|
العين تدمع مرتين الحلقة 1
ابطال القصة
1 البطله ( هبه) وهى 20 سنة فى كليه تجارة وفالفرقه الثالثه , هوايته العزف على الجيتار والعود فبعض من الاحيان , تهوى قراءة الروايات , شخصيتها قويه الى حد ما , حساسه اوى وعصبيه كمان , تحب كل شئ فالحياة ماعدا الغرور والكبرياء والتعالى على الاخرين , ولا ليها فالدلع ولا فالكلام مع الشباب . 2 البطل ( احمد ) وهو 24 سنة خريج كليه تجارة انجليزى وهو معيد فنفس الكليه مادة محاسبه وهو ايضا يعمل مساعد مدير حسابات فشركة بترول , لديه شقه وعربيه , يهوى سماع الموسيقى بكل انواعها , يهوى كتابه القصص والشعر , معظم علاقته بالبنات اصحاب واخوات فقط , طيب جدا ورومانسى جدا , يعشق الهدوء والرقه . 3 البطل ( هشام ) وهو 26 سنة خريج معهد فنى صناعى بالعافيه , يشتغل مع عمه فى مصنع تصنيع سيارات , تربى فى منزل عمه بعد وفاة اسرته فحادث سيارة , اخذه عمه وربه مثل اولاده واكتر , عصبى بجنون , غيور من اى شخص انجح منه , لديه شخصيه غامضه لا يعرفه احدا غيره , يعشق المال , ورغم ذلك فهو حنين جدا على اقاربه . 4 البطله ( سماح ) وهى 21 سنة فكليه تجارة مع هبه يعرفوا بعض من ايام الطفوله واللعب فالشارع , وهيا جارت هبه من 19عاما لديه شخصيه قويه جدا , تحب السيطرة على افكار الاخرين , تعشق الحريه , لا تحب احدا يعلق على تصرفاتها , تحب هبه جدا وهيا تعامله مثل اختها واكتر , طيبه وحنينه جدا , تهوى الغناء وصوته رائع جدا 5 البطل (محمد) وهو 50 عاما وهو والد (هبه) وعم (هشام) لديه مصنع لتصنيع السيارات اساسه هو واخوه قبل مايتوفى يعشق اسرته جدا لا يحب الخروج عن التقاليد , لديه شخصيه رائعه يقدر ان يفهم اى شخص من نظرة عينيه . 6 البطله ( سوسن) وهى 45 سنة وهيا زوجة ( احمد) والدت (هبه) ربه منزل , وهيا ام حنونه جدا , تعرف التعامل مع اولادها ,ولكنها لا تحب الدلع , تهوى التفرج على التليفزيون والمسلسلات التركيه والمكسيكيه , تعشق الافلام الكوميديه لان دمها خفيف جدا . 7 البطل (سامى) وهو 53 سنه وهو والد (محمد) عمل اكتر من 15 سنة بالكويت وكون ثورته , تزوج بالكويت امراة مصريه ولكنها مقيمه فالكويت توفيت بعد الزوج ب 13 سنة , راجل طموح جدا اساس شركة استثماريه لتصدير واستيراد كل المنتجات الغذائيه , يتمنى الخير لكل الناس ولديه شخصيه قويه جدا , متدين ولا يحب الخروج عن التقاليد والدين . 8 البطل (هادى) وهو 15 سنه فالشهادة الاعداديه وهو من المتقواقين فالمنطقه , اخو (هبه) الاصغر , حنون جدا , يغير على اخته من اى مخلوق , دلوع جدا . 9 البطله (شيماء) وهى 26 سنة اخت ( محمد) الاكبر متجوزه من ابن رجل اعمال عندها طفلين (جانا ) و ( زياد ). 10 البطله ( منه ) وهى 23 سنة زميلت محمد فشركة البترول , مابينهم علاقه صداقه قويه جدا وهيا تسكن بجار منزل هبه وتعرف سماح وهشام ايضا . الحلقة (1) الساعه السابعه صباحا يدق جرس المنبهات فمنزل عم احمد ابو هبه وهادى وتحضر الفطور الداده ام السيد الام سوسن : صباح الخير يا ام السيد الداده : صباح النور يامدام الام سوسن : صاحيه نشيطه النهارده ليه ؟ الداده : عشان بدايه العام الجديد والكل هيصحى بدارى عشان المدارس والكليات يامدام الام سوسن : اه صح انا نسيت فكرتينى اروح اصحى العيال بقا الداده : طب والبيه مش هيصحى يامدام الام سوسن : لا معندهوش شغل بدرى النهارده خليه نايم الداده : حاضر تدق الام على باب غرفه هادى وتفتح الباب لكى تستيقظه من النوم الام سوسن : هادى حبيبى اصحى يلا عندك مدرسه النهارده اول يوم ماينفعش تتاخر ياحبيبى هادى : يادى النيله رجعنا للارف تانى ماكنا مرتاحين طب سبينى شويا خمس دقايق وهصحى الام سوسن : لا ياحبيبى لازم تصحى الساعه 7 وهتتاخر على الطابور هادى : طابور ايه بس امال عملوا السور ليه ياماما سبينى شويا الام سوسن : لو مصحتش دلوقتى هقول لابوك يصحيك هو بقا هادى : لالالالالالا خلاص صحيت اهو مش عارف انتى زعلك وحش ليه على الصبح الام سوسن : يلا يالمض خلص تخرج الام من غرفه هادى على غرفه هبه وتدق الباب الام سوسن : هبه انتى لسه نايمه هتتاخرى اصحى يلا هبه : اصحى اية ياماما الساعه لسه 7 مش من اول يوم هروح بدرى كدا الام سوسن : لا ياحبيبتى السنه دى لازم تشدى حيالك مش عايزين مقبول بتاعت كل سنه يلا اصحى هبه : لازم تفكرينى حاضر اهو صحيت فطر هادى ونزل على مدرسه وهبه اتصلت بسماح عشان تستناها الساعه 8 ونصف لبست هبه ونزلت تقابل سماح على باب العماره هبه : صباح الخير ياقمرى سماح : صباح الفل هنبدا الدراسه اخيرا الواحد زهق من الاجازة هبه : اه والله احنا كدا وقت الاجازة نقول عايزين دراسه وقت الدراسه عايزين اجازة مش عجبنا حاجة خالص سماح : هههههههههه عندك حق والله هبه : تعالى نوقف تاكسى سماح :لا انا عايزه اروح ترام النهارده هبه : كدا هنتاخر ياختى تعالى نوقف تاكسى سماح : ماشى ما انتى ابوكى غنى هبه : ههههههههههه ياساتر يارب النهارده الخميس سماح : ههههههههه تاكسى اهو وقفيه ركبت هبه وسماح التاكسى وذهبوا الى الجامعه وعند دخلها من باب الجامعه اتصدمت هبه بشاب هبه : انا اسفه مكنش قصدى سورى محمد : لا عادى ولا يهمك سماح : اية يابت الواد دا زاى القمر ايه دا هبه : هههههههه فى اية يابنتى ولا قمر ولا حاجة عادى يعنى هشام احلى منه بكتير سماح : هشام ايه وبتاع ايه انتى مش بتشوفى ولا اية دا زاى القمر زاى اية دا القمرنفسه هبه : ههههههههههههههههه يلا ياختى يلا الدكتور هيدخل المدرج دخلوا المدرج مستعجلين ومنتظرين دخول الدكتور تنظر هبه وسماح الى باب المدرج عند دخول الدكتور وهو ذلك الشاب الذى اتصدمت بيه عند دخولها من بابا الجامعه سماح : اية دا طلع الدكتور ياهبه الحقى هبه : دا دكتور تلاقيه معيد يابنتى سماح : معيد ولا دكتور المهم هنشوفه على طول انا ضمنت انى انجح فالماده دى هبه : ههههههههه ليه بقا سماح : عشان ههتم بالماده بتاعت القمر ههههههههههه بس بس هيبدا يتكلم اكمل المحضرة وبعدها خرج كل الطلاب وسماح وهبه يسلمون على اصحابهم ويتحدثون عن المحضرة دق رنين موبيل هبه اذا فهو هشام يتصل بيها هشام : الو هبه : ايوة هشام : انتى فين ياهوبا هبه : انا فالكليه هشام : هتخلصى امتى هبه : كمان ساعتين بتسال ليه هشام : انا هاجى اخدك من الكليه لانى عايز اتكلم معاكى فموضوع ضرورى هبه : خير ياهشام قلقتنى هشام : خير ياهبه متقلقيش هعدى عليكى الساعه 3 هتلاقينى عند باب الكليه هبه : ماشى اول ماتوصل رنلى وانا هخرج على طول هشام : ماشى ياقمرى يلا سلام هبه : سلام اغلقت هبه الموبيل سماح : فيه عايز ايه هبه : مش عارفه قالى هيجى ياخدنى ويتكلم معايا فموضوع سماح : موضوع ايه ليكون هينطق ابو الهول هبه : ينطق ايه يابنتى سماح : قال يعنى مش فاهمه ياهبه عليا انا برده هبه : انا مش فاهمكى خالص سماح : والله طب بكره تفهمينى انا بقا هروح مع شيماء ومى ماشى هبه : طب ماتيجى معانا يابنتى سماح : وانا اجى معاكم اعمل اية واحد وبنت عمه انا ايه دخلنى هبه : ماشى يا لمضه * هبه / صح هو ياترى عايزنى فايه اكيد هيقولى كل اللى جواه بقالى كتير مستنياه يتكلم بقا اية دا فى حد كدا انتهت محاضرات هبه واتصلت بهشام وخرجت من باب الكليه وتلتقى باحمد المعيد بتاعها وينظر لها احمد باستغراب ويرقبها بعينه لحد ماوصلت لسيارة ابن عمها هشام *احمد يفكر من هذا الشاب هل هو خاطيبها ام حبيبها طب وانا مالى محير نفسى ليه يلا يلا عشان الحق اللى ورايا هبه : اتاخرت عليك هشام : لا ياقمرى عايزه تروحى فين هبه : اي مكان المهم يكون جميل ومرحتهوش قبل كدا انا جعانه خلص هشام :ماشى يلا بينا فى وسط الطريق يدور حديث بينهم هبه : خير بقا كنت عايزنى فايه هشام : لما تاكلى هبقا اقولك هبه : ليه بقا وانا لسه هستنى هشام : لا عشان تعرفى تاكلى بنفس هبه * اية دا شكل الموضوع مش اللى فبالى ليكون عايز يخطب ربنا يستر هبه : ماشى وياترى ياهل ترى هشام كان عايز هبه ليه ؟؟؟؟ انتظرونا فالحلقه القادمه |
العين تدمع مرتين الحلقة 2
الحلقة (2)
وصلوا لاحد المطاعم وطلبوا الواجبات واتغدوا هشام : بصى بقا ياهبه انتى عارفه انى مش بحب الف ودور هبه : اه عارفه خير هشام * اقول ولا اسكت خايف اقول ترفض ويبقا شكلى وحش وخايف مقولش تضيعى منى وساعتها هموت فيها انا هقول واللى يحصل يحصل هشام : انا بصراحة بحبك ياهبه احمر وجه هبه من الكسوف وعينيها تهرب من عين هشام هبه * ياخربيتك اخيرا عندها حق سماح تقول عليك ابو الهول بقالى سنتين مستنياك تقولها هشام : انا اسف شكلى ضايقتك بكلامى هبه : لا ابدا بس مش عارفه ارد اقولك اية هشام : مترديش خالص عايزاك تفكرى كويس وتشوفى هتقدرى ترتبطتى بيا وتكملى معايا حياتك كلها ولا عايزانى جمبك كابن عم واخ وبس انا مش عايز منك رد دلوقتى هبه : ......... هشام : لما تحسى انك عايزه تقوليلى رايك كلمينى وانا هاجى اخدك من الكليه ماشى هبه * اية دا يابنى كل دا ومش عارف قد اية بحبك هبه : حاضر يلا بينا عشان اتاخرنا هشام : ماشى ياقمرى يلا وصل هشام وهبه الى المنزل الام سوسن : اية اللى جمعكم مع بعض هبه : ابدا هشام اخدنى من الكليه ورجعنا مع بعض هشام : انا اقولت اغديها بره النهارده بمناسبه العام الجديد الام سوسن : اه طيب يلا ياهبه روحى ذكرى بقا هبه : حاضر ياماما تدخل الام غرفت ابنتها هبه لكى تتحدث معاها الام سوسن : انتى ليه مقولتليش ان هشام هيجى ياخدك هبه : عادى ياماما وفيها اية دا ابن عمى مش حد غريب الام سوسن : حتى لو ابوكى لازم اعرف قبل ماتخرجى معاه انتى بنت مش راجل تعملى اللى انتى عايزه هبه : فى اية ياماما ماتكبريش الموضوع الام سوسن : الموضوع دا لو اتكرر تانى هيبقا فى كلام تانى مع ابوكى فاهمه هبه : حاضر ياماما فاهمه هبه * اعمل اية ياربى اخيرا حس بيا وقالها ياه دا انا اسعد واحده فالدنيا طب احكى لسماح ولا لا انا مش بخبى حاجة عليها ولو قولتلها هتفضل كل شويا تكلمنى عنه اناسكت احسن لحد ما اشوف هعمل اية سماح : الو هبه : ايوة يالمضه سماح : من غير ولا سلام وكلام قوليلى حصل اية بسرعه هبه : ولا حاجة يابنتى سماح : ازاى ولا حاجة امال موضوع ايه الضرورى اللى كان عايزاك فيه هبه : ابدا موضوع يخصه هو وبابا فالشغل ومينفعش انى اقوله سماح* فالشغل عليا انا ياهبه انا عارفه انكى مش هتقولى وهتدارى بس بكرة اتاكد من كل حاجة سماح : فالشغل طيب انا فكرت هيتكلم فحاجة تانية هبه : لا طلع مافيش حاجة تانية سماح : طيب انا مش هروح بكرة عشان هروح مع دنيا نشترى حاجات للفرح هبه : ماشى ياحبيبتى ولو عوزتى حاجة قوليلى سماح :ربنا يخليكى ليا ياموزتى يلا بقا سلام هتخلصيلى الرصيد هبه : هههههههههه ماشى يابخيله سلام هبه* اعمل اية اقوله موافقه دلوقتى ولا اصبر شويا واتقل طب هتقل على ابن عمى اية دا طب هو لو عرف ردى هيعمل اية هيخطبنى بس بابا هيرفض عشان دراستى وهيفكر انى بهمل فدراستى ولو اتاخرت فالرد هيفكرانى مش عايزه اعمل اية بس انا هصلى استخارة واللى ربنا عايزه هيكون وبعد صلاة الاستخارة نامت هبه لكى تصحى بدرى عشان الكليه هبه : السلام عليكم ميرفت : وعليكم السلام ورحمة الله وبركاته هبه حبيبتى عامله اية ياقمر هبه : انا الحمدالله بخير وانتى عامله اية ميرفت : انا بخير امال فين سماح ماجتش معاكى ليه هبه : مش فاضيه رايحه مع اختها عشان بتحضر لفرحها عقبالك بقا ميرفت : اللهم امين ياختى الواحد خايف على مستقبله والسنه بتعدى وهنعنس ههههههه هبه : ههههههههههههههه لسه بدارى يابنتى خلصى دراسه الاول وبعدين فكرى فالجواز ميرفت : يابنتى البنات بتروح الكليه ليه عشان تدرس ازاى توقع الشاب فحبها وبعد 4 سنين دراسه بتاخد شهادة تخرجها وشهادة دخلها الحياة الزوجيه بعريس من داخل الكليه هبه : هههههههههههههههههههههههههههههه ههههههههههههههههههههههههه يخريبتك يابت والله انتى مشكله ميرفت : انا مافيش اسهل منى هههههههههه هبه : يلا ياختى نحضر المحاضره ميرفت : يلا ياختى يمكن اوقع الدكتور واى شاب جوه هبه : هههههههههههههههه هشام : الو هبه : ايوة ياهشام عامل اية هشام : الحمدالله ياقمرى انتى عامله ايه هبه : الحمدالله بخير هشام: انا سبتك اسبوع تفكرى براحتك وقولت اتصل اعرف ردك هبه*ارد اقوله ايه دا هبه : انا فكرت كويس واستخرت ربنا وبصراحه مش عارفه اقولك اية او اجبهالك ازاى هشام : خلاص ياهبه انا فهمت احنا فى الاول والاخر اخوات وانسى انى قولتلكى حاجة هبه : انسى اية تعالى هنا هو انا قولت حاجة يابنى هشام : طب ماتقولى وتخلصينى بقا هبه : انا انا انا هشام : ها قولى هبه : موافقه هشام : اية قولتى اية موافقه على ايه هبه : موافقه عليك هشام : يعنى انتى بتحبينى زاى ما انا بحبك هبه* وانت مفكر انى هقولك الكلمه دى لالالالالالالالا انسى هبه : لا انا موافقه انى اقربلك واحبك هشام : نعم انتى بتكلمى جد انا مش مصدق نفسى ان شاء الله هخليكى تحبينى وتكونى مبسوطه معايا هبه : طب فى موضوع لازم اكلمك فيه هشام * ربنا يستر هشام : خير هبه : احنا هنقول لبابا وماما اية هشام : ولا حاجة ياهبه مينفعش نحكيلهم هبه* اه هنبدا بقا نستعبط ايه وانت واحد من الشارع هبه : ليه مش هينفع دا انت ابن عمى يابنى واهلى اللى مربينك وانا بصراحه مش هعرف اخبى على ماما حاجة هشام : خلاص احكى لماما بس عمى لا ياهبه هبه : ماهى اكيد ماما هتقوله هشام : لا قوللها متقولهوش وهيا مش هتقوله هبه : ماشى هتصرف يلا بقا عشان بابا بينادى عليا هشام : ماشى ياحبيبتى عايزه حاجة منى هبه* ايه دا ياخرابى على كلمة حبيبتى قلبى هيقف والله هبه : لا ميرسى ياهشام يلا سلام هشام : سلام حبيبتى وياترى ياهل ترى هبه هتقول لمامتها ايه ؟؟؟؟ انتظرونا فالحلقه القادمه |
العين تدمع مرتين الحلقة 3
الحلقة 3
قفلت هبه السكه وهى تطير من الفرحه حينا سمعت كلمة حبيبتى من هشام وكأنه اول مرة يقول هذه الكلمه بحنان وحب ولكن دخل بقلبها شعور بالخوف كيف ستحكى هبه لوالدتها عن حبهم وهل والدتها هتخفى هذا الموضوع عن والدها وفى تلك الوقت حس هشام بالفرحه التى يتمناها من سنين من الرغم من خوفه لعدم موافقه هبه له ولكن هذا الشعور اختفى عندما اخبرته هبه موافقتها له هبه : ماما كنت عايزاكى فموضوع الام : خير ياحبيبتى فى اية هبه : خير ياماما انا عايزه احكيلك اللى حصل لانى وعدتك مخبيش عليكى اى حاجة بس سبينى اتكلم للاخر ممكن مامتى الام : ربنا يستر احكى هبه : فاكره لما هشام جاه اخدنى من الكليه الام : اه فاكره هبه : اليوم دا كان عايز يقولى موضوع وعشان كدا جاه اخدنى الام * ما انا عارفه وكنت حاسه قلب الام عمره مايخيب ابدا الام : مم هبه : قالى انه بيحبنى وانه عايز يرتبط بيا الام * اوبا ارتباط الام : كملى هبه: انا بصراحة ياماما بحبه بقالى سنتين من ساعه ماهو اشتغل مع بابا وبعد عن شغل الجنان اللى كان عايشه حاولت اكتر انى محبهوش بس معرفتش واول ما قالى فكرت وصليت استخارة والنهارده قولتله رايى الام : واية هو رايك هبه : قولتله موافقه ياماما الام : والله على اساس ايه موافقه هيطلب ايدك من عمه يعنى ولا اية هبه : لا ياماما احنا هنرتبط الاول وبعدين يكلم بابا الام : ترتبطوا اية وكلام فاضى ايه انتوا لسه هتعرفوا بعض دا انتوا متربين سوا شعوركم دا مش حب دا تعود لكن مش حب لازم يجى ويكلم ابوكى انتى مش واحده يعرفها من الشارع انتى بنت عمه الكلام دا مش عجبنى هبه : فى اية ياماما افهمينى الاول الام : افهم اية ياختى اتفضلى فهمينى هبه : ياماما احنا عايزين نعرف بعض كحبيب وحبيبه مش كبنت عم وابن عم عايزين نتاكد من مشاعرنا الاول مش يمكن منرتاحش وغير كدا لو قولنا لبابا هيخليه ارتباط رسمى وافرضى احنا مرتحناش هنعمل اية ساعتها هيكون فى دايما خلاف مابين بابا وابن عمى وانتى عارفه ان هشام ملهوش فالدنيا غيرنا بعد وفاة عمى ومراته حاولى تفهمينى وتوقفى جمبى ياماما انا مش عايزه اخبى عليكى حاجة الام : ماشى ياهبه انا مش هقول لابوكى بس بشرط هبه : اية هو الام : خروجات بره لوحديكم من غير علم ابوكى لالالالالالالا هبه : طب هقول لبابا خارجه معاه ليه الام : معرفش اتصرفى ولو سمعت انك خرجتى معاه من غير ما اعرف هتزعلى اوى انتى وهو هبه : حاضر ياماما الام : ماشى هبه : ماما ادعيلى ومتزعليش منى الام : انا مش زعلانه منك انا زعلانه عليكى وبكره هتتاكدى ان كل دا لعب عيال هبه : ....... الام : هروح لام سماح عشان اشوفها عايزه حاجة لفرح دينا هبه : ماشى ياماما خرجت الام وفقلبها خوف على ابنتها من الحب وخوفنا من ان يكون الشعور اللى مابين هشام وهبه مجرد تعود واحتياج للحب فقط بينما هبه حست بالارتياح عندما اخبرت والدتها من الرغم انها تأثرت براى مامتها وفورا اتصلت هبه بهشام تطمنه هبه : الو هشام : ايوة ياحبى هبه : عامل اية ياهشام هشام : انا بخير ياعمرى وانتى عامله ايه هبه : الحمدالله بخير عندى خبر ليك هشام : خير هبه : انا حكيت لماما كل حاجة هشام : وهيا قالتلك اية هبه * بلاش اقوله على رايها احسن يزعل هبه : ولا حاجة بس منعتنى انى اقبلك من غير علم بابا هشام : طب انا هقابلك ازاى كدا عمى اكيد هيرفض وهيشك هيا امك بتقعد الموضوع ليه هبه: فى اية ياهشام هيا خايفه عليا هشام تخاف عليكى من حد غريب مش منى دا انا اخاف عليكى من نفسى هبه : دى ام ياهشام حتى لو اخويا لازم تخاف عليا ومقدرش امنع الخوف دا هشام : ياسلام يابنتى انا اللى مربيكى عارفه يعنى ايه هبه : بنتك ما كنت من شويا حبيبتك انت غيرت رايك ولا ايه هشام : وقت هزار دلوقتى انتى كمان والله عكنتى عليا هبه : عكنت عليك دى كلمة تتقال يعنى انا غلطانه انى بحكيلك هشام : لا مش قصدى انا اسف من العصبيه قولتها متزعليش منى هبه : ازعل ولا مزعلش سلام ياهشام وقفلت السكه بدون حتى ماتنتظر السلام من هشام وياترى هيتصل بيها تانى ولا هيصالحها ولا هيعمل اية انتظرونا فالحلقه القادمه |
العين تدمع مرتين الحلقة 5
بعد انتظار هبه لموعد هشام لسماح فجاه تليفون سماح رن واتضح ان هشام واقف بره واتاريه مهتم
سماح : ازيك يابوب عامل ايه هشام : انا بخير الحمدالله ازيك ياهبه عامله ايه هبه : الحمدالله بخير الحمدالله انت عامل ايه هشام : الحمدالله بخير سماح : بقولكم ايه انت وهيا اللى حصل يتنسا خلاص وعيشوا حياتكم بقا وانت ياهشام خد الاخت وغديها بره فى مكان رومانسى كدا يارومانسى انت هشام : هههههههههههه حاضر من عينيا ياسوسه سماح : يلا انتوا هتكلموا لسه اجروا يلا بدل ما اغير راى واجى معاكم هبه : ههههههههههه تعالى ياريت هشام : هههههههه ياريت ايه لا خليكى ياختى يلا حبيبتى هبه* حبيبتك لسه فاكر ياغلس هبه : حاضر سلام ياسمسمه هشام : سلام ياقمر سماح : سلام هشام : عايزه تروحى فين هبه : اى مكان يعجبك هشام : حاضر من عينيا حبيبى هبه : ابتسامت والوجه احمر من الخجل هشام : وحشتينى اوى اوى هبه : وانت كمان وحشتنى اوى هشام : ايه اخبارك عامله ايه حبيبى هبه : انا بخير الحمدالله وانت عامل ايه من غيرى هشام : انا من غيرك ولا حاجه حبيبى متبعديش عنى تانى هبه : حاضر حبيبى ومرت اسبوعين فحب وغرام مع هبه وهشام وفضل شهر على الامتحانات وهبه لم تحضر المحاضرات فماذا تفعل لكى تثبت لوالدتها انها سوف تنجح وان علاقتها بهشام لم تعطلعها عن دراستها سماح : هتفضلى حد امتى كدا ياهبه هبه : مش عارفه اذكر ولا اعمل اى حاجه ال 24 ساعه بكلم هشام سماح : وبعدين بقا بصى انا هاخد كورس او درس يعنى عند دكتور احمد فجميع المواد بتاعتنا تاخدى معايا انا ومى وشيماء ولا لا هبه : ياريت على الاقل انقذ نفسى بس هو هيرضى يدينا سماح : تعالى معانا وهو هيرضى ويرحب كمان هبه : انا ليه يعنى سماح : يابنتى دا كل شويا اول مايدخل يدور عليكى بمجرد مابيشوفنى ويلاقكى مش جنبى بيتجن هبه : ههههههههههههه بس ياهبله انتى سماح : ماشى ياختى لما نشوف بكره هستناكى بقا هبه : اوك مش هتاخر ان شاء الله سماح : سلام هبه : سلام هبه : صباح الخير سماح : صباح النور هبه : اتاخرت عليكى سماح : لا ياباشا متاخرتيش هبه : طب يلا بينا نكلمه عشان اعرف راسى من رجلى سماح : اوك سماح : السلام عليكم احمد : وعليكم السلام سماح : ممكن نتكلم مع حضرتك فحاجه احمد : اتفضلوا اهلا بيكم هبه : ميرسى لحضرتك احمد : عاملين ايه فحياتكم والدراسه الامتحانات قربت سماح : احنا بخير بس المذكره مضايقنا شويا احمد : ليه كدا خير سماح : بصراحه يا دكتور احنا لينا طلب عند حضرتك ومكسوفين جدا اننا نطلبه بس احنا مضطرين ولو حضرتك مش هتقدر توافق على الطلب دا عادى خالص احمد : خير امرونى وان شاء الله اقدر احقق الطلب دا سماح : انا وهبه وفى اتنين كمان معانا محتاجين حضرتك تدينا زاى درس او كورس عن مواد الترم دا لان فى حاجات كتير واقفه معانا ولو حضرتك مش هتقفبل عادى احمد : هبه مين ومين اللى هيكونوا معاكى هبه : انا هبه حضرتك والاتنين اللى معانا مى وشيماء احمد : انتى اسمك هبه انا لحد دلوقتى بكلمكم ومعرفتش اسمكم عاشت الاسامى ياهبه هبه : ميرسى لحضرتك ودى سماح احمد : عاشت الاسامى ياسماح سماح : ميرسى يادكتور احمد : اولا انا مش بدرى كورسات ولا دورس هبه وسماح فوقت واحد : خلاص يادكتور احنا اسفين احمد : انا لسه مقولتش ثانيا وثالثا ثانيا : انا يشرفنى طبعا انى ادى بنات زايكم باخلاقكم ثالثا : انا موافق طبعا بس بشرط سماح : خير وياترى ياهل ترى ماهو الشرط اللى احمد هيقوله لهبه وسماح ؟؟؟ انتظرونا فالحلقه القادمه |
العين تدمع مرتين الحلقة 6
احمد : انا لسه مقولتش ثانيا وثالثا
ثانيا : انا يشرفنى طبعا انى ادى بنات زايكم باخلاقكم ثالثا : انا موافق طبعا بس بشرط سماح : خير احمد : ماحدش يعرف انى بدايكم نهائى لانى مش بدى اى كورس ولا درس وياريت لو انتوا الاتنين بس هبه : بس كدا مى وشيماء هيزعلوا لو عرفوا اننا بناخد عند حضرتك وهما لا احمد : هما ساكنين عندكم ولا حاجه هبه : لا خالص احمد : طب خلاص ايه المشكله شوفوا انتوا عايزين تاخدوا الكورس فين وانا مستعد اجلكم فاى مكان سماح : هيكون عند هبه فالبيت بعد اذنك وياريت يكون فوقت متاخر عشان والد هبه يكون رجع من المصنع بس حضرتك مقولتلناش هتاخد كام احمد : ايه اخد كام دى انا مش بدى دروس انا بس بساعدكم فالمذكره بس مش دروس واستحاله اخد منكم حاجه اعتبرونى زميل ليكم وبذاكرلكم هبه : لا طبعا حضرتك هتجنا لحد عندنا وهتعب نفسك عشانا وفالاخر متاخدش حاجه احمد : اولا تعبك راحه سورى تعبكم راحه ثانيا انا هاخد منكم كل واحده فيكم تجبلى امتياز ويبقا كدا انا اخدت منكم وتعبى مرحش فالهوا سماح : امتياز طب خليها جيد حتى هههههه احمد : لا امتياز ماشى ياهبه انتى وسماح موافقين ولا لا سماح: موافين احمد : ممكن بقا العنوان وارقامكم عشان لو توهت ولا حاجه هبه : العنوان .............................. ....................... التليفون .............................. .... احمد : اوك بكره ان شاء الله هجيلكم الساعه 8 مناسب ليكم هبه : اه طبعا سماح اصلا ساكنه فنفس العماره معايا احمد : طب كويس جدا وزاى ما اتفقنا ماحدش يعرف هبه : حاضر يا دكتور وميرسى اوى لحضرتك احمد : العفو ياهبه سماح : هنستنا حضرتك ان شاء الله سلام يادكتور احمد : ان شاء الله سلام ياسماح هبه : سلام يادكتور احمد : مع الف سلامه ياهبه بعد خروج هبه وسماح من غرفه الدكتور احمد شعر احمد بالانبساط والفرحه الشديده لاسباب عديده اولها عرف اسمها ورقمها وعنوانها وانه هيشوفها يعتبر يوميا وهيقرب منها ويعرفها اكتر هبه : انا مكنتش متوقعه انه هيوافق سماح: يابنتى دا هو اول ماعرف انك هتاخدى معانا فرح جدا وعشان كدا وافق هبه : ياسلام ياختى سماح : امال تفسرى بايه انه مش عايز مى وشيماء هبه : يمكن معجب بيكى انتى ياسمسمه سماح : لالالالالا خالص دا مشلش عينيه من عليكى يابنتى والله دا معجب بيكى جدا هبه : يعجب ولا ميعجبش انا مالى انا معايا حبيبى سماح : صحيح مش هتقولى لهشام هبه : فكرتينى اتصل بيه واقوله اللى حصل سماح : اوك هروح اجيب بيبسى نشربها عقبال ماتخلصى مكالمه هبه : الو حبيبى هشام : نعم ياقلبى عامله ايه هبه : الحمدالله بخير وانت عامل ايه هشام : انا بخير طول ماحبيبتى معايا هبه : يارب دايما ياحبيبى هشام : يارب انتى فالكليه هبه : اه كنت عند المعيد بتاعنا بنتفق معاه يدينا كورس او بمعنى اصح درس خصوصى هشام : نعم درس ومعيد ودا طبعا شاب صغير صح هبه : فى ايه ياهشام صغير ولا كبير اعمله ايه يعنى هشام : تعمليله ايه طيب هيديكم فين ان شاء الله هبه: عندنا فالبيت هيدينى انا وسماح بس عشان هو مش بيدى دروس اصلا هشام : مادام مش بيدى هيديكم ليه ان شاء الله هبه : عشان احنا اتكلمنا معاه فتكسف يرفض هشام : انا مش مرتاح للموضع دا هو جاى امتى هبه : بعد بكره الساعه 8 عشان بابا يكون موجود هشام : ماشى وانا كمان هكون موجود هبه : تعالى وفيها ايه هشام : ماشى انتى هتروحى امتى هبه : انا مستنياه سماح بتشترى حاجه وهروح هشام : اول ماتروحى كلمينى طمنينى عليكى هبه : ماشى حبيبى هشام : لا اله الا الله هبه : محمد رسول الله هشام : سلام هبه : سلام سماح : ايه قولتيله هبه : اه قولتله وياريتنى ماقولتله سماح : ليه كدا هبه : هيبدا فالغيره بقا وشاب ومش شاب وكلام كتير سماح : هههههههههههههه خليه يغير هبه : ماشى يلا يالمضه سماح : يلا هبه : بابا كنت عايزاك فموضوع والد هبه : خير ياحبيبتى هبه : انا كنت محتاجه اخد كورس عشان فى حاجات واقفه معايا والد هبه : خدى ياحبيبتى فين المركز اللى هتاخديه فيه هبه : بص انا هفهمك احنا اتكلمنا مع المعيد بتاعتنا وهيدينى انا وسماح بس والد هبه : تمام بس فين بقا هبه : عندنا فالبيت هيجى يدينا لما حضرتك تكون هنا فالبيت والد هبه : ماشى جاى امتى وهياخد كام هبه : هو جاى بكره الساعه 8 بس هو مش عايز ياخد فلوس حاول معاه انت لما يجى والد هبه : ماشى انا هتكلم معاه وهاجى بكره بدرى هبه : ربنا يخليك يا احن اب فالدنيا تانى يوم الساعه 7 ونصف مساءاً سماح : السلام عليكم ازيك يا داده الداده : وعليكم السلام ازيك ياقمر سماح : بخير الحمدالله فين هبه الداده : جوه اهى ادخليلها سماح : ماشى سماح : السلام عليكم ازيك ياطنط ازيك ياعمو ايه اخبارك ياهشام والد هبه : بخير ياسماح عامله ايه وبابا وماما واخواتك عاملين ايه سماح : بخير الحمدالله الام سوسن : ايه خلاص دينا هتجوز سماح : اه الاسبوع الجاى الام سوسن : مبروك سماح : الله يبارك فيكى هشام : انا معزوم ولا لا سماح : لا مش معزوم ههههههه هشام : يبقا ان شاء الله جاى ههههههه سماح : تنور ياهشام هبه فين الام سوسن : اهى جات هبه : ايه ياحبيبتى ازيك سماح : بخير الحمدالله ايه متصلش لسه هبه : لا فضل نص ساعه لسه سماح :ماشى ياقمر عدت ساعه من الوقت والكل فأنتظار احمد لماذا لم يأتى لحد الان ياترى احمد جاى ولا مش جاى ؟؟؟؟ انتظرونا فالحلقه القادمه |
العين تدمع مرتين الحلقة 7
الحلقة (7)
بعد انتظار هبه وسماح واسرة هبه احمد نصف ساعه تأخير رن جرس الباب هبه : اهو جاه تعالى نفتحله ياهشام هشام : ماشى يلا احمد : السلام عليكم هشام : وعليكم السلام ورحمه الله وبركاته اهلا وسهلا احمد : اهلا بيك اسف على التأخير بس توهت لحد ماعرفت العنوان الصح هبه : ولا يهمك اتفضل سماح : ازيك يا دكتور احمد : الحمدالله بخير والد هبه : اهلا وسهلا بيك شرفت احمد : الشرف ليا انا الام سوسن : اتفضل يلا نسبهم يشوفوا اللى وراهم والد هبه : يلا تعالى ياهشام خد راحتك البيت بيتك احمد : ربنا يخليك ياعمى الام سوسن : تشرب ايه حضرتك احمد : ميرسى ربنا يخليكى مش عايز الام سوسن : لا طبعا انا هجبلك عصير احمد : ميرسى اوى لحضرتك وخرج الاب والام وهشام من الصاله حتى احمد يشرح لسماح وهبه براحتهم ولكن هشام طول الوقت يعدى عليهم والغيره ملياه عينيه وسماح وهبه مندمجين جدا فالشرح واحمد مبسوط جدا لانه يرى هبه عن قرب وفعينيه اعجاب شديد بها بعد ساعه ونص من الحصه وبعد الانتهاء من الشرح احمد : هبه فى حاجه وقفت معاكى لحد دلوقتى هبه : لا خالص دا انا اول مره احس انى فهمت كله احمد : طب الحمدالله , وانتى ياسماح ايه الاخبار تمام لحد كدا سماح : تمام جدا احنا مش عارفين نشكر حضرتك ازاى احمد : الشكر لله واحده بس ياريت مذاكره بقا انتوا وعدوتنى بأمتياز هبه : ان شاء الله احمد : طب استأذن انا بقا هبه : طب ثوانى انادى بابا لانه كان عايز حضرتك خرج والد هبه وهشام والغيره تقتل هشام لان احمد شاب وسيم جدا والد هبه : ايه الاخبار هينجحوا ولا لا السنه دى احمد : لا هينجحوا ان شاء الله والد هبه : يارب , انا كنت عايز اكلمك حضرتك هتاخد كام احمد : ولا حاجه دول زاى اخواتى وانا جاى اساعدهم مش اديهم درس والد هبه : ربنا يخليك بس حضرتك بتعذب نفسك لحد هنا مينفعش من غير ماتاخد حق تعبك احمد : ما انا هاخد حق تعبى دا لما اشوف كل واحده فيهم جابت امتياز معلش انا بعتذر بس انا مش هقدر اخد اى حاجه انا زاى اخوهم الكبير وبساعدهم مش اكتر والد هبه : شكرا اوى ليك وياريت الناس كلها زاى حضرتك المره جايه هستناك بدرى شويه عشان اتعرف عليك اكتر يا استاذ احمد احمد : ان شاء الله هاجى بدرى بعد بكره فنفس الوقت ان شاء الله ياسماح انتى وهبه سماح : ان شاء الله احمد : استأذن انا السلام عليكم والد هبه : وعليكم السلام تروح بالسلامه ان شاء الله احمد : ان شاء الله مع السلامه بعد خروج احمد من منزل هبه سماح : بصراحه ياهبه طلع شاطر اوى هبه : اه جدا انا اول مره احس انى فهمت كويس سماح : طب الحمدالله عايزين نذاكر بقا عشان نفذ الوعد هبه : ان شاء الله , شوفتى هشام هيطق ازاى سماح : هههههههههههه شوفته بصراحه عنده حق احمد امور اوى واستايل وحاجه تانيه اكيد لازم يغير منه وكمان احمد طول الوقت بيبص عليكى شكله واقع ياهبه هبه : هههههههههههههههه واقع ايه انتى كمان انا مافيش فقلبى غير هشام سماح : طب انا همشى واسيبك بقا للى هيعمل فيكى هشام هههههه هبه : ههههههه ربنا يستر سماح : سلام بقا ياجماعه تصبحوا على خير الام سوسن : وانتى من اهل الخير سلام ياحبيبتى هبه : سلام ياقمرى ومشيت سماح والد هبه بيتكلم مع هشام فالشغل هبه : ايه يا بابا هو انتوا تسيبوا الشغل فالمصنع وتجبوه معاكم والد هبه : عندك مانع يالمضه قوليلى فهمتى ولا لا هبه : لا فهمت الحمدالله هو شاطر جدا بيوصل الشرح بسرعه هشام : اه ماهو باين اوى عليه هبه : ........اه ياهشام والد هبه : شكله شخص محترم وابن ناس ربنا يوفقه فحياته وشغله هبه : يارب يابابا انا هدخل اذاكر بقا الامتحانات قربت هشام : اه ادخلى ذكرى احسن وانا هنزل بقا عشان انام انا كمان والد هبه : ماشى ويارب تروح المصنع بدرى هشام : ان شاء الله ياعمى |
العين تدمع مرتين الحلقة 8
الحلقة (Cool
وخرج هشام من منزل عمه وبعد نص ساعه يتصل ب هبه هشام : الو هبه : ايوه ياهشام لسه مانمتش هشام : لا لسه طبعا هبه : مال صوتك في ايه هشام : يعنى مش عارفه فى ايه هبه * هنبدا بقا العكنه وجع الدماغ هبه : لا طبعا هعرف منين يعنى هشام : من الاخر كدا اللى اسمه احمد دا مايجيش تانى هبه : يعنى ايه مايجيش تانى فى ايه هو حصل منه حاجه هشام : مش عجبنى ياهبه وانا قولت كلمه وتنفذ هبه : ايه كلمه وتنفذ دى هو انت سى السيد وانا امينه فى ايه ياهشام هشام : انا قولت اللى عندى ولو لقيته جاه بعد بكره يبقا انتى مش بتحبينى هبه : ياسلام دا تهديد ولا ايه ان شاء الله هشام : سميه زاى ماتسميه انا قولت اللى عندى سلام هبه : والله ماشى سلام وقفلت هبه المكالمه وحزنت جدا على اسلوب هشام معاها وحست بالاهانه وبكيت كتير فاليوم التالى هبه : الو سماح : ايه يابنتى ايه الاخبار هبه : زفت سماح : ليه يعنى هبه : هشام بيهددنى لو جاه احمد عندنا يبقا انا مش بحبه سماح : ايه شغل الجنان دا هنبدا بقا نظام التحكم هبه : انا تعبت بصراحه ومقدرش اضيع مستقبلى عشان غيرته سماح : انا هكلمه ياهبه متزعليش انتى بس وذاكرى كويس هبه : حاضر ياسماح سماح : هكلمه وهتصل بيكى هبه : ماشى سلام سماح: سلام يجلس هشام فى احد الكافيهات مع اصحابه خالد : ايه يا اتش ماحدش بيشوفك يعنى زاى الاول هشام : معلش مكنتش فاضى ورايا شغل كتير خالد : شغل برده يابنى انت ملكش غير فالبنات وبس هشام : ههههههههههه ولسه وحياتك خالد : هههههههه ما انا عارفك قولى صحيح هيثم شافك 3 مرات مع بنت عمك ايه حكايتك يابنى هشام : عادى يعنى دى بنت عمى خالد : انت هتخبى عليا انجز بقا وقولى الحوار يلا هشام : ولا حوار ولا حاجه انت عارف انى معجب بيها من زمان خالد : معجب بيها اه لكن حب استحاله يابنى دا انت لفيت مع 100 بنت هشام : لا هبه غير كل البنات انا اللى مربيها على ايدى فاهم خالد : فاهم بس يارب تصونها لان دى بنت عمك لو خسرتها او زعلتها ساعتها عمك مش هيديك اللى انت عايزه هشام : سبها على الله ياعم وغير الموضوع قولى صحيح البت سها لسه بتسالك عليا خالد : دى مصدعنى والله اخر مره قولتلها مسافر شرم الشيخ ههههههههه هشام : بلا وجع دماغ ثوانى معايا تليفون وجاى خالد: خد راحتك يامعلم سماح : الو ايوه يا هشام هشام: ايوه ياسمسمه عامله ايه سماح : الحمدالله , ايه يابنى اللى انت عملته دا بطل شغل الجنان بقا كدا هتخسر هبه هشام : هيا قالتلك , انا خايف عليها ياسماح سماح : انت لو خايف عليها مش هتعمل كدا انت كدا عايز تعمل مشاكل وبس وانت عارف اننا فوقت امتحانات والمفروض تشجعها ومش تتزعلها كل يوم والتانى هشام : يابنتى انا مش مرتاحله سماح : واحنا هنتجوزه واحنا مالنا احنا لينا بالشرح وبس ياهشام يلا اتصل بالبت وصالحها بطل شغل الجنان هشام : لا مش هصالحها ومش هتصل سماح : يبقا انت عايز تخسر هبه بقا هشام : لا طبعا انتى بتقولى ايه سماح : اتصل بيها لان انت اللى غلطت مش هيا هشام : حاضر هتصل وامرى لله سماح : ايوه كدا ولو عايز تزعل استنا لما نخلص امتحانات هشام : ماشى ياختى يلا اجرى سماح : يلا سلام خالد : فى ايه يا اتش مين هبه اللى كانت على التليفون هشام : لا دى صاحبتها فك ياعم من وجع الدماغ دا اطلبلى حاجه اشربها خالد : حاضر يامعلم اتصلت سماح بهبه عشان تبلاغها باللى حصل سماح : ايوه يا اختى هبه : ايه الاخبار سماح : انا كلمته خلاص وهو هيتصل بيكى اياكى تتصلى بيه ياهبه هو اللى غلطان مش انتى هبه : حاضر مش هتصل والله انا اصلا بذاكر ومش فاضيله سماح : جدعه ياقلبى يلا بقا عشان اذاكر انا كمان هبه : سمسمه شكرا اوى ياحبيبتى سماح : على ايه يامجنونه احنا اخوات ياهبه يلا يابت سلام هبه : سلام ياحبيبتى عدى ساعه اتنين ثلاثه والاستاذ هشام متصلش بهبه اتارى هشام لسه مع خالد ودا صاحبه الفاشل دايما فالديسكو وكل يوم مع البنات وياترى هيتصل بيها ولا مش هيتصل ؟؟؟؟ انتظرونا فالحلقه القادمه |
العين تدمع مرتين الحلقة 9
الحلقة (9)
بعد مرور 5 ساعات من مكالمه سماح لهشام اتصل الباشا بهبه يلا بينا نشوف الحوار هشام : ازيك هبه : الحمدالله هشام : عامله ايه هبه : بخير تمام هشام : وايه الاخبار هبه : احنا هنقضيها سلامات عايز ايه ياهشام انا مش فاضيه ورايا مذاكره هشام : عايز سلمتك متزعليش منى اعمل ايه بغير عليكى هبه : الغيره حاجه وانك تحكم رايك حاجه تانيه لازم يكون فى نقاش ياهشام هشام : معلش كنت متعصب متزعليش بقا هبه : ماشى ياهشام بس لو اتكرر تانى هتخسرنى بجد هشام : حاضر حبيبتى ايه هشوافك بكره ولا ايه هبه : هشام انا الشهر دا مش فاضيه للخروج انا عندى امتحانات لما اخلص ابقا اخرج براحتى معاك هشام * مش هنخلص بقا من ام الامتحانات قال يعنى هتعملى حاجه بالشهاده كانوا عملوا غيرك هشام : ماشى حبيبتى ربنا معاكى ويوفقك هبه : يارب ياهشام يارب ادعيلى كتير حبيبى هشام : انا هسيبك بقا عشان معايا اصحابى هنخرج شويا ونروح هبه : صحابك مين ياهشام اوعى تقولى خالد معاك هشام : لا خالد ايه انا مش بكلمهم من زمان متقلقيش دى ناس محترمه جدا هبه : ماشى يا حبيبى خلى بالك من نفسك هشام : حاضر وانتى كمان سلام حبيبتى هبه : سلام حبيبى وعدى اسبوعين واحمد بيدرس هبه وسماح وهما بيذاكروا وشكلهم كدا هيجيبوا تقدير كبير الترم دا وهشام كل مدى مابيبعد عن هبه لانها مشغوله بالامتحانات وهو مشغول باصحابه الشباب والبنات وفى مره كان احمد عند هبه فالبيت واخدوا استراحه وسط الحصه ودردش احمد مع هبه وسماح يلا بينا نشوف حوار الدردشه ايه احمد : قولولى بقا ايه طموحاتكم هتعملوا ايه بعد الدراسة سماح : انا هاخد الشهاده وهتجوز ولو محصلش نصيب واتجوزت هشتغل بشهادتى احمد : هههههههه اهم حاجه عندك الجواز ياسماح ربنا يوفقك وتحققى احلامك سماح : ههههههههه اه طبعا اهم حاجه ربنا يخليك يا دكتور احمد : بلاش دكتور دى انا لسه ما اخدتهاش وكمان انا مش فالكليه قولولى يا احمد عادى سماح : ماشى يا احمد هههههههههه حلو كدا احمد : اه حلو , وانتى ياهبه ايه احلامك هبه : انا عايزه بعد الدراسة اعمل دراسات عليا واطور من نفسى اكتر وكورسات وكدا وانا كدا كدا هشتغل فالمصنع مع بابا عايزه ادرس واشتغل مع بعض سماح : طب والجواز كدا هشام هيخلل هههههههههه هبه * اه يامجنونه ايه اللى جاب سيره هشام احمد : وماله هشام انتوا مخطوبين ياهبه سماح : لا يا احمد مش مخطوبين بس مرتبطين وعمو مايعرفش بس طنط تعرف اتحرجت هبه عندما حكيت لاحمد عن ارتباطتهم واحمر وجهها احمد : اه ربنا يوفقكم ويتممالكم على خير هبه : يارب , وحضرتك بقا ايه احلامك احمد : انا ايام الدراسه حلمت انى اقف مكان الدكتور اللى كان بيدينى وفعلا حققته حلمت انى اشتغل فشركه كويسا وفعلا حققته الحمدالله هبه : يعنى حضرتك بتشتغل فشركه مع الكليه كمان احمد : اه الحمدالله سماح : ربنا يوفقك , بس والنسبه للجواز بقا ؟ احمد : دا اهم حاجه عندك هههههههههه انا حلمت انى ارتبطت بواحده مرتاح ليها جدا بس لسه ماتحققش ولو ليا فيها نصيب هيتحقق ولو مليش نصيب يبقا الحمدالله على كل حال هبه : ربنا يوفقك ويسعدك يارب احمد : يارب يلا بينا بقا نكمل بعد اغلاق الحوار حس احمد بالحزن الشديد لان احساسه اتجاه هشام وهبه كان صحيح بينما هبه انبهرت جدا با احمد وبشخصيته وكذلك سماح بعد مرور 4 ايام رات مى صاحبت هبه هشام فاحدى الكافيهات ومعاه شله من الشباب والبنات مى : ازيك ياحبيبتى عامله ايه هبه : الحمدالله وانتى ايه اخبارك يامى مى : الحمدالله ايه يابنتى مش بتيجى الكليه ليه هبه : مش فاضيه بذاكر الامتحانات قربت بقا مى : اه ربنا معاكى ومعايا , شوفت هشام فى كافى مع اصحابه من كام يوم هبه : اه ياختى كل يوم مع اصحابه الشباب مى : شباب ايه يابنتى ابنك عمك كان مع شله شباب وبنات وبنات ايه قمرات وحياتك هبه : بجد انتى بتكلمى بجد مى : اه والله ايه يابنتى انتى مستغرابه ليه ما انتى عارفه ابن عمك بيحب البنات اوى هبه : اه بيحبهم اوى معلش ياقمر هقفل عشان معايا ومكالمه فالانتظار مى : ماشى حبيبتى سلام اغلقت هبه المكالمه وانهارت من البكاء ومش قادره تصدق انه كان مع بنات سماح : ايه ياحبيبتى عامله ايه هبه : زفت ياسماح سماح : فى ايه يابنتى بتعيطتى ليه بس اهدى واحكيلى هبه : مى كلمتنى من شويه وقالتلى انها شافت هشام مع بنات فكافى سماح : طب وانتى اى حد يقولك حاجه تصدقيها افرضى بتوقع مابينكم هبه : هتوقع مابنا ليه وهيا عارفه اننا ولاد عم وبس يابنتى وكمان هشام بقاله فتره متغير معايا ومش مهتم بيا سماح : يمكن عشان انتى مش فاضيله هبه : ياسلام مهما كان هو عارف انى عندى امتحانات وغير كدا لو حتى مشغوله فايه بس مش يخرج مع بنات ويكدب عليا قوليلى اعمل ايه انا بقا سماح : فكرى كويس وشوفى هتقوليله على كلام مى ولا لا هبه : ماشى هفكر الاول عشان اعرف الحقيقه سماح : ايوه كدا عشان لو هو مظلوم متكنيش خسرتيه بانفاعلك هبه : ماشى لما نشوف سماح : اهدى كدا وشويه وهطلعلك اشوافك هبه : ماشى هستناكى سلام سماح : سلام ياترى هبه هتقول لهشام على كلام مى ولا هتفضل وراه لحد ماتأكد ؟ انتظرونا فالحلقه القادمه |
العين تدمع مرتين الحلقة 10
الحلقة (10)
بعد ان اغلقت هبه المكالمه مع سماح بدات تفكر ما الذى سوف تفعله مع هشام هبه : الو ايوه ياسماح سماح : ايه الاخبار هبه : انا مش هحكى لهشام حاجه لحد لما اتاكد بنفسى والايام جايه كتير واكيد هيبان كل حاجه سماح : شاطره هو دا الكلام الصح هبه : ماشى انا هكلمه عادى خالص ولا كأن فى حاجه حصلت سماح : ماشى خلى بالك لا تقعى بكلمه كدا ولا كدا هبه : لا متقلقيش ياسماح سماح : ماشى ياقمرى يلا سلام هبه : سلام هشام : مساء الخير ياحبيبتى هبه : مساء النور ياحبيبى انت فين هشام : انا مع اصحابى فالكافى هبه : اه طيب هتروح امتى هشام : ساعه ولا ساعتين واكون فالبيت هبه : خلاص الامتحانات قربت فضل يومين وابدا الامتحان ادعيلى هشام : ربنا معاكى ويوفقك ياحبيبتى هبه : يارب اول ماتروح كلمنى ماشى هشام : ماشى ياعمرى سلام حبيبتى هبه : سلام حبيبى الامتحانات بدات والمذاكره زادت وهشام كل يوم مع اصحابه الشباب والبنات وبعد مرور اسبوعين من الامتحان ومش فاضل غير امتحان واحد فقط وفى اخر حصه من تدريس احمد لهبه وسماح نشوف ايه الحوار احمد : خلاص دا اخر امتحان هترتاحوا من المذاكره ومنى هبه : هههههههههه لا احنا هنرتاح من المذاكره مش من حضرتك سماح : دا احنا اللى مزعلنا اننا مش هنشوف حضرتك كل يومين احمد : هههههههههههه هتقعدوا اجازه شهر ومش هتشوفونى خالص سماح : يلا عشان حضرتك ترتاح مننا شويه بس الترم التانى هتكمل معانا ولا لا احمد : اكيد ان شاء الله هكمل معاكم وكمان معاكم تليفونى ابقوا اتصلوا وبطلوا بخل انتى وهيا ولا اقولكم رنوا وانا هتصل بيكم سماح : ههههههههههههه فى دا انا هعمل كدا هرن وانت تتصل لكن هبه هتصل على طول هبه : ههههههههههه معلش اصلها بخيله احمد : من عينيا ياسماح وانا اول ما النتيجه تطلع هقولكم على طول ماحدش يروح يجبها انا هجبها قبل ماتعلق فالكليه هبه : ماشى ويارب نجيب امتياز احمد : ان شاء الله امشى انا بقا نديلى بابا وماما اسلم عليهم دخلت هبه تنادى على والدها وامها والد هبه : خلاص هتمشى والله هتوحشنا يابنى احمد : وانتم والله هتوحشونى الام سوسن : ابقا تعالى يوم اتغدى معانا احمد : ان شاء الله هاجى لما ينجحوا هبه : ان شاء الله والد هبه : ابقا اتصل طمنى عليك وابقا تعالى زورنى فالمصنع او فالبيت احمد : ان شاء الله استأذن انا بقا والد هبه : مع الف سلامه ربنا معاك ويوفقك احمد : يارب واتصلت هبه بعد خروج احمد مع هشام هشام : ايه خلصتى ياقمرى هبه : اه خلصت هتيجى بكره تاخدنى هشام : اكيد طبعا هاجى هبه : خلاص هستناك انا قولت لبابا انى هخرج انا واصحابى هشام : طيب كويس عشان نخرج براحتنا وحشتينى اوى ياهبه هبه : وانت كمان ياحبيبى هشام : يلا روحى ذاكرى ونامى عشان الامتحان بكره ربنا معاكى هبه : يارب حاضر سلام هشام : سلام تانى يوم وهما رايحين الامتحان سماح : هشام جاى النهارده هبه : بيقول جاى عشان وحشته سماح : طب كويس اوى هبه : عايزه اقولك انى حاسه انه بعيد اوى يابنتى الاول كنا بنتكلم بالساعات دلوقتى بالكتير 5 دقايق وهو اللى بيكون عايز يقفل كان كل شويه عندنا عشان بس يشوفنى بقاله اسبوعين مدخلش البيت عندنا حاسه انه متغير اوى معايا سماح : يمكن عشان امتحاناتك ياهبه متظلمهوش يابنتى ولما نشوف بعد الامتحان هيعمل معاكى ايه هبه : ماشى لما نشوف , عارفه من الرغم اننا هنخلص بس حاسه انى زعلانه عشان هنرتاح شهر سماح : قصدك عشان احمد والله ياهبه احمد دا طلع انسان كويس جدا وهيوحشنا اوى بصراحه اتعودنا عليه هبه : فعلا اتعودنا عليه بحس انه بيفهمنا من غير مانقوله سماح : فعلا ربنا يوفقه يارب فحياته هنبقا نكلمه فالتليفون نطمن عليه هبه : لا انتى تكلميه ماشى لكن انا لا صعب سماح : ليه صعب يعنى دا استاذك هبه : يابنتى هشام لو عرف انى اتصلت بيه هتكون مصيبه سماح : يعنى عشان هشام مش عشان انتى مش عايزه تتصلى هبه : وليه مكنش عايزه هو اصلا انسان محترم جدا وبيتكلم باحترام سماح : خلاص سبيها على الله يلا بينا وصلنا الكليه هبه : يلا ربنا معانا يارب سماح : يارب وبعد الخروج من الامتحان هبه بتصل بهشام التليفون بتاعه مقفول ياترى هشام جاى ل هبه ولا مش هيجى ؟؟؟ انتظرونا فالحلقه القادمه |
رد: العين تدمع مرتين الحلقة 1
مشكواره
|
رد: العين تدمع مرتين الحلقة 1
يسلمو
مررة روعة راح اتابع مواضيعك اول باول تقبلي مروري |
ابتسم..، ودَعِ الحياةَ
ابتسم..،
ودَعِ الحياةَ ، وكل وجهٍ بالبشاشةِ ، والعناوين الجميلة ...يتَّسمْ.. * * * يا حبيبي إن تكن عودت طرفك أن ينام، قُم تأمل، بعضَ طرفي كم سَهر في مخاضِ الحُبِّ والأشعار دوماً لم يَنُمْ.. * * * فالتزم.. وكُن كما أبغيك في وطني وهيَّا فلتكن كالإبتسامة حين تشرق ، وتحي كل ما قد مات فتبني كل شيءٍ قد هُدِمْ.. * * * ما الحياةُ بلا ابتسامه ما النفوسُ بلا استقامه فلتجبني .. ؟ أو دَعِِ البسمات ترسم أروع اللحظاتِ ، في زمنِ السلامة ودع الفرحة بقلبينا على الدُّنيا تَعُمْ * * * من ينجِّي قَلبَكَ المِسكينَ من شُؤمٍ، ومِنْ بُؤسٍ، وحُزنٍ قد رُسمْ * * * ولتُجبني ..؟؟ من يُبرئ قَلبَكَ المِسكينَ مِنْ أملٍ بإحساسك قُتل مَنْ يُبرِءهُ، ويَنْفِي كُلَّ تُهَمَه يا حبيب إذا أُتهِم.!؟ * * * لا تَرُدَّ اللَّوم على ذاكَ القَدَر أو تَقُل قَلبَكْ تَكدّر ومِنَ الفَرحةِ حُرِمْ * * * لا تقُل هذا ولا ذا أنتَ يا هَذا السَّبَبْ أنتَ مَنْ أفضى بِنَفْسِه للتشاؤم ، وادّعى في الأرضِ أنَّه قد رُغِمْ. * * * مرة أخرى أكرر، وأقول لك ابتسم لستَ أوَّلَ من تحيَّرَ أو ظُلِمْ ابتسم.، لَسْتَ أوَّلَ مَنْ هُزِمْ . https://photos-e.ak.fbcdn.net/hphotos...5_651918_s.jpg |
رد: العين تدمع مرتين الحلقة 1
شكرا للاهتمام و انشاء الله مواضعي ستنال اعجابكم
|
العين تدمع مرتين الحلقة 11
الحلقة (11)
عدت ساعه وهبه وتنتظر هشام داخل الكليه وفجأة ترى احمد احمد : ازيك ياهبه ايه الاخبار هبه : انا الحمدالله الامتحان كان كويس جدا احمد : طب الحمدالله امال فين سماح هبه : راحت تشترى حاجه وجايه احمد : سلميلى عليها وابقوا اتصلوا هبه :ان شاء الله احمد : مع السلامه هبه : سلام سماح : ايه احمد سلم عليكى اصلى شوفته واقف معاكى هبه : اه وبيسلم عليكى سماح : الله يسلمه , هتعملى ايه دلوقتى هبه : مش عارفه وفجأة مى صاحبت هبه وسماح تأتى لتسلم عليهم مى : ايه ياقمرات عاملين ايه سماح : انا بخير ياقمر ايه رايحين فين مى : رايحين السينما نفسى ادخل سينما بقا هبه : هههههههههههه ادخلى ياختى مى : هههههههه وانتوا هترحوا فين سماح : احنا مستنين هشام يجى مى : هههههههه هشام استحاله يجى يابنتى هبه : ليه بقا مى : اصل انا اخويه شافه امبارح مع خالد وصحابه الساعه 3 الفجر فالكافيه هبه : بتكلمى جد مى : اه والله حتى اخويه قالى دول كل يوم كدا هبه : اسمها ايه الكافى دى مى : اسمها ...... هبه : ماشى هقول لبابا عليها لان الباشا بيروح الشغل متأخر كل يوم مى : اه ربنا يهديه يارب نصيحه متضيعيش الوقت وروحوا اخرجوا انتوا سماح : دا اللى هنعمله ان شاء الله مى : طيب انا همشى بقا سلام ياجماعه سماح : سلام ياقمر هبه : عجبك اللى هشام بيعمله سماح : لا بصراحه ممكن بقا متكلمهوش وخليه يتربى شويه بقا هبه : انا فعلا هعمل كدا تعالى نروح نقعد فحته لانى اتخنقت سماح : قولى تعالى نأكل فحته انا هموت من الجوع هبه : انتى دايما جعانه يلا ياختى سماح : ههههههههههههه يلا خرجوا من الكليه وفى احد الكافيهات يقبلوا احمد ومعاه بنوته زاى القمر هبه : احمد اهو ياسماح سماح : اه فعلا هو مين البنت دى هبه : وانا ايه عرفنى تلاقيها حبيبته سماح : لالالالالالالالالالا معتقدش تعالى نسلم طيب هبه : نسلم ايه لا طبعا كدا احنا هنحرجه يابنتى سماح : لا طبعا احنا تلاميذ عنده تعالى يلا سماح : السلام عليكم احمد : وعليكم السلام اخباركم ايه سماح : بخير الحمدالله احنا قولنا نجى نسلم على حضرتك احمد : الله يسلمك اعرفكم ب منه زميلتى فالشغل وانتمتى كمان وزاى اختى هبه * اوبا ظلمته هبه : اهلا وسهلا بيكى يامنه منه : وبيكى ياقمر ماتعرفنى عليهم انا كمان يا احمد احمد : حاضر ياستى دى هبه ودى سماح اللى قولتلك عليهم منه : اه عاملين ايه يابنات ويارب يكون الامتحان كان سهل سماح : اه الحمدالله كان سهل مادام احمد بيساعدنا لازم يكون سهل بالنسبه لينا منه : اكيد طبعا ربنا معاكم يارب انتوا واقفين ليه اتفضلوا اقعدوا هبه : لا معلش احنا هنقعد هنا عشان نرغى مع بعض ونسبكم براحتكم منه : ماشى ياقمر هاتوا ارقمكم عشان اتعرف عليكم اكتر احمد مصدعنى بيكم سماح : هههههههههههه دا شرف لينا انا رقمى ........... ورقم هبه ......... اتصلى فاى وقت يامنه هاتى رقمك انتى بقا منه : ........ انا سعيده انى عرفتكم هبه : واحنا اكتر سماح : يلا بقا بعد اذنكم احمد : اتفضلوا جلست هبه وسماح بعيد عنهم بشويه وبعد ربع ساعه فجأة تليفون هبه بيرن ياترى مين اللى بيتصل هشام ولا مين ولو هشام بيتصل يعتذر ولا يقولها انه جاى ؟؟؟ انتظرونا فالحلقه القادمه |
العين تدمع مرتين الحلقة 12
الحلقة (12)
هبه : دا هشام مش هرد سماح : لسه فاكر مترديش يستاهل سماح : هههههههههه بيتصل بيا هبه : اوعى تردى فاهمه سماح : لا هرد سماح : الو هشام : ايوه ياسماح هبه معاكى سماح : اه معايا هشام : اديهالى اكلمها سماح : اسفه يا هشام هيا مش عايزه تكلمك هشام : ياسماح انا كنت سهران مع اصحابى لان واحد صاحبى مسافر وكنا بنودعه وروحنا متأخر وعملت المنبه بتاع التليفون عشان اصحى لهبه بس الموبيل فصل شحن غصب عنى والله ياريت تفهميها وانا شويه وهكلمها تانى سماح : هحاول افهمها سلام هشام : سلام هبه : ايه حجته بقا سماح : بيقولك انه كان مع اصحابه امبارج سهرانين عشان صاحبهم مسافر وروح متاخر والموبيل فصل شحن والمنبه مرنش هبه : المفروض اصدقه انا بقا سماح : هو قال الموضوع كله ومى قالت انه كان سهران امبارح يعنى هو مكدبش هبه : هو امبارح بس دا كل يوم وكل يوم يقولى حجه شكل مش هكلمه ياسماح سماح : لا كلميه وسامحيه عادى يعنى لو اتأخر فمره هبه : لا مش هكلمه وخلي اصحابه ينفعوه سماح : يابنتى بطلى عند بقا وكبرى دماغك وكلميه عادى لحد ما نتاكد هو كان مع بنات ولا لا هبه : هنتاكد ازاى بقا وكمان انا حاسه انه بيعمل حاجه غلط ياسماح سماح : بقولك ايه متكبريش الموضوع بقا ولو اتصل ردى عليه هبه : ماشى لما نشوف هيتصل ولا هيكمل نوم وبعد 10 دقايق احمد ومنه ريحين ل هبه وسماح يسلموا عليهم احمد : احنا هنمشى بقا يابنات مش عايزين حاجه هبه : لا شكرا ربنا يخليك وفرصه سعيده يا منه منه : انا اسعد ياهبه يلا سلام ياجماعه سماح وهبه : سلام وبعدها ب 5 دقايق هشام بيتصل بهبه هشام : انا اسف غصب عنى ياحبيبتى متزعليش منى هبه : بص ياهشام لو حصل تانى الموضوع دا يبقا تنسى انى اكلمك تانى هشام : حاضر حبيبى انتى هتروحى امتى هبه : ساعه كدا وهروح هشام : طيب هنتقابل تانى امتى هبه : سبها للظروف بقا هشام : ماشى ياحبيبتى خلى بالك من نفسك هبه : حاضر سلام هشام سلام حبيبتى بعد غلق المكالمه هبه : والله يابنتى هو ماصدق سماح : ماصدق ايه هبه : بقوله هروح كمان ساعه يقولى طب هنتقابل تانى امتى يعنى حتى مافكرش يقولى طب انا جاى استنانى سماح : وانتى كنتى هتستنى هبه : لا كنت هقوله مش هينفع بس على الاقل يجاملنى ويقول كدا يحسسنى انه عايز يشوفنى سماح : بلاش تبقى حساسه اوى كدا ومن كل كلمه تزعلى اصبرى شويه عليه وهو هيرجع زاى الاول هبه : لما نشوف ياسماح اخرته ايه بعد مرور4 ايام وهبه وهشام مع بعض تمام وبعد خرجوا مع بعض مرتين واتصالحوا هبه : ايه ياسماح عامله ايه وحشتينى تعاليلى نتكلم مع بعض شويه سماح : حاضر نص ساعه واطلعلك هبه : ماشى هستناكى طلعت سماح لهبه سماح : فى ايه مالك يابنتى هبه : مافيش بس بصراحه لسه بشك فى هشام سماح : ازاى بتحبيه وانتى بتشكى فيه هبه : اعمل ايه غصب عنى حاسه انه بيعمل حاجه غلط سماح : طب والعمل هنتاكد ازاى انه بيعمل حاجه غلط هبه : بصى انا فكرت فحاجه ومش عارفه صح ولا غلط سماح : ايه هيا هبه : اخلى اخو مى لما يسهر مع اصحابه ولو شاف هشام يصوره بالكاميرا سماح : هههههههههههه ايه الافلام العربى دى يابنتى هبه : ايه مش بهزر والله سماح : يابنتى كدا هتحطى نفسك فموقف وحش قدام مى وكدا هتتاكد انك بتحبيه هبه : ماتعرف هو انا بعمل حاجه غلط دا ابن عمى وانا بحبه وفيها ايه سماح : خلاص بصى اتكلمى مع مى الاول وشوفى هيا هتعرف تخلينا نتأكد من كلامها دا ازاى هبه : ماشى ايه رايك نكلمها ونقابلها بكره سماح : ماشى انا موافقه انتى عارفه انى فاضيه هبه : ماشى تمام كدا ثوانى اتصل بيها يرن تليفون هبه وياترى ياهل ترى مين اللى بيرن على هبه ؟؟؟؟ انتظرونا فالحلقه القادمه |
العين تدمع مرتين الحلقة 13
الحلقة (13)
يرن تليفون هبه هبه : ايه دا احمد بيتصل سماح : بجد طب ردى عليه يلا هبه : السلام عليكم احمد : وعليكم السلام ازيك ياهبه عامله ايه هبه : انا بخير الحمدالله وحضرتك عامل ايه احمد : الحمدالله بخير قولت اسال انا عليكم مادام انتوا مش بتسألوا هبه : لا والله احنا كنا هنكلم حضرتك نطمن على حضرتك احمد : اضحكى عليا بكلمتين بقا هبه : لا والله انا مش بعرف اضحك على حد احمد : عارف ياهبه اتعودت عليكم كل يومين اشوافكم هبه : واحنا والله يلا اهو حضرتك ارتحت مننا شويه احمد : هههههههههههه لا طبعا انتوا غالين عليا اوى هبه : وحضرتك والله منه عامله ايه احمد : الحمدالله بخير وسماح وبابا وماما وهشام عاملين ايه هبه : كلنا بخير الحمدالله احمد : يارب دايما , بصى ياهبه فى رحله هتطلع تبع الشركه بتاعتنا انا ومنه رايحه دريم بارك ومنه مصممه اننا نطلع وانتى وسماح تيجوا معانا وانا قولت اشوف رايكم ولو مش هتروحوا انا ومنه مش هنطلع هبه : ياريت والله انا وسماح نفسنا نطلع رحله من زمان وانا مروحتش دريم بارك خالص بس المشكله فبابا وهشام احمد : بصى بالنسبه ل بابا انا هكلمه ولو عايزه تجيبى هشام معانا هاتيه عادى المهم تكونى مبسوطه فالرحله هبه : خلاص ماشى انا هقول ل هشام وهرد عليك احمد : ماشى تمام قوليلى رايه النهارده عشان اتصل بابا واستأذنه وانا هكلم سماح دلوقتى وهقولها هبه : سماح جنبى اهى احمد : بجد طب خلينى اكلمها هبه : ماشى اتفضل سماح اهى احمد : ازيك ياسماح عامله ايه سماح : انا بخير الحمدالله وحضرتك عامل ايه احمد : انا بخير الحمدالله تطلعى معانا رحله سماح : ياريت انا موافقه طبعا احمد : ههههههههه يمكن تلاقى عريس هناك بقا سماح : ما انا طالعه عشان كدا ههههههههههه احمد : ههههههههههه انتى مشكله ياسماح سماح : دا انا غلبانه خالص احمد : هههههههههه انا عارف شوفوا بقا هشام وهستنا تليفون بليل سماح : خلاص ماشى وميرسى عشان حضرتك فكرت فينا نطلع معاك الرحله احمد : عيب ياسماح انتوا غالين عاليا اوى سماح : وحضرتك والله يارب يدوم المحبه مابنا ان شاء الله احمد : يارب يا سماح يلا سلام ياقمر سماح : سلام بعد غلق المكالمه يدور الحوار بين سماح وهبه هبه : ايه رايك ياسماح انا عايزه اروح سماح : وانا كمان بس افرضى هشام مرضاش يجى هبه : ميجيش هو حر سماح : مش ملاحظه حاجه هبه : ايه ياسماح سماح : ان احمد طلب مننا نروح معاه هو ومنه يعنى احنا لو مجرد طلابه عنده مش هيطلب هبه : صح عندك حق فى دى هو بصراحه محترم جدا وذوق جدا سماح : فعلا ربنا يوفقه يارب يلا نتصل بمى وبعدها بهشام نقوله على الرحله هبه : ماشى مى : ازيك ياهبه ياحبيبتى عامله ايه هبه : انا بخير الحمدالله وانتى عامله ايه مى : انا تمام ياقمر نفسى اشوافك انتى وسماح والله هبه : وانا كمان ماتيجى نتقابل فاى مكان يامى مى : ياريت فاى وقت قوليلى وانا هنزل على طول هبه : ايه رايك بكره نتقابل فالكافى بتاعنا مى : اللى بنروحه على طول هبه : اه ايه رايك مى : ماشى تمام الساعه 5 هتلاقينى هناك متأخريش انتى وسماح هبه : حاضر من عينيا يلا ياحبيبتى اشوافك بكره ان شاء الله مى : ان شاء الله ياحبيبتى سلام هبه : سلام هبه : اتقفت معاها بكره الساعه 5 سماح : تمام اوى كدا بكره نكلمها بقا هبه : ماشى اتصل بهشام بقا سماح : اوك هروح اقعد مع طنط شويه عقبال ماتخلصى معاه هبه : ماشى ياحبيبتى بعد خروج سماح من غرفه هبه اتصلت بهشام هبه هبه : الو ازيك ياحبيبى هشام : انا بخير ياقمرى انتى عامله ايه هبه : انا بخير طول ما انت بخير هشام : يارب دايما بتعملى ايه بقا هبه : ولا حاجه سماح عندى وكنا بنتكلم هشام : سلميلى عليها هبه : الله يسلمك كنت عايزاك فى موضوع هشام : خير ياقلبى هبه : بص حبيبى استاذ احمد المعيد بتاعنا اتصل بينا وعايزنا نطلع معاه رحله وقالى نروح معاه وانت كمان معانا لانه عارف اننا مرتبطين ومينفعش اطلع من غيرك هشام : وهو يتصل بيكى ليه اصلا مش خلص الدرس عايز منك ايه دا ومافيش رحله هنطلعها معاه هبه : براحه ياهشام وخلينا نتفاهم هشام : نتفاهم فايه بس هبه : بص يا هشام احمد دا عارف اننا مرتبطين وعشان كدا قالى اطلع انا وانت وسماح يعنى لو فى حاجه من ناحيته مش هيقولى هاتى هشام صح وكمان انا نفسى اروح دريم بارك اوى ولو رحله تبع استاذ احمد بابا هيوافق لانه بيحبه وبيثق فيه هشام : يعنى عمى مش بيثق غير فيه ياهبه هبه : لا طبعا وبيثق فيك انت كمان بس انا بقولك على اساس رحله يعنى بالله عليك مترفضش عشان خاطرى هشام : طب هيا هتطلع امتى هبه : مش عارفه والله نسيت اساله هشام : بصى انا موافق وخلى سماح هيا اللى تسأله مش انتى فاهمه هبه : حاضر حبيبى ربنا يخليك ليا هشام : يارب ومايحرمنيش منك هتقولى لعمى امتى هبه : هو لما هيعرف انك موافق هيتصل ب بابا ويقوله هشام : ماشى قوليلى بقا هتكون امتى هبه : ماشى حبيبى يلا سلام ياروحى هشام : سلام ياقمرى بعد غلق المكالمه اتصلت هبه ب احمد على طول مع ان هشام قالها ماتصلش بيه بس من فرحتها اتصلت بيه على طول هبه : السلام عليكم احمد : وعليكم السلام ايه الاخبار طمنينى هبه : هشام موافق بس عايز يعرف هيا امتى احمد : يوم الخميس الجاى ان شاء الله هبه : خلاص هتصل بيه وهقوله وهرد عليك عشان تكلم بابا معلش هتعبك معايا احمد : تعبك راحه ياجميل انتى تؤمرى وبس هبه : الامر لله وحده احمد : ونعمه بالله كلميه وطمنينى هبه : ماشى سلام احمد : سلام بعد غلق المكالمه مع احمد تتصل هبه ب هشام هشام : ايه قال لسماح ايه هبه : قالها يوم الخميس الجاى هشام : خلاص موافق ياقلبى خليه يكلم عمى بقا هبه : ماشى حبيبى هتصل بيه اقوله هشام : انا قولتلك انتى متكلمهوش فاهمه هبه : حاضر هخلى سماح تكلمه هشام : ايوه كدا لما عمى يوافق قوليلى هبه : حاضر ياحبيبى سلام هشام : سلام بعد غلق المكالمه هبه تنادى على سماح سماح : ايه الاخبار هبه : هشام وافق الرحله يوم الخميس سماح : هيه هنطلع هبه : هههههههههههه يامجنونه يلا اتصلى انتى ب احمد بقا سماح : ماشى وتصل سماح ب احمد احمد : ايه ياسماح وافق سماح : اه وافق خلاص , اتصل بقا بوالد هبه لانه لو وافق بابا كمان هيوافق وابقا طمنا بقا بابا هبه هيقولك ايه احمد : خلاص ماشى ربنا يستر ويوافق ان شاء الله سماح : يارب هنستنا تليفون من حضرتك احمد : ماشى ياسماح يلا سلام سماح : سلام وبعد غلق المكالمه احمد يتصل بوالد هبه وياترى والد هبه هيوافق ولا لا ؟؟؟ انتظرونا فالحلقه القادمه |
العين تدمع مرتين الحلقة 14
الحلقة (14)
وافق والد هبه على الرحله وهبه وسماح قابلوا مى واتفقوا معاها ان اخوها يصور هشام مع اصحابه وقبل الرحله بيومين خالد صاحب هشام اتصل بيه وقاله ان الشله كلها هتروح الساحل الشمالى يوم الخميس وان اليوم هيكون جامد جدا وهشام فرح جدا وفنفس الوقت خايف ان هبه تزعل عشان مش هيطلعوا الرحله وقر هشام انه يتصل بهبه ويقولها هشام : الو عامله ايه ياقمر هبه : الحمدالله بخير وانت هشام : انا بخير , هبه احنا مش هنطلع الرحله دى هبه : ليه ياهشام بقا هشام : انا مش مرتاح للرحله دى ومش هنطلعها هبه : بس انا مرتاحه اوى ياهشام هشام : وانا قولت مافيش رحله ومش هنطلعها هبه : لا اسمها مش هطلعها لكن انا هطلع ياهشام هشام : يعنى انتى عايزه تروحى عشان خاطر احمد مش عشان انا هطلع معاكى هبه : ايه اللى انت بتقوله دا حاسب على كلامك ياهشام هشام : ولا حاسب ولا اعمل سلام وخلى احمد ينفعك هبه : انا ولا احمد ولا انت ولا اى حد هينفعنى ومتصلش بيا تانى واغلقت هبه المكالمه وهشام اتصل بخالد عشان يقوله انه هيروح معاه الساحل وهبه قالت لسماح واحمد ان هيا هتطلع من غير هشام وطبعا احمد فرح جدا والد هبه اضايق لان هشام مش طالع معاهم بس مرفضش وفى الرحله الكل كان مبسوط مع ان هبه كانت زعلانه من هشام جدا بس كانت مشتاقله جدا وسماح ومنه وهبه اتصحابوا اوى واحمد فرح اوى لانه بيقرب لهبه وبيعرفها اكتر وفى الرحله دار حديث مابين هبه واحمد احمد : ايه سرحانه فأيه اعترفى هشام صح هبه : هههههههه صح احمد : هو ماجاش ليه هبه : عنده شغل ومش هينفع يجى احمد : بس انتى شكلك زعلانه اوى هبه : عادى بس كان نفسى يكون معايا احمد : ان شاء الله المره الجايه يكون معاكى هبه : ان شاء الله ، ممكن سؤال احمد : عارفه السؤال دا تقاليدى اوى هبه : هههههههههه هو ايه بقا السؤال احمد : انت مش بتحب صح هبه : صح احمد : ما انا قولتلكم قبل كدا انى مشدود لواحده هبه : طب ماقولتش ليها احمد : للاسف لا هبه : ليه كدا احمد : لانها مش بتفكر فيا اصلا وكمان هيا مخطوبه هبه * قال سماح تقولى معجب بيكى ازاى بقا دا بيحب واحده مخطوبه يعنى مش انا هبه : اه متعرفش فين النصيب ولو ليك نصيب فيها ان شاء الله هتاخدها احمد : الحمدالله على كل شئ ، يلا بقا تعالى نشوف البنات راحوا فين وبطلى زعل دى رحله ياهبه احمد : حاضر يلا بينا حس احمد بالارتياح عندما تحدث لهبه وهما فالطريق راجعين من الرحله وهشام واصحابه فالكافى بيجمعوا بعض عشان يسافروا الساحل الشمالى فجأة اخو مى شافهم وراح مصور هشام مع خالد والبنات اصحابهم وهما فالكافى وبعت الصوره رساله لمى عشان توصلها ل هبه وفجأة تتصل مى ب هبه وهما فالطريق مى : هبه انتى فين هبه : فى ايه خضتينى انا راجعه اسكندريه اهو مى :ترجعى بالسلامه انتى عرفتى ان هشام رايح الساحل الشمالى مع خالد هبه : نعم رايح فين لا طبعا يعنى هو مطلعش معايا عشان يطلع مع اصحابه مى : شكل دا فعلا اللى حصل على العموم اخويا صور هشام ابعتلك الصوره على الفون ولا الميل لما ترجعى هبه : لا على الميل الصوره فيها بنات مى : اه ياهبه فيها هبه : يعنى البنات دول مسافرين معاهم مى : اه ياهبه المهم لما ترجعى نتكلم انا مش هنام سهرانه اول ماترجعى طمنينى هبه : حاضر سلام يامى مى : سلام انهارت هبه من البكاء وسماح تهدى فيها وكل دا فالباص بتاع الرحله واحمد ومنه مستغربين من بكاء هبه وبيسالوا سماح فى ايه ردت سماح وتقولهم زعلانه مع هشام وفجأة هبه تمسح دموعها وتصل بهشام هبه : انت فين هشام : وانتى مالك مش قولتى متكلمنيش تانى وطلعتى الرحله عايزه منى ايه هبه : انا عايزه اسالك سؤال واحد بس هشام : اتفضلى هبه : انت مكنتش عايز تروح الرحله معايا عشان تسافر الساحل الشمالى هشام* دى عرفت منين دى طب ارد اقولها ايه دى لو قولت اه يبقا انا بخونها وساعتها هخسرها للنهاي وهخسر عمى هشام : لا انا لما لقيتك عايزه تروحى ومسمعتيش كلامى روحت قايل لاصحابى انى هروح معاهم الرحله هبه : والله ربنا يوفقك سلام هشام : سلام استغرب هشام من طريقة كلام هبه له وطبعا هبه اتصدمت من قبل ماتشوف الصوره وسماح بتهدى فى هبه واحمد ومنه كمان وياترى هبه هتعمل ايه معاه بعد ماتشوف الصوره ؟؟؟؟ انتظرونا فالحلقه القادمه |
العين تدمع مرتين الحلقة 15
الحلقة (15)
وصلت هبه المنزل واتصلت بمى عشان ترسل لها الصوره على الميل ومى بالفعل ارسلت الصوره واول ما هبه رات الصوره بكيت كثيرا لانها اتأكدت ان هشام لا يحبها وانه بيكدب عليها فى اليوم التالى تزورها سماح كى تتطمن عليها سماح : حبيبتى عامله ايه هبه : انا تعبانه اوى ياسماح معقول هشام يعمل معايا كدا سماح : انا مش عارفه اقولك ايه بس يمكن دول اصحاب صاحبه وهو ملهوش دعوه بيهم هبه : ياسلام والبنت اللى كانت جنبه فالصوره دى تبقا ايه سماح : طب هتعملى ايه معاه هبه : مش عارفه لما يرجع هقابله وهتكلم معاه بس هتيجى معايا ياسماح سماح : حاضر هاجى معاكى , ايه دا ثوانى احمد بيتصل بيا ردت سماح على احمد سماح : الو ايوه يا احمد عامل ايه احمد : انا بخير الحمدالله طمنينى ياسماح على هبه ايه اخبارها سماح : انا عندها اهو لسه تعبانه يا احمد والله احمد : طب هاتى اكلمها سماح : اتفضل معاك اهى هبه : الو حضرتك عامل ايه احمد : انا بخير الحمدالله انتى اللى عامله ايه طمنينى عليكى هبه : اهو الحمدالله على كل شئ متقلقش انا بخير احمد : هو احنا مش اصحاب ياهبه هبه : اكيد طبعا دا شرف ليا احمد : طيب فى ايه احكيلى يمكن اقدر اساعدك هبه : الموضوع كبير ومينفعش احكي فالتليفون احمد : خلاص شوفى يوم نتقابل فيه انا وانتى وسماح هبه : ان شاء الله وميرسى اوى على اهتمامك وسؤالك احمد : عيب عليكى متقوليش كدا المهم خلى بالك من نفسك ومتزعليش من اى حاجه هبه : حاضر ان شاء الله احمد : سلام ياهبه هبه : سلام بعد ما اغلقت هبه مع احمد تحدثت مع سماح على اساس انها هتصل بهشام دلوقتى وتطلب منه تقابله ضرورى هبه : الو ازيك ياهشام هشام :انا بخير وانتى عامله ايه هبه : الحمدالله بخير هترجع امتى هشام : النهارده بليل هبه : ممكن اقابلك بكره ضرورى هشام : ليه ضرورى فى ايه هبه : مافيش بس عايزاك فموضوع ممكن هشام : خلاص ماشى بكره بعد الشغل نتقابل هبه : ماشى سلام وترجع بالسلامه هشام : الله يسلمك سلام بعد غلق المكالمه هشام يقلق من مقابله هبه ليه وهبه تتطلب من سماح تروح معاها بكره وعدى اليوم على خير ونزلت سماح وهبه عشان يقابلوا هشام بعد السلامات مع هبه وهشام وسماح استأذنت سماح انها هتروح تتمشى لحد مايتكلموا وفعلا مشيت وسبتهم لوحدهم وتبدا هبه تقول لهشام ايه هو الموضوع هبه : فاكر ياهشام لما سالتك مين اصحابك اللى بتخرج معاهم قولتلى دول ناس محترمه ومش خالد هشام : اه فاكر مالهم هبه :عايزاك تبص للصوره دى وتفهمنى مين دول بعد ما شاهد هشام الصور استغرب من وجود صوره زاى دى مع هبه هشام : انتى بترقبينى ياهبه هيا وصلت لكدا هبه : انت هتسيب الموضوع الاساسى وتجيب الغلط عليا ايه اللى فالصوره دى هشام : ايه اللى فيها دا خالد واصحابه وانا مالى هبه : وانت مالك يعنى انت تكذب عليا وتسافر مع بنات وتقولى انت مالك هشام : يابنتى البنات دى تبع صحابى مش تبعى انا وانا مردتش اقولك خالد عشان خايف على زعلك لانك مش بتحبيه بس دا صحابى ومقدرش اخسره هبه : هو دا صاحب اصلا انت عارف انه مش كويس ياهشام هشام : فى مثل بيقول صاحب صاحبك على عيبه وانا بعمل كدا زاى مافى حاجات وحشه فى حاجات حلوه وكمان ما انا خليتك تكلمى احمد ويديكى درس مع انى مش بحبه هبه : اه هتلف بقا على احمد سيبك خالص من خالد خلينا فى البنات بتخرج معاهم ليه وايه علاقه بيهم هشام : يابنتى قولتلك دول مرتبطين باصحابى مش بيا انا وكلهم عارفين انى بحبك انتى هبه : بتحبنى انت اصلا مش بتحبنى انت لو بتحبنى مش هتكدب عليا مش هتسبنى اروح رحله لوحدى وكل دا عشان تروح مع شلت الفساد بتاعتك هشام : هبه انا عملت كدا عشان انتى رفضتى متروحيش عشانى هبه : على العموم الكلام مابقاش ليه فايده انا همشى هشام : تمشى فين تعالى هنا انا بقالى اسبوع مضايق عشان انتى مش معايا وزعلانه منى هبه : ماهو باين بأماره ماروحت مع اصحابك الساحل هشام : ما انتى روحتى مع سى احمد الرحله هبه : هشام حاسب على كلامك هشام : خلاص انا اسف واوعدك مش هكدب تانى عليكى ومش هخبى حاجه هبه : ملهوش لازمه الكلام دا اللى بنا انتهى هشام : لا طبعا وحياتى عندك انا اول مره اغلط ياهبه سامحينى المره دى ولو حصل تانى اعملى اللى يعجبك هبه * اعمل ايه بحبك وغصب عنى لازم اسامحك هبه : حاضر ياهشام بس لو اتكرر تانى مش هكلمك نهائى هشام : ماشى ياحبيبتى وصلت سماح تانى لهبه وهشام ولما عرفت انهم اتصلحوا سابتهم وروحت وبعد مرور ساعه من وجود هبه وهشام فالكافى يخرجوا من الكافى عشان يروحوا وفجاه فى شخص راى هبه مع هشام وهما بيركبوا العربيه ياترى بقا مين الشخص دا وايه اللى هيحصل بعد كدا ؟؟؟ انتظرونا فالحلقه القادمه |
العين تدمع مرتين الحلقة 16
الحلقة (16)
وفجاه والد هبه يرى هشام وهبه مع بعض بعد ماوصلت هبه البيت كان والد هبه لسه موصلش واول ما وصل دخل وبيسال والدت هبه وبيتاكد منها والد هبه : هيا هبه كانت فين الام سوسن : كانت مع سماح بيتمشوا شويه ليه والد هبه : انا شوفتها مع هشام مش سماح ممكن افهم فى ايه بيحصل فالبيت من ورايا الام سوسن : اهدى بس ليه العصبيه دى كلها انا هفهمك بس اهدى الاول والد هبه : اهدى ايه اتكلمى وفهمينى الام سوسن : بص هشام بيحب هبه ومستنى هبه تخلص الكليه وهيكلمك والد هبه : يتكلم ايه وبتاع ايه دا اصلا ولا احترمنى ولا انتى ولا هبه ولا كأنى موجود ازاى تبقى عارفه كل دا وانا معرفش الام سوسن : كنت هقولك بس هيا طلبت منى ماقولش عشان كانت عايزه تتاكد من هشام الاول وانها مش بتعتبره زاى اخوها وكمان ما احنا كنا كدا زمان زعلان ليه كل دا والد هبه : زمان غير دلوقتى يعنى لو جات قالت انا بحب هشام يابابا وهستناه هحترم راغبتها لكن اعرف بالصدفه طب الناس اللى بيشوفهم مع بعض كل شويه يقولوا عليا ايه اسكندريه كلها عارفنى وعارفها بنتى واهلى كلهم ولا هما عشان عارفين انى مش بيفرق معايا كلام الناس قالوا يعيشوا براحتهم انا الكلام دا مش هينفع معايا نديلى هبه حالا الام سوسن : هنديهلك بس بالله عليك براحه معاها عشان ماتخبيش علينا حاجه من خوفها مننا والد هبه : يلا بسرعه دخلت ام هبه لتنديها لكى يتحدث معاها والدها اتكلم والد هبه معاها وبهدوء واتفق معاها ماتقبلش هشام بره وان هو هيتكلم مع هشام عشان الموضوع يكون رسمى ويقدروا فى فترة الخطوبه يتعرفوا على بعض براحتهم وبالتأكيد اتحدث والد هبه مع هشام بعد ما عرف هشام غلطه واتفقوا على الخطوبه فى بدايه الربيع لان الدراسه كلها يومين وتبدا بدات الدراسه والامور مابين هشام وهبه تمام جدا بس طبعا هشام بيخرج مع اصحابه براحته بس بيقول لهبه انه خارج مع اصحابه وخالد كمان وبدات الدراسه وهيبدا درس احمد لهبه وسماح والنتيجه هتظهر كمان اسبوع اتفق احمد مع هبه وسماح على ان الدرس هيبدا بعد النتيجه على طول كى يتطمن على وعدهم لاحمد والنتيجه ظهرت وهبه وسماح جابوا امتياز فالتقدير العام بس فى مواد جابوا جيد جدا فيها بس التقدير العام امتياز وطبعا الفضل لاحمد وبالتالى اهل هبه وسماح فرحوا جدا وهشام كمان كان فرحان جدا والد هبه اتفق مع هبه لو جابت اخر السنه امتياز هيعملها حفله كبيره ومر اسبوعين من الدراسه واحمد بدا انه يتكلم اكتر مع هبه وهبه على طول بتحكيله وبتاخد رايه زاى الاخوات والاصحاب وفى مره احمد عمل حادث بالعربيه ودخل المستشفى وهبه وسماح عرفوا عن طريق منه لانه كان موعدهم فنفس اليوم اللى عمل الحادث فيه انه جاى ليهم عشان الدرس وهو اتأخر والتليفون مقفول راحت هبه اتصلت بمنه بعد ساعتين تأخير هبه : السلام عليكم ازيك يامى منه : انا بخير ياهبه هبه : مال صوتك فى ايه منه : احمد عمل حادثه بالعربيه اتصدمت هبه وبكيت كتير عندما سمعت ان احمد عمل حادث هبه : ازاى وفين هو كويس طمنينى بالله عليكى منه : هو بخير دلوقتى بس فى كسر فرجله وطبعا هو تعبان بس جات سليمه ماتعيطيش هو بخير هبه : متأكده انه بخير طب هو فاى مستشفى دلوقتى منه : فالمستشفى ....... وهيخرج كمان 3 ايام هبه : خلاص انا هاجى بكره الصبح اطمن عليه والف سلامه عليه وان شاء الله يقوم بالسلامه منه : الله يسلمك يارب ياهبه ادعيله كتير هبه : اكيد هدعيله سلام ياحبيبتى منه : لام ياقمر اغلقت هبه المكالمه وانهارت من البكاء وسماح بجوارها تبكى لانهم بيحبوا احمد جدا وطبعا الكل عند هبه عرفوا ان احمد عمل حادثه وقر والد هبه انه ياخد هبه وسماح الصبح ويروحوله اخبرت هبه هشام بالحادث من الرغم من كره هشام لاحمد بس زعل كتير عليه وعرف ان هبه هتروح تشوفه زعل جدا بس لما عرف ان عمه رايح وافق طبعا راحت هبه وسماح والد هبه الى المستشفى والد هبه : السلام عليكم الف سلامه عليك يا احمد اخت احمد : وعليكم السلام اتفضلوا احمد : الله يسلمك ياعمى نظر احمد الى هبه بفرحه وحزن فوقت واحد فرح عشان شاف فعينيها خوف وقلق عليه وحزن عشان غصب عنه خلها تحزن عليه وعشان شافته وهو تعبان هبه : الف سلامه على حضرتك احمد : الله يسلمك ياهبه ايه الورد الجميل دا ميرسى ليكم ياجماعه سماح : ميرسى ايه دى اقل حاجه والله زعلنا اوى ان شاء الله تقوم بالسلامه احمد : الله يسلمك معلش بقا هأثر فالدرس شويه هبه : ولا يهمك المهم صحتك ولما تقوم بالسلامه تبقا تدينا الدرس دا اخر حاجه تفكر فيها والد هبه : فعلا المهم صحتك يا احمد انت متعرفش انت غالى ازاى علينا احمد : ربنا يخليك وانتم والله غالين عليا نسيت اعرفكم دى اختى الكبيره شيماء هبه وسماح : اهلا وسهلا بيكى شيماء : اهلا وسهلا شرفتونا وفضلوا شويه عنده وقبل مايخرجوا من عنده فى شخص جاه وهبه والدها وسماح هناك ياترى مين الشخص اللى راح يشوف احمد ؟؟؟ انتظرونا فالحلقه القادمه |
العين تدمع مرتين الحلقة 17
الحلقة (17)
دخل والد احمد غرفه احمد واتعرف على هبه وسماح والد هبه واتضح ان والد احمد يعرف والد هبه وهبه وسماح يتحدثون مع احمد واخته والد هبه يتحدث مع والد احمد فرح جدا والد هبه عندما عرف ان احمد ابن واحد من اصحابه زمان ومر اسبوع واحمد بدا يتحسن بس صعب انه يخرج ويمشى على رجله وفرح هبه كمان اسبوع ياترى ايه رد فعل احمد لما هيعرف ان خطوبه هبه كمان اسبوع عندما اخبرته منه ان هبه خطوبتها كمان اسبوع حزن جدا ولكن فرح ليها وبالعكس خلى اخته تشترى هديه وتروح تقدمها ليها فالفرح مع والدها وبعد الفرح والناس كلها مبسوطه والامور تمام مع هبه وهشام بس كل يوم زعل ومر 3 اسابيع واحمد بدا يروح الكليه ويدى الدرس لهبه وسماح وبدات هبه تذاكر ومش بتضيع وقت ولكن هشام مش عجبه كل دا وطبعا لسه بيقابل صحابه وفيوم تتصل بيه بنت من الشله بتاعته وهو عند هبه وبالصدفه هو كان بيكلم عمه والموبيل فايد هبه وهيا اللى ترد عليها هبه : الو صاحبت هشام : ايوه مش دا تليفون هشام هبه : ايوه اقوله مين صاحبت هشام : هو حضرتك مين هبه : انا اخته حضرتك صاحبت هشام : اه طب ممكن تقوليلى سها هو موجود ولا لا هبه : لا هو راح مشوار ونسى التليفون صاحبت هشام : هههههه هو دايما كدا بينسى على طول بس ميقدرش ينسانى هو خطب صح هبه : اه خطب صاحبت هشام : قوليله ان انا هستناه فنفس المكان بتاع زمان يوم الخميس الساعه 7 هبه : فين طيب المكان يمكن هو مش فاكره صاحبت هشام : لا هو فاكره سلام ياقمر هبه : سلام بعد اغلق الخط قررت هبه مسح الرقم وسجلت الرقم عندها وانها متقولش لهشام حاجه وفعلا دا اللى حصل واتفقت مع سماح انها هتحكى لاحمد وتشوف رايه ايه وتعمل ايه مع هشام اتقبلوا فاى مكان وتكلم معاه وطبعا قالت لهشام انها هتقابل احمد ومنه هيا وسماح وهشام وافق واتقبلوا فعلا وبدات هبه تجكى لاحمد اللى حصل هبه : بص يا احمد انت اكبر منى وشاب وتقدر تساعدنى فالموضوع اللى هقولك عليه احمد : ان شاء الله ياهبه احكى يلا هبه : فى بنت كلمت هشام على الفون وانا اللى رديت وفضلت تقول انا هقابله يوم الخميس الساعه 7 احمد : وهيا بتقول كدا وهيا عارفه انك خاطبته هبه : لا انا قولتلها انا اخته احمد : تمام وانتى عملتى ايه هبه : مسحت الرقم وسجلته عندى ومقولتلهوش حاجه احمد : لا غلط ياهبه اللى عملتيه هبه : ليه امال عايزنى اعمل ايه احمد : تقوليله طبعا اى قصه حب لازم تبنى على الصراحه ولو كدبتى عليه يبقا ملهوش لازمه الحب انتى لازم تتكلمى معاه وتقوليله اللى حصل كله وتسمعيه ومن كلامه هتفهمى اذا كان صادق ولا لا هبه : بس انا حاسه انه بيكدب عليا وانه بيخبى حاجات كتير اوى عليا وفى ارقام كتير مسجلها عنده بس بحروف غريبه احمد : قولى بصراحه ياهبه انتى بتشكى فى هشام هبه : مش على طول احمد : مادام بتحبيه المفروض تثقى فيه وتكونى صريحه معاه ياهبه هبه : عايزه اقولك انى بعرف اتكلم معاك لكن هو لا على طول يشخط ويتعصب احمد : حاولى معاه لحد مايعرف يتكلم معاكى ويسمعك وتسمعيه ماشى اتفقنا هتكلمى معاه هبه : ماشى وربنا يستر بقا احمد : ان شاء الله خير وابقى طمنينى ماشى ياقمر هبه : حاضر يا احمد وميرسى اوى عشان سمعتنى ونصحتنى احمد : عيب عليكى احنا اصحاب وعدى اليوم على خير وهشام راح لهبه البيت هبه اتكلمت معاه فالموضوع وهو زعل منها عشان شكيت فيه وعشان خبيت عليه وقالها ان البنت دى كان يعرفها من زمان وانها بتسال خالد كتير عليه وهو بيهرب منها وفجاة وهو بيتكلم مع هبه جاه تليفون ل هشام والرقم غريب مش متسجل عنده ياترى بقا الرقم دا بتاع مين وايه اللى هيحصل بعدين ؟؟؟ انتظرونا فالحلقه القادمه |
العين تدمع مرتين الحلقة 18
الحلقة (18)
تبص هبه على التليفون بتاع هشام عرفت ان دا نفس الرقم اللى هيا رديت عليه قبل كدا وصممت ان هشام يرد ويسمعها الكلام كله صاحبت هشام : الو ايه ياحبيبى عامل ايه هشام : مين معايا صاحبت هشام: انا سها ياهشام وحشتنى اوى من الخميس اللى فات ايه هقابلك الخميس دا ولا لا هشام من الصدمه مش عارف يرد ولا يقفل بس هبه اخدت التليفون من ايده عشان ميقفلش هشام : ...... صاحبت هشام : بص هستناك فنفس الكافى يوم الخميس وابقا قول لخاطبتك انك هتقابل صحابك زاى كل مره ماشى ياحبيبى انت معايا ولا روحت فين قررت هبه بعد الكلام دا انها تقفل الخط احسن هشام : هبه والله مافى حاجه مابنا دى صاحبتى عادى هبه : صاحبتك عادى ما انت قولت انك ملكش اصحاب بنات وان دول مرتبطين باصحابك الشباب يعنى كل الفتره دى بتكدب عليا فيها وانا قال ايه حاسه انى كدبت عليك وجايه اصرحك بجد انا اتصدمت فيم اوى هشام : ياهبه زايها زاى اى بنت لكن انتى غيرهم بالنسبه لى هبه : هشام اللى يكدب ويخون مره هيعملها 100 مره وبالذت لما يكون زاى شخصية حضرتك , بص ياهشام انا ولا عمرى هثق فيك تانى ولا هتكلم معاك خلاص موضوعنا انتهى ياهشام ولو خايف على زعل بابا متقلقش انا هتصرف وياريت تمشى دلوقتى احسن لانى بصراحه مش عايزه اشوافك قدامى هشام : حاضر ياهبه انا هسيبكى تهدى ونتكلم تانى هبه : لالالالالالالالالالا كلام تانى لا خلاص الموضوع انتهى نهائى فاهم خرج هشام من عند هبه وكله حزن اولا لانه خسر هبه وعشان هبه اخدت عنه فكره وحشه وفنفس الوقت خايف على شكله قدام عمه بينما هبه حست بنار جواها مش قادره تحكى ولا قادره تبكى ومش عارفه تفكر قررت انها تصلى استخاره وتنام وفى تانى يوم كان عند هبه وسماح درس عند احمد لان الامتحان فاضل عليه 3 اسابيع وفوسط الحصه هبه ولا مركزه ولا اى حاجه احمد : هبه انتى مالك فى حاجه هبه : لا مافيش انا بخير سماح : لا ياهبه انتى مش طبعيه خالص انتى مالك هبه : انا بخير ياجماعه مافيش حاجه احمد : انتى اتكلمتى مع هشام هبه : مش هينفع نتكلم فالموضوع دا هنا نبقا نتفق ونتكلم احمد : ماشى ياهبه احنا نقفل على كدا النهارده عشان انتى مش مركزه سماح : ايوه صح كدا نعوضها المره الجايه احمد : ماشى يلا بقا انا همشى وبعد ما احمد خرج من عند هبه فضلت سماح عندها ودخلت معاها غرفتها وهبه حكيت كل حاجه لسماح ومن صدامه سماح انفعلت وكلامها خليت هبه تبكى كثيرا وبعدها حسيت بالارتياح قليلا وبعد خروج سماح من عند هبه يتصل احمد بهبه لكى يطمن عليها ودى كانت اول دمعه من قصتنا وهيا دمعه الصدامه نتيجه الخيانه والكذب احمد : مساء الخير ياهبه انا اسف لو كنت بضايقك باتصالى دلوقتى هبه : مساء النور لا عادى انت تتصل فاى وقت احمد : بصراحه قلقان اوى عليكى ومعرفتش انام من غير ما اطمن واعرف فيكى ايه هبه : انا يا احمد عملت زاى ما انت قولت وكلمت هشام وقالى دى واحده كنت اعرفها زمان وانا بقالى كتير معرفش عنها حاجه ويا بتدور عليا احمد : تمام الراجل اهو مغلطش وبيحكى بصراحه هبه : صراحه ايه استنا اكمل الاول , فجأة وهو معايا اتصلت بيه نفس البنت وانا خليته يمعنى المكالمه اتارى الاستاذ كان معاها الخميس اللى فات لا وايه هيا بتقوله ياحبيبى واتارى الاستاذ كان بيقولى انا مع اصحابى وبيروح يقابلها هيا احمد : ايه انتى بتكلمى بجد ياهبه هبه : والله العظيم دا اللى اتقال احمد : طب وهو رد عليها قالها ايه هبه : من صدامه الكلاك والخوف منى مكنش عارف يرد احمد : طب بعد المكالمه قالك ايه هبه : يقولى ايه بس بعد اللى سمعته انا يا احمد كدبت صاحبتى مى وكدبت احساسى عشان مافكرش اشك فيه وفالاخر يصدمنى كدا انا قولتله الموضوع انتهى خلاص احمد : ياهبه بيحصل كتير من كدا مابين اى اتنين مخطوبين هبه : يا احمد انا وهشام غير كل دول لان دا ابن عمى المفروض يصونى اكتر من الغريب لما ابن عمى يعمل كدا معايا امال الغريب هيعمل ايه على الاقل الغريب لما يخونى هيكون مش منى ولا من اهلى لكن دا ابن عمى يا احمد احمد : ياهبه الخيانه واحد حتى لو كان ابوك بصى انتى روقى كدا وحاولى تفكرى كويس هتعملى ايه هبه : انا صليت امبارح استخاره وقرارى لسه زاى ماهو احمد : صلى تانى وثالث ياهبه هبه : حاضر يا احمد هصلى , ميرسى اوى يا احمد لكن وقفت جنبى وبتسال دايما عليا انا يمكن خسرت اللى بحبه بس كسبت اخ وصديق يا احمد احمد : ربنا يخليكى ياهبه ويارب يدوم اللى مابنا هبه : يارب احمد : عايزه حاجه منى ياقمر هبه : لا شكرا يا احمد ربنا يخليك احمد : سلام ياقمر هبه : سلام بعد اغلق احمد مع هبه المكالمه حسيت هبه بالارتياح اكتر لانها حكيت لاحمد وعرفت رايه وبعد مرور اسبوع من اللى حصل مع هشام قررت هبه انها تحكى مع اهلها فموضوع هشام واجتمعت هبه مع والدها والدتها هبه : بص يابابا انت وماما , انا مش عايزه اكمل مع هشام والد هبه : نعم ليه حصل ايه هبه : ماحصلش حاجه بس يا بابا انا لما ارتبطت بهشام قولت لماما انا عايزه اتعامل مع هشام على اساس انه هيكون حبيبى وفيوم من الايام هيكون جوزى مش زاى اخويا ومكنتش عايزه استعجل بالخطوبه دلوقتى وانا بصراحه مش مرتاحه مع هشام ولا هو بيفهمنى ولا انا الام سوسن : يابنتى فكرى كويس وخدوا وقتكم عشان تتفهموا بعض هبه : ماما انا بقالى فتره عايزه اتكلم معاكم ولما فكرت كويس واخدت القرار قولت اقولكم الام سوسن : يعنى مش هيجى فيوم وترجعوا لبعض تانى هبه : اولا ياماما لو ليا نصيب فيه هاخده ثانيا معتقدش ياماما انى هرجع ليه تانى والد هبه : خلاص خليها براحتها ماشى ياهبه اللى انتى عايزه اعمليه ياحبيبتى المهم راحتك انتى هبه : ربنا يخليكم ليا يارب , لوسمحت يابابا ممكن تقول انت لهشام انى مش هكمل معاه وتقوله السبب والد هبه : ليه انتى مقولتيش لهشام هبه : مقولتلهوش انى هقولكم والدهبه : لا لازم تقوليله انتى وتكلمى معاه الاول هبه : حاضر يابابا هكلمه وهرد عليك والد هبه : تمام واللى ربنا عايزه هيكون احترت هبه تكلم هشام ولا تخلى سماح تكلمه وتعرفه ان هبه قالت لاهلها وياترى ايه اللى هيحصل وهبه اللى هتكلم هشام ولا سماح ؟؟؟ انتظرونا فالحلقه القادمه |
العين تدمع مرتين الحلقة 19
الحلقة (19)
بعد مافكرت هبه كتير قررت ان سماح هيا اللى تتصل بهشام هبه : الو ايوه ياحبيبتى عامله ايه سماح : انا بخير ياهبه وانتى هبه : انا تمام الحمدالله سماح ممكن خدمه سماح : انتى تؤمرينى ياقمرى هبه : الامر لله وحده انا كنت عايزاكى تكلمى هشام وتقوليله انى كلمت اهلى وهما عارفين ان انا وهو هنتفق على اننا نسيب بعض عشان مش عارفين نتفاهم مع بعض سماح : حاضر من عينيا معنى مضايقه اوى منه بس هتصل بيه هبه : معلش ياسماح هتعبك معايا سماح : تعبك راحه ياحبيبتى هتصل بيه كمان ساعتين عشان بعمل حاجات لماما هبه : تمام لما تخلصى معاه كلمينى سماح : ان شاء الله ياقمرى سلام هبه : سلام وبعد مرور الساعتين اتصلت سماح بهشام هشام : الو ازيك ياسماح عامله ايه سماح : انا بخير وانت هشام : اهو الحمدالله على كل حال سماح : انا هدخل فالموضوع على طول هشام : اتفضلى سماح : هبه اتكلمت مع عمك وقالتله ان هيا مش عايزه تكمل معاك ولما سالوها السبب قالت عشان مش عارفين تتفاهمو مع بعض وعمك صمم ان هبه تتصل بيك وتفق معاك على انكم هتسيبوا بعض هشام : وهيا متصلتش بيا ياسماح سماح : امال انا بكلمك ليه ماهو عشان هيا مش هتكلمك طلبت منى اكلمك انا هشام : ياسماح انا مش موافق اننا نسيب بعض انا سيبها اسبوع عشان تهدى بس سماح : تهدى ايه هو انت اللى عملته شويه تكدب وتخون مره واحده امال مكنتش ابن عمها كنت عملت فيها ايه بالله عليك خلينى ساكته احسن هشام : ما انتى صاحبتها ولازم تقولى كدا ماشى ياسماح اللى هيا عايزه تعمله سماح : اكيد طبعا انت تحمد ربنا انها مقالتش لعمك لانك عارف عمك هيعمل ايه لو عرف حاجه زاى دى هشام : متشكرين اوى ليها , سلام ياسماح سماح : العفو سلام وبعد غلق سماح المكالمه اتصلت بهبه وقالتلها وبعدها بيوم هبه قالت لوالدها ان هيا كلمت هشام واتفقوا خلاص وبعد مرور ايام والامتحانات بدات هبه بتحاول تنسى اللى حصل بتضيع وقتها فالمذاكره ولما بتسمع اسم هشام بتحس انها لسه بتشتاقله مع انه جراحها بس صعب الانسان ينسى شخص بيحبه واحمد كل يوم حبه لهبه بيزيد اكتر وفنفس الوقت خايف يقرب لها تتعلق بيه عشان تنسى هشام وبس وهشام سافر القاهره يتابع فرع المصنع اللى هناك وعايش حياته عادى ولا كان فى حاجه والامتحانات خلصت وطبعا هبه وسماح مش بيشوفوا احمد وقبل النتيجه ب 4 ايام جاه والد هبه عشان يتكلم معاها فموضوع والد هبه : ايه ياحبيبتى عامله ايه هبه : انا بخير يابابا انت عامل ايه والد هبه : انا بخير عايزاك فموضوع هبه : خير يا بابا والد هبه : فى عريس متقدملك ويبقا ابن صاحب ليا اعرفه من زمان اوى هبه : عريس ودا بيشتغل ايه احكيلى عنه والد هبه : دا مهندس وعنده 26 سنه وماديا زاينا كدا امور ومحترم جدا وعاقل هبه : بص يابابا انا لسه خارجه من موضوع واخاف اوافق على دا اظلمه معايا والد هبه : بالعكس انتى لو وافقتى هترتاحى وهتنسى هشام هبه : بص يابابا انا هسبلك الاختيار انا اخترت قبل كدا وفالاخر طلع اختيارى غلط والد هبه : بصى ياحبيبتى هو هيجى يوم الجمعه عشان يشوافك ولو حصل نصيب كان بيها محصلش نصيب يبقا نحمد ربنا صح ياهبه هبه : صح يابابا انا لو ليا نصيب فحد هاخده والد هبه : برافوا عليكى وياريت بقا تفكيها بقا وتغيرى من حالتك دى هبه : حاضر يابابا انا هخرج بكره مع سماح هنروح البحر ماشى والد هبه : ماشى ياحبيبتى تصبحى على خير هبه : وانت من اهله يابابا وبعد اربع ايام النتيجه طلعت وهبه وسماح جابوا امتياز والكل فرح اوى ليهم واولهم احمد وقر انه يجيب هديه لهبه وسماح عشان نجحوا ياترى بقا هيجيب ايه لسماح وايه لهبه؟؟؟ انتظرونا فالحلقه القادمه |
العين تدمع مرتين الحلقة 20
الحلقة (20)
فكر احمد كتير عشان يشوف هيجيب هديه ايه وقر ياخد راى منه صاحبته احمد : منه قوليلى اجيب لهبه وسماح ايه منه : تجيب ليهم هما اتنين نفس الحاجه احمد : لا انا عايز اجيب حاجه مميزه لهبه منه : اشمعنا هبه يا احمد احمد : من غير اشمعنا مزاجى كدا منه : والله شكلك بتحب هبه من ورايا اعترف يلا احمد : ههههههههههههه ملكيش فيه منه : بص يارومانسى لو عايز تجيب هديه عشان النجاح مينفعش تميز مابينهم هما الاتنين فهمت احمد : فهمت وعندك حق طيب اجيب ايه منه : طقم اقلام من الاصلى الغالى دا لكل واحده فيهم بس هتخلى بتاع هبه مكتوب علي الاقلام اسمها بالدهب ايه رايك احمد : طب ما كدا سماح هتزعل منه : لا ماهو الاسم مش هيبان اوى غير لما هيا تمسكه كتير ودقق فيه يا احمد افهم بقا احمد : هههههههههه ماشى تعالى معايا لما اروح اجبهم منه : تمام هتروح امتى احمد : قبل حفله النجاح اللى هيعملها والد هبه لسه ماعرفتش المعياد منه : لما تعرف قولى تمام احمد : تمام وبعد ما اتفق احمد ومنه وعدى يومين على الاتفاق وجاه يوم الجمعه وجاه العريس المهندس واسمه ماجد والده والدته وشاف هبه واتكلموا مع بعض كتير وهيا ارتحت ليه وقررت تصلى استخاره وعدى يومين على يوم الجمعه وقررت هبه تقول رايها فالموضوع بتاع ماجد لوالدها هبه : بابا انا عايزه اتكلم معاك ممكن والد هبه : اكيد طبعا تعالى خير ياحبيبتى هبه : بابا بالنسبه لموضوع ماجد انا صليت استخاره وفكرت كتير والد هبه : تمام وها وصلتى لايه هبه : انا موافقه يابابا والد هبه : كويس ربنا يتممالك على خير ياحبيبتى خلاص نعمل قريت فاتحتك فنفس يوم حفله النجاح هبه : لا يابابا خلى دا فيوم ودا فيوم النجاح هيكون فيها اصحابى كلهم لكن قريت الفاتحه هتكون عائليه اوى يابابا والد هبه : خلاص ياحبيبتى نخلى حفله النجاح الجمعه الجايه وقريت الفاتحه بعد الحلفه باسبوعين تمام كدا هبه : تمام يا بابا وخرجت هبه وكانها عايزه اى حد يدخل حياتها عشان تنسى هشام واللى عمله فيها وحكيت هبه لسماح عن العريس وطلبت منها متقولش لحد غير بعد الخطوبه وفعلا سماح مقالتش لحد تتصل هبه باحمد عشان تعزمه على حفله النجاح هبه : ازيك يا احمد عامل ايه احمد : انا بخير طول ما انتى بخير عامله ايه ياهبه هبه : انا تمام اوى مش نجحت لازم اكون تمام احمد : يارب دايما ياهبه هبه : فاضى الجمعه الجايه احمد : اه فاضى ولو مش فاضى افضى عشانك خير ياهبه هبه : الحفله يوم الجمعه احمد : طب كويس هاجى ان شاء الله هبه : تمام انا هتصل بمنه اعزمها وهات انت شيماء معاك احمد : شيماء سافرت شرم الشيخ بتصيف هبه : يابختها ترجع بالسلامه احمد : الله يسلمك نتقابل الجمعه ان شاء الله هبه : ان شاء الله سلام احمد : سلام بدات هبه وسماح يحضروا للحلفه واللبس والميكاج والتورتات والحلويات والزينه وكل حاجه كانت جاهزه واحمد جاب الهديه هو ومنه وكتب اسم هبه بالدهب على الاقلام بخط صغير اوى عشان سماح متزعلش واصحاب هبه وصلوا واصحاب سماح والبيت بقا مجمع لاصحاب هبه وسماح اول ماوصل احمد هو ومنه عند هبه اول حاجه عملها انه يدور على هبه بعينيه وبالصدفه هبه اخدت بالها منه وهو بيدورعليها واول سؤال خطر فبال هبه هو بيدورعليا ليه معقول كلام سماح زمان كان صح , ذهبت هبه الى احمد ومنه لكى ترحب بهم وعندما نظرت الى احمد حست انه معجب كتير بيها ولكن هيا المفروض فحكم المخطوبه حاولت تتجاهل مشاعر احمد عشان متعلقهوش بيها عشان متظلمهوش معاها وبعدها منه تتحدث مع هبه لوحدهم منه : ايه ياقمر عامله ايه هبه : بخير يامنه والله منه : لسه بتفكرى فى هشام هبه : كل لما افتكره افتكر اللى عمله معايا بتعب اكتر منه : حاولى تنسى ان شاء الله تلاقى اللى يحبك ويصونك ياهبه هبه : صعب الاقى اللى انا احبه ويحبنى ويصونى منه : ليه فى ياهبه بس اوقات الكتير الانسان مش بيشوف كل اللى حواليه هبه* تقصد ايه دى من اللى حواليه ؟؟ هبه : عندك حق مين كان يصدق ان هشام ابن عمى هيعمل كدا معايا منه : يابنتى مابقاش فى حاجه اسمها ولاد عم ولا اصحاب ولا اخوات كله بتاع مصالح دلوقتى هبه : ليه انا عندى سماح مع بعض فكل حاجه منه : سماح عشان زايك طيبه ومحترمه وبتراعى ربنا فاللى حواليها لكن فى ناس تانيه غيركم وغيرنا الناس من جواهم اتغيروا ياهبه هبه : صح على رايك منه :بصى هقولك نصيحه وياريت تفكرى فكلامى صح هبه : اتفضلى منه : بصى حواليكى وفتحى عينيك وقلبك على كل حاجه بتحصل حواليكى متقفليش على قلبك لانه غصب عنك هيتفتح لوحده للى يستاهل ولو حبيتى تانى اوعى تخافى بالعكس خليكى قويه ومؤمنه بحاجه واحده بس ان دا نصيب وكل اللى بيحصل دا الانسان بيتعلم منه فاهمه هبه : فاهمه يا ابله منه منه : هههههههههههههه يلا نشوف احمد وسماح هبه : هههههههههه يلا والكل مبسوط وفرحانين جدا وهبه كل شويه تبص على احمد تشوفه بيبص عليها ولا لا وفعلا كل ماتبص تلاقيه بيبص عليها وتكسف وشها يحمر وفجأة وسط الحلفه دخل شخص الكل استغرب من وجوده ياترى دا مين ؟؟؟ انتظرونا فالحلقه القادمه |
رد: ابتسم..، ودَعِ الحياةَ
يعّطيّكّ آلعّآآفيّهّ يّآ قمّرّ.....)
|
رد: ابتسم..، ودَعِ الحياةَ
يسلمؤوؤ حبيبتي~:
|
رد: ابتسم..، ودَعِ الحياةَ
يعطيك العافيه
|
رد: ابتسم..، ودَعِ الحياةَ
مرة أخرى أكرر،
وأقول لك ابتسم لستَ أوَّلَ من تحيَّرَ أو ظُلِمْ ابتسم.، لَسْتَ أوَّلَ مَنْ هُزِمْ . جميل جدا ...شكرا لك ...تقبلي مروري |
العين تدمع مرتين الحلقة 21
الحلقة (21)
دخل هشام الحفله وهو مبسوط عشان هيشوف سماح تانى وطبعا اللى استغرب من وجود هشام هما سماح وهبه واحمد واتارى والد هبه هو اللى عزم هشام على الحفله عشان هبه ترجع تتعامل مع هشام على انه ابن عمها زاى زمان هشام : مبروك ياهبه هبه : الله يبارك فيك هشام : انا عارف انك مش عايزه تشوفينى هبه : ليه يعنى دا انت ابن عمى عادى يعنى هشام : ايه اخبارك هبه : تمام صحيح انا هستناك كمان اسبوعين هشام : ليه خير هبه : اكيد خير قريت فاتحتى كمان اسبوعين اتصدم هشام عندما قالتله هبه انها هتخطب هشام : هتخطبى ياهبه هبه : اه عندك مانع هشام : بالسرعه كدا لاحقتى تنسينى هبه : وانا افتكرك ليه الايام الحلوه اللى كانت مابنا اقل بكتير من خيانتك وكدبك عليا هشام : ومين سعيد الحظ دا احمد صح هبه : لا مش احمد دا ماجد ابن صاحب بابا عارفه هشام : مابقاش يفرق اعرفه ولا لا مبروك وربنا يسعدك هبه : الله يبارك فيك وقبل الحفله ماتخلص الكل كان بيقدم الهدايا لهبه وسماح واحمد ادى لهبه الهديه ولسماح وبعد انتهاء الحفله سماح : انا هاخد الهدايا بتاعتى واروح تعبانه عندى صداع مش قادره بكره نبقا افرجك عليها هبه : تمام وانا كمان هفرجك عليها بكره روحت سماح بيتها وشافت الهدايا وعجبتها وهبه فتحت الهدايا بس اهتمت اكتر بهديه هشام واحمد هشام جاب لهبه برفان بس هيا مش بتحب النوع اللى جابه وحتى مردتش تشم ريحته واول مافتحت هديه احمد وشافت طقم الاقلام عجبها جدا وكانت بتشوف نوع الاقلام ايه وفجأة شافت مكتوب عليه اسمها فرحت جدا وفضلت تفكر ياترى عمل لسماح كدا برده ولا جابلها حاجه تانيه وفضلت تتذاكر كلام هشام ليها ونظرات احمد ليها وفنفس الوقت هيا خلاص هتخطب ومينفعش تفكر فيهم هما الاتنين تانى يوم سماح راحت لهبه سماح : ايه هشام جبلك ايه هبه : برفان ومش بحب النوع دا خديه ياسماح انا مش عايزه حاجه منه سماح : ههههههههههه وانا كمان جبلى برفان سيبك منه قوليلى احمد جابلك ايه هبه : جبلى طقم الاقلام دول بصى تحفه بجد سماح : وانا كمان جبلى نفس الطقم هبه : بجد طب ورينى كدا شافت هبه الاقلام ودققت فيهم اوى مالقتش اسم سماح خالص فرحت جدا وفنفس الوقت حزنت عشان المفروض انها هتخطب قريب هبه : سماح عايزه اتكلم معاكى فموضوع سماح : خير ياحبيبتى اتكلمى هبه : امبارح احمد كان عمال يبصلى كتير اوى سماح : امبارح بس يابنتى دا على طول بيبصلك وانتى ولا حاسه بيه هبه : اول مره احس ان هو اصلا مهتم بيا امبارح حسيت بحاجه غريبه اوى لما بصيت ولقيته بيدور عليا مش عارفه احساس غريب اول مره احسه تخيلى امبارح بعد الحفله طول اليوم بفكر فيه وبفتكر نظراته ليا سماح : لسه فاكره تحسى بيه ياهبه احمد انسان كويس جدا وانا واثقه انه بيحبك مع انه كان بينصحك فموضوعك مع هشام بس دا لانه انسان عنده امانه وصدق ومشاعر هبه : المشكله انى حسيت بيه بعد ما خلاص خطوبتى كمان اسبوعين سماح : هبه انتى ممكن ترجعى فقرارك وتصبرى على احمد مش يمكن يكون احمد من نصيبك هبه : يابنتى انا بقالى شهرين سابيه احمد مفكرش حتى انه يصارحنى انه معجب او بيحبنى سماح : اكيد عشان عارف انك لسه بتفكرى فى هشام , بصى ياهبه حاولى تفكرى فالموضوع كويس عشان ماتخطبيش وتضيعى احمد من ايديك وبعدين تندمى هبه : حاضر هفكر احمد يستاهل انى افكر فيه بجد وفى وسط كلام هبه وسماح تليفون سماح يرن وياترى مين اللى بيتصل بسماح ؟؟؟ انتظرونا فالحلقه القادمه |
العين تدمع مرتين الحلقة 22
الحلقة (22)
فجأة رن تليفون سماح وهيا بتكلم مع هبه واتارى هشام اللى بيتصل بيها هشام : الو ازيك ياسماح عامله ايه سماح : انا بخير الحمدالله وانت هشام : انا بخير انتى فاضيه اتكلم معاكى شويه سماح : اه انا فاضيه اتكلم ياهشام هشام : هيا صحيح هبه هتخطب سماح : اه صحيح كمان اسبوعين هشام : وهيا خلاص نستنى سماح : لا بس بطلت تفكر فيك ياهشام هشام : انا بحبها وعايز ارجعلها ياسماح سماح : معتقدش انك فعلا بتحبها لانك لو بتحبها مش هتجرحها ابدا هشام : انا عارف انى غلطت بس صدقينى انا ندمان اوى سماح : الندم مش هيفيدك بحاجه انت بغباء تضيعت هبه من ايديك هشام : بس انا غلطت مره واحده بس يعنى ممكن تسامحنى وصدقينى مش هعمل كدا تانى سماح : وانت لسه فاكر دلوقتى تتطلب السماح كنت فين الفتره اللى فات ولا عشان خلاص حسيت انها هتخطب وهتروح لغيرك هشام : انا استنيت لحد ماتخلص الامتحانات عشان تكون هاديه سماح : هشام انا اكتر واحده عارفك كويس اوى وعارفه انك مش عايز تضيع هبه من ايدك عشان انت بتحب تمتلك كل حاجه وبس مش عشان انت ندمان وبتحبها معتقدش انك تعرف يعنى ايه حب ولو بجد تعرف يعنى ايه مش هتفكر تعمل كدا مع هبه هشام : انا بتصل بيكى عشان تساعدينى سماح : انا ممكن اساعدك واقولك حاول تحب نفسك الاول يمكن تعرف تحب غيرك بجد وياريت لو حبيت تتصل يبقا عشان تتطمن عليا لكن متدخلنيش مابينك انت وهبه انا معنديش غير هبه ومقدرش اخسرها عشانك هشام : ماشى ياسماح شكرا واسفه انى ضايقتك سلام سماح : سلام اغلقت سماح المكالمه وحكيت لهبه اللى حصل بالتفصيل سماح : انتى لسه بتفكرى فى هشام يعنى لو رجع يتأسف وهو ندمان هترجى هبه : لا مش بفكر عارفه دا عشانه خلانى اكدب على اهلى ومادام عملت كدا عشان شخص يبقا البعد عنه استفاده ليا صدقينى انا كدا مرتاحه اوى سماح : بس انا زودتها معاه اوى بصراحه هبه : انتى قولتيله اللى كان نفسى اقوله سماح : تصدقى انى بكلمه على الحب وانا اصلا مجربتهوش ولا اعرفه هههههههههههه هبه : بكره تجربيه وتعرفيه وتندمى سماح : ماشى انا همشى بقا سماح : ماشى ياحبيبتى مشيت سماح وهيا مضايقه من نفسها عشان ضايقت هشام بالكلام مر اكتر من 3 ايام واتصل احمد ب هبه عشان يطمن عليها احمد : ازيك ياهبه عامله ايه هبه : انا بخير الحمدالله وانت يا احمد احمد : انا بخير ياقمر هبه : شكرا يا احمد على الهديه احمد : شكر ايه بس المهم عجبتك هبه *اه بتلمح يعنى اه شوفت الاسم هبه : اه عجبتنى جدا يسلم ذوقك احمد : ميرسى ياهبه عقبال التخرج هبه : يارب وانجح واشتغل بقا احمد : يارب , بتعملى ايه فالاجازه بقا هبه : قاعده مش بعمل حاجه احمد : فى رحله هتطلع العين السخنه يوم الجمعه الجاي لا اللى وراه هبه* اوبا دا يوم قريت الفاتحه طب دا هقوله ايه هبه : لا صعب عندنا عزومه اليوم دا احمد : ياخساره كان نفسى تجى معايا سورى قصدى معانا هبه : وانا والله طب ماينفعش يتغير اليوم احمد : لا صعب خلاص انا مش هروح هبه : لا انا كدا هزعل روح طيب انت وابقا اروح معاك انا وسماح المره الجايه او خد سماح معاك المره دى وانا هطلع معاكم المره اللى بعدها احمد : لا طبعا الرحله هتكون من غير وحشه هبه : ربنا يخليك يا احمد احمد : خلاص نطلع الرحله اللى بعدها ان شاء الله هبه : ان شاء الله ميرسى اوى يا احمد على اهتمامك احمد : ايه ميرسى دى انتى متعرفيش غلاوتك ولا ايه هبه : ربنا يدوم المعرفه مابينا على طول احمد : يارب خلى بالك من نفسك هبه : حاضر وانت كمان وسلملى على شيماء وعمو احمد : الله يسلمك حاضر لا اله الا الله هبه : محمد رسول الله سلام احمد : سلام بعد غلق المكالمه مع احمد احساس هبه باحمد زاد اكتر ومن كلامه اتأكدت انه بجد مشدود ليها ومر الايام وجاه وقت قريت الفاتحه وطبعا ماحدش حضر غير اسره هبه واسره ماجد واساسى سماح موجوده طبعا ولبست هبه الدبله بس ماحستش بالفرحه زاى ماحست لما لبست دبله هشام وبعد مالبست الدبله وصل ابن عمها هشام وطبعا ماجد واهله عارفين انه كان خاطبها قبل كدا هشام : الف مبروك ياهبه مبروك ياماجد ربنا يوفقكم ويتممالكم على خير هبه : الله يبارك فيك وعقبالك هشام : شكرا ماجد : عقبالك ياهشام هشام : فحياتك ان شاء الله راح هشام يتكلم مع سماح وهو مضايق جدا سماح : مكنتش متوقعه انك هتيجى بصراحه هشام : ليه يعنى انا مش وحش لدرجاتى ياسماح سماح : انا مش قصدى كدا والله انا يعنى كان قصدى انك مش هتقدر تشوفها وهيا مع غيرك هشام : عارفه هيا لو كانت اخدت احمد كنت هفرح لها اكتر بس ماجد دا دمه تقيل اوى ومش بيتكلم كتير يعنى تتحايلى عليه عشان يتكلم بس احمد انسان عاقل يقدر يخلى اللى قدامه يحترمه ويتكلم معاه مع انى كنت بغير منه كتير بس لان هو احسن منى سماح : سيبك من كل دا وعيش حياتك واعقل بقا وبطل شغل المراهقين اللى انت فيه دا هشام : والله ياسماح من ساعه ماروحت القاهره وبعدت عن الكل وانا ارتحت وبقيت احسن من الاول ادعيلى انتى بس سماح : ربنا معاك ويوفقك وخلص الفرح على خير وبعد الفرح بيوم احمد بيتصل يطمن على هبه عادى والتليفون بيرن هبه حيرانه تقول لاحمد ولا لا ياترى هتقول ولا هتخلى سماح تقوله انها اتخطبت ؟؟؟ انتظرونا فالحلقه القادمه |
العين تدمع مرتين الحلقة 23
الحلقة (23)
اتصل احمد بهبه عشان يطمن عليها احمد : ازيك ياقمر عامله ايه هبه : انا بخير الحمدالله وانت عامل ايه احمد : انا بخير الحمدالله انتى ليه مش بتسالى ولا لازم انا اللى اسال هبه : والله ابدا انا كنت هتصل بيك اصلا عشان كنت هقولك على موضوع حصل احمد * ايه رجعتى لهشام ولا ايه احمد : اتفضلى قولى خير هبه : انا اتقريت فاتحتى الجمعه اللى فات اتصدم احمد ومن صدمته معرفش يرد يقول ايه هبه : الو احمد انت معايا احمد : اه معاكى رجعتى لهشام يعنى هبه : لا مش هشام احمد* كمان مش هشام احمد : امال مين هبه : واحد اسمه ماجد ابن صاحب بابا ونعرفهم من زمان احمد : اه طب كويس الف مبروك ياهبه وربنا يوفقك معاه هبه : الله يبارك فيك يا احمد عقبالك احمد : فحياتك ان شاء الله انا هتصل بعمى اقوله مبروك هبه : ماشى يا احمد احمد : الخطوبه امتى ان شاء الله هبه : قبل الدراسه باسبوعين احمد : مبروك وربنا يسعدك هبه : ربنا يخليك يا احمد احمد : سلام ياقمر هبه : سلام يا احمد بعد انتهاء المكالمه احمد اضايق كتير لانه فكر ان هبه حست بمشاعره ناحيتها وفنفس الوقت عشان لتانى مره هبه تضيع من ايده ومن صدمته وحزنه على ضياع هبه من ايده ولا بيكلم هبه ولا منه ولا سماح وبعد 5 ايام من خطوبه هبه يتصل هشام بسماح هشام : ازيك ياسمسمه سماح : الحمدالله وانت ازيك هشام : انا بخير ياقمر عامله ايه سماح : الحمدالله ايه سر اتصلك بيا بتسال على هبه صح هشام : لا والله انا بتصل اطمن عليكى انتى والله سماح : تطمن عليا ؟ من امتى دا بقا ان شاء الله هشام : لو اتصالى بيكى بيضايقك انا مش هتصل تانى اسف ياسماح سماح : لا عادى ياهشام بس مستغرابه بس انك متصل تسال عليا هشام : والله دى الحقيقه بتعملى ايه بقا فالصيف سماح : ولا حاجه قاعده اهو مستنيا الفرج هشام : ومش هنفرح بيكى بقا سماح : لا انا بفرح للناس كلها بس انا لا ههههههه هشام : ليه يعنى عايزه تفهمينى انك عمرك ماحبيتى ولا ارتبطتى سماح : والله انا ولا حبيبت ولا ارتبطت قبل كدا هشام : ان شاء الله تحبى وترتبطى وتجوزى كمان سماح : يارب يسمع منك ربنا هشام : ابقى اتصلى ولا اقولك رنى وانا هتصل بطلى بخل سماح : ههههههههههههههه ان شاء الله هشام : خلى بالك من نفسك سلام سماح : حاضر سلام بعد ماقفلت سماح مع ههشام استغربت من اتصال هشام بيها وفنفس الوقت مبسوطه عشان فى حد اهتم بيها وراحت لهبه تحكيلها اللى حصل سماح : هبه هشام اتصل بيا هبه : ليه تانى سماح : قال ايه بيطمن عليا تخيلى هبه : بجد ودا من امتى دا سماح : معرفش والله وسالنى ارتبطت او حبيت قبل كدا وفاخر المكالمه خلى بالك من نفسك وابقى اتصلى هبه : هههههههههههههههه قال منفعتش هبه خلينا فسماح بقا سماح : وانا تحت امره ولا لعبه فايده هبه : طب نتكلم جد بقا لو طلب انه يرتبط بيكى او يخطبك هتعملى ايه سماح : هعمل ايه فايه انتى مجنونه هبه : مجنونه ليه مش يمكن على ايدك انتى تغيرى هشام ويكون احسن من الاول مش يمكن بعد اللى حصل معاه فموضوعى اتعلم الادب سماح : انتى مجنونه يابنتى افكر فاللى اختى بتحبه بس يابنتى هبه : على فكره ياسماح انا مكنتش بحب هشام انا بس اتعودت عليه لانى مكنتش بشوف غيره قدامى وماما قالتلى كدا بس انا مصدقتش غير لما وافقت انى اتخطب تانى بعده وكمان دا نصيب ياسماح وماحدش فينا يعرف النصيب فين سماح : بس ياهبه انا اصلا مش عايزه يكلمنى انا مش لعبه عشان يكلمنى عشان يغيظك بيا ياهبه وغير كدا انا مش عايزه حب وكدا وانتى عارفه دماغى هبه : بصى انتى تغيرى الخط ونشوف بقا هيعمل ايه هشام ساعتها ولو فعلا هو اتغير وداخل جد ومش هيعمل معاكى اللى عمله معايا انا بقولك اهو وافقى وصدقينى انا مش زعلانه بجد سماح : صح انا فعلا هغير الخط لانى مش بحب وجع الدماغ وفعلا سماح غيرت الخط بعدها بيومين عدى اسبوعين ومافيش خبر عن احمد وهبه وماجد لسه بيتعرفوا على بعض وبيحاولوا يتعاملوا مع بعض وفيوم يتصل هشام بهبه هشام : السلام عليكم هبه : وعليكم السلام ازيك ياهشام هشام : الحمدالله بخير انتى عامله ايه هبه : الحمدالله بخير هشام : وعامله ايه مع ماجد هبه : الحمدالله تمام هشام : يارب دايما ويوفقكم مع بعض هبه : يارب وعقبالك هشام : ربنا يخليكى قوليلى ياهبه هيا سماح غيرت رقمها هبه : سماح اه ليه بتسال هشام : اصلى بقالى اسبوع بتصل بيها والتليفون مقفول هبه : وانت كنت بتصل بيها ليه هشام : عادى بطمن عليها هبه : بتطمن عليها ولا تعرف اخبارى منها ولا عايز تعلق سماح بيك ياهشام هشام : لا طبعا واعرف اخبارك منها ليه ما انا اتصل بيكى واعرف اخبارك انا بس كنت عايز اطمن عليها مش اكتر هبه : تتطمن عليها , بص ياهشام سماح دى اختى وياريت تخلى بالك من تصرافاتك معاها ومش هقابل ان اى حد يجرحها او يتعبها فاهم ياهشام وانا فاهمه كويس ان انت مهتم بسماح من يوم خطوبتى ومن كلامك معاها وعلى فكره هيا بسببك غيرت الرقم وياريت تفهم ان سماح مش زاى هتصدق اى كلام تقوله ولا هتفكر تثق فيك ياهشام هشام : فى ايه ياهبه انا مش وحش اوى كدا اه انا كنت فاشل وبتسلى وبلعب بس مش هفضل على طول كدا مش يمكن اكون اتغيرت فعلا هبه : انا مليش دعوه بكل دا انا حبيت افهمك لو حط سماح فدماغك يبقا لازم تكون قد المسئوليه شويه وتبطل اللى كنت بتعمله وبالنسبه لرقم سماح مش هقدر اديهولك هشام : ماشى ياهبه بكره اثبتلك انى اتغيرت ومش عايز رقم سماح انا لما احب اطمن عليها هتصل بيكى واطمن منك عليها هبه : ان شاء الله وياريت متزعلش من كلامى بس انا معنديش غير سماح ياهشام هشام : لا مش زعلان انتى عندك حق , وربنا يخليكم لبعض هبه : يارب هشام : سلام ياهبه وسلميلى على سماح هبه : الله يسلمك سلام بعد غلق المكالمه فكرت هبه كتير فكلام هشام وحست من كلامه انه اتغير بس جواها شك من ناحيته وياترى بقا هبه هتحكى لسماح على مكالمه هشام ولا لا ؟؟؟ انتظرونا فالحلقه القادمه |
العين تدمع مرتين الحلقة 24
الحلقة (24)
بعد اغلق المكالمه مابين هبه وهشام اتصلت هبه بسماح وطلبت منها تروحلها عشان تتكلم معاها سماح : فى ايه يابنتى قلقتينى اوى هبه : اصل هشام اتصل بيا سماح : بجد ليه عايز يرجعلك ولا ايه هبه : لا ياحبيبتى دا بيسال عنك سماح : نعم بيسال عنى انا هبه : اه والله انتى مش مصدقه ليه سماح : ويسال عنى ليه بقا هبه : شكله كدا معجب بيكى ياسمسمه سماح : هشام مش بيعجب هشام يتسلى على راى مى هبه : لا هشام شكله اتغير من كلامه حسيت بكدا سماح : هبه انا ولا بتاعت رومانسيه ولا ارتباط ولا الكلام دا اللى بيحبنى وعايزنى مش هيجى يكلمنى انا لا هيجى يكلم بابا ويطلبنى مش كلام وخلاص هبه : وانا مش هخليه يرتبط بيكى وعيش الدور عليكى لو فعلا عايزاك يبقا يطلبك من اهلك بس انا احساسى بيقول اننا هنفرح بيكى قريب يمكن يتغير على ايدك انتى ياسمسمه سماح : انتى مقدرتيش تغيره انا هغيره بتهزرى هبه : يابنتى انا شخصيتى مش قويه زايك انتى تقدرى تساعديه وتهديه عن اللى بيعمله سماح : سبيها على ربنا واللى عايزه هيكون هبه : ونعمه بالله سماح : ايه اخبارك مع ماجد هبه : بصى هو طيب ومحترم اوى بس دمه تقيل ولا بيضحك ولا بيهزر ولا اى حاجه ولو فكرت اهزر معاه بيزعل بس هو كويس معايا وانا بحاول اتعود عليه سماح : بصراحه هشام قالى يوم قريت الفاتحه انه كان هيفرحلك لو كان احمد مش ماجد هبه : صحيح هو احمد مش بيكلمك سماح : لا خالص وكمان انا غيرت رقمى من غير ما اديله الرقم الجديد ولا انتى بيكلمك هبه : لا خالص من ساعه ماعرف انى اتخطبت سماح : تلاقيه زعلان عشان اتخطبتى طب وانتى متصلتيش بيه هبه : مكسوفه اقول لماجد هتصل باحمد اطمن عليه انتى عارفه انا مخطوبه ومينفعش انى اكلم شخص تانى غير ماجد ولو كلمته يبقا لازم ماجد يعرف سماح : طب انا هتصل بيه واتصلت سماح باحمد اكتر من 3 مرات وفرابع مره راح رد احمد : السلام عليكم سماح : وعليكم السلام احمد : مين معايا سماح : انا سماح يا احمد احمد : ازيك ياسماح عامله ايه سماح : الحمدالله بخير وانت عامل ايه احمد : الحمدالله بخير تمام رقم مين دا سماح : دا رقمى انا الجديد احمد : اه طيب هسجله عندى ايه اخبارك تمام سماح : الحمدالله مش بتسال ليه ولا عليا ولا على هبه احمد : لا عادى بس مشغول شويه لان جايلى بعثه وبشوف ايه نظامها وبخلص حاجات فالشغل سماح : بجد هتسافر وتسبنا احمد : انتوا خلاص بقيتوا كويسين فالدراسه سماح : بجد زعلتنى اوى بس مادام دا هيريحك يبقا ربنا يوفقك احمد : ربنا يخليكى ياسماح , هبه عامله ايه سماح : بخير الحمدالله احمد : ابقى سلميلى عليها بقا سماح : الله يسلمك حاضر , سلام يا احمد احمد : سلام ياسماح بعد غلق المكالمه سماح : احمد صوته متغير اوى صوته حزين ياهبه هبه : بجد ليه سماح : شكله زعلان عشان انتى اتخطبتى لدرجه انه هيسافر هبه : ايه هيسافر انتى بتكلمى بجد سماح : اه والله جايله بعثه بره هبه : ياربى سماح : طب انتى زعلانه ليه دلوقتى ما هو بقاله سنه جنبك وانتى ماحستيش بيه ولما حسيتى معملتيش حاجه اتسرعتى وروحتى اتخطبتى عايزه ايه تانى هبه : احمد غالى عليا جدا مينفعش ادخله حياتى عشان ينسينى هشام فاهمنى مقدرش اظلمه معايا سماح : اهو هيبعد خالص ياهبه هترتاحى كدا دا اسبوعين متصلش انتى قلقتى وسالتى عنه امال لما يسافر ولا لما انتى تتجوزى هو هيعمل ايه كويس انه هيبعد لانه كداغ هيتعذب اكتر ياهبه بلاش تكونى انانيه عايزه واتخطبتى لغيره هبه : بجد مش عارفه اعمل ايه سماح : سبيها على ربنا هبه : ونعمه بالله ومشيت سماح من عند هبه وفضلت هبه تفكر فكلام سماح انها ازاى عايزها احمد واتخطبت لغيره وفنفس الوقت زعلانه لانه هيسافر ويسيبها بعد يومين من اتصال سماح لاحمد قررت هبه تقول لماجد انها هتقابل احمد ومنه هيا وسماح زاى زمان وفعلا قالت لماجد وهو وافق لانه سمع عن احمد من والد هبه وبعدها قررت ان تانى يوم هتروح هبه وسماح الكليه يشوفوا احمد ويتكلموا معاه وفنفس اليوم سماح تستنا هبه تحت عند باب العماره وفجاه هشام جاى يزور عمه ويشوف سماح تحت هشام : بتعملى ايه هنا سماح : خضتنى ياهشام هشام : سلمتك من الخضه ههههههههه بتعملى ايه هنا سماح : مستنيا بنت عمك هشام : يبقا قدامك ساعه ونص بقا سماح : تصدق عندك حق نفسى فمره تنزل قبلى هشام : استحاله تعملها ههههههههه عامله ايه سماح : الحمدالله بخير وانت هشام : انا بخير عشان شوافتك سماح : شكرا يلا شوف انت كنت جاى لمين هشام : بصراحه انا جاى عند عمى حجه عشان اشواف اللى غيرت الرقم مخصوص عشان ماتصلش بيها سماح : دى البت الشاطره دى هشام : ههههههههه انتى سماح : لا ونبى طب كويس انك عارف انى غيرت الرقم عشانك هشام : بس اكيد هتدينى رقمك الجديد سماح : وانت عايزه ليه هشام : عشان عايز اعرفك اكتر من كدا سماح : وتعرفنى ليه هشام : لانى معجب بيكى سماح : اه قولتلى بقا الاسطوانه المخرومه دى بص ياهشام من الاخر كدا انا اللى عايزنى يطلبنى من اهلى غير كدا يبقا ميستاهلش انى اقف واتكلم معاه ولو سمحت ياهشام ياريت تعرف انى مش هبه الطيبه اللى هتضحك عليها بكلمتين حلوين لا انا ماحدش يعرف يضحك عليا وياريت تشلنى من دماغك لانى مش زاى اللى تعرفهم اه ياريت تقول لهبه انى مستنياها بره على اول الشارع سلام استغرب هشام من كلام سماح ليه وفنفس الوقت عجبه جدا كلام سماح وكبرت فنظره اكتر واكتر وهبه نزلت وقابلت هشام عند الاسانسير هشام : كل دا تأخير سماح مش هتسيبك هبه : هيا فين هشام : ادتنى كلمتين ومشيت هبه : يبقا اكيد غلست عليها هشام هبه مش زاى اللى تعرفهم هشام : عارف ياهبه وان شاء الله هثبتلك انى مش هشام بتاع زمان هبه : ياريت ياهشام ولو فعلا اتغيرت انا هقف جنبك هشام : ماشى يلا اجرى عشان ماتقفش فالشارع كل دا والشباب يعاكسوها هبه : ههههههههههههه ماشى سلام استنا لحد ما ارجع هشام : ماشى سلام خلى بالكم من بعض هبه : حاضر ربنا يستر وراحت هبه لسماح ولقيت سماح متنرفزه اوى وحكيت سماح لهبه اللى حصل وفضلوا يتكلموا فالطريق لحد ماوصلوا الكليه سماح : ياسلام بقا ندخل ومش نلاقى احمد هبه : بعد الشر يارب نلاقيه بقا سماح : يارب ياترى بقا هبه وسماح هيلاقوا احمد فالكليه ولا لا ؟؟ انتظرونا فالحلقه القادمه |
العين تدمع مرتين الحلقة 25
الحلقة (25)
عند دخول هبه وسماح الى الكليه سالوا عن احمد وعرفوا انه موجود فالكليه دخلوا مكتب احمد هبه : سماح هدخل لوحدى الاول وانتى ابقى ادخلى بعدين كمان شويه سماح : ماشى شويه وهاجى هبه : اوك دخلت هبه مكتب احمد هبه : السلام عليكم احمد : وعليكم السلام ايه اللى جابك الكليه فالاجازه هبه : عادى اتفقت انا واصحابى نتقابل هنا ايه مافيش سلام ولا كلام احمد : انا برده اتفضلى ياقمر عامله ايه هبه :انا بخير الحمدالله وانت عامل ايه احمد : انا بخير ايه اخبارك انتى وخطيبك هبه : الحمدالله كويسين ايه سمعت انك مسافر احمد : اه جاتلى بعثه وانا هروحها هبه : ليه انت مش مبسوط هنا احمد : مش حكايه مبسوط بس هناك هرتاح اكتر عايز اعمل حاجه مفيده فحياتى هبه : والبعثه كام سنه احمد : سنتين هبه : بجد ومش هتنزل اجازات خالص احمد : لا ليا انزل فاجازات وقت ما احب هبه : شكلك مقتنع بالسفر اوى احمد : اه مقتنع هبه : على العموم ربنا يوفقك مع اننا هنزعل اوى عشان هتسافر بس مادام دا هيريحك فاكيد هنفرح ليك احمد : ربنا يخليكى يا هبه ودخلت سماح فالوقت دا واتكلموا كلهم مع بعض وبعد ماخلصوا كلام خرجت هبه وسماح من الكليه وبدات سماح تتكلم هيا وهبه سماح : ها قالك ايه وحسيتى بايه هبه : هو مصمم يسافر شكله عايز يبعد وخلاص ياسماح انا بجد زعلانه اوى من نفسى سماح : ليه يابنتى وانتى مالك بس هبه : لانى اتسرعت ياسماح اقفلى على الموضوع مش قادره اتكلم يلا نروح احسن وروحت هبه وسماح وبعد مرور اسبوعين اتصل هشام بوالد هبه هشام : ازيك ياعمى عامل ايه والد هبه : انا بخير الحمدالله وانت عامل ايه هشام : عمى انا عايز اجى اتكلم معاك فموضوع مهم والد هبه : طب تعالى فاى وقت انا موجود هشام : خلاص ساعه وهكون عند حضرتك والد هبه : ماشى هستناك وقفل المكالمه وبعد ساعه وصل هشام عند هبه والد هبه : خير بقا ياهشام هشام : عمى انا عايز اخطب والد هبه : بجد ياريت نفسى اشوف اولادك هشام : ان شاء الله هتشوفهم ياعمى والد هبه : وهتخطب مين بقا هشام : بص ياعمى انا عايز واحده تكون محترمه وبنت ناس وعشان كدا انا اخترت سماح والد هبه : ايه سماح صاحبت هبه هشام : عارف ان حضرتك هتستغرب بس انا مش هخطبها عشان هيا صاحبت هبه لا انا هخطبها عشان اخلاقها والد هبه : هشام اهل سماح ناس كويسين جدا وسماح بنت محترمه جدا ومش عايز اخسر الناس دى بسببك وانت بصراحه بتعمل حاجات تعصب هشام : اوعدك ياعمى ان عمرى ما اعمل اى حاجه تخليك تخسرهم انا عايز ابنى حياتى مع واحده تقدر تستحملنى وتقف جنبى وانا اتغيرت عن الاول وان شاء الله هراعى ربنا فيها والد هبه : طب انت ايه عرافك ان سماح هتوافق ولا اهلها هشام : انا معرفتش رايهم بصراحه بس لو رفضوا يبقا دا نصيبى وانا راضى بيه والد هبه : مش عارف اقولك ايه بص انا هكلم هبه تتكلم مع سماح تشوفها الاول وبعدين ابقا اتكلم مع اهلها انا وانت ماشى هشام : ماشى ياعمى ربنا يخليك ليا ولا يحرمنى منك والد هبه : انت ابنى ياهشام بعد خروج هشام من عند عمه داخل والد هبه يتكلم مع هبه فموضوع هشام والد هبه : عايزاك ياهبه فموضوع هبه : خير يا بابا والد هبه : خير ان شاء الله , بصى هشام كلمنى وعايز يخطب سماح هبه : ايه انت بتكلم جد يابابا والد هبه : اه والله يابنتى دا اللى حصل هبه : طب كويس انه اخد الخطوه دى , وهتعمل ايه بقا يابابا والد هبه : بصى انا عايزاك تعرفى راى سماح الاول وبعدين هاخد هشام ونروح نكلم اهلها هبه : خلاص ماشى يابابا انا هعرف رايها وهقولك وسبلى الموضوع دا والد هبه : يعنى انتى مش زعلانه عشان هشام هيخطب صاحبتك هبه : بص يابابا انا لما وفقت بماجد اتاكدت انى مكنتش بحب هشام انا بس اتعودت عليه لانى مكنتش بشوف غيره وهشام وسماح غالين عليا جدا ومن قلبى هفرح عشانهم بس لو هشام فعلا اتغير يابابا والد هبه : لا متقلقيش اتغير انا مخلى ناس فالقاهره معاه يشوفوا بيعمل ايه وبصراحه اتغير خالص من ساعه ماسافر هبه : طب الحمدالله كدا اتكلم وانا واثقه منه والد هبه : تمام تعرفى رايها وتقوليلى بقا هبه : حاضر يابابا بعد ما والد هبه خرج تليفون هبه رن هبه : الو احمد : ايوه ياهبه عامله ايه هبه : الحمدالله يا احمد انت عامل ايه احمد : انا بخير الحمدالله هبه : يارب دايما احمد : انا بتصل بيكى عشان اقولك انى هسافر كمان 3 اسابيع ان شاء الله هبه : بجد بالسرعه دى احمد : خلصت كل حاجه وخلاص هسافر بقا هبه : تروح وترجعلى سورى ترجع بالف سلامه احمد : الله يسلمك ياهبه هبه : مش هشوافك قبل ماتسافر احمد : لو هينفع وخاطيبك مش هضايق اكيد هشوافك قبل ما سافر هبه : خلاص ماشى مع انى زعلانه جدا انك هتسافر بس مقدرش اقولك غير ربنا معاك ويوفقك احمد : يارب ياهبه خلى بالك من نفسك ومن المذاكره ولو حاجه وقفت معاكم هشرحها لكم على النت انتوا معاكم الميل بتاعى صح هبه : اه معانا واكيد هنكلمك على طول عليه احمد : ان شاء الله انا هقفل بقا وهتصل بسماح اقولها عشان متزعلش هبه : ماشى يا احمد مع السلامه احمد : سلام بعد ما احمد كلم سماح فالتليفون اتصلت هبه بسماح هبه : ايه ياقمر عامله ايه سماح : بخير احمد اتصل بيكى هبه : اه انا زعلانه اوى سماح : وانا كمان يلا ربنا يوفقه ان شاء الله هبه : يارب ويسعده ويرجع بالسلامه سماح : يارب هبه : سماح هستناكى بكره الصبح فالبيت سماح : ليه خير هبه : عايزه اتكلم معاكى شويه سماح : ماشى ياحبيبتى هطلعلك بليل وقفلت هبه مع سماح وتانى يوم سماح راحت لهبه عشان تقولها على هشام ياترى بقا سماح هتوافق على هشام ولا لا ؟؟؟ انتظرونا فالحلقه القادمه |
رد: ابتسم..، ودَعِ الحياةَ
رائعه، أنتٌي بماْ سطرهٌ ابداعً قلمكَ من تميزٌ وابهارْ فكنتًي كماْ عهدناكَ مبدعٌه انتي بما تنتقي~ منْ اروعِ الاطروحاتٌ وديُ لروحكٌ |
العين تدمع مرتين الحلقة 26
الحلقة (26)
لما راحت سماح لهبه هبه : بصى ياقمر انا هدخل فالموضوع على طول سماح : انتى قلقتينى فى ايه هبه : هشام كلم بابا امبارح عشان يتقدملك سماح : ههههههههههههههههههههههههههههه انتى بتهزرى هبه : والله العظيم دا اللى حصل سماح : ومين قاله انى هوافق عليه اصلا هبه : ما انا بكلمك عشان اعرف رايك سماح : راى ايه ياهبه انتى المفروض اول واحده تقوليلى لا هبه : الاول غير دلوقتى هشام اتغير ياسماح وبابا عارف عنه كل حاجه وطمنى امبارح من ناحيته وانا لو شايفه متغيرش مش هقولك ياسماح سماح : هبه انا مش موافقه وياريت تقفلى الموضوع دا نهائى ياهبه هبه : خلاص ماشى ياسماح وقفلت هبه وسماح الموضوع واتكلموا شويه عن ماجد وبعدين مشيت سماح راحت هبه كلمت والدها وقالتله ان سماح مش موافقه ومش عايزنى افتح معاها الموضوع تانى راح والد هبه اتصل بهشام وقاله ينسى الموضوع وهشام قر انه يروح عند عمه ويطلب من هبه خدمه بعد ماوصل عند عمه وطلب يتكلم مع هبه شويه بخصوص سماح هشام : بصى ياهبه انا عايز اقعد اتكلم مع سماح ممكن تساعدينى هبه : اساعدك ازاى استحاله سماح تقبل بكدا هشام : وحد قالك انى هروح اتكلم معاها بره مثلا تكون عندك واجى اكلمها هبه : مش عارفه ياهشام خايفه تزعل منى بعد كدا هشام : ما انتى مش هتقوللها انى جاى ياهبه هبه : ماشى هيا كدا كدا هتجيلى بكره بعد الظهر تمام هشام : ماشى تمام هبه : انت فعلا عايز سماح واتغيرت ولا لا ياهشام هشام : والله العظيم عايزها اه انا مقولتش انى بحبها بس مرتاح ليها ياهبه فاهمنى هبه : فاهمك ويارب يهديك على طول وهيا توافق هشام : يارب ياهبه تانى يوم سماح وصلت عند هبه وفضلت تتكلم معاها عادى على ماجد لحد ما راح هشام عند هبه هشام : السلام عليكم بتعملوا ايه يابنات هبه : وعليكم السلام ايه دا جيت امتى هشام : من شويه عامله ايه ياهبه وانتى ياسماح هبه : انا بخير ياهشام سماح : بخير الحمدالله انا همشى بقا ياهبه هشام : لا مش هتمشى ياسماح انا عايز اعرف انتى رفضتينى ليه سماح : رفضتك ليه لانك جرحت وخونت بنت عمك اللى المفروض تهمك اكتر من اى حد ازاى عايزنى اوفق بيك بعد اللى عملته فيها وازاى هثق فيك اصلا هشام : مش يمكن اللى حصل دا خلانى اتعلم انى اكون قد المسئوليه مش يمكن كل دا حصل عشان ليا نصيب فى حد غير هبه انا مش هطلب منك غير فرصه بس اثبتلك فيها انى اتغيرت ياسماح سماح : اه فرصه والفرصه تجر فرصه تانيه لا ياهشام انا مش لعبه فايدك هشام : انتى لو لعبه فايدى مكنتش قول لعمى عليكى ياسماح سماح : هشام انت عايز ايه منى هبه : اهدى ياسماح واسمعيه هشام : عايز اخطبك ياسماح عايز ابنى اسره جميله ليا سماح : خلاص ياهشام انا ليا اهل تتكلم معاهم مش معايا انا همشى ياهبه سلام هبه : استنى طيب يابنتى وخرجت هبه ورا سماح ولكن سماح اتنرفزت عليها وخرجت من عندها هبه : عجبك كدا اهى زعلت منى انا هشام : سماح متقدرش تزعل منك بس انتى حسيتى ايه من كلامها هبه : هيا موافقه عليك بس خايفه منك وبصراحه عندها حق ياهشام هشام : عارف ان عندها حق وان شاء الله هخليها تتطمن هبه : ياريت ياهشام هشام : هبه انتى لسه زعلانه منى هبه : هشام انت ابن عمى وغالى عندى اوى واستحاله انى ازعل منك على طول بس انا دلوقتى مش زعلانه منك مش ملاحظ حاجه هشام : ايه هيا هبه : اننا نسينا اللى كان مابينا بسرعه هشام : يمكن عشان احنا اللى كان مابنا كانت عاطفة زياده عن الاخوات او عشان احنا كنا اكتر من الاخوات بس احنا ماحبناش بعض ومكنش حبنا دا حقيقى لان لو انا حبيتك بجد ماكنتش هخونك وانتى لو حبيتينى بجد مهما عملت فيكى مش هتقبلى تتخطبى لحد غيرى وبسرعه صح هبه : صح ياهشام عندك حق حتى ماما قالتلى كدا فالاول ياريتنى كنت صدقتها هشام : قولى الحمدالله على كل شئ هو عمى هيتأخر هبه : الحمدالله لا هو فالطريق بعد نص ساعه وصل والد هبه واتكلم مع هشام واتفق يتصل بوالد سماح ياخد منه معياد والد هبه : السلام عليكم ازيك ياحاج عامل ايه والد سماح: الحمدالله بخير وانت عامل ايه والد هبه : بص ياحاج انا والمدام وهشام عايزين نجيلك البيت والد سماح : تشرفوا وتنوروا والد هبه : الشرف لينا ياحاج فاضى امتى والد سماح : يوم الجمعه ان شاء الله هستناكم والد هبه : تمام بعد صلاه المغرب هنكون عندك ان شاء الله والد سماح : هستناكم تيجوا بالسلامه والد هبه : الله يسلمك وبعد مرور اربع ايام وبقينا يوم الجمعه وهشام محضر نفسه وهبه عند سماح بتساعدها فالمكياج واتكلم والد هبه مع والد سماح واتفقوا على كل حاجه والد سماح وافق طبعا على هشام واتفقوا قريت الفاتحه الخميس اللى جاى والخطوبه مع هبه وماجد كلهم فيوم واحد على قد ماسماح كانت خايفه من هشام بس فرحت جدا عشان هو عايزها وكمان زايها زاى اى بنت نفسها تتخطب وتحب وعدى 3 ايام من الكلام وبيحضروا لقريت الفاتحه وقررت هبه وسماح يتصلوا باحمد ويبلاغوه وفعلا اتصلوا بيه وفرح واستغرب جدا هشام ازاى ياخد سماح وهو كان خاطب هبه قبل كدا وفنفس الوقت احمد هيسافر بعد قريت الفاتحه بيومين واتفق مع هبه وسماح انهم يقابلوه يوم الجمعه عشان يسلم عليهم قبل مايسافر وهبه وسماح اتفقوا يجيبوا هدايا لاحمد عشان يفتكرهم هناك لما يسافر ياترى بقا هبه هتجيب ايه لاحمد وكمان سماح ؟؟؟ انتظرونا فالحلقه القادمه |
العين تدمع مرتين الحلقة 28
الحلقة (28)
وفى تانى يوم تتصل هبه ب احمد قبل مايسافر احمد : ازيك ياهبه عامله ايه هبه : انا بخير الحمدالله وانت عامل ايه حضرت نفسك خلاص احمد : انا الحمدالله اه حضرت نفسى احمد* اعمل ايه اقولها ولا لا هبه : مالك يا احمد فى ايه احمد : بصى ياهبه بصراحه كدا انا فى حاجه مخبيها عليكى ومش هينفع انى اقولها هبه : حاجه ايه انت كدا قلقتنى ومادام انت مش هينفع تقولها بتقولى ليه من الاساس احمد : عشان مش فيوم تقوليلى انت خبيبت عليا هبه : ياسلام ماهو انا معرفتش مخبى ايه احمد :وانا هسبها لاحساسك وهو يقولك مخبى ايه هبه : والله ماشى يا احمد انا مش هتضغط عليك هسيبك لحد ماتقولى فى ايه احمد : سيبها على الله هبه : ونعمه بالله , احمد خلى بالك من نفسك وابقا طمنى دايما عليك احمد : حاضر ياهبه متقلقيش عليا سلميلى على بابا وماما وهادى وماجد خاطيبك مع انى معرفهوش هبه* احسن انك متعرفهوش هبه : ان شاء الله هبقا اعرفك عليه احمد* لا بلاش انا ناقص احمد : ان شاء الله خلى بالك من نفسك وعايزاك تجيبى امتياز فاهمه هبه : ربنا يستر احمد : يارب مع السلامه ياهبه هبه : مع الف سلامه يا احمد تروح وترجع بالسلامه احمد : الله يسلمك بعد غلق المكالمه مع هبه منه : ايه دى هبه احمد : اه منه : طمنى قولتلها احمد : لا منه : ليه يابنى احمد : مقدرتش دى مخطوبه يامنه ماينفعش اعمل كدا منه : خليك مثالى انت بس وفالاخر تندم احمد : دى مش مثاليه يامنه دى احترام للشخص اللى مخطوبه ليه منه : والله طيب يا احمد ربنا يهديك احمد : يارب اوعى كدا خلينى اخلص اللى ورايا وبعد مرور ساعات وصل احمد بالسلامه واول مافكر يتصل بحد كانت هبه احمد : السلام عليكم هبه : وعليكم السلام احمد انت وصلت احمد : عرفتى منين انى احمد هبه : عشان دولى وكمان صوتك معروف احمد : هههههههههه اه انا وصلت اهو لسه واصل قولت اطمنك من المطار والله ماتصلت بحد غيرك ومش هينفع اكلم حد تانى عشان دا خط واحد كان راكب معايا الطياره ومش هينفع اتكلم تانى فياريت تتصلى ب بابا او منه تطمنيهم ماشى هبه : ماشى يا احمد وهخليهم يكلموك كمان ساعتين على رقم صاحبك تمام احمد : تمام ياهبه سلام بقا دلوقتى هبه : سلام يا احمد بعد كدا هبه راحت متصلها بوالد احمد والد احمد : السلام عليكم ازيك ياهبه هبه : وعليكم السلام انا بخير الحمدالله ياعمو وحضرتك عامل ايه والد احمد : انا بخير الحمدالله بابا وماما عاملين ايه هبه : بخير الحمدالله , عمو احمد اتصل بيا وطمنى انه وصل خلاص بالسلامه والد احمد : بجد اتصل بيكى من عند صاحبه هبه : لا ياعمو دا من واحد كان راكب معاه الطياره وبيقولك كمان ساعتين هيكون مع صاحبه والد احمد : طب خلاص انا هكلمه كمان ساعتين شكرا ياهبه عشان طمنتينى هبه : دى اقل حاجه اقدمها لاحمد ويارب دايما تتطمن عليه والد احمد : يارب ابقى سلميلى على بابا هبه : الله يسلمك يوصل ياعمو مع السلامه والد هبه : فى رعايه الله بعد غلق المكالمه يتحدث والد احمد مع ابنته شيماء والد احمد : احمد وصل خلاص تتخيلى اتصل بهبه ومتصلش بينا شيماء : اه صح غريبه دى شكل احمد بيحب هبه يابابا لانه مهتم بيها اوى بصراحه والد احمد : هيا مش مخطوبه شيماء : اه والد احمد : امال بيحبها ازاى دى مخطوبه يابنتى شيماء : وفيها ايه هو يعنى هيروح يقولها انه بيحبها وهيا مخطوبه يعنى مش عارف احمد يا بابا والد احمد : انتى هتقوليلى دا عقبال مايقولها تكون هيا اتجوزت وجابت عيال شيماء : هههههههههههه على رايك يلا ربنا يهديه ويصلح له الخير والد احمد : يارب يابنتى يارب وعدى شهور واحمد مسافر بس بيكلم هبه كل فين وفين وهبه وماجد علاقتهم عاديه خالص زاى اى اتنين اخوات من غير حب ولا ارتياح حتى وهشام وسماح مبسوطين جدا مع بعض بعد ماعملوا الخطوبه مع هبه وماجد فنفس اليوم كلهم بس هبه بعد الخطوبه حاسه ان ماجد بيبعد عنها ومش مهتم بيها زاى الاول وهيا كمان لقيت ماجد مش مهتم قلت اهتمامها بيه وبدات انها تفكر فاحمد كتير وفى مره قررت هبه انها تتكلم مع والدها فى موضوع ماجد دا ياترى بقا هتقوله ايه وهيحصل ايه بعد كدا ؟؟؟ انتظرونا فالحلقه القادمه |
العين تدمع مرتين الحلقة 29 و 30
الحلقة (29 & 30) الاخيره وقبل الاخيره من الجزء الاول
هبه : بابا انا كنت عايزه اتكلم معاك شويه ممكن والد هبه : تعالى ياهبه خير ياحبيبتى هبه : بابا انا مش مرتاحه مع ماجد والد هبه : ليه خير عملك ايه بس هبه : يابابا مش بيهتم بيا كأنى اخته مش خطبته يابابا والد هبه : ازاى يعنى هبه : يعنى اقوله هكلم احمد يقولى ماشى اقوله هخرج مع اصحابى بنات وشباب مع انى مش بكلم شباب اصلا بس بقوله كدا عشان يغير احس انه بيغير على الاقل يقولى روحى انا وثق فيكى يتصضل بيا كل فين وفين حاسه انه غريب عنى والد هبه : يمكن هو فعلا بيثق فيكى هبه : يابابا حتى لو بيثق فيا بس مش بيثق فاللى هخرج معاهم صح ولا لا والد هبه : فدى عندك حق وايه تانى مضايقك منه هبه : يابابا انا عايزه احس انى مخطوبه مش مجرد لبسه دبله على الفاضى والد هبه : بصى ياهبه الخطوبه والجواز غير الحب مش لازم يقولك انه بيغير عليكى مش لازم يقولك كلام حلو عشان تحسى انك مخطوبه هبه : وهو اصلا مافيش كل دا وانا مش عايزه اسمع حاجه بس احس انى مخطوبه لحد مهتم بيا والد هبه : طب انتى عايزه ايه ياهبه تسبيه زاى هشام كدا هبه : مش حكايه اسيبه بس هو بتصرفاته دى بيخلينى اكره يابابا والد هبه : خلاص سبيلى الموضوع دا انا هتكلم معاه ماشى هبه : ماشى يابابا بعد يومين اتكلم والد هبه مع ماجد وقاله انه يهتم شويه بهبه وفعلا اهتم بيها وبقا بيكلمها على طول وهشام وسماح كويسين جدا مع بعض وفعلا هشام اتغير جدا وفى مره هبه كانت قاعده على النت لاقيت احمد فتح الميل راحت دخلت تكلمه هبه : السلام عليكم احمد : وعليكم السلام ازيك ياهبه عامله ايه هبه : انا بخير الحمدالله وانت عامل ايه هناك احمد : اهو مخنوق شويه عشان قاعد لوحدى بس اهو بتعود على الجو هبه : هتعود بعدين انت فاتح الكاميرا صح احمد : اه فاتحها لمنه هبه : هيا بتكلمك تصدق من ساعة ما انت سفرت مش بتصل خالص احمد : وانتى مش بتصلى ليه بيها هبه : انت عارف ان الايام دى امتحانات بقا احمد : ربنا معاكى هبه : يارب , هيا منه عامله ايه احمد : جابتلى صداع عماله تقولى انزل ماتعرفش تقعد من غيرى اصلها هبه : ربنا يخليكم لبعض شكلها بتحبك اوى احمد : يارب فعلا وانا كمان بحبها جدا هبه* نعم بتحبها ؟ هبه : هتنزل اجازة امتى احمد : على الصيف ان شاء الله , صحيح هتجوزى امتى هبه : بعد النتيجه ان شاء الله احمد * ياه بالسرعه دى هتروحى من ايدى احمد : ربنا يسعدك ياهبه هبه : يارب احمد : صحيح هاتى الميل بتاع هشام هبه : ليه احمد : اصله كلمنى من كام يوم يطمن عليا وقالى اخد الميل منك هبه : طيب الايميل اهو ..................... احمد : تمام كدا هبه : انت بتفتح الايميل على طول احمد : اه مفتوح على طول بس اوقات بقا اوف لاين بس هعمل عليكى اون لاين انتى ومنه اوك هبه : ماشى معلش انا عطلتك احمد : ايه عطلتك دى هزعل منك هبه : خلاص متزعلش انا هقفل بقا ورايا مذاكره احمد : ماشى ياهبه ربنا معاكى هبه : يارب , خلى بالك من نفسك وابقا طمنى عليك احمد : حاضر وانتى كمان لا اله الا الله هبه : محمد رسول الله بعد حوار هبه مع احمد على الايميل قفلت هبه وهيا مضايقه لانها حسيت بالغيره من علاقه احمد ب منه وبعد مرور يومين والد احمد اتصل باحمد عشان يتكلم معاه والد احمد : ازيك يا احمد عامل ايه احمد : الحمدالله يابابا عامل ايه وحشتنى والد احمد : وانت والله يابنى بقولك ايه انا عايز افرح بيك بقا احمد : تفرح بيا ازاى يعنى والد احمد : مش هتخطب بقا نفسى اشيل ولادك احمد : هخطب ازاى وانا مش فمصر اصلا وكمان انا مش بفكر فالموضوع دا والد احمد : انا هخطبلك هنا ولما تنزل فالاجازه تكتب الكتاب وتجوز نفسى افرح بيك قبل ما اموت احمد : بعد الشر عنك ربنا يديك طولت العمر , ومين اللى ترضى بكدا يابابا وانا اصلا مش بفكر فالموضوع دا نهائى والد احمد : طب اسمعنى بس ايه رايك فى منه بنت حلال ونعرفها بقالنا فتره كبيره احمد : ههههههههههه ايه يا بابا منه دى اختى مش اكتر والد احمد : يابنى اسمع كلامى وفكر الاول وهستنا ردك احمد : افكر فأيه بس الموضوع منتهى اصلا منه دى صحابتى واختى والد احمد : انا قولت فكر ورد عليا يلا انا هقفل عشان اصلى المغرب سلام وخلى بالك من نفسك احمد : الله يسلمك سلام بعد المكالمه بكام يوم هشام كلم احمد على الايميل هشام : حماده ازيك ياباشا احمد : الحمدالله انت عامل ايه هشام : انا بخير الحمدالله احمد : يارب دايما عامل ايه مع سماح هتجوز امتى هشام : بخير الحمدالله هنتجوز فالصيف ان شاء الله احمد : مع هبه يعنى هشام : اه ان شاء الله احمد : ربنا يسعدكم يارب هشام : يارب احمد ممكن سؤال شخصى احمد : اتفضل هشام : انت ليه ماخطبتش هبه احمد : واخطب هبه ليه هشام : عشان بتحبها احمد : ومين قالك انى بحبها هشام : انا راجل زايك يا احمد وبفهم كويس وعارف ومتاكد انك بتحبها احمد : وعرفت منين بقا هشام : من اول يوم دخلت بيت عمى عرفت من نظرة عينيك ليها احمد : ايه دا هو انا كنت باين اوى كدا هشام : يعنى بتحبها اهو احمد : اه بحبها بس هيا مافهمتش كدا زايك هشام : حتى لو فهمت هتعملك ايه انت متكلمتش معاها اصلا احمد : ياهشام هيا كانت لسه خارجه من موضوع ماينفعش اجى اقولها هشام : انا فاهمك وحساس بيك وعارف انها بتسرع اوى احمد : هيفيد بأيه الكلام دا يا هشام خلاص هبه ضاعت من ايدى خلاص هشام : ماتعرفش النصيب فين يا احمد احمد : عارف بابا عايزنى اتجوز منه عارفها هشام : اه عارفها طب وفيها ايه احمد : فيها انها اختى وغير كدا انا بحب هبه جدا واستحاله حد ياخد مكانها فقلبى مع انى عارف انى مش فبالها اصلا هشام : طب ايه رايك نتأكد الاول من مشاعر هبه ليك مش يمكن بتحبك احمد : بتحبنى ازاى وهيا مخطوبه اصلا هشام : بس هيا مخطوبه بالاسم بس لكن هيا مش مرتاحه خالص احمد : طب هنتاكد ازاى بقا هشام : بص انا هقولها انى عرفت انك هتخطب منه وشوف رد فعلها ايه بقا احمد : لتصل بمنه اعمل ايه ساعتها هشام : ما انت هتحكى لمنه عشان لو كلمتها احمد : بس كدا ممكن ازعل منه هشام : ليه يعنى مادام هيا صحابتك لازم تقف جنبك احمد : خلاص ماشى انا هقولها وهتصل بيك تمام هشام : تمام انا هقفل دلوقتى عشان رايح لسماح احمد : ماشى ياهشام سلملى عليها بقا هشام : ان شاء الله سلام احمد : سلام بعد ما قفل احمد مع هشام راح كلم منه وقالها وهيا وافقت وقالتله لو كلمتنى هاكد الكلام وبعد مرور يومين من مكالمه هشام واحمد هشام : عامله ايه ياهبه مع ماجد هبه : عادى خالص دا اخويا الكبير وانت الصادق هشام : ههههههههههههه ربنا يخليهولك ياهوبا هبه : ههههههههههه هشام : عرفتى ان احمد لما ينزل اجازه هيخطب هبه : نعم يخطب بتكلم جد هشام : اه انتى مستغربه ليه هبه : لا عادى وهيخطب مين بقا هشام : اللى اسمها منه هبه : منه بتكلم جد منه هشام : اه يابنتى فى ايه مالك مستغربه كدا ليه بدل ماتفرحى عشانه هبه : لا بس هما اصحاب اوى ازاى يبقوا مخطوبين هشام : وفيها ايه عادى خالص هبه : ربنا يسعدهم ويوفقهم معلش هروح اذاكر شويه هسيبك مع عمك بقا هشام * ههههههههههه دا انتى طلعتى بتحبيه اهو ههههههههه هشام : يلا روحى دخلت هبه على غرفتها وبكيت كثيرا عندما عرفت الخبر دا وبعدها اتصلت بسماح عشان تحكى معاها سماح : ايه ياهبه عامله ايه هبه : انا تعبانه اوى ياسماح سماح : مالك بس بتعيطى ليه هبه : احمد هيخطب منه ياسماح سماح : ايه دا بتكلمى جد هبه : اه احمد قال كدا لهشام سماح : طب وانتى زعلانه ليه ياهبه هبه : لانى بحب احمد ياسماح وبحبه اوى كمان سماح : ايه قلبى كان حاس والله طب مادام انتى بتحبيه اتخطبتى ليه هبه : عشان مايحسيش انى بنسى بيه هشام سماح : فاهمكى ياهبه طب اهدى بس وانا ساعه وهطلعلك ماشى هبه : ماشى هستناكى بعد ماسماح راحت لهبه سماح : بصى احنا لازم نتأكد الاول يمكن احمد بيقول كدا لهشام هبه : ياسلام احمد هيهزر مع هشام يعنى سماح : بصى احنا نتصل بمنه عادى نسال عليها ولو فى حاجه هتقول تمام هبه : ماشى تمام اتصلوا بمنه وهبه اول واحده تكلمها هبه : ازيك يامنه عامله ايه منه : انا بخير الحمدالله وانتى عامله ايه هبه : تمام الحمدالله ايه مافيش جديد ياقمر منه : لا فى احمد لما ينزل اجازه هيجى يتقدملى هبه : بجد الف مبروك ياحبيبتى وربنا ويوفقكم مع بعض منه : يارب ياحبيبتى تسلميلى ياهبه هبه : سماح معايا وعايزه تسلم عليكى اخدت هبه التليفون وكملت مع منه ولكن هبه تبكى لانها اتأكدت ان احمد هيخطب منه ودى كانت الدمعه التانية سماح : اهدى ياهبه عشان خاطرى هبه : مش قادره ياسماح انا ضيعت احمد من ايدى خلاص سماح : ماتعرفيش النصيب فين ياهبه هبه : انا نصيبى اعيش حياتى اتعذب فيها وبس سماح : احنا كدا مانعرفش قيمة اللى حوالينا غير لما يضيعوا مننا هبه : عندك حق ومادام هو هيكون مبسوط مع منه يبقا اكيد هفرح عشانه بس غصب عنى اللى جوايا مينفعش اشايله انا لازم ابعد عنهم هما الاتنين لانى كدا هتعب اكتر ياسماح سماح : اعملى اللى يريحك ياهبه ومتعيطيش بقا وحياتى بعد ساعه منه اتصلت بهشام وقالتله ان هبه اتصلت عشان تتأكد راح احمد اتصل بهشام يسأله ايه اللى حصل احمد : ايه الاخبار ياهشام هشام : تمام جدا هبه يا احمد بتحبك صدقنى احمد : انت متأكد هشام : اه والله دا حتى اول ماعرفت قامت وسبتنى واتصلت بسماح تروح لها احمد : ليه مالها هشام : كانت عامله اتعيط سمعت صوتهم من بره الاوضه بتاعتهم احمد : لا بجد انا مكنتش عايز اخليها تدمع اصلا مكنتش قولتلها ياهشام هشام : سبها تعيط عشان تتعلم تبطل تتسرع شويه احمد : طب انا هعمل ايه انا هحكيلها الحقيقه هشام : اعمل اللى يريحك يا احمد احمد : ماشى هفكر وهرد عليك متشكر اوى ياهشام هشام : على ايه بس يارب يجمعكم بعض ويسعدكم احمد : يارب ياهشام يلا سلام ياباشا هشام : سلام ياترى بقا احمد هيحكى لهبه الحقيقه ولا لا ؟؟؟ انتظرونا فالجزء الثانى من القصه |
العين تدمع مرتين الحلقة 27
الحلقة (27)
بعد قريت الفاتحه بيوم خرجت هبه وسماح يشتروا هديه لاحمد وهبه جابت لاحمد مداليه فضه فيها لا اله الا الله محمد رسول الله وكتبت اسمه على المداليه بخط صغير اوى وسماح قررت ماتجبش حاجه لاحمد لان كدا كدا مش هيهتم بهدايتها زاى هبه وهما فالطريق يتصل هشام بسماح هشام : ايه ياسماح لسه مخلصتوش سماح : لا خلاص بنلف الهدايه هشام : طب انتوا فين عشان اجى اوصلكم سماح : احنا فى ...... متأخرش بقا هشام : انا اصلا قريب منكم وصل هشام عند سماح وهبه هشام : ايه جبتوا ايه لاحمد سماح : انا مجبتش هشام : ليه سماح : لانه كدا كدا مش هيهتم بهدايتى هشام : اشمعنا يعنى عشان معجب بهبه يعنى سماح : وانت عرفت منين هشام : انا عارف من اول يوم دخل فيه بيت عمى سماح : بجد دا انت لئيم اوى بقا هشام : ههههههههههه لا انا عشان راجل زايه فهمته سماح : هههههههههههههه ماشى ماشى بس هبه جايه اهى هبه : كنتوا بتقولوا ايه اعترفوا هشام : جبتى ايه لاحمد هبه : مداليه فضه سماح : بس تحفه ياهشام هشام : عارف انها هتعجبه عشان منك ياهوبا هبه : ياسلام اشمعنا بقا هشام : هههههههههه المهم هنتغدى ايه انا جعان هبه : انت جاى عشان تأكل وبس سماح : هههههههههه شكله هيأكلنا هههههههههه هشام : ههههههههه بقا كدا طب انا هروح اجيب اكل ليا لوحدى بقا سماح : لالالالالالا دا انا خطبتك من اول يوم هتبعنى كدا هشام : هههههههههه مادام فى اكل ابيعك طبعا هبه : هتقعدوا تهزروا بقا قدامنا ساعتين على ميعاد احمد خلصوا بقا هشام : حاضر هنخلص اهو وعدت ساعتين واتقابل احمد بهبه وسماح وهشام واتكلموا كتير وجاه وقت هديه هبه هبه : دى حاجه بسيطه قولت اجبهالك قبل ماتسافر عشان تفكرنا بيها احمد : من غير هدايا ياهبه استحاله انى انساكم ابدا هبه : اتفضل سماح : على فكره دى هبه بس اللى جابتها انا معرفتش اجيب حضرتك ايه هبه* لازم تقولى كدا انتى كمان ايه الكسوف دا هشام : تلاقيها خافت تجيب هديه عشان هتدبس فهديه ليا هههههههههه احمد : ههههههههههههه يمكن ياهشام سماح : والله بتريقوا عليا ماشى ياهشام احمد : ياسماح انا هديتى انى عرفت انك اتخطبتى والله مبسوط جدا عشانك انتى وهشام ربنا يوفقكم يارب سماح : يارب يلا بقا افتح الهديه هشام هيموت ويشوفها هبه : لا افتحها لما تروح احسن بس ياسماح هشام : لا مليش دعوه دا انا جالى صداع من الهديه دى لازم اشوفها ههههههههه احمد : خلاص ياهبه هفتحها عشان هشام هيضربنا كمان شويه هبه : هههههههههههه ميقدرش سماح هنا , ماشى افتح بعد مافتح احمد الهديه وشاف المداليه ركز اوى فيها وشاف اسمه عليها اتأكد ساعتها ان هبه اخدت بالها من طقم الاقلام اللى جابه ليها وان مكتوب اسمها عليها وبتسم ابتسامه جميله لان الهديه عجبته جدا واللى عجبه اكتر من الهديه ان هبه فكرت تهديه حاجه مافرقش معاه ايه هيا الهديه بس اللى فرق معاه ان هبه فكرت اصلا فيه احمد : بجد ياهبه مش عارف اقولك ايه ميرسى اوى ليكى المداليه تحفه بجد هشام : بصراحه عندك حق يا احمد طول عمرك ياهبه ذوقك عالى هبه : ربنا يخليك ياهشام , ودى اقل حاجه والله يا احمد احمد : تسلميلى ياهبه وبعد ربع ساعه احمد خلاص هيمشى وبيودعهم هشام : سماح احنا نسلم عليه الاول وبعدين نسيبه يسلم على هبه ماشى سماح : ماشى هشام : مع السلام يا احمد وتروح وترجع بالف سلامه ربنا معاك ويوفقك احمد : الله يسلمك , خلى بالك من سماح وهبه وان شاء الله انزل على جوزكم سماح : ان شاء الله تروح ترجعنا بالسلامه ان شاء الله احمد : ان شاء الله خلى بالك من هبه وهشام بقا سماح : دول فعينيا متقلقش بعد هشام وسماح عن احمد وهبه شويه احمد : هبه عايزاك دايما مبسوطه ومرتاحه ولو احتجتيلى فاى وقت اتصلى بيا على طول هبه : بس انا مش معايا رقمك هناك وعايزه اطمن عليك اول ماتوصل هتطمن ازاى احمد : بصى انا هديكى رقم واحد زميلى هناك ماشى قوليله انك اختى عشان مايضايقيش ويرغى كتير هبه : هو عارف شيماء احمد : عارف ان ليا اخت بس اسمها ايه لا وكمان ماحدش يعرف رقمه غيرك اصلا فتحت هبه شنطتها لتطلع ورقه وقلم عشان تكتب ايميل احمد والرقم وعندما طلعت القلم كان من الطقم بتاع احمد اللى مكتوب عليه اسم هبه فرح كتير احمد ان القلم على طول معاها واخدت هبه الرقم والايميل هبه : ماشى انا بكره هكلمك قبل ماتسافر ماشى احمد : ماشى هستنا تليفونك , هبه خلى بالك من نفسك هبه : حاضر وانت كمان يا احمد وتروح وترجع بالسلامه احمد : يارب اشوف وشك بخير ياهبه هبه : مع السلامه يا احمد بعد ما ودعت هبه احمد بكيت كثير واستغربت ليه هيا زعلانه اوى كدا هشام : انتى زعلانه ليه ياهبه مادام انتى عايزه اتخطبتى ليه هبه : مين قالك انى عايزه انا بس اتعودت على وجود احمد مش اكتر يلا يلا عشان نروح اتأخرنا هشام : ماشى يلا بعد ساعه اتصلت منه ب احمد منه : ايه يا احمد قابلت هبه احمد : اه وياريتنى ماقابلتها مكنتش عايز اودعها يامنه منه : بس هيا اللى طلبت يا احمد احمد : عارفه جابتلى مداليه وكتبها فيها اسمى يعنى هيا اخدت بالها من اسمها فالاقلام لا وكمان الاقلام على طول معاها تخيلى منه : مادام انت بتحبها ماقولتش ليها كدا ليه من الاول احمد : ماكنش ينفع كانت لسه بتفكر فى هشام يامنه استحاله ادخل حياتها مجرد دواء يعلاجها من حبها لهشام منه : اهى راحت اتخطبت وكمان خليت هشام يتخطب لاعز صديقه ليها احمد انا لو منك اقولها انى بحبها حتى لو هخسرها ولو لاخر مره لازم تقولها وقبل ماتسافر لانى بصراحه حاسه ان هيا كمان بتحبك يا احمد بلاش تضيعها وتندم بعدين يا احمد احمد : ماينفعش يامنه هبه مخطوبه فاهمه يعنى ايه منه : لا يا احمد لازم تقولها لازم بجد احمد : خايف اخسرها يامنه وساعتها هتعب اوى منه : لا هبه عاقله ومش هتخسرها صدقنى اسمع كلامى ولو مره متخلنيش اروح انا اقولها يا احمد احمد : خلاص هقولها لما تتصل بيا بكره منه : اكيد يا احمد احمد : اكيد يامنه يلا بقا عشان رايح اسلم على اصحابى منه : سلام يا احمد لما نشوف بقا احمد هيقول لهبه انه بيحبها ولا لا ؟؟؟ انتظرونا فالحلقه القادمه |
العين تدمع مرتين الحلقة 1 الجزء الثاني
الحلقه (1)
بعد ما زعل احمد عشان هبه بالخصوص انه اتأكد انها بتحبه فضل يفكر هيعمل ايه بس معرفش يتصرف ازاى ومينفعش يتكلم مع هبه عشان هيا مخطوبه بعد يوم بالضبط هشام كان مع سماح وفضل يسالها على هبه هشام : ايه اخبار هبه ياسماح سماح : مالها ماهى بخير هشام : سماح مش عليا انا عارف ان هبه بتحب احمد سماح : هشام غير الموضوع هشام : لا مش هغير لانى مخبى حاجه عليكى سماح : ايه ان اء الله هشام : ردى على سؤالى الاول هبه بتحب احمد سماح : اه ياهشام هشام : على فكره هشام مش هيخطب ولا حاجه سماح : وانت ايه عرفك احنا اتصلنا بمنه واكدت الكلام هشام : ماهى دى كانت لعبه انا واحمد ومنه بنعملها عليها سماح : انت بتهزر وبتعملوا كدا ليه اصلا هشام : عشان تتعلم تبطل تتسرع فاى قرار تأخده سماح : ياسلام تروحوا تعملوا كدا انا لازم اقول لهبه هشام : لا طبعا انتى مجنونه ماينفعش دا سر ياسماح وانا امنتك عليه ورينى بقا هتروحى تقوليلها ازاى سماح : هشام هبه دى اختى قبل ماتكون صاحبتى فاهم هشام : فاهم بس لو عرفت من احمد احسن ولو قالتلك مقولتليش ليه قلى ان انا امنتك على لسر دا سماح : بجد حرام عليكم اللى عملتوه فيها دا دى ياعينى البت طول اليوم بتعيط ازاى احمد يوافق يعمل كدا هشام : بصراحه هو مكنش موافق انا اللى فضلت وراه لحد موافق سماح : ليه بقا ان شاء الله هتستفاد ايه انت هشام : هعمل حاجه كويسا مع بنت عمى اللى ظلمتها فيوم من الايام سماح : ومن امتى كل دا هشام : من يوم ماوقفت جنبى عشان ارتبط بيكى ياسماح سماح : ربنا يخليكم لبعض وليا بس انا حاسه بالذنب ازاى اخبى عليها هشام : يابنتى انتى كدا بتساعديها انها تبطل تغلط وتسرع بقا سماح : ربنا يستر بقا ياهشام وبعد يومين من معرفه هبه ان احمد هيخطب منه فكرت انها تدخل على الميل وتمسح الايميل بتاع احمد اول مادخلت كان احمد فاتح الميل وبسرعه راح كلمها احمد : السلام عليكم ازيك ياهبه هبه : وعليكم السلام انا بخير الحمدالله احمد : يارب دايما ايه اخبار الدراسه هبه : الحمدالله احمد : بالتوفيق ان شاء الله هبه : ميرسى , معلش يا احمد انا هقفل عشان اللاب هيفصل شحن احمد : ماشى ياهبه براحتك سلام هبه :سلام بعد غلق المكالمه حس احمد ان هبه مش عايزه تتكلم معاه مع انه كان حب انه يكلمها ويحكيلها كل حاجه بس طريقه كلام هبه خلى احمد يسكت بينما هبه حسيت بالضيق والخناقه لانها تحدثت مع احمد كدا مع ان علاقتهم عادى مع بعض راحت هبه عملت اجنور على الايميل بتاع احمد عشان ماتحولش تكلمه تانى وتعلق اكتر على اساس انها هتقدر تبطل تفكر فاحمد وبعد اسبوع وامتحانات الترم الاول بدات وهبه بتحاول انها تجيب امتياز زاى الاول وماجد خطيب هبه معاها مش بيتكلم وبالكتير سؤال كل كام يوم عليها وطبعا هيا مرتاحه كدا لانها رغم البعد عن احمد الا هى دايما بتفكر فيه وبتسال سماح عنه وبعد مرور 3 اسابيع وهبه خلصت امتحانات فكر احمد انه يتصل بيها ويطمن عليها لانها واحشاه ويتصل احمد بهبه وهيا مش عايزه ترد عليه اتصل اكتر من 5 مرات وبرده مش عايزه ترد عليه راح بعتلها رساله على التليفون نص الرساله (هبه ليه مش بتردى عليا هو انا عملتلك حاجه ضايقتك لو مش عايزه انى اكلمك تانى مترديش على رسايلى وانا هفهم واسفه لو كنت ضايقتك سلام ) طبعا هبه شافت الرساله حسيت انها زودتها اوى مع احمد قعدت ربع ساعه تفكر هتعمل ايه ترد على الرساله ولا لا لحد ماقررت انها تتصل باحمد لانه معملش حاجه معاها وحش هيا اللى ضيعت احمد من ايديها تتصل هبه ب احمد هبه : السلام عليكم احمد : وعليكم السلام هبه : ازيك يا احمد عامل ايه احمد : الحمدالله بخير انتى عامله ايه هبه : الحمدالله بخير معلش انا كنت نايمه احمد : لا ابدا ولا يهمك واسف لو كنت ضايقتك باتصالى كتير بس كنت عايز اطمن عليكى هبه : لا عادى ولا يهمك اتصل فاى وقت يا احمد دا انت اخويا الكبير احمد : اخوكى ميرسى ياهبه عملتى ايه فالامتحانات هبه : الحمدالله كانت سهله احمد : بالتوفيق ان شاء الله انا كلمت زميلى انه يجبلك النتيجه انتى وسماح اول ماتطلع هبه : حتى وانت مسافر بتساعدنا احمد : عشان انتوا غالين عليا هبه : اه مبروك سمعت انك هتخطب منه عرفت تختار يا احمد منه كويسا ومحترمه وعسوله ربنا يوفقك يارب احمد : انا كنت عايزه اكلمك فموضوع بس مينفعش اكلمك فيه لان ولا الوقت ولا الظروف تسمح بكدا بس عايز افهمك حاجه واحده ياهبه اوقات كتير الظروف بتكون اقوى مننا بس فى اوقات فيها بنضيع فيها حاجات كتير مننا وفالاخر بندم على اننا ضيعنها بس كله قدر ونصيب مكتوب علينا وميرسى ياهبه على كلامك على منه وربنا يوفقك دايما هبه : انت فى حاجه يا احمد مخبيها كلامك غامض اوى احمد : بصراحه اه بس مش ينفع اقول اسف هبه : خلاص يا احمد وقت ماتحب تقول ابقا قول يلا بقا انا هقفل تصبح على خير احمد : وانتى من اهله سلام هبه : سلام قفلت هبه مع احمد وهيا مستغربه من كلام احمد ونفس الوقت حاسه ان فى حاجه غلط فالموضوع بس مش عارفه ايه الغلط دا واحمد زعل اوى لانه مش عارف يقولها الحقيقه ونفس الوقت حس من كلام هبه بالغيره من منه (احساس صعب فعلا لما اتنين بيحبوا بعض بس مش عارفين يصارحوا بعض والاصعب انهم حاسين بالتشائم انهم مش هيكونوا لبعض ) بعد مرور 3 ايام من مكالمه احمد لهبه اتصلت منه بهبه هبه : الو ايوه يامنه عامله ايه ياقمر منه : الحمدالله ياحبيبتى انتى عامله ايه هبه : الحمدالله بخير منه : بصى ياهبه انا عايزه اشوافك ضرورى هبه : ليه خير يامنه فى ايه منه : مش هينفع اقولك فالتليفون فاضيه بعد بكره ان شاء الله هبه : اه ان شاء الله بس انتى كدا قلقتينى منه : لا متقلقيش بس ممكن تيجى لوحدك ياهبه هبه : حاضر يامنه منه : ومتقوليش لاى مخلوق انى هشوافك هبه : حاضر يامنه منه : فى رعايه الله هبه : مع الف سلامه طبعا هبه استغربت طلب منه ليها وفى نفس الوقت خايفه لتكون منه عايزها هبه تبعد عن احمد فى تانى يوم ماجد راح لهبه عشان يتكلم معاها فموضوع ضرورى ياترى بقا ايه هو الموضوع دا ؟؟؟؟ انتظرونا فالحلقه القادمه |
رد: ابتسم..، ودَعِ الحياةَ
يسعدني اهتمامكن كثيرا و اتمنى ان يعجتكن كل ما سقدمه لكن
|
رد: العين تدمع مرتين الحلقة 1 الجزء الثاني
ماشاءالله الزين فيها اكثر انها قصيره
الله يقويك - |
| الساعة الآن توقيت السعودية الرياض و الدمام و القصيم و جدة 10:05 PM. |
Powered by vBulletin® Copyright ©2000 - 2025,
vBulletin Optimisation provided by
vB Optimise (Pro) -
vBulletin Mods & Addons Copyright © 2025 DragonByte Technologies Ltd.