بسم الله الرحمن الرحيم

انا ودي افضفض ل أحد ...او أحد يعرف انا وش احس فيه من سمنتي ...بس اخاف افضفض ويمسك احد علي شئ من فضفضتي ......ف كالعاده ...يوم من الايام جلست على النت ..وفتحت منتديات ازياء ...

"عادة اذا جلست عى المنتدى ما اقعد الا على قسم التخسيس و الرجيمات ..ألخ" ...وفي هذا اليوم ..سبحان الله كان مره ضايق صدري ..ومافتحت قسم التخسيس...ومشتقاته ...قعدت اشوف باقي اقسام المنتدى ...وفوجئت يوم شفت شي اسمه مدونتي ....يوم فتحته وقرات دستور القسم ...مره عجبني ....وقلت :يعني اقول الي في قلبي كله ؟؟؟.....
فقلت لازم اسوي لي مدونه خاصه ...ولله الحمد هذا انا اكتب فيها :063: ...

في البدايه ...انا كنت اكتب على الورق الرجيمات الي راح اطبقها...بس للاسف خلص القلم وانا اكتب فيه ولا طبقت منهم شئ ....

بس انا قرت اني ماعاد اتهاون في جسمي ...لان الصراحه تعبت ...تخيلوا كل اسبوع ازيد كيلو ....

وشكلي ....ماعاد تشوفون عيني من ذا الاخدود ...بتقولون الله وناسه عندها خدود بس انا اقول لكم انها خدود موب على حلا ..يعني مشوهه شكلي ...كلش عاد ولا ذا الكتوف تقولين كتوف ...وش اقول لكوم بس ...بالعربي شكلي صاير مشوه ... وعاد

الكرشه ...هذي وخرو عنها ..بقول لكوم سالفه طبيب الاسنان مع كرشتي ...:3_2_103[1]:
يقول لك فيه مره راحت فيها "تسالي" لطبيب الاسنان ..لانها مسكينه كان ضرسها يوجعها
المهم هي جلست في غرفه الانتظار الا المرضه تناديها مدام تسالي <<<مدام وانا توني صغيره

الله يهديها عمري 17 ...الموهم ...دخلت على طبيب الاسنان ...قبل ما يكشف على سألني وش الي يوجعك ....وانا قلت له عاد وشو الي يوجعني ... تدرون وش قال ...قالي بالانجليزي
انتي أكيد:12_1_112[1]:Pregnant وهذي تجي من اعراضPregnacy وتدرون وش معناها
...:3:
يعني انتي حامل وسنك يوجعك علشان اعراض الحمل ...ومن ذاك اليوم والدنيا مسوده في عيني ...الموهم رجعت البيت قالت لي امي بنت خالك جاها خطيب ...وشبكتها بعد اسبوعين ...عاد انا تحمست
من الكلام السم الي عطاني ايها الدكتور وشبكه بنت خالي ...فقرت اني اطبق رجيمي الي اكتبه على الورق وما منه فايده .....المهم ....بكتب لكوم رجيمي الاول ....؟


السبت :فواكه
الاحد :خضروات
الاثنين :فواكه وخضروات
الثلاثاء:3 موزات ومن5-6 اكواب حليب للحصول على البوتاسيوم الكالسوم
الاربعاء :دجاج مسلوق او مشوي
الخميس:لحم بقري وخضروات
الجمعه :رز بني


والله اني ما أكذب عليكم نقصت 4 كيلو في الايام الاربعه الاولى مع رياضه المشي لمده ثلث ساعه وباقي الرياضات لمده 10 دقايق

ويوم جاء يوم الاربعاء خربتها ...وقلت ما يخالف بوكره اتمرن واحرق الي خربته ...يوم جاء من بوكره"الخميس" ماسويت شئ خربتها زياده ...والجمعه الي هو اليوم ماله داعي اقول بعد كيف خربتها .....
والحين انا طفشانه من نفسي .....


شبكه بنت خالي بعد اسبوع ....وتكسرت رجلي من كثر الدوران في ذا المحلات:3_4_8[1]: ...ابي اشتري شئ حق الشبكه ...بس للاسف مافيه مقاسي:7_18_2[1]: .....

بس بقول لكوم الحق ...ترا انا احب الاكل :10_8_9[1]:....
تخيلوا اني اقوم في نص اليل اروح المطبخ اكل واعود اكمل نومي ....
وتدرون اني اول ما سجلت بالمنتدى كان وزني 77....وتدرون كم صار الحين ...!!

84 كيلو ......
بس ادعولي ان الله يوفقني ....... وعلى العموم انا ان شاء الله راح أدخل مدونتي من فتر الى فتره واقول لكوم نتائج رجيماتي ....وكم نقصت ...وسوالف الرجيم ...
((برجع اكتب رجيم الاسبوع الثاني ))

ملاحظه :اذا ودك تعلقين ,,او عندك اي اقتراح ..او شئ من هذا القبيل ..
ارسلي لي على الخاص ..وشوكرا