ازياء - فساتين سهرة و مكياج و طبخ

- الترفيه والترحيب والتكريم (https://fashion.azyya.com/42)

- - للبنات الحلوين فقط (https://fashion.azyya.com/103458.html)

للبنات الحلوين فقط

السلام عليكم يا بنانيت يا قمرات

عندي ليكم فكره جميله وبجد عايزاكم تدخلوا واللي يعرف يقول للي ميعرفش

الفكره ومن غير ما اطول عليكم وعلشان احنا بنات غلابه وعلى قد حالنا ومش باينين وسط الزحمه ومش كلنا نعرف بعض
قولت يبقى الموضوع دا لينا البنات والولاد ممنوووووووووووووووووووووع ولو حد فيكم قفش ولد هنا يضرب جرس الانذار فورا ونعلن الحرب
المهم يا بنانيت هتسالوا هندخل هنا نعمل ايه
اقولكم
اولا كل بنت تدخل تعرفنا عن نفسها اسمها لو تحب وسنها وبتدرس ايه وعايشه فين
يعني اي معلومات تحب تقولها
حتى هوايتها وكمان المواضيع اللي حباها هنا وعايزانا نشوفها
ومواضيعها كمان ونناقش كل حاجه احنا عايزينها هنا نضحك ونتكلم مع بعض
ولو واحده فينا عندها مشكله او موضوع او نفسها تسال عن حد من البنات وتطمن عليه يعني من الاخر كل اللي يهمكم يبقى هنا ويبقى اتعرفنا على بعض
يارب الفكره تعجبكم
وعايزه نشارك علاطول...مستنياكم

فلك السماء

:icon_arrow:

رد: للبنات الحلوين فقط

فكره جميله حبيبة قلبى
وانا اول واحده ترد
انا اسمى نرمين
عندى 20سنه
متجوزه من وانا عندى 16 سنه
عندى بنتين ( ساندى 3 سنوات / دالا 7 شهور )
للاسف مكملتش تعليمى بس انا معايه ثانويه عامه
حياتى كلها لزوجى وبناتى
بحب التصفح على النت فى اوقات الفراغ ، بحب كتابة الخزاطر بس للاسف الخواطر بتاعتى مش بتعجبكم
كان نفسى اكمل تعليمى وادخل الجامعه وابقى مدرسه تاريخ لانى بحبه قوى
بصراحه انا بحب اقسام معينه فى المنتدى زى
( الترفيه ـ ازياء الاطفال ـ تصميم وصور )
وطبعا بتابع بقية الاقسام لكن الاقسام دى انا بحب اتصفحها كتير

رد: للبنات الحلوين فقط

بشكرك يا نرمين على مرورك