السلام عليكم يا جميلات المنتدى
جايبالكم وصفه سهله موت عشان نفسك ما تروحش لأكل الشارع وتعملى كل حاجه فى بيتك
المهم مش حطول عليكوا
اولا تجيبي الكبده البانيه وتكون شرايح رفيعه من عند الجزار
وبعدين طبعا تغسليها بالخل
وتسيبيها تصفى ميتها كويس اوى
تروحى متبلاها بالى حقولك عليه بس يفضل سر بينا
تحطى على الكبده (ملح,فلفل,كمون,كزبرة ناشفه مطحونه.وعصير لمونه)
فى حد سمعنا؟؟؟؟؟؟؟؟
هش
بينى وبينك
وكمان تجيبي لازم طبعا( رده )
من عند العطار عشان تقلي بيها الكبده
وتحطى فيها نفس التوابل الى قلناهم (ماعدا اليمون طبعا)
وتقلبيهم كويس بعدين تحطى فيهم الكبده وتغطيهم بالرده كويس
وتقليهم فى شويه زيت
ويا سلام لو معاها سلطه طحينه كمان عشان الاكله تحلو وتكمل
وبطاطس محمرة وممكن مكرونه بالصوص الاحمر


وبالف هنا وشفا عليكوا كلكوا
بس ممكنن الى يجربها يبقى يقيمنى
وانا متاكده انها حتعجبكوا كلكوا