|
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
نتظر
|
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ
قالوا مريض وقلت : "فيني ولا فيه" ياعزة الله كيف ذاك المرض جاه ..!! كيف الألم يدمي فواده ويدميه؟؟ ليت الألم ياناس شخص اترجاه’’ بالمستشفى كانت غلا ع سريرها الابيض و تنتظر عهود الي وعدتها تجيها بهاليوم او لا؟؟عهود توصل للمستشفى وهي مرتبكه ومتوتره وتدخل القسم الي كانت ترقد فيه غلا وتعطي اسمها لرسبشن عشان يسمحون لها بالدخول ع غلا المرضه وكانت جنسيتها مصريه: انتي عاهود عهود: ايوه المرضه: اوكيه حبيبتى تقدري تودخلي ع المريزه غلا بغرفه 34بس ياليت ماتطولي معاها عشان هي تعبانه أوي عهود: اوكيه شكرا المرضه: عفوا عهود تمشي بخطوات هاديه مره ودقات قلبها تبنض بسرعه وتحس برعشه خفيفه بيدها وكانت تناظر بأرقام الغرف عهود عندها رهبه من المستشفيات وزادتها رهبه مقابله غلا الي ماتدري وش تخبي لها غلا فيها؟؟ عهود توصل لباب 34 توقف ايوه هذي غرفه غلا تاأخذ نفس عميق وتغمض عيونها شوي.. وتدق الباب غلا بصوت تعبان: تفضل عهود تفتح الباب.. ويلفت نظرها شكل غلا المده ع السرير وكانت ملامح وجها شاحبه وبأين عليها المرض وتناظر الغرفه الي امتلت اجهزه حست بشعور غريب ومخيف عهود الي كانت واقفه عند الباب تتقدم : ا السلام عليكم غلا وهي تناظرها: هلا وعليكم السلام.. انتي عهود؟ عهود: ايوه انا غلا بصوت متقطع: هلا والله والله نورتي المكان عهود: بوجودك يالغلا وتقرب عهود لغلا وتسلم عليها وتجلس ع الكرسي الي كان قريب من السرير وكان الصمت سيد الموقف في ذيك الحظات الصعبه) غلا تقطع حاله الصمت الي هم فيها غلا:والله ياعهود اني حبيتك من كثر ما كلمتني اختى ايمان عنك عهود تبتسم : حبتك العافيه والله غلا وهي تتعدل بقعدتها: عهود أدري انك الحين تفكرين وش ابي فيك؟ عهود وهي تنزل الطرحه ع كتفها: ام بصراحه ايوه غلا: عهود معليش ممكن تسمحين لي اشرح لك ظروفي قبل اقولك الموضوع عهود: تفضلي وانا كلي اذاناً صاغيه.. غلا تستجمع قواها وبعد تنهيته خفيفه: عهود.. انا بصراحه اعاني واتألم من هالمرض الي هدم شبابي وانهكني لكن الحمدالله لا اعتراض ع حكم الله ..بس مو هذي مشكلتي مشكلتي أني انا احب ولدي و زوجي وهو يحبنى والله انه طيب وعمره مازعلني بشئ من تزوجنا لهاليوم وهو انسان راقي بتعامله وانا ماعرفت السعاده الا من تزوجته بس وتقاطعها عهود: الله يخليكم لبعض يارب غلا: امين.. ربي يخليك.. بس المشكله ياعهود .. وتسكت غلا عهود تناظر غلا الي كانت تنظر لها بنظرات غريبه .. غلا :عهود بصراحه انا اشوف نفسي اني قاعده احتضر ياعهود عهود تقاطعها : سمله عليك لاتقولين كذا غلا: عهود هذي الصراحه المرض مو مخلي عندي أمل بالحياه والدكتور قالها لي بصريح العباره انتي بمراحل حياتك الاخيره من المرض عهود: لاتظنين اني هامتني الدنيا ومافيها.. والله ماهمتني الدنيا بس انا خايفه خايفه ياعهود والله خايفه وتمسك بيد عهود عهود الي كانت متأثره من كلام غلا: خايفه من ايش ياغلا؟ أه ياعهود.. من كل شئ خايفه انا أم ياعهود.. تدرين كيف أم خايف ع ولدي بتال من بعد عيني تكون عنده مرت ابوى ماتخاف الله فيه عهود ..ولدي بتال هو حياتي وهوفرحتي مابي شئ يضره بهالدنيا أه.. وربي خايفه من هاليوم وتنزل دموعها لكن تحاول تمسك نفسها وأهل بندر ياعهود يبون يزوجونه بنت خالته وأكيد بعد عينى بيزوجنه بنت خالته انسانه وش اقولك ؟ شريه مره وتحب المشاكل ومطلقه 3 مرات وتكرهني وتكره ولدي بتال وش تتوقعين بيكون تعاملها مع ولدي؟؟ قسم ياعهود.. أحس هالتفكير اقسى وألم من المرض الي الحين أعانيه عهود كانت ساكته لان كلام غلا اخرسها.. حتى بندر فديته محتاج وحده قلبها طيب تربي اعياله وتهتم فيه أه يابندر ليتني أكون معك طول العمر هنا بدت غلا تبكي من كل قلبها وماقدرت تمسك نفسها قدام عهود عهود تأخذ منديل من ع الطاوله وتعطيه غلا عهود بداخلها.. اه ياربي والله قلبي مايستحمل ) عهود الي كان يتقطع قلبها ع غلا لان عهود انسانه حساسه وخدومه وتحس بالي حوليها وتشاركهم همومهم عهود: لاتبكين ياغلا ان شاء الله بكره تتشافين وتصيرين أحسن من قبل وتربين بتال وتجيبين له اخوان بعد غلا بصوت مبحوح: امين يارب.. والله ياعهود ماطلعت لك كل الي بصدري الا اني ارتحت لك والله من كثر ماقالت لي ايمان عنك ارتحت لك حتى من قبل اشوفك .. عهود: فديتك والله وفديت ايمان.. لا ياغلا طلعي كل الي بصدرك انا اصلا ماجيت لك الا ناويه اسمع لك واذا فيه مجال اساعدك ان شاء الله يقدرني ربي واساعدك غلا: تسلمين ياعهود والله ايمان ماكذبت يوم قالت تنحطين ع الجرح يبرئ عهود حست بأحراج من كلام غلا لكن الى الحين ماتدري وش المطلوب منها؟؟ غلا وهي تمسح دموعها: عهود عهود: هلا أمري غلا: عهود انا ادري ان الي راح اقوله لك قوي بس والله ماعندي حل غيره عهود والخوف واضح عليها : قولي ولايهمك غلا تمسك يد عهود وتناظرها تحاول تطمنها غلا: عهود.. وتسكت شوي.. وبنظره استنجاد..عهود الله يخليك ويرحم ابوك بترابه تزوجي بندر وربي ولد بتال وحطي بالك عليه تكفين.. بعد ماغيب عن الدنيا هذي أمانتي لك عهود من قوة الصدمه توقف وتسحب يدها عهود: ايش من جدك غلا لالا غلا وهي تبكي وصارت تكح : ايه ياعهود من جدي .. تكفين ياعهود مراح القى اطيب منك بهالعالم يهتم في بندر وبتال بعد عيني عهود: حاطه يدها ع صدرها : بس لالا مو انا ياغلا الي اتزوج من رجال متزوج غلا وهي تبكي وتكلم بصوت عالي: عهود تتوقعين هاين علي اني اخطب لزوجي وحده ثانيه واشوفه مع وحده غيري والله مو هاين علي بس مالي الا هالحل ياعهود.. انا ماهمني غير ولدي اه ليتنى اقدر ارجعه في بطني واحميه من هالعالم و صدقينى ياعهود بندر طيب وحساس وبيشيلك بعيونه لاترديني طلبتك عشان ولدي الي ماكمل السنتين لاترديني ( عهود الي كانت بهالحظه تتمنى الارض تنشق وتبلعها وبداخلها.. ياربي ليش انا ليش ياغلا عهود: بس بس صعب ياغلا والله صعب.. وتسكت ودموعها تنزل عهود من طبعها ماتحب تخيب أوترد احد يستنجد فيها لكن هالموقف كان صعب عليها غلاودموعها ع خدها: عهود والله ادري الموقف صعب علي وعليك وع بندر الي بالموت وافق اخطب له بس الابواب مقفله بوجهي مالي الا هالطريق الي اخترته بنفسي وعشان ارتاح ودي اعيش باقي ايامي وانا مرتاحه.. عهود لك الحق انك تفكرين وترفضين وتوافقين الله يخليك ياعهود ابوس يدك ولدي ياعهود ولدي وانهارت من كثر البكاء (ضمت غلا لصدرها عهود: تعوذي من ابليس يالغلا ماتدرين يمكن تعيشين معهم العمر كله والاعمار بيد الله غلا: عهود أناحاسه بنفسي ان نهايتي قربت ومافي انسان ماتكون احاسيسه صادقه مع نفسه عهود.. انا داخله ع الله ثم عليك والله لو اني عارفه ان زوجي مايستأهلك ماخطبتك بس بندر تعذب معي كثير ولدي بتال بعد الي ماحس بحنان واهتمام الام من جاء ع الدنيا.. لان المرض ماخلاني افرح بولدي وبحياتي معه وانا اذا ضمنت هالحظه الي بعيشها مراح اضمن الحظه الجايه اني بعيش وانا ابي انسانه مثلك تعوضهم عن كل شئ وتصونهم وراح تريحني وانا بقبري عهود الي كانت ساكته وتسمع كلام غلا الي كان مثل السكاكين الي تقتلها وتقتل مستقبلها الي مابعد ابتداء عهود وهي تمسح دموعها : غلا انا رايحه تأخرت ع بنت عمي بالجامعه تنتظرني تأمرين بشئ غلا: عهود الله يخليك حاولي تفكرين وتردين لي عن قريب عهود انا حياتي وسعادتي واقفه عليك عهود الي حست الدنيا تدور فيها: ان شاء الله ع خير..مع السلامه وتصافح غلا الي ظلت متمسكه بيد عهود بكل قوتها عهود كانت تناظر غلا الي حست كنها غريقه وتحاول تتشبث بيدها عشان تنقذها من غرقها عهود وهي تسحب يدها بهدوء من غلا.. اشوفك ع خير غلا دموعها كانت تعبر عن مابداخلها وصارت تناظر عهود الي حطت طرحتها ع وجها و طلعت من الغرفه وغابت عن الانظار وماتدري هل راح تشوف عهود مره ثانيه ولا لا؟ وهل راح توافق عهود ع طلبها ولا لا؟ عهود تطلع من غرفه غلا وهي منهاره وتبكي وحست انها شالت هموم ماهي قدها وحست ان غلا طلعت همومها من قلبها..ورمتها عليها.. عهود تركب السياره وهي حاسه بضيقه خانقتها.. وتوجه للجامعه عشان تأخذ نوال الي كانت بهالوقت تنتظرها..... ْ~ هل ياترى.. وعد راح توافق ع الخطبه من ياسر مره ثانيه وتصلح امورهم ولا لا؟؟ وهل ياترى يطلع الشخص المجهول بالمستشفى.. ابوفارس |
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ
لو اشيل في قلبي مثل ما يشلون.. .......... ما كانت الطيبه من ابرز صفاتي..!! عهود قاعده بالسياره ومسنده راسها ع الشباك وتمسح دموعها نوال تركب السياره: السلام عليكم وينك تأخرتي يختي ؟ احترقت من هالشمس وانا واقفه هنا تنتبه لعهود الي كانت ساكته ولا ردت حتى السلام وتقول بداخلها ..(يوه ليكون زعلانه على تصرفاتي التافها دايم انا كذا انا اجيب العيد) نوال: عهود ليكون زعلانه مني ع تصرفي البايخ الي اليوم ترى والله ما اقصد وانتى تعرفينى لا عصبت ماعرف حتى أمي.. عهود الي كانت ساكته وتناظر جه الشباك ولا لفت ع نوال .. نوال: عهود .. وش فيك؟؟ عهود تمسك بيد نوال وتضغط عليها وصارت تبكي نوال: بسمله عليك عهود وش فيك تكلمي؟؟ عهود تحط راسها بحضن نوال وهي تبكي نوال: عهود وجع وش فيك ؟ الدكتور قالك شئ؟ عهود بدخلها.. (اه يابنت العم ليتك تدرين وش صارلي اليوم وش الي هدني.. ) صارت تبكي ونوال تناظرها وماهي عارفه وش فيها وبنفس الوقت موقادره تسكتها بعد لحظات عهود تهدى شوي بعد ماحست ان دموعها الي ذرفتها بحضن بنت عمها كانت كفيله بتخفيف الحمل والضيقه الي كنتها بصدرها... هنا ..وتعدل بقعدتها.. وصارت تمسح دموعها .. نوال: عهود امانه وش فيك ؟ عهود بصوت واطئ: لا مافينى شئ نوال: عهود كذا تخوفينى قولي وش فيك؟ وبهالحظه يوصلون عند بيت عهود عهود تمسك الباب تبي تنزل نوال تمسك يد عهود... نوال: والله ماتنزلين لين تقولين لي وش فيك عهود: والله مافينى شئ يانوال خليني انزل .. نوال: الا فيه وشهو قولي ماني اصغر ورعانك تكذبين علي.. عهود: مافي شئ .. بس انحطيت بموقف ان شاء الله ماتنحطين فيه و تبعد يد نوال عنهاتفتح الباب وتنزل نوال: يالله من جدها هذي تبكي عشان موقف انحطت فيه ياربي منك يا عهود حساسه بزياده نوال ماكانت تدري ان هالموقف الي انحطت فيه عهود يمكن راح يغير مسيره حياتها ويقلب موازينها نوال: لازم اليوم اكلمها واحق معها لين تقولي وش هالموقف وراحت نوال لبيتهم وهي بالها مشغول بعهود وكيف تبكى كل هالبكاء عشان موقف انحطت فيه بس ############################## #### يوم الاربعاء ..وكان هذا اليوم الرابع من سافرت منال الرياض عند امها.. نوال حست انها متضايقه من الوحده فماحبت تقعد بالويك اند لحالها وخاصه ان ابوها ماكلمها عن الخطبه ولاشئ فتوقعت السالفه كلام بس.. لذلك ماعطته الموضوع اهتمام كبير.. فقرت تروح لبيت عمتها ام فارس عند هدى تغير جو بعد ماتفقت هي وشهد وعهود انهم ينامون عند هدى عهود رغم ان بالها كان مشغول ومشت بقضيه غلا الي حطتها بموقف صعب الا انها ما تحب تفوت جمعت البنات الي كانت تنسيها همومها واحزانها ........ الساعه 1 ونص البنات في غرفه هدى يسوالف ويضحكون ويرقص ويستهبلون هدى وهي تدور بالدولاب.. الهتفون حقها لان فيه كست تبي تسمعه البنات فحاست عليه ومالقته فتذكرت هدى ان كانتي دائماً مناشبتها عليه هدى بداخلها.. يؤه اكيد عند كانتي الدبه اوريك ياكانتيوه والله لاخليك تحرمين تمدين يدك ع اغراضي هدى فجأأأه تصرخ : بنات يامعشر البنات يامهات المستقبل البنات كل وحده تركت الي بيدها وانتبهوا لهدى الي كانت تصرخ شهد: اص هيه انتي خالتي نايمه نوال وهي قاعدع الاب حق هدى: هدو بعد الخطبه حقتك.. وش فيك ليكون جاتك زيرانك ههه؟؟ هدى: ههه ايه جأت.. بنات تكفون ابيكم تطلعون حرتي في كانتي عهود: ليش وش سوت لك هالمسكينه؟ هدى : يؤه جاتنى امي الثانيه كل ماقلنا شئ قالت هالمسكينه وسكين ان شاء الله في بطنها وتلف على البنات :وجع قولو امين البنات :امين هههه هدى: هذي مسكينه ياشيخه هذي بنت هتلر منكده علي حياتي تسرق اغراضي عينى عينك والي قاهرني ان امي دايم بصفها عهود : لحظه هدون.. ابي اقنع نفسي انك للحين ساكت لها.. هدى : من قالك اسكت .. بس امي ماتعطيني مجال و انا الحين ابي اخذ حقي منها بس مو اي حق هالمره ابي اسوي فيها جريمهً شنعاء تخليها تمشي صح معي.. نوال وهي تدق الصدر: افا بس ماطلبتي شئ امرينا بس كم هدوش عندي.. نحنوا تحت سلطتك ياسيدي وتنقز هدى :تحط يدها على كتف نوال:يالبيه الفزعه هذا بنت الخال ولا بلاش عهود اخبالكم وجريمكم خلوني بعيد عنها شهد: حتى انا مالي خلق جرائم نوال :وانتي ياشهيده معاهم معاهم عليهم عليهم هدى : اقول اقلبي وجهك انتي وياهامسوين يعننا محترمات .. اصلا مابي فزعه رخوم دام نوال معي خلاص انا وهي عن قبيله وتضرب كتف نوال .. شهد: والله عشتوا حنا الحين رخوم يعني.. الشرها علينا الي جاينك مالت بس .............................. ............ بالدور الثالث من الفله ..كانت كانتي .. نايمه في أمان الله شوي الا تسمع صوت الباب يندق بهدوء كانتي تقوم باستغراب وهي نافشه الكشه وكانت خايفه من يدق عليها هالوقت او من يتجراء يصعد لغرفتها بهاليل فتوقعت انها ام فارس تبيها بشئ ضروري.. كانتي تفتح الباب وهي مستغربه؟؟؟؟؟؟؟ وتناظر مافي احد وكان المكان كله ظلام فصكرت الباب بسرعه وراحت ع سريرها وهي تظن انها يمكن كانت تتخيل. ومايمديها تحط راسها الا الباب يندق مره ثانيه قامت ع طولها وهنا حست بالخوف وتقرب عند الباب وهي تتنافض وتفتح الباب وتطل براسها ماشافت احد وتناظر يمين يسار مافي أحد هنا كانتي خافت من جد وتصكر الباب بسرعه وتقعد ع السرير بعد ماطار النوم منها وصارت تفكر من الي كان يدق الباب؟ وليش لمى تطلع ماتلقى احد فجأأأأه يندق الباب للمره الثالثه بس هالمره كان الدق قوي طق طق طق طق طق كانتي وهي تتنافض ماما ماما وتفتح الباب وهي ميته خوف وتناظر يمين مافي احد وتوها بتناظر لجهه الثانيه الا سطل ماي مليان ينكب بقوه بوجها كانتي وهي تصارخ: ما ما وتركض ع الدرج وهي تصارخ كنها مجنونه وكشتها منتفشه وملابسها كلها ماي وتروح وهي تصارخ لغرفه ام فارس نوال وهدى الي كانو ا لابسين عبايات ومغطين وجيهم ولابسين نظارات شمسيه فوق الغطاء عشان يخوفون كانتي الي من الخوف مانتبهت لهم نوال يوم كبت الماي بوجه كانتي شافت كانتي نازله تصارخ .. راحت نوال تركض وهي فاحطه ضحك وهدى وراها تركض متوجهين لغرفتها و كانت عهود وشهد ينتظرونهم عند باب الغرفه ويضحكون ع شكل كانتي وهي نازله تصارخ هدى ونوال يدخلون الغرفه ميتين ضحك ويرمون العبايات عهود: فاحطه ضحك هههههه يويلكم من ربي بتموت كانتي من الخوف وجع بنات افرضوا انجلطت علينا هدى: ماعليك منها هذي قطو بسبعه ارواح ههههه شهد: هههههه اي يابطنى انامن شفتها نازله من الدرج تركض وشعرها منتفش قسم طحت ع الارض من الضحك نوال: هههههه سوينا لهافلم مرعب ياشيخه ماتنساه طول عمرها هههه هدى ههههههههه و تنط ع سريرها بنات بسرعه خذوا اماكنكم كانتيوه راحت تعلم أمي.. يويلنا فجأأه يسمعون صوت ام فارس وهي معصبه وتنادي : هدى & بنات هنا البنات كل وحده نطت بفراشها وغطت نفسها بالبطانيه ام فارس وهي معصبه تفتح باب غرفه هدى بقوه وكانت معها كانتي تبكي الي شكت ع طول بهدى والبنات انهم هم الي سوى هالحركه فيها ام فارس وهي تناظر البنات الي كل وحده مسويه نفسها انها نايمه.. و ماصدقتهم لانه مو من عادتهم ينامون هالحزه ام فارس: هدى وصمه قومي ع بالك مصدقه انك راقده قومي وجع كانتي: تشاهق من البكاء انا معلوم هذا هدى وكلوا بنتي سوي جنجان انا انا بكره روح مكتب مافي ابغى شغل هنا كلاص نوال كانت تحاول تمسك ضحكتها وحاطه يدها ع فهمها بس ماقدرت وكانت وتتحرك من الضحك وهي تسمع صوت كانتي وهي تبكي وتتحلطم ام فارس وهي تناظر نوال الي تهتز من الضحك: ماشاء الله تضحكين بعد قومي قومي البنات هنا ماقدروا يمسكون نفسهم و بخوها كلهم ضحك هههههههههههههههههههههههههههههه هههههههههههههههههههه هههههههه ام فارس: وجع يضحك لكم انتي وياها ياقليلات الادب بزران انتم وش خليتوا ل سحاب ونجود هاه البنات بهالحظه سكتوا لان ام فارس كانت معصبه حيل وتصارخ وكل وحده قاعده بفراشها وماسكه ضحكتها ومنزله راسها ومالهم وجه يناظرونها ام فارس: انا ابي اعرف انتم ماتستحون هذي فعايل بنات عاقلات ويخافون الله وش تطلبون هالمسكينه هاه؟ هدى تقاطع ام فارس: يمه.. سارقه الهتفون حقي ام فارس : وصمه تصمك اص انتي ولاكلمه اصلا انا داريه انك انتي ساس البلاء خلف الله علي ماعندي بنتن سنعه . هاه مالت وتكش ع هدى .. نعنبو بليسكم ولافيكم وحده عاقله تعقل الباقين.. هذا وانتم بنات متعلمين هذا الي علموكم المدارس اسمعوا هالمره بعديها لكم بس قسماً وعظماً لو اشوفكم متعودينها ومتعرضين للمسكينه لاوريكم ان الله حق البنات كل وحده تبلع ريقها لان ام فارس ع طيبه قلبها الا انها انسانه عصبيه وصارمه في قراراتها دائما وماتحب الخطأً هدى بصوت وطئ : اسفين يمه روق ياجميل ام فارس:بس يلا .. كلكم الحين تتأسفون قدامي من هالضعيفه يالله الحين اشوف هدى: نعم تخسيى الا هي اتأسف منها ام فارس: هدى وصمى اسمعي الكلام ولاتراديني هدى خافت من امها ومن دون نفس: مابي الي يبي يتأسف كيفها انا لالالا وتقول بصوت واطئ مابقى الاهذا انا اتأسف من أم السعف واليف تهبى والله ام فارس : يعنى محد منكم راح يتأسف .. طيب بكره اعلمكم الاسف كيف يكون.. يالله ارقدوا الحين وراكم شغل بكره الصبح و الساعه 7 لازم كلكم تقومون هدى: اي شغل يمه؟ ام فارس: بكره كانتي بتأخذ أوف ... وبيكون يوم راحه لها وانتم عليكم شغل البيت كله من - الى فاهمين البنا ت كلهم: لا ام فارس: وجعاه .. لاحد يرادني .. والله ولكم وجه بعد شين وقوايه عين والله الي ماشوفها قايمه بكره ان مايحصل لها طيب عهود: عمه لاتكفين.. ام فارس: اص ولا همسه اسمع.. وتمسك كانتي مع كتفها كانتي انتي بكره نوم مافي شغل كولوا شغل بنتي سوي طيب كانتي تهزء راسها :ان شاء الله ماما وكانت مبسوطه وتناظر البنات و تضحك وتروح لغرفتها هدى وهي معصبه: من زين الوجه تضحك بعد ام فارس: تعطي هدى نظره ارقدي وانتي ساكته بس وتصكر الباب بقوه شهد: هدى من جدها خالتي لا تكفين هدى ترى اكره شغل البيت نوال: لالا انارايحه لبيتنا الفجر بدق ع تركي بنفذ بجلدي عهود: لا والله تسوين جريمتك وتحطين رجلك لا حبيبتى تنثبرين معنا هدى تقوم وتوقف ع السرير: هيه هيه أنتم ولا وحده منكم اشوفها اتعدى عتبت الباب.. ياسلام تروحون وانا الي اكلها..العقاب هذا جماعي عهود: كله منك يختي.. وتقلد صوت هدى: بنات تكفون ابي فزعتكم هاه شوفي وش صار فينا الحين شهد: ياربي والله بصراحه اشك ان كانتي مسويه سحر لخالتي هدى: مو اي سحر ..سحر قوي بعد نوال: يمه راعيه سحر كانتي عز الله رحت فيها خاصه انا الي كبيت الماي بوجها عهود: هههههههههه خفتي تستاهلين محد قالك دقي الصدر لهدى ذابحك المهايط .. وقضوا البنات باقي السهره وهم يتحلطمون ع كانتي والعقاب الي جاهم من وراها وبعد صلاه الفجر كل وحده صلت ونامت .............................. .......... الساعه 6 ونص البنات الي كانوا نايمين ومطفين الانوار ومصكرين الستاير وعايشين جو هادي مع احلامهم وفجأه ينتفح باب الغرفه عليهم وبقوه وتولع الانوار الا كانتي واقفه ع باب الغرفه ومتخصره كانتي بنغمه شماته واستفزاز : هودى قومي ماما ابغى تحت انتي وكلوا بنتي عهود وهي تناظر كانتي وبالموت تفتح عيونها: الله يغير ع عدوينك وش تبين انتي؟ نوال ترفع الكنبل عن وجها : خير انتي ماما كلام 7 نقوم الحين الساعه ست ونص ولا من النحاسه الي فيك معجله بالوقت عشان تشمتين شهد تحك راسها: ياربي منها راعيه شر هذي.. وبصوت عالي: طفي النور يالله بسرعه كانتي : انا مافي طفي نور يالله قومي امس انتوا مافي خلي انا نوم اليوم انا مافي خلي انتم نوم قومي سوي شغل انا سرعه.. هدى الي كانت صامته وتسمع الحوار بين البنات وكانتي لمى سمعت هالكلام عصبت وتقوم هدى وشعرها كله ع وجها وتصارخ: كانتيوه اذلفي بره كانتي : مافي روح انا ماما كلام خلي بنتي كلو اجي تحت سوي كلين هدى تناظر يمين ويسار : هذي الي تبينى اذبحها وتدور شئ جنب السرير وتقول للبنات: عطوني شئ تكفون اكفخها فيه عهود الي كانت نايمه ع الارض: تأخذ الجزمه الي جنبها وترميها لهدى هدى تأخذ الجزمه الي طاحت بحضنها وتشوتها ع كانتي كانتي شافت هدى معها الجزمه بلمح البصر راحت تركض ماما الا الجزمه تصك بالباب البنات كلهم هههههههههههههههههههههههههههههه هههههههههههههههههههه ههههه ع شكل كانتي الي كان يضحك ام فارس وهي واقف تحت ع الدرج بنات هدى وصمخ .. انزلوا لا اجيكم هدى تصارخ: طيب جاين.. ياربي وترجع ع وراء وتحط راسها ع المخده وبهالحظه يدق جوال نوال فقدتك يا اعز الناس ..!! فقدت الحب والطيبه ..!!ّ وانا من لي في هالدنيا ..!! سواك ان طالت الغيبه ..!! وكانت منول المتصل نوال ترد وهي منسدحه ع فراشها نوال: منالوه اختي منال: ههه ليش شاكه .. والله اني كنت داريه انكم مارقدتوا يا افراد عصابتي نوال : منالوه لحظه بحط سبكر وتحط سبكر منال: هاي يالخاينات البنات مالهم نفس: هاي نوال: منالوه تعالي شوفي شصار بختك بغيابك تهئ تهئ عهود: بصوت عالي: يابختك يامنال اول جريمه نسويها وانتي تنفذين منها منال: وش فيكم ؟؟شوي شوي فهموني شهد تنط ع نوال وتسحب الجوال :منالوه وراءنا اعمال شاقه تهئ البنات يعلمون منال السالفه وش سوى بكانتي وش سوت فيهم ام فارس منال :هههههههههههههههههههه يقطع شركم بس فاتنى والله بهالحظه البنات يسمعون صوت ام فارس معصبه تناديهم بنات نوال: يالله منوال باي الحكومه تنادينا منال : ههههههه يالله تستاهلون مايجيكم كان استنتوني هع شهد: ههه ماعليك لاجيتى كملنا عليها منال: ههههههه بعد ماتبتوا هههه يالله سلام أنا بروح انام ههه هدى: اخ يا القهر ناس تنام وناس وراها كرف يالله سلام وانزلوا البنات بعد ما استسلموا للامر الواقع .. وكلهم ماشبعوا نوم وحالتهم حاله وكل وحده مبوزه ام فارس الي كانت تستناهم بالصاله وتهلي فيهم.. ام فارس بتسامه عريضه : هلا هلا بناتي الشاطرات بعدي والله الي بينفضون لي البيت اليوم ويخلونه يلق كانتي قاعده جنب ام فارس عشان الشماته وكانت توزع ابتسامات البنات يناظرونها بحقد وهم ساكتين ام فارس : يالله اول شئ روحوا نطفوا المجالس وغسلوا الحمامات والمغاسل هدى: لايمه عاد حمامات شغل ام السعف واليف وتأشر ع كانتي ام فارس : شب بس أنتي ولاهمسه اسمعها فاهمها.. كانتي وهي مبتسمه : ماما انا في روح نوم انا امس مافي نوم ام فارس: روحي روحي نامي مالومك غيروا عليك بنات شربت تقوم كانتي وهي تتميل بمشيتها تبي تروح لغرفتها وتمر ع هدى هدى من القهر تمد رجولها تبي تطرحها بس كانتي ذكيه نطت بسرعه واشوى ان ام فارس مانتبهت لها البنات شافوهم : ههههههههههههههه شهد: ههههه وتبي ترقع السالفه الله يسامحك خالتي حنا بنات شربت ام فارس: لا والله بنات شربت احسن منكم الا بنات ابليس ويالله قدامي اشوف اخذوا المكنسه والمنظفات وجيهكم ع المجالس ولا خلصتوا تعالوا اعطيكم الشغل الثاني عهودبصوت واطئ: يؤه فيه شغل ثاني بعد ام فارس: ثانى وثالث بعد المهم ابي تنظيف من قلب مو حي الله سامعين وراحوا البنات يجرون مكانسهم ويبدون تنظيف بالمجالس ولمى خلصوا بقى الحمامات وتهاوشوا البنات كل وحده ماتبي تنظف الحمامات ولقوا حل وسط واتفقوا عليه ان كلهم ينظفون الحمامات مع بعض ومرت ساعتين والبنات يشتغلون ويكرفون ولمى خلصوا المجالس راحوا ينظفون المطبخ ام فارس تمر عليهم بالمطبخ شافت نوال قاعده ع الطاوله تتفرج عليهم ام فارس: نوال ماشاء الله قاعده بمسرحيه تتفرجين عليهم قومي فزي طولك اهوه غسلي المواعين نوال وهي تتحج: عمه والله يدي فيها حساسيه من الصابون ام فارس: اقول اغسلي المواعين بلادلع يالله نوال: ان شاء الله وتقوم تغسل المواعين وهي تتأف والبنات يضحكون ع نوال.. والساعه 10 خلصوا البنات شغلهم وكانوا يتهدون بكانتي من التعب والكرف الي شافوه فجأأه يدخل عليهم فارس الي كان جاي من بره وشايل معه فول وعدس وخبز تميس فارس: ماشاء الله مجلس ابو حمدان عندنا ترى ماحسبت لكم نوال: مالت عليك بس بدال ماتقول جايب لكم فطور .. تقول ماحسبت لكم ..وتقلد صوت فارس فارس:اقول اقلبي وجهك بس اكد عليك أنا نوال: اصلا مانبي شبعانين بس من الذرابه مفروض تعزمنا ولا ماتعرف الذرابه انت؟ فارس: علمى نفسك الذرابه اول.. بعدين انتي متى تستحين ع وجهك و تغطين مني؟؟ نوال : لاصرت رجال ذيك الساعه استحيت منك وتغطيت فارس هنا عصب: رجال غصبن عنك وينزل عقاله نوال يوم شافت العقال قامت تصارخ: يمه وتركض وراء هدى وكان بالارضيه ماي نوال تزلق ع ظهرها وتطيح ع الارض بكل قوتها...... فارس+ البنات خخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخ خخخخخخخخخخخخخخخ نوال وهي قاعده ع الارض: اح الله لايبارك فيك والله لاعلم عمتي عليك يالبزر فارس : هههه ماني راد عليك كسرتي خاطري بعد الطيحه هههههههههاي نوال وهي قايمه وتنفض ملابسها من الماي: ياشين البزران بس لاعطيناهم وجه هين اوريك يافارسوه فارس كان يناظر عهود وكان يحب عهود مره رغم انه اصغر منها بكثير.. فارس: عهود انتي احسنهم والله تكفين نادي كانتي خليها تحط لنا الفطور عهود وهي تضحك : احم احم مرسي من ذوقك بس والله يافارس كانتي خامده جعل تخمد عليها طوفه هدى تفتح علبه الفول: هههههه انتي احسن وحده ع باله هذا غزل ههههههه فارس عصب وانحرج ويحاول يغير الموضوع : صكري العلبه لاتبرد يالله عطونا فطور انا والعيال بالمجلس شهد: نعم والله مصدق عمرك شايفنا خدامات لك فارس: هذا الي شايفه خدامات ونص بعد هدى ماحبت تطول الجدال معه خلاص روح فارقنا واحنا نجيب لك ولا معجبتك القعده مع البنات نوال:خليه هذا مغر حريمه عند الحريم البنات ههههههههههههههههههههههههههههه فارس بعد التشات الي صارت بينه وبين نوال والبنات يروح المجلس لربعه نوال: بنات انا بسوي لهم الشاهي البنات كلهم يناظرون نوال بتعجب شهد: نوالوه مو لله صح نوال : صحين هههه وين الملح بس هدى: ههههههههه شوفيه بالدرج الثاني عهود: يؤه بنات حرام عليكم عنده ربعه لاتفشلونه نوال: اقول طيري بس عشان مدحك صدقتيه شهد: هههههههه قسم انكم مجرمات هدى: ههههه احس ان فيه يوم من الايام امي بتنتحر والسبه انا البنات هههههههههههه البنات سوى الفطور وضبطوه ونادو فارس يشيله فارس جاء شاف الفطور مكشخ وبالمواعين الزينه وحركات استغربت فارس: ماشاء الله والله يطلع منكم عهود وهي ماسكه الضحكه: ايه افا عليك كم فارس عندنا فارس هنا تشق ويشيل الفطور وهو منحرج هدى بصوت عالي : هيه لاحد يكسر المواعين الزينه علينا ترى تمزح عليك لاحد يصدق فارس: ابلعي السانك محد كلمك وهو طالعه من المطبخ نوال بصوت عالي : بالعافيه .. مطرح مايسري يمري البنات كلهم بوقت واحد هههههههههههههههههههههههههههههه هههههههههههههههههههه ههههه: وبعد10 دقائق من راح فارس للمجلس بالفطور وكانوا البنات قاعدين بالمطبخ يشربون كافي وكانت سحاب ونجود توهم صاحين وقعدوا مع البنات بالمطبخ وكانت هدى تسوي لهم فطور وعهود كانت حاطه سحاب بحضنها وتسولف عليها لان عهود تحب الاطفال مره وتعشقهم بجنون بهالحظه فارس يدخل الصاله ومعه ترمس الشاهي وكان معصب: يمه هدى الي كانت قاعده ع الطاوله ويوم سمعت فارس تضرب خدها: يؤه ياويلنا من امي شهد: ياربي قسم ان تذبحنا خالتي زودناها اليوم ترى نوال: ماعليكم بوجهي انا بقول اني خربطت بين السكر والملح اهم شئ اطلع حرتي من فارسوه والله ماتروح طيحتي بلاش .. ماهي الا دقايق معدوده.. الا فارس وام فارس داخلين عليهم بالمطبخ وهم معصبين ام فارس وهي ماسكه الترمس: نعنبو بليسكم بتذبحوني انتم بتجبون لي الجلطه..!! هدى تسوي نفسها بريئه: وش فيك يمه سمله عليك في شارون ولافيك فارس وهو معصب: يعنى ماتدرين ؟؟هاه حاطه ملح بالشاهي نوال:يؤه والله ماكنت ادري انا الي سويته عمه مدري ع بالي سكر فارس: علينا هاه علينا العبي غيرها ام فارس تحط الترمس ع الطاوله وتمسك راسها شوي : ام فارس: حسبي الله ونعم الوكيل .. بنات لاتخلوني اكفر فيكم اليوم سوى شاهي جديد وعطوه العيال بسرعه فشلتونا الله يفشل العدو.. والله لو مو حشمتن لاخواني واختى كان وريتكم شئ ماعمركم بحياتكم شفتوه وانتي ياهدى: شغلك معي بعدين.. وتروح ام فارس لغرفتها ترتاح بعد ماجننوها البنات ورفعوا ضغطها هدى خافت من تهديد وتوعيد ام فارس و راحت تسوي شاهي ثاني لفارس وتعطيه فارس الي تفشل قدام ربعه وبعد الظهر راحت كل وحد بيتها تنام بعد الكرف و الا كشنات الي سوها في بيت ام فارس الي كانت معصبه وزعلانه ع تصرفاتهم الصبيانيه!! |
رد: روايه يمِِوتِِّ آلأمِِِل لْنّ ظنِِْونِِّ الغ’لآ ّ ح’يْ
ا
لوقت وقفنا ./ على درب مسدود / .. الله يسامح سلمّ أبوي.. ..................... وعميّ !! والله ماخذت من التقاليد ياكود ! جرح اللهاة ,,وكسرقلبي ,, وهميّ " !!في بيت ابو عبدالعزيز كانت نوال توها راجعه من بيت عمتها ام فارس بعد اليوم الحافل الي قضته هناك نوال وهي مهدود حيله بعد الكرف تدخل الصاله الي كان قاعد فيها ابو عبدالعزيز وعبدالعزيز وتركى نوال: السلام عليكم .. ياسلام الحبايب متجمعين هنا الكل: وعليكم السلام نوال تبوس راس ابوها وتسلم ع اخوها عبدالعزيز الي ماشافته من اسبوع نوال : عزوز وين دانه وسارونه مشتاقه لهم مره عبدالعزيز: والله وديتهم لبيت اهلها تسلم عليهم تركى: الا انتي من وين جايه يالهايته؟ نوال: هههه حلوه هايته جايه من بيت عمتي ام فارس يعنى من وين؟ عبدالعزيز بمزح: الحين منال بالرياض ومافي غيرك مفروض تكونين انتي ست البيت الحين نوال: يؤه لاست ولاسبع ترانى كارفه في بيت عمتي ام فارس لين قلت بس تركى : اما كارفه والله ودي اصدق نوال تمد يدها لتركى شوف :يدي جافه من غسل المواعين تركى: ههههه احسن بعدين وين شغالتهم يوم انك تكرفين؟ نوال توهقت: هاه لا موجوده بس تعبانه وانا والبنات قمنا بالشغل .. شفت يا يبى ان حنا بنات سنعات ابو عبدالعزيز: ههه ايه شفت بعدي بنتي الي تساعد عمتها ويمسك راس نوال ويضمه لصدره ويبوسها مع راسها نوال الي كانت جنب ابو عبدالعزيز تحرك حواجبها لتركى تبي تقهره عبدالعزيز: يبى بسك دلع لهل ا لبزر تراها صاكه العشرين تركى: هههه خلها اصلا هي عقلها عقل بزر نوال: يؤه ياربي من الحسد ومايسوي ههههه ابو عبدالعزيز: هههههههههه ماعليك منهم غيرانين انتي بتضلين بزر بعينى نوال تناظر ابوها:افا يبا انا بزر تركى + وعبدالعزيز هههههههههههههههههههههههههههههه ههه ابو عبدالعزيز: هههه لا ما اقصد نوال: ايه اشوى هههه يالله رايحه انزل عبايتى واتروش احد بده شئ قبل أفل تركى: ايه يا أفل مسويه لبنانيه نبي شاهي فله قولي للينا تسوي لنا نوال وهي رايحه للمطبخ : شاهي فله ولا عماره هههههههه الكل هههههههههههههههههههههههههههههه هههههههههههههههه تركي بصوت عالي: بايخه ههههها نوال مرت ع المطبخ قبل تروح لغرفتها وطلبت من لينا تسوي لهم شاهي فله وطلعت لغرفتها الي كانت كئيبه من دون منال ودخلت تتروش ولمى طلعت من الحمام راحت لدولاب ملابسها ولبست لها بجامه قطن متينه عشان تدفيها وكان لونهاكحلي وفيها ورد زهري وخذت المجفف وصارت تجفف شعرها عشان البرد وبهالحظه الا باب الغرفه يندق نوال تصارخ عشان صوت المجفف عالي ومزعج:مين؟ ابو عبدالعزيز: انا يابوك نوال وهي تطفئ المجفف : حياك يبا ابو عبدالعزيز: يدخل اف وش هالريحه ويشوف المجفف: احرقتى شعرك وانا ابوك نوال: ههههه لالا عادي متعود هع ابوعبدالعزيز وهو يقعد ع سرير نوال: هههههه ويسكت شوى ... نوال ابوي ابيك بموضوع نوال الي كانت واقفه عند التسريحه وماسكه المجفف بيدها وكانت خايفه ومتوتره لانها عارفه الموضوع الي يبي يكلمها فيه بس كانت مطمنه.. لانها راح تقول لابوها ردها وترتاح من هالموضوع.. نوال تنزل المجفف ع التسريحه وتقعد ع الكرسي نوال: هلا يبا امر ابو عبدالعزيز: مايأمر عليك عدو.. نوال امي راكان ولد عمك قبل يومين طلبك مني وانا عطيته نوال وهي ماسكه عبرتها: ايش عطيته ؟؟؟؟ ابو عبدالعزيز: ايه..نوال يابوك مراح القى احسن من راكان رجال يصونك ويخاف عليك وراح اكون مطمئن عليك وانتي معه هاه وش قلتي يابوك؟؟؟؟؟؟ : نوال كانت مصدومه من الي تسمعه لان ابوها عطى راكان كلمه وصارت دموعها تنزل ابو عبدالعزيز: هاه وش رايك؟؟ نوال تفقد اعصابها بعد الكلام الي سمعته وهي تبكي: وش تبيني اقول الحين .. جاي تأخذ رايئ الحين بعد ماعطيتنى له وخلصت وش راح يغير رائ بالموضوع انا بنتك يا يبا بنتك مو شغاله تبيعنى كذا وصارت تبكي ابو عبدالعزيز عصب من رده فعل نوال ويوقف: لاترفعين صوتك علي فاهمه.. انا مابعتك انا ابوك واعرف مصلحتك وينها راكان الكل يتمناه اخلاق ورجوله وغير كذا يحبك ويبيك انا كنت ابيه لمنال اختك بس هو اختارك انتي يعنى وين تلقين رجال كذا؟؟ نوال وهي تبكي: لا تكفى يبا مابيه مابيه ابو عبدالعزيز وهو معصب عليها: ليش ماتبينه؟ هاه وش العيب الي براكان عشان ترفضينه؟ نوال وهي تشاهق من البكاء وتقول بصوت متقطع : مافيه شئ بس انا مابيه؟ ابو عبدالعزيز: هالكلام مايمشي عندي.. صح اني معطيكم الحريه انتي واختك بقراراتكم بس اذا ماتعرفون مصلحتكم لا ولاتخلينى اندم ع هالحريه الي عطيتكم اياها نوال: يبا الله يخليك مابيه مابيه تكفى.. ابو عبدالعزيز وهو في قمه العصبيه: ايه وليش ماتبينه عطينى سبب واحد ؟ يخليك ترفضينه؟ نوال: مدري بس احسه مثل اخوي مثل عبدالعزيز وراكان بالضبط يبا تكفى لاتجبرني عليه ابو عبدالعزيز: هذا سبب تافه ومايمشي عندي و الله لو راكان ماجاء يخطبك كان ان رحت بنفسي وخطبته لك ولا لاختك.. راكان رجال مايتفوت ومستحيل افرط فيه عشان احاسيس بايخه نوال صارت تبكي وهي ساكته لانها عرفت ان النقاش مع ابوها عقيم ابو عبدالعزيز وهو طالع من الغرفه: استخيري وتعوذي من ابليس وترى يمكن يوم الخميس تكون ملكتك او متى ماحد راكان الوقت المناسب للملكه ملكتكم ويطلع من الغرفه ويصكر الباب نوال هنا انهارت وصارت تبكي ومافكرت بهالحظه تستنجد الا بمنال :::::::::::::::: بالرياض منال كانت قاعده مع امها وخالها نايف مبسوطين ويطالعون التلفزيون وكانت منال حاطه راسها ع حضن امها وام عبدالعزيز تمسح شعرها بهالحظه يدق جوالها.. ياسنين عمري كفايه ..حزني ياسنيني .. منال:لول يمه هذي نوالوه ام عبدالعزيز: ياعينى امي.. تلقيناها زهقانه الحالها الحين ردي شوفيها منال ترد: هلا دبتي نوال وهي تشاهق من البكاء: منال منال منال: تستعدل بقعدتها : نوال وش فيك بسمله فيكم شئ؟ نوال وهي يالله تتكلم من البكاء: لالا ابوي .. يبي يزوجني راكان غصب نايف يوم شاف منال واقفه وتكلم بصوت عالي ومتفاعله قصر ع التلفزيون ام عبدالعزيز: منال وش فيها اختك؟ تحاكي منال: لحظه يمه .. نوال من جدك تتكلمين. نوال وهي تبكي : والله والله يامنال تكفين الحقي علي منال:اسمعي يانوال ترى محد يقدر يجبرك ع شئ ..لاتبكين خلاص نوال: ابوي يقول عطى كلمه لراكان ومراح يتراجع فيها وان ملكتي يمكن تكون الخميس الجاي منال الي كانت دموعها تنزل ع خدها وهي تسمع اختها توائم روحها تبكي من قلب منال: لالا يانوال اذا ابوي بيجبرك تركى وعبدالعزيز مراح يرضونها وكلنا بنوقف بوجه ابوي لاتبكين بس خالها نايف كان يسمع الحوار وفهم الموضوع ويقوم يأخذ الجوال من منال نايف: نوال ماعليك وانا خالك لا تبكين لا ابوك ولاغيره يغصبك ع الزواج اي عصر هذا ابوك عايش نوال: خال تكفى مابي اتزوج تكفى نايف الي كان معصب ويصارخ: والله ماتأخذينه وانا راسي يشم الهوى دامك ماتبينه مافي احد يجبرك ام عبدالعزيز كانت تبكي و تحاول تسحب الجوال من نايف ..هاته عطني بكلمها نايف: نوال هاك كلمي امك نوال من سمعت طاري امها صارت تبكي بزياده وحست بهالوقت قد ايش هي محتاجتها ام عبدالعزيز: نوال يمه لاتبكين انا اكلم عزوز الحين وتركى وخليهم يعقلون ابوك نوال من سمعت امها: يمه يمه لاتخلينى تكفين ام عبدالعزيز من سمعت صوت نوال تناديها قعد ع الكنب وصارت تبكي وتذكرت الماضي وكأن الشريط يعيد نفسه صوت نوال بهالحظه وبكاها ذكر ام عبدالعزيز باول فراق بينهم وكيف كانوا نوال ومنال كانوا يبكون عند كل مكالمه ويستنجدون فيها ويطلبون منها ماتخليهم.. منال تأخذ الجوال من امها منال وهي تبكى: نوال حبيبتى روحي غسلي وجهك وصلي ركعتين وارتاحي ومايصير خاطرك الا طيب ولاتخافين ابوي مراح يجبرك بس هو يقول كذا عشان يضغط عليك ابوي واعرفه زين نوال: منال ارجعي للخبر تكفين منال: انا اصلا جايه بكره ان شاء الله ..بس لاتبكين تكفين يانوال نوال: طيب .. مع السلامه منال تصكر السماعه نايف الي كان معصب : وبعدين معه ابوك هذا ترى مصخها .. فيه احد الحين بهالوقت يغصب بنته ع الزواج ماعنده عقل يفكر هذا الزواج مو لعبه يجبرها ع شئ هي ماتبيه والله فوضى منال كانت تمسح دموعها وهي ساكته وماتقدر ترد ع خالها نايف لانه كلامه كان صحيح ام عبدالعزيز كانت تبكى : منال دقي ع عبدالعزيز وعطينى اياه الحين منال : ان شاء الله يمه وادق ع عبدالعزيز عبدالعزيز يرد: ارحبي منال بصوت مبحوح: ابقى.. عزوز امي تبيك ام عبدالعزيز تأخذ الجوال: عزوز يمك اختك نوال داقه علينا الحين وهي تبكي وحالتها حاله تقول ابوك بيزوجها غصب ع ولد عمك راكان عبدالعزيز: اما من جدك يمه؟؟ تونى كنت عندهم بالبيت ماجابوا طاري ام عبدالعزيز: الا يمك شوف اختك تكفى لاتخليها.. وعقل ابوك لايغصب البنت ع شئ ماتبيه عبدالعزيز: لا يمه مستحيل ماعندنا غصايب خلاص صكري بروح لهم البيت اشوفهم ام عبدالعزيز: طيب يمك رد علي لاصار شئ عبدالعزيز: ابشري يمه ...... عبدالعزيز الي كان توه مأخذ زوجته ساره وبنته دانه من بيت اهلها يغير الاتجاه ويروح لبيت ابوه عبدالعزيز يدخل بيت ابوه وكانت وراه ساره شاله بنتها الي كانت عارفه بالموضوع واول مادخل البيت عبدالعزيز راح ع طول لابوه بمكتبه وساره راحت فوق لنوال بغرفتها عشان تهديها عبدالعزيز يدخل ع ابوه المكتب عبدالعزيز: السلام عليكم ابو عبدالعزيز الي كان باين عليه انه معصب: وعليكم السلام عبدالعزيز: يبا وش السالفه نوال داقه ع امي تبكي صدق راكان خاطبها وانت وافقت عليه ابو عبدالعزيز: ايه صدق وانا عطيته كلمه وخلاص ويمكن املكهم الخميس الجاي عبدالعزيز: بس يبا نوال ماتبيه وهذا من حقها مانقدر نجبرها ع شئ ماتبيه ابو عبدالعزيز يوقف ويضرب يده بقوه ع الطاوله: شيشتك امك علي هاه عبدالعزيز: لا والله يبا محد يشيشنى عليك بس هذا زواج مو لعبه ابو عبدالعزيز: قلتها زواج مو لعبه واختك توها مراهقه وماتعرف مصلحه نفسها ولد عمك رجال وينشد به الظهر وهذا ولد الغالي الله يرحمه عبدالعزيز: الله يرحمه .. ماقلنا شئ راكان رجال والنعم فيه والله انى اتمنى نوال تكون عنده بس هي ماتبي يايبا حرام نظلمها ونغصبها ع شئ ماتبيه وبهالحظه تركى داخل البيت وكان يسمع صوت ابوه وعبدالعزيز عالي بالمكتب وكان النقاش حامي تركى بخطوات سريعه يدخل عليهم وش فيكم؟ : ويسمع ابو عبدالعزيز يقول لعبدالعزيز راكان طلبها مني وانا عطيته ولا يمكن اتراجع في قراري وانا ابوها وادرى بمصلحتها الحين امك الي تركتها بعد هالسنين كلها تجي الحين تسوي انها تعرف مصلحه بنتها ؟ عبدالعزيز: يبا الله يرضى عليك لادخل امي بالموضوع اقولك نوال تبكي وماتبي راكان تركى الي كان واقف بصف ابوه : وليش ماتبيه؟ هاه وين تلقى احسن من راكان ابو عبدالعزيز: شفت هذا تركى اصغر منك وعارف مصلحه اخته وينها عبدالعزيز وهو معصب: تركى الزواج مافيه غصايب هي ماتبيه بالعربي ماتبيه تركى: ماعليك منها هذي مدلعه يومين وبترضى بس انت لاتوقف معها وهي بترضخ للامر الواقع عبدالعزيز: تركى هذا حد تفكيرك الله يعينك عليه .. وبعدين هذي اختى اذا ماوقفت معها اوقف مع من؟ ابو عبدالعزيز: خلاص صكروا الموضوع نوال مالها غير راكان دامني حي انا الي بزوجهم واذا مت بيكون هالزواج مكتوب بوصيتى .. عبدالعزيز الي كان معصب: اوكيه ..هي بنتك وانت حر فيها بس لاتنسى انك راح تظلمها بقرارك هذا يا يبا ..مثل ماظلمتنا كلنا قبل بقرار اناني اتخذته ولافكرت وش بيصير فينا.. << وكان يقصد طلاق امه وهنا عبدالعزيز حس انه طلع غصه كانت ماسكه بحلقه سنين.. ابو عبدالعزيز الي ظل ساكت ومصدوم ويناظر عبدالعزيز.. الي فجر صمته طول هالسنين بوجه ابوه فحس ابو عبدالعزيز بعظم المعاناه الي عانوها اعياله رغم كتمانهم.. ابو عبدالعزيز يكابر و يرجع لعصبيته: لاتدخل بالموضوع انت و اذا شفتك رايح لراكان وقايله البنت ماتبيك لا انت ولدي ولا انا اعرفك عبدالعزيز صار يناظر ابوه بنظره قهر ويناظر تركى الي كان قاعد ويسمع الحوار الي دار بين عبدالعزيز وابوه ويطلع من مكتب ابوه وهو معصب وزعلان ع تفكير وقرار ابوه الي راح تكون نوال ضحيته ويوقف بالصاله وينادي ساره ساره .............................. .. ساره الي كانت عند نوال وحاولت تهديها ان مايصير شئ الا برضاها الا تسمع صوت عبدالعزيز يصارخ ومعصب فعرفت انه ماتوصل لنتيجه ساره تمسح ع راس نوال الي كانت حاطه راسها ع المخده الي امتلت كلها دموع ومغطيه عيونها بيدها ساره: نوال حبيبتى هدي نفسك مايصير الي تسوينه في نفسك انا بروح الحين عبدالعزيز ينادينى وان شاء الله بكره اجيك.. نوال الي كانت تبكي وماترد ع ساره من جأت ..فهزت راسهايعنى طيب ساره تشيل دانه بنتها : يالله دندونه بوسي عميمه دانه تبوس نوال مع خدتها نوال تشيل يدها من عيونها وتمسك دانه وتبوسها وهي تبكي ساره تقطع قلبها ع نوال وهي تشوفها بهالحاله وتطلع ساره من غرفه نوال وتنزل ع عبدالعزيز الي كان ينتظرها بالسياره واحرق جواله وهو يدق ع ساره عشان تطلع ساره تركب السياره وهي تتألم ع حال نوال ساره : عبدالعزيز خلني اليوم اقعد عند نوال مسكينه والله مارفعت راسها من البكاء عبدالعزيز وهو معصب ويسوق بسرعه : لا خليهم بقريح هم وبنتهم ان شاء الله يقطعونها كيفهم ذنبهم برقبتها اجل يغصبها ع الزواج ليش وين عايشين احنا بغابه ساره: طيب حبيبى هدى بالك ماتوقع عمي يسويها عبدالعزيز وهو ساكته والشرار بيطلع من عيونه من كثر ماهو معصب ويزود السرعه وكان نأسف الشماغ ع كتفه وكان يفكر بنوال أخته وكيف ابوها بيجبرها انها تعيش مع واحد ماتبيه وبداخله: ياناس ظلم والله ظلم ... بهالحظه كان جواله يدق ..مكالمات من منول وخاله نايف وامه بس ماحب يرد عليهم وهو بهالحاله ويمسك الجوال ويقفله ويرميه بالمقعد الي وراء |
رد: روايه (يـمِـِوتِـِّ آلأمِـِـِل ( لڪْنّ ) ظنِْـِونِـِّ الغ’ـلآ ّ ح’ـييْـﮧ
تسلميلي ياآآأ عسل
موؤوفقة قلبوؤوؤ |
| الساعة الآن توقيت السعودية الرياض و الدمام و القصيم و جدة 07:45 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.