ازياء - فساتين سهرة و مكياج و طبخ

تدري وش الي يجرح القلب جرحين
..................ويمد حبل الحزن فيك ويشده

انك تناظر طفل من غير ابوين
.................يمشي ودمعه سايل فوق خده

منظر صعيب ويقسم القلب قسمين
................لا قام يمسح دمعه بكف يده

يمش ولا يدري طريقه على وين
...............لين التعب من كثر ما تاه هده

اثقل حروف يشيلها فيه حرفين
...............لا أب يدريبه ولا أم ترده

في خطوته رحلة ودمعه وسكين
................وحظ توسد بالمراسي مخده

جيت اسأله بالله قلي ولد مين
...............وبغي يجاوب وختنق صوت رده

أنا يتيم وما لدربي عناوين
...............وجزر الحزن فيني يساوي لمده

وطعم الطفولة ما عرفته لها لحين
.............وثوب السعاده صرت مانيب قده

ابكي إلى من شفت غيري سعيدين
................لين البكا فيني يوصل لحده

واقفي ورحت امسح دموعي من العين
...............وعيني تناظر دمعته فوق خده

وهذا الي يجرح القلب جرحين
..............ويمد حبل الحزن غصب ويشده...