|
فن التعامل مع كبار السن
لكبار السن تقدير وأحترام رفيع
ولا شك في ذلك ولكن هناك ما يكون من الذوق الخلقي الرفيع في التعامل مع كبار السن من الغرباء عنا ممن نلتقي بهم في الأماكن العامة وإليك هذه الومضات الذوقية: - قد يهذي المسن بأحاديث لا قيمة لديك بشأنها فاحترمه وقدر سنه وأستمع له وتذكر اللهم أرحمنا في أرذل العمر. - في كثير من الأماكن العامة المزدحمة كالمستشفيات يلزم بها الجميع بانتظار المواعيد فكن ذا حس صادق ولا تجلس وتدع كبار السن يقفون متكئين على الجدار! - تذكر أن المسن يتضايق من وحدته ويفرح كثيرا عندما يلتقي بالآخرين لذا رحب به إن بادر الحديث معك واسأله عن أحواله وشأنه ولاحظ مدى سعادته. - إذا تسبب المسن في إسقاط شيء في مجلس أوعرقلة للنظام في مكان فلا تقابله مباشرة بالكلمات المخطئة أوالمشفقة بل أصلح الأمر بصمت وغير مجرى الحديث. - قد يعاني معظم المسنين من ضعف السمع والبصر والنطق لكنه يتجاهل ذلك فكن ذا لباقة ولا تطلب منهم تكرار مايقولونه أوتريهم ما يريدونه بسرعة أوحتى تتحدث إليهم بصوت منخفض وسريع ! - يفرح المسن بمن يقدم له المساعدة بدون أن يطلبها منه مثلا عند وجود درج بادر وأسند يده بيدك ولا تقف خلفه أوتخطاه محملقا به فقط! |
رد: فن التعامل مع كبار السن
يعطيك العافيه |
رد: فن التعامل مع كبار السن
- يفرح المسن بمن يقدم له المساعدة بدون
أن يطلبها منه مثلا عند وجود درج بادر وأسند يده بيدك ولا تقف خلفه أوتخطاه محملقا به فقط! كلام سليم، حبيت هالنقطة لأن معظم الشباب هالأيام من يشوفون عجوز أو شيبة ما يسونلهم سالفة ويبتعدون وما يساعدونهم !!! |
رد: فن التعامل مع كبار السن
انا بصراحه ايد رأي مرايم الزين في النقطه الي وظحتها ان المسن بالفعل يحتاج لناس حواليه ويحس ان الدنيا شايلتنه يوم حد يساعده في عبور الشارع مثلا او ركوب الدرج شو الي يمنع و مانساعدهم.. فيوم من الايام بنكون في حالتهم
|
رد: فن التعامل مع كبار السن
مشكورة سارة يعطيج العافية !!
أمسات شفت عجوز ولد قاعد حذالها، العجوز طاح منها أغراضها والولد تم يطالعها ولا ساعدها ولا شي !! انا انقهرت !! بس استويت قدوة للولد وساعدت العجوز :) |
رد: فن التعامل مع كبار السن
O_o شو هلا ناس والله حرم
|
رد: فن التعامل مع كبار السن
مشكورة مرايم :) انا بعد قبل كمن سنه كنت واقفه في طابور في الهجرة والجوازات و يا شايب هو ولده الولد خلاه و سار عنه وحليه الشايب ما يقدر لا يحرك الكرسي ولا شي فسرت انا وجدمته عالناس وكل حد احترم شيباته الا ولده الله يسامحه |
رد: فن التعامل مع كبار السن
|
رد: فن التعامل مع كبار السن
فاطمة: السالفة مب حرام السالفه انهم مب متعلمين كيف يتعاملون ويا كبار السن، المفروض في مجتمعنا الإسلامي ينشرون محاضرات عن كيفية التعامل مع كبار السن
سارة: الله يهدي ولده :( وعلى طاري هاي السالفة، انا وربيعاتي مره شفنا عجوز واقفه رحها اتطالع يمين ويسار، وسرنا عندها قلنالها تبين مساعده، رفضت اتكلمنا وتمت اتقول بنتي بتي وبتاخذني، خليناها ورحنا وردينا عقب ساعة وبعدها واقفه، على ويها علامات القلق والخوف بس رافضة تكلمنا، قلنا نتصل في الشرطة، بس ابتعدنا شوي عنها وإلا شفناها اختفت !!! كسرت ابخاطري وايد وحسيت إن بنتها هدتها وراحت عنها، لأن نقرا وايد في الجرايد عن هالسوالف هالأيام !! الله يهديهم !! |
رد: فن التعامل مع كبار السن
ok fe ma6a8 fel 3alam ina my yhtamoon el kbaaaar ya3ni etha na7na ma nhtam fe hoom ... mno by yhtam?
|
رد: فن التعامل مع كبار السن
sorry man6a8
|
رد: فن التعامل مع كبار السن
هيه والله غمظني :(
على طاري هالسوالف .. انا اشوف ان هالقصص هالايام وايد زادت عدنا.. قبل بس كنا نقراها في الجرايد او نشوف قصص في التلفزيون منها بس الحين قمنا نعيش هالواقع :( الله يعين والله ويسامحهم نحنا لو عندنا ناس كبار جيه جان اهتمينا فيهم مب فريناهم مثل هالبنت الي فرت امها و سارت عنها الله بياخذ حقه من بنتها الشريره انشالله :@ فاطمه: صح كلامج انا بعد لاحظت هالشي في وايد من البلدان الاوربيه |
رد: فن التعامل مع كبار السن
فاطمة: أوافقج الرأي !!
من مقترحاتي أن عالأقل انسوي حملات أنوعي الناس أن كبار السن لهم حقوق الرعاية !! |
رد: فن التعامل مع كبار السن
سارة: هالأيام الشباب ما يهتمون إلا بنفسهم وما يسون سالفة حق الناس وكبار السن، وأعرف كم من بنت اتجز من اتشوف عجوز ولا شيبة اتخيلي !!! :s
صدق لازم في كل يوم الجمعة الخطيب لازم يخطب عالناس ويذكرهم كيف الإسلام حرص علينا أن نهتم بكبار السن، وحتى في رمضان لازم تكثر المحاضرات الدينية الي تحضنا على مساعدة كبار السن !! :) |
رد: فن التعامل مع كبار السن
ok bas fe nas el wakt ya 5thhm o na7na lazim na3lam 3marna 3la el sabar
|
رد: فن التعامل مع كبار السن
انا وياج مريم وفاطمة دار رعاية المسنين مب كافي لهم ونحنا كشبابمقصرين في حقهم وايد
|
رد: فن التعامل مع كبار السن
فاطمة: حبيت نقطتج، مثل ما قلت أن شباب هالأيام بس يفكرو في عمارهم وينشغلون في دنياهم والوقت يلهيهم وياخذهم عن اهتمام الآخرين !!
|
رد: فن التعامل مع كبار السن
na7na kel 3arb mob bas fe ramdan insweha but el3am kela.... 3ashan hal "3yayez" sawow wayed 7agna
|
رد: فن التعامل مع كبار السن
انا وياج فاطمه في الكلام الي قلتيه.. هالعيايز والشياب على قولتهم الي ملعوزينهم لو مب هم جان نحنا مب في هالدنيا الحينه و هم الي عمرو الدنيا و صنعو السفن و خاطو الثياب.. مستكثرين عليهم مسكة ايد او شي من هالسوالف؟!!
|
رد: فن التعامل مع كبار السن
فاطمة: هيه كنت أقصد دام أن في رمضان يسون محاضرات دينية، لو يكثرون من مواضيع التعامل مع كبار السن بيكوت أحسن !! بس صدقتي مب بس في رمضان حتى في الأيام والشهور العادية المفروض يوعون مجتمعنا والجيل الجديد !! العيايز هم الي ربونا وكبرونا لازم انردلهم الجميل وقد ما انسوي ما يكفيهم !!!
الله يعطيهم الصحة والعافية ويخليهم لأهلهم |
رد: فن التعامل مع كبار السن
سارة: هيه والله !!! الحين صدق انقهرت !! الله يهدي شبابنا :(
|
رد: فن التعامل مع كبار السن
بصراحه يا مرايم لازم نقترح عليهم موضوع مثل جيه.. نبا محاظارات عن كيفية تعاملهم مع المسن اكثر .. انا في حياتي ما شفت حد مسوي محاظرة عنهم الا يمكن مره وحده بس وكانت قبل اكثر من سنه
|
رد: فن التعامل مع كبار السن
wallah hel mo7datha 5alatni afkar wayed 3an kelhm wo 7ata fe baitna... 8asdeee ina lazim antbah akther wo a3teehm hom e7tram w 7ob...
|
رد: فن التعامل مع كبار السن
سلمت يداك المبدعه
|
رد: فن التعامل مع كبار السن
مرايم: صح السالفه تقهر .. انا بعد بصراحة انقهرت
فاطمه: هذا هو المطلوب .. ان نعطيهم الحب الي هم يحتاجونه والحنان الي عطونا اياه قبل لازم نعامل بنفس الطريقة الي عاملوها فينا |
رد: فن التعامل مع كبار السن
inshallah ma3 kel ely agdar 3alaih basaweeh o into ba3a :p
|
رد: فن التعامل مع كبار السن
ba3ad*
|
رد: فن التعامل مع كبار السن
سارة: أوافقج الرأي، ومثل هالموضوع، نشكر صاحبة الموضوع الي عطتنا الوقت عالأقل انفكر فيهم وبعد ما قريت الموضوع الحين نحن في وعي عن كبار السن ونبدأ خطوتنا
فاطمة: مشكورة فاطمة، وكلامج سليم ويعطيج العافية، والله يكثر من أمثالج |
رد: فن التعامل مع كبار السن
انشالله يا فاطمة كل الي نقدر عليه بنسويه ولا بنقصر في حقهم :)
|
رد: فن التعامل مع كبار السن
بارك الله فيكي
واحسن الخاتمه امين |
رد: فن التعامل مع كبار السن
شكرا مرايم و فاطمة على هالنقاش البسيط ال سويناه و مشكوره يا راعية الموضوع :)
|
رد: فن التعامل مع كبار السن
|
رد: فن التعامل مع كبار السن
فاطمه ومريم وسارا
شكر كثير علي المرور والنقاش الي زاد من حلاوة الموضوع |
| الساعة الآن توقيت السعودية الرياض و الدمام و القصيم و جدة 02:20 PM. |
Powered by vBulletin® Copyright ©2000 - 2025,
vBulletin Optimisation provided by
vB Optimise (Pro) -
vBulletin Mods & Addons Copyright © 2025 DragonByte Technologies Ltd.