدار يطل ع الحديقة وفي نص الصالة درج كبير والصالة كلها رخام وفيه تلفزيون واستريو كبير مررة والكنبات كلاسيكية وفخمة لونها ذهبي واحمر..طبعاً البنات سوالف وحالتهم حالة وماتركو احد ماتكلموا فيه <طبعاً يالبنات..وقامت ريما:بنات نفسي ارقص وش اسوي؟ نوف:ههههههه خذي اقرب كاسيت وشغلية وارقصي ريما: لاياذكية ابيكم كلكم ترقصون معاي.. ندى:قولي قسم! هههههه ريما:يالله بلاسخافه نبي نستانس هنوف:يالله ياريوم انتي حطي روتانا خليجية وانواع الرزفةههههه ريما حطتها ولقت اغنية الشاكي لحسين الجسمي وكل البنات قاموا يرقصون وندى جالسة تصفق وتقوم ريما وتسحب يدها وتجرها ورقصت رقص هبال والبنات ضحك بعدين خلصت الاغنية نوف:ريما تكفين عاد الحين حتى انا ابي ارقص تحمست طيب جيبي اشرطتك ريما:عندي طقاقات ون111111سة تبونهم؟ ندى:من شاور ماعطى ههههههه هنوف:هههههههههههههه نوف:حرام عليكم كل شي ولا ريوم ريما:ياعيني ع الماصلح نويفه ههههه نوف:طيب الشرهه مو عليك علي انا الي ادافاع عنك!! ريما وراحت باستها من جبينها:اسفة ياقلبي انتي لاتزعلين كم نوفه عندي؟ نوف:يالله بسرعة لايكثر كلامك نبي طقاقات ريما:ابشري ..جابت طقاقات وحطت اغنية بصوت الطقاقات(لو ماتبيني لسعد الفهد) ورقصوا عليها ونا1111111سة وبعدين(فاهمني ولا لا) (قوة قوة) وانواع الحركات جلسوا يرقصون.. ندى:آآآآة ياريما رجولي تقطعوا من كثر الرقص ريما:يابنات انا ماضربتكم على يدكم وقلت تعالوا رقصوا معاي هنوف:الله اكبر عليك يابنت خالي من شوي بتبكين عشان نرقص ريما:هههههههههه صبايا تعالوا نرسل السواق يجيب لنا آيسكريم من باسكن روبنز<نقطة ضعفها باسكن نوف:اية ياعمري ابي ستروبري ندى وهنوف:توفي ريما:لا تقلدوني انا توفي ندى:ياشيخة اقول روحي بس حتى حنا نبي توفي مو مكتوب باسمك ههههههه ريما:ههههههه امزح والله.. ندى:اكيد تمزحين انا خالتك الكبيرة هنوف:الله والكبر بينكم سنتين ههههههه ندى وتضرب هنوف: اسكتي وجع هههههههه طق الباب الساعة 10 باليل راحت الشغالة تفتح الباب ورجعت ومعاها صندوق كبير ومغلف بشرايط فوشي بتفاحي جت الشغالة :مس ريما تيك ذس فور يو!! ريما:طيب مين الي اعطاك اياه؟ ندى:افتحية شكلها من احد المعجبين هههههههههه ريما مالقت لندى بال وجلست تكلم الشغاله:سوما..طيب مين كان فيه عند الباب..؟ سوما الشغالة:مس ريما انا فيه شوف ذس بوكس عند الباب مافيه احد هذا فيه نزل وروح .<<اصلح مترجمة هههههههههه ريما:اوكي ثانكس نوف:ياحركا1111ت انتي بسرعة افتحي ابي اشوف وش السالفة ريما:كانت متوترة ياربي مين هذا؟ هنوف:اكيد بتلاقين جوا الكرتون كرت ومكتوب عليه اسم صاحبها ريما فتحت الكرتون وطلع فيه دبدوب كبير لون ابيض وكانة ماسك صندوق ذهبي فتحت ريما الصندوق ولاقت ديوان الشاعر خالد الفصيل بوسطة وفيه علبة شاكلت من باتشي وفيه كرت روعة لونه فوشي وفتحت وجلست تقراها مكتوب عليه: الى غاليتي ريما: الف مبروك النجاح وعقبال الدكتوارة وهذي هدية بسيطة بمناسبة نجاحك وانا عارف انك تحبين القصيد وحبيت تقرين ديوان خالد الفصيل خالك:تركي.. ::: ريما ياحياتي ياخالي تروكي آه ياقلبي وتلوموني في حبه ياقلبي هو ندى:ياعيني اخوي رومانسي هنوف:ماشاء الله ذوق نوف:والله انه روعة ريما:ندو تكفين قبل لاتطلعين ذكريني ابي اعطيك شيء لتركي اوكي؟ ندى:وشو؟ ريما:وش دخلك.؟ ندى:طيب ياريموة ريما:ندى انا عارفة انك بتفتحينها قبل لاتعطينة اياها بس ابي اقولك ياطويلة العمر هذي هدية بمناسبة نجاحة عبارة عن عطر وقلم.. تعشوا البنات واتصلت العمة نورة ام هنوف ع بيت ريما العمة نورة:الو؟ ريما:هلا وغلا عمتي هنوف: ياربي الحين تقول ارسلت لك فيصل تعالي ندى:لا ياربي تو الناس الساعه 11 نوف:ماعليك يابنت الحلال ريما الحين بتحاول فيها العمة نورة:ريومة شخبارك؟ ريما:بخير انتي كيفك؟ العمة نورة:والله بخير ياحياتي..ريومة قولي لهنوف تتصل على فيصل يمرها وهو جاي لانه طالع برى البيت ريما:لا ياعمتي تونا تكفين العمة نورة:يكفي مامليتوا من بعض؟ ريما:كيف امل من خواتي العمة نورة:الله يخليكم لبعض ريما:آمين..عمتي شوفي بتصل علية ومتى ماجاء يمرها العمة نور:لا بس فيصل مايرجع الا بعد الفجر اذا كان عندة مباراة ريما:طيب هي مو عند احد غريب في بيت خالها العمة نورة:خلاص ياريوم سوي الي تبينه بس خلي فيصل يمرها يالله مع السلامة ريما:مشكورة...ومع السلامة ريما جتهم وقالت لهم السالفة.. هنوف: ريوم بالله اعطبيني جوالك جوالي مافيه شحن بتصل على فيصل ريما: طيب خذية..واعطتها اياها هنوف:ياربي من ذا الولد كل ماكلمة مشغول نوف وندى وريما:هههههههههههه هنوف:اقول ريما انا بروح للحما وانتوا بكرامة حاولي فيه لعلى وعسى يرد ريما:ياسلام واذا رد؟ هنوف:لا ماعليك الحين بيجلس ساعة مو براد..وبعدين انا مابطول ريما:طيب..راحت هنوف الحمام..اتصلت ريما وعلى طول رد فيصل.. فيصل:الو؟ ريما:ا مساء الخير فيصل:مساء النور والسرور مين معاي<<مغزلجي(نواف كان معاه في السيارة)نواف ضرب فيصل:عيب ياولد خلك ثقيل ريما:فيصل كيفك؟معاك ريما فيصل:ريما بنت خالي فهد يامرحبا يامرحبا نورك غطى ع الكهربا ريما:هههههههه لا بس حيت اقولك ان عمتي نورة تقول ياليت لو تمر هنوف عندنا متى مافضيت.. فيصل:والله ياريما انا عندي مباراة ومو فاضي لهنوف ذي وماراح اخلص الا الساعة 3 الفجر وفشلة امرها عندكم ثلاث ريما:طيب خلاص انابوديها مع السواق معليش؟ فيصل:خذي راحتك الهنوف اختك هههههههههه ريما:يعني تبي الفكة منها فيصل:ههه شفتي كيف والله انك ذكية والبيب بالاشارة يفهم ريما:اوكي اجل يالله مع السلامة فيصل:مع السلامة نواف:عيب عليك ليش ماتمر اختك فيصل:خلها تولي فاضي لها انا وراي مباراة وبعدين كل يوم عند ريما ماصارت.. نواف:والحين مين بيوديها؟ فيصل:ريما اعطتني حل انها توديها مع السواق الله يجزاها خير نواف:ماشاء الله هذي ريما متربية عدل!! فيصل:ايو الله خالي فهد عرف كيف يربيها ولا تنسى هي دلوعته نواف:ايه الي مخبرها دلعها عمي مايرضى عليها فيصل:بس البنت ماشاء الله خوش بنت نواف:ايه ماشاء الله ريما قالت للبنات وش قال فيصل هنوف:طيب يافيصلوة والله انك ترفع الضغط ندى:خلية واذا جيتي البيت اذبحيه بردي كبدك ريما:طيب بروح اكلم عمتي واقولها لان ماتدري مين بيوديك ريما اتصلت على العمة نورة وقالت لها ..والعمة نورة عصبت من فيصل الي يبي الفكة منها العمة نورة تتصل على فيصل فيصل رفع جواله فيصل:الله يستر الشرطة تتصل نواف:وش تقول انت؟ فيصل:لا ههههههه امي تتصل نواف:ههههه اقول تراك فشلتنا انت وذي النغمة(حاط نغمة الدوريات خخخخخخ)هاوشته العمة نورة وهو ساكات وبعدين سكرت السماعة وعادي وكان شيء ماصار عندة ماخذ الدنيا ايزي... وصلت ريما نوف وهنوف لبيوتهم مع السواق والشغالة<ماتركب لحالها..وراحت ندى قبلهم بشوي ويما اعطتها الهدية لخالها تركي.. في سيارة فيصل: فيصل:اقول نواف خلينا نروح نشرب قهوة في احد المقاهي نواف:صاحي انت طالع الساعة كم؟الساعة 12 ونص فيصل:عادي يابن الحلال احس راسي يعورني مشتهي قهوة تصحصحني!! نواف:والله مضرة عليك انت مدمن عليها وبعدين فيها منبهات واحنا آخر اليل فيصل:اقول ياسعادة المهندس فكنا من ذي النصايح وامشي معاي نواف:يالله شكوي الى الله.. نزلوا في احد مقاهي في شارع التحلية فيصل طلب موكا..نواف طلب عصير ليمون<ياعيني ع الصحة نواف ويرن جواله وطلع برى المقهى ساعة يكلم ورجع فيصل:كان مارجعت يابن الحلال كان نايم بالشارع!! نواف:هههههههههههههههه فيصل:وتضحك بعد تصدق انك سخيف؟ ومن ذي الي تكلمها؟ نواف:حرام عليك دايماًنيتك شينة وش ذي هذا واحد مو وحدة فيصل:طيب ليش قمزت يوم كلم وطلعت برى؟ نواف:ياطويل العمر هذا جاسم صديقي القطري كان يدرس معاي في امريكا وهو يكلم من قطر ...ومشتاق له بالمرة.. فيصل:اها وانت كل يوم مكلكم واحد..امس خليقة الاماراتي وخالد الكويتي وجورج اللبناني نواف:ههههههه ياحليك حافظهم.. فيصل:اقول ليش مانروح انا وانت زيارة نفر دول الخليج كلها عند اصدقائك نواف:ليش لا ..والله مافيه اكرم من هل قطر والامارات والكويت فيصل:اقول نواف وانت في الجامعة فيه بنات خليجيات؟ نواف:ايه كثير فيصل:ياحظك ياخي ..وطيب مافيه كذا ولا كذا نواف:الحمد لله والشكر انا مو راعي هذي الخرابيط؟؟ فيصل:والله امزح طيب حلوات؟ نواف:اكيد يكفي انها خليجيه وبحجابها طالعه قمر.. فيصل:ياعيني طلعوا العيال وكان عندهم مباراة الساعة 1ونص تخيلوا؟ ههههههههههه<رايقين طبعاً اتصل العم سعود ابو نواف وكان عازمهم في المخيم الكبير الي بالبر ويبون يجلسون 4 ايام وريما حالتها حالة تجه وتضبط....وكريمات ومساكات ...وقالت للبنات كل وحدة تمر السوبرماركت وتشتري معدات الرحلى تبسات وتشاكليت وعلوك وفشار وكل شي هنوف تجهز العاب ورقة(بلوت)منوبولي وانو<<رايقة نوف راحت تشتري مجلات و تشبسات والحوسة وش بيصير بين ريما نواف؟ محمد راح يعرف بمحبت نوف له؟ |
رد: $قصة ريما ونواف قصه رومنسيه سعوديه$
يالله حمآآآآآس
عايشه الجوؤ ههههههههههههه كملي يابطه بنتظاآآآرك ياريت بسرعه >>>طراره وتشرط خخخخخخ |
رد: $قصة ريما ونواف قصه رومنسيه سعوديه$
ثواني بقراها وبرد
|
رد: $قصة ريما ونواف قصه رومنسيه سعوديه$
الجزء الثالث
الفصل الثاني : : : جأء وقت الطلعة للمخي.الرج اتفقوا يتجمعون عند محطة البنزين الي على طريق المخيم لما يكتملون ويمشون سوا (راح ابين لكم ترتيب السيارات ومن فيها) ابو ريما>ام ريما+ريما+الشغالات2 ابو نواف>ام نواف+الشغالات نواف>محمد+العفش والحوسة حقت الرحلة العم طلال>ام عبد الرحمن+عبد الرحمن+نوف+مها الصغيرونة فيصل>امه نورة+الهنوف+عبد الله الصغير+الشغالة تجمعوا ونزلوا الرجال يعبون بنزين لان المشوار طويل ريما راحت عند ابوها وطلبته يركبون معها نوف وهنوف وافق وراح للعمة نورة وقالها وافقت ونزلت معاه هنوف وراح ابو ريما وقال للعم طلال وافق تركب معاهم نوف تجمعوا البنات في سياراة ابو ريما ونا111111111111سة ريما ع النافذة الي وراء ابوها ونوف بالوسط وهنوف وراء ام ريما والشغلات بآخر شي كانت سيارتهم جمس.. ريما:بنات والله فرحانة نبي ننام بالبر يا111111111ي هنوف:اجل انا خايفة يمة!! احس راح يصير لنا مثل افلام الرعب نوف:ههههههه مأثره فيك mbc2 ريما:هههههههه اكيد 24 ساعة مقابلتها هنوف:لا بجد وربي تراني خوافة<الاعتراف بالحق فضيلة ريما:يبه فهودي ممكن تشغل لنا ذا الشريط ابو ريما:تامرين يالغالية اعطيني اياه ريما:اعطتة وكان شريط رابح صقر (سهرتنا اليلة خلوها صباحي) والبنات جلسوا تصفيق وتصفير وام ريما وابو ريما يضحكون عليهم في سيارة نواف محمد:نواف طالع البنات اشكالهم في سياراة عمي فهد يرقصون نواف:وش تقول احلف؟ محمد:لا مايرقصون بس منسجمين مع الاغنية اسمع كيف عمي مطولها ع الآخر هههههههههههه نواف:عمي هذا راح يخرب بنتة مدلعها دلع محمد:اكيد بنتة الوحيدة نواف:اقول ليش عبد الرحمن مايجي معانا محمد:ياليت تكفى خلة يجي نواف اتصل على عمة طلال وافق وقف سياراتة وركب عبد الرحمن معاهم وراء وجلسوا سوالف طول الطريق في سياراة ابو نواف ابو نواف:اسمعي يام نواف الله الله بريما لازم تقربينها من نواف ام نواف:بس ريما طبعها حيوي على طول تستحي ولدك هذا مايعطي وجهه ابو نواف:عاد سوي الي عليك..وانا منى عيني اشوف ريما ونواف في بيت واحد ام نواف:والله ريما بنت طيوبة ويابخت نواف اذا بياخذها وصلوا المخيم ع الساعة 8 باليل ..وكان فيه مخيم كبير للرجال مكيُف وقزاز وكنبات والقسم الثاني جلسة عربية ع الارض ..وغرفتين وبيت شعر..ومثل كذا مخيم الحريم ومطبخ صغير وانتوا بكرامة حمامات.. اولاً تعشوا وبعدين تقهوا وكلن في قسمة طبعاً من التعب الكل نام ماعدا الشباب والبنات ريما:بنات اسمعوا بنسهر للفجر بنشوف شروق الشمس يا11ي منظر روعه نوف:ياعمري والله الرومانسية ذابحتك هنوف:اقول حرام عليكم انا خايفة مافية الا احنا تخيلوا بيطلعون لنا جن وش نسوي؟ ريما بدت تخاف بس مابينت لهم:اقول فكينا انتي وسوالفك الفاضية نوف رمت حصى(حجر) على ظهر ريما ..<تحب المقالب ريما صرخت :واي يمة جني وجلست تركض ماحست بنفسها الا ضربت نواف الي من سمعها قمز يبي يشو ف وش السالفة ريما ماعليها جلال ولا طرحة بس جمدت في مكانها وطاحت ع الارض..وجلست تصيح نواف رحمها وراح لاقى جلال في سيارتة حق امة واعطاه اياها وهو منزل راسه بالارض..ويوم تغطت قالها وش فيك ريما؟ ريما:لا بس ا وسكت نواف: وش السالفة تكلمي؟وراك تصارخين؟ تجي نوف وشافت نواف.. وريما على الارض جالسة نوف:هلا نواف نواف:وش السالفة نوف؟ نوف: مفية شي يستاهل..بس احنا جالسات لحالنا وهنوف تتكلم عن الجن وريما كانت خايفة موت وانا رميت حصى (حجر)على ظهرها وقمزت وجلست تصارخ تحسبة جني نواف:ههههههههههههههههههههههههه هههههههههه طلعتي ياريما خوافة ريما:لا مو انا الي اخاف من الجن.. نواف:طيب وش تفسرين تصرفك؟ ريما سكت نواف حس انه احرج ريما: بنات ليش ماتنامون نوف:هههههههه بنسهر اليوم الست ريما تبي تشوف (وتضربها ريما)وسكت نواف:كملي وش بتشوف ريما نوف:بتشوف شروق الشمس ريما تحب الاجواء الرومانسية نواف:اها11111111 . (وش ذي بنت عمي نفس الي احبه تحبة يعني الشعر والميول الرياضية وحتى المنظر الي اتلذ وانا اطالعه شروق الشمس تحبة؟).. نواف:ماشاء الله واضح انك ياريما رومانسية..يالله اجل انا رايح للشبا مع السلامة ريما حلست تهاوش نوف ..ونوف وهنوف ميتات من الضحك آذن الفجر وكان عبد الرحمن الي يذن صوتة حلو وصلوا البنات والعيال.. هنوف:بنات انتم مو جوعانين؟انا ميتة جوع ريما:كلن على همة سرى وانا على همي سريت هههههههه نوف:والله انا بدء الجوع يدخلني هههههههههه ريما:طيب انا وكرماً مني انا ريما بنت فهد راح اسوي لكم سندويتشات مع العصاير امي شرت امس عصاير اوكي وش قلتوا؟ هنوف:سيري ياريوم ونحن من ورائك دخلت ريما المطبخ هي والبنات وجلسوا يسولفون ويضحكون ويزينون سندويتشات كثير(جلسوا ساعتين بالمطبخ الي يشوفهم يسون ذبيحة) وخلصوا بعدين ريما قالت:هنوف اتصلي على اخوك خلي يسأل العيال اذا يبون حرام اكيد جوعانين نوف:طنشيهم احنا نصلح وهم ياكلون هنوف:صادقة نوف ..وش نبي فيهم احنا خير تعمل شراً تلقى ريما:ياسخفكم حرام عليكم هم مايقدرون يسون مثلنا يالله عاد كلمي تكفين!!الحين انا جالسة اصلح لكم وانتم تسون فيني كذا؟ هنوف:طيب لاتزعلين ياريوم ابي اكلم وامري الى الله هنوف:الو فيصل؟ فيصل:بسم الله الرحمن الرحيم..وش تبين انتي حتى في البر لاحقتني؟ هنوف:ماقلت لك ياريما اسمعي وش يقول اخوي فيصل:ليش وش دخل ريما بالموضوع؟ هنوف:لابس هي سوت سندويتشات مع عصيرات وطلبتني اني اكلمك وتسال الشباب اذا هم يبون..بس انا قلت ان ونوف وش تبين فيهم هذولا ناس ماعندك احد ههههههههه..مايقدروننا!! فيصل:لاتخربين البينة خليها تدلعنا ..وبعدين لاتسألون مرة ثانية اذا عندكم اي شيء ينوكل جيبوه اوكي؟باي فيصل قال للشبا الموضوع محمد:والله بنت عمي خطيرة عبد الرحمن:آه بس ونوف وهنوف السخيفات يبي لهم كف على وجيههم علشات بتأدبون ههههههههه فيصل:يالله قوم خيلنا نكفخهم ههههههههههههه نواف ساكت ولا علق على الموضوع (والله اني اعتبرها مثل اختي هذي ريما بنت طيوبة بس شكلي ظلمتها يوم قلت انها مغرورة!! ولازم اعاملها زين) جابت هنوف السندويشات والعصيرات واعطتهم فيصل الشباب يحمدون ربهم الي فكروا البنات يعطونهم ..محمد كان مبسوط ع الاخر لان ريما هي الي مصلحتهم.. البنات بعد ماكلوا وكانت الساعة 5 ونص الفجر طلعت ريما برى عند صخرة وجلست عليها وتطالع فوق كان الجو خيال والشمس بتطلع..نواف كذا طلع من الشباب وجلس فوق سيارتة ويتأمل في السماء كان المنظر روعة مع الجبال يا111ي <<انسجمت طلعت نوف وهنوف عند ريماوخربوا عليها الجو وجلسوا يضحكون عليها ويتريقون وريما :اوة منكم هنوف:يالله ابي انام حرام عليكم دايخة موت نوف:يالله ريما نبي ننام ريما:ياسخيفات احنا طالعات نبي نبسط مو ننام هنوف:ياربي منك طالعي الساعة كم 6 نوف:الحين تقوم امي وتهاوشني ماتحب السهر ريما:اوة طيب يالله ننام ودخلوا ينامون الشباب كلهم نايمين الا محمد كان يفكر انه بكرى خلاص بيقول لريما كل شيء عن حبه لها مايقدر يصبر اكثر من كذا..طفح الكيل..وراح ينام وهو مبسوط انه بكرى راح يصارح ريما بالموضوع |
رد: $قصة ريما ونواف قصه رومنسيه سعوديه$
الجزء الرابع
الفصل الأول : : : صحوا الحريم الساعة 8 مع البزارين الصغار وصلحوا قهوة مع تمر وفطور لهم ولرجال طبعاً ماكان احد صاحي من الشباب والبنات لانهم توهم نايمين .. ام ريما راحت بتقوم ريما بس الشغالات قالوا لهم انهم ماناموا الا الساعة6 الصبح .. جت الساعة 11 صحت ريما وراحت وكانت لابسة بنطولون جينز في ورد اسفل البنطولون لونة ابيض وبلوزة لونها أبيض هاذي الي موديلها يجي تربط على الرقبة ولابسة ربطة شعر ازرق و كاب بناتي لونة ابيض العمة نورة:ريما وش مصحيك ..هماكم نايمين 6؟؟ ريما وهي تبستم:لابس انا شبعت نوم ام عبد الرحمن:ارجعي نامي وش شبعتي ام نواف: يالله يمة كذا تتعبين ام ريما:لا بنتي واعرفها اذا قامت مارترجع تنام ريما وهي تبوس راس امها:شفتوا كيف امي فاهمتني!! الحريم يضحكون الله لايحرمكم من بعض!! افطرت ريما وبعدين جوا مها وعبدالله الصغار مها:ليما معليث تلوحين معانا تلعبين انا طفثت من عبودي(ريما معليش تروحين معانا تلعبين انا طفشت من عبودي) عبودي:اية يالله ليما نبي نلعب كولة انتوا البنات فليق وانا فليق لحالي لاني ولد يالله قومي معانا(اية ريما نبي نلعب كورة انتوا البنات فريق وانا فريق) العمة نورة:اتركوها توها صاحية من النوم ..وبعدين هي كبيرة ماتلعب معاكم مها:يالبي انا ذعلانه منكم وانتي ياليما لاتكلميني ذعلانه منك(انا زعلانه منكم وانتي ياريما لاتكلميني زعلانة منك) عبودي:وانا كمان ريما:راحت وباستهم لا ياقلبي انتوا لاتزعلون انا ماحب اشوفكم زعلانين يالله قوموا نلعب كورة<تحب الاطفال لان ماعندها اخوان صغار عبودي:يس ثكرا(شكراً) مها:انا احبك ياليما مللة(احبك ياريما مررة) عبودي انا بلوح البث ملابث الكورة(انا بروح البس ملابس الكورة) ريما:حتى انا بروح البس تعالي مهوية معاي ريما كان عندها ملابس الهلال (ترينغ سبورت) وكان الرقم وراء ظهرها" 9 "سامي الجابر" وراحت لبست ريما مها شورت وبلوزة حفر ورفعت شعرها وربطته بشريطة زرقاء وراحت تلعب معاهم كان فيه ملعب مسوينه العيال قريب من مخيهم وراحت تلعب معاهم ..العيال كانوا كلهم نايمين الا نواف وفيصل لانهم الكبار وعيب يرتكون الرجال لحالهم.. نواف طلع بيشرب ماء وشاف ريما تلعب مع الاطفال وهو يقول بينة وبين نفسة مين ذي ياربي؟ مو هنوف !! يمكن نوف ..لما التفت ريما وشاف الرقم9 قال:اية بس هذي ريما بنت عمي مافيه وحدة هلالية وتحب سامي غيرها وجلس يطالعها وهو مبسوط (ماشاء الله عليها شكلها تحب الاطفال ولا كان مالعبت معاهم والحين الظهر وحر..ياحليلها فنانة بالكورة..جسمها حلو وشعرها ) نواف كان لابس بلوزة صفراء ومكتوب عليها ماركة ديزل بالاحمر وبنطولون جينز لونه رمادي ولابس نظارات لونها فضي <<خطير ريما سجلت هدف وراحت باست مها الصغيرة (مسكينة ماتدري ان نواف يطالعها)وبعدين زعل عبودي الصغير وقال لازم اسجل هدف ريما رحمته وخلتة يسجل هدف وجلس يسوي حركة السهم حقت ياسر القحطاني وريما تضحك عليها لفت انتباهها نواف جلس يصفق بقوة لعبودي لاشعورياً (نواف يحب عبودي بالحيل) ريما شافتة تفشلت وجلست تركض عند الحريم وجهها لونه احمر من الفشيلةودخلت على البنات وكانوا نايمات البنات وهم نايمات كانت اشكالهم: نوف رجلها على خشم هنوف ..وهنوف كانت تحضن وسادتها وشعرها منكوش <اشكالهم خطيرة هههههههه ريما جلست تفكر ياربي نواف جالس يطالعني والله ميتة من الفشيلة..الحين وش بيقول عني هذي ولد مو بنت!! وش اسوي يارب انه ماطول وهو جالس يطالعني..او يارب انه ماعرفني... ريما حاولت تنسى السالفة وراحت تصحي في البنات ولا فية امل.... طلعت عند الحريم وصلت الظهر وتغدت معاهن وراح تصحيهم مرة ثانية ولافية امل..جلسوا يسولفون..جت الساعة 4 العصر وصحت نوف نوف طلعت للحريم وعيونها متورمة من النوم: السلام عليكم ام نوف:وش ذا نوف؟ كل هذا نوم وتاركين ريما لحالها ريما:ههههههههه نوف والله شكلك تحفة وانتي صاحية من النوم العمة نورة:ياربي من هنوف متى بتصحى روحي ريومة صحيها ريما راحت تصحيها ورمت عليها مويا وصحت<مافية طريقة الا كذا نومها قوي ههههههههه هنوف وهي طفشانة عند الحريم:السلام الحريم ميتين ضحك على هنوف الي ماغيرت ملابسها طالعة لهم بالبجامة خخخخخخ العمه نورة:هنوفوه وجع؟ هنوف:بسم الله الرحمن الرحيم..يالله صباح خير!! ريما:قولي يالله مساء خير العمة نورة:قومي غيري ملابسك كيف تطلعين لنا كذا هنوف وش فيها يعني انا طالعه عند امي وحريم خوالي؟ العمة نورة:اقول روحي غيري احسن لك هنوف:طيب طيب كل شيء ولا الغالية لاتزعل علينا الحريم:ههههههههههههههههههههه البنات جلسوا يتقهون وياكلون ويسولفون ام نواف:ريوم حبيبتي عساكم جايبين مسجل واشرطة نوف:افا1111 عليك خالتي كيف تحلى الطلعة بدون مسجل؟ ام ريما:هههههههه كان بنتي ريما تموت بدون طقاقات العمة نورة:هههههههههههههههههه ام نوف:ماشاء الله بنات هاليومين ياحبهم للرقص ام نواف:والله نبسط لما يرقصون..اليلة لازم ترقصون وحتى انا ابي ارقص معاكم تعرفون انا بعدي شباب!! ريما:صدق خالتي !!اجل والله بتحلى الرقصة ام نواف:تسلمين لي حبيبتي .............................. .................... ........... آذن المغرب صلوا البنات وبعدين قامت نوف من مكانها نوف:بنات يالله خلينا نتمشى شوي ريما:اصبري بعدين.. هنوف:تونا يابنت الحلال خليها الساعة 10 نوف:مابي ابي الحين ترى بروح لحالي ريما:روحي هنوف:انتبهي لاياكلك الذيب هههههههههه ريما:هههههههههههه نوف:اعطيني صورتك هنوف علشان اذا شافها الذيب يهرب من الخوف ههههههه ريما:هههههههههههههههههههههاي هنوف اخذت علبة الكلينكس ورمتها على نوف وطلعت نوف برى المخيم تمشي كان برى محمد ينتظر ريما تطلع (مسكين جالس ساعة ونص ينتظرها)فجأة طلعت نوف بوجهه .............................. .................... ...... ياترى وش بيصير ؟ محمد وش بيقول لنوف ؟ نوف بتعترف لمحمد ؟ نواف راح يحب ريما ؟ وهنوف يتركها ؟ |
رد: $قصة ريما ونواف قصه رومنسيه سعوديه$
يله انا بكمل بكره باي
|
رد: $قصة ريما ونواف قصه رومنسيه سعوديه$
يالله روعه القصه تحمست والله كأني اتفرج يالله كمليها يا حلوه تخيلي بنات عمي جالسين معي يقروان القصه هههههههههههههههههههههههههههههه الله يعطيك العافيه كمليها باي
|
رد: $قصة ريما ونواف قصه رومنسيه سعوديه$
قلبي انا اتظرك بكره انا بطلع باي مشان العيد عيد سعيد
|
رد: $قصة ريما ونواف قصه رومنسيه سعوديه$
ههههههههههه مشكوره قلبي الله يسعدك دخولك رائع
|
رد: $قصة ريما ونواف قصه رومنسيه سعوديه$
وسعدك كمان انتي يا دلوعه بس ها لا تنسين تكملين القصه نواف وريما +محمد نوف تدرين ليش تحمست احب القصص العاطفيه وخطيبي اسمه محمد عاجبتني القصه نوف ومحمد يالله يارب تحقق الي بالي وبالك يادلوعه هههههههههههههههههههههههههههههه ههههههههههههههههههههه باي انا انتظرك
|
رد: $قصة ريما ونواف قصه رومنسيه سعوديه$
اوك ياقلبي بكملها ياروحي
|
رد: $قصة ريما ونواف قصه رومنسيه سعوديه$
#44 (permalink) 08-23-2007, 10:42 AM
الجزء الرابع الفصل الثاني : : : طلعت نوف ولاقت محمد نوف (ياربي وش يبي!!)..محمد كان معاه كيس صغير لونة احمر واضح انه حق هدايا وهو مسوي هديه لريما..نوف شافت الكيس وفي باله الف سؤال وسؤال؟!! نوف:مساء الخير محمد!! خير وش عندك واقف عند مخيم الحريم تبي شيء؟ محمد بارتباك واضح:هلا فيك مساء النور..ا لابس كذا واقف نوف: اها1111 بس شكلك تنظر احد!!تبي اناديلك امك؟ محمد:لا لا لا..بس ريما بتطلع؟ نوف لاشعورياً جلست تصرخ عليه:قل من الاول انك تبي ريما..حرام عليك يامحمد تدري ان ريما ماتبيك والله العظيم ماتحبك ياخي انت وش فيك عليها تراك طفشتنا ..وريما ماتفكر فيك تعتبرك مثل اخوها ياخي افهم انت..حرام عليك عذبتني..وهي تتلكم كانت تصيح وصوتها واضح انها تصيح محمد كان مصدوم من كلام نوف يالله ريما تعتبرني مثل اخوها؟وانا اموت فيها واتمنى اتربط فيها!!ونوف وش فيها علي؟ ليش تبكي وانا وش سويت فيها؟ طلعت هنوف وريما بيتمشون مع نوف وشافوا المنظر نوف تبكي وهي تكلم محمد ..ومحمد واقف ولاهو فاهم السالفة... هنوف:ريماشوفي اكيد قالت نوف لمحمد..!!!!!! ريما:اقول وش فيها تبكي بسرعة خلينا نروح نشوف الموضوع هنوف:يالله بسرعة جت ريما وهنوف عند محمد ونوف نوف:هذي ريما يامحمد يالله كلمها وانا بروح والله تعبت.. ريما وهي تمسك يدها:مابتروحين لمن افهم الموضوع هنوف:وش السالفة يانوف تكلمي؟ نوف:ذبحني محمد ياناس محمد:انتي وش جالسة تقولين فهميني؟ مسك يد نوف بقوة نوف:اتركني..ابعد يدينك عني..ريما محمد يحبك وجايب لك هدية علشان يكون عربون المحبة ..راحت نوف وتركت ريما مصدومة هي وهنوف..ومحمد الي مادري وش فيها انجنت؟ ريما وفي صوتها الجدية:محمد.. محمد:هلا؟ ريما:محمد ابيك تسمعني بس لو سمحت بدون ماتقاطعني..محمد انا آسفة على الكلام الي بقوله..بس انا يامحمد تربطني فيك علاقة اكثر من علاقة بنت بولد عمها..انا تربطني فيك علاقة الاخوة وربي اعتبرك اخوي الي ماجابتة امي..واعزك بمعزة الاخوان..انت ماعندك خوات اتمنى تعتبرني اختك وانا ماعندي اخوان واعتبرك اخوي..وانا ماحب الهدايا ولاقبلها من اي احد!! ياليت تتفهم موقفي محمد:انا ياريما اي احد؟؟ريما صدمتيني بكلامك وشكلي تسرعت واخذتني العاطفة بدون تفكير ..ولازم اراجع حساباتي من جديد..وبعدين سكت 5 دقايق..وقال:بس بسألكم وش قصدها نوف بكلمة ذبحتني!! هنوف:انا بقولك السالفة..يامحمد السالفة ومافيها نوف تحبك..بس انت الي ماتدري عن هواء دارها محمد بصدمة:تحبني؟ومن متى؟ هنوف:والله يامحمد من زمان وهي تحبك... كل يوم عن الثاني تجرحها وانت ماتدري ..تحس بالغصة لما تشوفك وانت تناظر لريما..كانت تحسد ريما...ارحمها يامحمد ارحمها....... محمد وهو ساكت مشى وترك البنات وكان مصدوم من الموقف ياربي انا وش سويت بالبنية تحبني؟وريما تعتبرني مثل اخوها بس انا فهمت غلط يالله وش الخربطة ياليتها ريما الي تحبني!! جلس بسيارة نواف ساعة..نواف الي كان مفقتد اخوة ويدورة مايدري وينة؟؟له ساعتين ماشافة؟ نواف:عبد الرحمن..شفت محمد؟ عبد الرحمن:لا والله مدري وينة غط لة غطة واختفى!!! نواف:انا بروح ادوره عبد الرحمن:وانا معاك نواف:لاخلك هنا اخاف الحين الرجال يسالوننا وينكم رايحين؟ عبد الرحمن:اوكي بجلس..بس اذا لقيتة كلمني طمني!! نواف:ابشر.. نواف جلس يدورة وفجأة لقى نور سيارتة مولع..ومحمد جالس فيها وهو في حالة سرحان وتفكير بعمق.. نواف فتح الباب وجلس جنبة..محمد ماكان حاس فيه كان يفكر.. نواف:ياهوة يابو الشباب انا جيت محمد من غير نفس:هلا نواف: وش فيك محمد؟انت مو طبيعي؟ محمد:آآه يانواف انا مصدوم!! نواف:مصدوم؟وش السالفة؟قولي يالله محمد :طيب بقولك بس اوعدني ماتقولها لحد نواف:افا عليك يامحمد انت قد مرة قلتي لي كلام وطلع لبرى؟ محمد:لا والله بس اعذرني تراني جالس اتكلم من غير وعي!! نواف:شكل السالفة خطيرة!؟يالله قولي محمد جلس يقول السالفة لنواف عن محبتة لريما وكيف ريما كانت تعتبرة مثل اخوها..ونوف الي كانت تحبة وهو مو حاس فيها وانه صدمها اليوم..بعدين خلصت السالفة وجلس يطالع بوجه نواف..يبي يشوف تعابير وجهه.. الي ارتسمت على وجهه ملامح الغضب!!محمد كان خايف من ردة فعل نواف!! نواف:محمد تصرفك غبي!!كيف تحب ريما؟حرام عليك البينة هذي اعتبرها مثل اختك..البنية صغيرة وهي مالها اخوان وتعتبرنا مثل اخوانها..عيب عليك الي جالس تسوية..وبعدين شف حتى هي قالت انها تعتبرك مثل اخوها..فاهم !!الحين لما ريما تعاملك معاملة زينة هذا شي طبيعي ولاتفسرة شي ثاني يعني مثل ماتعامل هنوف اخوها فيصل ونوف اخوها عبد الرحمن..حنا انا وانت صحيح محرومين من نعمة الاخوات وريما كذلك محرومة من الاخوان..بس عوضتنا هي الاخت واحنا بنعوضها بالاخوان..فاهم!!البنت تعتبرنا اخونها111111.... محمد:طيب ونوف؟ نواف:هذي عاد مالي علاقة بالموضوع..يعني العواطف والمحبة راجعة لك انت بس حبيت اقولك شغلة..فكر زين قبل ماتسوي اي شي بخصوص نوف..يالله انا بروح للرجال تعال معاي محمد:لا بجلس شوية مع نفسي نواف:براحتك يالله فمان الله محمد:الله معاك محمد(والله انا تسرعت بريما..ونوف انا ظلمتها معاي) البنات كانوا جالسات برى المخيم ويهدون بنوف علشان تسكت ريما:يالله فوفو..انا خلاص فهمت محمد الموضوع واني اعتبرة مثل اخوي هنوف:وانا بعد قلت له خبر روعة..بس اعطيني البشارة!! نوف:وش قلتي له بسرعة؟ هنوف:قلت له ياطويلة العمر انك تحبينة..يالله ابي البشارة نوف وهي معصبة:ليش تقولين له؟انا خلاص ماعاد احبة كرهتة..والحين يحسبني ميتة علية هنوف:ليش؟وش فيك قلبتي علية؟ ريما:اتركيها هنوف خليها براحتها(ريما كانت عارفة ان نوف تموت على محمد بس تكابر ) هنوف:يالله قوموا انا جوعانة بسرعة ابي اروح اتعشى ريما:وانتي كل تفكيرك بالاكل؟ هنوف:اذكري الله..ياربي انا الخبلا الي اقولكم اني جوعانة نوف:هههههههه يالله كلنا بنروح نتعشى... راحوا البنات وتعشوا وجلسوا مع الحريم سوالف وضحك.. جابت ريما المسجل والاشرطة وجسلت ترقص هي والبنات على اغنية(حمام جانا مسيان)بصوت الطقاقات وناسة والحريم يصفقون لهم(على فكرة ريما احلى رقص فيهم) طبعاً الرجال يسمعون المسجل لان الصوت كان عالي ويسمعون التصفيق.. ابو عبد الرحمن:والله انهم فالينها هالحريم ابو نواف:خلاص اجل بكرى احنا راح نعرض نسوي(سامري) ابو ريما:والله فكرة ممتازة خلاص اجل بكرى كلنا راح نعرض! العيال كانت آذانهم مع الحريم ومنسجمين ودهم لو يرقصون<شباب آخر زمن[ فصيل ومقصر صوتة:نواف ياحظهم يرقصون..ابي ارقص نواف:طيب بكرى ابوي يقول بنسوي سامري فيصل:ايه بس انا ابي ارقص مابي سامري نواف:ههههههه طيب وش الحل؟ فيصل:انا اقولك!!بتصل على هنوف اذا ناموا الرجال وتجيب لي المسجل والاغاني نواف:صاحي!! فيصل:ايه وبكامل قواي العقلية..ياخي خلينا نبسط ونكمل مراهقتنا ههههههههه نواف:ههههههههههههههههههه عبودي الصغير جاي طاير وجلس عند الرجال خواله وهو طفشان.. ابو ريما:وش فيك عبودي زعلان؟مين مزعلك وانا بهاوشه؟ ابو عبد الرحمن:طيب وين مها ماتجي تلعب معاك؟ عبودي:يالبي منها هنوف هاوثتني تقول اطلع بلى انت ولد عيب القث للحليم(ارب منها هنوف هاوشتني وتقول اطلع برى انت ولد وعيب الرقص للحريم). الرجال كلهم يضحكون عليه وعلى كلامة.. ابو نواف:هههههههههههههه ابو ريما:ههههههههههه..طيب وريما ليش مادخلتك؟ عبودي:ليما تبي تدخلني بث هنوفوة ذي ماتبيني ادخل ..وبعدين مو حلو لقث هنوف وع لقث ليما احلاهم وانا احبها ملله..بس هي تلقصث مع مها وتلكتني وانا ذعلان منها(ريما تبي تدخلني بس هنوفوة ذي ماتبيني ادخل وبعدين مو حلو رقص هنوف وع..رقص ريما احلاهم وانا احبها مررة بس هي ترقص مع مها وتركتني وانا زعلان منها) الكل يضحك عليه هههههههههههه ابو ريما:خلاص ولاتزعل الحين بكلم ريما علشان تدخلك معها وترقص وياهم عبودي:احلف..ثكراً ياخالي احبك ملة(شكراً ياخالي احبك مرة) ابو ريما:الو هلا ريما!! عبودي:خالي حط ثبيكل ابي اثمعها لو ثمحت(خالي حط سبيكر ابي اسمعها لو سمحت) ابو ريما:هههههههههههههه طيب من عيوني(حط سبيكر) ريما:هلا وغلا ومرحبا بالغالي ابو ريما:هلا فيك..ريما وراك ماتدخلين عبودي زعلان منك يقول تحب مها اكثر مني ريما:لا ياحياتي زعلان مني فديت قلبة..لا بس هنوفوة هذي فشلتة وقالت له يطلع..بس ماعليك منها خلة يجي وانا بدخلة ابو ريما:طيب يالله ..سلام ريما:هلا.. جاء عبودي وجلس يرقص معاهم وهو مبسوط وهنوف طفشانة منه لانه كسر كلمتها وفشلها عند الرجال.. بعدين يوم جت الساعة12الكل نام الرجال والحريم(علشانهم يقومون بدري) والبنات جالسات هم والعيال الكل في قسمة..... فيصل قر يتصل ع هنوف علشات تجيب له المسجل والاشرطة<يحب الطقاقات هههههههههه فيصل عند نواف ومحمد وعبد الرحمن فيصل:الو هلا هنوف..هلا بالغالية هنوف:ياربي منك قلي وش تبي؟ فيصل:ماشاء الله عليك من وين جايبة الذكاء هذا؟ هنوف:منك اكيد انت اخوي الكبير ههههههههههه فيصل:هنوفه حبيبتي ممكن طلب؟ هنوف: من وين لك هلالسلوب و كل هالذوق؟ فيصل: منك يالغالية هنوف:هههه وش تبي بسرعة؟ فيصل:ابي المسجل حقك والاشرطة هنوف:نعم نعم؟ وش تبي فيها؟ فيصل: وش فيك؟ نبي نرقص يعني وش نبي فيه بنصور معاه؟ هنوف:عيب عليك الرقص للحريم اليوم جالسة اهاوش الصغير والحين تجيني انت يالكبير..واخزياه بس منك!! فيصل:اقول شلون يعني بتطعيني اياه ولا لا؟ هنوف:لحظة لحظة بسم الله علي وش فيك عصبت؟اول شي المسجل مولي لريما والاشرطه لها بعد!! فيصل:الحين جالس ادلعك وحالتي حالة وبالأخير مو لك اقول اقلبي وجهك وقولي لريما تعطينا اياه؟ هنوف:ريما الشباب يبون المسجل والاشرطة معليش؟(وهي تهز براسهاريما قولي لا تكفين <مقصرة صوتها) فيصل سمعها:انتي وش دخلك في البنت خليها توافق..وبعدين قولي لها بكرى بتمشى فيكم اذا وافقت هاه وش قلتي؟ هنوف:تقولك ريما اذا الدعوى فيها تمشي اوكي دقايق والمسجل عندك فيصل:بعدي والله بنت خالي هنوف:هيه هيه حتى انا جالسة اقنع فيها انها توافق بس هي رافضة ريما باعلى صوتها:كذا111111111بة فيصل:هههههههه عارف انها كذابة يالله هنوف جيبي المسجل جابت هنوف المسجل والاشرطة واعطته اياها طلعوا العيال برى وجلسوا يرقصون برى المخيم علشان مايزعجون الرجال وهم نايمين والبنات طلعوا يشوفونهم بس العيال مانتبهوا لهم نواف حلو رقصة...فيصل احلاهم رقص مغطي ع الكل..محمد فنان بالرقص وعبد الرحمن مايعرف يرقص هههههههه البنات جلسوا تعليق عليهم وضحك بعدين ريما كانت دايخة لانها صاحية بدري تستنى الفجر لما يذن علشان تنام جت الساعة 4 وصلت الفجر هي والبنات ودخلوا ينامون ..طبعاً البنات ماناموا على طول جلسوا سوالف الى الساعة 5 وريما كانت ميتة على نواف ورقصة وبس تمدح فيه والبنات يضحكون عليها..وكانت فرحانة انا بتمشى بكرى ونا111111سة.. ريما:يالله بنات ناموا علشان بكرى نتمشى!! هنوف:صدقتي فيصل انتي..يكذب عليك ريما:لا ماتوقع الرجل عند كلمتة هنوف:الا فيصل ههههههههه ريما:اقول فكينا ماعلي هو قال بنتمشى يعني بنتمشى نوف:صح!!! والله الا اجننة لمن نتمشى ريما:خلاص يالله انا دياخة ابي انام حرام عليكم فيني النوم!! نوف:اصبري شوية بنسولف هنوف:ريما يالله قومي ولاترى بكب عليك مويا مثل ماسويت فيني امس... ريما: وش عليكم صاحين العصر وانا الساعة11 ياحياتي يانا تصبحون على خير بس.. ريما نامت وهنوف ونوف ماناموا الا الساعة8 جالسات يسولفن بعدين لما صحوا الحريم على طول ناموا خايفات منهم<الذلة بنت حلال |
رد: $قصة ريما ونواف قصه رومنسيه سعوديه$
--------------------------------------------------------------------------------
الجزء الخامس الفصل الاول : : : هذي الية الاخيرة وبكرى الكل راح يروح لبيتة..!! ناموا البنات....وجت الساعة 11ونص الصبح ومها وعبودي طفشانين ويروحون يدخلون ع البنات ويقومون ريما..ريما تحب الاطفال مرة وهم يحبونها.. مها:يالله ليومة دومي طفثانين انا وعبودي(يالله ريومة دومي طفشانين انا وعبودي) عبودي: بثلعه دومي نبيك تلعيب ويانا(بسرعة قومي نبيك تلعبين ويانا) ريما:طيب..طيب روحوا وانا بغيرملابسي وبجيكم اوكي.؟! مها وعبودي:يس! ريما غيرت ملابسها ولبست..تنورة برمودا(جيشي لونها زيتي وبيج وزهري)وتيشرت زيتي وبنهايته كمر..ولفت شعرها ولبست كاب جيشي<<علشان الشمس..وجزمة سبور(وانتوا بكرامة) وشاعة الستيك حقها جيشي وبيت الساعة لونه زهر<شكلها ناعم طلعت للحريم وجلسوا معاها وافطرت ولعبت مع مها وعبودي<هي الوحيدة الي تعطيهم وجه ام نواف:ريومة حبيبتي قومي سلمي على عمامك عمك سعود مشتاقة لك ريما:بس أخاف العيال عندة!!وانا استحي منهم ام نواف:لا كلهم نايمين بس انتي روحي.. ريما:طيب (اخذت معاها جلال للاحتيط) دخلت ريما على مجلس الرجال وكان فيه عمامها وابوها ريما:السلام عليكم الكل:وعليكم السلام ابو ريما:هلا والله بنيتي من زمان عنك تعالي عندي.. ريما باست راس ابوها وجلست عندة:والله يابية مشتاقة لك ابو نواف:وشلونك ريومة؟عسا انبسطتي بالرحلة؟ ريما:ايوة الحمد لله المخيم مرة روعة ابو نواف:الحمد لله انها اعجبتك ريما استحت ابو عبد الرحمن:ريما وش اخباركم؟وين البنات مانشوفهم.؟ ريما:انا بخير والبنات ياعمي نايمات ماناموا الا متأخرين ابو عبد الرحمن:طيب انتي وش مصحيك ابو ريما:بنتي ماتحب تنام كثير!! ابو عبد الرحمن:اية احسن لك ياريومة..اكيد علشان تحافظين على رشاقتك ههههه ريما:ههههههههههه صح كلامك!! دخل نواف:السلام عليكم الكل وعليكم السلام.. ريما قمت واقف:عن اذنكم ابو نواف:لا لا خليك معانا ريما:لا عمي انا مشغولة ابو نواف:لاتزعليني خليك جالسة جلست ريما.ونواف لاحظ ان ريما مستحية منه نواف جاء وسلم عليهم ولاحظ ان ريما مستحية منه طول الوقت ساكتة ابو نواف:وراك ماسلمت على بنت عمك.. نواف:هاه كيف الحال ريما ريما:بخير الله يسلمك..عن اذنكم..طلعت ريما وهي تفكر بنواف وش ذا الحظ كل يوم تشوفة!! جت اسلاعة 1 الظهر وتغدوا الحريم والبنات بعدهم نايمات وراحت ريما صحتهم وماقاموا الا الساعة 2 ريما:بنات مستعدات اليوم بنتمشى!! هنوف:ههههههههه ياحليلك ومن يبي يمشيك؟ ريما وهي متفاجائة:اكيد فيصل اخوك هنوف:ياقلبي انتي اتحداك اذا يوديك فيصل ريما:لا هو قال امس واكيد بيتمشى فينا نوف:ان شاء الله جت الساعة 4 والبنات متحمسات لان فيصل قالهم العصر بتمشى فيكم.. ريما:هنوف اتصلي على فيصل خلية يتمشى فينا.. هنوف:طيب!! هنوف: هلا فصولي فيصل:هلا فيك خير وش عندك؟ هنوف: شكلك نسيت بس بذكرك اليوم بتمشينا صح ولا لا؟ فيصل:اية ..بس اعذروني مقدر هنوف:اهئ اهئ <<شهقت الحين احنا حالتنا حالة مستعدات وانت تقول بكل برود مقدر فيصل:اقول اقلبي وجهك ماني بفاضي لك.. هنوف:طيب ريما تقول تكفى يافصيل ياولد عمتي فيصل:قولي لها تعذرني مشغول هنوف:الله اكبر وش عندك توقيع هالصفقات ولا وشو؟ فيصل:يالله سلام!! البنات طفشوا.. هنوف:هه قلت لكم فيصل وانا اعرفة ريما:ياربي منة والله يرفع الضغط نوف:ياحياتي ياهنوفة كيف متحملته؟ هنوف:الله يصبرني هههههههههههه طلعوا البنات للحريم الي كانوا برى جالسات وهنوف جلست بالغرفة تحط ميك آب خفيف نواف سأل فيصل وش السالفة والقلة عن الموضوع وان هنوف من امس مطفشتة على التمشية(نواف استغل الفرصة عشان يشوف هنوف) نواف:طيب انا بتمشى فيهم فيصل:احلف نواف:ههههههه وش فيك مو على اي شي يحلف به فيصل وراح حب راسة:بعدي ولد خالي هلحظة بكلم هنوفوة نواف:خخخخخخخخخخخ فيصل اتصل على هنوف وانبسطت بالخبر وافقت ..هنوف وبعد تفكير(انا وافقت علشان ريما تنبسط وتشوف نواف.بس انا ماراح اروح وياهم اخاف نواف يطيح كلمة وريما تتضايق ..بقولهم اني تعبانة ولا لي نفس)<شفتوا كيف قلبها طيب!! راحت قالت للبنات وفرحوا كثر وخصوصاً ريما الي كانتب بتطير من الفرحة.. راحوا البنات يلبسون عبايتهم..هنوف جالسة تضحك عليهم ريما:هنوفة وش فيك ماتلبسين عباتك؟ هنوف:هاه!!! ريما:اقول حبيبيت وش فيك ناتلبسين عباتك هنوف:والله مالي نفس اطلع واليوم ماجلست مع الحريم والحين امي بتسمعني محاضرة محترمة..ابي اروح اجلس وياهم نوف:براحتك جوا مها وعبودي طايرين للبنات:ي ثرعة نواف لكب ثيالتة(يالله بسرعة نواف ركب سيارتة) ركبوا البنات نوف وريما وراء وعبودي ومها قدام جنب نواف البنات:السلام عليكم نواف:وعليكم السلام مها وعبودي:يالله حلك وث فيك واقف(يالله حرك وش فيك واقف) نواف:الحين انتم يالبنات مو 3 وراكم 2 نوف:لابس هنوف مو جاية نواف بصوت عالي:ليش؟وش فيها؟ ريما:مالها نفس تطلع نواف:طيب هي من شوي متصله على فيصل علشان تتمشى وش فيها؟ريما!! ريما:هلا نواف:اتصلي عليها.. ريما(كانت مقهورة من جوا)ونوف بعد مقهورة من تصرفاتة ريما:الو هنوف..نواف يقول لازم تجين معانا هنوف:والله ياريما مالي نفس وابي اجلس مع الحريم..طيب لحظة خليك بالخط ريما:نواف تقول مالها نفس نواف:اعطيني الجوال نوف(استغفر الله وش فيه ذا مهبول؟) ريما(عصبت) نواف:هلا هنوف ليش ماتبين تروحين؟ هنوف وهي مستغربة:مين؟نواف..لا بس مابي كذا!! نواف:ترى ماراح احرك السيارة ولا راح امشيهم الا لما تجين عبودي :نواف اعطيني الدوال(نواف اعطيني الجوال) عبودي:الو اقول تعالي معانا نواف عثب بثرعة نبي نلوح(عصب+بسرعة+نروح) هنوف:خلاص خلاص بجي يوم جت هنوف ريما:عن اذنكم انا مابي اروح نواف:لاحول وش فيكم انتم اذا جت وحدة راحت الثانية ريما:كيفي!!وتعبانة احس اني مصدعة بروح ارتاح نوف (حست ان ريما عصبت ) هنوف (كانت متضايقة ولا لها نفس تروح وتضايقت لما نزلت ريما) نواف ماهتم ان ريما نزلت بكثر ماهتم ان هنوف ماراح تروح في السيارة الكل ساكت الا البزارين طول الوقت يحكون ونواف مبسوط عليهم نواف:انتي باي سنة هنوف؟ هنوف ومن غير نفس:بثالث ثانوي نواف:ماشاء الله علمي.؟ هنوف:لا ادبي نواف: تحبين القصيد؟ هنوف ياربي وش فيه هذا:لا ماحبة نواف:ليش؟ هنوف:كذا!! نوف:نوا1111111ف احم احم نحن هنا نواف تفشل انه ماعطها وجه:اوة آسف آسف نواف:هههههههه نوف طيب لك ميول بالرياضة؟ نوف:لا بس حبيبتي ريومة الي تحب الرياضة<تبي تطري ريما باي طريقة نواف:اها وسكتوا.. ريما يوم نزلت من السياراة الحريم:وش فيك ريما نزلتي؟وانتي اكثر وحدة متحمسة ؟ ريما:لا بس كذا ام نواف:الحيم بتل على نواف يرجع لك ريما: لا لا خالتي انا كذا مصدعة شوية تعرفين قل نوم ماشبعت نوم ام ريما:ريما روحي كولي لك بنادول شوفيهم بشنطي داخل ريما:طيب ريما يوم دخلت جلست تبكي وتبكي على حظها!!وفجأءة اتصلت ندى عليها على طول ريما مسحت دموعها وشربت مويا على يروح صوتها ندى:من شاف احبابة نسي اصحابة؟ ريما:ههه سلمي طيب<صوتها رايح ندى:ريومة وش في صوتك؟انتي تصيحين؟ ريما آة ياندو لو تدرين:لا وش صايحة انتي بعد بس مزكومة!! ندى:مزكومة بالصيف؟ رما:اية وش فيها اخذت برد المكيف مررة بارد وشربت مويا بارد ندى:آها جلسوا يسولفون ساهة..حتى جوا هنوف ونوف وعلى طول دخلوا لريما الي كانت ميتة ضحك من سوالف خالتها هنوف:اشوى شكلها مو طفشانة نوف:والله هذا نواف مايستاهلها هنوف:يقهر بس تكفين لاتقولين لها شي من الي قاله لي!!!! نوف:اكيد مابي اضايقها.... ريما سكرت الخط والبنات يسألونها ليش ماطلعت وياهم وهي تصرف الموضوع وتسالهم وش صار وهم عادي كل شوي يقولون عادي طبعاً انبسطوا بما نها كانت آخر ليلة والرجال قاموا يعرضون وكان نواف فنان بالعرضة الحريم راحوا يشوفونهم ام ريما:ماشاء الله على نواف الحريم :ايه ماشاء الله ام نواف:بنات وش رايكم فيه<تقصد ريما نوف:خطير والله ولد عمي ههههههههه هنوف:ايه ماشاء الله علية ريما كانت ساكتة وماتبي تتكلم عنة ام نواف:وانتي ريما ريما:ايه واضح انه يعرف للسامري ام نواف (بس كذا ياريما)<بينها وبين نفسها وعبدين عملوا مشوي وباربيكيو وناسة الحريم والرجال طبعاً ريما راحت تبي تعطي الخبز للرجال وطلع عليها محمد الي كان معها صحن مشاوي للحريم ريما:الله جابك يامحمد خذ الخبز واعطه الرجال محمد:ههههههه حتى انتي الله جابك خذي الصحن واعطية الحريم ريما:يعني 1×1 محمد:ايه ههههههههههههه ريما:ههههههههه..يالله عن اذنك محمد اذنك معك..الا ريما لحظة استني ريما خافت:خير؟ محمد:شلون نوف؟ ريما كانت مبسوطة ع الآخر من سؤاله:بخير وتسلم عليك محمد:هههههههههه سلمي لي عليها ريما:طيب وراحت ريما وقالت للنوف الي تفاجئت برود اعصابها ولاعلقت ع الموضوع هنوف وريما مصدومات منها!!! طبعاً ناموا بدري علشان الصبح الساعى7 راح يفطرون ويمشون |
رد: $قصة ريما ونواف قصه رومنسيه سعوديه$
الجزء الخامس
الفصل الثاني : : : طبعاً قامت البنات على صراخ عبودي ومها والحريم كانوا مشغولات بترتيب الاغراض طبعاً جت ام عبد الرحمن تصحيهم على طول البنات صحوا وقاموا من نوهم وغيروا ملابسهم.. ريما كانت لابسة بنطلون بني وتيشرت بيج وساعة فخمة لونها بني..ولفت شعرها باعواد صينية حقت الشعر.. افطروا البنات وهم يسولفون ونوف بس تضحك البنات مايدرون شو فيها على اي شيء حتى ولو كان تافهه بس تضحك ريما:فوفو وش فيك؟مسخنة؟ هنوف:لا اكيد البنت فيها شيء نوف:هههههههههه ريما:نوف وش فيك نوف:هههههههههههه ريما عصبت:اوة وش فيك اقولك تضحيكن؟ نوف:هههههه لابس ريوم مدري وش فيني عجزت اسكت من الضحك..!! هنوف وريما يضحكون عليها.. ريما كانت تعرف تسوق ابوها معلمها السواقة في مزرعتهم ..ريما ويرن جوالها ريما:هلا يالغالي هنوف:ياي ماتستحين منهو الغالي.؟ ريما بتقهرها:والله مشتاقة لك موت هنوف ونوف:وش فيها ذي؟ ابو ريما: وانا اكثر..ريوم تعالي ابيك ريما:خير وش تبي ؟ ابو ريما:لابس ابيك تأخذين المفاتيح حقت السيارة تسوقينها وتخلينها في قسم الحريم علشان امك والشغلات بيحطون الاغراض فيها ريما خافت:طيب يبة ليش وانت؟وش فيك؟ ابو ريما:هههههههه لا ارتاحي مافيني شي..بس عيب ادخل بسيارتي عند الحريم ريما:ياعيني عليك ياذوق..دقايق واكون عندك ريما قالت للبنات. نوف:تكفين ريوم ابي اركب معاك هنوف:طلبتك ريومة ماترديني بنركب معاك هاه وش قلتي؟ ريما بترفع ضغطهم: بس انتم المسؤولات يعني لاصار عليكم حادث لاتقولون ريما هي الي صدمت بنا هنوف:لا لا لا اجل مادام الدعوى فيها حوادث ماني برايحة نوف:ولا انا اهم شيء صحتي وسلامتي..قولي من الاول انك ماتعرفين تسوقين!! ريما:هههههه ياجبانات..امزح عليكم انا ريما بنت فهد ماعرف اسوق افا بس افا تعالوا اوريكم كيف السواقة.. ريما اخذت المفاتيح من ابوها وشغلت السياراة وركبو البنات نوف ورى وهنوف قدام... الشباب بس بقوا عيونهم مو مصدقين نواف:عمي فهد شف بنتك ذي بتسوق!! ابو ريما:اية وش فيها؟ هي فنانة بالسواقة عبد الرحمن:والله مانتي هينة ياريما ابو ريما:هههههه اكيد هذي ريما بنت فهد.. فيصل:يوة هنوف الدبة راكب معاها الحين الله يعن قلبك يافيصل منها الحين بتقول علمني السواقة..اختي تحب التقليدهههههههه.. الكل:ههههههههههههه ريما كانت تسوق وصلت السياراة عند الحريم وركبوا الاغراض واستعدوا الكل ركب سيارتة يعني البنات ماتجمعوا مثل المرة الي طافت في سياراة ابو ريما وهم في الطريق كانت ريما لابسة نظارات روعة عن الشمس وشكلها صاير خطير وهم في اسليارة حالة هدوء فيهم النوم ام ريما نامت وابو ريما ساكت والشغلات نايمات وتجي بالافم ام اغنية خالد عبد الرحمن (ودعت جرحك للأبد.مالك غلا عندي ابد..مرة تجي ومرة تصد حيرتني روح اتبعد راح اعتبر حبك سراب وارتاح من هذا العذاب..) وريما بصوت عالي ريما:يبة تكفى طولها شوية اموت فيها ذي الاغنية..!! باو ريما:طيب! ريما كانت تسمع للاغنية بإنصات ويوم خلصت ريما بصوت واضح:آه ام ريما:وش فيك ريما هذي الاآه طالعة من قلبك ريما بارتباك:لا بس يمة خالد عبد الرحمن اموت علية وعلى اغنيتة ام ريما:هههههههه انتي مافية احد ماتحبينة من المطربين.. ابو ريما:لاعاد خالد غير لاتنسين انة مخاوي اليل يعني بعد شاعر ريما:هههه صح كلامك يبة!! ويوم وصلوا بيتهم ريما اخذت شاور سريع وراحت تنام نومة طويلة من التعب ماحست بنفسها الا مع آذان المغرب ريما:ياربي كل هذا ماحسيت بنفسي وراحت صلت ويوم نزلت شافت جوالها الا مكالمات لم يرد عليها 9 ريما افا وش ذي المكالمات طلعت لكهم من ندى ريما نزلت لاقت الشغالات وسألتهم عن امها قالوا لها راحت بيت ماما هيا<بيت خوالها ريما اتصلت على ندى وهاوشتها ليش ماجت مع امها وجلسوا سوالف الى آذان العشاء وبعدين ارسلت ريما السواق يجيب لها العشاء من برجر كنج... تعشت وجلست على النت من زمان عنة وفتحت الايميل لاقت كلة رسايل من صديقتها رشا اغاني وصور وبطاقات ويوم جت الساعة 11 وامها تناديها نزلت ريما وجلست بالصالة عند امها ام ريما:والله ندى زعلانة عليك ريما:ههههههههه اية يوم كلمتها كانت زعلانة بس رضت ام ريما:تدرين انهم بيسافرون للشرقية ريما:احلفي!! ام ريما:والله وتركي قالي اذا ريما بتروح معانا..علشان يزرون اختي هند وعيالها(كان لام ريما اخت غير ندى بس من امها يعني مو اختها من امها وابوها ..تصير خالت ريما من جدتها..وكان لها ولد وبنت بنتها آخر سنة جامعة تخصص لغة انجليزية واسمها (هيفاء) ولد كبر ريما اسمة(خالد) وهذولا يصيرون اخوان ريما من الرضاعة لان هند خالتها مرضعتها يوم كانت صغيره لان ام ريما كانت تعبانة يوم جابت ريما) ريما:ولله مشتاقة لخالتي وعيالها.. ام ريما:هاه بتروحين؟ ريما:مدري بشاور ابوي.. دخل ابو ريما:السلام عليكم ريما:وعليكم السلام يبة الله جابك خوالي يبون يسافرون للشرقية لخالتي هند وش رايك اروح معهم؟ ابو ريما:كيفك يبة بس ترى احنا بنروح للقاهرة الاسبوع الجاي حجزت تذاكر وكنت ابي اسويها لك مفجأة اعرف انك تحبين مصر ريما:احللف...احل خلاص بروح معاكم للقاهرة ابو ريما:هههههههههه اجل اسمعوا ترى الخميس الجاي بنروح للقاهرة ريما:يس!!راحت باست راس ابوها تسلم لي يالغالي.. ام ريما:ياعيني على المصلحة ريما:لايمة وش مصلحتة الله يخلي لي بابا الغالي ابو ريما:هههههههههههههههه (نوف كانت مسافرة هي واهلها لسوريا) و(هنوف كانت بتسافر لجدة هي وامها وفيصل وعبودي بعد اسبوعين) و(ندى وتركي والجدة هيا راحوا للشرقية جلسوا اسبوع روجعوا لان تركي كان يدرس ترم صيفي) : : : جاء الاسبوع (الخميس) وسافرت ريما للقاهرة وجلسوا 3 اسابيع كانت لهم شقة كبيرة ملك لابوها كل سنة يصيفون فيها..ريما كانت مبسوطة بشكل....!!!رجعوا من القاهرة وكانت العمة نورة لحد اليحن مسافرة طبعاً ريما ماتركت شيء ماشرتة..راحوا اماكن كثيرة ومنتجعات راحوا شرم الشيخ..الغردفة وتمشوا بلاسكندرية.. ويوم رجعوا للرياض. صار عند خوالها عشاء بمناسبة انهم رجعوا من السفر ريما اشترت لخالتها ندى هدايا كثيرة وخصوصاً الجلابيات مثل حقت نانسي عجرم الي باغنية آه ونص وربطة الشعر ..وريما رجعت هي واهلها الساعة 12 للبيت كانت ميتة فيها النوم على طول لغرفتها ونامت الى الساعة آذان الظهر وبعدين صلت وآخذت شاور سريع ورتبت شناطها وملابسها بالدولاب..ونزلت تتغدى مع اهلها.. جاء المغرب وريما كانت تتصفح مجلة بالصالة ويدخل ابوها وكان وجهه اسود ومتضايق وعلى طول جلس بالكنبة الي قبال ريما ام ريما:وش فيك فهد.عسى ماشر.؟ ريما ميتة خوف:يبة وش فيك؟ ابو ريما ساكت ولاكلمة ريما وتنزل دموعها:يبة تكلم وش السالفة؟ ابو ريما:اخوي سعود ابو نواف بالمستشفى ريما :احلف!! ابوريما ساكت ام ريما:لاحول ولاقوة الا بالله وش فيه؟ ابو ريما:مرض القلب الي معاه جتة ازمة قلبية ريما جلست تبكي لان عمها كانت تحبة وتعتبرة مثل ابوها .. ريما:يبة تكفى ابي اروح اشوفة ابو ريما:لا ممنوع الزيارة لا انا ولانواف ولا محمد دخلنا علية ام ريما:انا الحين بروح بيت ام نواف..ريما تعالي معاي ريما وهي تبكي:دقايق بجيب عباتي واجيك راحوا للبيت وكانت ام نواف واختها ام سعد جالسات وام نواف تبكي بحرارة دخلوا ام ريما وريما ويم شافتهم راحت ضمت ام ريما وجلست تبكي..وريما في حالة بكاء شديد.. |
رد: $قصة ريما ونواف قصه رومنسيه سعوديه$
الجزء السادس
الفصل الاول : : : طبعاً لما طاح عليهم ابو نواف..على طول اتصلوا على العم طلال(ابو عبد الرحمن)وام فيصل(العمة نورة) وريما كانت في حالة غير طبيعية كانت متعلقة بعمها مو علاقة بنت في عمها الا علاقة بنت بابوها.. كانت ام نواف تبكي هي واختها ام سعد وام ريما تهديهم وريما تبكي..دخل نواف ومحمد وريما لابسة عبايتها وعلى طول تغطت بالطرحة و دخلوا وسلموا عليهم وجلسوا شوية ويسكتون في امهم ولافية فايدة نواف طلع بسرعة وهو معصب ومتضايق ومحمد جلس عند امة يهديها ويطلب انها تدعي لة....ام سعد راحت لبيتها شوية تجيب لها اغراض لانها بتنام عند ام نواف الية..ام ريما:يام نواف هدي بالك وماينفع البكي ادعي ربك!! ام نواف:والله مقدر غصب عني..وانا ادعي لة وتكفين انك تدعين له ام ريما:افا عليك اكيد بندعي له.. فجأءة دخل نواف عليهم.. نواف:خالتي ام سعد فية.. الحريم:لا راحت وبترجع نواف:طيب ريما لو سمحتي تعالي شوي.... ريما كانت ترتجف من الخوف:نعم؟ نواف:ريما امي ماكلت شي من الصبح وكل ماقلنا لها ترفض وتقول مالي نفس..ريما انا اعرف ان امي تحبك وتعزك تكفين اصري عليها انها تاكل شي.. ريما:ماكلت من الصبح!!خلاص ابشر ولايهمك ماراح تنام الا وهي ماكلة شي نواف:تسلمين..والله يجزاك خير...ومدري كيف اشكرك؟ ريما:لا وش دعوى نواف امك هي امي وانت ماتعرف غلا خالتي عندي.. نواف طلع برى وكان طفشان راح هو ومحمد للمستشفى ريما جننت في خالتها وكلتها غصب عيلها..مع انها ملكت كثير بس ريما طبعها لحوحه وتنشب بالحلق<حلوة تنشب ذي طبعاً لما صارت الساعة 11 راحوا ام ريما وريما بيتهم وام سعد نامت عند اختها... ريما مانامت ابد وكانت طول ليلها تدعي ربها انه يتشافى عمها..ويوم جت اسلاعة 3 الصبح وتصل عنوف على جوالها..وكانوا توهم واصلين والعمة نورة يوم درت بالموضوع جلست تبكي..والعم طلال كان بيوصل بكرى الساعة 9 الصبح ابو ريما تصل عليهم وقالهم عن ابو نواف.. طبعاً جت الساعة 8 الصبح والكل بالمستشفى ابو ريما ونواف ومحمد وفيصل وام نواف الي من طلع الصبح وراحت طوالي ع المستشفى..دخل الدكتور على ابو نواف الي كانت حالتة حرجة وطلع لهم وقالهم مين هاي ابو ريما؟(الدكتور عراقي) ابوريما:انا ابو ريما واصير اخوة خير وش فيك؟ الدكتور:بس ابو نواف يريد يحاتشيك!!تعال معاي نواف:دكتور انا ولدة تكفى بدخل الدكتور:لا حالتة ماتسمح له هو طلب يكلم ابو ريما دخلوا على ابو نواف ولما دخل ابستم له ابو نواف:ابوريما انا ماضمن عمري بس ابي اطلب طلب لاتردني الدكتور:بس ياعم حالتك ماتسمح لك تتلكم اكثير.. ابو نواف:يادكتور خلني اتكلم الواحد مايدري متى يموت خلني ارتاح الله يريحك طلع الدكتور ابو ريما:خير ويابو نواف انت آمرني.. ابو نواف:انا ابي اخطب ريما لنواف وهذي امنيتي تكفى..واذا مت لاوصيك ريما لنواف ابو ريما حزن لكلام اخوة:اكيد يابو نواف تذكر يوم كانوا صغار يوم تقول انها لنواف ابو نواف:تسلم والله ياخوي هذا العشم فيك..وانا اتمنى اشوفهم واشوف عيالهم ..بس وصيتي انك تزوجهم ابو ريما:وش وصيتك محد بيزوجهم الا انت وبعون الله ابو نواف:ان شاء الله..الله يريحك ياخوي مثل مارحتني والله ريما بنتي واتمناها لولدي ابوريما:ونواف رجال وحنا نشتري الرجال.. دخل الدكتور وطلب من ابوريما يطلع لان حالة ابو نواف اصحية ماتسمح له يتكلم اكثر يوم طلع ابو ريما ام نواف:هاه بشر وش قال عساة بخير ريحيني يابوريما ابو ريما:لا مافية الالعافية ويتكلم عادي بس انتم ادعوله نواف:ياعمي والله ندعي له ليل ونهار ابو ريما:يالله يامحمد خذ امك ورح..وانت يافيصل خذ نواف وروحوا محمد:لا عمي انا بجلس عند ابوي نواف:انا ماراح اتحرك الا لما اشوفة ابوريما:ماينفع يايبة تجلسون انتم ماراح تسمح لكم الزيارة الا بكرى واليلة الساعة 10 وبعون الله راح نشوف اذا تعدى مرحلة الخطر ولا لا؟؟ماتنفعة جلستكم ..روحوا صلوا ركعتين وادعوا له احسن من جلستكم هنا ام نواف:صادق عمكم يالله.. الكل طلع,, فيصل اخذ نواف وداه مطعم علشان يفطرة نواف:وش فيك وقفت هنا فيصل:بنفطر؟ نواف:يوة يافيصل مالي نفس ودني للبيت فيصل:اقول بتنزل معي تفهم ولالا؟ نواف:ماني نازل رح افطر وتعال فيصل:اقول الا تنزل وربي الا تنزل حلفت عاد نواف:يالقك انت وشوله تحلف؟ طيب بنزل بس علشان حلفك بس مابفطر فيصل:طيب انت انزل وعين من الله خير.. نواف نزل وفيصل طلب لهم فطور ونواف ماكل وفيصل زعل على نواف واصر علية واكلة غصب علية وضحكة شوية تعرفون فيصل خفيف دم.. يوم جت الساعة 11 ونص الصبح ام ريما وريما راحوا للبيت ام نواف وكانت اعندها اختها ام سعد وام فيصل عمتهم نورة وهنوف وام عبد الرحمن وبنتها نوف كلهم هناك..جلسوا وكان الجو مكهرب الكل طفشان والي يبكي والي يدعي.. يوم جت الساعة 10 وراحوا الرجال للدكتور وطمنهم ان ابو نواف تعدى مرحلة الخطر..وصارت حالة مستقرة بس يحتاج يجلس بالمستشفى يومين نواف انبسط من الخبر وكان ودة يطير من الفرحة ومحمد جلس يبكي من الفرحة وكلموا امهم وكانت تبكي وتقول الحمد لله ريما على طول راحت في حضن ام نواف وجلست تبكي<كان منظرهم يعور القلب..ريما جلست طول الوقت ابي اروح لعمي ..والحت عليهم وتصلت على ابوها وجلست تبكي بالخط وهي تطلبة انها تزور عمها الحين وباوها كان رافض ويوم جلست تبكي وهو مايهون علية يسمع صوتها وهي تبكي وافق ..راحت ريما للمستشفى وهي طايرة من الفرحة مرت محل الورد واخذت بوكية ورد جوري احمر روعة.. طبعاً نواف مصر انه يقابل ابوة هو ومحمد الحوا على الدكتور والدكتور وافق بشرط مايضايقونة.. دخلوا محمد ونواف على ابوهم ..سلموا علية وباسوا راسه وتحمدوا له بالسلامة..وجلسوا عندة نص ساعة وبعدين ابو نواف:محمد لو سمحت ابي نواف شوي!! محمد:خير يبة؟شكلك ماتعتبرني ولدك؟؟ولا اكيد ماني ولدكم نواف:اية لاقينك عند المسجد ابو نواف:هههههه وهو يكح محمد:يبة خلاص لاتضحك تكغى ..وابي اطلع يالله تامرني بشيء ابو نواف:لا سلامتك محمد:بس اسمع بكرى ان شاء الله اول مايذن الفجر انا عندك ابو نواف جلس يضحك.. طلع محمد ونواف يضحك عليه ابو نواف:نواف يبة ابي تسمعني ولا تزعل من كلامي نواف:سم يبة خير آمرني انت ابونواف:مايامر عليك ظالم.بس اسمع انا ماضمن عمري بس هذي وصية في رقبتك نواف:يبة الله يطول بعمرك ولاتقول هالكلام ابو نواف:لاتقاطعني..انا من كنت صغير وانا اعطيت عمك فهد كلمة ان ريما بنتة لك وانت لها ومن شوية خطبتها لك..وانت مابتلاقي مل ريما ريما بنت عمك ومن لحمك ودمك..وبنت اخلاق وعقل ومافية احسن منها..وانا يابوك اتمنى اشوف عيالك قبل ماموت.. نواف انصدم وتغير وجهه وتمنى الارض تنشق وتبلعة وقف نواف وهو يبكي:بس يبة حرام عليك ليش تظلمني انا مابيها..ولا افكر بالزواج الحين وتوني وهي صغيرة وشلون والله ظلم ابو نواف:خلاص عاد كذا بتضايقني لاتبكي البكاء للحريم مو للرجال نواف طلع وهو معصب ويبكي..يوم طلع ومسك الباب بقوة ودفعة الاريما تفتح الباب طاح البوكية من ريما من شدة سرعة نواف ريما:السلام نواف ..نواف مارد عليها وشافتة وهو يبكي خافت حست ان ابو ه فيه شي وراحت تركض لعمها ودخلت عليه ابو نواف:سبحان الله ريما!!كنت ابي اكلم ابوك علشان يجيبك عندي ريما:بدون ماتكلم انا هنا جيتك وراحت باست راسه وسلمت عليه وجلست عندة..ريما ماحبت تضايق عمها بنواف واها شافتة وهو يبكي.. ابو نواف:ريما طلبتك.. ريما:آمر عمي.. ابو نواف: ريما انتي بنتي وانا اعزك مثل معزة عيالي من كنتي صغيرة وماتمنيت الا تكوني من حظ احد عيالي وانا ياريما طلبت يدك لولدي نواف..ونواف ماراح يلاقي مثلك ابد.. وتوني انا ونواف نتكلم بالموضوع..وانا من كنتي صغيرة وانا اقول بنتي لولدي..ريما ونا ابوك وش قلتي؟ ريما وقفت من الصدمة وماتدري وش ترد علية!! ابو نواف:انا عارف ان هالمواضيع يبي لها تفكير..خذي راحتك يبة!! ريما:عن ذانك عمي ابو نواف:وين تو الناس..؟ ريما:لا عمي بس ابي اروح تأخرت ابوي قالي لاتأخرين..فمان الله ابو نواف:الله معاك ريما وهي تمشي بالمستشفى كانت تبكي وتمشي بالممرات بالمستشفى مثل المجنونة تبكي بصوت عالي حتى الناس جلسوا يناظرون لها وكان يحسبون ان عندها احد ميت!!وراحت ركبت السياراة هي والشغالة وقالت للسواق يوديها لبيت خوالها ماراح تلاقي مثل ندى خالتها علشان تفضفض لها!! وكان في بالها يدور اشياء واشياء ليش نواف يبكي اكيد مايبيني!!وعمي غصبة علي!!ياربي وش اسوي قلبي ملكة نواف بس كرامتي فوق كل شيء!!وكانت تبكي والسواق والشغالة يسألونها وش فيك..وهي في حالة بكأء شديد ماتكلمت بس تبكي وتشهق من البكاء.. |
رد: $قصة ريما ونواف قصه رومنسيه سعوديه$
السابع
الفصل الأول : : : نواف يوم جت الساعة 6 ونص نزل تحت وجلس بالصالة عند التلفزيون وماكن مافية شي ..سكر التلفزيون واكن طفشان... راح وركب سيارته وجلس يتمشى ضايق صدرة بقوة وكان يسمع أغنية راشد الماجد (نسيناكم) ما حس بالوقت كان يفكر بمصيرة وكان يدور في بالة... وش بيصير لي اذا تزوجت ريما ابي احاول اضغط على نفسي علشان أنسى الهنوف..ويا ترى أنا قادر أسعد ريما؟انا قادر اتزوج وحدة كنت اعتبرها مثل اختي؟ ولما صارت الساعة 7 وربع...رن جوالة وطلع محمد اخوة محمد:نواف وينك؟مو بالبيت؟؟خوفتنا عليك؟ نواف:انا بالسيارة طلعت اغير جو طفشت لحالي..اقول امي صحت محمد:اية ومعصبة منك..مستعجلة على شوفة الغالي جلس يضحك نواف:ههههههههههههههه طيب قلها شوي واجيكم اوكي؟ محمد:اوكي!!باي نواف:فمان الله نواف سكر الخط وراح لبيتهم وامه كانت تستناة بالحديقة اول ما دخل سيارتة بالحديقة كانت أمة ومحمد يستنونة ام نواف:وينك نواف.؟احد يطلع الصبح يغير جو نواف:الله يايمة روعة الجو الصبح الهواء نظيف مافية احد ..الشوراع فاضية ام نواف:خلاص خلاص يا شاعر...بس ودني لابوك ترانا تأخرنا علية محمد:ربك بلاك بولد شاعر ورومانسي هههههههههههه..وش معجلك اها يمة اشتقتي هالسرعة؟ ام نواف:اقول اسكت فكنا من خرابيطك على الصبح.. نواف:طيب يالله اركبوا السيارة انتي ومحمد..وأنت يامحمد ابي اوريك الشغل بعدين!! راحوا للمستشفى وجلسوا برى شوي لان الدكتور كان يكشف على ابو نواف داخل وممنوع احد يدخل..وهم جالسين جاء ابو ريما وابو عبد الرحمن:السلام عليكم الجميع:وعليكم السلام ام نواف:عن اذنكم ابي اروح استراحة النساء نواف اذا طلع الدكتور اتصل علي علشان اجي واشوف ابوكم!! نواف:ابشري..محمد روح مع امي وصلها وارجع محمد:طيب يالله يمة .. ابو عبد الرحمن:هاه يانواف وش قال الدكتور؟ نواف:والله ياعمي مابعد طلع الدكتور من جينا وهو داخل عندة.. ابو ريما:طيب متى يبرخصونة ويطلع.؟ نواف:والله ياعمي على كلام الدكتور يقول اليوم بيحدد اذا بتسمح حالتة يطلع ولا لا!! ابو ريما:لا ان شاء الله بيطلع اليوم طلع الدكتور وراح نواف عندة نواف:هاه يادكتور وش صار على ابوي؟ الدكتور:لا ماشاء الله عال العال..خلاص اليوم يقدر يطلع نواف:الله يبشرك يادكتور بالخير ابو عبد الرحمن:مشكور يادكتور.. ابو ريما:طيب يادكتور نقدر ندخل علية؟ الدكتور:ايه بس ياليت ماحد يضايقة ولاتكلمون معاه كلام يضايقة.. محمد:ابشر يادكتور..تكفون بدخل على ابوي مشتاق لة حيل ابو عبد الرحمن: يالله كلنا بندخل دخلوا علية وسلموا علية ومحمد ونواف جلسوا على السرير عند راسه وجلسوا يسولفون معاه هم وعمامهم وبعدين ابو ريما قال بصوت قصير:يابو عبد الرحمن خيلنا نطلع اكيد ام نواف ودها تدخل عنده ابو عبد الرحمن:والله انك صادق..يالله ابو ريما:يالله فمان الكريم يابو نواف واليلة بنجيكم انا وابو عبد الرحمن نواف:وين عمي تونا؟ ابو عبد الرحمن:لا بس مانبي ابوك يمل من وجيهنا! ابو نواف:ههههههههههه لابس اجلسوا تو الناس مابعد شبعنا منك ابو ريما:اليلة واحنا عندك وبنجلس ليمن تقول اطلعوا فكوني منكم ابو نواف و نواف ومحمد:هههههههههههههه ابو نواف:اقول يابو ريما بكرى انا ونواف وابو عبد الرحمن بنجيكم نبيك في موضوع نواف تغيرت ملامح وجهه وتضايق ودنق على راس ابوة:يبة الناس وين وانت وين الحين انت تعبان واذا قمت بالسلامة يصير خير.. ابو نواف :اقول خير البر عاجلة ابو ريما:خلاص اجل اليلة عندك وبكرى حياكم الله.. ابو عبد الرحمن :وش السالفة؟ ابو نواف: اليلة بقولك كل شي ان شاء الله محمد:وانا يبة ليش ماني من العائلة؟ ابو نواف:ههههههههه لا انت الخير والبركة ومحمد ترى يابو ريما بيجي معانا..لاتزعل بس محمد:اية هذا الكلام الزين الكل:ههههههههههههههههههههههه ابو ريما وابو عبد الرحمن:فمان الله محمد راح واتصل على امة وجت امة وسلمت على ابو نواف وجلسوا يدردشون ويسولفون ابو نواف:اقول يام نواف بكرى بنروح نخطب محمد وهو يشهق: تخطبون مين؟ ولمين تخطبون؟ ابو نواف:..بنخطب بنت عمك ريما لاخوك نواف نواف تضايق وعقد حواجبة وخاف من ردة فعل اخوة لانة كان يحبها!! وفجأة محمد:ياعيني يانواف بتزوج يانصاب وراح وباسه الف مبروك ياخطير..والله مو مصدق نواف بيتزوج والله وصرت رجال يانواف وبتعرس وتركني ..ههههههههههه ام نواف:هههههههههههههههه ليش نواف مو مالي عينك..ولدي رجال وشيخ الرجاجيل..والله يوفقة ان شاء الله ويتزوج محمد:يمة انا اقولكم اني ماني ولدكم بس كل هالدلع والدلال لنواف انا اخبر آخر العنقود سكر معقود .. ابو نواف:لا انت الشيخ محمد بن سعود..رجل ولا كل الرجال..واكيد انت الغالي والمدلع بس تعرف نواف لانة بيتزوج لازم امك تدلعة..وبعدين بياخذ ريما بنت عمك وانت تعرف ريما وش تعني لامك محمد:ايه في هذا معاك حقك..ريما عند امي شي كبير ام نواف:تستاهل ريومة حبيبتي ..والله انا ماخرت الغالية الا للغالي.. نواف ساكت ولاقال ولاكلمة كان متضايق ليش مستعجلين على الخطبة تونى.. ابو نواف:نواف وش فيك؟؟ نواف:هاه لا ولا شي محمد:اية وش علية بكرى بيخطب اكيد يفكر بالخطبة والخطيبة ههههههههههههه ام نواف:ذابحتك الفصحى يامحمد نواف: سبحان الله يانك ترفع الضغط انت وكلامك الي ماله طعم محمد:حط علية كتشب علشان يصير لة طعم ههههههههههه الكل جلس يضحك علية نواف:اقول انا بروح اسوي الاجرائات علشان نطلع ابوي يمة جهزي ملابس ابوي راح نواف وخلص والاجرائات وطلع ابوة وركبة بالسيارة هو ومحمد وامة.. وصلوا البيت وجلسوا بالصالة وسوالف وضحك نواف:يالله يبة اصعد فوق لغرفتك علشان ترتاح ابو نواف:يايبة انا مليت من السرير مشتاق لجلستكم وجمعتكم محمد:يوة يانواف مابعد شبعت من ابوي ابيه يجلس معاي ام نواف:ابي اروح اجهز الغداء اكيد ابوكم مشتاق لطبخي ام نواف:اكيد والله اني فقدتة هاليومين محمد:احم احم نحن هنا الكل يضحك علية العمة نورة اتصلت على البيت وكلمت ابو نواف وقالت انها بتجيهم اليوم علشان تتطمن عليه ام نواف:اجل ابي اقول لحريم اخوانك كلهم يجون محمد وهو يطالع لنواف:ولو سمحتي لزمي على الخالة ام ريما وبنتها المصون حرم اخي الغالي نواف جلس يضحك على كلام اخوه:ههههههههههههههههههه حلوة حرم ذي ..... يوم جت الساعة 8 باليل وجت العمة نورة وهنوف ومرت العم طلال وبنتها نوف وام ريما ..ريما الي كانت تدعي التعب وانها مابتجي وجلست عند خوالها ..وام نواف تضايقت ان ريما ماجات وهنوف ونوف بس يتصلون على ريما ويزعجونها علشانها ماجات.... وسهروا عندهم الى الساعة 11 ورجعوا وام ريما مرت بيت اهلها وجابت ريما معاها..ريما راحت لغرفتها ونامت الساعة 3 الفجر الى الساعة 2 الظهر نزلت تغدت مع اهلها وابو ريما على الغداء:اليلة بيجون اخواني وعيالهم ام ريما:حياهم الله.. ابو ريما وهو يناظر ريما ويبتسم:بس هم ماراح يجون كذا هم جاين علشان موضوع مهم.. ام ريما:وش موضوعة؟ ابو ريما:خير ان شاء الله لاتستعجلين بقولك بس مو بالحين... ريما كانت ميتة خوف ومرتبكة وساكتة ماقالت ولاكلمة خلصوا من الغداء وجلسوا بالصالة ريما:وش رايكم بالشاي بعد الغداء؟ ابو ريما:والله ماهوبشين وخصوصاً اذا كان من يدينك يالغالية.. ام ريما:اية يمة اذا ماعليك امر.. ريما:من عيوني..دخلت المطبخ وجلست تسوي لهم شاي ابو ريما فاتح ام ريما بالموضوع.....وام ريما مبسوطة بالمرة لان نواف ولد عمها ومهندس وماراح تلاقي ريما مثلة جت ريما وعلى طول سكروا الموضوع..ريماعطت ابوها شاي واعطت امها وجلست عند التلفزيون بعيد عنهم شوي وهي تقلب بالقنوات..ابو ريما يوم آذن العصر راح يصلي بالمسجد وبعدين طلع لشركتة.... في الصالة..ريما عند التلفزيون وكانت تشوف امسية لعبد الرحمن بن مساعد ومنسجمة معاه ام ريما:ريوم حبيبتي انتي اليوم ضبطي حالك عمامك بيجون عندنا ريما:وخير ياطير كل يوم يجون هم ,,,وش معنى اليوم بالتضبط؟(ريما ماكانت تحسبهم جاين يخطبونها بذي السرعة) ام ريما:علشان تسلمين عليهم ريما:بس مو ابوي من شوي يقول ان العيال بيجون معاهم ام ريما:وش دخلك بالعيال الحين عمك يبي يشوفك توه طالع من المستشفى!!وبعدين ترى بزعل عليك اذا ماراح تتكشخين اليلة ريما:بس يمة وش معنى اليلة.. ام ريما:بدون بس..اليلة بتنزلين لهم وانتي متكشخة والا والله ماراح احاكيك اليوم ابد ريما من غير نفس:طيب الي تامرين فية انتي صعدت ام ريما تنام بغرفتها ... طبعاً جت الساعة 6 العصر..ريما مشتهيه آيسكريم راح شافت بالثلاجة لقت فية آيسكريم بالتوت هذا الي فية عصىجلست تاكله وتابع التلفزيون ام ريما نزلت وهي على الدرج:ريما؟ ريما خافت من صوت امها وطاح الايسكريم عليها:هاه يمة وش تبين؟ ام ريما:بعدك ما اخذتي شاور ولا لبستي؟ ريما:وين يمة تو الناس هم ماراح يجون الا بعد المغرب ام ريما:يابرد اعصابك اقول قومي بسرعة ريما(كانت مستغربة من حماس امها الزايد):طيب يمة ريما وهي بتصعد الدرج كانت تفكر وش عندهم حالتهم حالة اليلة عمامي راح يجون عندنا ..غريبة دايم يجون عندنا بس ماقد شفتهم متحمسن مثل اليلة... : : : في بيت ابو نواف كان نواف مو مصدق ان اليلة بيروح يخطب مرتبك وخايف وطفشان بنفس الوقت..كان دايخ الظهر ونام الى اسلاعة 6 المغرب ماكان يحس بنفسة ودخلت امة علية بعد مامات وهي تطق على باب غرفتة ولا حياة لمن تنادي دخلت ولقت الغرفة سوداء الستاير مسكرة والغرفة باردة وظلام ونوف غرقان في النوم ام نواف وهي تصارخ:نواف قوم يالله اليلة بتخطب قوم جهز نفسك وضبطها.. نواف:يمة تكفين خليني انام دايخ مانمت امس كلة ام نواف:روح قص شعرك شف كيف طويل ..وضط نفسك يالله ودي ثوبك للمغسلة خلهم يجهزونة نواف:طيب طيب هذاني قمت .قام سريرة وراح غسل وجهه وصلى وراح ياخذ له شاور وبعد الحاح من امة ودى ثوبة للمغسلة وراح قص شعرة وضبط نفسة عدل ال***وكة والدقن وصاير شكلة تحفة ولا ممثل عيونة كبار وحلوة وشعرة ناعم اسود وافمة صغير يعني الكل كان معجب فية..جاء نواف وكان ستايل مررة راح عند امة في الصالة وكام محمد جالس عندهم ام نواف:يابختك ياريما ماشاء الله عليك نواف:وش دعوى يمة.. محمد:اقول يمة المثل يقول القدر بعين امة غزال نواف:هههههههه القرد حضرتك وكلن يتكلم عن نفسة محمد:آه يالقهر هذا بيتزوج وانا جالس يمة ماني زوجوني نواف:الصغار مايفكرون يتزوجون الحين خلي همك في الثانوية العامة وتفكيرك في النسبة مو بالزواج ام نواف:صادق اخوك وراك ثانوية عامة يمة. محمد:خلاص خلاص كليتوني وانا زهقت كل ماقول كلمة قلتوا ثانوية عامة نواف:يمة بروح اجيب ثوبي من المغسلة تأمريني في شي محمد:والله يانواف شكلك خطير تكفى ابي اخذ معاك صورة هههههههههههه نواف:الحمد لله والشكر على نعمة العقل .. ريما اليلة بتشوف نواف النظرة الشرعية علشان كذا امها متحمسة ..ابو نواف قال لأبو ريما وهو بدوره قال لامها..وريما ماتدري وش السالفة..نواف ماقد شاف ريما الا لمحات بسيطة ومو متذكر شكلها ابداً.. |
رد: $قصة ريما ونواف قصه رومنسيه سعوديه$
الجزء السابع
الفصل الثاني : : : ريما اخذت شاور ويوم طلعت من الحمام (وانتوا بكرامة) وراحت ورتبت شعرها ولبست تنورة ذهبية حرير وحزام عريض ع الخصر فيه فصوص كرستالات حمر صغيرات وبلوزة حمراء كان الصدر فيه تكسيرات صغيرة وبعدين يجي من تحت الصدر شريطة عريضة مخمل لونها احمر ومع تحت وسيع وفية ترتر خفيف ولبست ساعة ذهبية روعة جتها هدية من خالتها هند وصندل ذهبي فية وردة حمراء..دخلت عليها امها واعجبها شكل ريما وفكت شعرها كان طويل وناعم..وحطت ميك آب نعوم كحل داخل العين اسود وروج احمر خفيف وجلوس ام ريما:ياعيني اية كذا ابيك طالعة قمر 14 الله يحفظك ريما:يمة ياحياتي انتي بس وشوله كل ذا الحماس؟ ام ريما بارتباك واضح:لا بس ابي الناس يقولون وش ذا البنت عنكم قمر ريما:يمة وش فيك ارتبكتي.. ورن جرس البيت ام ريما:شوفي انا بنزل قلت للسواق يجيب عصير فريش من محلات العصير وشكلة جاء يالله و ابي اجهز القهوة ريما:اوكي انا بجلس شوي بغرفتي طلعت ام ريما وكانت خايفة من ردة فعل بنتها لانها مابعد قالت لها ان نواف يبي يخطبها ولا وبعد يبي يشوفها وكانت تقول(ياربي وش اسوي الحين بنتي واعرفها عنيدة واذا قلت لها الحين ماراح تطلع لهم ..وابوها اعطى عمها كلمة لهم اوة ياربي انك تهديها وتطلع لهم) ريما شغلت اغنية احلام(ناويلك على نية) (ناويلك على نية بس انت اصبر شوية..اذا ماعلقك فيني وهواك يصير في يديا)وكانت تقول:طيب يانواف ناويتلك على نية ..صح لسان ياحلام وراحت ترقص على الاغنية وتفكر بكلمات الاغنية .. : : : في بيت ابو نواف.. الكل جالس بالصالة يستنون نواف كان فوق كشخ بالثوب والشماغ وجلس يتسكب ورش العطر ولبس ساعة جلد بني (وانتوا بكرامة) جزمة بنييه وطلع وهو نازل من الدرج ام نواف:لولولولولوليش يارب تحفظك محمد:احم احم نحن هنا ام نواف: اذا جيت تعرس ابي اقولك هالكلام محمد: زوجوني تكفون علشان امي تقولي هالكلام ابو نواف:محمد وجع وش ذا الكلام استح على وجهك محمد:آسف يبة نواف:هههههههههههه القافة ماتصلح دايماً ام نواف:راحت جابت المبخرة وجلست تبخر ولدها<طالع خطير روعة ابو نواف اتصل على ابو عبد الرحمن العصر وقالة وانبسط ابو عبد الرحمن وبارك لهم ..وبعد اتصل على فيصل وقال انه راح يجي لبيت ابو ريما..ركبوا السيارة نواف ومحمد وابوهم وعمهم طلال وصلوا الرجال لبيت ابو ريما على آذان العشاء وابو ريما بالاستقبال هو وفيصل ابو ريما:حيالله من جانا ابو نواف:الله يحيك ابو ريما:تفضلوا ودخلوا على قسم الرجال وفي المجلس كان واضح الارتباك على نواف وفيصل جلس هو ومحمد يضحكون علية وجابو القهوة وتقهوا الرجال ابو نواف:يابو ريما احنا جاين نخطب بنتنا ريما لولدنا نواف..واحنا ماراح نلاقي مثل ريما بنت اخلاق وجمال ودين ويكفي انها بنت اخوي فهد ابو ريما:الله يسلمك..وهاذي الساعة المباركة ..ونواف ولد مايعيبة شي كامل والكامل الله..بس مثل ماتعرفون البنت لازم اشاورها وبتفكر وبنرد لكم ان شاء الله ابو عبد الرجمن:اكيد يحق لها ..وريما بنت وربي اعتبرها بنتي..ونواف ولدي وانا سعيد ان ولدنا لبنتنا والله يتمم على خير نواف كان وجهه احمر ويعرق كثير ومرتبك ومحمد وفيصل يبتسمون بينهم وهم يطالعون نواف بعدين سكتوا شوي نواف:عمي فهد..اذا ماعليك امر ابي اشوف ريما..واعتقد انه مو عيب والشرع يقول كذا.. ابو ريما:اكيد حقك وانا ابوك دقايق ابي اعطيهم خبر فيصل كان مصدوم من كلام نواف لعمة وش عندة ؟لانة اكثر واحد يعرف انه مايبي ريما راح ابو ريما وقال لأمها ورجع للرجال صعدت ام ريما عندها وطقت باب غرفتها ودخلت ام ريما:ريما ممكن ادخل ريما:ايه تفضلي ام ريما:ريما تعالي اجلسي جنبي ابي اقولك كلمتين ريما جت وجلست جنبها ام ريما:ريما حبيبتي انتي الحين بنت حلوة وكبرتي والكل حاط عينة عليك..ومن كنتي صغيرة وعمك كان يبيك لولدة نواف ..ونواف ولد ماشاء الله علية متعلم ومثقف وخيَر ويعرف ربة زين وتربية عمك ..اليوم جاين يطلبون يدك له... ريما قامت من مكانها ام ريما:اجلسي مابعد خلصت كلامي ريما طاحت على رجول امها وجلست تبكي مثل الاطفال ام ريما كسرت خاطرها :ريوم حبيبتي نواف ولد عمك وعمك يتمناك تتزوجينة وبعدين كلنا عارفين ان نواف ولد ماعلية اخلاق وطيب هاه يمة احنا مانبيك تستعجلين بالرد خذي راحتك لان هذا زواج مو لعبة يعني بتقضين العمر كلة وياه ريوم يالله قومي مسحي دموعك وحطي ميك آب ثاني ريما:ليش يمة؟ ام ريما:هاه (ارتبكت)يمة ريومة نواف طالب يشوفك الحين وابوك اعطاهم كلمة انك بتنزلين لهم بعد شوي ريما:طيب ليش ماخذتوا رآي..ماراح انزل لهم ابي اجلس بغرفتي ام ريما:لايابنيتي تكفين لاتفشلين ابوك قومي يالله انزلي الولد يستناك ريما تذكرت كلام خالتها ندى انها لازم تتمسك بنواف ولازم تخلية يحبها وهي تفكر وتقول(هذي فرصة اشوف نواف واعرف اذا هو صدق يبيني او لا) ريما:يمة خلاص دقايق وراح انزل ام ريما:عشتي والله ايوة كذا ابي بنتي قوية ريما راحت وعدلت نفسها ونزلت ابو ريما كان يستناها عند الدرج يوم شافت ابوها خافت وصارت ترتجف وحست ان الموضوع خلاص واقع وصار جد.. طبعاً فيصل ومحمد وابو نواف وابو عبد الرحمن كلهم طلعوا بالحديقة علشان نواف وريما.. ريما تهمس في اذن ابوها قبل تدخل المجلس:يبة تكفى لاتخليني ترى اذا طلعت بطلع وياك ابو ريما:خلاص ياريومة انتي ادخلي واوعدك اني ماراح اطلع الا وانتي في يدي ريما ابتسمت ابتسامة صفرا وكانت ميتة من الخوف ونواف جلس يعدل شماغة ويتضبط ويفكر كيف راح يكون القاء الاول بينة وبين ريما!! ابو ريما وريما دخلوا المجلس..ابو ريما جلس عند باب المجلس وريما جلست قبال نواف بالكنبة الي قبالة ريما:السلام عليكم نواف اعجبتة نعومة ريما وهدوئها:وعليكم السلام...شخبارك ريما؟ ريما بصوت مو مسموع:تمام.. نواف جلس يطالع ريما من فوق لتحت اعجبتة مرة كان شكلها كيوت ابو ريما:جلس يطالع فيهم وحس انهم متربكين ثنيناتهم بعد دقايق.. ريما قامت:عن اذنك ابو ريما:وين يبة اجلسي شوية مابعد شافك ولد عمك ريما كانت بتصيح ودموعها في عيونها..نواف رحمها شكلها واضح الي خايفة نواف:خلها عمي على راحتها..الله معاك ريما ريما طلعت وصعدت غرفتها وجلست تبكي..وامها صعدت عندها ودخت عليها لقتها تبكي ام ريما:وش فيك؟وراك تبكين؟ وش صار؟ ريما:لا مافيني شي ..بس يمة احس تونى على الزواج ام ريما:لا وش تونى الولد مايتفوت وانا اتمنى افرح فيك واشوفك عروس ريما راحت حضن امها وجلست تبكي ام ريما:يالله ياريما كبرتي وصرتي عروس..يوم كنتي صغيرة كنت اتمنى اشوفك وانتي تمشين ويوم مشيتي كنت اتمنى اشوفك تدرسين و درستي وبعدها كنت اتمنى اشوفك عروس والحين عروس نزلت من عيونها دموع لاشعورياً وهي تقول: راح تتركين ياريما انا وابوك وتروحين بيت زوجك ان شاء الله ريما جلست تبكي هي وامها .. عند الرجال رجعوا للمجلس وكان نواف مبسوط مرة انة شاف ريما واعجبتة ملامحها الناعمة ومحمد وفيصل جلسوا عند نواف بعيد عن الرجال..و نشبوا في حلقة وش صار ؟وش قالت ؟وش قلت؟ كم جلست ؟ نواف:ههههههههه كل هذا بجاوبة عليكم فيصل:ياحركات انت ..عساة اعجبتك نواف بيقهرة:مش بطالة حليلة فيصل: افا ريما ماعبجتك الحين الكل معجبتة وانت ماتعجبك الا انت وش يعجبك بالله مايعجبك العجب ولالصيام برجب نواف:ههههههههههههههههههههههه ابو عبد الرحمن:الله يوفقكم ويتمم لكم على خير ابو نواف:ان شاء الله تعشوا الرجال وطلعوا نواف وفيصل راحوا مع بعض وابو نواف وابو عبد الرحمن ومحمد راحوا سوى ..نواف اعجبتة ريما بس كان يكابر عليهم.... : : : هنوف ونوف من سمعوا الخبر جلسوا يبكون من الفرحة واخيراً ريما بتزوج نواف وبعدين جلسوا يبكون انها خلاص بتركهم يعني بتصير عروس وراح يكون عندها مشاغل واهتمامات غيرهم..هنوف ونوف اتفقوا بكرى يجونها للبيت ويسهرون عندها..هم وندى خالتها وندى كانت بس تبكي من الفرحة .. بعد اسبوع ردت عليهم ريما وكانت موافقة..والكل يبارك لنواف..ونواف كان مبسوط مايدري وش ذا الشعور الي جاه من وافقت ريما.. ام نواف اتصلت على ام ريما على طول بعد الموافقة.. ام نواف:الف الف مبروك يام ريما واخيراً بنصير انساب..وبنفرح بريومة ونواف ام ريما:الله يبارك فيك..شفتي كيف زوجناهم الله يوفقهم أن شاء الله ام نواف: والله يام ريما انا اتصلت عليك ابي اطلب منك طلب ام ريما:آمري يام نواف ..خير وش عندك؟ ام نواف:ياليت لو نعجل في الملكة ابي ريما ونواف ياخذون على بعضهم ام ريما:بس يام نواف ماشاورت ريما.. ام نواف:تكفين يام ريما نبي نعجل فيها شوي يعني ياليت لو تكون الاسبوع الجاي ام ريما:لا يام نواف بدري مرة والبنت ماتجهزت للملكة وانا اعرف ريما بتزعل شوفي نخليها بعد اسبوعين هاه وش قلتي؟ ام نواف:خلاص الي تشوفينة بعد اسبوعين بعد اسبوعين..مشكورة يام ريما والله اني مبسوطة من الخبر والله يوفقهم ام ريما:آمين ام نواف:خلاص اجل يالله نشوفك على خير ..مع السلامة ام ريما:مع السلامة ام ريما راحت عند ريما وقالت لها وريما عصبت وقالت وش فيكم مستعجلين وام ريما قالت لها انة خلص حددوا الموعد ..ريما ارتبكت وجلست تجهز نفسها ..راحت لمراكز تجميل وسوت لها تقشير وتنظيف بشرة ومساج وحمام بخار وبدكير ومنيكر .. الكل كان مشغول بسالفة الملكة وندى كل يوم تجيهم ترتب معاهم ..ونوف وهنوف دايماً عند ريما يساعدونها ويهونون عليها .. .............................. .................... .... وش راح يصير في يوم الملكة بين نواف و ريما ؟ .............................. .................... .... |
رد: $قصة ريما ونواف قصه رومنسيه سعوديه$
#133 (permalink) 08-28-2007, 03:08 AM
الجزء الثامن الفصل الاول : : : ريما راحت فصلت فستان للملكة هي خالتها ندى وكان بيطلع قبل الملكة بيومين وحجزت كوفيرة للشعر والميك آب .. طبعاً قبل الملكة باسبوع جت الخالة هند وبنتها هيفاء ولدها خالد علشان ملكة ريما والكل مبسوط...هند وعيالها ساكنين عند بيت الجدة هيا..وقبل مايوصلون للمطار كانت ام ريما وريما عند خوالها ريما:تكفى تركي بنروح نستقبلهم معاك ندى:اية ياعمري انت ياحياتي ياقلبي وروحي اخوي تركي:يالله ياندى على المصالح كل ذا الكلام الزين علشان روحة مطار ريما:هاه خالي وش قلت والله مشتاقة لهم بروح استقبلهم تركي:بس هم راح يجون بعد اقل من نص ساعة عندك وراح تشبعين منهم ندى:لا بس روحة المطار لها طعم ثاني تكفى تركي تكفى تهز رجاجيل تركي:هههههههههههه امري الى الله يالله روحوا لبسوا عباياتكم بسرعة لاتأخرون علي ولا ترى بمشي واتركم ندى:اذا تركتنا بنحلقكم مع السواق بالمطار ريما:ههههههههه صادقة خالتي ام ريما والجدة هيا يرتبون الغرف ويبخرونها ويصلحون العشاء والكل مبسط علشانهم... راحوا واستقبلوهم بالمطار وهيفاء يوم شافتهم راحت ضمتهم بقوة وتركي سلم عليهم وهند مبسوطة ان البنات جوا للمطار وطبعاً هيفاء وريما وندى ماسكتوا بالسيارة بس يسولفون خالد: شخبارك ندى انتي وريما؟ ندى :وجع ماني بخالتك قولي خالتي ندى خالد:ههههههههه نعتذر خالتي ندو كيفك؟ ندى:ايه كذا!! تمام ريما:انت شخبارك خالد؟ وشلون اهل الشرقية؟ خالد:تمام ويسلمون عليك.. هند: اقول ريما شلونها امك ؟ ريما:طيبة والكل يستناكم امي وامي هيا في البيت الكبير هند:زين والله ياني مشتاقة لكم حيل هيفاء:ريوم تكفين نامي اليلة معانا انا وخالتي ندى عندي سوالف ماراح تخلص الى بكرى ريما:هههههههههه يصير خير ان شاء الله..بقول لأمي.. وصلوا للبيت وام ريما اول ماشاقت اختها راح وباستها على راسها لانها الكبيرة وهند فرحانة بجمعتهم وراحت عند الجدة هياء وجلسوا يسولفون خالد وتركي وهيفاء وريما وندى وهند وام ريما والجدة هياء تركي:عن ذانكم بروح انا وخالد نتمشى شوي هيفاء:طيب ليش ماتخلونها بكرى؟كلنا بنطلع خالد:وانتي بس تبين تروحين عيب انطقي بالبيت اجلسي مع البنات ريما:لايهمك حكيهم بكرى انا اونتي وخالتي ندو بنطلع نتشمى ونبسط ونروح للة والفيصلية ونتعشى ونرجع خالد:افا كل هذا بكرى بتسونه ندى:اذكر الله خويلد خالد:ماشاء الله وجلس يضحك هو وتركي ههههههههههههههههههههههههه تعشوا عندهم..وام ريما يوم جت الساعة 1 باليل راحت للبيت وريما نامت عندهم وجلسوا يسولفون بالخطبة ونواف وريما وكل شيء وناموا الى الساعة 7 الصبح .. ومن بكرى طلعوا للة والفيصلية ريما وهيفا وندى وتركي وخالد وتمشوا فيها وتعشوا وانبسطوا وكل يوم يطلعون مع بعض مرة عند ريما ومرة تجمعوا بالشاليهات ومرة في البيت الكبير عند الجدة هيا... جاء موعد الملكة كانت الساعة 4 العصر طبعاً ندى وهيفاء ناموا عندهم قبل الملكة بيومين مع ريما ..ام ريما حجزت ورد طبيعي كان لونه احمر وسوت كوشة بالصالة كان ستايلها غريب (طأوس يعني يرمز للغرور والدلع وريما هي الي اختارتة) يعني كرسي واحد طويل وفية قماش حرير ينزل من عندة لونة فيروزي وتركواز واخضر فاتح وفية ريش طأوس طايح على الارض بطريقة مرتبة ومبعثرة وشموع لونها تركواز واخضر وفيروزي...والكوشة كانت بالصالة فية جزء مرتفع فيها والكوشة كنت هناك..البيت كلة ورد بكل زاوية فيه ورد طبعاً بالحديقة كان على النخل لمبات وفية بالونات على المسبح بنفس الالوان وكانت وبكل مكان..البيت شكلة جنان..... كان حتى الشاكليت لونة فيروزي وتركواز ومكتوب علية اسم ريما ونواف في صياني على شكل طأوس جت الكوفيرة عند ريما كانت لبنانية اسمها نادين ندى حجزتها لان ندى دايماً هي زبونة عندها..وهي احسن كوافرية في الرياض عند احسن مشغل.. صعدت الكوفرية بغرفة ريما الكوفيرة:انتي العروس؟ ريما بخجل:ايوة الكوفيرة:ماشاء الله ماتحتاجين ميكياج انتي جمالك رباني ندى:اقول يانادين..ضبطيها اليلة ترى اول مرة بيشوفها خطيبها الكوفيرة:ولايهمك ياندى هي ماشاء الله متل الأمر (قمر) وراح اخلي خطيبها يتجنن عليا ندى:تسلمين يانادين الكوفيرة:ولو ياندى احنا بنخدمك بعيونا انتي والست ريما هيفاء:نبي ريومة تصير احلى وحدة.. وجهزتها وسوت لها ميك آب ناعم لونه وردي وعلى الجفن وفية لمعة وفحمت عيونها بالكحل والماسكرا والروج الزهري والجلوس..وشعرها رفعته وسوت موديل السبعينات الي يكون مع وراء فيه نفخة ونازل الشعر مع وراء ومع تحت الشعر كان مطوي وشكلها روعة قمر نازل ع الارض لابسة طقم ذهب ابيض ناعم وبسيط(علشان اليوم نواف بيلبسها الشبكة) فستانها تحفة وردي وكان موديلة عجيب وناعم من الصدر كان شيفون وردي فاتح ويربط مع وراء وضيق على جسمها وفيه شرايط الستراس الي تلمع تكون تحت الصدر كان القماش روعة ومع تحت كان كلوش وفيه مع وراء ذيل طويل لونة وردي وبطيخي ..تجهزت ريما وكانت ندى لابسة فستان اخضر حرير على جسمها وفيه حزام شك ذهبي على الخصر ...هيفاء كانت لابسة تنورة حرير لونها ليلكي قصيرة مع قدام وطويل مع وارء والبلوز صايرة على شكل سدرية شك تلمع لونها موف...وشعرها قصير فاكتة كانت نعومة... عندها يمزحون فوق راسها ويبون يزيلون التوتر والخوف عندها وكانت ندى مع ريما مفارقتها وريما ترتجف من الخوف وحالتها حالة والدموع في عيونها..وندى تهديها وهيفاء تضحك عليها.. جت الساعة 6 المغرب وهنوف ونوف جوا لريما على طول راحوا لغرفتها..وجلسوا هنوف لابسة بنطلون شك يلمع لونة بيج ودقلة يعني بلوزة طويلة الى الركبة ومفتحة من الجنب لونها اصفر وكانت تلمع وشعرها جعدتة وحطت فراشة جنب اذنها لونها اصفر.. نوف لابسة فستان تركواز دانتيل الى نص الساق وفية نقشة من على الصدر لونها كحلي ومسوية شعرها كيرلي .. ام ريما حالتها حالة تجهز البيت وتبخرة وترتب المجالس ...وهند جت العصر تساعدها هي والجدة هياء... : : : نواف كان مرتبك لدرجة الي يشوفة يعرف انه مرتبك راح للصالون وجهز نفسة وصنفرة للوجة وضبط ال***وكة شكلة رهيب ...وحالتة حالة وفيصل معاه ماتركة ابد ويضحك علية ويتريق ويحاول يسحب التوتر منة وبعد آذان المغرب راحوا صلوا بالمسجد ورجعوا لبس نواف الثوب الابيض والغترة والبشت الاسود وساعة فخمة سوداء جلد تلمع والجزمة سودء(وانتم بكرامة) ونزل بالصالة وأمه وخالته أم سعد جالسات بالصالة اول مانزل امة جت عندة وبخرتة وعطرتة وكان ابوة معاه واقف ومحمد وفيصل برى بالحديقة جالسين يستنون .. ام نواف:الف الصلاو والسلام عليك ياحبيب الله محمد لولولولوليش ام سعد:بالمبارك ياولدي يانواف الله يسعدك ويهنيك نواف:الله يبارك فيك خالتي.. ابو نواف:يالله بعد شوي يذن الأخير بنصلي ونمشي ام نواف:احنا الحين بنروح يالله يمة الله يوفقك ..مع السلامة ام سعد:مع السلامة طلعوا وكانوا كاشخات وركبوا السيارة مع السواق واول ماوصلوا لبيت ريما كانت ام ريما بالاستقبال هي وخواتها هند وندى ومعاهم المبخرة والدخون ويسلمون عليهم ام ريما:حياكم الله تفضلوا ادخلوا.. هند:حيا الله من جانا ام نواف:الله يحيك ياهند.. دخلوا الصالة وكانت العمة نورة ومرت العم طلال والجدة هيا وهيفاء وبعض صديقات ام ريما في المعلمات الي بالروضة يشتغلون معاها..وصديقات ريما و الجيران جالسين بالصالة ودخلوا الحريم الصالة وسلموا على بعض وجلسوا ام نواف واختها ام سعد.. في غرفة ريما نوف:ريما ريما جت خالتي ام نواف ريما:احلفي صدق جت.يمة ياربي قلبي هنوف:هي واختها ام سعد يعني خالت نواف ريما: بنات والله خايفة مابي انزل نوف:صاحية انتي اقول اقعدي وعيني من الله خير هنوف: حبيبتي اقري لك آيات قرآن الحين انا ونوف بنزل نسلم على الحريم ونرجع لك دقايق يالغالية ريما:لاتركوني لحالي هنوف:طيب بروح انادي ندى وهيفاء يجون عندك اوكي؟ ريما:اوكي!! نزلوا البنات يسلمون ع الحريم وصعدوا ندى وهيفاء عند ريما وبعدين صعدوا هنوف ونوف لريما وجلسوا عندها.. : : : بقسم الرجال كان فية ابو ريما والعم طلال ولدة عبد الرحمن وتركي خال ريما وخالد ولد خالتها هند ..بعد صلاة العشاء جو الرجال وكانوا بسيارتين محمد وفيصل بسيارة ونواف وابوة بسيارة ويوم دخلوا كان تركي وخالد وعبد الرحمن معاهم المبخرة يستقبلونهم ابو ريما:حيا الله المعرس نواف:الله يحيك وسلموا الرجال على بعض وبعد نص ساعة جاء الشيخ وملك نواف على ريما الشيخ:على البركة ياولدي..منك المال ومنها العيال نواف: الله يبارك فيك ابو نواف راح وضم نواف:الف مبروك ياولدي الف مبروك نواف:الله يبارك فيك ابو ريما:الف مبروك ياولدي يانواف..والله الله بريما حطها بعيونك نواف:لاتوصي ياعمي.. ابو عبد الرحمن وتركي وخالد كلهم يباركون له محمد:الف مبروك يانواف يعني بتزوج وتركني؟ نواف:الله يبارك فيك ماعاش من يترك ياخوي فيصل:الشيخ نواف..الف مبروك منك المل ومنها العيال ..ودخلت القفص الذهبي ولا بعدك للحين؟ نواف:ههههههههه الله يبارك فيك يافيصل وعقبالك..تونى ع القفص الذهبي ههههههههه عند الحريم.. ريما كانت بتنزل لهم وجلست تقراء آيات من القرآن علشان تزيل التوتر والبنات وراها..وبعدين عند الحريم طفوا المبات والأضاءة كلها وصار فيه كبس على ريما وهي تنزل من الدرج ومعاها بوكية ورد جوري احمر ونازل منة سلاسل شكلها خيال وكانت ريما تنزل على اغنية عبد المجيد عبد الله (اليوم طالع قمر) والمصورة قدامها بس تصورها.. ونزلت والبنات يمشون وراها نوف وهنوف وندى وهيفاء وجلست على الكوشة ام نواف وام سعد قاموا لها ام نواف:الف مبروك يالغالية ..ماشاء الله وش الزين يابختك ياولدي يانواف ريما مدنقة راسها:الله يبارك فيك خالتي ام سعد:مبروك ريما ماشاء الله قمر وربي.. ريما:الله يبارك فيك.. وجت خالتها هند:مبروك ريما قلبي ماشاء الله صايرة ملاك وش علية نواف قدامة قمر. الجدة هيا:مبروك يابنيتي ياريومة والله يسعدك ويهنيك ريما:الله يبارك فيك بعد دقايق ام ريما:تغطوا يابنات نواف بيدخل!! دخل نواف ومعاه ابوة وابو ريما والعم طلال ويوم دخل نواف بوسط الحريم راح للكوشة وكانت ريما ترتجف واضح عليها التوتر..اعجبتة ريما بشكل كانت قمر..وهي مو مصدقة ان نواف جالس جنبها ومبسوطة وذايبة مع ابتسامة العريضة البنات ماعوا يوم شافوة هيفاء:ياربي وش ذا رجال ولا ملاك.. ندى:والله ريوم محظوظة الله لايضرها هنوف:ماشاء الله كل واحد احلى من الثاني نوف:وش بيطلعون عيالهم ..ماشاء الله ابوريما صور معاهم هو وعمامها وبعدين طلعوا الرجال.. وام ريما:تفضلوا على العشاء<علشان ياخذون راحتهم .. كان العشاء بوفية على المسبح روعة شكلة صاير طاولات والكراسي على طرف المسبح والبالونات واليزر والاضاءة ام ريما وام نواف وام سعد والعمة نورة قعدوا عندهم وبعدين قاموا يتعشون وريما مسكت امها علشان ماتركها نواف شافها وكان فية الضحكة من حركة ريما بس مسك اعصابة..حس ان ريما خايفة منه ام ريما دنقت على راس ريما وباستة وطلعت..ريما ترتجف والبوكية معاها واضح انها خايفة نواف:شخبارك ريما؟ ريما بصوت متقطع:تم . . .مام نواف:ماشاء الله ريما طالعة قمر ريما:عيونك الحلوات رن جوال نواف..طلع فيصل متعمد يبي يزعجة نواف طلع جوالة وشاف رقم فيصل:اوة وش يبي ذا الزقة فيصل ريما:ههههه نواف:ياه ياحلو ضحكتك ريما استحت ودنقت راسها نواف ماشاف ريما كانت طول الوقت مدنقة وعيونها بالارض مد يدة يبي يرفع راسها الا ودخلوا البنات وام نواف وام ريما(دخلوا في موقف محرج) نواف بصوت قصير:لاحول وش يبون ذولي امداهم خلصوا عشاء ريما ميتة من الضحك نواف وهو يبتسم ام نواف :يالله نواف لبس مرتك الشبكة واعطتة صندوق مخمل كحلي..وكان طقم الماس رفعت ريما شعرها ولبسها العقد وريما ترتجف من الخوف الانظار كلها عليها ولبسها الخاتم والاسوارة وباس يدها ريما تمنت الارض تنشق وتبلعها.استحت موت ونواف يعجبة حياها..جلسوا شوية وبعدين نواف قال:يالله ريما انا استئذن..فمان الله ريما رفعت راسها واول مرة تحط عينها بعينة ..وجلس يطالعها كان ذايب في عيونها كبار وسود ياسلام ريما على طول دنقت راسها من الحيا نواف:يالله ريما توصين شي ريما:لا سلامتك.. نواف:فمان الله ريما:الله يحفظك طلع نواف وكان فيصل يستقبلة بسيارتة برى البيت..ركب باليسيارة فيصل:ماشاء الله كان نايم عندها؟ نواف:ياليت والله.. فيصل:الحمد لله شكل الوضع تحسن!! نواتف:الحمد لله.. فيصل:وش فيك صاير رسمي؟ نواف:مدري احس اني دايخ ونفسي انام امس مانمت فيصل:الله يهنيك يانواف نواف:آمين...تسلم يالغالي وعقبالك فيصل:لا فكنا الحين خلني انبسط وانا عزابي.تونى على الزواج ريما جالسة بالكوشة والبنات عندها هيفاء:ريما ماشاء الله على نواف فعلاً شيخ ..روعة ريما:ساكتة وتبتسم لها..تسلمين ياهيوفة ندى:ههههههههه يعني وش الرسميات..يعني صرتي مرة وكبر كلامك بعد ههههههه ريما:ههههههههه هنوف:سبحان الي يغير ولا يتغير من دقايق كانت تبكي وترتجف من الخوف والحين تضحك!.. البنات ههههههههههههههه نوف:خذا رقمك؟ ريما تضايقت:لا نوف:ايه ماشاء الله عاقل مايحب المكالمات ريما بينها وبين نفسها(ياليت اكلمة ويكلمني مثل باقي المتزوجين بس آه) ريما:طيب يابنات فكوني منكم روحوا ارقصوا تكفون ..نفسي ارقص بس مستحية وش يقولون عني الحريم انهبلت يوم ملكتها؟ ندى:من عيوني ماطلبتي شي الحين ارقص واسميها لك ههههههههه نوف:ريوم بنشغل الستيريو الكبير نبي طقاقات ريما:اوكي شوفوا سلة اشرطة بغرفتي هنوف:بروح اجيبها!! جلسوا البنت يرقصون وحالتهم حالة..وجلسوا الى الساعة 2 باليل..نوف وهنوف وندى وهيفاء ناموا اليلة عند ريما..اول ماراحوا الحريم..جلسوا البنات بالصالة ابوريما بنادي ريما..ريما جت عنده بالمجلس راح وباس راسها.. ابوريما:الف مبروك يابنيتي الله يسعدك ويهنيك..نواف رجال وانا ماعطيته اياك الا اني اعرفة زين ويكفي انة ولد عمك وبيخاف عليك..ريما استحت ودنقت راسها ريما:الله يبارك فيك طلع علبة واعطاها ريما ريما:وش ذي يبة؟ ابو ريما:افتحيها.. فتحت ريما وكانت خاتم احجار كريمة كل فصوص ريما:يا111ي روعة تسلم يبة ..وراحت وباست راسه..الله لايخليني منك .. ابو ريما:يالله يبة روحي للبنات جالسات يستنونك ريما:طيب عن اذنك.. ابو ريما طلع فوق يبي يرتاح بعد تعب اليوم ريما طلعت عند البنات وجلسوا يرتيقون عليها اليوم هي ونواف ويضحكون ويسولفون ماناموا الا الساعة 8 الصبح..بعدمافطروا على حساب ريما.. : : : نواف بعد مانزله فيصل دخل البيت الساعة 3 الكل نايم..ودخل غرفتة وكان يفكربجمال ونعومة ريما (والله اني محظوظ ان ريما بتكون من نصيبي ..بس آه قلبي ماقدر اذا شفت هنوف يارب انك تصرفني عنها..والله يساعدني اني انسى هنوف واسعد ريما..) نواف جلس يفكر وبعدين صلى الفجر وراح ينام : : : البنات صحوا الساعة 4العصر ونزلوا وتغدوا وجلسوا شوي بعدين فيصل جاء واخذ هنوف ونوف راحت مع هنوف علشان يوصلونها للبيت وندى وهيفاء جلسوا وبعدين جاءخالد واخذهم ... ريما جلست لحالها عند التلفزيون وكانت تسمع اغنية اليسا (حبك وجع ) وتذكرت نواف واتذكرت امس ملكتها وانبسطت.. بكرى بتسافر خالة ريما هند وسوت الجدة هيا عشاءيعني وداعية.. وجلسوا مع بعض سوالف برى بالحديقة هند:ماشاء الله ياريما زوجك حلو ريما استحت وماتدري وش تقول الجدة هيا:بس الاحلى منه بنتي ريما امس تجنن ريما:تسلمين يايمة ام ريما:ايه نواف من كان صغير وهو يهبل ندى:ياهوة البنت استحت وماعت وحالتها حالة!! هيفاء:شوفوا وجها احمر واخضر واصفر الوان إشارة ريما قامت من مكانهاودخلت جوا البيت.. هند:احرجتوا البنية حرام عليكم هيفاء وندى:ههههههههههههههههههههه ..احسن ليش تتزوج قبلنا الجدة هيا:اجل لو بتستناكم عز الله بنيتي عنست ام ريما:ههههههههههههه لا ندو وهيوفة الكل يتمناهم هيفاء:صح لسانك خالتي هههههههههه رجعت ريما ومعاها جاتوهات ندى:اهلاً بالحامل والمحمول ريما:لابس قولي بالمحمول هههههههههه ندى:دايماَ ظالمتني جلسوا يسولفون ويضحكون..وبعدين دخلوا تركي وخالد:السلام عليكم الحريم:وعليكم السلام خالد:يالله يمة ترى الحين موعد الرحلة ريما:لا ياربي كره لحظات الوداع هند:يالله يمة هيفاء قومي جيبي العبايات..وانت خالد ركبت الشناط بالسيارة؟ خالد:ايه.. هند قامت من مكانها وراحت باست راس امها:يالله يمة اشوفك على خير وسلمت عليهم هي وهيفاء وريما تبكي وهيفاء تبكي معاها..راحوا المطار وتركي هو الي موصلهم.. : : : بعد مرور شهر على ملكة نواف وريما..ابد ماشافها ولا شافتة ولاحتى كلمها..وكانت البنات مجتمعات عند هنوف.. وفي غرفة هنوف البنات جالسات يسولفن هنوف:ريما شخبار نواف؟ ريما:آآآآه ياهنوفة تصدقين مابعد الملكة ماشفتة ولاكلمتة..احس انه مايبني مغصوب علي نوف:اقول استكي وش مغصوب الولد يوم الملكة كان ميت من الوناسة مبسوط هنوف:فيه شخص تكون ريما قابل وجهه ويطفش؟ ريما: تسلمون حبيباتي..بس ماحس اني مخطوبة حالي حال البنات.. هنوف:تبين اقول لفيصل شي يوصلة لنواف؟ ريما بعصبية حادة:لا لا لا هنوف آمانة ماتقولين له ولاكلمة .. نوف:ايه البنت عندها كبرياء لازم هو يجيها وش بيقول عنها؟ هنوف:مافية كبرياء بين الرجال ومرتة فاهمة ياماما؟ نوف:الا وبعدين كرامتها ماتسمح لها ريما:خلاص بنات اسكتوا..هنوف وين عبودي مشتاقة له حيل هنوف:عبودي مع فيصل طلعوا ريما:آها1111111 نوف:والله اني حبيت هيفاء بنت خالتك ياريومو عسولة مررة هنوف:ايه ماشاء الله عليها خفيفة دم ومرحة..ولاتنسين ندوش قلبي اموت عليها ريما:هههههههههه ايه كلهم روعة.. نوف:نفسي العب بلوت تلعبون معاي؟ هنوف:يالله اروح اجيب ورقة من غرفة فيصل ريما:ياربي منكم الحين احنا بنات ولا عيال علشان نلعب بلوت؟ نوف:طيب ولعب الكورة للبنات ولا للعيال ريما:هاه لا للبنات والعيال سوى مافية فرق الكورة شي مشترك لهم نوف:طيب حتى البلوت ريما:بس انا ماعرف العبة..؟ نوف:انا اعرف له وراح اعلمك كيف تلعبين وتصيرين فنانة.. جابت هنوف الورقة وجلست نوف تعلم ريما البلوت وريما كانت مركزة معاها وهي تشرح وبعدين لعبوا اول مرة طلعت ريما برى والمرة الثانية تعلمت وطلعت هنوف برى العبة..وبعدين فازت ريما على نوف...... نوف:هههههههههههه علمناهم ع الطرارة سبقونا على الأبواب ريما:ههههههههه ياحظي والله اني خطيرة وحركات وتحفة وجنان وكل شي هنوف:اعصابك ريما..ههههههههههههههه ريما:يالله بنات قوموا نلعب مرة ثانية هنوف: ياربي منك مرة ثانية خلاص طفشتوني ريما:مابي بلعب يعني بلعب .. لعبوا البنات وفازت ريما..وكانت ريما مبسوطة ع الآخر.. العمة نورة: يابنات يالله قوموا العشاء جاهز.. قاموا البنات يتعشون وهم على السفرة بس يضحكون العمة نورة:اذا حضر الطعام بطل الكلام اسكتوا..!! نوف:والله ياعمتي ماتحلا السوالف الا اذا شفنا الأكل ريما:ههههههههه صدق مانبسط بالسوالف الا عند الاكل فيصل جاء بيدخل عليهم بالصالة وهم يتعشون ماكان يدري انه عندهم احد هنوف:وقف وقف وقف ياهوة فية عندنا ناس فيصل:آسف.... هنوف تعالي ابيك.. هنوف راحت عندة..:خير وش تبي؟ فيصل:من عندنا؟ هنوف:ريما ونوف فيصل:ريما حرم الاخ نواف بن سعود عندنا يامرحبا يامرحبا هنوف:ههههههههههههههههههههههههه هههههههههههههه فيصل:اقول اقلبي وجهك ..وقولي لأمي بتأخر عندنا مباراة اليلة هنوف:انت ومين؟<<تبي تعرف نواف معاهم علشان تقول لريما فيصل:وش دخلك سلام!! وطلع هنوف تركض وراه:تكفى انت ومين فيصل عصب:انتي وش دخلك.؟ هنوف:هاه بس كذا فيصل رن جواله وطلع نواف:الو هلا بالشيخ نواف هنوف انبسطت علشان تسمع المكالمة وتنقلها لريما( كيدهن عظيم) نواف:هلا بك فصيل اقول متى بتروح للشبا؟ فيصل:اقول نواف توقع من عندنا؟ نواف:مين؟ فيصل:ريما نواف:احلف عندكم؟ فيصل:ههههههههههههه وش فيك والله عندنا نواف:ايه وينك الحين جالس عندهم؟ فيصل بيقهرة:ايه نواف:اقول اطلع برى وش جلسك مع البنات يالي ماتستحي..قوم يالله والا والله الا اجي وادوس في بطنك لاتجلس مع حرمتي فيصل:ههههههههههههههههههههههههه هههههههههههههه. ..مجن ون وربي من زينك انت وحرمتك اجلس معاها.. نواف:حدك يانه راح يجيك كف على وجهك ..تحرم بعدها تتكلم عنها!! فيصل:هههههههه اقول يالحبيب متى بتطلع للشبا؟ نواف:بعد شوي! فيصل:حتى انا يالله اشوفك هناك فمان الله.. نواف:فمان الكريم هنوف:فيصل وش يبي نواف؟ فيصل:بسم الله الرحمن الرحيم انتي بعدك هنا مارحتي؟ هنوف:لا فيصل:بس بيتطمن انا جالس معاكم ولا لا ؟؟يغار الاخو في الله على حرمتة هنوف:ههههههههههههههههههههه يالله بروح للبنات با111ي البنات جالسين بالغرفة عند التلفزيون والعمة نورة راحت للمطبخ .. هنوف وهي طايرة وتركض جت وجلست عند البنات ريما:بسم الله عليك وش فيك مطيورة؟ نوف:اكيد شافت لها شبح هههههههههه هنوف: ها ها ها<تعبانة من الركض..لحظة بس ابي القط انفاسي..ريما عندي خبر لك من نواف حلو ريما:احلفي وشو؟ومش عرفك انتي بالخبر؟ نوف:يمة ريوم اعقلي ..كل هذا علشان حبيب القلب؟ ريما:يالله هنوفة قولي تكلمي.. هنوف قالت لها السالفة ريما وجهها احمر نوف:ههههههههههههه طالعي وجهها كيف صار كنها طماطه هنوف:ههههههههههههههههههههههههه ههههه ريما:اقول اكرموني بسكوتكم انتي وياها.. حطوا البنات على روتانا خليجية وكانت اغنية ماجد المهندس واحشني موت ريما بصوت عالي:اتركوها تكفون ابي اسمعها هنوف:شوي شوي ريوم اعصابك نوف:طيب بس اثقلي انتي (والله واحشني موت خاف بعدك اموت... قلبي لو من حديد ذاب وانت بعيد لو خسرتك حبيبي شلون احب من جديد؟.. وين القا وفاك..او احس بدفك) ريما منسجمة مع الاغنية..ويوم خلصت نوف:هنوف ماعندكم شموع البنت دخلت جو رومانسي ههههههههه هنوف:راح اجيب شموع بس مايكمل الجو الرومانسي الا بالغالي ريما:يوة ياسخفكم انتم وكلامكم نوف:هههههههههههههههههههههههههه ههههه جاء العم طلال واخذ نوف الساعة 11 ونص ويوم جت الساعة 12 جاء السواق واخذ ريما.. جت ريما للبيت بدلت ملابسها ونزلت لأهلها وجلست بالصالة عند امها وابوها وجلست سوالف هي وامها ..ويوم جت الساعة 1 طلع ابوها ينام هو وامها رن جوال ريما وطلعت صديقتها رشا رشا:هالو ريوم ريما:هلا وغلا برشا رشا:وينك يالقاطعة يعني يوم انخطبتي تكبرتي علينا؟ ريما:هههههههه لاحرام عليك بس مشاغل والله وجلسوا ساعتين وهم يسولفون وبعدها سكرت الخط وراحت تنام.. : : : الساعة 3 العصر قام نواف من النوم وجلس مع أمه الي كانت لحالها بالصالة نواف:صباح الخير يمة ام نواف: طالع الساعة زين..أي صباح الا قول مساء نواف:ههههههه ولاتزعل الغالية مساء الخير ام نواف: اقول نواف من متى ماشفت ريما او كلمتها؟ نواف بكل برود:امم آخر شي يوم الملكة.. ام نواف تشهق: اهئ يوم الملكة..قوم قوم روح تضبط وبسرعة روح لبيت عمك وقابلها..وش بيقولون عمامك علينا؟والبينة ريما المفروض تشوفها كل اسبوعين على الاقل عيب عليك..والله فشلتنا قدامهم.. نواف:يمة وش اروح الله يهداك ..طيب تعالي معاي!! ام نواف: ياسلام وش دخلني انا الي خاطب ولا انت؟ نواف :خلاص يمة الي تامرين فيه بتصل على عمي فهد واستئذن منه اني اقابل ريما هاه وش تبين بعد؟ ام نواف: ايه خوش كلام..يالله روح كلم عمك.. كلم عمه ابو ريما وفاتحة بالموضوع والعم رحب فية وقال ان هذا حقة وافق عمة وقاله انه راح يزورهم بعد المغرب.. ابو ريما كان في شركتة العصر واتصل على ام ريما وقالها علشان تخبر ريما..ريما طبعاً للحين نايمة.. وقامت على صراخ امها.. ام ريما: قومي ريما بسرعة ريما في عيونها النوم: يمة تكفين مانمت زين اتركيني بس شوي ام ريما:عندي لك مفاجأة.. ريما وهي دايخة:خير وش ذي المفاجأة؟ ام ريما: نواف راح يزورنا اليوم يبي يشوفك ريما قمزت من السرير وراحت عند امها: صدق يمة متى؟الساعة كم؟ ام ريما:ههههههههههههه ياليت نواف كل يوم يجي اذا بتصحين بالسرعة ذي ريما تفشلت واستحت ولا تدري وش تقول ام ريما: بيجي بعد المغرب يالله جهزي حالك.. ريما ارتبكت ولاتدري وش تسوي..راحت اخذت شاور وزينت شعرها.. وجهزت لبسها...لبست تنورة سوداء مرسوم عليها ورد ابيض كبير وبلوزة بيضاء على الجسم فيها بروش اسود على شكل وردة كله كرستالات.. وصندل وانتوا بكرامة مخمل اسود وفية بالوسط كريستالات بيضاويات الشكل كلها فصوص تلمع وفلت شعرها كان ناعم وحلو ..وحطت كحل داخل العين وجلوس وبلاشر بلون الخوخ ..ولبست حلق كرستالة سوداء تلمع كبيرة شكلها خطير ورشت عطر (ستيلا) وتبخرت ونزلت تحت نواف كان لابس ثوب وغترة وركب سيارتة بعد صلاة المغرب على طول ومر محلات الورد احتار مايدري وش يختار لها نوع وتذكر انها بيوم الملكة ماسكة ورد جوري ..يعني اكيد تحب الجوري..(ماشاء الله متذكر كل شيء بيوم الملكة <نصاب) واخذ بوكية ورد جوري احمر شكلة حلو ومرتب وبعدين راح لبيت ريما واول ماوصل الباب طق الباب فتحت الشغالة وريما كانت واقفة برى بالحوش تستناه ويوم شافها ابستم لها ابتسامة تذوب الضخر ماعت البنت0000 نواف:مساء الخير.. ريما بصوت واطي:مساء النور..تفضل ودخلوا بالمجلس كان المجلس كبير ولونة بني واصفر روعة000 الكنبات وحدة بينة وفيها نقشات هندية بالأصفر وكنبة الثانية صفراء وفيها نقشات بينة..وبالوسط طاولة قزاز وفيها تحف نواف اعطى ريما البوكية الورد نواف:والله احترت مدري وش أخذ لك نوع بس حسيت انك تحبين الجوري.. ريما:صحيح انا احب نوع عندي الجوري..حتى في مزرعتنا زرعت ورد جوري بجميع الالوان نواف:صدق..ماشاء الله ذويقة يعني.. ريما استحت.. نواف:اعذريني ياريما والله مشغول هذي الايام ولاقدرت اجيكم.. ريما:لا معليش معذور.. نواف:امس كنتي عند عمتي نورة؟ ريما مندهشة كيف عرف نست ان فيصل قاله:هاه وش عرفك؟ نواف:ههههههههه لابس قلبي يقولي.. ريما دنقت راسها وتذكرت ان فيصل هو الي قالة ريما:نواف نواف:عيونة<طلعت منه من غير مايدري ريما استحت:وش صار على مباراتكم امس فزتوا؟ نواف مطير عيونه وهو مندهش:وش عرفك نواف:ايه فزنا الحمد لله 2/0 ريما:مبروك نواف وهو يبتسم:الله يبارك فيك ريما تخبلت على ابتسامته جت ام ريما دخلت عليهم وسلمت على نواف وجابت القهوة وريما قامت تقهويهم وماطولت ام ريما على طول طلعت..ريما وهي تعطي نواف سلة الحلويات..تفضل نواف:لا بس مشكورة ريما:علشاني خذ لو وحدة نواف:علشانك بس ان بغيتي اخذ السلة كلها ريما استحت وابستمت له نواف انجن على ابستامتها وعلى نظراتها له..عيونها خطيرة ريما جت وجلست بعيد عنه نواف:يالله انا استئذن ريما:وين تو الناس؟ نواف:هههههه يعني تبيني اجلس بعد؟ ريما استحت وهزت راسها يعني ايه مسك راسها وقال والله ياريما عندي مشاغل ريما عصبت منه( وانا ماني من مشاغلك ولأ آخر شي تفكر فيه ريما) ريما راحت وصلته عند الباب نواف:مع السلامة ريما:مع السلامة سكرت الباب وهو يبتسم لها راحت ريما وبدلت ملابسها..وجلست على النت كانت فيه ندى على الماسنجر وجلست تقولها وش صار معاها هي ونواف..وانها طايرة من الفرحة وندى تضحك عليها11111111111 |
رد: $قصة ريما ونواف قصه رومنسيه سعوديه$
الجزء الثامن
الفصل الثاني : : : جت الدراسة ..وريما كانت بثالث ثانوي وفي يوم من الايام دخلت الفصل كانت جنبها صديقتهارشا وكانوا صديقتها خلود واسماء ومشاعل .. يتريقون على ريما صديقاتها على خطبتها وملكتها وانها بتزوج..وريما تضحك عليهم وتعصب منهم بنفس الوقت..ريما محبوبة عند صديقاتها رشا:انا اتمنى اشوف نواف هذا الي جننتينا فيه؟ اسماء:تكفين ريوم جيبي صورتة خلود:ايه ايه تكفين مشاعل:لا ريومة لاتجيبين صورتة بكرى يخطفونه منك ههههههههه ريما: لاوالله ماني غبية علشان اجيب صورته لكن..اذا حجت البقر على قرونها اجيب لكم الصورة ههههههههههههه خلود:اساساً ولد وخاطب وش نبي فية؟ وخاطب ريما يعني ام لسان طويل مشاعل:هههههههههههههههه رشا:ياويلك منها..الحين هي تغار اذا بس قلنا اسمه كيف لما نشوفة ريما:ههههههههههههههههههههه صديقاتها ميتات على مايشوفون نواف.. : : ريما رجعت من المدرسة تغدت ونامت ...وماقامت الا الساعة 3 العصر..نزلت بالحديقة العصر الا وامها جالسة بالكراسي وتشرب شاي..جت ريما وجلست عندها ريما :السلام عليكم ام ريما:وعليكم السلام ام ريما: بكرى الاربعاء وش رايك نقول لحريم عمامك وعمتك نورة يجوننا ريما:ايه صح من زمان عنهم..ياليت والله.. ام ريما:خلاص اجل باروح اتصل عليهم واقولهم..علشان مايرتبطون.. ريما:زين ريما صعدت غرفتها وجلست تذاكر ..ورن المنبة الي في جوالها...وكان موعد امسية لحامد زيد على احد القنوات ونزلت ريما تركض على الدرج ونطت على الكنبة الي قبال التلفزيون وكانت منسجمة معاه..من قصيدة السفينة الى قصيدة اخذيني مابيني وكل قصايدة.. واليوم الي بعده ..راحت ريما تلبس علشان بعد شوي بيجون الحريم ولازم تكشخ عند خالتها ام نواف لبست بنطولون جينز ازرق وبلوزة فوشي موديلها صيني وفيها الازرار الصينية لونها ذهبي ولفت شعرها بالاعواد الصينية الي تنحط بالشعر شكلها مررة كيوت وحطت كحلة لونها ازرق فيها لمعة وروج زهري..وتعطرت ونزلت كانت تستنى الحريم وجوا الحريم واول ماشافت ام نواف ريما ..راحت وحضنتها بقوة وسلمت عليها بحرارة..ودخلوا المجلس وجلسوا ....عبودي ومها جلسوا عند الحريم عبودي:ماما نفثي الوح للملاهي فانتذي لاند بالثمامة(نفسي اروح للملاهي فانتزي لاند بالثمامة) مها:ماما وانا بعد بلوح ياحياتي ..من ذمان ماتلعنا ملاهي بليذ(وانا بعد بروح ياحياتي من زمان ماطلعنا ملاهي بليز) ريما كسروا خاطرها :بنات وش رايكم نروح فانتزي لاند؟نلعب البزارين ونتمشى ونغير جو؟ نوف:والله فكرة ياليت.. هنوف:هههههههههههاي مين بيسمح لكم اقول احلموا حبايبي.. ريما وقفت عند الحريم تحاكيهم: اقول ممكن نروح نودي مها وعبودي مرة لفانتزي لاند انا والبنات؟ياحياتي شكلهم طفشانين حيل!! العمة نورة:بس ماتروحون لحالكم مع السواق احنا ليل والثمامة بعيدة شوي نوف:لا عادي عمتي دايم نروح تكفين..... هنوف:والله من زمان مارحنا لها تكفون زهقنا طفشنا ام ريما:صح كلام عمتك نورة مافية روحة مع السواق عبودي:تيب بنكلم فيثل يودينا(طيب بنكلم فيصل يودينا) هنوف: مافية امل فيصل مايودي ولايجيب ... مها:نواف هو مله يحبني انا وعبودي ومايلفذ أي ثي ابيه ابي اكلمة اعتيني دوالك ماما(نواف هو مله يحبني انا وعبودي ومايرفض اي شي ابيه ابي اكلمة اعطيني جوالك ماما) ريما :بنات اذا نواف بيودينا ماراح اروح مستحية منه نوف:اقول فكينا انتي ونوافك ذا الحين خلية يوافق كلمت مها من جوال ام نواف على نواف..كان مبسوط نواف على مها وعبودي ويحبهم بالمرة ومدلعهم آخر دلع ولايهاوشهم ويلعب معاهم..طبعاً نواف وافق انه بيوديهم فانتزي لاند..اخذت السماعة ام نواف منها وكلمتة ام نواف:هلا نواف صدق راح توديهم؟ نواف:عبودي ومهاوي يامرون آمر ام نواف:بس مو هم لحالهم الي بيروحون فيه ناس بيروحون وياهم ريما كانت تأشر لخالتها يعني انها خلاص ماراح تروح غيرت رايها ام نواف ابتسمت لها |
| الساعة الآن توقيت السعودية الرياض و الدمام و القصيم و جدة 05:50 AM. |
Powered by vBulletin® Copyright ©2000 - 2025,
vBulletin Optimisation provided by
vB Optimise (Pro) -
vBulletin Mods & Addons Copyright © 2025 DragonByte Technologies Ltd.