كل ماقلت ابنسى لاطرتلي بكيت وشاعرها الحقيقي
 

السلام عليكم ورحمة الله وبركاته


حرصا منا للامانه وتبيين للامر وخوفا من الله سبحانه اثرنا الدخول لتبيين الحق فقط

قرأت في موضوع الاخت ريم الامارات قصيده بعنوان كل ماقلت ابنسى لاطرتلي بكيت على هذا الرابط

https://fashion.azyya.com/46828.html



والقصيده مذكوره للشاعر فلاح عشوي وهي بالحقيقه ليست كذالك فالقصيده للشاعر جابر اللافي

لكم القصيده بشكلها الصحيح


كل ماقلت ابنسى لاطرتلي بكيت
انثر دموع عيني ويني ووينها

والله اني اقول انسى وانا مانسيت
يوم تبكي وانا امسح في يدي عينها

عايشن بأسم (حـسـنا) بعدها ماقويت
لاذكرت المحبه بيني وبينها

ليتها مابعدت عني وياليت ليت
ليتها ماخذت روحي انا بحينها

عقبها والله اني مع همومي بقيت
كيف تقسى وتهجر حرت في دينها

اربع سنين مرت لا وانا ماسليت
لاتخـيلت عيــنــن اه يازيــــــنها

عايشن دوم ذكراها وانا ما انتحيت
وابعدت والمحبه عايش سنينها

اجمل ايام عمري يوم معها قضيت
يوم لحظة يديني تشبك يدينها

مادرت عني اني دوم انا امر بيت
بيت ذيك المحبه فيه مخفينها

نيتي صافيه ماغيرها لك مشيت
رجعيلي سنيني كان تقوينها

كاتم الحب في قلبي ورحت وشكيت
اشتكي للقصيده ليت تقرينها

والقصيده تقول اطلب ولك مابغيت
جاوبتني قوافي فيك بانينها

لك اترجم مشاعر صادقه ما اكتفيت
من صدى قلب نادى لاتردينها

ليه رحتي وانا اللي دوم قربك شريت
اشتريت المحبه لا تبيعينها

يوم رحتي وروحي في يدك ماهقيت
ماهقيت ان روحي ماتراعينها

انتي اكبر غلا ياغاليه لك وفيت
روح تعطيك حب هجر تعطينها

ابتديت بغلاك وعنك لاما انتهيت
عقب شوفك حياتي اه ياشينها

كل ماقلت ابنسى لاطريتي شكيت
اشتكي للقصيده ليت تقرينها

لشاعرها جابر اللافي جريدة الانباء الكويتيه

رد: كل ماقلت ابنسى لاطرتلي بكيت وشاعرها الحقيقي