السكن مع اهل الزوج
 

السلام عليكن
ارجو مساعدتي في موضوعي بدي اعرف ارائكن انا صارلي خمس سنين متزوجة و ساكنة مع اهل زوجي عندي بنت و ولد ساكنة بغرفة وحدة و كل شي مشترك الحمام و المطبخ وحتى غرفتي احيانا قبل ما اتزوج زوجي قالي انو حنعيش سنة وحدة مع اهلو وبعدين رح نسكن لحالنا وصارلنا خمس سنين و لسا الحال متل ماهو و زوجي ما عم يقتنع انو نطلع نسكن لحالنا بتصدقو لسا قمصان النوم تبع جهازي لسا بورقهم لان حتى بغرفتي ما الي خصوصية انا سورية مقيمة بالسعودية و البيت عبارة عن اربع غرف و بالبيت ساكنين مع حماي وحماتي و بنتين من بنات حماي ما بعرف شو بدي اعمل الي عندها رأي او حل تفيدني الله يخليكون
:sdgsdgh:

رد: السكن مع اهل الزوج
 

والله حالك صعب اختي جدآآ يعني كل شي مشترك...
لكن اذا زوجك مقتدر ويقدر يطلع ويسكنك لحالك حاولي معه
واقنعيه بخصوصيتك وخصوصيتكم بكرا يكبروا العيال الين متى بيناموا معكم بالغرفه !؟؟ وافرضي جاكم ولد بعد!

وانتي ك انثى وامرآه متزوجه لك حق حاولي تتكلمي معه وقوليله هالكلام وان شاءالله ربي يفرجها عليك

رد: السكن مع اهل الزوج
 

والله يا اختي حاولت كتير معه بس ما عم يسمع مني ما بعرف شو بدي اعمل كيف بدو يقتنع ما عم بعرف


عالعموم شكرا على مرورك و كلامك اختي

رد: السكن مع اهل الزوج
 

مافي الا اهلك يقنعونه كلمي اخوك ولا ابوك يكلمه...
وهذا شي من حقك وارجع اقول اذا كان مقتدر لابد يكون لك سكن لوحدك
لو كان البيت كبير وكل واحد بغرفته والله يكرمك حمامه ع الاقل ممكن يتحمل الواحد
لكن هالوضع صعب

بس اذا م يقدر ي اختي لا تضغطين عليه كثير وتخربين حياتك
توكلي ع الله سبحانه وادعيه يرزقكم ويسهل اموركم وان شاءالله
م يخيب رجاكي ربنا ...
العفوو واجبنآ :)

رد: السكن مع اهل الزوج
 

السلام عليكم
اختي العزيزة السكن مع اهل الزوج طبعا فيه مشاكل وسلبيات كثيرة ..تقدري تحكي لزوجك هالسلبيات وتحكيله انك بدك راحتك وبدك تستقري لو كان وضعه المادي يسمح بالانتقال لسكن مستقل طبعا لاتوافقي ولاتسكتي على السكن مع اهل زوجك.......ولو كان وضعه المادي مايساعد يبقى تنتظري الله يرزقه ويحسن وضعه ولازم انتي تقدري وضعه وظروفه وتصبري عليها ولاتنسي انك قبلتي بهيك وضع من الاول........

وهي رابط لموضوع عن السكن مع اهل الزوج

http://fashion.azyya.com/307432.html

رد: السكن مع اهل الزوج
 

هآآآي .. حبيت احطط. رآي مع اني مموو متزوجه ( طالبه ) .. الموهييم
احس عآآآآآآآدي .. =) جآلسسه بين اهل زوجكك.؟!.., كلمي زوجكك آنو تاخذون شققه.. آو بيت ايجآر لمن ربي يفرجهآ .. ووووووو شششششششششششششششكر!آ!

رد: السكن مع اهل الزوج
 

الله يكون بعونك

رد: السكن مع اهل الزوج
 

أختي العزيزة
بما ان زوجك كذب عليكي من البداية و وعدك بأنكم ستستقلون ببيت لوحدكم
فهنا لا تسكتي لهذا الوضع الأعوج
وبرضو بدون ماتعملي مشاكل

المطلوب:جلسة حوار و نقاش
تقوليلو فيها كيف انو وعدك و أعطاكي كلمة وبالنهاية ما عمل فيها
حاولي اقنعيه بوجهة نظرك عن طريق التغنج والتدلل
يعني ما تناطحيه و تجادليه
لأ،اجعلي اسلوبك بالنقاش راقي و هادي و دلوع وكله انوثة
لأن اذا هو صخرة،فإنشالله بلين
قولي له كيف نفسك تلبسيله احلى لبس
وكيف انك كل يوم والتاني بتقعدي تخططي كيف تحضريله جو رومانسي و ليلة مش حينساها
حاولي رغبيه و اجعليه يسرح بخياله عن الليلة الي ممكن يعيشها معك لو كنتوا لوحدكم
وحتى لو صرتي تؤلفي و زدتيها عليه مو مشكلة
خليكي ذكية..... اذا هو ما بيجي بالطريق المباشر فكوني انتي ماكرة وتعرفي كيف تأسري قلبه و عقله
وما يقدر يعيش حياته و هو عم يفكر ليل نهار عن الاشيا الي فتحتيله عقله عنها و بدك تعمليها الو

تحايلي و تذاكي عليه
انتي اذكى منه بكثير و رح تقدري له

رد: السكن مع اهل الزوج
 

تسلمون حبيباتي على مروركم و ارائكم الله يخليكم و يريح بالكم يارب

تحياتي الكم