يا حبيبتي يا نور الأنوار الله يساعدك ترا الحب بلوى، لو كان الحب مو بلاء كان قيس ما أنقتل وقتل في سبيل ليلى، ولا إنتحروا روميو وجولييت، يا بنت الحلال خلنا نكون واقعيين إنتي بعدك صغيرة وجميلة مثل القمر والله يخليك لشبابك

حبيبتي والله إنت كاسرة خاطري، ترا با قول لك نصيحة من أخت لأختها، مثل ما قالوا الخوات الإنسان تراه مخير مو مسير، اللي أقصده إن الله يعطي الإنسان الخيارات علشان هو يختار.

والرجل إذا ما يوقف وقفته في الوقت المناسب ويطالب بحقة إن يتزوج الإنسانة اللي يريدها قلبه خليني أقول لك الحق إن هو مو رجال

الإنسان اللي بكل سهولة يتزوج ويكلم وحدة ثانية حتى لو كان يصير لها من أهلها ترا ما له أمان. وخلك على حذر منه
إنت شكلك رومنسية وحبوبة ليش ترمين نفسك على فضيل يعنيى رجال مستخدم

خلك مع نفسك وحبي نفسك شوي وخلك عفيفة وخذي الرجال اللي يحبك ويريدك لأن على المعاملة حتى لو تحب واحد وتزوجت واحد ثاني وعاملها معاملةحلوة وإحترمها وعزها عادي قلبها يحبه

يا بنت الحلال ترانا في شهر الله، وخلينا من الحب والبلاوي واتجهي للرحمن واطلبي منه إن ينسيك هالحب، أنا وياك إنك إنتي مظلومة يوم يفرقونكم، وإن البنت خذت حب حياتك بس خلاص ما تدرين رب ضارة نافعة

يمكن هو ما يستاهلك علشان كذة الله بعده عنك، لو كنتم مكتوبين لبعض كان ما في شئ في الدنيا يفرقكم، يا بنت الحلال خليك منصفة كنتب مظلومة بس الحين بتصيرين ظالمة لأن الرجال صدقيني راح يتركك في أي لحظة

إنتي إذا تبين تشوفين إن كان يحبك ولا لأ إطلبي منه إن يخبر زوجته إنه راح يتزوجك مهما كانت الظروف وشوفي ردت فعله. إن كان صادق راح يسويها وإن كان مو صادق راح تشوفين ألوانه كلها تغيرت ويتلعثم

أحسن لك سوي الإختبار بعد الإختبار علشان تتأكدين إنه صدق يحبك، وراح تشوفين وأضمن لك بالعشرة إن كذاب ونصاب ويلعب على الحبلين وعلى كلام إخوانه المصريين يا مآمنة للرجال يا مآمنة للماية في الغربال

هو يمكن يمر بمرحلة ملل في حياته ويبي يتسلى، الله يخليك فتحي مخك معايا و لا تخلين عاطفة الحب اللي عندك تحولك إلى إمرأة ذالة نفسها ترضا بالرجال المستخدم

وبعدين هو رجال ما ينغصب نفس يعني مو ضعيف أمام الصعاب لو كان يبيك، لو كنت إنتي مكانه كنت عذرتك لأن وضعها غير لكنه هو رجاااااااااااااااااااااااااااا اااااااااااااااال ولازم يتحمل مسؤولية إختيارة

وأخيرا يا ماما مثل ما قال الرسول صلى الله عليه وآله وسلم: إذا جاءكم من ترضون دينه وخلقه فزوجوه . تدرين ليش لأن الزواج دين وأخلاق وهي الي تزرع الحب بين الزوجين بالعشرة والمعاملة الحلوة