ماودي الناس تدري وش يبكيني
https://www.yesmeenah.com/smiles/smiles/38/1%20(72).gif
من عز نومي صحيت وشفت في عيني دمع تهادى على جفني وأنا غافي سترت دمعي بكمي قبل يغريني وأخذت هذا الجسد من باقي لحافي وسريت تايه ورى خطوات رجليني لا الوجه وجهي ولا أوصافي هي أوصافي أمشي وأقول لطريقي لاتوديني لعيون ناس تبي تدري عن الخافي أمانتك .. خلها مابينك وبيني خابرك يالدرب خوة عمر وسنادي ماودي الناس تدري وش يبكيني كرامة النفس ورث أبوي وأسلافي أمشي وأحس الخناجر في شرايني والبرد يمشي وراي وينهش أطرافي وحيد واليل بردونه يغطيني تقول كن البلد روح بها السافي إلين ماأوحيت لي صوت يناديني صوت أعرفه مثل ما أجهل وش خلافي قمت أتلفت وأنادي ... لاتخليني ماغيره الصوت .. هذا صوته الدافي ولمحت زوله من أقصى الدرب لافيني مدري وش أقول لكن حي ها الافي تعال .. شف غيبتك كيف أثرت فيني تعال .. شفني وأنا أغرق عقب مجدافي تعال.. خذني ورحبي من عناويني تعبت أعدي على جمرك وأنا حافي تعال وإقطف بصوتك زهرة سنيني كل المواعيد عقبك شمعها طافي تعال وإزرع خصل شعرك بكفيني بضمها لين أحس بليلك الظافي تعال وش فيك خايف ؟ أنت ناسيني ؟ قطعت صوتي عليك وطال ميقافي حتى بديت أشعر إن الحب معميني وإن أنت حلم عثى فيني وأنا غافي لكن أمانه ترى الي فيني كافيني إن رحت منك كذا مارحت متعافي بصّدق الحلم وأحذر لا تصحيني في خاطري كلمتين وإن قلتها كافي أمانة الله عليك إن غبت عن عيني لا يكون قلبك مثل قلب الزمن جافي مع كل دمعه تذكر رعشة يديني ومع كل ضحكه تذكر قلبي الوافي للشاعر فهد المساعد ملك الكلمه صح لسانه..... دمتم بود الزعيمه..... https://www.yesmeenah.com/smiles/smiles/38/1%20(72).gif |
رد: ماودي الناس تدري وش يبكيني
|
رد: ماودي الناس تدري وش يبكيني
يعافيك ربي منوره ياغاده
|
رد: ماودي الناس تدري وش يبكيني
اله يسلم الايادي
روعه الف شكر ياقمر .... لعنونك أحلى تقييم |
رد: ماودي الناس تدري وش يبكيني
يسلمو بصراحه روعه
تسلم ايديك يا ((الزعيمه)) |
الساعة الآن توقيت السعودية الرياض و الدمام و القصيم و جدة 06:54 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.