ازياء - فساتين سهرة و مكياج و طبخ

واحد بلدياتنا راح يبات

هو والمدام فى الشيراتون
ليلة

تانى يوم الصبح
بيطلب من موظف الأستقبال الحساب

و دار بينهم هذا الحوار التالي :

الرجل : الحساب كام من فضلك ؟

الموظف : 1000 جنيه بس يافندم
الرجل : ألف جنيه ليه يا أستاذ ... كتير قوى مبلغ ألف جنيه فى ليلة
دى كانت ليلة واحدة يا محترم

الموظف : أجرة المبيت فى الليلة بـ 400 جنيه

الرجل : طب و الـ600 جنيه الباقيين ليه بقى إن شاء الله ؟؟
الموظف : عندك 100 جنيه أجرة الموظفين اللى بيشيلوا شنط سيادتك لما نزلت
من التاكسى ، مش كان فيه شيالين بيشيلوا الشنط منتظرينك ؟
الرجل : أما غريبة و الله ... بس أنا شلت الشنطة بنفسى وماحدش شالهالي
الموظف : ماهو كانوا موجودين قدام سعادتك .. ما ناديتش عليهم يشيلوا لك الشنطة ليه ؟؟

الموظف مستطرداً... هاكمل لحضرتك باقى المبلغ
عندك 250 جنيه إستخدام حمام السباحة
الرجل : بس احنا ما نزلناش نعوم فى الحمام خالص ..
هوا احنا وش عوم ومايوهات

الموظف : حضرتك حمام السباحة كان قدام سعادتك ما نزلتوش عومتوا ليه ؟؟

الموظف : و عندك 100 جنيه إستعمال التليفزيون وقنوات
الدش و الريسيفر فى الأوضة

الرجل : دش ايه اللي انت جاى تقول عليه !
احنا ما شغلناش امبارح غير القناة الأولى و التانية .. هوا كان فيه دش !!

الموظف : قنوات الدش كلها كانت عند سعادتك ما اتفرجتش عليها ليه ؟

الموظف : و عندك 150 جنيه إستعمال الجاكوزي والساونا اللي في الأوضة
الرجل : جاكوز إيه وساونة إيه دحنا ما أستعملناش أي حاجة من اللي بتقول عليها ديه

الموظف : مالناش دعوة .. الجاكوزي والساونا كان تحت تصرف سعادتك ما إستعملتهمش ليه ؟؟
الرجل : أما شيىء سخيف قوى

انتظر الرجل لحظات ثم أخرج له 400 جنيه فقط

الموظف : دول 400 جنيه بس

الرجل : الـ 600 جنيه الباقية ثمن بوساتك للمدام بتاعتي
الموظف : ايه الكلام الفارغ ده ... حضرتك عاوز تجيبلي مصيبة
هوا أنا بوست المدام بتاعتك خالص ولا جيت جنبها!!
الرجل : ماكانت قدامك امبارح ما بوستهاش ليه ؟؟؟