العرايس المصريات يتفضلوا دخول
اولا : السلام عليكم و رحمة الله و بركاتة
ثانيا : انا عضو جديد فى المنتدى و لكنى كنت زائرة دائمة لهذا المنتدى لما يحتوية من موضوعات متعدد و مفيدة و بجد انا بشكر المنتدى و كل اعضاءة لما يبزلوه من جهد لرفعت شأن هذا المنتدى و ادعوا ربى ان يجعلة فى ميزان حسناتكن جميعن ثاثا : انا عملت الموضوع دا علشان البنات المصريات لسبب انى اريد ان تدخل على عروسة مقبلة على الزواج حتى تسرد لنا كل ما مرت به:11_3_2[1]::11_3_2[1]: من تجارب اثناء الشراء و المركات اللى هى بتفضلها و الاسعار اللى اشترت بيها و اشترتها منين بالظبط و هذا حتى تعم الفائدة على كل العرايس و الله المستعان و يارب يجزينا خيرنا عن ذلك |
رد: العرايس المصريات يتفضلوا دخول
موفقه ياعمرى
لكن انا عروسه قديمه شويه ينقل لقسم تجهيزات العروس |
رد: العرايس المصريات يتفضلوا دخول
انا هبدا ان شاء الله
بصوا يا جماعة انا مكتوب كتابى بقالى 6 شهور و هدخل ان شاء الله على شهر 10 اللى جاى انا من مصر من محافظة الغربية و بالتحديد من مدينة المحلة الكبرى طبعا انا نزلت اشتريت شوية حاجات يعنى بدات اجهز الحمد لله و طبعا جبت المفروشات من عندى علشان انتم عرفين اننا بنشتهر بالمفروشات انا جبت من محل اسمة هشام الحلو دا ورا جامع الحنفى اللى فى الصاغة جبت من عندة 7 اطقم سراير متنوعة و كلة مطعمة بالاورجانزة و خامتها جميلة اوى مشاء الله كلهم عملين زى المفارش الطقم ما بين 150 و 110 و 135 يعنى متنوعين . 3 طقم سرير اطفال و دى بجد جميلة اوى فيها دلع كدة و شكلها حلو بردة الطقم 125و 170 بس بجد جمال. 1 مفرش ستان علشان يوم الزفاف طبعا انتم عرفين و دا عامل 400 جنية لونة سكرى بس روعة . 1 مفرش قطيفة اللى هو المفرش الشتوى و دا بـ 235 جنية 1 كفرتة طقم كامل 3 ق بـ 185. 3 بشكير كبير الواحد بـ 20 عليهم رسومات جميلة . 6 فوط مطبخ بـ 20. 12 فوط حمام بـ 30 . 12 فوط وش بـ 225. و جبت برنس جميل من هناك هما اتنين مع بعض طقم كامل يعنى واحد ليا وواحد لزوجى كان عامل 125 . و انا عندى بطنيتين البطنية راقين دول كان بابا الله يرحمة جايبهوملى من 4 سنين . هبقى اكملكم بقيت الحاجات اللى انا اشترتها بقى اصلى جبت حاجات للمطبخ بعد ان شاء اله ما اشوم مشركتكم اللى هتشجعنى و اذا فى حد عاوز يستفسر عن اى شئ يتفضل.:sdgsdg: |
رد: العرايس المصريات يتفضلوا دخول
مرسى جدا ل عاشقة بعلها على التثبيت
|
رد: العرايس المصريات يتفضلوا دخول
اية يا جماعة 9 مشاهدات مافيش رد واحد
انا قولت هنتفاعل مع بعض و نفيد و نستفيد من بعض و ان شاء الله ربنا يجعله فى ميزان حسنتنا لان الله فى عون العبد ما دام لعبد فى عون اخية |
الساعة الآن توقيت السعودية الرياض و الدمام و القصيم و جدة 01:52 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.