ازياء - فساتين سهرة و مكياج و طبخ

ازياء - فساتين سهرة و مكياج و طبخ (https://fashion.azyya.com/index.php)
-   استفسارات العروس و ترتيبات و تجهيزات الزفاف (https://fashion.azyya.com/79)
-   -   افكار مميزة لفرح مميز (https://fashion.azyya.com/111246.html)

مسلمة 2015 01-15-2010 06:27 PM

افكار مميزة لفرح مميز
 
نبدأ بالمقدمة




حضرتي فرح قبل كده !!!!




أه أنا بكلمك إنتي !!



هاااه حضرتي



طيب كان إسلامي ولا .......



طيب إنتي فرحك قرب وبتحضري ليه ولا لسه شوية !!!



نفسك تعمليه إسلامي ولا ....... !!!!!!!

احم احم ..



طيب كام فرح بيتعمل في السنة في أمة لا إله إلا الله ؟




كام معصية بترتكب ؟... بل كام ذنب تحمله وانت خارج من الفرح ؟




بلاش إحراج بقة .. وبعدين كل الناس بتعمل فرحها كدة ..



الفرح ازاى اصلا يكون فرح من غير أغاني ورقص ونساء ورجال




طيب لما يكون فيه إختلاط وزحام ولا يعلم أماكن الرجال من النساء



لما يكون فيه ملابس لا تستر بنات المسلمين



ووجوه مزينة بالمكياجات وشعور سدلت وإنكشفت



ورقصات ولما تقول ده حرام ترقص وتتكشف أمام الرجال



يرد عليك::



يا راجل هو فيه حد غريب دا ابن عمها ودا ابن خالتها



ذي أخوانها يعني ليه تسيئوا الظن كدا !!!!!

يا جماعة تعالوا نتكلم بالعقل .. هل لما انت تعمل فرح عادي أغانى رقص رجال ونساء كل كل حاجة .. ده شئ يرضي ربنا ؟
فكرت قبل كدة .. إزاى ربنا يرضى عنى ؟؟
هل جعلت هذا هدفك في الحياة ؟؟

ما هو أنا بحاول وبرجع تانى وأحاول وربنا يعني

تمام مقولناش حاجة .. ربنا يعينك ويثبتك على طريق الحق
بس انت عارف قدر الذنوب اللى ممكن تطلع بيها ؟؟

يا خبر .. لا مفكرتش .. بس هو يوم واحد ..

مشكلتنا اننا عندنا امل كبييير ان الحياة ادامنا طويلة
مش عارفين اننا ممكن في اي وقت ينزل ملك الموت يقبض أرواحنا

طيب بالراحة علينا شوية

طب تخيل أن رسول الله صلى الله عليه وسلم حي بيننا الآن ودخل فرحك اللى المفروض أنه طاعة لله وشكر على نعمة الزواج !!

ها ..

هتقوله ايه ؟؟ .. بالله عليك هتقوله ايه ؟؟
ولما ربنا يسألك عن اليوم ده هتقوله ايه ؟؟
فكرت انك تعمل فرحك اسلامي .. وقولت هعمله اسلامي عشان ارضيك يارب .. علشان افرح بطاعتك وافرح اهلى واشكر نعمتك عليا يااارب ؟!
فكرت نور الطاعة يملأ قلبك..
جربت الفرجة بجد .. الفرحة الحقيقية ؟؟

تعالوا .. نروح جولة سريعة في حملتنا
حملة فرحــــي إسلامي .. ليه شكل تانى
ونشوف أفراحنا بشكل تانى .. بشكل جامد جداً يكفي انه في طاعة الله ..
ولا تنسى أن تدعونا لنحضر فرحك قرييييب .. بس اسلامي ان شاء الله
يالا نرضي ربنا ونرفع شعار
فليرضى عنى الناس أو فلسخطوا أنا لم أعد أسعى لغير رضاك

أفكار خرافية .. لأفراحنا الإسلامية





الحمد لله وحده والصلاة والسلام على من لا نبي بعده ثم أما بعد ..
جيبالكم النهارده أفكار جامدة لإقامة أحلى فرح , يلا نبدأ ..

الخطوة الأولى : يجب على العروسة أن تجتمع من أصدقائها قبل الفرح بأيام للإتفاق على دور كل واحدة منهم

بطبيعة الحال : عادتا ينتظر المدعوين دخول العروسة في المكان سواء كان قاعة أفراح إسلامية أو في بيت العروسة ..

دور الأصدقاء : يبدأ أصدقاء العروس بتشغيل الأناشيد وتهيئة المكان للعروسة وتنبيه الناس أن التصوير ممنوع ..


دخلة العروسة : قبل دخول العروس مباشرتاً (ترن) على صحبتها اللي اتفقت معاها قبل كده ..و تطفي صحبتها النور.. وبقيت الأصدقاء يوجهوا حاجة كدة اسمها سبايك بتشتريها من محلات الهدايا والبلاسيتك هي في شكلها تشبه أعواد البخور كدة بس بتطلع نور جامد كدة وشرار وبتخلص على طول



كنت حضرت فرح كلنا ((البنات اصحاب العروسة)) وقفنا صفين من الباب لحد الكوشة صفين طواااااال كلنا ماسكين سبايك والعروسة عدت من النص ... كان تحفة كالعاده يسلم الناس عليها ..

المسابقة المصيرية (المنديل) : تقف أكثر صديقة للعروسة وتقول : يا بنااات مين عاوزه تلعب) ..و تختار الفريقين كل فريق من 8 بنات مثلا والعروسة ما عليها فقط انها تمسك المنديل
والفريق الخسران هو اللي هيخدم على المعازيم

المسابقة التانية (البوكيه) : العروسة هتقول لإحدى صديقاتها انها تخبي البوكيه من أحد المعازيم وتطلب من البنات أنهم يعرفوا مين اللى معاها البوكيه وتقولها لو عرفتي مين هيه يبئى حلال عليكي .. تغمي العروسة عين البنت حتى يضع أحد أصدقائها البوكيه مع أحد المدعوين .. لو البنت كسبت تاخد البوكيه من العروسة ومعاه شريط أو كتيب .. ولو خسرت تاخد شريط أو كتيب وتختار العروسة بنت تانية وتلاعبها نفس اللعبة ..

فكرة جديدة للشبكة : أصحاب العروسة يجيبوا طفله صغيرة تشيل الشبكة وتروح للعروسة وتلبسها الشبكة

المسابقة التالتة (موبايلي نوعه ايه) : تقول صديقة العروسه : (يا بنااات مين ملعبتش .. ) وتختار واحده من اللي ملعبوش وتقولها وتغمي عينيها والعروسة تسألها عن أشياء مثلاً في قوة الملاحظة .. مثلا الحيطة اللي ورايا لونها ايه , البنوتة اللي لبستها الشبكة لون توكتها ايه , موبايلي نوعوا ايه ..

المسابقة الرابعة ( آه .. لاء) : تختار صديقة العروسة بنت وتقول لها: تسأل العروسة أسئلة بحيث تجيب العروسة بآه أو لاء ..
هتكون جميلة ومضحكة جداً



تنبيهات :
1- تذكري أن هذا الفرح نعمة أنعمها الله عليكي فلا تكفري النعمة
2- طبعا ده فرح إسلامي فيجب أن يكون الرجال في مكان والنساء في مكان تاني خالص
3- يجب أن تكون الأناشيد بدون إيقاع
4- علقي على الحائط ورقة مكتوب عليها ممنوع التصوير
5- أكيد في فقرات كثيرة غير دي نماذج وأمثله لنوعية المسابقات
6- متخليش الفرح يطول أكتر من اللازم
7- اشتر مطويات كتييير ووزعيها على المدعوين وانتقي المطليات الجميلة التى تدعو للإلتزام .. زي حب الله .. الحجاب ..الصلاة .. الحب في الله وهكذااا
وليس عن موت الفجأة .. وعذاب القبر ..فلكل مقام مقال



التصميمات الجامدة عندنا .. لأفراح ترّضي ربنا

مسلمة 2015 01-15-2010 06:32 PM

رد: افكار مميزة لفرح مميز
 
http://www.bntmofeid.com/up//uploads...7267425e9c.jpg

http://www.bntmofeid.com/up//uploads...c1bb70fc99.jpg


http://www.bntmofeid.com/up//uploads...f834874892.jpg

مسلمة 2015 01-15-2010 06:33 PM

رد: افكار مميزة لفرح مميز
 
اناشيد افراح اسلامية على هذا الرابط

http://www.islam4m.com/anasheed_cat-41.html

أهلى مش موافقين أعمل فرحي إسلامي

إذا أهلى مش موافقين أعمل فرحي إسلامي ... أعمـــل إيــــــه؟؟؟





إيه هى السياسة اللي تستخدميها مع الأهالي لإقناعهم بفكرة الأفراح الإسلامية

1- أهم حاجة تجنب الصدام والمشادة وخصوصا من خطيبك أمام أهله حتى لا تشعريهم أنهم ليس لهم قيمة ولا رأى عشان أول حاجة أهل العروسة بيترجموها أنك أثرت على إبنهم وخليتيه ميسمعش كلامهم ويبدأوا يقولو ( دي بتتأمر وتتشرط وهي خطيبته أمال لما تتجوزه هتعمل إيه ) ودى العبارة الشهيرة فى بيوت أهالينا لأنهم غير مدركين حقيقة الأمر

2- تبدأ البنوتة تستميل أمها وأخواتها لفكرة الفرح الإسلامي بشكل مشوق يعني تبدأ تشغل فى البيت الفترة دى شرايط الأغاني الإسلامية بتاعة الأفراح لينبهروا بكلماتها ولو فى فرح إسلامي لأى واحده من صاحباتها تأخد أمها معاها تتفرج وساعتها الأب مش هيصمد كتير وهيقول : اللي أنتو عاوزينه

3- تبادلوا الأدوار أمام الأهالي يعني لما أهله يسألوكِ على الفرح الإسلامي خليكِ زكية عشان ميكرهوكيش قوليلهم والله اللى تشوفوه بس العريس هى اللى مصمم على كده , ونفس الحكايه لما أهلك يتكلموا معاه عن الفرح يقولهم اللى تشوفوه بس هي إللى مصمم وطبعا اهلك مش هيزعلوكِ ولا يتصادموا معاه ولا اهله هيتصادموا معاكِ , لكن إللي بيحصل إن كل طرف بيعلن رفضه أمام أهل الطرف التانى وده بيخلي النفوس مشحونه ويبقى الإحساس إنه هيمشي كلامه علينا أو هى هتمشى كلامها علينا




4- حولوا يكون الفرح فيه كل الحاجات اللي الأهالي عارفنها وبيحبوها زى زفة الإستفبال والمشاعل النارية والأضواء وتقطيع التورتة وقاعة شيك , عشان ده يحسسهم أن برده الفرح كان حلو

5- اتكلمي أنتِ دايما مع أخواته وهو يتكلم مع إخوانك عن عيوب الأفراح العادية اللي مليانة رقص واد إيه بيحصل فيها مشاكل وخناقات وإن أنتوا عايزين تبدأوا حياتكم بطاعة الله عشان ربنا يباركلكم

الآء1 01-16-2010 06:57 PM

رد: افكار مميزة لفرح مميز
 
روعة الافكار والانشيد جزاكي الله خير

!!مزاجية!! 01-17-2010 11:12 PM

رد: افكار مميزة لفرح مميز
 
يعطيكي الف عافية مشكوووووووووورة


الساعة الآن توقيت السعودية الرياض و الدمام و القصيم و جدة 08:59 AM.

Powered by vBulletin® Copyright ©2000 - 2024,
vBulletin Optimisation provided by vB Optimise (Pro) - vBulletin Mods & Addons Copyright © 2024 DragonByte Technologies Ltd.


Search Engine Optimization by vBSEO 3.6.0