|
رد: يا رب تخليه وتبقيه لعنين ترجيه
شكرا جدا حياتى
|
رد: يا رب تخليه وتبقيه لعنين ترجيه
من اجل عيونك الحلوه :icon_razz: و المشاركه الجميله من حرير الفجر هكامل القصه :428: وكمان علشان النهارده عيد :11_1_207[1]: الحب :a1: |
رد: يا رب تخليه وتبقيه لعنين ترجيه
بيت العمة فوزية ... سمر مو جايها نوم من الوناسة ... حست انها حققت انجاااااااااااااز عظيم في حياتها ... خربت على رؤى ليلة عمرها ... هذا بحد ذاته انجاز ... هي تكره رؤى دايما ... من قبل لا فواز يخطبها ... شلون اذا كان زوجها حبيب قلبها فواز ... اتصلت بربعها كلهم وقالت لهم السالفة وهي فخورة بانجازاتها ... وكل ما تخلص من وحدة تقوم وتشغل المسجل على اغنيتها المفضلة للجسمي ... بلغ حبيبك ... وترقص عليها ... وترجع تتصل على وحدة ثانية من ربعها ... صحتهم كلهم من النوم ... لازم يشهدون معها اول انتصاراتها على قولتها ... وتفكر ايش تسوي في رؤى بكرة ... تعبت من الرقص ... ووصلت على فراشها ... رفعت ملابسها وجلست تتحسس للمسات فوازلها ...وقالت في نفسها ... اكيد صورتي ما فارقت خياله ... حتى وهو معها يفكر فيني ... وما درت ان فواز مو بحولها وبعالم ثاني الله العالم فيه بيت احمد ... اليوم مو قادر ينام ... كثر ما هو فرحان لبنته وحبيبته رؤى ... الا انه افتقدها من اول يوم ... يحس بالكآبة في البيت ... وان كل الجدران تناديها ... مستوحش البيت بالمرة ... اول مرة يحس انه ما وده يرجع للبيت لان رؤى مو فيه ... دايما ما عنده صبر يخلص شغله ويرجع لها لانها تكسر خاطره ... طول اليوم بروحها ... ولا عمرها تذمرت او اشتكت له ... يدخل وتقابله باحلى ابتسامة ... اليوم لما دخل ما حصل احد قدامه ... دخل وصعد لغرفته على طول ... وفي الطريق التفت على غرفة رؤى ... ودعا لها من قلبه ان الله يوفقها ويسعدها ( ما يدري ان احتمال رؤى ترجع له ... والله العالم بأي وضع بترجع له) بيت الجدة أم محمد ... قالبة الدنيا مناحة ... حست ان بنتها ماتت من جديد ... كانه اول يوم تسمع خبر وفاتها ... من يدري احتمال يكون اللي انزف اليوم لعروسته ولد بنتها ... انحرمت من فرحتها فيه وفرحته فيها ... اطلعت للناس على اساس انها الجدة بالرضاعة ... وهي احتمال تكون الجدة الحقيقية ... الله يرحمك يا سارة ... ويغفر لك ذنوبك ... انحرمت من فرحتي في ولدك بولادته ... وشكلي انحرمت من فرحتي فيه في عرسه ... الله يسامحك يا عبدالعزيز ... الى متى بتم معور قلوبنا كذا ؟؟؟ في الفندق ... بس صكر نواف السماعة في وجه رؤى ... ركضت لبست عبايتها تنتظره ... وهي مو عارفة ايش تسوي ... كل شوي تقرب من فواز وتناديه ... بس ما يرد عليها ... بعد 10 دقايق بالضبط ... سمعت صوت الباب ... ركضت رؤى: مين؟؟؟ نواف: انا نواف ... افتحي بسرعة فتحت رؤى الباب وهي ميتة من الخوف .. نواف: وينه؟؟؟ رؤى: في الغرفة داخل ركض له نواف ... واول ما شافه انقبض قلبه ... ركض جهته وحط راسه عند صدره . . . . . . . . . . . . بيت عبدالعزيز ... عبدالعزيز يحاول ينام ومو قادر ... حاس بتأنيب الضمير تجاه منيرة .. الي من دخلوا وهي مطنشته ولا معطيته وجه ... وكل ما سألها سؤال ... اقتضبت في اجاباتها .. حس على دمه ... يعني اسكت مو طايقة اسمع صوتك ... من جهة ثانية .. منيرة ... حاسة ان النار شابة بصدرها وقلبها احترق خلاص ... اليوم زفت واحد وهي ما تدري مين ... بس قررت في قرارة نفسها انها مستحيييييييييييييييييييييييييي يييل تسأله مرة ثانية او تبين له اهتمامها بالموضوع ... بتتعامل مع الموضوع ببرود مثل ما هو يتعامل معاه ... مالها حاجة تعرف مين ولدها اذا هو تزوج خلاص ... فرحتها بكل مراحل حياته كانت ناقصة ... ليش تعرف احين ... تبي تعور قلبها بس ... ولا بتسمع خبر وفاته؟؟؟ ما بقى لها شي تفرح فيه ... الله يسامحك يا عبدالعزيز بس ... غرفة لينا ... هي صرفت نواف ولا عرفت ايش تقوله ... من التعب ... واول ما وصلت فراشها ونامت لها ربع ساعة دق جوالها ... رفعته شافته خالد ... ياربي على هالانسان ... دايم رايق ... ماعنده مراعاة للاوقات لينا بصوت كله نوم: الوووووووووووووووووووووو خالد بروقان: فديت الالو وراعيته لينا: خالد ... من جدك انت؟؟؟ خالد: اكيييييييييييد من جدي وعمي وخالي بعد ... اذا ما تفديتك بتفدى مين؟؟؟ لينا: خااااااااااااااااااااااااااااا اااااااااااااااااااا ااااااااااااااااااااالد خالد: عيونه ... قلبه ... روحه .. امري بس لينا: ممكن تصكر السماعة؟؟؟ خالد: افا ... ليييييييييييييش ؟؟؟ خلاص انا زعلت !!! لينا: خالد انا مو قادرة افتح عيني ... خلاص بناااااااااااااااااااااااااااا ااااااااااام خالد: عادي نامي عالسماعة لينا: من جدك انت؟؟؟؟ خالد: يووووووووووووووه ايش فيك على جدي اليوم؟؟؟ الله يرحمه ويغفر له لينا: انت مو بس مروق ... شكلك شارب لك شي!!!! خالد: والله ما عرفنا لكم يالحريم ... اذا طنشناكم ... زعلتوا وتشكيتوا من الرجال وعدم اهتمامهم ... عطيناكم وجه ... تقولون شارب ومدري ايش ... ايش يرضيكم؟؟؟ لينا: انا عن نفسي وفي هالوقت ... اللي يرضيني انك تقفل السماعة خالد: ما عندك ذوق ولا رومانسية اببببببببببببد لينا: انت شفت الساعة ؟؟؟ بالذمة هذا وقت للرومانسية ؟؟؟ خالد: احلى وقت بعد لينا: انا تعبانة ومو مستوعبة ايش تقول ؟؟؟ خلها بكرة احسن ؟؟؟ خالد: لا لا لا لا لا لا لا لينا: والحل؟؟؟ ابي اناااااااااااااااااااااااااااا اااااااااااااااااااا ااااااام خالد: خلاص نامي عالسماعة وخليني انا اتكلم لينا: ومن يسمعك؟؟؟ خالد: انتي!!!! لينا: مو توك تقول لي نامي؟؟؟ خالد: أي نامي وخلك عالسماعة لينا: وايش الفايدة ؟؟؟ زيادة فواتير عالفاضي؟؟؟ خالد: ومن قال لك عالفاضي؟؟؟ لينا: ايش الفايدة اذا انا نايمة؟؟؟ خالد: تحلميييييييييين فيني يا عسل لينا: والله انك رايق خالد: انا رايق ... بس مافي اللي يقدر لينا: تصدق خالد ... طيرت النوم من عيني خالد: هههههههههههههههههههههههههههه وهذا المطلوب بيت شهد ... رجعت من عرس اخوها وهي فرحانة ومبسوطة ... اليوم فرحت بفواز حبيب قلبها وعقبال ما تفرح بنواف يارب ... دايما تحمد ربها ان الله عطاهم هالاخين ... اللي لو كانوا اخوانهم حقيقي يمكن ماحبوهم كذا ... الله يخليهم لنا ولا يحرمنا منهم يا رب... دخلت البيت وانصدمت بغياب بندر ... وينه؟؟؟ المفروض انه رجع من العرس من زمان ... معقولة طلع مرة ثانية!!! يا ربي انا ما صدقت انه اليوم فرحان ومبسوط وطلع معاي لعرس اخوي ... صج انه رفض ينتظرني ويرجعني ... بس ما عليه ... عذرته ... اكيد تعبان من الشغل ويبي يرتاح ... انتظرت زوجها وما رجع ... هنا تاكدت انه اكيد راح لشلة السوء حقته ... ضاق خلقها بالحيل ... بدلت ملابسها وقعدت تبكي وهي تنتظر زوجها اللي الله اعلم متى بيتعدل حاله؟؟؟؟ نامت على الكنبة وهي تنتظره ... بعد ساعتين من نومتها عالكنبة سمعت صوت احد يدخل البيت ... رفعت راسها بابتسامة ... شافته وانصصصصصصصصصصدمت ... دخل عليها وهو سكران ... ومو داري باللي حوله ... تحولت ابتسامتها الى بكاء ... هذي حالتها من فترة ... تبكي حالها وحظها وزوجها اللي تغير وتبدل 180 درجة ... بندر وهوسكران: انتي صاحية لسه؟؟؟ شهد والدموع في عينها: بندر ... ليش رحت لهم؟؟؟ بندر: يوووووووووووووووووووه لا تفتحين لي موالك اليومي ... انا مككككككككككككككككككككككككككككك كككككككككيف عالآخر ... ولا ابي شي يعكر لي مزاجي شهد: بندر ... حرام عليك اللي تسويه في نفسك بندر: شههههههههههههد مابي اسمع ولا شي شهد: الى متى يا بندر؟؟؟ الى متى؟؟؟ طيب اليوم متى امداك تروح لهم؟؟؟ بندر: اليوم كيفت عالآخر ... حضرتك في العرس وما في احد يحن على راسي وكل شوي يدق علي ... من العشا وانا مبسوط معاهم شهد: اييييييييش؟؟؟ من العشا؟؟؟ ليش انت ما حضرت العرس؟؟؟ بندر: طبعا لا ... شايفتني فاضي لسخافاتك انا واهلك شهد: ليش تفشلني قدام اهلي ... هذا عرس اخوي المفروض انك اول الحضور؟؟؟ بندر: خلصنا من موال النصح ... حولتي لي على اخوك ... من زينه عاد .. بلا كثر حكي ... بروح انام وطلع لغرفته وتركها تبكي وتصيح همها اللي ما تدري متى بينزاح؟؟؟ في الفندق ... بدت ملامح فواز تلين ... ولونه يرجع طبيعي ... نواف ركب عليه الجهاز ... وقعد جنبه وهو ماسك يده ... وعينه ما فارقت عين اخوه ... رؤى من البداية ما استحملت الموقف ... طلعت للصالة وجلست تبكي ... ياربي انا ابي ارتاح وافتك منه ... بس مو بهالطريقة ... ابيه يبعد عني بس ... مو يموت بين ايدي ... لا لا لا لا ... الله يقومه بالسلامة ... اذا انا مو طايقته ... فأهله ما يستغنون عنه ... ما قدرت تقعد اكثر ودخلت لهم الغرفة رؤى: بشر نواف؟؟؟ نواف ما رفع عينه عن فواز: متى آخر مرة كلمك؟؟؟ رؤى: ما ادري ... انا تركته من زمان ... هو قال لي بنام ... فما فقدت حسه؟؟؟ نواف: يعني تقريبا من متى؟؟؟ رؤى: يمكن ساعتين او ساعتين ونص نواف وقف ولف عليها وبعصبية: اييييييييييييييييييييييييييييي ييييييييييييييييييش؟ ؟؟ رؤى: .............................. ... نواف: انتي ما تعرفين ان فواز مريض؟؟؟ رؤى بخوف: اعرف ... بس نسيت نواف: نسيتي ها ... صدقيني اذا صار في فواز شي ... لاخليك تنسين اسمك بعد ... ادعي انه يقوم بالسلامة ... ولا موتك على ايدي رؤى: طيب انا ايش ذنبي؟؟؟ نواف: ايش ذنبك؟؟؟ انتي شامة ريحة السرير؟؟؟ السرير مليااااااااان عطر ... كانه احد صاب العطر عليه صب ... ما تعرفين انك لازم ما تستخدمين هالنوعية من العطور ... شي طبيعي يختنق وهو نايم وسط هالريحة القوية ... لو انسان صاحي اختنق ... شلون واحد فيه الربو؟؟؟ رؤى: أي عطر تتكلم عنه؟؟؟ نواف: العطر الي ريحته مالية الفراش؟؟؟ رؤى: بس انا ما قربت جهة السرير !!! نواف: من وين العطر ؟؟؟ شكله نسائي؟؟ رؤى وكأنها تذكرت شي مقرف ... قالت وباستهزاء: هه اكيد عطر سمر نواف: سمممممممممممممممممممممممممر ؟؟؟ ايش جاب عطرها هنا؟؟؟ رؤى بنرفزة: تبيني اشرح لك القصة ونخلي فواز كذا؟؟؟ نواف بنظرة: يعني هامك فواز ؟؟ انتي حتى ما سألتي عن هوى داره !!! الله ستر وما مات عندك رؤى: اووووووووووف .. لاتقعد تعيد وتزيد في الكلام؟؟؟ نواف: شووووووووووووف ... غلطانة وتنافخ بعد رؤى: المطلوب مني؟؟؟ نواف: دقي على السيرفيس ... خليهم يجون يغيرون الشراشف ... اذا نام في هالريحة للصبح بيموت اكيد رؤى: ما اعرف ادق!!! نواف: انتي ايش تعرفين بدنياك؟؟؟ رؤى: اوووووووووووووووووووووووووف .. نواف مو وقت سخافاتك نواف: مين السخيف احين؟؟؟ هاتي التلفون خليني اكلمهم بعد فترة صحى فواز ... وشاف نواف جنبه ... ضغط على يده بقوة ... وتمسك فيه نواف اكثر ... وقرب منه وباس راسه ... نواف: سلامتك فواز: اكتفى بهز راسه لانه مو قادر يتكلم نواف: خلك مرتاح ولا تحاتي شي ... ان شاء الله انك بخير بيت عبدالعزيز ... صحى عبدالعزيز الصبح ... لف جهة منيرة شافها قايمة قبله ... قام وراح للحمام وغسل وصلى الضحى ... وهوطالع من الغرفة كانه تذكر الاولاد ... ابتسم في نفسه ... اول مرة بدخل وبلاقي بس واحد نايم ... والثاني مو موجود... الله لايفرقهم بس ... دخل الغرفة وانصدم ... نواف صاحي ومو نايم ... ابتسم في نفسه .... وطلع) |
رد: يا رب تخليه وتبقيه لعنين ترجيه
نزل تحت ... لقى منيرة تجهز الفطور
عبدالعزيز: صباح الخير منيرة: صباح النور عبدالعزيز: كيف اصبحتي؟؟؟ منيرة بدون نفس: بخير ... نفس كل يوم عبدالعزيز عرف انها متضايقة وشايلة بخاطرها ... بس يعرف منيرة بسرعة ترضى وتنسى ... قال خليني اغير مزاجها شوي: بس اليوم غير عن كل يوم!!! منيرة: ليش يعني ؟؟؟ ايش فيه اليوم؟؟؟ عبدالعزيز: اليوم كبرتي وعجزتي!!! منيرة بنظرة: نعم!!! عبدالعزيز: لا تطالعين فيني كذا !!! امس زوجتي واحد من عيالك ... وقريب بتصيرين جدة ... يعني عجزتي منيرة: .............................. ..... عبدالعزيز: ردي علي كلامي صح ولا غلط؟؟؟ منيرة: صح ... انبسطت ؟؟؟ ايش المطلوب يعني ؟؟؟ عجزت وخرفت ... زين كذا؟؟؟ عبدالعزيز: يعني اعترفتي ؟؟؟ خلاص اذا فكرت اتزوج محد يلومني؟؟؟ منيرة وهي فاتحة عينها: نععععععععععععععععععععععععععم ...انا كبرت وانت لسه شباب يعني ؟؟؟ عبدالعزيز وهو كاتم ضحكته: لا انا بعد كبرت ... بس الرجال ما يعيبه الكبر!!! منيرة: ياسلااااااااااام ... هذا وانت المتعلم تقول هالكلام !!! ايش خليت للجهلة؟؟؟ عبدالعزيز: ما تدرين ان الجهلة احيانا مو احيانا الاغلبية اعقل من المتعلمين؟؟؟ منيرة: لا تضيع السالفة ... اذا تبي تتزوج تزوج!!! زعلت منيرة ولفت وجهها عنه ... عبدالعزيز ما قدر يمسك نفسه اكثر: هههههههههههههههههههههههههههههه هههه منيرة بعصبية: ليش تضحك ؟؟؟ في شي يضحك ؟؟؟ عبدالعزيز: انتي صدق كبرتي ... وشوي عجزتي ... شوي مو واجد ... لا تطالعيني كذا ... بس بتظلين حلوة في عيني ... ولو لفيت الدنيا ما احصل بطيبة قلبك التفت له منيرة وابتسمت له ابتسامة من قلب وقالت في نفسها ( لو ايش تسوي يا عبدالعزيز ... غلاتك في قلبي ما تقل ... ولا عمرها بتقل ... الله لا يحرمني منك ... ويحنن قلبك علي ) في الفندق ... طول الليل ونواف وفواز مع بعض ... فواز صحى بعد فترة وتطمن عليه نواف ... استحى نواف من نفسه ... وقام يبي يطلع ... بس مسك فيه فواز ... وقال له السالفة كلها ... انقههههههههر نواف منها وعناد فيها جلس للصبح مع اخوه ... ومخلينها هي قاعدة برا تنتظرهم ... لحد الصباح ... طلع نواف من الغرفة ... وشافها قاعدة عالكنبة ... ومبين عليها العصبية وتهز رجلها بقوة .. نواف: صباح الخير رؤى: .................... نواف: ايش فيك معصبة ؟؟؟ قلت صباح الخير ؟؟؟ رؤى: ................... نواف بخبث: صح تذكرت انتي عروس ... المفروض صباحك غير ... خلاص ولا تزعلين ... صباحية مباركة يا عرووووووووووووووس رؤى: اذلف واطلع برا ... انت اصلا واحد قليل الادب ومو متربي نواف: خليت التربية لك ... مو بكيفك تطرديني !!! رؤى وهي فاتحة عينها: يعني انت لسه ناوي تقعد؟؟؟ نواف: طبببببببببببببببببعا ... انا نازل اجيب فطور لي ولاخوي حبيبي رؤى: الله ياخذك انت وياه نواف: اقوووووووووووووووووول انا مو فواز تحذفين بالكلام على كيفك !!! تأدبي في الحكي لا يجيك كف يعدل لك وجهك .. انا طالع اجيب فطور وارجججججججع .. .فاهمة ؟؟؟؟ وطلع وصكر الباب وراه ... وهي ما صدقت يطلللللللللللللللللللع ... دخلت على فواز وهي معصبة رؤى: هييييييييييييييييييييييييييييي .. اذا ما عقلت اخوك بذبحه وبذبحك وراه فواز: داخلة علي والشر بعيونك ... خير ان شاء الله ايش سوينا انا واخوي؟؟؟ رؤى: ليش مقعد اخوك طول الليل هنا ؟؟؟ فواز: والله اذا انتي ما تبين تقعدين معاي ولا طايقتني في ناس واجد يسلوني ... يعني مو محتاجك ... لا تخافين رؤى: مقعديني برا في هالبرررررررررد ومن غير غطا او شي؟؟؟ فواز بعدم اهتمام: عندك عباتك !!! رؤى: وججججججججججججججججججججججججججججج جججججع ... مو منتظرة صدقتك انت واخوك ... بس مت ابي اروح الحمام ... وانت واخوك مكيفين عالآخر فواز: اكبر دليل انك كذابة انك لسه قاعدة تكلميني ... الحمام قدامك رؤى: الله ياخذك ... وراحت جهة الحمام اول ما وصلت للباب ... ناداها فواز: بسررررعة قبل لا نواف يجي ... تحرجينه اذا شافك طالعة من الحمام رؤى: ليش يعرف ينحرج هو؟؟؟ وصكرت باب الحمام بقوة فواز: ههههههههههههههههههه طلعت من الحمام ... وقفت قدام المراية تمشط شعرها ... فواز يلعب بجواله فواز: بسررررعة ... نواف اكيد على وصول رمت المشط بعصبية: يعني بيرجع ؟؟؟ فواز: ايش اقول من الصبح؟؟؟ رؤى: عمى بعينه رمى عليها المخدة: لا تدعين على اخوي رؤى: لا بدعي عليه ... ما يعرف انه عيب يقعد معانا في الفندق؟؟؟ فواز: هذا لو كنتي زوجة محترمة ومؤدبة مثل العالم والناس ... بس بوضعنا هذا أي شي اسويه عادي ... انتي مو يهمك الزواج قدام الناس ؟؟؟ قدام الناس نايمين في الفندق وغارقين بالعسل ... هذا اهم شي رؤى: بس انا تعبت من الجلسة بالعباية ؟؟؟ فواز: مو شغلي ... دبري عمرك سمعوا صوت الباب فواز: بسرعة البسي عباتك ... نواف وصل رؤى: الله ياخذذذذذذذذذذذذذذذذذذذذذذذذذذذ ذذذذذذذذذذذذذذذذذذذك انت وياه دخل نواف ... وجلس يفطر مع فواز داخل ... بعد ماترك لرؤى فطورها في الصالة ... وبعد ما خلص نواف: خلاص بستحي على وجهي وبروح بيتنا فواز: اقعد ... لو تركني معاها بروحنا بذبحها نواف: ههههههههههه انت لو تقدر تذبحها كان ذبحتها وأدبتها من اول يوم ... بس اعرفك تموت عليها فواز: آه شسوي بعد ... الله كاتب علي الشقا نواف: لا تحاتي ... بأدب لك اياها ... انا من القهر جتني الف فكرة فواز: صدق؟؟؟ صار لي شهر احن عليك وتقول لي ما طلع معاي شي نواف: ما تصدق شلون ودي اكفخها ... من الحرة جت الافكار كلها مع بعض ... خلني ارتب لك اقوى فكرة واقولك اياها فواز: على يدك ... بسرعة لا تتأخر علي نواف: ان شاء الله في الليل ببيت عمي عبدالرحمن تكون الفكرة جاهزة فواز: لا ابيها قبل ... بجيكم الغدا ... وقول لي نواف: وين تجي؟؟؟ فواز: بيت ابوي!!! نواف: استريييييييح ... ابوي لو شاف شكلك بيعرف انك تعبت البارحة ... ارتاح لليل لين يتعدل شكلك شوي فواز: تبيني اقابل هالعلة اللي برا لليل؟؟؟ نواف: حط راسك ونام ... انت مو نايم من امس فواز: امري لله ... ما ادري ايش هالزواجة اللي بلشت نفسي فيها نواف: هههههههههههههه يعني تنصحني اضرب عن الزواج؟؟؟ فواز: طبببببببببببببعا ... ومن غير تفكير بعد طلع نواف ... واول ما طلع دخلت رؤى على فواز .. رؤى: انتهى مؤتمر القمة؟؟؟ ليش طلع بدري ؟؟؟ كان قعد بعد؟؟؟ فواز: اطلعي برا ... فيني نوم رؤى: قليل ادب طلعت وصكت الباب وراها بقوة ... وفعلا فواز حط راسه ونام ... ورؤى من القهر والتعب اول ما وصلت للكنبة حطت راسها ونامت ... صار لها يومين مو نايمة ... نامت على وضعها وهي متغطية بعبايتها ... بعد المغرب دقت لينا على رؤى ... رؤى كانت نايمة ... سمعت الجوال رفعته: الوووووووووووووو لينا: هههههههههههههه لسه نايمة.؟؟؟؟ رؤى: ايه لينا: ههههههههههههههههههه الله يهنيكم ... قلت ما بتصل قبل المغرب ... تكونين فاضية لي ... ولسه نايمة؟؟؟ رؤى: ليش الساعة كم؟؟؟ لينا: الساعة 6 المغرب ... بعد شوي بيأذن العشا نقزت رؤى: يوووووووووووووووه ما صليت ... اصلي وارجع ادق عليك لينا: هههههههههههههههههههههههههههههه ه اوكي ركضت ودخلت الغرفة وشافته نايم ... دخلت الحمام وصكت الباب بقوة بالعمد عشان يصحى ... حس فيها وقال في نفسه ( شكلي متزوج واحد من شباب الاستراحة ... كذا البنات يصكون الباب ... ولا بحول الانوثة ولا فيها ريحتها ) طلعت من الحمام ... ودخل فواز على طول ... يبي يلحق عالصلاة ... صلت رؤى ورفعت جوالها ودقت على لينا ... لينا: هههههههههههههههههههههههههههههه ههههههههه رؤى: ليش تضحكين؟؟؟ لينا: ابببببببببببببببببببد سلامتك ... ههههههههههههههههههههه رؤى: ضحكتي بلا ضروس لينا: خلينا بالمهم ... متى ناوية تروحين للمشغل؟؟؟ رؤى: ليش ان شاء الله؟؟؟ لينا: شنو اللي ليش؟؟؟ تبين تجين العزيمة بكشتك؟؟؟ رؤى: أي عزيمة؟؟؟ لينا: ليش فواز ما قال لك؟؟؟ رؤى: يقول لي ايش؟؟ لينا: اليوم عمي عبدالرحمن مسوي عزيمة كبيرة لكم رؤى في نفسها: الحماااااااااااااااااااااار ما قال لي رؤى: يمكن ناسي يقول لي لينا: ههههههههههه يالدبة ... شكلك نسيتيه اسمه رؤى في نفسها: كثري منها بس رؤى: طيب يالله قفلي السماعة ... يالله يمديني اجهز لينا: طيب نشوفك الليلة ان شاء الله ... وهالله هالله بالكشخة رؤى: ابشري ... مع السلامة طلع فواز من الحمام ... واستلمته رؤى رؤى: هيييييييييييييي انت ... ليش ما تقول لي ان فيه عزيمة في بيت عمك؟؟؟ طنشها فواز وكبر للصلاة ... رؤى: حماااااااااااااااااااااااااااا اااااااااااااااااااا اااااااااااااااااااااااااااااا ااااااااار بعد ما خلص ... بس سلم من الصلاة ... رؤى: انت متى بتعقل وتبطل تطنشني؟؟؟ فواز: متى ما تأدبتي وكلمتيني مثل الناس المحترمة رؤى: اووووووووووووووووووووووووووووو ووووووووف ... طيب ... يا فواز يا زوجي المحترم ... ليش ما علمتني ان في عزيمة في بيت عمك؟؟؟ فواز: مو اسمه بيت عمك ... احترمي عمي وناديه ... عمي عبدالرحمن رؤى: : اووووووووووووووووووووووووووووو ووووووووف ... طيب ... يا فواز يا زوجي المحترم ... ليش ما علمتني ان في عزيمة في بيت عمي عبدالرحمن؟؟؟ فواز: احترمي نفسك ولا تنافخين في وجه زوجك؟؟؟ رؤى في نفسها: الله ياخذذذذذذذذذذذذذذذذذذذذذذذذذذذ ذذذذذذذذذذذذذذذذك رؤى من بين اسنانها: يا فواز يا زوجي المحترم ... ليش ما علمتني ان في عزيمة في بيت عمي عبدالرحمن؟؟؟ فواز: شفتي الفرق ؟؟؟ كذا الناس تتكلم ... بأدب واحترام رؤى: المهم ... ليش ما علمتني؟؟؟ فواز: مزاااااااااااااااااااااااااااا اااااااااااااااااااا اااااااااااااااااااااااااااااا ااااااااااااج رؤى: وججججججججججججججججججججججججججججج جججججججع فواز: رجعنا لقلة الادب؟؟؟ رؤى: قوم وصلني للمشغل فواز: مالي خلق رؤى: قووووووووووووووم فواز: بعد ... قومي طقيني احسن!!! رؤى: فواز ... ما بيمديني اجهز ... قوم وصلني فواز: ما في مشغل رؤى: نعععععععععععععععععععععم .. .شلون يعني ؟؟؟ فواز: يعني ما في مشغل رؤى: وليش يعني ؟؟؟ فواز: كذا .. ليش الخساير؟؟؟ اجهزي بنفسك!!! ما عندك مكياج بروحك؟؟؟ رؤى: بس شغل المشغل احلى!!! فواز: انتوا خساير بس ... تشترون لي بهالمكياج بالقيمة الفلانية ... ومالين الغرفة منه ... واذا صارت مناسبة طرتوا للمشاغل ... يعني الخساير من صوبين؟؟؟ رؤى: فواز ... ودني اليوم المشغل وبعدها اللي تبي بسويه ... بس اليوم ضروووووووووووووووووووووووووووو وووووري اروح للمشغل فواز: وليش يعني اليوم ؟؟؟ رؤى: لاني عروس ... وكل الناس بتنقد علي فواز: بس انا مو شايف عروس ... شايف وحدة لسانها اطول منها رؤى وهي شوي وتبكي: فوااااااااز ... ابي اروح للمشغل!!!! فواز: وانا قلت ما في مشغل ... ادخلي اسبحي واجهزي بنفسك ... ويالله بسرعة لاتاخريني خذت اغراضها ودخلت الحمام وصكت الباب باقوى ما عندها .. وابتسم فواز ابتسامة النصرررررررررررررررر ... |
رد: يا رب تخليه وتبقيه لعنين ترجيه
خلصت رؤى من الميك اب تقريبا ... خلاص حطت لمساتها الاخيرة على شكلها ... طبعا طردت فواز من الغرفة وجلسته في الصالة وتجهزت ... طلعت فستانها ولبسته ... ناظرت لشكلها في المراية ... كان خاطرها تروح للمشغل ... بس عجبتها النتيجة النهائية ... وهذا المهم ... لبست عبايتها وطلعت لفواز ...
رؤى: يالله فواز ... انا جاهزة فواز: خلصتي ؟؟؟ رؤى: ايه فواز: وليش لابسة عبايتك ؟؟؟ وريني ايش لبستي!!! رؤى: ايش عليك من لبسي؟؟؟ فواز: شنو ايش علي؟؟؟ اناقتك من اناقتي!!! رؤى: مااقدددددددددددددددر عالاهتمام ... يالله خلنا نروح بلا كثر حكي فواز: ما راح تطلعين الا وانتي موريتني لبسك!!! رؤى وهي تنافخ: طيب ... نزلت عبايتها كانت لابسة فستان ناعم وروووووووووووووووووعة ... مطلع جسمها مضبوط ... حلو وانيق وما يختلف على جماله اثنين ... شعرها الناعم والميك اب ... فعلا كانت جميلة ... طالع فيها فواز فترة ... وبعدين فواز: ايش هذا اللي لابسته ؟؟؟ غيريه بسررررررعة رؤى وشكت في نفسها: ليش الفستان مو حلو؟؟؟؟ فواز: يفشششششششششششششششششششششششششششش ششل رؤى بخوف: صدق؟؟؟؟ فواز: ايش هالذوق ؟؟؟ من جدك هذا ذوقك؟؟؟ رؤى: فواز لهالدرجة الفستان مو حلو؟؟؟ خواتك انهبلوا عليه لما اخذته!!!! فواز: لا اذا خواتي عاجبهم فأكيد انه حلو ويجنن رؤى: الله يقطع شرك ... خوفتني!!!! فواز: بس بتغيرينه!!!! رؤى: وليش ان شاء الله؟؟؟ فواز: كذا مزاااااااااااااااااااااااااااا اااااااااااااااااااا اااج رؤى: مو وقت مزاجك ... قوم يالله تأخرنا فواز: قلت لك ما بتطلعين بهالفستان ... يعني ما بتطلعين فيه؟؟؟ رؤى: طيب ليييييييييييييييييييييييش؟؟؟ فواز: لانك ما سألتيني قبل لا تلبسينه رؤى وهي تتخصر له: نعم نعم نعم ... ان شاء الله تبيني اسالك قبل لا ألبس أي شي؟؟؟ فواز: طبعا ... ونزلي يدك واحترمي زوجك رؤى: واذا قلت اني مو منزلة يدي ومو مغيرة ملابسي فواز وهو قايم: بكل بساطة ما بتطلعين من هنا ... عن اذنك رؤى وهي تصررررررخ: وييييييييييييين رايح؟؟؟ فواز: بروح بيت عمي ... تأخرت عالعشا رؤى: وانا؟؟؟ فواز: بقولهم انك ما تبين تجين ... عاد دوري لك حجة اذا اتصلوا فيك يسألون عنك رؤى: حماااااااااااااااااااااااااااا ااااااااااااااار فواز: شكررررررررررررررررررررا رؤى بقهر: انتظظظظظظظظظظر خلني ابدل فواز: بسررررررررررررررررررررررررررعة متأخرين رؤى: اذا متأخرين خلني اطلع اليوم ومرة ثانية اسألك؟؟؟ فواز: بزر قدامك ... ادخلي غيري اللي عليك بسرعة رؤى: طيب ... ولفت بتدخل وكأنها تذكرت شي: فواااااااااااااااااااز فواز: نعم رؤى: الميك اب فواز: ايش فيه رؤى: اذا غيرت الفستان لازم اغير الميك اب!!!! فواز: طيب ... غيريه رؤى: حرااااااااااام عليك فواز فواز: تبين تجين ادخلي بسرعة وغيريه ... ماتبين بكيفك ... انا رايح رايح مو فارقة معي رؤى: طييييب ... ايش البس احين؟؟؟ فواز: آه ... ذكرتيني ... وريني ايش بتلبسين قبل لا تلبسينه ... مو بعد ما تجهزين!!! رؤى: حمااااااااااااااااااااااااااار دخلت طلعت لها فستان ثاني ... وطلعت له ... هذا زين؟؟؟ فواز: مطلعة لي قطعة قماش وتقولين لي هذا زين؟؟؟ رؤى: ايش تبيني اسوي يعني؟؟؟ فواز: البسيه واطلعي وريني رؤى: اووووووووووووووووووووووووووووو ووووووووووووووف دخلت لبست الفستان وطلعت: ها زين كذا؟؟؟ فواز: اممممممممممممممممممممممم الفستان اللي قبل احلى بكثيييييييييييييير رؤى بفرحة: يعني ارجع البسه؟؟؟ فواز: طبعا لا ... عشان تتأدبين بس ... اللي لابسته اوكي ... غيري الميك اب بسرعة تاخرنا رؤى: اووووووووووووووووووووووووووووو وووووووووووووف بيت العم عبدالرحمن ... طبعا جوال فواز ورؤى ماسكت من كثر الاتصالات ... الكل يسأل عنهم وعن تأخيرهم ... وفواز يقول جايين جايين فواز: شفتي كله منك تأخرنا رؤى: احلف بس ... والله منك انت وحركاتك السخيفة فواز: تأدبي لا أذبحك رؤى وهي تنزل من السيارة: ما تقدر ... اشوفك قرب صوبي وانا وسط اهلي وصكرررررررررررررت الباب بقوة فواز: وجججع ... شكلها ناوية على باب السيارة ... كل مالها وتصفقه بقوة اكثر دخلت رؤى عند الحريم واستقبلوها البنات ... واستلموها احضان وبوس ... والكل يبارك لها ... ليان: يالدببببببببببة ... من احين مخربة اخونا؟؟؟ رؤى في نفسها: الله ياخذ اخوك بس وافتك منه رؤى: ليش ... ايش سويت؟؟؟ ليان: فواز دايما اول واحد يكون جاهز ... واليوم آخر واحد يوصل!!! لا وتحت الخط الاحمر بعد رؤى: ههههههههههههه والله منه مو مني لينا: بدينا بهالحركاااااااااااات؟؟؟ رؤى: اووووووووووووه ... خلونا من هالكلام الفاضي ... شلون شكلي وفستاني؟؟؟ لينا: تهبببببببببببببلين ... بس ليش ما لبستي الفستان اللي شريناه مع بعض ؟؟؟ ليان: أي والله ... ذاك احلى بكثيييييييييييييير رؤى في نفسها: الله يسامحك يا فواز رؤى: ما ادري ... اشتهيت هذا ... ليش مو حلو؟؟؟ ربى: الا حلو ويجنن ... ما عليك منهم ... يالله ادخلي للناس ... الكل ينتظرك دخلت رؤى ... والكل انبهر فيها ... سلمت على الكل ... والكل بارك لها ... طبعا لاتخلو الجلسة من عيون الحاقدين ... سمر ورشا وامهاتهم ... بس طنشتهم رؤى ولا كأنهم موجودين بعد العشا ... راحت رؤى للمغاسل تشوف شكلها وتعدله ... جاتها سمر ... شافتها رؤى بالمراية وقالت في نفسها: اعوذ بالله من الشيطان الرجيم سمر: شخبارك يا حلوة؟؟؟ رؤى بفخر: يعني تعرفين اني حلوة ... ومستحييييييييل فواز يناظر غيري!!! سمر: ههههههههههههههههههههههههه واثقة بالمرة رؤى: طبعا واثقة سمر: طيب شلون النومة على السرير عقب ما نمت عليه رؤى وكانها تذكرت ولاعت كبدها ... سمر حست فيها ... قالت تزيد عليها: طيب مين نام بالمكان اللي نمت فيه؟؟؟ يااااااااااااااااااااااااااااا اااااااااااااارب يكون فواز ... الله الظاهر نام على ريحتي قربت رؤى منها: وقحححححححححححححححححححححححححححح ححة وطلعت وتركتها وسمر تضحك بصوت عالي وينرفز عايشة عمة رؤى نادتها ... رؤى: امري ياعمة العمة عايشة: حبيبتي ودي بعزيمة لك بكرة العشا ... عندكم شي؟؟ رؤى: ما ادري ؟؟؟ باقي يومين على عرس ربى ... وما ادري اكيد الناس حايسة ... ولاعت كبدهم من العزايم العمة: بس ودي اعزمك؟؟؟ رؤى: اممممممممممممم طيب لا تسوينها عزيمة كبيرة ... بس اعزمي اهل ابوي ... وما عليك بالباقي .. يعني بس اعمامي وعماتي العمة: خلاص ... اذا كذا بخليها غدا... وبس بقول لبيت خالتك وبيت عمهم عبدالرحمن .. مابقول للعمات ... ما اشتهيتهم رؤى: تسوين طيب يا عمة ... انا بعد مالي خلقهم عند الرجال ... سحب نواف اخوه على جنب ... نواف: حصلت لك اللي تبيه!!! فواز: صدق؟؟؟ نواف: مو بس تأدبها ... تأدب اللي جابوها بعد فواز: الحققققققققققققققققققققققققققق قققققققققققني بالفكرة اتصل فواز برؤى ولبست عبايتها وطلعت ... ركبت السيارة وصكرت الباب بقوة فواز: وبعدين معاك؟؟؟ رؤى: ايش سويت بعد؟؟؟ فواز: ايش ناوية على باب السيارة؟؟؟ شكلي بغيرها بسبتك!!! رؤى: كييييييييييييييييييييييييييييف ي فواز: كيفك ها ... ما في روحة بكرة لبيت عمتك عايشة!!! رؤى: يالساحر ... من قال لك ؟؟؟ شلون عرفت؟؟؟ فواز: العصفورة قالت لي رؤى: مالت عليك وعلى عصفورتك فواز: المهم ... بكرة العشا بنروح لبيت ابوي ... لا توافقين على العزايم بكيفك من غير ما تشاوريني رؤى: اوامر ثانية عمي فواز ناظرها فواز بطرف عينه ولارد عليها ... |
| الساعة الآن توقيت السعودية الرياض و الدمام و القصيم و جدة 10:54 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.