ازياء - فساتين سهرة و مكياج و طبخ - اتاخرت ليه؟ كنت فين؟؟

--------------------------------------------------------------------------------

أتاخرت لية ؟انت رايح فين ؟ استر يارب

أنت اتأخرت لية ؟؟؟
أنت رايح فين ؟؟؟
اية التأخير دة كلة ؟؟؟ ااااااة اكيد كنت مع صاحبك

طبعا دى اسئلة بسيطة من الى بتقولها الزوجة لزوجها يوميا وغالبا لازم تحصل قفلة وخناقة

طبيعى مهو السؤال ميبقاش كدة والراجل مش بيحب الاسئلة دى وحاجة معروفة يعنى ميحبش حد يقولة انت رايح فين جاى منين؟

بس طبعا بما انة حقك تعرفى من باب القلق يعنى وانة زوجك وشريك حياتك اعرفى بس باسلوب ارق من كدة شوية
هتاخدى الى انتى عايزة

تيجى نغير الحوار....

حمد الله على سلامتك يا حبيبى اية يا قلبى انا قلقت عليك اوى !

الى بعدة

متتأخرش يا حبيبى علشان الكهربا هتقطع !
طبعا هيبصلك ويستغرب ويقولك ايش عرفك انها هتقطع

هتردى بنعومة

منتا اول ما بتخرج حياتى كلها بضلم ههههههههههههه وهو حل من اتنين يا اما هيعقد او ينزل ويرجع بسرعة

او يتريق عليكى للصبح

الموضوع كلة اسهل من كدة باستخدامك كلمات بسيطة ورقيقة هتعرفى هو رايح فين ومش بعيد هو الى يقولك من نفسة من غير متسألى

حاولى تسخدمى (حبيبى - قلبى - روحى - عمرى - ودلعة المفضل ديما فى كلامك )

ندخل فى حوارت تانية

يووووووووووة انا لسة كنسة ومروقة يااخىىىى!

وفيها اية يا ستى هى الحاجة هتفضل نضيفة طول الوقت وخصوصا لو قاعدة فىالبيت يعنى مش وراكى حاجة
والى راجع من برة دة عاوزة يرتاح مفيهاش حاجة لما تعملى وراة طبع الرجالة مش هيتغير هو مش متجوز علشان يعمل شغل البيت
بس دة طبعا مش معناة انة يكون سلوك دايم لا
انتى واحدة واحدة تعودية باسلوب رقيق وناعم بردو
اية الى انت جايبة دة ؟؟

واوعى تحبطى جوزك وخصوصا لما يكون جايب حاجة فى البيت او هدية ليكى
ردك المفروض يكون
الله يا حبيبى ذوقك حلو اوى ربنا يخليك ليا
حتى لو مش بتحبيها

يارب تكون عجبتكم النصايح
تمنياتى بحياة زوجية سعيدة مش نكديةمنقول:sdgsdgh: