ازياء - فساتين سهرة و مكياج و طبخ - لا بغيت تروح ابيك الماضي إتزيله

:3:

لا بغيت تروح ابيك الماضي إتزيله

أحس إنك تبي تبعد ولاتدري وش الحيله

ولا لك بالهجر أعذار ولابك جرح وتعاني

لا بغيت تروح ابيك الماضي إتزيله

ولا تفكر أبد بندم على خل(ن) تناساني

أنا إن جيت تلقاني أغليك غالي ماتزيله

رياح البعد والهجران ولا حتى أحد ثاني

أبي تعرف بعد عني أعيش الحب وأوفيله

وأضحي لجل عين الي حرم نفسه على شاني

ولا أغصب ابد وآحد على حبي وتمويله

أبد لاينزعج مني وعلى المكشوف يلقاني

أنا صادق وأحب الصدق ولاشفت الصادق أدعيله

أحس الكلمه بوجهه أعبّرها وتقراني

صريح بكل ماعندي ولا لي بالغدر حيله

على النيه أبي أمشي وعسى الخونه تعداني

وأبي تعرف ترى قلبي يعيش اليوم واليله

يشيل أهموم لو تدري يعانيها من يعاني

ذبحني كثرة التفكير يطيح الفكر وأشيله

وأحاول أنسى مايجري على الدنيا وأنساني

ألا ياخل ما ودك تجيني تحمل الشيله

من التفكير بالدنيا من أهموم(ن)تحداني

وإذا تخليت ياربي عسى ماتذوق من ويله

وتلقى بالسعاده درب ولا يجيك الذي جاني

وأنا أغني بهالدنيا ويميل الحظ بالميله

وأهيجن وأنظر القمرى وأبكّيها بألحاني

وألا ياكيف ما ودك تعذب يأسود الشيله

وأنا خلك بهالدنيا ولا عندي سوى أحزاني

أقول ( إنساني أحسن لك) وقول الحب بطيله

وعيش العالم العادي بلا كآني بلآ مآني ،،