ازياء - فساتين سهرة و مكياج و طبخ - تجربتي تحويل الشعر من خشن ومجعد الى ناعم

هاي
بنات

كيفكم طبعا
بقولكم تجربتي في عالم الاعتناء بالشعر وانا مابقيت شي على وجه الارض الا حطيته بشعري
لانه كان دمار فرد
وبديت اعتني فيه من نهاية العام قبل الصيفية الي فات
عذاب بس انا مواصلة وصابرة الين تكتمل النتيجة
طبعا مثل ماقلت عندي شعر دمار والحمد لله على كل حال الى ان تقوم الساعة
الحين اروح الدوام من غير استشوار ولا بلشة وشعري صار ناعم ومشدود وفيه لمعه
بساطة اسوي خلطة اسم على مسمى خلطة من اسمها اخلط فيها بمكن6-7 اعشاب و7-8 زيوت بس بصراحة شفت النتائج مع انه قبل لو استخدم زيوت العالم مابين
الاعشاب مقدار من كل من
محلب
اكليل الجبل
سمسم
حلبة ليست مطحونة
بردقوش
بابونج
بذور كتان مطحونة
حبة سوداء
----- الزيوت
سمسم
جرجير
زيت الحية الهندي
جوز الهند
زيتون
اكليل الجبل
خروع
حبة سوداء
صبار
هذولي اخلطهم واخليهم برطمان 10 ايام واستخدمه واخلط عليهم اذا استخدمتهم شوي
--------- زيت الفلفل المشهور
وهو عبارة عن -لي ماتعرف طريقته
تقطعين فلفل اخضر كبير على قد ماتبين مثلا 3-4 كبار
قطع صغار وتحطينهم برطمان وتحطين عليه زيتون واي زيت تبينه كمان
وتركينه ينقع 10 ايام
وتخلطين منه عند الاستخدام مع الخلطة الي فوق يمكن 3 ملاعق
----واخلط معاهم كمان اعصر جرجير واحطه بعلبه واحطه بالثلاجة واستخدمه
وشوي زبدة وعسل
واعصر موزة وشوية بامية لان فيها مادة لزجة تنعم الشعر واحطهم على النار واروح اغسل شعري قبل لاستخام عشان المسام ينفتح ويستفيد وافرق خصلة خصلة وامسج راسي لين يوصل

وخليها 7-8 ساعات
واغسل شعري وشوفو السر في فرد الشعر
انشفه زين واربطه كل الشعر ملموم لجهة الاذن اليمنى واتركه يمكن 4-3 ساعات وبعدين افكه واربطه لجهة الاذن اليسرى وابدل بالجهتين
وربي لو تشوفونه تقولون استشوار قبل ماكنت اصدق ان في شي ينعم الشعر المجعد غير الاستشوار والفرد بس بعد هالطريقة خيال حتى اختي في الصباح لما اتجهز تناظر وهي مستغربة كيف صار ناعم وهي ماشافتني استشوره -واسوي كل هذا يوم اي ويوم لا

بس حبيباتي هذي الخلطة للي شعرها معدوم مثلي مو وسط والا ناعم شوي احس بيطيح لازم شعر يحتاج لعناية عميقة

اسال بالله كل وحده قرت الموضوع تدعي لي بتحقيق امنياتي ويجعل لي فيها الخيرة