1-اوصفي لنا طفولتك(بالتفصيل)؟

كانت أكيد حلوة اوى أحنا الحمد لله أسرة صغيرة الى حد ما وكلنا بنحب بعض وكان ده منعكس على طفولتى جدا جدا الحمد لله يارب



2-هل تتمنى ان تعود طفلا ؟ ولماذا ؟

أأأأأأأأأأأأأه ياريت نفسى جدا والله

ليه ؟ عشان كانت أيام حلوة مفيش مسئولية مفيش تفكير فى المستقبل مفيش توتر ولآ خوف من حاجة .


3-هل كنتِ طفله مدلله ؟

أكيد الحمد لله انا أخر العنقود يقى أكيد مدلعة هههههههههه



4-هل مررتِ بصعوبات خلال فترة طفولتك؟


لآ الحمد لله

5-هل كنتِ طفلا هادئا ام خجولا ام مشاغبا؟


خجولة مع الغير والناس الكبار الى حدا ما أنما مع أخواتى وأصحابى لآلآلآلآلآلآلآلآلآ مشغابة جدا جدا هههههههه كنت بعمل كل كارثة وكارثة وأقول لبابا وماما دى أختى او أخويا هههههههههههه


6-اذكر لنا حادثا مر بك خلال طفولتك ولم تنساه للان؟


لآ مفيش حاجة معينة بالظبط غير العب والشقاوة لآ مفيش


7-اين كنت تقضي معظم وقتك؟

فى البيت مع أخواتى وفى الفسح فى الاجازات مع بابا وماما وغالبا كنا بنروح مطروح او البراديس وكمان السعودية


8-لعبتك المفضلة؟


الاستغماية ههههههههه كنت بموت فيها وكمان كنت بلعب مع أخواتى لعبة أسمها دكتور الاسنان كانوا كل ما يشوفوا سنة عندى خلاص حتقع يقولوا يلا نلعب بس كانوا بيضكوا عليا وبيعملوا كده بس عشان أفتح سنانى وهما يشدوا السنه منى ويجروا على البلكونة ويرموها ويتمونوا أمنية ههههههههههه


9-هل كنت طفله اجتماعيه ام انطوائيه ولا تحبِ العب والمخالطة؟

مع الى فى سنى أه أجتماعية أوى وشقية أوى أوى وبموا فى العب والمقالب .



10-لديك اصحاب من الطفولة؟ وهل بقيت معهم ام باعدتكم الاقدار؟


أه ليا أتنين منهم مش بنساهم أبدا بس للاسف أختلاف مناطق السكن والكليات بعدتنا من بعض شوية أنما أصحابا لكلية لسه زى ما هما لانى بطبعى مش بنسى حد عرفته بسرعة .


11-هل كنت تحب افلام الكارتون؟ وما هو كارتونك المفضل؟


أه جدا كان يوم عيد عندى لما كنت بقلب فى التليفزيون والاقى كرتون لان على ايامى كانت القنوات المحلية فقط هههههههههه مفيش دش كنت لما بلاقى كرتون بالصدفة أقعد اليوم كله على أمل أنه يتعاد تانى .

كرتونى المفضل : توم أد جيرى



12-كيف كانت علاقتك باخوانك واخواتك؟


أنا ليا أخ وأخت بس كانت علاقة حلوة أوى كنت بحبهم أوى وهما كمان بيحبونى أوى عشان الصغيرة دلعوتهم بقى بس كنت أقرب لاخى لانه كان زيى بيحب المقالب والعب أكتر من أختى .


13-ما هو اصعب موقف حدث لك في طفولتك ولم تستطع نسيانه؟


لآ مفيش الحمد لله موقف صعب للدرجة بس فاكرة مرة كنت كالعادة بلعب مع أخواتى واختى غصب عنها عورتنى بقاعدة الشطرنج ( كان حديد ) عند الشريان بالظبط فى أيدى اليمين بابا وماما جوم ع صوتى وخافوا جدا ويومها كان كل هم بابا يزعقلى ويقولى مين الى عمل كده هههههههههههههه بس وروحت المستشفة وطبعا عمر الشقى بقى الحمد للخ اتيط أيدى وبقيت زى القرد ههههههههه


14-هل هناك طفل معين غرت منه في طفولتك..ولماذا؟


لآ خالصا لحمد لله ، أحلى حاجة فى طفولتى أن بابا وماما علومنا عمرنا ما نغير من حد ولا نبص لحد غيرنا خالص خالص بالعكس نحمد ربنا على الى أحنا فيه أحنا أحسن من غيرنا والحمد لله الصفة دى بقت معانا لحد دلوقتى .


15-صفِ لنا موقفك اول يوم دخولك لمدرسة؟

كان يوم ههههههههه روحت مع أختى كنا أحنا الاتنين فى مدرسة واحدة وقعدت أعيط كتير أوى ما كنتيش عايزة أروح بابا أشترى لى شيبسى وبسكويت وكارتيه كتير عشان أبطل وفعلا أخدتهم وقعدت أكلهم وبعد ما خلصت كملت عياط وعايزة أروح لاختى وفعلا الميس أخدتنى ليها وما سكتيش غير لما أخويا كلمنى وقالى حاجى أخدك وأنتى مروحة كنت بحبه أوى ومتعلقة بيه أوى وسكت بقى وقعدت أستناه ههههههههههه بس بعد كده كانوا بيطلعونى من المدرسة بالعافية هههههه