ازياء - فساتين سهرة و مكياج و طبخ - وإلٌلّيٍ قٍاٌلوًا لمّاٍ جٌاٍتْ :"اٌلحٍلّوٌةٍ جًاٍت

وإلٌلّيٍ قٍاٌلوًا لمّاٍ جٌاٍتْ : " اٌلحٍلّوٌةٍ جًاٍتّ "..جٌنبٍڪً صٌاٍرتْ اٌڪٍبرّ مطنزه

ما هي .. [قصة حُب ] , وإلاَّ ذكريات
للـ مشاعر ( جيش ) .. وقلبي مَرْكِزَه

صرتي لي " خامس جهه " لأربع جهات !
وصورتك في وسط عيني [مبرْوِزَه ]

كنَّ ربِّي .. ما خلق غيرك / بنات !!
إن طروا غيرك .. أحس بـ " نرْفزَه "

وكنِّك إنتي جامعه .. كل الصفات !
الحلا ..
والزين ..
وعين [مطرِّزَه ] ...

جاك قلبٍي وصرت عاشق تضحيات
و [ الهَدَف ] من شان " عينك " أحْرِزَه

إن خلطتي الماي في " سكَّر نبات " ..وقلتي : " أحمد " إفرِزَه !!
راح أفرِزَه ...!!

في كلامك , يستلج فيني السكات
ومن جهل طبعك يظنِّك ( مخْرِزَه ) ..!!

واثق الخطوه .. وأمشي في ثبات
ويوم شفتك الخطاوي [ مهَزْهِزَه ] ..!

مو بـ كيفي هي كذا واللـه جات
قلبي كرسي " صعب " غيرك يحْجِزَه

عيشتي
دونك ..
يساويها ..
الممات !!
وإنتي عيشي .. في حياتي " معَزِّزَه "

يعني قبلك .. كنت أنا , كلِّي شتات
وصرت أجمعلك شتاتي .. و .. أكنِزَه ..!

وشي طبيعي .. لو يغارون البنات
للجمال [ أخبار ] .. وإنتي " مُوجزَه " ..

ومن يشوفك .. اللِّي يتكلَّم لغات
قام يخربط والـ ( إذا ) صارت ( إزَه ) ..!!

والثقيل اللي يسولف في سكات
من يشوفك عاش حالة /لعوَزَه ..!!

ولو
تبوسي
إنسان
له
أيَّام
مات
قام يركض !!
حَس قلبه ينْغِزَه ..!

وقلبي اللي نام في عز وسبات
غيرك إنتي .. ما أظن ( يفزِّزَه )

واللِّي قالوا لما جت : " الحلوه جات "
جنبك إنتي ..؟ صارت أكبر [ مَطْنَزَه ]

لا تغاري .. من كلام المعجبات
ماني مثل اللِّي .. يحب " الرَزْرِزَه "

ياما قالوا ( الحُب ) يصنع معجزات ..
وإنتي
[ حُبك ]..
في
حياتي
" مُعْجِزَه " ..

لـ شـآعر المبدع ../ آحمد الصآنع

مما راق لي:)

دمتم بحفظ الرحمن

أذا أعجبكم موضوعي لا تنسون تقيموني:0149:

المسك