ازياء - فساتين سهرة و مكياج و طبخ

كثر عين اليتيم اللي ترجت من بخيل إحسان
تصور موكثر دمعٍ نزفته دم بأسبابك
تخيل قد ماتقدر تعايش ساعة الحرمان
تصور كيفها حالك إذا خانوبك أحبابك
تخيل روحك بكف وبخل فيها عليك إنسان
مصيبه تنسرق روحك ولانته حاسب حسابك
وتخيل صدمة الغفله تجي من كف له ولهان
تصور واقع الصدمه وتأثيره على أعصابك
لي الله كل ماتخطي أجيلك منكسر غلطان
أقول إن الخطا مني دخيلك بأسمع عتابك
وصلتك من ورى غفوة جروحي ضايق وحيران
كرامة عزتي دسته لأجل عيني إتهنابك
ومن شروق الشعر حتى ضحا الذكرى أفيض أحزان
إلى مغرب معاناة إندفاعي واقف ببابك
قتلني بهالغلا يتمه تلفت مامعاه إخوان
يهيم بقايلة وهمه ولقى ظلك تفيابك
ولأجلك شلت من جور السنين جروح ياخوان
تخيل كم تعريت بزماني بأستر ثيابك
وعلى كثر الوفا مني جزا هذا الوفا نكران
جحودك كاليهود ولابيديني شئ وأغتابك
وأنا أذكر مره أطروك بحضوري وإحترقت أشجان
وتوجد كل عرقٍ من عروقي وصاح وش جابك
وشآخرة الغلا ياللي ملبسني هواك أكفان
يليتك محترم هجري وأقول إن الله أولابك
ورحيلك وش ترك فيني سوى التابوت للجثمان