|
بدك مساعدة لمشكلة زوجية... تفضلي
حبيباتي الغاليات
الكلمة الطيبة صدقة انا حاسة كيف في بنات كتير عندهن مشاكل زوجية والله انو شي بيقطع القلب لما الوحدة فينا تحس انو زوجة لا تجد السعادة في حياتها متل ما كانت بدها مستعدة اساعد اي وحدة بدها راي او حل باي شي وبضل بنتكن الصغيرة اللي ما لها غنى عنكن وانا فيكن وبمساعدتكن اكون اسعد ما يمكن بالاضافة لمشورة جميع عضوات المنتدى بلا استثناء واي وحدة انا بحترم رايها وبرحب بيها من كل قلبي وبتمنى السعادة الكن كلكن |
رد: بدك مساعدة لمشكلة زوجية... تفضلي
الله يديم الوفق بين الازواج
ويخلي كل زوج لزوجته |
رد: بدك مساعدة لمشكلة زوجية... تفضلي
موضوع مميز وفيه مجال للدردشة بين المتزوجات وعرض المشاكل والحلول.جزاكي الله كل خير .
|
رد: بدك مساعدة لمشكلة زوجية... تفضلي
حبيبتي زهرة
يسلمو لمرورك القيم والله لا يحرمني من طلتك |
رد: بدك مساعدة لمشكلة زوجية... تفضلي
حلووووو كتير
يا ام الافكار انتي انشالله الله يسعد كل زوجة يارب وكل خاطبة وكل بنت على وش الجواز |
رد: بدك مساعدة لمشكلة زوجية... تفضلي
الله يسمع منك ويطعمك زوج خاتم في اصابعك العشرة يا ست روجينا
|
رد: بدك مساعدة لمشكلة زوجية... تفضلي
سلام ,, كيف الحال جميعا
انا جديده بهالمنتدى الحلو عندي مشكله والاكيد عند الكثير ماهي مشكله انما العكس انا متزوجه من اكثر من سنه وعلاقتي مع زوجي طيبه كثير ومتحابين وايد - مع العلم ان معرفتي بزوجي كانت قبل الخطوبه - وعلاقتنا الجنسيه قويه .. هالشي متعبني .. يعني فجر وقبل الظهر وبعد الظهر والعشاء وقبل النووم !! انا حاولت ابعده شوي لكن يرجع اقوى من ذي قبل اتظاهر بالتعب لكن لين متى .. يقول انه دوم مشتااقلي و و انا مابحس ملل من هالشي باللعكس كثير نغير من الحركات والاماكن و و انا ماعرفت شو اسوي .. ياترا هي مشكله او شي عاادي مع العلم انه مو مقصر بالرومانسيه والحب والمداعبه ~~ ابي اسمع اراءكن ,, وشكرا |
رد: بدك مساعدة لمشكلة زوجية... تفضلي
اختي دروب العاطفة
اهلا وسهلا بكي بالمنتدى منورة هلأ يا اختي العزيزة يعني هاد الموضوع لا يعتبر مشكلة بحد ذاته والمهم انو انتي و زوجك حابين هاد الوضع وما بدايق حدا منكم لكن انا احكم قاعدة حلوة بجميع امور الحياة ، وهي: خير الامور الوسط ويفضل ان يتم الجماع حسب اقوال الكثيرين كل 3 ايام مرة او بالكثير مرتين وهذا حتى لا يشعر اي من الطرفين بالتعب الجسمي او ماشابه وانا عندي قناعة بأنو الشيء اذا زاد عن حده انقلب ضده بدك رايي: حاولو خففو كتير من عدد مرات الجماع لانو الجميل بالحياة الزوجية التجديد، وإشتياق كل طرف للاخر يعني اذا كل يوم 3 مرات صدقيني مش حتشتاقو لبعضكم حتى لو بكل يوم عملتو حركات جديدة آخرتها حتنفذ الافكار وتملو بسرعة ليش ما تخزنو هذه الافكار لمرات تكون متباعدة بالوقت انا حاسة بيكي انك ما بدك ترفضي حتى لا يغضب الله عليكي لانك رافضة من دون سبب لكن لو حكتيلو انك متعبة و ظهرك بوجعك متلا فلازم ياخد هالكلام بمحمل الجد وما يقدم رغباته و استمتاعه على صحتك مطلوب منك تجلسي معه جلسة حوار هادئ و حلو حتى تفهميه وجهة نظرك قولي له انك ما بتحبي ترفضي له اي شي لكن برضو بتحبي تحسي انو داير باله عليكي وعلى صحتك حتى تستمتعو انتو التنين سوا مش يستمتع على حسابك و صحتك حاولي فهميه بالعقل و انشالله بيسمعلك وانتي قولي له انو ما تكثروا من عدد مرات الجماع حتى تشتاقو لبعض اكتر و تحضريله مفاجآة اكتر لانو هيك ما بيسمحلك تبتكري أشيا حلوة لليلة رومانسية احلى انا جاوبتك من وجهة نظري المعقولة انشالله اكون افدتك |
رد: بدك مساعدة لمشكلة زوجية... تفضلي
ان شاء الله اختي
مشكوره كثير |
رد: بدك مساعدة لمشكلة زوجية... تفضلي
اسمعيني جيدا يا عزيزتي الغالية وطبعا كلامي نقلا عن مصدر طبي بحت وموثوق
اي رجل هذا الذي يستطيع بيوم واحد ان يجامع مرتو 5 مرات باليوم؟؟ لا يوجد هكذا رجل خصوصا صارلكم اكثر من سنه متزوجين؟؟؟ يعني لو بشهر العسل ممكن يكون نعم في احتمالية لكن معلوم ان الرجل ينهك تماما بعد عملية جنسية قوية وكاملة ولا يستطيع بعدها ان يمارس الا بعد كم ساعة ومعروف ان الرجل يصل لمرحلة يشبع فيها ومستحيل ان يكون هكذا في كل يوم!!!! لكن الرجال الذي يمارسون الجنس لحد 4 مرات باليوم هم الرجال الذين لديهم: كثرة الاختلاط بالنساء بمكان العمل او السوق او الشارع خصوصا ان كن متبرجات كثرة التفرج على المشاهد الجنسية المحرمة او الافلام التي تثير الغريزة العزوف عن الزواج لفترة طويلة الكبت الذي يتعرض له الرجل او المراة في فترة المراهقة اخذ المنشطات الجنسية والتي تعمل على تنبيه الجهاز العصبي باستمرار عند الرجل وغالبا ما تؤدي للضعف الجنسي بعد التوقف عن استعمالها ومنالمعروف ان الرجل في بداية زواجه يكون مقبلا على الممارسة قد تصل الى 4 مرات باليوم ولكنها بعد السنة الاولى تقل لتصبح بمعدل 3 مرات بالاسبوع وينصح ان يكون الحد الفاصل بين الجماعين 10 ساعات لانها المدة الكافية للرجل ليستجمع قوته وطاقته التي يستهلكها اثناء العملية الجنسية بعكس المراة التي تكون قابليتها لممارسة الجنس دائمة اثناء ساعات اليوم الواحد وللعلم فان بعض الرجال يمارسون الجنس بافراط لدرجة نزول الدم بدل المني وهذا ضار جدا للصحة العامة للرجل وسيؤدي الافراط بالممارسة الى ضعف جنسي لاحقا بسبب انهاك النهايات العصبية الموجودة في عضو الرجل مبكرا وضعف بدني وشرود الذهن وفتور في العلاقة بعد حين |
رد: بدك مساعدة لمشكلة زوجية... تفضلي
طبعا هاي مشكلة !!!!
لان بعد فترة ح يمل ويزهق ويصيبه برود ناحيتك وما عاد تجذبينه ليكي ابد هل زوجك بتعاطى منشطات شي؟؟؟ مستحيل رجل يقدر يجامع في اليوم 5 مرات وكل يوم هيك؟؟؟؟ كلنا متزوجات وعارفين البير وغطاه متل ما بيقولو الرجل بيرمي حالو بعد المرة التالتة وبعدها بغيبها اكم من يوم لحد ما يرجع يشتاق!!!!! لا والكم اكتر من سنة ؟؟ لو بشهر العسل بنقول ممكن انا شايفة انو ها الشي مستحيل الا اذا فيها منشطات او اثارة تحدث لزوجك عندما يرى النساء في العمل او الشارع فبيجيكي مشتاق انو يفرغ اثارتو معاك انا مع راي حلا |
رد: بدك مساعدة لمشكلة زوجية... تفضلي
مشكوره حيل والله
رح احاول افهمه واستفسر منه الليله وان شاء الله اخبركم النتائج مشكورين والله |
رد: بدك مساعدة لمشكلة زوجية... تفضلي
ان شاء الله
صراحه قلقتووني حيل انا ماكنت معطيه هالسالفه زي كذاا تكبير متوتره حيل شكرا جميعا |
رد: بدك مساعدة لمشكلة زوجية... تفضلي
لا تخافي يا دروب العاطفة
احنا بنحكي مجرد حكي وفرضيات ما قصدنا انك تشكي بزوجك او تتدايقي منه لكن بتقدري تسالي زوجك بس من تحت لتحت من دون ما يحس انك بتشكي لان بالنهاية احتمال زوجك يطلع حالة من بين الاف الرجال ويكون يقدر يمارس ها العملية احسن من باقي الرجال لذلك لا تتوتري يا عمري |
رد: بدك مساعدة لمشكلة زوجية... تفضلي
مشكوره سالي كتير ع تفهمك
تعقدت السالفه ,, بعد مارجع قعدت معه قعده محترمه وبكل لطف وحب و و بعد ماضمنت صفاء ذهنه قلتله انا بسمع وبشوف من البشر بشكل عام ان الازواج مايسوو مثلنا برأيك هالشي طبيعي ؟ قال خليكي من البشر وكوني معي وانسي باقيها رجعت قلتله انت تاخذ حبوب ومنشطات وهالسوالف ؟ قال ابدا ليه تقولي هالكلام قلتله بس اشوف احنا غير الازوااج والبشر رجع يجامل ويغازل وينسيني الموضوع وانا رجعت هالموضوع مره تانيه ابي افهم ايش معنى يعني شلون ابيه يفهمني قال انتي حلالي وانا حلالك فيها شي ؟ _ ياشيخات عصب _ قال شو هالكلام انسي الموضوع اذا انتي ماتبغين قولي مابي وانتهت السالفه !! رجعت ارضيه شوي بس قام من عندي راح الحمام وانا ع المطبخ رجعت ادور عليه لقيته ماحدا !!! ترك نوته كاتب فيها انا رايح عند اهلي لاتنتظرين لو تبين شي ارسلي مسج تصبحي ع خير وبسسسسسسس ادق عليه مايرد !!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!! !!!!!!!! !!!!!!!!!!!!!!!!!!!!!!!!!!!!!! !!!!! !!!!!!!!!!!!!!! |
رد: بدك مساعدة لمشكلة زوجية... تفضلي
أهئ أهئ مسجلته ابي اتفاهم معك رد
مسجلي ع شو اصلا ! نامي بلاش سهر تصبحي ع خير قعدت امسجله بالنهايه مسجلي ابي اكون لحالي نامي وخلي بكره لبكره تصبحي ع خير... والحل !! وش اسوي الحين انا ماعندي خبره كبيره انا لسه تزوجت وعمري 16 وحاليا 17 مع العلم اهو يكبرني ب10 سنوات انصحوني بشي اهئ |
رد: بدك مساعدة لمشكلة زوجية... تفضلي
عزيزتي الغالية دروب العاطفة
بدي ادلك بشي عن الرجال:انهم ما بتواجهوا مباشرة بالشي الي بدك تحكيلهم اياه يعني الله يسامحك حبيبتي بس معلش لانك زغيرونة وبعدك قدامك كتير لتتعميالتعامل مع زوجك والحياة متل ما فيها حب اكيد فيها زعل وهدا شي عادي بل طبيعي يكون في مشاكل زوجية وهاد شي صحي بس المو صحي كيفية تعاملك مع المشكلة نفسها يعني المفروض انك ما تحكي مباشرة معه هيك تعال بدي اتفاهم معك عشي لان الرجل راح يحس انو داخل تحقيق واستجواب وبالتالي راح يتصرف متل زوجك ويعصب ويصرخ ويهرب لبيت اهله بس برضه عادي انتو لسة صغار وبعدكم عم تتعلو كيف تتعاملو مع بعض معلش حبيبتي بعدين بس حكينالك الموضوع طرحنا بشكل عام وانتي بينك وبين نفسك شوفي شو ينطبق عليه وممكن ما ينطبق عليه الكلام ويكون السبب عادي المفروض انك تفكري بذكاء وهدوء ولا تتسرعي باي كلام مع زوجك وتلفي ودوري بالموضوع معه يعني كان بامكانك وقت رواق دردشي معه وتساليه عن دوامه ما تقوليلو بدي اتفاهم معاك انسيه هدا الاسلوب غلط حبيبتي وبعدين شفتي زوجك عصب خلص غيري الموضوع واحكيلو مادامك تدايقت خلاص انس هالموضوع وخلينا نحكي يشي تاني يبسطنا هلا المهم ما دام انو زعل اتركيه شوي ولا تضل تبعثيلو مسجات لان هوا بدو وقت لحالو وبعدين بروق وبرجعلك وكانو ما في شي اذا رجعلك راضي وبدو يقرب منك قابليه بخب وبوسيه وكانو مافي شي ولا ترجعي تفتحي الموضوع اوكيي؟؟؟؟؟؟؟ اذا رجع معصب وبدو يحسسك انو زعلان منك قابليه عادي مبتسمة وقربي منو وقوليلو شو حبيبي خلينا ننسى الزعل لان ماصار شي يكدر حياتنا وخليني اعملك فنجان قهوة اللي بدك اياه واقعد معك ازا قالك ماشي كان بها وازا قلك لا روحي ومابدي لا تهتمي واتركي لحالو 5 دقايق وبعدين تحايلي عليه لتاخديه غرفتكم وادلعيلو شوي لان زوجك شكلو من النوعية الي ترضى بسرعة ان شالله خصوصا بالغنج والدلع بس قوليلو انكم متى ما تزاعلتو ما يتركك ويروح لاهله يضل عندك بالبيت بس يقعد بغرفة لحالو او يشوف التلفزيون بس يبعد لكن داخل البيت احسن حبيبتي هيك يتعود وتعودو انو لاالزعل مايطول بينكم اكتر من يومين لان هيك بتتعودو على البعد عن بعضكم ومش كويس شغلة تانية زوجك اتركيه يمارس العملية على راحتو بس انتي اذا تعبتي قوليلو يعذرك وهو ح يتفهم والله يوفقك حبيبتي لسة الطريق طويل |
رد: بدك مساعدة لمشكلة زوجية... تفضلي
مشكوره كثير اختي ححلا الاردن
انحل الموضوع الحمدلله قلي لاتساليني عن السبب او اي شي بس شوفي نفسك بالمرايه قال انا رجال واشتهيك لو اشوفك بهالبس و و ظل يفهمني وانا فهمته وبدل ما انا ارضيه وابعد الزعل صار هو يرضيني .. مشكورين كتير جميعا ع الاراء الحلوه اشكر هالمنتدى الرائع يوفر لجميع الطبقات والحالات الاجتماعيه مقصدها يعطيكم العافيه استمروو الى الامام تحياتي لكم .. |
رد: بدك مساعدة لمشكلة زوجية... تفضلي
اسعد بكن جميعا يا غاليات
|
رد: بدك مساعدة لمشكلة زوجية... تفضلي
السلام عليكم
كيفكم صبابا؟انا واقعه مشكلة كبيرة كتير كتير ويائسة ومحتارة ومش عارفه شو اعمل انا متزوجه صارلي سنه ونص عايشه ببيت مستقل جنب بيت زوجي والحمدلله لم نرزق بالاطفال لاني عندي تكيش مبايض قدر يشخصه الدكتور بعد سنه زواج اهل زوجي متعلقين فيه كتير هو الكبير وخواته متعلقين فيه كتير بحبوه ودايما بحسسوني كاني اخدتة منهم بالتلميح بدون ما يتدخلو بحياتنا ودايما بس يشوفوه اهلا وبعانقوه مع انهم كل يوم بشوفوه بس كانهم خايفين يروح منهم ابوه موجود الله يطول بعمرو وبيشتغل ووضعو ممتاز بس بحس اهلو دايما طمعانين بزوجي ومعودينه يضل يعطيهم ويصرف علي اخواته ويعلمهم مع انه ابوهم بكون موجود وبيطلبو من زوجي ولا لما نطلع مشوار مع بعض كل شي ع زوجي ودايما بيلمحوه قدامو انه ابوه كان يبر ابو ويعلم اخوته و...... هم ما بيدخلو فينا بشكل مباشر بس عند امو اساليب غيريبه لتتمسك فيه انا نفسيتي كتير تعبانه لعده اسباب منها اني ما عم لاقي وظيفه ولا في بيبي والحمدلله على كل شي بحس زوجي كل حياتي ومن حقي اعرف كل شي عنو بس هو كتوم وما بيقلي شي كانت علاقتي ببيت حماي منيحه بس بيوم قبل كم شهر طلعنا مشوار بعيد انا واياه ولما عرفت امو وخواته صارو يقولوه ليه ما اخدتنا وابصر شو.....كتير انئهرت لانه ما بدي يحس انه ازا اخدت مرتو مشوار لحالهم ما بيصير وصار بدو ياخدهم مشوار تاني بعيد كان المشوار بخصصوص شي بشهادتي ما عجبني وما رضيت طبعا هو ما اخد رأئي وقلهم قدامي بدون ما اعرف ولما اجا موعد الطلعه ما رضيت قلتو ما بدي وما رحنا وزوجي انقلب ضدي ما بعرف ليش عندت هيك بس من تصرفاتهم ولما عرفو زعلو كتير حكيت معهم وراضيتهم وبعدين رجعنا تمام طبعا كل وحده الا ما يصير مشاكل بينها وبين زوجها واحيانا مش بايديها بتحكي كلام عن اهلو وهيك شي.حسيت زوجي بعيد عني وانا مدايئه ومخنوئه من وضعي بالبيت بعتلو رساله عالنت وقلتلو عن مشاعري تجاهو واني بحسو بيهمل هم كلام اهلو لما بدو يعملي اي شي وقلتو انه كل حياتي وقربني منك..عصب كتير وقلي راح اتزوج عليكي ومش طايئك وطردني من البيت بس ما طلعت وبعد كم يوم قلتلو ليش هيك صار يقلي عشان مشاكل الانجاب وبعدين حكيت لاهلو انه مستعجل وانه طردني من البيت لانهم متدينين وبيعرفو بهيك امور ولحتى ما يضلو محسسيني انه ابنهم ملاك وحاسدينيه عليه ولما حكو مع زوجو ونصحو وقالوله زعلنا منك راح زوجي قلهم كلشي بيصير بيني وبينه وقلهم كل الكلام الي بحكيه عنهم من اول ما تزوجنا لهلا كلام ما بينحكى بيقلي خليهم يعرفوكي ع حقيقتك ويكرهوكي ما بتستاهلي يحبوكي اصلا وفعلا شفتهم من يومين وقالولي احنا شو عاملينلك وبشو بندخل فيكي واحنا مش محتاجين ابنا وضعنا منيح وليش بتقسيه علينا وليش دايما مشاكل وكل حياتكو نكد وحسيت كانه زوجي فعلا بدو يتركني مع اني والله مدللته والله بعملو كلشي بحبو بس هو تفكيرو عني اختلف ولما |
رد: بدك مساعدة لمشكلة زوجية... تفضلي
الله يعطيكي العافية حلا
الله يسعدك كل النتزوجات والي بدهم يتزوجوا |
رد: بدك مساعدة لمشكلة زوجية... تفضلي
السلام عليكم
مرحبا صبايا.عندي مشكله معقدة وحايه بيأس وحيرة ونفسي اموت انا متزوجه من سنه ونص تقريبا وساكنه ببيت مستقل جنب بيت اهل زوجي. اهل زوجي مناح وما بيتدخلو فيني بس متعلقين بزوجي بشكل غريب بالاخص خواته لما يشوفوه بعانقوه مع انهم صبايا وبشوفو كل يوم غير انهم دايما بقولو اخونا كامل وما في متلو وحاسديني عليه وبحاولو يشاركوني فيه بكل شي وامو عندها اساليب غريبه لتحسس ابنها انه ما يبعد عنها بلمرة مع انه ما بيقصر معهم بلمرة ومعودينه يضل يصرف عليهم ويعلم خواته مع انه ابوة موجود ووضعو ممتاز بس بحسهم طمعانين فيه خاصه امو ولما نطلع اي مشوار مع بعض كل شي من زوجي حتى عن خواته المتزوجات عيشنا مع بعض ايام حلوة كتير وطبعا كانت مشاكلنا كتيرة بس عادي ما بحسها هالشي الفظيع هو من النوع المستفز وانا حساسه وما بتحمل مزحو التقيل خاصه قدام اهلو وبعصب وكتير صارت مشاكل بينا وكان يستفزني ويطرني احكي عن اهلو وانا هدول الشهرين حاسه نفسيتي تعبانه لعده اسباب منها ما عم لاقي وظيفه وعندي تكيس مبايض والحمدلله لهلا ما جبنا بيبي حاسه باكتئاب فظيع وزوجي مضغوط وصار بعيد عني وبيطلع وما بخبرني بس انا حياتي بالبيت ما فيها غير زوجي ولما احسو بعيد عني بتعرفو الاحساس طبعا اي تنين بيصير بينهم مشاكل بس زوجي كل ما يصير بينا مشكله بيصير يقلي انتي نكده ودايما بتحبي النكد وكل حياتي معاكي نكد وما عشنا كم يوم حلو مع بعض وطبعا مو صح هالكلام بس هو مقنع حالو فيه وصارت مشاكل بينا وكنت احكي كلام عن اهلو وعن امو وانو ما بيعجبني كل هالمصاريف ع اهلو مو معجبني اه مزبوط لانه هو منقص عني شغلات كتير وعند اهلو بيصير معوو وقبل كم يوم بعتلو رساله كاتبه فيها عن مشاعري تجاهو وانه حياتي ومالي غيرو وحابه تقربني منك وكتبتلو بحسك بتهمل هم كلام اهلك كل ما بدك تعملي شي هو شخصيتو قويه بعرف هالشي بس اهلو كل ما نطلع طلعه بيصير يحكولو ليش ما اخدتنا وخاصه امو مع انه لساتنا عرسان ودايما بحسو ما بحب يطلع مع اهلي مشاوير لهيك حكيت هالكلمه لانه اهلو محسسينوه كانه ملك الهم ولازم يعمللهم وانه لازم يطلعم مشاوير ويشممهم الهوا ولما يعزمونا اهلي ع طلعه اغلب الاوقات بيتجج لهيك قلتله بتهمل هم اهلك كانك ملك الهم وبس وطبعا عصب كتير وقلي مش طايقئ وبدي اتزوج عليكي وطردني من البيت بس ما طلعت استنينته ولما قلتله ليش شو في صار يقلي عشان بدي ولد ومن هالحكي وتصالحنا وهو بعيد بنفس الحكي مع انه مصالحني بيقلي بدي اتزوج وتاني يوم شفت اهلو وابو لزوجي شخص محترم ومتدين وبيحل مشاكل الناس قلتله ابنك طردني من البيت وكان بدو يطلقني عشان ال بدو ولد والدكتور كلامه بيطمن طبعا والله ما قصدي اشكيه بس بدي يحكي معاه ويقلو اصبر وتوكل ع الله بس ولما حكى مع زوجي وكان ابوه زعلان منو زوجي عصب وقلو لا مش عشان الخلفه وانه انا نكده ومش طايقني واني بضل احكي ع اهلو كلام مش منيح وحاكيلهم لامه وابوه عن كل الكلام الي حكيته عنهم حتى اني ما بيعجبني يعلم اختو ومفهمهم انه عاملي اشياء كتير وانا ما بشكر ولا بقدر وتاني يوم طلعت عند بيت حماي قلي ابو كل هالحكي وقلي احنا مش بحاجتو وانه انتي قابله انه بيهمل همنا ومحكوم قلتلو اه قلت عشان ما بيرضى يطلع مع اهلي والمهم ما خلا شي الا وحكالهم اياه ولما قلتلو شو هالحكي قلي خليهم يعرفوكي ع حقيقتك ويكرهوكي ما بتستاهلي يحبوكي ولا بدك يكرهوني انا طالعه تشكيلهم عني وصارو يقولولي كمان انه انتي دايما منكده عليه ودايما مكشر وهالحكي مش صح وانا بطلت قادرة اتصر لا مع زوجي ولا قادرة اشوف وجهم مو عارفه شو اعمل |
رد: بدك مساعدة لمشكلة زوجية... تفضلي
ساعدوني شو اعمل مع اهل زوجي الي صاروي يكرهوني من كلام زوجي
|
رد: بدك مساعدة لمشكلة زوجية... تفضلي
مرحبا صبايا انا عندي سؤال كتير بدور براسي وحابة اعرف جوابو من متزوجات جدد والصراحة هالسؤال ما سالتو لامي لاني بعرف ما رح ترد علي وانا ما بدي اسال حدا ما بيعرف وبيقولي شي غلط لا سمح الله بس الصراااااااااااحة خجلاااااااااااااااااانة احكي شو اعمل ريحوني؟؟ |
رد: بدك مساعدة لمشكلة زوجية... تفضلي
لا حول ولا قوة الا بالله
يا حبيبتي يا nice rose اصبري اصبري اصبري حابة احكيلك نصيحة صغيرة: اهله ما تجيبي سيرتهم بالمرة قدامه واذا بدك تجيبي سيرتهم : احكي عنهم بالمنيح ما تحكي عنهم بالعاطل ابدا حتى لو هم عاطلين لكن شغلة انو يطردك من البيت و ينجن بالهطريقة الجنونية الصبيانية انصحك ان لا تسكتي عن الي عمله فيكي وصلي الموضوع لأهلك وساعتها يمكن يتصرفوا بطريقة توقفو عند حدو هلأ انتي ما عدتي قادرة انك تتصرفي معاه الان وصلي الموضوع لأهلك قلبي معاكي والله |
رد: بدك مساعدة لمشكلة زوجية... تفضلي
يا مراحب رنوش
تفضلي شو هالسؤال الخطير الي عندك؟؟؟ |
رد: بدك مساعدة لمشكلة زوجية... تفضلي
مرحبا صبايا انا عندي سؤال كتير بدور براسي وحابة اعرف جوابو من متزوجات جدد والصراحة هالسؤال ما سالتو لامي لاني بعرف ما رح ترد علي وانا ما بدي اسال حدا ما بيعرف وبيقولي شي غلط لا سمح الله بس الصراااااااااااحة خجلاااااااااااااااااانة احكي شو اعمل ريحوني؟؟ |
رد: بدك مساعدة لمشكلة زوجية... تفضلي
تسلمي حبيبتي بس غروروه بحالو مسيطر عليه لدرجه انه لما حكيت لاهلو عن انه طردني راح قاللهم كلشي حكيته عنهم من لما تزوجنا فكيف لما احكي لاحدا من اهلي طبعا هو متوقع هالشي لهيك يضل يقلي انه لو دخلت اهلي بالموضوع حتصير فضايح وحيتزوج علي او يطلقني
|
رد: بدك مساعدة لمشكلة زوجية... تفضلي
ياروحي انا مع نصيحة الغالية روجينا ما قصرت معك
بس احسني لاهلوا هذا طريق التقرب الى قلب زوجك وحاولي دائما تهتمي في ودللي وبنصحك ان بتعدي عن لوم والعتاب حاولي دائما تنسي او تناسي الله يسهل امورك ويسعدك ياااااارب |
رد: بدك مساعدة لمشكلة زوجية... تفضلي
والله الله يعينك يا عزيزتي
خطوة خطوة بتمشي الحياة |
| الساعة الآن توقيت السعودية الرياض و الدمام و القصيم و جدة 11:48 AM. |
Powered by vBulletin® Copyright ©2000 - 2026,
vBulletin Optimisation provided by
vB Optimise (Pro) -
vBulletin Mods & Addons Copyright © 2026 DragonByte Technologies Ltd.