نوتة الحب.
جيبى نوته مفكره واتفقى مع زوجك حبيبك إنكوا تكتبوا فيها كل مشاعركوا الجميله ، يعنى كل واحد حس بأحاسيس جميله ناحية الطرف الآخر، أو عايز يشكره على حاجه معينه ، يروح يكتب بسرعه فى لحظتها ، علشان ماينساش ومش شرط تكتبوا باللغه العربيه ، ممكن عادى بالعاميه. والنوته ديه تحطوها فى مكان معين تتفقوا عليه ، وحاولوا تحطوها فى مكان يكون قريب منكوا إنتوا الإتنين، وسهل جدا إنكوا تشوفوها. وصدقونى الطريقه ديه أنا سمعت عنها كتير، بس محستش بقيمتها إلا لمه جربتها. وأى زوجه بتشتكى من زوجها اللى مابيعبرش عن مشاعره ومبيقولهاش أى كلمه حلوه أو أى كلمة حب ، هتنفع معاها أوى الطريقه ديه. لأنها بتشجع جوزها إنه يكتب زى ما هى بتكتب. وإلا هتكون الصفحات كلها مفيهاش إلا كلامها الجميل بس ، وطبعا ديه حاجه هتكسف الزوج وهتخليه يظهر قدامها بمظهر الزوج اللى مبيعرفش يعبر عن أحاسيسه ومشاعره ، وإنه مشغول عنها كتير. وصدقونى هتلاقيه نفسه يملى الصفحات بكلامه الجميل ، ويبقى فيه منافسه رائعه ما بينكوا ، عن مين هيكتب أكتر. وهتلاقيه بيحاول يسعدك أكتر ، ويعملك كل اللى إنتى بتتمنيه وأكتر ، وهيقولك متنسيش تكتبى فى النوته وفى اليوم اللى تيجى تعملى فيه ليله رومانسيه ، تجيبيها وتقعدوا تقرأوها مع بعض، وهتتبسطوا كتير، وتسترجعوا الذكريات الجميله. إنتى بس جربى ، وعمرك ما هتندمى إن شاء الله. وياااارب الكل يعييييش جيه حلوه وسعيده وكلها حب تقبلى تحياتى اختكم مروه |
رد: نوتة الحب.
|
رد: نوتة الحب.
ان شاء الله بجربهااا هههههههه
|
رد: نوتة الحب.
مرسى يا قمر ان شاء الله نجربها هههههههه وبعد كده نقلك ايه الحصل
|
رد: نوتة الحب.
اقتباس:
مررررررررره روعه والله بتجدد حاجات كتير حلوه وخلت زوجى بقى يتكلم ويقولى هاا فين مش كتبتى ليه ههههههههه يسلموووووووو الطله الحلو |
الساعة الآن توقيت السعودية الرياض و الدمام و القصيم و جدة 09:12 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.