ازياء - فساتين سهرة و مكياج و طبخ - الي تاخر زواجهم +حملها+زاد مرضها او غيره تتفضل الحل‏

بنات الموضوع جداً مهم أرجوكم أقرأوه

في موضوعي مشكله واجهتها الي هي عدم إتظام الدورة الشهريه

السالفة ياطويلات العمر

(من سنه ونص كانت الدوره الشهريه تجيني كل 13يوم ولاتجلس الا 3او 4ايام تلخبطت وش منه مادري

مابقى مستشفى خاص مارحتله وكلام متنوع

الي يقول ارتفاع في هرمون الحليب،التهاب في بطانه الرحم

تكيسات في الرحم وعلى المبيض،انواع الامراض

مابقى علاج ماعطوني ولا منظم دورة ماكليته

ولا شي جاب نتيجة

قلت ابروح مستشفى حكومي يمكن عندهم سالفه

رحت لمستشفى الملك خالد الجامعي ونفس الشي ماستفدت

ذاك اليوم كنت محبطة واصيح

الصراحة تعبت نفسيتي

المهم تذكرت كلام صديقتي قد قالت إن الدورة ماتجيها الا كل كم شهر يعني مو منتظمة

تقول قرأت سورة(البقرة)كاملاة لمدة 7أيام

تحلف لي إنها من بعدها صارت تجيها كل شهر

انا قلت ابسوي مثلها

قرأت سوره البقرة ماتاخذ الا من نص ساعه الى ساعه بعدها انفث على نفسي

إقسم بالله العظيم في هالرمضان

إنها انتظمت علي على طول وصارت تجيني في نفس اليوم

وتنزل طبيعي الحين لي 5 شهور على هالوضع ماتركها ولايوم لإني شفت العافية

سالفه ثانيه(بنت خالتي لها 4 سنين ماحملت تصدقون تقول قريت سورة البقره شهر او شهرين بعدها حملت )

)امي كان معها نزيف جلست شهر على هالوضع نفس الشي قرأت سورة البقرة سبحان الله وقف النزيف (

مع إن المستشفى عطوها علاجات بس مانفعت

فضل سوره البقرة(قال الرسول صلى الله عليه وآله وسلم(أقرأوا سورة البقرة ،فإن أخذها بركة،وتركها حسرة, ولاتستطيعها البطلة أي السحرة)

سبحان الله تأملو في الحديث قرأتها فيها بركة على الانسان

وتركها حسرة على الانسان

ومن قرأها لم يستطيع عليه السحرة

وعلى طاري سورة البقره تذكرت سالفه ..

فيه حرمه دقت على احدى الداعيات وقالت لها انا وعندي بناتي الثلاث

حياتنا متدهوره و وضعنا صعب

بناتي الي مطلقه والي معلقه والي تأخرت ماتزوجت

والمشكله تجينا من كل مكان

وعايشين ب هم وغم وضيقة صدر ماتنطاق .!

قالت لها الداعيه .. ابغاك انتي وبناتك تقرون سورة البقره كامله يوميا

لمدة وبعدها ارجعي وكلميني

وبعد فتره اتصلت الحرمه وقالت حصل شي غريب !!

اليوم كلنا استفرغنا !!

قالت الداعيه ارجعوا اقروها مره ثانيه وارجعي كلميني

وبعد فتره رجعت وكلمتها قالت اني وبناتي كلنا حلمنا بأختي !!

قالت الداعيه طيب ارجعوا واقروها وارجعوا كلموني

وبعد فتره اتصلت الحرمه وقالت ان اختي الي حلمنا فيها

تعبانه ومايدرون وش فيها !

قالت لها ان (((اختك كانت ساحرتكم)))

والحين انقلب سحرها عليها !!

وانا من تجربتي ..

في فتره كنت اعاني من ظروف صعبه

وكانت نفسيتي دمار انام وانا اصيح واصحى وانا اصيح

معاد اشوف قدام عيوني غير سواد من الحزن الي فيني

وقالت لي اختي جربي تقرين لو كل يوم جزء من سورة البقره

وان شالله بتفيدك

وصرت يوميا اقرا 4 وجوه اول ماصحى

كم يوم وانا الحمدلله تحسنت كثير نفسيا \ جسميا

بديت ارجع لطبيعتي والاهم من هذا كنت احس بطمأنينة حلوه

وكل ماخلصت رجعت وبديت فيها

وياربي لك الحمد

ياكثر ياكثر من فادتهم هالسورة المباركة

اعرف وحده قسم بالله قدام عيوني زوجها صاد عنها ولا يناظرها لاهي ولا عيالها ودايم صاك على نفسه الباب عند الدش

ومن شاروا عليها بالبقرة وهي تقراها وتدعي ربها ومتيقنه بفرج رب العالمين

هالحين قسما بالله الرجال مغير يناظر امورها ويشوف وش تحب ويزكها فلوس وهي مغير تحمد ربها

العلاج سهل

الله ينور بصايرنا ويفتح على قلوبنا

قال الرسول صلى الله علية وآله وسلم (لاتجعلوا بيوتكم مقابر،إن الشيطان ينفر من البيت الذي يقراء فية سورة البقرة)

بتقولون طويله

ابقولكم سبحان الله لو عندنا مناسبة جلسنا ساعه قدام المراية نتزين ونتظبط

والا اذا فيها تمشية وساعه صدر ماعاقنا شي على طول نروح

عافيتك وساعدتك في يديك..فيك مرض عضوي او نفسي

عندك مشكله

إنصحك بقرأة سورة البقرة