ماذا افعل
 

السلام عليكم....
كيف الحال....
اريد رايكم......
انا محتارة كثير....
ابن عمي يحبني ويحترمني كثر..وبيحكي لعمتي انها تحكيلي
..
عمتي حكتلي انا جاوبت انه الكلام مو معي مع اهلي...اله على هذا الحال اكثر من سنه..هو بحبني كثييييير وانا لمست هالشي من خلال احترامه لالي..بس انا ما فتحت مجال انه يحكي بهالموضوع من مبدا انه حرام وانه الحكي مع ابوي في هالموضوع....
قبل اسلوع فتحتلي عمتي الموضوع وحكتلي شو سبب رفضك لاله لانه .......
شوفو....انا ما برفضه كشخص انا والله بحترمه كثير وبدات اميل اله بدون ما احكي معه طبعا هاي حدود وما ممكن اتعداها....
بس لانه بببن هالشي الي...انا احبه كشخص وهو محترم ودين صواخلاقه عاليه موظف وعمي بيعمر اله بيت...
المشكله انه امه ما بدها اياني بدها تخطبله وحده ثانيه...وهو بده ياني وانا ما عندي مشكله لو اتقدم وخطبني...انا بحبه وبحترمه...كونه هو بحبني وبيحترمني وما اذاني..
لكن بسبب امه .....هو رح يتقدم ويطلبني زي ما حكتلي عمتي انا ما حكيت لعمتي اني موافقه..ولا اله..
والمشكله الثانيه انه امي رافضه بسبب امه....
سؤالي.....
هو بده اياني وانا موافقه عليه...بس انا بين امي وامه...مع العلم انه ما بيعرف اني لو رفضت بيكون بسبب امه..
هل اوافق وامه ما دخلها فيني ...كونه بيت مستقل بس بجانبهم....
ام لا هاي حياه مو يوم ويومين....
والله انا اريده...وهو رح يتقدم..مشكلتي بامي...ما بدها...وانا بدي اياه لاني شايفيته الشخص المناسب ويلي رح يسعدني وحكتلي عمتي خدي يلي بحبك لانه رح يسعدك طول عمرك.....
اوافق واعاند امي...والله ما بقدر ارفضلها طلب ابدا.....وكمان انا في حياتي تعبت وشقيت كثير...وهاي فرصه انه الاقي الشخص يلي بحبني ويسعدني..وينسيني همومي والتعب يلي تعبته والمرض يلي مرضته
شو دنبي اذا امي رافصه انا ببكي كثير لاني بديت اتعلق بهالانسان ورح يتقدم خلال اقل من شهر وماما مو مثتنعه
بالله عليكم ساعدوني وكيف اقنع ماما.....
وهل مرت عمي (امه) سبب للرفض

رد: ماذا افعل
 

حبيبتي من الأخير ..إذا إلك نصيب تتجوزي ابن عمك لو عارضت الدنيا كلها مو بس أمك وأمو بدك تاخديه
لان الزواج قسمة ونصيب والله يناولك اللي بالك

رد: ماذا افعل
 

وفعلا...وانا مقتنعة بهالشي الحمدلله.وانه كل شي نصيب..
بس كمان انك تنحطي بهالموقف والله شي صعب..

رد: ماذا افعل
 

وفعلا...وانا مقتنعة بهالشي الحمدلله.وانه كل شي نصيب..
بس كمان انك تنحطي بهالموقف والله شي صعب..
شكرا الك .ويا رب ينول الجميع مراده
ربنا كريم

رد: ماذا افعل
 

ارجوكم افيدوني...
ما بعرف حد اشاوره لاني الكبيرة باخواتي...فعرضت
مشكلتي على امل احد يساعدني...
والله ما بتعرفو مقدار الضغط يلي انا فيه وقديش نقسيتي تعبانه

رد: ماذا افعل
 

حبيبتي وانا نحطيت بهالموقف بس مو متلك اهلو بدهون ياني بس في حدا من اهلي ماكان بدو وتركنا مشان هالشي وماكان بدهم لاني صغيرة مو لشي تاني
طبعا تركنا قبل ماأكتب كتابي ورجعنا لبعض مو غصب عن أهلي ولا حده لانو نصيبي ... وتجوزنا وصار عندي ولدين وهلأ أهلي بحبو أكتر مني ههههه وعندون جوزي بالدنيا حبيبتي تركي كل شي للأيام وشو الله كاتب بدك تشوفي

رد: ماذا افعل
 

والله حاسة فيك :(

حاولو تقربوا من بعض كعائلات ، يعني خلي امك تعزمون.... وقولي لامك اذا بدك ياني فرحانة طول حياتي اخطبيلي ياه وانو ما رح لاقي احسن منو ووضحيلها انك متعلقة فيه بشدة واذكري لها كل الايجابيات اللي فيه مثل الكرم و الصدق وحاولي تبعدي عن سلبياته ، و بخصوص مرت عمك تكلمو مع بعض مو ضروري انتي يعني تحاكيها بس خليها توضح ليش ما بدها ياكي وانت بشو احسن من البنت الثانية ، يعني حاولو تحكو مع بعض وتتقربو اكتر وخلي ابنها كمان يحاول على قد مافيه كمان يوضح انو متعلق فيكي وميزة حلوة يعني كمان ساكنين جنب بعض تقريبا وانشاء الله يصير نصيب اتمنى اني كون ساعدتك بالتوفيق حبيبتي .

رد: ماذا افعل
 

اختي وحده بقلبي ....شكرا الك...عالكلام الحلو....
ويا رب يصير متل هيك...
ادعيلي..اوادعي انه ماما توافق عالاقل تحكيلي ممكن....

رد: ماذا افعل
 

اختي كاتبه شكرا الك....
نحنا كتير قراب من بعض حتى منروح على بعض وبنعزمهم...
بس ماما ما بدها لانها مرت عمي عملتلي مشكله هي وبنتها..
بنتها حكت انه انا بحكي مع اخوها وحكت لآمها...وراجعتني نرت عمي بهالشي...وانا والله ما بحكي معه ابدا..انا عارفه وين حدودي وما بتعداها...صح انا بحبه وبدي اياه بس عمري ما حكيت معه خارج الحدود او بهالموضوع ابدا...
وصارت مشكلة ببناتنا على هالشي وهي بتفكر انه انا يلي مخليه ابنها يتعلق فيني...
وابنها حكالها انه انا يلي بدي اياها وميتحيل اخطب غيرها...
مع ذلك خلت البنت التانيه تزورهم عالبيت مشان ابنها يشوفها..
يعني المشكله بين العيلتين المشكله فيها هي...

رد: ماذا افعل
 

انتي ليه مخلياها مشكلة كبيرة اوي كدة فيها ايه لو هو اتقدم وان شاء الله اهلك يوافقوا وانتي لازم تقنعيها وتقوليلهاان هو بيحبك ويحترمك في احسن من كدة والله قليل جدا انك تلاقي راجل بيحترم امراة ويكون مخلص ليهاواستخيري ربك وان شاء الله ربنا يكتبلك الخير

رد: ماذا افعل
 

ان شاءالله اختي....
يمكن لاني اول مرة امر بهالموقف...وانا حساسه زياده ما بتحمل....
ورح احاول اقنع ماما..وان شاءالله تقتنع..
رح احكيلها يلي حكيتيي اياه ...شكرا اخني انك بسطيلي هالمشكله....
ودعواتكم دعواتكم دعواتكم....

رد: ماذا افعل
 

عليك بالاستخارة واللى ربنا يقدره يكون
ربنا يوفقك

رد: ماذا افعل
 

انتي بتتزوجين الرجال مش امه
انتي بدك إياه وهو بده انتي
خلاص وافقي دامه يحبك ويحترمك
وامه مش مشكلة كبيرة صح حتعذبك شوي بس انتي احترميها واسمعي كلامها وتحمليها
كل بنات العالم بدهم رجال يحبهم ويحترمهم ومو دايما نلقى رال يحترمون المرأة
ولا تنسين اهم حل لكل المشاكل الأستغفار
في الحديث الصحيح : ( من لــزم الاستغفار جــعل الله لـه من كل هم فـرجا، ومن كل ضيق مخرجا، ورزقه من حيث لا يحتسب ).