ازياء - فساتين سهرة و مكياج و طبخ - عـــــــصبـــــــــــي فــآآآتح له (منتدى )

[FONT="Comic Sans MS"][/FONT

عصبي فتح منتدى..شوفو شروطه..

--------------------------------------------------------------------------------

اخليــــــكم مع شرووطــه

..,...,..,...,..,..,...,...,.. ,..,...,..,

لقد تغيرت شروط التسجيل في المنتدى ....

وتم تغيير مسمى المنتدى لتواكب مرحلة ما بعد الحرب الباردة

اعرفوا الشروط زين....وافهموها....

واللي ما يبي هالشروط جعل اصابعه اللي طقت على الكيبورد
الكسر

ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا.

بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع...<ههههه..
فاللي يبي يسجل معنا يوافق على الشروط من ورى خشمه ....<لاياشيخ ..باللهي

والشروط هي...

1- اللي يسب اي واحد من الاعضاء بنجيه وبنربط حواجبه في صدامات الهايلكوس
وبنروح ونطعس فيه باقرب طعس..
قايلكم حنا ما نلعب.<مسوي قوي هوو ووجهه..انت بس قرب من حواجبي والله لالعبهن تعجز تمسك واحد ..

2-اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز..<هههههه..ذكرني بالي يقول..حبه ورجعه ..
وابحجز له على اقرب رحله على طياره ترش الجراد وابرقي فيه على ارتفاع 50000 الف قدم
وبرضخ به على خوص نخله...علشان ما يعود لها.....<ياللهول
قايلكم حنا ما نلعب..

3- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....
فهمتوا ولا افهمكم...<الفقها بس ..لاتنفلق..

4- مسموح كلمة وجع عمى بلا للرد والتعقيب
.فهمتوا...صح ولا ماهو صح...قولوا صح لابارك الله بالساعه اللي جمعت هالخشش
فيها...واللي بيزعل بنخربط وجهه ونخليه يطالع في المرايه ويطلع الاخطاء التسعه
عشر....ايه تسعطعش...ساحتنا وحنا حرين فيها..<تخيل شكله مسكييين ..ههههه

5- اللي بيسجل باسماء قبايل وعوايل...ولا مخله بالادب....هذا بنوديه لا اقرب ورشه ..ونعذبه....وبعدين بناخذه لأقرب مسبح...وبنغطسه وبنطلعه...ونغطسه ونطلعه الين مايقول.
ان الددسن سياره... قايلكم ما نلعب...<< اجل ايش

6- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل
معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما
انطحن....تراي ابطحنه له....واذا فيه خير يقابلني وين ما يبي....

<اقول كيف الحال ..

ملاحظه......
اللي بنكتشف انه رجال مشورب ويكتب باسماء بنات...ولا بنات تكتب باسماء رجاليه هذولي بنخلي
خششهم كلمات متقاطعه يصعب حلها.....والله ما يضرب بعصا يا سرع طيحتهم..<حلللوه..

موافق...
غير موافق..

واللي فيه خير يكتب غير موافق..هااااه وش رايكم بالشروط ...الحنااان يقطر منه صح

]