ازياء - فساتين سهرة و مكياج و طبخ - انتبهوا من صالونات خدمه منازل

السلام عليكم
خواتي العزيزات مابي اطول عليكم بس حبيت احذركم من صالونات المنازل خصوصا اللي يصبغون الشعر والا تحط خلطات للشعر او الجسم اوالوجه وحتى المكياج
غالبا يخلون شغلهم بالسياره وماشاءالله تدرون بجونا بالصيف وفي مواد كيماويه تتفاعل مع الحراره ومواد التجميل مثل المكياج والشامبوات والكريمات وغيره وراح تضرج بدل ماتنفج
انا من جم شهر دقيت على وحده تصبغلي شعري جتني الساعه 10 بالليل وكان شهر 7 تعرفون شنو شهر 7 يعني اذا تحطين بيضه على السياره تستوي
المهم صبغتلي شعري ولما جت بتمشي قالت عندي شامبو حق الشعر المصبوغ سعره كذا قتلها اوكي طبعا خلصت مني الساعه 12 بالليل لاحظو
ولما جابتلي الشامبو من السياره والله يابنات الشامبو حااااار (ساخن) لوووول خفت وطبعا ماخذته وعلى فكره الاخت كانت طالعه مع العايله لما اتصلت عليها وقالتلي جايه لج على طول والاغراض معاها بالسياره مخللتهم عدل
والله يابنات لون الصبغه تغير 180 درجه ثاني يوم ومن شهرين او اكثر شعري يتساقط خصل خصل استغربت من هالتساقط الغير طبيعي ورحت سويت تحاليل والنتيجه زينه ولله الحمد قعدت افكر وافكر ياترى من شنو تذكرت الشامبو الحار
والصبغه هذي اخر شي حطيته على راسي قبل التساقط
فانتبهو ياخواتي العزيزات من الصالونات
وارجو انكم تاخذون بالنصيحه
تحياتي منقوووووووووووووووووووول