أول ما دخلت لأزياء كان اسمي نردين33،بتذكر يومها كنت راح سجل باسم بشرى بس طلع الاسم موجود ،قمت سجلت باي اسم وخلاص
أول موضوع الي بالمنتدى كان في قسم الترفيه وكان اسمو: شيخ عسل خخخخخخ
بعدين صرت أحط مواضيع كتير ،وكنت نشيطة وخاصة بقسم الجادة والنقاش ووقتها كانت دعاني الشوق مشرفة عليه وأعطتني أول وسام بالمنتدى، يالله قديش فرحت فيه
أول وحدة اتعرفت عليها بالمنتدى عضوة اسمها: أم سمية وسعاد ، الله يذكرها بالخير ،كنت بحبها كتير
بعدين اتعرفت على رشروشة (بعدك عني عذاب) الي هي أقرب صديقة الي لهلء ، وكانت وقتها مجنونة مو مثل هلء عقلت فديتها:good:
لما رشا شافت نشاطي بالمنتدى ، حكت مع أم جينا لتخليني مشرفة، وصرت مشرفة على قسم الكمبيوتر
وعملت فيه مسابقات وأوسمة تشجيعية للبنات وهيك.
بعدين بفترة صرت كمان مشرفة لقسم الاستشارات الطبية ، وحبيتو أكثر من القسم الأول.
بالصيف عشت بالمنتدى أحلى أيام ، وخاصة برمضان ، ههههه لما اتذكر رمضان اتذكر ميوس ، لأنو كنا قراب من بعض وما بنوقف حكي عالزوار ، لما نكون مع بعض عالمنتدى، وكمان أثير وخلود ياعمري اشتقتلها ، ورنوش (ايرجي) كلهم كنت بحكي معهم بشكل يومي ،عن جد اشتقت لهاذيك الأيام بس بعرف مستحيل ترجع :43:
لما رجعت للجامعة ، صرت مقصرة كتير فالاشراف ، ففضلت اني اخذ اجازة ،وبالصيف ان شاء الله راح خلي أم جينا ترجعني الو.
امممم هلء المنتدى بصراحة صار ما يستهويني مثل زمان، يعني لو ما كانت رشا مسجلة فيه ما كنت دخلتو أصلا ، لأنو هي أكثر وحدة تهمني ، ومع هيك دايما بحاول اني ارجع اتأقلم مع التغييرات الي تصير فيه كل يوم، يعني العضوات والمشرفات، والتغير في النفسيات والعقليات،وهالسبب الي خلاني افتح مدونة جديدة،يمكن تكون سبب اني أرجع اتكيف معو :(

وبس خلاص :ok: