ازياء - فساتين سهرة و مكياج و طبخ - مصمم أزياء ويرفض التسويق للمشاهير ؟!!!!

السلام عليكم حبيباتي ..
أكيد كلنا نعرف المصمم أحمد البدوي .. وأنا ما بدي أتكلم عن تصاميمه عالحين لأنا كلنا نعرفها وفيه الي بيموت فيها - مثلي - خصوصا بعد الاتجاه الجديد والتغيرات الي صارت ملحوظة في موديلاته .. لكن الي بدي أتكلم فيه شخصيته لأني كنت أتعامل مع المحل بدون ما اقابله شخصيا .. وكان وصلني إنه رفض يسوي فستان لزبونة في فرع المسعدية كانت راح تلبس فستانها قدام الرجال .. وبصراحة حسيت إنه كلام مبالغ فيه .. لكن حصل وشفتله لقاء على الخليجية .. وصرح في كلامه إنه يرفض بالمرة إنه يسوق فساتينه لأي مجتمع منفتح أو أي عروس تلبسه قدام أحد غير النساء .. لدرجة إن المذيعة نفسها كانت كاشحة شعرها فقالت له : لو إني طلبت منك فستان راح تسوهولي ؟ قالها وبثقة بمعنى الكلام - طبعا ما أتذكره حرفيا - قالها : لو انك راح تلبسينه في مكان ما يشوفه غير المحارم ما راح أمانع ؟!!
صدقوني أنا بعد القاء هذا إزداد احترامي لهذا الإنسان وحب للتعامل معه أكثر :a5bdf2b232: .. تخيلوا مثله ممكن يكسب قد إيش .. من المذيعات أو المغنيات أو المثلات الي الريالات عندهم ما تساوي ، ومع ذلك يرفض البيع لأنه مو من الشرع ؟؟!! مع إن شكل المصمم نفسه مو مثل المطوعين أو الشيوخ وماهو حتى ملتحي .. لكن سبحان الله الدين فعلا مو مجرد مظاهر
نسأل الله أن يرزقنا السعادة دوما في ظل طاعته