ازياء - فساتين سهرة و مكياج و طبخ - اليش يهج يصير كل بالعراق

ليش هيج يصير يا شعب العراق ؟
ليش يوميه قتل ؟
ليش يوميه تشرُّد ؟.. جَنّي بين أهلي نِزِل
منين ذوله ؟؟ ، منين إجوني هالحراميه الزِّبِل ؟
يحجي عالمنبر معدَّل .. وهو لو يدري .. سطل
أكبر لهيبي .. نهبني ، وأبد ما مش خله بيه
شوف أموال المصارف ب (( الزويَّه )) بيا (( زويَّه )) ؟
شوف (( كاكات )) النفط ... شوف صنّاع (( الفط ))
شوف جك (( كرش )) التربرب ، يكبر بجال الشفط
شوف يوم الأربعاء ... شوف هاي الأبرياء
وشوف شعب الرافدين .. دوم بس ينزف دماء
كافي ، بس قتل وأذيَّه .. عالوجوه وعالهويه
منين إجيتو يا عبيد الطائفيه ؟؟
لعنة الباري عليكم .. يا عصابات الدماء العالميه
أبد ماكو مستحه .. والله صارت ماصخه بلايه ملح
بكتوا حتى المملحه
ظلم .. بوك .. وقتل أحمر .. بجال مصاص الدماء العالمي
بجال أمريكا الدنيئه الكافره
هتك أعراض ومجازر ... مِن أجل هاي الكراسي العاهره
وصاحب العرش المفدّى ... جَنَّه نايم ما دَره
لا ، أبد والله .. يدري .. مِن شكف عن بوش ذيج (( القندره )) !!