خلطة الصابونية لبياض ناصع ونعومة(إدخلو والله حلوة
 

بسم الله الرحمن الرحيم والصلاة والسلام على
أشرف الأنبياء والمرسلين نبينا محمد صلى الله علية وسلم وعلى ألة وصحبة أجمعين

كيفكم ياحلوات أنا قريت هذي الخلطة في منتديات كويتيات النسائية وجربتها وإنبهرت بالنتايج وحبيت أقولكم عنها صراحة بياض ناصع ونعومممة يعني بصراحة خطيرة
الخلطة إسمها خلطة الصابونية
[/center]وطريقتها سهله وتونس وممتعه
والأشياء اللي نحتاجها مع فوايدها

1-صابونه الكركم ------------------------- تلاقينها في الصيدلية ( تبييض+ نظافة+ تشيل الحبوب الدهنيه بالجسم )
2-صابونه الغار--------------------------- عند العطار( تبييض + نظافة وتشيل الحبوب وتصفي)
3-صابونه السحرية------------------------عند العطار ( تبييض)
4-صابونه البابايا --------------------------في الصديلة 4في1( تبييض + تشيل الحبوب وتوحد اللون)
5-ماي ورد قلاص وربع------------------- سوبرماركت( ترطيب نعومه تبييض)
6-اشوية كركم جسم ------------------------عند العطار حق الجسم مو الأكل( تبييض)
7-ملعقة كبيره ملح خشن -------------------سوبرماركت( تطهر الخلطة + نظافة)
8-ملعقتين كبار سفيد اب مطحون- ----------في الصيدلية على شكل كور بيضاء ( تبييض)
9-ملعقة وسط نشا-------------------------- سوبرماركت( تبييض + لتماسك الخلطة)

والحين نبشر صابونه الكركم وصابون الغار و الصابونه السحرية وصابونه البابايا

نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون

نبشرهم ونحطهم في صحن بروحهم راح تصير عندج كميه من الصابون المبشور

نخليهم ونروح نأخذ جدر ضيج اشوي ما يكون كبير ونحط فيه قلاص وربع ماي ورد ونحط السفيد اب ملعقتين كبار وبعدين الكركم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة <<< طاااع التشبيه المهم

أي والله صج بيذوب وتتكون عندج الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه النشا على طول واهيا حارة على الخلطة وحركيها عدل

وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

طريقة استخدامها:
مع كل استحمام استخدميها اخذي كميه في ايدج وفركي فيها جسمج كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو

وبعد الحمام بعد ما تنشفين جسمج دهني جسمج في أي كريم مرطب للجسم عشان تزيد النعومه وترطبين الجسم بعد الصابون
أنا عن نفسي أحط زبدة الكاكاو ويلا جربوها إدعولي :)

رد: خلطة الصابونية لبياض ناصع ونعومة(إدخلو والله ح
 

مشكووورة يعطيج العافيه

رد: خلطة الصابونية لبياض ناصع ونعومة(إدخلو والله ح
 

تسلمين حبوبه