انواع التحطيم
هذا واحد يكتب من قلبه وانواع التحطيم في الرد
لقد جفت اقلامي >>>( عادي نشتري لك واحد جديد) وتكسرت مجاديفي>>>(حاول تسبح او خليك في القارب لين ما يجيك احد يساعدك) سابقي هنا حتى مغيب الشمس>>>( اقول قول بسم الله وروح البيت بخير) لن ادعى الاحزان تاخذني>>>( وش تبغى فيك علشان تاخذك مالت عليك) لقد ابحرت وعبرت المحيطات بدون قارب>>>( بلاش كذب ..لا عاد قول انك عبرتها سباحه وعلى ظهرك) لقد جمعت آهات الحزن وحنين الالم>>>(وش رايك لو تجمع طوابع البريد احسن لك ) وهكذا الدنيا تدور وتدور>>>( نعرف ان الدنيا تدور من غيرك ماجبت حاجه جديده) فذاك المكان كنت اجلس واتامل اوراق الخريف >>>(الناس تغدو وانت قاعد تتامل) نظرت لها وهي تسقط وتتناثر>>>(مافكرت تجمعها مثل ما جمعت آهات الحزن وحنين الالم) ان عظامي تتكسر وتتهشم>>>(اكيد عندك صداع في العضلات) انظر هناك خلف الافق>>>(نظرنا وش فيه) هناك حيث الامل وحيث الحياة>>>(لوحدهم ولا احد معاهم) ههههههههههههههههههههههههههه انظر الى تلك الفراشه اليافعه النحيفه الهزيله وهي تطير>>>(فكرتها تسبح) سوف اعلن للعالم>>>(اعلن بس تكفى لا تصيح الله يخليك ) سوف اعلن للعالم ان الابداع قد مات >>>(مات!!!!!!!!!) سوف اعلن ان هناك من يقتل الابداع >>>(اذا انت الابداع فقتلك حلال) سوف اقف امام كل الاعداء >>>(الله يقويك انت واقف وحنا معاك ) سوف اوقف زحف الاقلام التي تحارب قلمي>>>( تكفى يا روبن هود ) من قال ان الابداع قد مات >>>(انت قلت قبل شوي ولا غيرت رايك ) سوف اريهم من انا>>>(والله منت سهل) انا القلم الذي اكتب بلا خوف >>>(ياشيخ وش ذا القووة) انا القلم الحر>>>(ليش كنت مسجون) سوف اكتب في كل مكان >>>( الله يخليك الا الجدران لا تكتب عليها) اما زالت اقلامي جافه>>>(ترى ازعجتنا انت وقلمك خذ لك قلم رصاص وريحنا) هل ما زلت تايه في معمة الايام>>>(اللي يسال ما يضيع) سوف احقق كل اهدافي >>>(بس انتبه لا تطلع تسلل) ماقد بنيته بالامس لن اهدمه اليوم>>>(البلديه اللي راح تهدمه ..في واحد يبيني استراحه وسط احياء سكنيه) انا كنت ولا زلت وسوف ابقى >>>(عاد هذا درس قواعد ) وسوف تبقى ابداعاتي تدوم وتدوم وتدوم>>>(قاعد تسوي دعايه لصابون فيري) نحن لا نفهم >>>(تكلم عن نفسك يابو الشباب لا تعمم) الى متى ونحن هكذا>>>(الين ما يفرجها الله) يالي تكتب بين اقواس اهجد>>>(طيب ابشر بس كمل ..كمل ) كل المواضيع التي لا تحمل معنى فهي ليست ابداع>>>(متاكد!!) نعم متاكد بس من قال لك هذا>>>(انت من الاول تتكلم والان تقول من قال لك هذا) من قال ان الكلام الذي بلا معنى ليس ابداع>>>(يوووووه والله انت اللي قلت) كنت امزح>>>(بالله ..........مالت عليك) دعنا نكمل كل الايام متشابه ولكن تختلف في الاسماء >>>(كلام صحيح) كذلك السنين متشابه>>>(بس السنين مالها اسماء يعني قلنا كلامك صحيح وصدقت نفسك)) كذلك الاماكن متشابه>>>(ترى كثرت من كلمه متشابه حاول تغير الموضوع) لو كنت اقف بجانب هذا الزمان الصعيب لكنت شبيه له من كثر احزاني>>>(خليك ولا تتحرك بخذلك مع الزمان صورة تشيييييييز) ياللي بين اقواس اهجد وخلينا نوصل المعنى للاخوة الاعضاء بدون تريقه>>>(..................... ....) عندما تاتي بكل الحب وتقدمه للاخرين ثم تنصدم >>>(اكيد كنت مسرع وقاطع الاشارة) وقتها تعرف ان الحب بين الناس قد ضاع >>>(تبغى احد يدور معاك) هل هذا الزمان هو زمان الحب>>>(لاحول ولا قوة الا بالله) هل هناك شي اسمه الحب>>>(يابو الشباب انت وش تبغى ) لقد شربت عروقي من الياس والاحزان وبدات مدامعي تنهمر مثل الامطار >>>(اللهم حوالينا ولا علينا) بعد هذا الجهد والعناء اقف على قدم وساق>>>(مطول وانت واقف) سوف اقف وابتسم في وجه الايام الحزينه>>>(ماصارت حزينه الا منك ) واقول لها>>>(بتقول لها بشويش ولا بتصرخ) لا بشويش سوف اقول لهذه الايام الحزينه ارحلي >>>(طيب حجزت لها وتبي تخليها انتظار) سامحوني على القصور اتمنى انه يعجبكم م ن ق و ل:11_1_122[1]::11_1_122[1]::11_1_122[1]: |
رد: انواع التحطيم
ههههههههههههه والله دمش عسل على الموضوع الحلووووووو ذا
|
رد: انواع التحطيم
ياقلبي كلو من ذووووووووووقك حياتي
|
رد: انواع التحطيم
يسلمووووووو ...
|
رد: انواع التحطيم
هههههههههههههههههههههههههههههه ههه ختيييييييييييره
|
الساعة الآن توقيت السعودية الرياض و الدمام و القصيم و جدة 12:18 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.