| outghal |
05-12-2010 01:04 PM |
كيفية تحضير الدجاج المحمر بالطريقة المغربية
ناخد دجاجة من وزن 2كيلو إلا ربع تغسل جيدا وترك حتى تنشف ويحك عليها اسكنجبير وترك لمدة 4 ساعات بعد ذلك نحظر الشرمولة : 4 فصوص ثم + بصلة + قزبو ومعدنوس +الحامص المصير (البابا ديالو فقط) مع كوب من الماء ويطحن الكل داخل خلاطة كهربائية ناخذ طنجرة نضع فيها الإبزار+اسكنجبير+ الخرقوم +اشوية القرفة ونضيف إليه الخليط الدي طحناه في الخلاطة الكهربائية ناخد الدجاجة أو نشرملوها ونظيف إليها 2 ليتر من الماء وتوضع فوق النار في نفس الوقت ناخد قشاوش الدجاج أو نقطعوهم اونوضعهم داخل كاسرونة مع اشوية الحامض معصور تقريبا معلقة كبيرة + ورقة سيدنا موسى اونديروهم فوق البوطة يتسلق لمدة 20 دقيقةويصب في شبكة لتسقطر / وعند غليان طنجرة الدجاج نأخد قطيب ونتقب به الدجاج في الصدر والفخدين باش يدخل معاه الطياب امزيان أو نقلب الدجاج من حين لآخر على الجوانب مع استمرار في تقب الدجاج حتى مايبقى ايخرج امن الماء ديك الساعة انعرف بلي طاب نزولوه من الطنجرة أو ناخد ديك الساعة 2 بصلات مشلضين صغار اونظفوهم في الطنجرة الي حيدنا منها الدجاج أونضيف الزعفران الحر + قشاوش الدجاج الي سلقنا اونخلوهم إيكمل الطياب مع البصلة ملي اتعقد المرق انضيف واح اشوية السكر للشرمولة اونتركها حتى تبقى غير الزيت مع الاستمرار في التحريك (حتى توقف المرقة على ادمغتها) أو نظيف اشوية السمن الحار
ناخد الدجاجة من بعد ماتسقطرت أو ندهنها بالسمن أو كنور اوندخلها الفران لتحمر في الاخير يقدم الطابق الدجاج في الوسط وحولة المرق وشهية طيبة :0154:
|
