موضفين الاستعلامات 905
موضفين الاستعلامات 905:sdfsd:
كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين: المكالمه الاولى شايب كبير السن الموظف : الو ..استعلامات الدليل محمد الــ......, مرحبا المواطن : الو .. ممكن لو سمحت تعطيني رقم عبدالله فهد سعد الموظف : وين ساكن اخوي لو سمحت المواطن : ساكن هنا قريب منا . الموظف : وين قريب منكم بالظبط . المواطن : ياخوي هنا جمبنا جارنا ماتعرفون رقمه . الموظف : ياعزيزي انا مادري انت وين بعد . المواطن : اقول والله ماعندك ماعند جدتي بس . طوط طوط انقطع الخط المكالمه الثانيه صوت ناعم....ياعيني على الدلع السخيف الموظف : الو ..استعلامات الدليل محمد الــ......, مرحبا الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم تعطوني اياه الموظف : اي فرع تبغون رقمه . الصوت الناعم : تدري ايش فيه فرع النسيم بايخ لآن البيتزا حقتهم توصل بارده .. وبعدين شكلها خبز تميس . الموظف : بيموت من الضحك بس ساكت ... طيب خوذي فرع العليا اجل الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم وعلى دمك . طوط طوط انقطع الخط المكالمه الثالثه طفل يرفع الضغط..ياكثرهم الموظف : الو ..استعلامات الدليل محمد الــ......, مرحبا الطفل : الووووووو عطني رقم وشسمه ..هذا..وشسمه ياربي .. ايه ... حمود بادي فرج الموظف : طيب خذ رقمه ؟؟؟؟؟؟؟؟؟؟ الطفل : لحظه ابي رقم ثاني بعد . ابي رقم هذا وشسمه ... مانع فالح سامي الموظف: طيب خذ رقمه ؟؟؟؟؟؟؟ (ممنوع اكثر من اسم في مكالمه) الطفل : طيب ابي واحد ثاني هذا رقم ابو نادر عمي سعد . الموظف : اتصل مره ثانيه لانه ممنوع اكثر من رقم في اتصال واحد . الطفل : اقول وجع .. يوجع بطنك (الفاظ قبيحه).. ترى مالك فضل ... انا ماكلمك مجاني اكلم بريالي . الموظف : يخرج من طوره ( اقول اسمع ............. طوط طوط قفل الخط المكالمه الرابعه كانت صوت ناعم...غبااء واضحالموظف : الو ..استعلامات الدليل محمد الــ......, مرحبا الصوت الناعم : عوافي اخوي . الموظف : الله يعافيكم يارب ........ ( اول مره احد يعطيه روح معنويه) الصوت الناعم : لا انا قصدي ابغى مطعم عوافي اللي في العليا . الموظف : طيب خوذي الرقم ؟؟؟؟؟؟؟؟؟؟؟؟؟ المكالمه الخامسه كانت صوت ناعم اوي..... دلاخه باينه الموظف : الو ..استعلامات الدليل محمد الــ......, مرحبا الصوت الناعم : مرحبا اخوي ممكن تعطيني مستشفى العيون للولاده . الموظف : كيف ..؟؟؟؟؟ الصوت الناعم : مستشفى العيون للولاده .. تسمع يا اصقه . الموظف : يبي يصرفها المكالمه مسجله طبعا ( هذا رقمه غير معلن ) . الصوت الناعم : طيب ظف وجهك . طوط طوط انقطع الخط . المكالمه السادسه كان صوت ناعم.. بنت....تدربي راسها الموظف : الو ..استعلامات الدليل محمد الــ......, مرحبا الصوت الناعم : هلا اخوي ممكن تعطيني رقم صيدلية السقاف الموظف : تفضلي الرقم ؟؟؟؟؟؟؟؟؟ الصوت الناعم : لا لا لا هذا رقم صيدلية السقاف اللي في الروضه الموظف : طيب ايش فيها . الصوت الناعم : ماهي زينه ... مايبيعون الا فكس .. طوط طوط انقطع الخط..... |
رد: موضفين الاستعلامات 905
يسلمو الموضوع مكرر
|
رد: موضفين الاستعلامات 905
شكرا
|
الساعة الآن توقيت السعودية الرياض و الدمام و القصيم و جدة 10:05 AM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.