|
ديوان الشاعر فلاح المورقي
السلام عليكم ورحمة الله وبركاته
الشاعر : فلاح المورقي , , , قصيدة جنوووووووون جنون الشعر شي يدخل الاجسـام والافكـار" "جنون الشعر شي يلبـس الشاعـر ويلهابـه جنون الشعر شي صار فأهل الشعر والأشعار" "جنون الشعر قفـل كـل بيبـان وفتـح بابـه جنون الشعر له قوه تعـادل قـوه الاشجـار" "جنون الشعر ماهو بشجره كبره كمـا الغابـه يغوص بفكري ويبحر وله فيروس ما قد صار" "يشوش فكر شعار(ن)ويحسبهـم مـن العابـه افكر بالشعر ما اقدر افكـر غيـر بالاشعـار" "اثاري هالجنون اصبح لفكري اقرب احبابـه انا متأكد انه قد دخـل مـع جملـه الشعـار" "تراة يسهل الاشعار ولازم نحسـب حسابـه طلع يقنص طلع يبحر طلع يلعـب بذالافكـار" "ترا له فايـده لكـن قلبـي دوم يشقـى بـه تربـع داخـل افكـاري الا يالله يـا ستـار" "طلع بعد القنص يم الربيع وقـام يرعـى بـه انا وان قلتهـا بالسـر والا اقولهـا بأجهـار" "جنون الشعر شي كل شاعـر يفتـح ابوابـه |
رد: ديوان الشاعر فلاح المورقي
قصيدة وان العرب
بديت باسم مكون الخلـق تكويـن" "الله خـلاق السمـا والنجـومـي وان العرب عن كل طفل بفلسطين" "وان العرب وان الرجال القرومي وان العرب عن ذا اليهود الملاعين" "ليه العرب ما فكـروا باللزومـي اقولها والدمع سايـل مـن العيـن" "ربـي يوفقهـم وعـزه يدومـي كل يوم يذبح واحد ويذبـح اثنيـن" "صارت ديار القدس دم ولحومـي مسكين يالدره ومسكيـن مسكيـن" "لكن حظك عنـد ربـك يدومـي الأسلحه معهـم تراهـا ملاييـن" "معهم سلاح وطايرات(ن) تحومي نبغى حروب اول سيوف وبعارين" "نبغى الحروب سيوف ويا سهومي نبغى احـد والقادسيـه وحطيـن" "نبغى النصر يبقى لنا كـل يومـي |
رد: ديوان الشاعر فلاح المورقي
قصيدة خل الشفر يا خوك واخذ العراوي؟؟؟
خل الشفر ياخوك واخـذ العـراوي دامك من اللي ما يحـب المظاهيـر او اخذ لك شاص (ن) وخلك هواوي واشتر نياق(ن) طيبـات(ن) مغاتيـر وان كنت قناص(ن) تحب النـداوي عليك بالجكس ار ما منـه تقصيـر واهل القنص ياخوك لافي وظـاوي اقنص معاهم واعرف النسر والطير واشرب حليب(ن) ما يجي بالمناوي بارض(ن) تغطت في لباس النواوير اسرح بنوقـك ثـم غـن الغنـاوي ثـم سولـك خمسـه دلال مباهيـر في مجلس به نار ما هـو قهـاوي واجمع بني عمك رجال(ن) مناعيـر لو كنت مرضان فهرجـي يـداوي اعمل بمـا قلتـه وتلقـى التباشيـر اسمع كـلام المورقـي العطـاوي وخلك كريم(ن) لا تقاطع عن الخير والنـم لا تقربـه خـل الـدعـاوي اهل الدعـاوي مجلبيـن المعاسيـر وخل الشفر ياخوك واخذ العـراوي دامك من اللي ما يحـب المظاهيـر |
رد: ديوان الشاعر فلاح المورقي
قصيدة سرعه الوقت؟؟؟؟
الوقت يسرع سرعه البرق لا لاح والقلب يبكي لا تفارق عـن البـر يبكي من الغربه ولاهـو بمرتـاح يبكي وبه نيران مع جمرن احمـر ويا ونتي ونه صغيرن ليـا صـاح ضيع هلـه ودمـوع عينـه تنثـر والصبر يبقى للفـرج دوم مفتـاح والصبر ما اطيقه ولا ودي اصبـر وقالوا لي اجلس قلت ماني بمرتاح ارتاح بين البل مع دلالي الصفـر وارتاح يوم اشتم ريح الحطب فاح اشب لي عرفج ومن فوقه السمـر والا حليبن يوقظ الرجل لا طـاح وارتاح يوم ان احمس البن الاشقر وارتاح يوم اني اشوف الفحل ناح انا بدويـن نخوتـي عيشـه البـر هم الفراق اللـي لفانـي ولا راح واللي معاي رخوم ظحك وتمصخر ومشاكل تزداد فالقلب يـا صـاح مشاكل رخوم (ن) عسى الله يستر ويابوي اهل الشين للشيـن ترتـاح ذولي رخوم(ن) وانته الحر الاشقر والوقت يسرع سرعه البرق لا لاح لكن قلبي ما تعود علـى الصبـر |
رد: ديوان الشاعر فلاح المورقي
قصيدة الدمع هل؟؟؟؟؟
الدمع هل مـا لقـى مسكنـن لـه والقلب لامن راح همـه لفـا هـم والعين تحكـر دمعهـا ثـم تهلـه وانا اشهد ان العشق ماهو بيرحـم غربـه تفـرق كـل خلـن بخلـه والمر اذوقه كنـه المـوت والسـم يكفي اشوف الخـل بالعيـن طلـه طله حبيبـن شـاف حبـه وسلـم لو راح خلي او شي(ن) حصل له قلت السما وش هي بلا زينه النجم ولو راح خلي مـن يحـل بمحلـه ياسمينه(ن) من ابعد الـدرب تنشـم عمري وروحي والعرب فدوه(ن)له هذا كـلام القلـب لـو مـا تكلـم بواجـه الغربـه وسيفـي بااسلـه بواجه الغربه على السيـف والـدم ماني بمن يجفل ليـا شـاف ظلـه قلبي قوي لكن متى الجـرح يلتـم وسويت لك بالقلب يـا زيـن دلـه في مجلس(ن) فالقلب لازين معلـم ودرب الوفا يـا بنـت كلـن يدلـه ومن وده بحبـه لقـى درب للفـم عزيز نفس(ن) في حياتـه واصلـه ما انذل من الغربه ولا انذل من الغم |
رد: ديوان الشاعر فلاح المورقي
قصيدة وين رحت؟؟؟؟
اه ياللي رحت وينك ويـن رحـت ليت يومي قبل يومـك مـا حييـت العمـر نـارن ولـكـن رمــدت المهـم الديـن لا شهـره وصيـت في بحور القافيـه عينـي رسـت وفي بحور العين انا اللي قد رسيت ليتنـي شفتـك قبـل عينـي بكـت وما يفيـد اليـوم لا لكـن وليـت ورده(ن) يا سمينه(ن) ميـر اتلفـت بعدها مـن قلبـي المغـرم بكيـت اه واويـلاه يـا نـار(ن) طـفـت كيف اباشعلها وانا نفسـي طفيـت قمت انادي والاصابع مـا استـوت لا مجيب(ن) لـي الامنـي حكيـت يا عنود(ن) طول عمرك ما جفلـت بنت ذيب(ن) لو مدحته مـا كفيـت من فراقك كم رجال(ن) قـد عنـت ومن فراقك يالكرم نفسـي عنيـت ومن فراقك قد غـدا النويـر جـت كم دعيت اني اشوفك كـم دعيـت خمسه سنين(ن) وعيني مـا نسـت خمسه اسنين(ن) وانا لا ما نسيـت القمر ما هو بشمـس(ن) انـورت يشري من الشمس وانته ما شريـت من بعد ما غبـت النـاس اسألـت وين رحت وليه رحت ووين جيـت قد نصيت الارض وعيني ما نصت قد نصيت القبر واااناا مـا نصيـت واه ياما للرجـال اهـي اصنعـت اصنعت شجعان ما عرفوا المبيـت وللـدلال الصفـر يامـا بـهـرت بهرت لـي دلـه(ن) منهـا لهيـت بنت عكفـان المخالـب لا حكـت قالت افعل فعلتـي لامـن حكيـت وفي بحور القافيـه عينـي رسـت وفي بحور الشعر انا اللي قد رسيت |
رد: ديوان الشاعر فلاح المورقي
قصيدة حكي الرجال؟؟؟؟
يالله ياللـي كـل عبـد(ن) تـرجـاه" "ياللي خلقـت الكـون وانزلتنـا فيـه ياللي خلقت الانس وارزقتـه اعضـاه" "ترفـق بحـال همومـه بـدت فـيـه من مجلس(ن) مرضان وما نعرف دواه" "والقلب لا مـن مـات منهـو يداويـه المجلس اللـي ضـاع دينـه ودنيـاه" "ازريت انظف قلب صاحبـه وابريـه وما كـل حكـاي(ن) ترانـا سمعنـاه" "وما كل مـن يبكـي ترانـا بنرضيـه اللوقي اللـي لا حكـى قلـت ويـلاه" "واللي سمع هرج(ن) بغيره طلـع فيـه الرجل مـا ينسـى سلومـه ومبـداه" "واللـي نسـى مبـداه فالكـل ناسيـه رجل الحكي يانـاس مشيـن مخـاواه" "اللي يحـب الحـش لأحـدن يخاويـه والاجودي يا نـاس محلـى مماشـاه" "لـو كـان ايـا كـان حنـا نماشيـه واحـدن يقاقـي وبالفعـل مـا لقينـاه" "هرجـه بليـا فعـل ومحـدن يدانيـه اللـي شقـى لـه يـوم دوم ايتحـراه" "يحفـظ كتـاب الله وفرضـه يصليـه واللي نسى دينه تـرا النـار تنصـاه" "يـوزه الشيطـان ويتـبـع بـلاويـه ومـن يتبـع الدينـار ياشيـن دنـيـاه" "تلـوثـت دنـيـاه بالـلـي يسـويـه واللـي علـى نيتـه حظـه بيلـقـاه" "وان ما لقى حظه تـرا الحـظ ياتيـه الصاحـب الشغمـوم حنـا شريـنـاه" "والا الردي محـدن يطيقـه ويشريـه مرحوم ياللـي ضـاع دينـه ودنيـاه" "يـوزه الشيطـان ويتـبـع بـلاويـه |
رد: ديوان الشاعر فلاح المورقي
قصيدة الوليف والليله القمرا والقصيد!!!!!!
ليله قمرا وقصيـدي امسكـه وارجـع اقولـه مير ماني قادر(ن) امسك يدينـي مـع لسانـي في وليف(ن) يجتمع وصفه من اوصاف الطفوله ربي اللـي خالقـه ومزينـه زيـن وحنانـي ويجتمع فيه الربيع بزهـره وعرضـه وطولـه ويجتمع فيه الشتـا والثلـج فـي ذاك المكانـي بين ظلعاني ابتدى حبه واخـذ بالقلـب جولـه من بعد جولته في سهـم المحبـه قـد رمانـي في حلاته في صفاته نظرتـه هرجـه وقولـه لا يوفي بـه قصيـد ولا تكفـي بـه اغانـي وفي حلاته وفي صفاته قد اخذ كاس البطولـه قلتها كاس البطوله مـن قليبـي ومـن لسانـي ثم رماني سهـم ماهـو بهيـن بكبـره وهولـه سهم كره(ن) صوبه ذاك الوليف اللـي نسانـي صوبه في قلبي اللي قد اخذ به الـف صولـه احسب انه مشتريني وباعنـي لا مـا شرانـي تجربه وكلن يجـرب ثـم يعـدل مـن فعولـه تجربه وكل التجـارب زادت بهـذا الزمانـي الختام بهالقصيـه هـي مقولـه هـي مقولـه دوم اعز النفس وما ابغى من كرهني وما بغاني |
رد: ديوان الشاعر فلاح المورقي
مـن ماضـي عصـور العـرب ليـن تاليـه
وبـكـتــاب رب(ن) مـاسـكــه فـــــي يـمـيـنــي نصف الحلا متميز(ن) يوسف(ن)فيه والنصـف الاخـر وسـط عينـك سجيـنـي يــــــــا مـلـهـمـتــنــي كــــــــل مــــــــا قــــلــــت لـــبـــيـــه لـــبـــا عـــيـــون(ن) جـــابــــت الــعــيـــد فــيــنـــي ولـــبـــا غـــرامـــك كــــــل مــــــا حــــــل طـــاريــــه ولــــبــــا خــــفـــــوق(ن) بـــالـــغـــلا يـحــتــويــنــي شـفـت بيمـيـن الـعـيـن عـشــق(ن) تخـفـيـه جــــنــــه غــــرامــــي فــــيــــه واحــــــــلا ســنــيــنــي وشــفــت بـيـســار عـيـونـهـا ظــامــي الـتـيــه رجـــل(ن) قـضــى بـاقــي حـيـاتـه حـزيـنـي وشــفــت الـقـبــر لا عــقــد حــجــاج عـيـنـيـه كـــنـــي بــوســطــه والــقــبــر ضـــــــاق فــيــنـــي يــاويـــش بــاقـــي مـــــن الـــحـــلا مـاخـذيـتـيــه حــــــلا بـــنـــي جــنــســك مـــعـــا كــــــل زيـــنـــي ســــــــــــم الــــعــــقــــارب لــــلــــعـــــواذل ســقــيـــتـــيـــه وانــا مــن احــلا كـــاس عـشـقـك عطـيـنـي قــــــد قـــلـــت لـــــــك زيـــــــن الـــعــــذارا مـلـكـتــيــه والـــــيـــــا ســمـــعـــتـــي كــلـــمـــتـــي صــدقـــيـــنـــي نصف الحلا متميز(ن) يوسف(ن)فيه والنصـف الاخـر وسـط عينـك سجيـنـي |
رد: ديوان الشاعر فلاح المورقي
يانفس صدي عن مجالٍ فية حزن وفية تيه
..........التيه / ليلٍ مظلم ٍ بالهم ** والحزن أكتئاب لاغاب عنٌك إللي من أول مايغيب ..وماتبيه ..........أكبر قهر ** لو تكتشف مكانته لقفى وغآب أما تكفن حبه بمهُجتك ** وإلا تحتريه ..........لو موتة بصدرك عذاب /وصبرك ببعدة عذاب أشرة على نفسك ..ولا لك حق لو تشرة عليه ..........وجة الحقيقه مايبي تبرير من عذر الغياب لا تشتكي فالوقت من جور الغيآب ومايليه ..........سيٌر على درب الأمل هقوآتك ..وحث الركاب الوقت / ماقدُر بياض وجيه ** بيضآن الوجيه ..........إللي توارى عنهم الأحلام ..مع ضوح السرآب الحب ذكرة ماطرى .. والصبر ماني محتسيه ..........حتي طعني فالحنايا بعده بروس الحراب إي .. والله أحبه ** وأقدر طلتة / وموت فيه ..........أمشي بحبه فالسهل **وأرقا على روس الهضاب وليا سئلت عروق قلبي ** كل عرق يقول إييه ..........وأضيع بين أقرب سئؤال بداخلي ** وأصعب جواب تعال ** وأغفر ذنب قلبٍ يهتويك .. وتهتويه ..........قلبٍ ..خذاه الطيش عن درب الغلا وأذنب وتآب تعال ** لجل انجدد عهود الغرآم ونبتديه ..........نطوي لنا صفحة كتاب / ونبتدي صفحة كتاب مدام أحبك وأنت تدري/ أرجع ** ولا تقول ليه ..........خلنا نعيش إللي بقى من عمرنا فوق السحاب |
رد: ديوان الشاعر فلاح المورقي
ابتسم يا صبح واعتق ضيقتي وأطلق سراحـي
جيت أسـوم الابتسامـة منـك وأدفـع لـك ثمنهـا مـد لـي ضـي الفـرح وأمدلـك قـل انشـراحـي قبل شمسك فـي مـدارات الفضـا تامـر وتنهـى لـي هجـوسٍ مـا تعـل إلا مـن العـد القـراحـي كـان صـح الله لسـانـي قـلـت صــح الله بدنـهـا اعشق طيور الفلاح النادرة يا ارض الفلاحـي ومـا جمعـنـا بالاسـامـي غـيـر مهـنـة نمتهنـهـا مثل ما تنهض علـى راس الطويلـة بالجناحـي انهـض بقلـبٍ جسـور ومـدة ذراعـي ضمنـهـا شاعرٍ يكتب صدور النـاس والخنـاس صاحـي والرسالـة للرجـال اللـي شـمـخ فيـهـا وطنـهـا والسهر مر ودفن علمه تحـت جفنـي وراحـي واصبحت ترمش عيونـي منـه ونعاسـي كفنهـا وكل ما هبت علـى صـدري ذعاذيـع الرياحـي قمت اسولـف للهبايـب واسمـع المـردود منهـا من بعد مـا لجـة الاصـوات فـي كـل النواحـي والعـرب ضاقـت وعـوّد شامهـا يبـكـي يمنـهـا جيت أببعث في غياهيب الدجى نور الصباحي وافتح ابـواب التفـاؤل لـو يحـول اليـاس عنهـا لا تغـنـي يـازمـان الضـيـق ضــد الانفـتـاحـي اسطوانـات انـغـلاق الفـكـر مــا نقـبـل لحنـهـا دينـنـا ديــن التعـايـش والتـراحـم والسـمـاحـي لا ينـادي باسـمـه الارهــاب ونـفـوسٍ شحنـهـا انفضـوا عنـه التهـم ياللـي دعيتـوا بالصلاحـي يــا بـشـر مَ الله خلقـنـا كــل تهـمـة نحتضـنـهـا حسنـوا مـن صـورة الديـن ومفاهيـم الكفاحـي صورة الاسلام حسنـه يـا سفيـر الديـن صنهـا كم تضيـع أنفـس ويهـدر دم وتفجـر ضواحـي لـو تخليهـا علـى مـا تشتهـي تسـحـب رسنـهـا |
رد: ديوان الشاعر فلاح المورقي
يا صاحبي خلاص ماني مصاحبك
..........من يوم تقفاني متعمد وساخر عز الله اني كنت اعدك واحسـبك ..........في خوتي بين القبايل تفاخر وآثرك تبغاني احقق مطالبك ..........وانا اشهد اني عنك ماني بذاخر حققت مطلوبك واثر في مـئآربك ..........انك ترد الطيب في شيَ آخر واليوم تهزئ بي وتفتل شواربك .......... وتجحد جميلي ياكبير المناخر عز الله انني مخطيِ يوم اعاتبك ..........وان القوافي في جنابك تصاخر حبيت بس اعطيك درس وبجنبك ..........وفالبحر ما يرسي ياكود البواخر اكبر قهر لا صار فالوقت صاحبك .......... يجازي المعروف في شيَ آخر واكبر مصيبه يازمن من مصايبك ..........ان الوفا في جوف نارك تباخر |
رد: ديوان الشاعر فلاح المورقي
ياعـاذلـي ، كــــان تكـرهنـي .. وتغبطـــنــي
..........ضاعـــت وفشــــلت خططــك إلي تخططــها خــلــي يوم انه بـ جيش الحـــب حاوطنــــي ..........حمـــــى عــن الـحــــب والعــــذال ورطهــــا ورط عـــذول الهــوى ، واليـــوم ورطــنــــي ..........بـاوصــاف (ن) تـقــول رسام ،، امخـطـطهـــا في نظـرة عيـــونهـــا نـــــار تشــلوطـنــي ..........اعيـــون شيهـــآنه بالقلـــب مربــطــها أثر الحـلا والجمــــال العــــذب حــبــطنـــي ..........جمالهــــا ضيـــع عـلــــومي ،وسـلـطـــهـا حتـــى لو بقـلبــــهـا عيــــت تـقـلطنــــــي ..........انـــــا بـقـلبـــي بقـهـويـهــــا واقـلطــهــــا عطنــي دخـيــلك يالغـضــــي عطنــــي ..........لا تبخـــل بحاجــــه للغيــــر تسفطــهـــا عطنـــي محبــــتك ياخلـــي وضبــطنــي ..........خمـــول حالـي طغـى على تنشـــطهــا لو قست ضغطي لقيت الحب ضاغطنـي ..........والعـــالم الي تحب الحــــب ضاغطهـــــا ولو كان ربـــي على العــــذال سطلنــي ..........انـــــا من اسبــــابهــــا رحت بخرايطهــــا مـــن زود حبـــــي لهـــا ودي ترابطنـــي ..........والغي جميع ارتبـــــاطاتـــي وارابــطــها واليــــا تـوفـت وحـــزن البعـــد خالطنــي ..........لولا المخـــافـه من الله كـــان احنــطـهــا |
رد: ديوان الشاعر فلاح المورقي
يآاحلى غيآهب دروبي وآجمل ذنوبي
غلآك في مهجتي محدن يشككبه تراك من يوم لديت النظر صوبي حادي شعور الغلاصوبك حدى ركبه من يومها مهتني في آكلي ومشروبي الا ليا صرت انا وانت انتشآركبه يآسكرت دنيتي في دنيتي ذوبي ياللي خلآيآ العسل في شفآك منسكبه واليآ امحلتبي يالغلا جوبي مثلك لو يجوب في قلبي يبآركبه يآشمسي المشرقه في لحظه غروبي يآبآشة الغيد في الآخلآق والسكبه لآتطري افرآق محبوبك يآمحبوبي اللي ملآلك به ولآلي به وش لكبه انا طلبتك ولآلبيت مطلوبي حددت موعيد رحيلك وحلت النكبه ونسيت يوم ادحم العذال بجنوبي واسل سيف الغلا دونك واعآركبه اليوم تدري وش آول وآخر عيوبي عطيتك الوجه وانت اعطيتني ركبه وقضيت عمري بعدك اكفر ذنوبي وماغير حبك ليآ كفرته ارتكبه |
رد: ديوان الشاعر فلاح المورقي
قالو تحب قلت للحب راعيه
..........وانا من اهل الحب والحب ظلي الـحـب مـثل الـسوق يـرخص بغاليه ..........فيـه الخيانـه والـغدر والتـسلي ولـو كل غالي عاش من شان مغليه ..........يعنـي دموع العيـن تبطي تهلي قلبي رهيف وبينات(ن) خوافيـه ..........يتلـه المـزيـون تــل المظـلـي مـير البلا لا بيح القلب خافيه ..........يحتل قلب الزين جيش التغلـي واليا تغلا راح قلبي يراضيه ..........يمكن يعـوَد ياعسـى يـا لعـلـي واليا رحل يبكيه قلبي ويرجيه ..........واليا صمل فالدرب خله يولي يلعـب وقلبي يا عرب بين اياديه ..........الظاهر انه فالهوى ما فطن لـي يهتز وجدي كل ما حل طاريه ..........وان شفت زوله قمت ارحب واهلي والحب لو يَشرى بدينار وجنيه ..........لاشري جميع الحب من شان خلَي |
رد: ديوان الشاعر فلاح المورقي
كيف تهجرني وأنـــا ماني بعايش دونك
كن عيني من فراقك يا حبيبي غرقـــــــا كيف تسلب قلبي وفكري وأنــا مجنونك كيف تتحاشى جروح الحب عقب الفرقا كـان تـبغـانـي أخـونك مسـتعد أخـونـك ميـر كــيف أنـزل بقدري وقـدري يرقا ياحبـيبي كـل عـمـري فـدوتـن لـعيونك لا بـغيت الـدرب شـام ولا بـغيته شرقا كـل عـــذالي بـــمجمــعهم تـرا يفدونك نــظرتك صـوبي غلا خلت عدايا حرقا وعــذاب القلـب مايبرا صواب طعونك كن في رمشك عدو ورماح تزرق زرقا روووح جعل الله حسيبك لا تزيد ظنونك محني الهامه وأنا من روس روق وبرقا |
رد: ديوان الشاعر فلاح المورقي
مــا طاب جرح اللي هوا بنت الاجناب
..........لوحبته يظهر من الناس حجير هاذا بلى الحب وبلى ابوك ياعقاب ..........كان المحبه ذنب فالبعد تكفير في ساعة ماكنت حاسب لها احساب ..........ماكنت احسب ان اللذي صار بيصير تدري وش اللي يكسر قلوب الاحباب ..........حكم القدر لا قال لفراقهم خير صدمة وجتني والزمن كشر انياب ..........والوقت تكشيره ماهوب اي تكشير يا قلب لا تشره على كل من غاب ..........من راح من كيفه يجي دون تبرير جاني من اللي كنت احسبنهم اصحاب ..........شين عجزت ألقى لهن ضقت تفسير والخاطر المكسور يا عذالي طاب ..........والوقت ما قصر محى كل تأثير والمخطي اللي من كثر ماخطى صاب ..........يشفع له إن لا وقف وقفته غير واللي يعيش بديرته عيشة اغراب ..........يقطع على شان المعزه مشاوير يا ساحة الغاوين يا قل الالباب ..........وما كل طير لا كفخ يقدر يطير ما أقول ما فيكم رياجيل واشناب ..........اميّز الشعار بين الشواعير ناسن تدور للقب بين الالقاب ..........وواحد من الالماس شعره قناطير وإحدن بماله يكسب إعلام وإعجاب ..........مثل ما قالو يدهن السير ويسير مثل المنيحه بين تسعين حلاب ..........ومافيه احد يكره حليب المصاغير أو مملكة جوها طواغيت الارهاب ..........وسوو لهم مع زحمة الناس تفجير وحنا نكافح والامل ما بعد خاب ..........حتى ندمرهم من الشعر تدمير وإن كان راحو بين ميت ومنصاب ..........دونالسعر ناقف صفوف وطوابير وكلن معه شلفا ولد غانم ذياب ..........من شان لا يصلح لاخطاء تكرير ويبقى فقط شعار عراب كتاب ..........ناسن ما يلحقهم فالابداع تقصير اقولها صادق ولانيب كذاب ..........الشعر ميراث الجدود المناعير وأنا حميته من مفسد وخراب ..........وأعسف بها العاصي واسخره تسخير يا كم حرقت اعصاب وارتاحت اعصاب ..........موتو قهر يا شلة عوير وصوير ما ضاع حق ومن ورى الحق طلاب ..........وسود النوايا من طرفنا مغاتير وكلن على قده يفصل له ثياب ..........وكلن على قدره يقدر بتقدير واللي يبى القمه ولا يبذل أسباب ..........ينبح ليا شاف القوافل على السير |
رد: ديوان الشاعر فلاح المورقي
من ماضي عصور العرب لين تاليه
.......... وبكتاب رب(ن) ماسكه في يمينـي نصف الحلا متميز(ن) يوسف(ن)فيه .......... والنصف الاخر وسط عينك سجيني يا ملهمتنـي كـل مـا قلـت لبيـه .......... لبا عيون(ن) جابـت العيـد فينـي ولبا غرامك كل مـا حـل طاريـه .......... ولبا خفـوق(ن) بالغـلا يحتوينـي شفت بيمين العين عشق(ن) تخفيـه .......... جنه غرامي فيـه واحـلا سنينـي وشفت بيسار عيونها ظامـي التيـه .......... رجل(ن) قضى باقي حياته حزينـي وشفت القبر لا عقد حجـاج عينيـه .......... كني بوسطه والقبـر ضـاق فينـي ياويش باقي من الحـلا ماخذيتيـه .......... حلا بني جنسك معـا كـل زينـي سـم العقـارب للعـواذل سقيتيـه .......... وانا من احلا كاس عشقك عطينـي قد قلت لك زيـن العـذارا ملكتيـه .......... واليـا سمعتـي كلمتـي صدقينـي نصف الحلا متميز(ن) يوسف(ن)فيه .......... والنصف الاخر وسط عينك سجيني |
رد: ديوان الشاعر فلاح المورقي
صدري رحب والزحول اصدورهم رحبه
وما كل غاره تزعزع عرش مملكته واللي يبا الضيق يضوي به ويسرح به اجهدته بصبري وبعزومي انهكته ان ثوّرت عجته والا اردمت سحبه طويق ما هزته حاجه وحركته وانا كلام القريحه كل ما اقرح به تبين في عالم الابداع ماااركته احب اصعّب رموزه لجل اوظح به ان اصعب ارموز جزل الشعر فككته |
رد: ديوان الشاعر فلاح المورقي
الا يازيـن وش سويـت فينـي
..........وراك تصـد عنـي ياظنيـنـي دمووع العين هلـت واستهلـت ..........وعيت لاتذوق النـووم عينـي على نار الصبـر قلبـي تولـع ..........وفي درب الهجر ضاعت سنيني وانا توني دريت انـي هويتـك ..........بعد ذقـت المفـارق والحنينـي ابي كاس الهوى يروي ظمايـه ..........لكنه في يـدك ماهـو بيدينـي واذا صدك حجب شمس الحقيقه ..........على فرقـاك بيحـت الكنينـي وانا في خاطري يازين حاجـه ..........لو انك عفـت حبـي ماتبينـي ابي تكذب على وتقـول احبـك ..........ومثل ما اموت فيك تموت فيني |
رد: ديوان الشاعر فلاح المورقي
يالله ياللــــي كـــــل عـبد(ن) ترجــــاه
..........ياللي خلقت الكون وانزلتنا فيه يالـلـي خلـقـت الانــس وارزقـتـه اعـضــاه ..........تـرفـق بـحـال الـــي هـمـومـه بـــدت فـيــه من مجلس(ن) مرضان وما نعـرف دواه ..........والـقـلـب لا مـــن مـــات مـنـهــو يــداويــه المـجـلـس الـلــي ضــــاع ديــنــه ودنــيــاه ..........ازريــت انـظـف قـلـب صـاحـبـه وابـريــه ومـــا كـــل حـكــاي(ن) تـرانــا سمـعـنـاه ..........ومــا كـــل مـــن يـبـكـي تـرانــا بنـرظـيـه الـلـوقـي الـلــي لا حــكــى قــلــت ويــــلاه ..........واللـي سمـع هـرج(ن) بغيـره طـلـع فـيـه الـرجــل مــــا يـنـســى سـلـومــه ومــبــداه ..........والــلــي نــســى مــبــداه فـالـكــل نـاســيــه رجــل الـحـكـي يـانــاس مـشـيـن مـخــاواه ..........الـلــي يـحــب الــحــش لأحــــدن يـخـاويــه والاجـــودي يـــا نـــاس مـحـلـى مـمـاشـاه ..........لــــو كــــان ايــــا كــــان حــنــا نـمـاشـيـه واحـــدن يـقـاقــي وبـالـفـعـل مــــا لـقـيـنـاه ..........هــرجــن بـلـيــا فــعــل مــحـــدن يـدانــيــه الــلــي شــقــى لــــه يــــوم دوم ايـتـحــراه ..........يـحـفــظ كــتــاب الله وفــرضــه يـصـلـيــه والـلـي نـسـى ديـنـه تـــرا الـنــار تـنـصـاه ..........لا وزه الـشــيــطــان يــتــبـــع بــــلاويــــه ومــــن يـتـبــع الـديـنــار يـاشـيــن دنــيـــاه ..........تــلــوثـــت دنـــيــــاه بــالــلـــي يــســـويـــه والــلـــي عــلـــى نـيــتــه حــظـــه بـيـلـقــاه ..........وان مــا لـقـى حـظـه تـــرا الـحــظ يـاتـيـه الـصـاحــب الـشـغـمــوم حــنـــا شـريــنــاه ..........والا الـــردي مــحــدن يـطـيـقـه ويـشـريــه مـرحــوم يـالـلـي ضـــاع ديــنــه ودنــيــاه ..........لا وزه الشيطـــــان يتبع بلاويـــــه |
رد: ديوان الشاعر فلاح المورقي
ابدى بذكر ألي وهب كل واهب
منشن من القبله سحابـ ن حقاقا يرقص على راسي من الجن راهب وانا وليلي والقصايد رفاقا وا قلبي ألي به من النار لاهب محروق والفرقا تزيده حراقا والوجه من قيض المقادير شاهب حتى رموش العين عيت تلاقا وين انت يا سيد هل الحسن ذاهب بيني وبينك لا يطول الفراقا دنيا المحبه غاشيتها الغياهب والحب مثل المر صعب المذاقا واليوم ما ينفع بسبع المذاهب همـ ن كبير وفوق ما لا يطاقا |
رد: ديوان الشاعر فلاح المورقي
بيض الله وجه الأيام الشديدهـ
..........لو ما جاني منها غير السوادي الشدايد من مزاياها الفريدهـ ..........تظهر الرجال لقدح الزنادي و الرجل لا صار نظراته بعيدهـ ..........و الله إن ياصل هقاويه البعادي لحتزم بالصبر و أصول العقيدهـ ..........حكمة تسوى الكثير من المبادي ما تغره زخرفة دنيا زهيدهـ ..........ما صفت قبله لمن جاها جهادي آخرهـ تحت الثرى و اسمه فقيدهـ ..........وجبه لدود اللحد منها استزادي خوة الرجال للسفله نقيدهـ ..........للردى يحدر معه في كل وادي الردي وقت الرخا بتشوف جيدهـ ..........و فالوغاء منت بوراهـ مستفادي اتعب لقرمـ"ن" ولد قرمـ"ن" وليدهـ ..........و احصد لا جا نهار للحصادي و الشدايد عقبه أيامـ"ن" سعيدهـ ..........حكمة الله في تصاريف العبادي يكفي عن سرد السوالف فالقصيدهـ ..........كلمتين تشرح المعنى وكادي أطلب اللي لا وعد يصدق وعيدهـ ..........و أسأله درب الهدايه و الرشادي |
رد: ديوان الشاعر فلاح المورقي
ليله قمرا وقصيدي امسكه وارجع اقوله
..........مير ماني قادر(ن) امسك يديني مع لساني في وليف(ن) يجتمع وصفه من اوصاف الطفوله ..........ربي اللي خالقه ومزينه زين وحناني ويجتمع فيه الربيع بزهره وعرضه وطوله ..........ويجتمع فيه الشتا والثلج في ذاك المكاني بين ظلعاني ابتدى حبه واخذ بالقلب جوله ..........من بعد جولته في سهم المحبه قد رماني في حلاته في صفاته نظرته هرجه وقوله ..........لا يوفي به قصيد ولا تكفي به اغاني وفي حلاته وفي صفاته قد اخذ كاس البطوله ..........قلتها كاس البطوله من قليبي ومن لساني ثم رماني سهم ماهو بهين بكبره وهوله ..........سهم كره(ن) صوبه ذاك الوليف اللي نساني صوبه في قلبي اللي قد اخذ به الف صوله ..........احسب انه مشتريني وباعني لا ما شراني تجربه وكلن يجرب ثم يعدل من فعوله ..........تجربه وكل التجارب زادت بهذا الزماني الختام بهالقصيه هي مقوله هي مقوله ..........دوم اعز النفس وما ابغى من كرهني وما بغاني |
رد: ديوان الشاعر فلاح المورقي
اه ياللي رحت وينك وين رحت
ليت يومي قبل يومك ما حييت العمر نارن ولكن رمدت المهم الدين لا شهره وصيت في بحور القافيه عيني رست وفي بحور العين انا اللي قد رسيت ليتني شفتك قبل عيني بكت وما يفيد اليوم لا لكن وليت ورده(ن) يا سمينه(ن) مير اتلفت بعدها من قلبي المغرم بكيت اه واويلاه يا نار(ن) طفت كيف اباشعلها وانا نفسي طفيت قمت انادي والاصابع ما استوت لا مجيب(ن) لي الامني حكيت يا عنود(ن) طول عمرك ما جفلت بنت ذيب(ن) لو مدحته ما كفيت من فراقك كم رجال(ن) قد عنت ومن فراقك يالكرم نفسي عنيت ومن فراقك قد غدا النوير جت كم دعيت اني اشوفك كم دعيت خمسه سنين(ن) وعيني ما نست خمسه اسنين(ن) وانا لا ما نسيت القمر ما هو بشمس(ن) انورت يشري من الشمس وانته ما شريت من بعد ما غبت الناس اسألت وين رحت وليه رحت ووين جيت قد نصيت الارض وعيني ما نصت قد نصيت القبر واااناا ما نصيت واه ياما للرجال اهي اصنعت اصنعت شجعان ما عرفوا المبيت وللدلال الصفر ياما بهرت بهرت لي دله(ن) منها لهيت بنت عكفان المخالب لا حكت قالت افعل فعلتي لامن حكيت وفي بحور القافيه عيني رست وفي بحور الشعر انا اللي قد رسيت |
رد: ديوان الشاعر فلاح المورقي
الدمع هل ما لقى مسكنن له
..........والقلب لامن راح همه لفا هم والعين تحكر دمعها ثم تهله ..........وانا اشهد ان العشق ماهو بيرحم غربه تفرق كل خلن بخله ..........والمر اذوقه كنه الموت والسم يكفي اشوف الخل بالعين طله ..........طله حبيبن شاف حبه وسلم لو راح خلي او شي(ن) حصل له ..........قلت السما وش هي بلا زينه النجم ولو راح خلي من يحل بمحله ..........ياسمينه(ن) من ابعد الدرب تنشم عمري وروحي والعرب فدوه(ن)له ..........هذا كلام القلب لو ما تكلم بواجه الغربه وسيفي بااسله ..........بواجه الغربه على السيف والدم ماني بمن يجفل ليا شاف ظله ..........قلبي قوي لكن متى الجرح يلتم وسويت لك بالقلب يا زين دله ..........في مجلس(ن) فالقلب لازين معلم ودرب الوفا يا بنت كلن يدله ..........ومن وده بحبه لقى درب للفم عزيز نفس(ن) في حياته واصله ..........ما انذل من الغربه ولا انذل من الغم |
رد: ديوان الشاعر فلاح المورقي
الوقت يسرع سرعه البرق لا لاح
..........والقلب يبكي لا تفارق عن البر يبكي من الغربه ولاهو بمرتاح ..........يبكي وبه نيران مع جمرن احمر ويا ونتي ونه صغيرن ليا صاح ..........ضيع هله ودموع عينه تنثر والصبر يبقى للفرج دوم مفتاح ..........والصبر ما اطيقه ولا ودي اصبر وقالوا لي اجلس قلت ماني بمرتاح ..........ارتاح بين البل مع دلالي الصفر وارتاح يوم اشتم ريح الحطب فاح ..........اشب لي عرفج ومن فوقه السمر والا حليبن يوقظ الرجل لا طاح ..........وارتاح يوم ان احمس البن الاشقر وارتاح يوم اني اشوف الفحل ناح ..........انا بدوين نخوتي عيشه البر هم الفراق اللي لفاني ولا راح ..........واللي معاي رخوم ظحك وتمصخر ومشاكل تزداد فالقلب يا صاح ..........مشاكل رخوم (ن) عسى الله يستر ويابوي اهل الشين للشين ترتاح ..........ذولي رخوم(ن) وانته الحر الاشقر والوقت يسرع سرعه البرق لا لاح ..........لكن قلبي ما تعود على الصبر |
رد: ديوان الشاعر فلاح المورقي
يا فكري اسبح في فضاك الرحب وابحث عن خبر ..
لو تقضي الاربع ليالي من مدار إليا مدار أبعد مداك ومد عزمك والصبر ثم الصبر .. والصعب هين واختبار النفس طول الانتظار والعبرة أقسى علم فالدنيا وياكثر العبر .. في عين من شاف النهار الليل والليل النهار تجذبني الاقدار و وجيه المتاهات الغبر .. وأرفع مقامي كل ما راجعت نفسي باختصار واستوعب دروس الزمان وكن صدري مختبر .. وآمالي أوسع من بحور الشعر واحلامي كبار كم لي سنة وأنا اطوي دروب التعب باع وشبر .. بـ اسمي فلاح المورقي ماهوب بأسمٍ مستعار نفسي تطاوعني على العزة رضى وإلا جبر .. حتى و لو لحّت بأوامرها علي الاختيار ماهوب شرط ادخل مع ابواب التجارب عن كبر .. كم من فتىً جاوز بتجربته طويلين العمار وإن كان ساقتني مساراتي لسرداب الكبر .. أتذكر إني من عباد الله و القى لي مسار الآدمي لو ملبسه سندس ومسكانه تبر .. لا صار شخصه وعْمله ما وقره ما له وقار والعمر فلكٍ يتبع شراعه ومرساه القبر .. وألد ساعاته ليا ناجيت ربي بانكسار سجادتي صفحة من الاسرار ودموعي حبر .. وأشد خوفي من مكانٍ لا مجير ولا مجار أعتى طواغيت الآودام يجزعه وخز الأبر .. وش عاد من ظلمة سعير ما لغبتها قرار |
رد: ديوان الشاعر فلاح المورقي
يوم غاب النور واحتل السماهاك الظبابي
..........ويوم لاح البرق ثم ون الرعد ونه عظيمه والزمن غصن شجره لو ينكسر صقره غرابي ..........انكسر هالغصن وجاب اللي يجيب من الظليمه والجبال السود صارن بيض شيبن بالشبابي ..........والسما من عقب غاب النور قد صارت عتيمه والقمر لم النجوم وراح من كثر العتابي ..........والنفل والورد مات وراح من صبره وظيمه نور وين النور قال النور انا قفلت بابي ..........مات مدري راح مدري طار مع هب النسيمه شفت هاك النور والا اتخيله مثل السرابي ..........مير غاب النور ثم هل المطر من وسط غيمه آه وين النور وش له غاب هالوجه الرحابي ..........الله اللي كاتبن موته عسى يومه نعيمه هل دمعي يوم شفته يندفن تحت الترابي ..........من بعد دفنته هل الغيم باغزاره وديمه مر خمس سنين مير اتذكره اواعذابي ..........لو نسيت النور لا مالي مكان ولا حشيمه ابتدي صفحه جديده وافتح باول كتابي ..........للعظيم النصر واحنا مالنا غير الهزيمه |
رد: ديوان الشاعر فلاح المورقي
بـأسم ربي ابتدينا بالكتابه
..........الله اللي خالق(ن) كل العبادي كلنا نعبده نخشيه ونهابه ..........ربي اللي خالق(ن) حظر وبوادي ارفع ايدي واشتكيلك يا الهي ..........تهدي العربان وانته خير هادي الردى يزداد من عام(ن) لعامي ..........وكل صاحي كنه بحلم الرقادي بعضنا يشوف الغلط لكن يسكت ..........من فعول الناس قد زاد الفسادي كل من يسكت فهو شيطان (ن) اخرس ..........شاف درب (ن) ابيض وزاده سوادي علموني يا عرب وين الذيابه ..........علموني وينكم ياهل المبادي المعزه عندنا صارت مذله ..........اكثروا منهم يكبرون الوسادي الثعل يزداد وكلن ما درابه ..........والذيابه مالقت ذيب(ن) سنادي الردي ما يمشي الا بخيزرانه ..........بالعصا يمشي وبالظربه يقادي يقطع الله كل من زاد البلاوي ..........يالله انك تقطعه يا خير هادي كل شر ايزيد والخيرات تنقص ..........اولتها نار واخرها رمادي ياسلامي للرجاجيل الكرامي ..........الحرار اللي مخالبهم حدادي خاتمتها هالعمر يا ناس فاني ..........اولتها نار واخرها رمادي |
رد: ديوان الشاعر فلاح المورقي
سر يا قلم واكتب من الشعر ما طاب
ابيات جزله مع معاني جميله انا عطاوي(ن) ولا ني بكذاب اصلي من عتيبه وعلومي جزيله خوالي الثبتان من طيب الاعراب اهل الكرم والجود واهل الفضيله والمرجله الها تعاريف واداب والها تفاصيل ودروس طويله بعض الرجال اصقور والبعض اغراب وفيهم من اللي طايح(ن)بالرذيله يا صاحبي بالنصح ماني بطلاب والا الردي يا صاحبي لا تجيله ونصيحتي من بعدها اسباب واسباب حتى تخلي كل دروب الضليله |
رد: ديوان الشاعر فلاح المورقي
يا وصل حالي غدت يا وصل مقهوره
..........شبت بقلبي وزادت من حرارتها نار الفراق احصلت فالسمع والصوره ..........من بعد هاك الغلا فالغاز زادتها يا وصل غيباتها بالقلب محفوره ..........بيبان عقد الصلوح اليوم سدتها من عقب ذيك المحبه عينها عوره ..........راحت لدربن يزود من خرابتها من يوم ما شفتها يا وصل مستوره ..........واليوم صارت تضيق في عبايتها من بعد كانت ربيع(ن) يشمل ازهوره ..........مات الزهر عقب ما سوت سويتها يا حلوها يا وصل لا جتك بلوره ..........واليوم راح الحلى وزادت مرارتها قالت بروح اشقحت قلبي اكسرت سوره ..........وقالت مع الخيل يا شقرا وسوتها كلمه بروح اضربتني ضرب باكوره ..........راحت ولا ثبتت يا وصل حجتها بنت تلاعب بقلبي لعبه الكوره ..........من بعد ما هي احفظتها جت وشاتتها جرحي كبر كن دم القلب نافوره ..........النفس اماره(ن) بالسو وحدتها ان كان لك حل فانته مجلس الشورا ..........عطني حلولك وعطني كيف وصفتها وختامها شاب قافي وجفت اسطوره ..........عطني حلولك وعطني كيف وصفتها |
رد: ديوان الشاعر فلاح المورقي
تعال نروح للصحرا تعال نروح للبران
..........تعال نروح يم البحر يم البر في ليله تعالي يا خريطه عمري ويا ملسه الخدان ..........تعالي يالسحاب اللي يهل ويسبقه سيله الا يا ناعس الطرف الحلو يالكنز يالمرجان ..........والا يالطيب يالزين المزين في تعاليليه بعد ما شفت عينك يالحلا اصبحت انا ولهان ..........وكل من شاف عينك قد نسى شكله وتشكيله الا وين الرجال الطيبه شبابه النيران ..........نبا ذيك الدلال الصفر وزيدوا حبه وهيله انا قلبي دلال مبهره للترف للفتان ..........انا قلبي دلال مبهره وانتي فناجيله وانا قلبي قريبك لو حصل وقت القسى او بان ..........والا ضاقت بك الدنيا تجينه ثم تشكيله الا يالفارسه ياللي نطحتي اشرس الفرسان ..........انا قلبي كما حصان(ن) اصيل(ن) في تفاصيله والا يالفارسه قلبي لك انتي ساحه الميدان ..........ومن ياتي لهاالساحه تجيه تقول ياويله وتعال نروح للصحرا تعال نروح للبران ..........تعال نروح يم البحر يم البر في ليله |
رد: ديوان الشاعر فلاح المورقي
حياه الذل ما اقبل بها من اقرب الاحباب
حياه الذل ما اقبل بها من قاصي وداني الا يا كيف تكرهني بدون اخطا بدون اسباب انا ما اكره بدون اسباب لا جني ولا انساني ومن بعد المحبه ما حسبت لهالسواة حساب حسبت انك بعد هالحب انت اللي تمناني انا حبي جهام الليل مظلم قافل الابواب انا حبي طعني بعد ما اتعبني واشقاني انا حبي كما نار(ن) تشب وزادها الحطاب انا حبي كما قيض(ن) يخلي الرجل ظمياني انا حبي كما برد وثلوج وعاصفه واعجاب تجمد داخل قليبي توفى بين ظلعاني ترا هالحب حب(ن) يا حبيبي ما هو بالعاب توقع منه واحرص يا حبيبي لا تحداني انا باقولها يا صويحبي طاروق حبك شاب ترا هذي نهاية حبنا والكل فرحاني |
رد: ديوان الشاعر فلاح المورقي
يالله ياللي خالق(ن) كل رجال
..........يا مصحي الراقد بحزه منامه وياخالق(ن) فالناس عمن معا خال ..........ويا خالق(ن) ارض الحجاز وتهامه ونصيحتي انصح بها كل الابطال ..........ومن لا يحب النصح فيه الرخامه اعرف صديقي يوم عسرات الاحوال ..........القى ردى والقى كرم مع شهامه ومن باعني ماهو يساوي له ريال ..........بعته وانا ما اشري رجال الرخامه وخلك كريم(ن) واسكب البن بدلال ..........حنا البدو تعريفنا بالكرامه ولا تسمع النمام والقيل والقال ..........ابعد ولن تقربه جتك الندامه والاجودي نعرفه ونظرب به امثال ..........لامن زهمته جا بسلاح وحزامه ويا مرحبا ترحيبه السيل لا سال ..........لا رحبوا به من يبون الخزامى ترحيبه(ن) تثنى على كل رجال ..........تثنى على اهل الجود واهل الشهامه نعرف من الصايب ونعرف من الضال ..........مثل الحديد اليا تفكك لحامه واعرف خويي لا غدا مثل الانذال ..........واعرف خويي صقر والا نعامه هذا العمر درس وتجارب مع افعال ..........وهذا العمر نوره ترا هو ظلامه ونصيحتي انصح بها كل الابطال ..........ومن لايحب النصح فيه الرخامه |
رد: ديوان الشاعر فلاح المورقي
على صوت الطيور اللي تنوح بعالي الاشجار
..........وعلى تصفيق جنحان الحمام اليا سمع حسا وعلى حزه ربيع (ن) يحي الاعشاب بالامطار ..........وعلى وبل السحاب اللي زحف ثم بانت الشمسا وعلى شوف الغزال اللي بقى في داخلي تذكار ..........غزال(ن) قال انا عندك وديعه مير لاتنسى غزالي يا غزالي بحرسك من جمله الاشرار ..........غزالي يا غزالي مدري انتي جن او انسا غزالي انتي اغلى من الذهب والولو والمحار ..........غزالي يا حلى عقد الذهب بيدينك الملسا غزالي اذكري اني بجي لو صار مهما صار ..........غزالي اذكري اني بجي لعيونك النعسا غزالي الوعد قدام اشوفك داخل الابحار ..........اشوفك عند شط البحر هناك الوعد والمرسا غزال(ن) نورت قلبي وزادت دنيتي انوار ..........غزال نورها نور القمر والنجم والشمسا غزال(ن) قد سترها ربي بستره وهو ستار ..........غزال(ن) مالها صياد ومحدن مسها مسا وعلى صوت الطيور اللي تنوح بعالي الاشجار ..........وعلى تصفيق جنحان الحمام اليا سمع حسا وعلى شوف الغزال اللي بقلبي قد بقى تذكار ..........غزال(ن) قال انا عندك وديعه مير لا تنسى |
رد: ديوان الشاعر فلاح المورقي
صوره وبقت في داخلي هالصوره
صوره هواي وصورتن للغالي اشوتها بالقلب مثل الكوره يشوتها ضلعي لضلع(ن) تالي هي جيش وقلبي معسكر ومعموره هي بن وقلبي صار كالفنجالي هي ما وقلبي صار كالنافوره هي حبي الاول وهيه التالي صغيرتن مزيونتن امووووره هي بيت شعري لا وهي موالي الحب عندي كلمتن محظوره وش صار مدري وش حصل في حالي قالت وش بتكتب من الشعووره هي هرجها دايم ترا يحلالي قالت دلع للشعر هو شعووره قالت ابيك تجيب عن اقوالي شاعر يعبر حبه بأسطوووره الله وهبني موهبه تحلالي صوره ولكن اصبحت مكسوره هاجرتها ثم زودت غربالي والله يعوظني بدلها صوره وانا اشهد انك يالهوى قتالي |
رد: ديوان الشاعر فلاح المورقي
تـّم ..
أتمـــنىْ يحوزّ ع رضضّآكممم ! |
رد: ديوان الشاعر فلاح المورقي
أتمنــــى لكـِ من القلب .. إبداعـــاً يصل بكـِ إلى النجـــوم ..
سطرت لنا أجمل معاني الحب بتلك الردود الشيقة التي تأخذنا إلى أعماق البحار دون خوف بل بلذة غريبة ورائعة دمتي لنا ودام قلمك |
رد: ديوان الشاعر فلاح المورقي
رائع مانثرتي هنــآآ من بوح ,, لايَسعُني آلآ قول " سِلمتِ لنآ ودآإأم نبضك " يَ رآئعهـ ،‘ |
| الساعة الآن توقيت السعودية الرياض و الدمام و القصيم و جدة 03:27 AM. |
Powered by vBulletin® Copyright ©2000 - 2025,
vBulletin Optimisation provided by
vB Optimise (Pro) -
vBulletin Mods & Addons Copyright © 2025 DragonByte Technologies Ltd.