قصديرة الحم
 

سلام عليكم

اليوم جبت لكم اكله ..بس مش اي اكله ..
هي غريبه شوي طريقتها ..والاغرب طريقة تقديمها ...
مكن اعطيكم نبذه عن الاكله..هي اكله قصيميه وبالتحديد رساوية


ماراح اطول عليكم ...

:thumbup:تعالوا تعلموا معاي قصديرة الحم ...:thumbup:

المقادير...
2 بصل مقطعه جوانح..
3 م ك صلصه طماطم ..
زيت حسب الرغبه .. انا احب الزيت يكون نوعا ما زياده لان الارز يطلع الذ ..
بهاراتك الي تحبينها ..
فلفل اسود + كمون + شوية ورق غار + شوية قرنفل صحيح + شوية فلفل اسود صحيح ..
لحم حسب الكميه الي تبينها .. انا سويتها بريش تقريبا 7 .. وتسلقينها قبل لمده 20 دقيقه ولازم تحتفظين بمويتها..
الارز حسب الكميه ..
<<<< طبعا والبهارات والبصل والصلصه مكن تزيدينها حسب كميتك ..
قصدير <<< اهم شئ بالمقادير ..

.............................. .
الطريقه ..
اول نشي نحمس البصل مع الزيت .. ونضيف له ورق الغار والقرنفل والفلفل الاسود الصحيح ...

لحد مايصير لونه اشقر غامق..موبني محروق .....



بعدين نضيف الصلصه +البهارات الثانيه

ونحركها شوي .


بعدين نضيف لها الحم مع المرقه الي طلعت منه .


وبعد اضافته ونحركه شوي بعدين نتركها على النار لمدة ربع ساعه


بعد كذا . تكونين منقعه الرز من قبل وتصفينه بعدين تضيفينه على الحم ..ولاحظي ان الماء قليل نوعا ما يعني حبات الارز لسى مبينه مو متغطيه بالماء .. وهذا مطلوب ..

ثم اتركيه على نار متوسطه مو عاليه ولا واطيه مره .. لمدة ربع ساعه بس ..
لا تخلين مويته تنشف خليه يكون مبل وبعدها طفي النار .. وخذي قصدير كميه كبيره
وحطيه على صحن الفرن ..


بعدين تصبين الارز بالوسط .. لا تنثرينه لحد الاطراف لا وزعيه شوي لايصير زي الجبل بس مو مره ..


بعدين قفلي القصدير زين عن طريق لف الاطراف لداخل مع الكبس عليها جيدا علشان ما يكون فيه مجال يطلع الهواء برا هذي الخطوه مهمه مهمه مره لازم نكتمه كويس ..


وبعدين دخليه الفرن بالوسط وشغلي النار من تحت بس .. وخليه ساعه كامله ..
اول ربع ساعه تكون النار فيها عاليه ما بين 180 و200 درجه وبعدين خليه يكمل الساعه على نار هاديه 150 او 140 درجه .. تراها بتنتفخ لك جوا الفرن زي البالونه عادي هذا من الهواء.. بعدين اذا خلص الوقت طلعيه من الفرن .. وحطيه بصن التقديم زي ما هو بقصديرته وافتحيها وشوفي الشكل ورتبي شكل القصديره علشانك بتقدمينه فيها مو قلت لكم تقديم غريب .. علشان تستمتعون بطعم الحكاكه ...ومكن تنقلينها بصحن بدون قصديرتها بس بالقصدير الذ مره ..
وطلع طعمها خيالي ...

وبالهناء والعافية
اتمنى ان تعجبكم
تحياتي اله يقرب دياري

رد: قصديرة الحم
 

رد: قصديرة الحم
 

يسلمو خيتو

رد: قصديرة الحم
 

رد: قصديرة الحم