|
افتحي قلبك وحلا راح تساعدك
مرحبا بنات المنتدى الحلوات.......................
حلا رجعت من جديد في موضوعي اللي بيحويكن بالحنان والحب والتفاهم راح اساعدكن في حل مشاكلكن واستشاراتكن الزوجية وان شالله اكون ع ئد المسؤولية حبيباتي انا موجودة عشانكن وكل وحدة فيكن زهرة بتستحق انها تنشر عبيرها الفواح بالحياة وحلا معاكن ماخدة بايدكن اي مشكلة اي استشارة اي موضوع زوجي انا منكن واليكن |
رد: افتحي قلبك وحلا راح تساعدك
وان شالله الكلمة الطيبة صدقة
|
رد: افتحي قلبك وحلا راح تساعدك
مساء الخير حلا
و الله في الوقت الحاضر ما في مشاكل الحمد لله لكن حبيت اشكرك لانك خصصت وقت حتى تسمعي مشاكلنا و تساعدي انك تحليها جزاك الله خيرا و جعله الله لك في ميزان الحسنات |
رد: افتحي قلبك وحلا راح تساعدك
جزاكي الله خير حبيبتي
|
رد: افتحي قلبك وحلا راح تساعدك
واياكم حبيبتي عائشة و حبيبتي روجينا
بكفيني اني اسمع كلماتكن ودعواتكن الحلوة هاي والله يديم السعادة والوفاق بحياة كل وحدة وما يكون في مشاكل ابدا مشكورات |
رد: افتحي قلبك وحلا راح تساعدك
جزاكي الله خير
|
رد: افتحي قلبك وحلا راح تساعدك
واياكم غلاتي
تسلميلي |
رد: افتحي قلبك وحلا راح تساعدك
حلا حبيبتي اخيرا رجعتي نورتي يا حلا
الك وحشه زماان عنك حلا انا الحمدلله منيحه كتير واحسن من قبل بس في اشي مزعلني انو نفسي تكون حياتي انا وزوجي يغلبها طابع الحب والتفاهم والرحمه والموده والاحترام يعني بتسير بينا كتير مدائرات كلها تافه وبتنحل بسررعه بس والله بتزعجني احكيلي اصبر على الي بيعملو مابئدر والله ماني عارفه كيف اخلي طابع الرقي والاحترام بالتعامل هو الي بحياتنا |
رد: افتحي قلبك وحلا راح تساعدك
تسلميلي حلا
عجبني موضوعك والله يقدرك على فعل الخير يا قلبي يعطيك ألف عافية |
رد: افتحي قلبك وحلا راح تساعدك
تسلميلي غيمة عطر حبيبتي
والله يقدرنا على فعل الخير حبيبتي ورد الفل اهلا والله بطلتك الحياة يا عمري هيك ...............ايام حلوة وايام فيها مشاكل...وهيك الدنيا الله خلقها دار نكد وتعب وبؤس وشقاء لان الراحة بالاخرة وبشكل ادق بالجنة وبس هلأ المهم انك خلاص تؤمني انو البشر مو ملائكة ابدا وانتي و زوجك ما بتشبهوا بعض ابدا ...............عشان هيك فيه مشاكل و التفاهم بيجي بعد ما المشكلة تعدي وتمر........... ممكن الزوجين يقعدوا ويحكوا بتفاهم وحب وانتي لساتك جديدة على الحياة الزوجية ممكن بعد 5 او 6 سنين تصيروا تعرفوا بعض منيح ويصير اللي بدك اياه ويفهمك عالطاير طولي بالك حبيبتي قريبا بيصير اللي بدك اياه |
رد: افتحي قلبك وحلا راح تساعدك
بنات حبيباتي
اهم شي بالحياة الزوجية مداراة الزوج وامتصاص غضبه في تلك اللحظة ومعروف انه النساء عندن القدرة على هيك اكتر من الرجال ودايما خليها قاعدة عند كل امراة ذكية سايريه و لا تعارضيه اول ما تحسيه انه عصب او بلشت نبرة صوته تختلف معاكي لان هاد معناه انه الموضوع ازعجه او ما وافق هواه ف مباشرة بيعصب ازا كترت معاه الجدال والاخذ والعطاء عشان هيك عزيزتي بدك تيجي ع نفسك شوي وتبتسمي بوجهه و تمتصي غضبه بكلمتين حلوات وبعدين بغير وقت فيكي تفتحي الموضوع وبيكون ان شالله رايق وبيستوعب منك احسن |
رد: افتحي قلبك وحلا راح تساعدك
يعطيكي العافية.....وتعودنا منك دوم مد يد المساعدة لكل محتاج.,,,جعله الله في ميزان حسناتك ويستحق التقييم والتثبيت.
|
رد: افتحي قلبك وحلا راح تساعدك
اشكر لك كلماتك الرقيقة
جعلنا الله جميعا ممن يقدمون يد المساعدة والنصح الى الكل |
رد: افتحي قلبك وحلا راح تساعدك
اشكرك حلا
عندي مشكله كمان صغيرونه كتير ما بطلع انا وزوجي مشوار او نتمشى واحنا طالعين بيالسياره او بدنا نقعد مع بعض يسود علينا الصمت يعني نفسي نحكي مع بعض باي موضوع بالذات واحنا طالعين بالسياره للاسف مافي حكي لا مني ولا منو وهو دائما بحكيلي الحق علي معروف انو البنات دائما بحكوا اما انتي ساكته دائما |
رد: افتحي قلبك وحلا راح تساعدك
يا عمري بلشي انتي و بادري لا تنتظري ممنه المبادرة
معروف انه الرجل غير عن النساء بالكلام انتي بلشي واستدرجي وبكلمة حب او غزل ناعم او اساليه اي شي بيعرفه هو وبعدين جربي مرة خليكم ساكتين وانتو بالسيارة وجربي لا تفتحي تمك بكلمة طول المشوار و راح تشوفي انه يمكن يبلش معاك بكلمة او كلمتين عشان يستدرجك للحكي واكيد راح ييجي بباله انك ساكتة لانك زعلانة بس الصحيح انك ساكتة لانك غامضة وهاد بيزيدك جمال بنظر زوجك جربي وان شالله اللله يوفقك |
رد: افتحي قلبك وحلا راح تساعدك
مشكوور حبيبتي ماتقصرين
|
رد: افتحي قلبك وحلا راح تساعدك
السسلام عليككم ..
انا عندي مششكلةة يَ ححلآ اتمنى تساعديني !!! :( انا انخطبت وكتبت الكتاب من ست شهور .. لكن الوضع مَ حسسيته يطممن انا احب الي متزوجته من قبل هو يصير ولد خالتي وانا احبه من زمان لككن فيه مشاكل واجد / اكبر مني ب15 سنة وغير هذا تصرفاته الي معصبتني منه وماحس انه يحبني يعني من يوم ملكنا إلى الحين تخخخيلوا مااتصل علي الا خمس مرات !!!! ومحادثاته معاي قلييييييييلة وحتى يوم يتكلم معاي احس فيه برود بمشاعره ماحسيته يحبني مثل ماقال يعني من ست شهور وانا انتظره يتغير وانتظره يكلمني لكن مافي فايده حسيته حجر حتى احيانا اكلمه ع البي بي اقول له مشتاقه لك يفتح محادثتي ولا يرد علي ويغير الصورة ويسافر ولا يرد علي ... ولما تكلمت معاه قال لي انا طبعي كذا لازم نتعود على بعض اول شي واستححي من البنات ^ ططيب انا برضضو اسستحي لككن الى متى وحالتنا بتظل كذا لازم نفهم بعض ونكسر حاجز الخجل هذا ويصير فيه اسلوب للحوار بيني وبينه وجدتي مرة تكلمت معاه قال لها انا كل يوم اكلمها واحنا زينين مع بعض << قههرني لانو كذذب .. مآني عارفه ايش اسسوي اغلب صديقاتي اقترححوا علي الطلاق بما انو ببداية الطريق وماصار شي لان الي كذا بدايته مهملك ويكذب ماتدرين وش آخرته لككن احبه وغير ها خايفه من الطلاق .. ابي رايك باللي قلته ... وبليز بليز لحد فيكم يقول ان موضوعي تافه لو كنتوا مكاني والشخص الي تحبونه سافهكم ومو معتبركم شي بحياته كان حسيتوا بليز ابي مساعدتك .....:( |
رد افتحي قلبك وحلا راح تساعدك
حبيبتي موضوعك مو تافه ابدا
بس انه الرجل لما يقولك انا طبعي هيك!!! مو مزبوط هالكلام.لان اي رجل بيخطب وحدة بحبها بيتغير بالخطبة وبيحاكيها وبيطلها مشاوير و بيسمعها غزل وبيخطط معاها لحياتهن بعد الزواج الغريب بخطيبك انه ما بيعمل هيك انا رايي انك تعيدي المحاولة وتحكي معاه كمان مرة وبطريقة جادة شوي مو يحسك متل انك عم تترجي يحكيلك كلام او يطلعك لا........................قولي له: حابة اتفاهم معاك على عدة نقاط مهمة واساسية بالنسبة الي جدا انا مستغربة من عواطفك تجاهي بالخطبة .المفروض انه الشاب بيطير عقله بخطيبته وكل يوم ييجي يزورها بس انت مو بالزيادة!!! يعني انت هيك طبعك بس انا صعب اتحمل الوضع هاد بدنا نتعارف ونتحاكى ونقعد مع بعض اكتر لنتعارف ع بعض احسن من هيك اما هاد الشي اسمه جفاف عاطفي وبرود عاطفي وهاد الشي مو حلو كيف بدك تعيشي معاه؟تترجي يقعد معاك او يدلعك؟؟؟ انا رايي تتفاهمي معاه وتحطي براسك انك بدك تفهمي ليش بيعمل هيك وازا كان هاد طبعه فانتي الحكم يا بتختاري وبتتزوجي على العواطف البسيطة اللي عنده او بتقرري انك تتركي حتى لو بتحبي بدك تعرفي انه معظم تعاسة المراة بعد الزواج هو من اهمال زوجها لمشاعرها وعدم اهتمامه بانه يسمعها كلام وغزل ويداري مشاعرها وانا متزوجة وبعرف تاثير الكلام والاهتمام على المراة لانه يا برفعها للسماء من السعادة والفرح او بيرميها تحت الارض من الحزن والتعاسة وانتي حبيبتي ازا هيك تعيسة بالخطبة ف قرري هل بتتحملي هاد الجفا بعد الزواج؟؟؟؟؟ولما يصير عندك اولاد وتتحملي التعب لوجدك وين راح يكون هوا ؟؟؟؟؟جنبك بيساعدك وبيحن عليكي؟ ولا بالغرفة التانية نايم لوحده ومو مهتم بيكي؟؟؟ انا بنصحك فكري منيح قبل الارتباط وتفاهمي معاه مرة واتنين وثلاث ولا تهتمي مصيرك هوا المهم بعدبن حبيبتي الطلاق هلأ قبل الدخول (قبل العرس) احسن من بعد ما تصيري عنده وتفقدي عذريتك!!!! الطلاق هلأ ماله عدة ! وما بيكون اسمك مطلقة...بل فاسخة كتابها او فاسخة الخطبة!!! وهاد الشي ما بياثر عليكي وبتقدري تتزوجي عادي وشغلة تانية المراة اهم شي تتزوج رجل بيحبها .............مو رجل هي بتموت فيه!!! والله يوفقك غلاتي ولا تنسي الاستخارة |
رد: افتحي قلبك وحلا راح تساعدك
السلام عليكم انا مشكلتل غير كل المشاكل وبتمنى من كل قلبي القيلها حل المهم
انا عمري 17سنة ويوم 12/09/2012 راح يصير عمري 18 انا مخطوبة من شب عمره 30 سنة نحن مخطوبين من سنتين و نص وكل مايقرب موعد العرس باجله لاني موعارفة ادا انا عدراء ولا لا انا مقدرش اكمل المشكلة ادا قريتي مشكلتي بترجاكي حاكيني على الخاص وانا بكملك |
رد: افتحي قلبك وحلا راح تساعدك
اخت ميلا
اذكر اني اجبتك على مشكلتك عالخاص بعد ما نشرتيها بكل مكان اتمنى انك تكوني جادة بطرح مشاكلك لان في غيرك الكثير بينتظروا حل مشاكلهم |
رد: افتحي قلبك وحلا راح تساعدك
مشكوره حبيبى ويعطيك العافيه وبجد حنا محتاجينك
|
رد: افتحي قلبك وحلا راح تساعدك
تسلميلي يا رندا
الله يحميكي |
رد: افتحي قلبك وحلا راح تساعدك
مشكورة حلا
رح اسوي الي قلتي لي عليه وان شاء الله يجي بنتيجة ..!!!! ورح اسستخير والله يككتب الي فيه الخيير :) ومشكورة مرة ثانية ... |
رد: افتحي قلبك وحلا راح تساعدك
تسلمي يا حلا على هيك مواضيع هادفة وفيها خير
عودتينا على التالق والابداع تسلميلي |
رد: افتحي قلبك وحلا راح تساعدك
تسلمي يا حلا على هيك مواضيع هادفة
|
رد: افتحي قلبك وحلا راح تساعدك
حلا انا كتير حابة اخد رايك بمشكلة
|
رد: افتحي قلبك وحلا راح تساعدك
السلام عليكم ورحمه الله وبركاته
انا بصراحه عندي مشكله صغيره دايم اذا كنت انا وزوجي لوحدنا مستحيل تكون عندي سالفه ماعرف اسؤلف الا مع البنات لكن مع زوجي ابدا وثانيا زوجي ماااااعمري طلبته شي وقال لي لبيه هو صح يوديني بس متى مابغى هو على كيفه يعني مررررره تعبت منه وهو لايبغى طلباته تنفذ بالحال وانا الحمدلله ماقصر معاه بس هو الله يهديه ادعوووولي ان ربي يسخر لي زوجي ويصلح لي عيالي للمعلوماه انا متزوجه من سبع سنوات |
رد: افتحي قلبك وحلا راح تساعدك
حبيبتي (مدري عنكم)
الحوار وطريقة الحوار ومواضيع الحوار الها دور في انه يحدث تواصل بينك وبين زوجك حبيبتي!!! يعني انتي فكري ب مواضيع خفيفة دم او مواضيع بحبها زوجك عشان تحكي معاه فيها بس تتلاقوا وتقعدوا سوا! انا متلا زوجي بيعشق كرة القدم والمباريات وانا بكرهها من كل قلبي بس باجي على نفسي شوي ولما اشوفه قاعد لوحده وبيتفرج عليها .اروح اقعد معاه وابدأ اساله اسئلة عن اللي المباراة هاي وعن اللاعبين ومين اشطر واحد و و و وهوا بيصير يجاوبني ومبسوط جدا اني عم اشاركه هاد الاهتمام! انتي كمان حبيبتي شوفي شو مواضيعه واهتماماته و اسالي عنها بابتسامات و نغنشة وفرح وكانك ما بتعرفي شي عنها وخليه يحكي ويحكي وينجر وراك و شوي شوي الحكي راح ياخدكم لبعيد.ممكن تحاوريه عن اولادك وشو عم بتخططوا الهم للمستقبل و كذا وكذا...... بيتعود زوجك بعدها على الدردشة معاك بالنسبة للطلبات شوفي شو نقطة ضعف زوجك معاك.......يعني هل هوا عاطفي او رومانسي او بحب حركة معينة من حركات الحب واعمليها اله لما بدك شي واسمعيه كلام الحب اللي يذوبه وبعدين اطلبي انتي حياتي تعاملك مع ربنا لما تلبي طلباته على طول وهاد جهاد عند ربنا سعيك ببيتك ومع اولادك تؤجري عليه لا تقابلي تقصيره بتقصير عشان ربنا يفرجها عليكي يالغلا اللهم حبب زوجها اليها و سخره لها وأره حسناتها وغض بصره عن سيئاتها و اجعل قلبه ملكا لها خاصا يا رب العالمين واصلح لها ذريتها واهدهم لما تحبه وترضاه وانت اكرم الاكرمين يا رب امين ادعي انتي لنفسك بهذا الدعاء والله ييسرلك امورك يا قمر |
رد: افتحي قلبك وحلا راح تساعدك
اهلين سالي قمر المنتدى
تفضلي شو مشكلتك حياتي |
رد: افتحي قلبك وحلا راح تساعدك
مشكوره ياعسل على الدعوه الحلوه الله يسعدك دنيا واخره هو نقطه ضعفه الجنس ماعليش اني اكون صريحه شؤي يعني مثلا لو ابغى اروح السؤق لازم اروح للفراش يمكن عندي ناس او اكون عند ناس فهميني الله يسعدك شؤي هو اكثر رفضه اذا طلبته للسؤق ارررررررررررريد حلااااااااااااااااااا
|
رد: افتحي قلبك وحلا راح تساعدك
طيب انا بدي اسالك كم من سؤال:
هو ليش بكره نزلة السوق؟؟؟ بكره يصرف الفلوس ولا بكره انه ينزل لانك متلا بطولي بالتسوق و الشراء؟؟؟؟ولا بغار متلا؟؟؟عليكي انا حابة اعرف حتى اجاوبك وشغلة تانية مادام زوجك بيلبي طلباتك ازا مارس العملية الجنسية ف معلش هدا شي مو حرام ولا عيب!!! على العكس انا شايفتها مخرج الك وشغلة فيها رضا لربنا وتحصين لزوجك من الوقوع بالفتن!! يعني ما تزعلي بس لما يكون عندك ناس او انتو عند ناس طبعا اجليها لحتى تروحي بيتكم وفيكي تشعللي زوجك بالكلام والخيال يعني فيكي تحكيلو لما نرجع البيت راح افرجيك شو راح اعمل فيك يا ......... ويا.............. وتغزلي فيه غزل يطير عقله وقوليلو بس قبل ما اروح للبيت حابة انزل السوق شوي وهيك ولما ترجعي نفذي وعدك اله بس حابة تجاوبيني على الاسئلة اللي سالتك اياها بالاول يا عزيزتي |
رد: افتحي قلبك وحلا راح تساعدك
السلام عليكم انا اريد من كل واحدة متزوجة تنصحني اعمل اية انا بحب زوجي وهو بيحبني كتير بس طلباتة في المنزل كتيرة والاولاد والله انا مش عارفة اعمل اية اواذا قصرت في حاجة ولو بسيطة بيتعصب جدا جدا علية والموضوع يكبر واتهم بالاهمال والكسل واحيانا بضغط علي اعصابي عشان ماتحصلش مشكلة غير كدة مالوش في الرومانسية اطلاقا وعصبي وجدا جدا جدا اتكلمت معاة اكتر من مرة اتهم انا باني بوصلة للمرحلة دي مع اني اقسم اني براعي جدا انة مايزعلش مني عشان انا بكرة الخناق والنكد ولكم مني جزيل الشكر
|
رد افتحي قلبك وحلا راح تساعدك
السلم عليكم حلا كيفك وكيف حالكم جميعا اسفة عن تغيبي طول هذة الفترة كاان عندي ظروف وماكنت اقدر اتواصل معكم انا عايزة اعترف بحاجة انا تكلمت مرة معكم وكنت ااشتكي من زوجي كتير بس لما اقعدت من نفسي توصلت ان انا السبب ومشكلتي تختصر في كلمتين وهما عدم حبي لذاتي وانا لا اقصد الانانية مطلقا بل تقدير الذات وحبها والثانية عدم االثقة وبالتالي تتوالي المشكلات من عدم الهتمام بالنفس وتفسير كل شئ من وجة نظر خاظئة وانا بريد منكم اليوم يا اخواتي ان تساعدوني كيف احب ذاتي قريت كتير في المواضيع دة واحترت اكتر كيف احب ذاتي وكيف اغير من نفسي ارجوكم ساعدوني جزلكم الله خيرا
|
رد: افتحي قلبك وحلا راح تساعدك
مرحبا حبيبتي حلا كيفك انا عندي مشكلة زوجية الله يقدرك انك تساعديني على حلها والها اكتر من نقطة:
اول شي انا متزوجة من سنة ونص وهلا انا حامل بالشهر السادس والحمدلله انا وزوجي اخدنا بعض عن حب انا كتير بححب زوجي لابعد الحدود وأكيد هو بحبني بس ما بصرح بالحكي ابدا ابدا ولا بحكيلي كلام حلو نهائيا...... وحياتنا خالية تماما من الرومانسيه واذا عملت حركة رومنسية بخليها تفشل عشان هيك بطلتع اعمل اجواء رومنسية ابدا والله بتمنى اسمع منو كلمةغزل او حب ..... المشكلة التانية انو كتير بحب يطلع مع اصحابه ويضل بره البيت والمهم عنده اني ما اطلع من البيت ودايما بقول انو بكره المراة الدوارة واللي بتتطلع كتير عشان هيك انا صرت اكره الناس وحتى بطلت احب حد يجي عندي وعلاقاتي الاجتماعية صارت صفر بطل عندي صاجبات ولا معارف ولا اي علاقة اجتماعية واذا طلعت صرت أضوج كتير وما اصدق وانا اروح عالبيت .....حتى زوجي ما بحب شمات الهوا والطلعات والرحلات واحنا اصلا وضعنا المادي ما بساعدنا ابدا ..... في عطل نهاية الاسبوع بحب يضل قاعد بالبيت ونايم وما بحب حدا يجي عنا واحيانا كتير بيجو اخواني عنا بقولي اعملي حالك نايمة ولا تفتحي الباب ولا تردي على التلفون خلاني اكره الناس ....... مشكلتي التالتة اني بخاف منو كتير وبحسبله حساب بكل شي مع انو في بيت اهلي ما كنت هيك ابدا كان بابا وماما معطيننا حرية كتير ........بخاف ازعله لانو مابفرق عنده زعلي وما عنده استعداد يراضيني عنده عزة نفس وكرامة مو طبيعية....... مشكلتي الرابعة انو هو ما بحب جسمي ابدا لانو اردافي كتير سمان حتى اذا عملت ريجيم ما بنحفو وانا قصيرة وطبعا هو عنده هوس بالبنت النحيفة والطويلة شو اعمل الله هيك خلقني مو قادرة اتغير والمشكلة انو كتير بعلق وبقولي بعد ما اولد لازم انحف اكتر من زمان متعي بس شهرين بعد الولادة اني انحف ولا بتزوج علي او بصير يطلع لبرة..... هو بالاصل بتطلع كتير لبرة وعالتلفزيون وشو ما لبستله ما بغريه ابدا وعيونه على اللي برة دايما ....... واخر مشكلة الخامسة انو هو ما بصلي وبدخن وبشتغل في بنك ربوي وبحس انو ربنا مو موفقه ابدا ولا بشي وكل اصحابه بتيجيهم وظائف ممتازة الا هو كل شي مسكر بوجهه وعنده مزاجية قاتلة متعباني كتير مزاجيته لما بكون رايق ما احلاه ولما منكد ولا انكد منه وطبعا 90% من الايام هو منكد وحتى ما عنده بر لوالديه ........... مشان الله انا صابني اكتئاب مزمن مو قادرة اطلع منه والملل سيطر على حياتي وتعبانة من الحمل وهو مو مقدر شي بالله عليكي تساعديني انا انفجرت منه ومن الحياة معه ...... بعرف اني طولت عليكي كتير بس مو عارفة لمين اشكي همي ...... اشتركت في مركز لحفظ القران عشان اغير جو واحفظ القران لانو حياتنا ما الها معنى وزائلة ......... بدعي لزوجي كتير بالهداية و الصلاح وانو الله يسخرلي زوجي ويرزقه وظيفة حلال بس ربي ما استجاب لدعائي انا يئست شو اعمل انا منهارة منهارةةةةةةةةةةةةةةةةةةةة |
رد: افتحي قلبك وحلا راح تساعدك
اخت ام عودة
حابة فقط اقول لك انو ما تقولي دعيت و دعيت و ربنا ما استجاب لي....!!!!! حرام تقولي متل هيك كلام لانو انتي ما بتعرفي كيف ربنا مقدر الامور و بعدين ما في شي اسمه انك انتي تدعي و ربنا استجاب لدعائك من اول مرة وين الإلحاح بالدعاء؟؟؟؟ ربنا يحب ان يسمع صوت عباده بإلحاح وين دعائك مع الاخذ بالاسباب؟؟ لا تقولي دعيت و انتي ما عملتي شي بالمقابل!!! وين دعائك مع التوكل على الله؟؟؟؟ يعني اذا كنتي دعيتي و انتي حاطة ببالك انو انا بدعي و مش متأكدة من استجابة ربنا لدعائي حاولي قوي ايمانك و اتقربي انتي بالاول من ربك وبعدها ستفرج امورك بإذن الله |
رد: افتحي قلبك وحلا راح تساعدك
chokran habibti alhamdo lilah mafi machakil wa lah ydim almahaba daeman amiiiiiiiiiiiiin
|
رد: افتحي قلبك وحلا راح تساعدك
انا مش بحسه بمتعه فى العلاقه الزوجيه مع انى بقالى شهر متجوزة ايه الحل
|
رد: افتحي قلبك وحلا راح تساعدك
السلام عليكم و رحمة الله
هذه اول مشاركة ليا كنت زائرة للموقعم نذ سنتين و اليوم قررت ان اسجل لأشاركك بموضوعك الجميل انا متزوجة من سنتين و 4 شهور و لم يرزقني الله بعد بأولاد. تزوجت عن حب و انا أسكن مع اهل زوجي و اشتغل موضفة مشكلتي تعلق زوجي الفضيع بأهله وخاصة بأمه التي تحاصرني من كل ناحية .... لا تامتع بالكلام مع زوجي الا فيغرفتي..صبرت و قلت عادي امه...صارت تتدخل بحياتنا و تعرف منه كل كبيرة و صغيرة.... حتى موعد دورتي الشهرية تعرفها منه لأنها تنتظر مني ان احمل.....مررت بعدة مشاكل معه و مع امه لا اريد التطرق اليها لكن من اهمها اني ازور اهلي مرة واحدة فقط في الشهر و هذا قرار امه الذي ازعجني...مع ذلك صبرت....سافرت و تركت لي ابناءها و زوجها المريض و اعتنيت بهم لمدة 3 شهور ...مع اني اشتغل..... و لما عادت اشتكت من اهمالي لهم مع اني والله فنيت صحتي لأجلهم ...و مرضت و لم ازر اهلي طوال فترة غيابها... امهم شوهت صورتي امام كل العيلة و صبرت و قلت مهما كانت امه... اللي مجنني انو اجت اختو تزورنا من بلد زوجها و صار لها 5 شهور عندنا لأن الحرب ببلد زوجها... و صارت تعمل المشاكل بيني و بين امها و تتحدث عني كلام مو حلو...مع اني كنت كل يوم اعبئ لها رصيد لتتصل بزوجها و افسحها كل ما اطلع انا و زوجي... ولما واجهتها صارت تتكلم على اني مو مندمجه معهم بالبيت و ليش ما بحكي اسراري لأمها...و المفروض اخبي مجوهراتي عندهم لأني بشتغل.... و هيك اشياء... على فكرة انا كنت كثير مندمجة لحين اجو بناتها من الخارج و صارو يتوشوشو كل ما يشوفوني ...لهيك اخذت على جنب.... و امو ما بحكي لها اسراري لأنها صارت تعمل مشاكل بيني و بين زوجي...لما كنت اروح اشتكيه لها لحتى ما اشتكي لأهلي.... و بالاخير تمردت اخت زوجي و سرقت فلوس من خزانتي و حتى من فلوس اخوها و مع هالشيء ما ساولها شيء..... صراحة انا خايفة انها تخرب بيتي قبل رجوعها لزوجها...و انا نفذ صبري... على فكرة هي كانت تزوجت بعدما سرقت مجوهرات امها و فلوس اخوها و هربت مع زوجها....و هذا قبل ما يخطبني زوجي.... لهيك انا ما بتحمل تلميحاتها ليا بالكلام .... و ما صرت ائمن على حالي بهذاك البيت و حتى مجوهراتي وضعتها ببي اهلي.... و زوجي بدأ يمل من شكاويا ضد اختو لهيك بطلت اشكي.... و المشكلة ما يتجرأ يشتكي لأمو من اختو او يوقفها عند حدها..... اتمنى تلاقيلي حل و اسفة على تكثير الكلام بس والله هذا اختصار كثير مشاكل ما حكيت عنها |
رد افتحي قلبك وحلا راح تساعدك
الله يكون في عونك و ربي يحللك مشاكلك و يهنيك يا رب ممكن سؤال اختي
ليش ما تسكني وحدك يمكن راح ترتاحي ؟ اسمحيلي اختي حلا لاني تدخلت في عملك لكن ماحبيت امر بدون ما اشارك مو حلوةبحق صاحبة الموضوع و صاحبة المشاركة |
رد: افتحي قلبك وحلا راح تساعدك
حبيبة قلبي راجية الرحمان
الله يكون في عونك على حملك والله بعرف انها كتير صعبة انو الوحدة تسكن في بيت حماها حتى لو كانو كويسين اكيد الوحدة ما بتاخد راحتها بس انتي دير يبالك على دينك وعلى زوجك وخافي الله في أهله وتوكلي على ربنا وضلك ادعيه انو يفرج همك وتطلعي من بيت حماكي وتسكني لوحدك أكيد عندكم اسبابكم الخاصة عشان هيك مو ساكنين في بيت لوحدكم معلش حبيبتي اصبري وعاامليهم متل ما بتعاملي اهلك والك الاجر واحتسبي أمرك عند ربنا وانتي حاولي تتقربي من حماتك وخذيها على قد عقلها لا تىقوليلها اسرارك بس حسسيها انك بتحكيلها كل شي وحببي حالك الهم وحسسيهم انهم كتير مهمين بالنشبة الك بس انتي كمان لازم تفهمي زوجك انو اهلك الهم حق انك تزوريهم اقل شي مرة بالاسبوع متل ما انتي ساكنة عنده أهله بس بالتفاهم والهدوء ومن غير مشاكل واذ حسيتي انو رح يصير مشاكل بلا من الموضوع من أصله حبيبتي الله يهدي بالك وسرك ويفرجها عليكي من اوسع ابوابه ويرزقك بالذرية الصالحة يا رب انك على كل شيء قدير |
| الساعة الآن توقيت السعودية الرياض و الدمام و القصيم و جدة 12:28 AM. |
Powered by vBulletin® Copyright ©2000 - 2025,
vBulletin Optimisation provided by
vB Optimise (Pro) -
vBulletin Mods & Addons Copyright © 2025 DragonByte Technologies Ltd.