جدار الطين ..
 

جدار الطين




على ذاك الجدار الي على حد البيوت الطين
وقفت وهاجس الذكرى نفض في قلبي غباره


وقفت اطلق مدى شوفي واناظر مفرق الدربين
واشوف الدار وعيوني تضم الدرب وجداره


اجل هذا الجدار الي سهر يوم العرب غافين
اجل هذا الصديق الي ذكرته واذكر اسراره


انا اذكر يوم يجمعنا يغطينا برمش العين
نسج ليله وسوى به على عشاقه ستاره


حجر لكن احس انه يحس بفرحة القلبين
احس انه نفس لكن غدى جامد من اقداره


حجر يوم العرب تنسى اذا مرت عليها سنين
حجر يوم العرب تنسى حبيب مبعد داره


ولكن الجدار الي تركته من هذاك الحين
عرفني يوم قابلته وبل دمعي حجاره


جلست وهاجت الذكرى وقلت بخاطري مسكين
ثمان سنين في وحشه ولاحد بيننا زاره


وفا ذاك المكان اثبت بأن الادمي من طين
تخيل يوم لامسته تنهد من شقا ناره


سألني قال انا اذكركم تجوني بالظلام اثنين
بكيت وقلت صدقني رحل وانقطعت اخباره




الموضوع الأصلي : جدار الطين -||- المصدر : منتديات -||- الكاتب : ~غريب الرياض~f
آخر مواضيعي

0 بعض صور الاواني الزجاجيه ~~~
0 اليكي سيدتي
0 عتأب
0 سيدالغنادير ~~~~

رد: جدار الطين ..
 

سلمت يداك
ياعسل ..