ازياء - فساتين سهرة و مكياج و طبخ - كل مايخص مكياج الحفلات والأعراس لعيونكم

بسم الله أبدأ..

أول شي راح أتكلم عن كل شي تجميلي يخص البشره في المناسبات والأعراس من كونسيلر وفاوندشين وبودر

الأساس الكومباكت ولو لقيت اقبال وتشجيع ع الموضوع راح أتكلم عن رسمة العين و الشيمرات وبلاشرات لتجميل الخدود وابرازها والأرواج والغلوسات والمثبتات وكل شي يساعد بترتيب الميك اب .. انا اشوف ضروري ان نطلع الميك اب بالعرس طبقه وحده ولون موحد يساعد على ترتيب الميك اب بحيث نتخلص من كل عيوب البشره .. ومن وجهة نظري ما احب اروح صوالين واحط ميك اب وافضل اني احطه بنفسي لأن ماكو أحد أدرى برسمة عيني وملامحي كثري مو قصة أقتصد لا بالعكس بس احلى بطريقتج وفناتكج .. طبعا راح اتكلم عن الشغلات التجميليه بعد ماننظف البشره بغسول خاص ويستحسن طبي وننظفها بتونيك ونستخدم المرطب لترطيب البشره نبدأ بالميك اب ..

الكونسيلر وأنا أعتبره شي ضروري لمكياج الأعراس

طبعاا في أكثر من نوعيه بس بحكم تجربتي الخاص راح أعرض لكم أحلى النوعيات

1- كونسيلر استي لودر دبل وير وبحكم تجربتي أرشحه بالتوب ون لمكياج الأعراس لأنه رهيب ويخفي العيوب بشكل ماتتوقعينه وسعره 8 تحصلونه بفافوم و دبنهامز ومركز تجميل الشاميه وأتوقع أغلب مراكز التجميل

http://

2- كونسيلر ميك اب فور ايفر رهيب يا بنات ويخفي العيوب ومايخترب مع الوقت ولا يروح ثابت وحلوو لمكياج الأعراس أرشحه بالتوب توو

http://

3- كونسيلر كريولاين بس أحسه ثقيل لكن يغطي مهما كان فيج سواد ويعطي كوفر حلو بس لاتكثرونه يصير تلطخ واوفر حطوا كميه معقوله ومناسبه هالكونسيلر توني قبل أسبوعين جربته من بنت خالتي كان عندنا عزيمه وناويه عليه أرشحه بالتوب ثري

http://

4- كونسيلر لانكوم يهبل يهبل وتخففينه وتثقلينه على كيفج كوفره رهيب وثابت بشكل مو طبيعي ويصلح للأعراس
بالتوب فور

http://

5- كونسيلر دريم مت من مايبلين عجيب يا بنات وأنصحكم تجربونه صج صج حلوو ويغطي وخفيف ع البشره وما يروح ولا يخف تغطيته اوكي أرشحه بالتوب فايف

http://

فديتكم انتظروني بعد شوي راح أكمل وأتكلم عن فاوندشين وكومباكت الأعراس