ازياء - فساتين سهرة و مكياج و طبخ - تدري وش الي يقتل القلب بسكات

:frasha12:

يغنيك عن كثر الحكي مجمل ابيات

ومن ياخذ المضمون يلقى الادله

تدري وش اللي يقتل الحب بسكات

لاصرت في بوحك تحس بمذله

وتدري وش اللي يكسر الظهر حزات

لامن عطيت احساس ماهو محله

وتدري متى تستاهل الطعن مرات

لا من خطيت الدرب وانته تدله

لا تتبع المقفي على كل حالات

بعض الوجيه الي تقابلك عله

ولا تسال الغالي عن الجرح لا فات

نبش الحكي يزود الطين بله

طالع في من حولك وتاخذ شهادات

مانلتها لو تدرس الدهر كله

ناس تجر من سود الضيق ونات

وناس تقضيها وناسه وفله

هذاك شال هموم غيره ولا بات

وهذاك مايدري عن احساس خله

احدن يهين اصله على كل زلات

واحدن ترومه شيمته ماتزله

لا تقول حظي من عنا الوقت قد مات

قل مات حظ الي عناه استحله

ولا ضاقت الدنيا وعلى الكيف ما جات

اطلق احجاجك ثم توكل على الله

عجبتني حيل ونقلتها لك