|
ممكن تحلولي همي 2
السلام عليكم صبايا
اولا شكرا ع الردود و المساعدة بوقفتكم جنبي تانيا حابة احكيلكم شوي عن حياتي بعد الزواج و بالنهاية الدنيا قسمة ونصيب تزوجت متل ما خبرتكم الخميس و بالفعل متل ما قالت احدى العضوات انو العصبي حنون بعد الزواج بيوم اجو اهلو قعدوا معنا بالبيت و بقيو معنا ليوم الاثنين الثلاثا سافرنا ع حلب و بقيوا اهلو معنا شي 17يوم بعد ايام ادلب يعني ما شفت يوم حلو مع هالرجال ومن اليوم ال14 لعرسنا بلش زوجي بالضرب و الاهانة و يبزق عليي(بالسعودي يتف) و تعود على ضربي و اهانتي ومرة من المرات و بيوم ال18 لعرسنا اجى قعد معي و كام مهموم وقلي يا (لمى) و الي هو اسمي انا بدي صارحك بشي انا بدي منك خدمة انو بعد شهر او شهرين منرجع ع ادلب و بتقولي للكل انو بدك تتطلقي لأنو انا تسرعت بزواجي ان كان الاول او التاني وانا لازم سافر برا سورية لأسس حياتي من جديد طبعا هون كان اخذ مني كل دهباتي (الذهب) و ما تركلي الا المحبس ووقت قلي محتاج مصاري(فلوس) شلحت المحبس و قلتلو بيعو ولا تمد ايدك للغريب و ضل يوم طبيعي معي و بعد شي 30 ساعة من الهدوء رجع للضرب و الاهانة و طبعا امو و اختو الزغيرة ضدي و اختو الكبيرة و ابوه واقفين لصفي و امو و اختو الزغيرة دائما عم يتدخلو بحياتي حتى اذا حطيت مكياج بدن ياني حطو متل ما بيحبو هن و هو دائما عم يكون عصبي اجيتو بكل الطرق بالجنس و بالمناقشة و بالعصبية و بكل شي بس ما في فائدة اذا بلبس لانجري بيقلي روحي اتستري اذا بحاول اقرب منو بيقلي انا قليلة ادب و بعد 3 ايام ضرب واهانة خبرت اهلي و رجعنا ع ادلب و انا من يوم الثلاثاء بادلب و هو عند اهلو امو بدا تطلقني و هو ما بعرف شو رأيو و أبوه معي و دائما نار و شاغلة فيني بس ما عم فرجي لآهلي حالتي حتى يوم اجيت ع ادلب اجت امو و رمتني ع باب بيت اهلي و فتحت شنطتي واخدت نص تيابي و حتى التياب الدتخلية و المحارم المعطرة (نزلو مستواهن لهون) و بعد كل هاااااالشي بيقعدوا بيتهموني بشرفي صرت اصلي و صار يتمسخر عليي تقربت من ربي بس ما عم اقدر اتحمل بس ما بيطلع بايدي غير اقول ياااااااارب أسفة طولت عليكن و وجعتلكم راسكم بس نحنا بنات و نسوان ع بعض منفيد بعض و منستفيد من بعض |
رد: ممكن تحلولي همي 2
حبيبتي هاي مش حياه ايش جابرك تنغصي حياتك وتعيشي طول عمرك كرامتك مهانه انا إذا زوجي رفع صوتو ما بسمح لحتى ما أعطيه مجال لاشيا أكبر حياتك ملكك انتي مو ملكو ولا ملك أمو ودايما خلي كرامتك فوق أي اعتبار بالدنيا لازم تكون ثقتك بنفسك كبيره وكرامتك عاليه للنجوم.. توكلي ع ربنا وصلي استخاره والخيرة فيما اختار الله .. اللهم اجعل حياتها جنة في الأرض وسخر لها الخير كما سخرت البحر لموسى الله يوفقك حبيبتي |
رد: ممكن تحلولي همي 2
حبيبتي اهلك احكيلهم كل قصتك من الاول للاخير لانه مالك غيرهم
ولو حبيتي تستري مشاكلك وتصبري عشانه لام يكون بالاول يستاهل حبيبتي بعد ما تخبري اهلك صلي صلاة الاستخارة واطلبي طلاقك منه لاتحكمي على نفيسك انك تعيشي طول عمرك بالاهانة و العذاب انتي لسة صغية ما شاء الله و الف واحد بيتمناكي هذا رأيي حبيبتي و ربنا يفرجها عنك و لاتنسي حبيبتي الاستغفار |
رد: ممكن تحلولي همي 2
دخيل قلبكم يا صبايا
و هلئ صار الكلام للرجال و لح صلي صلاة الاستخارة ان شالله و انا من يومين (الخميس صباح الجمعة) بعد صلاة الفجر حطيت اسمع سورة الكهف و يس و طلبت من ربي يأرجيني بنومي شو المصير و شفت بنومي انو وقت الفجر عم يحاول يقرب مني بس في شي عم يبعدو عننا و نحنا بدنا ننتقل ع غير بيت |
رد: ممكن تحلولي همي 2
من باعك بيعيه والرجال اللي يضرب زوجته ماهو رجال ولا يستاهل تعيشي معاه ساعه اتركيه قبل يجيكي اولاد لاتسمحي له يضربك ويهينك ويكسرك ويحطمك الله يعينك يابنتي
|
رد ممكن تحلولي همي 2
حبيبتي في شي ماعم افهمه انت قلت طلع كلام وحدة من العضوات صح لما قالت العصبي حنون وانا فهمت من كلامك انه زوجك حنون بعدين قلتي قعد يضربك؟ والشي الثاني اللي ما فهمته انه بدو يتطلق منك وانت قلت انه امه هي اللي بدها تطلقوا واخيرا قلتي انه عم يتهمك بشرفك وما ذكرتي ليش عمل هيك هل صار سوء فهم او بسبب طليقته السابقة؟ ارجو منك ان تفهميني هلكم شي لحتى اقدر افسرلك الحلم اللي شفتي
|
رد: ممكن تحلولي همي 2
عزيزتي الفستان الأبيض
اي هو كان معي حنون اول فترة من العرس يعني لغاية قبل ما يصير الضرب بيوم و كنت عاملتو متل الخاتم باصبعي بس شو صرلو فجأة ما بعرف والظاهر هو من النوع يلي بيحب يتباهى (يتفشخر) ادام العالم حتى لو اهلو انو هو رجال اما قصة الطلاق بعد ما صارت الخلافات ووصلت للأهل صارت امو تقلي انو انتي ما بتناسبينا لآنو وجعتي راس ابننا و هو لما كان مروق قلي انا تسرعت بالزواج ولازم طلق قبل ما يصير أولاد و انا ما بدي منك اولاد وقعد يمدح مني ويحسسني قديش انا انسانة عظيمة بالنسبة الو أما موضوع الشرف جاية امو عم تقول انو انا كنت غير عذراء و عملت عملية رجعت بنت يعني (مخيطة) وهالشي يشهد عليي ربي ماصار و اعوذ بالله من هالشي لأنو انا بخاف من الله اما عن زوجي فحسب وجهة نظري انا انو هو حنون يحبني بس امو الها تأثير عليه باعتبارها كانت مليونيرة وافلست فصارت تعطيهن فلوس شوي شوي بالقطارة (يعني حبة حبة) و هون بيخاف يخسر فلوس امو و هو لآنو وحيدها تدايقت لآنو انا اخدتو منها وهلئ انا ببيت اهلي صرلي شي 8 ايام و شفتو مرة بالصدفة و انزعج لانو نزلت مع امي ع الصيدلية مشان تجبلي دوا لآنو ايديي تعبو من الكلور |
رد: ممكن تحلولي همي 2
اتي الحلم تفسيره انه هو بدو اياك بس في احد ( والواضح امو) عم يحاول يبعده عنك وانك شفتي وقت الفجر هذا شي منيح . لا حول ولا قوة الا بالله بعض النسوان يا ساتر سمهم اسوء من الافاعي وليش تزوج ابنها اذا تحبه هالقد يا الله والله تسمم بدني من عمايلها والله اختي ما اعرف شو بدي اقلك بس اذا قررتو ترجعو لبعض خلي يعمل تعهد بالمحكمة بعدم ضربك حتى يعملك الف حساب وكمان يتعهد امه ما تدخل بحياتكم اما اذا قررتي الانفصال فانشالله تاخذي احسن منه بس طمنيني عليك والله صار يومين شايله همك الله يشهد
|
رد: ممكن تحلولي همي 2
وفي شغلة نسيت اسالك هل هو يعتمد ع امه بالمصاريف ام الو شغل؟ اذا امه متحكمة فيه بسبب الفلوس المفروض يلاقي شغل وما يخليها هيك تعاملو
|
رد: ممكن تحلولي همي 2
تؤبشيني يا البي ابوسك
لا والله كان معتمد على امو و أنا لح نزل قصة زواجي بعد شوي على اجزاء بتمنى تستمعتو بالقصة حتى تستفيدوا من خطأي اذا نوجد و من قصتي |
رد ممكن تحلولي همي 2
اييييه اذا اعتمادة ع امه راح تبتزه هيك لا حول ولا قوة الا بالله الله لا يشوفك شر ويجبر بخاطرك يا رب
|
رد: ممكن تحلولي همي 2
اختي شو صار معك طمنينا عنك؟
|
| الساعة الآن توقيت السعودية الرياض و الدمام و القصيم و جدة 01:56 PM. |
Powered by vBulletin® Copyright ©2000 - 2026,
vBulletin Optimisation provided by
vB Optimise (Pro) -
vBulletin Mods & Addons Copyright © 2026 DragonByte Technologies Ltd.