ازياء - فساتين سهرة و مكياج و طبخ - قصيدة لطالب بالكلية..ذبه الدهر هع

- السيدات و سوالف حريم (https://fashion.azyya.com/20)

- - قصيدة لطالب بالكلية..ذبه الدهر هع (https://fashion.azyya.com/147894.html)

قصيدة لطالب بالكلية..ذبه الدهر هع

طالب وعايف دروسي
واقرا اشعار وجرايد
وعاشك بنيه بقسمنه
والكلب بس الهه رايد
هيه حلوه ... هوايه حلوه
واني عمي شلون واحد
بالفرن ناسيني اهلي
وحتى لو عيوني جارد
حاولت الفت نظرها
بكل وسيله وماكو فايد
غيرت لبسي ومشيتي
وفكري بالمودات شارد
وجللت شعري وصبغته
ولبست حتى الكلايد
كعدتني ع الحديده
لا بعت حتى الحدايد
لا تكلي ولا اكلك
بهذلتني الله شاهد
وهي تدري بس خبيثه
مثوله والدلال بارد
وانه نار بنص دليلي
خاف اصارحها وتعاند
مره اكول احجي معاها
ومره اكول خليني راكد
وين جانتلي يربي
جنت متونس وكاعد
وقررت لازم ابوح
بحبي الها وما احايد
بوري ما بوري اسولف
قابل مصارع مجاهد
جيت وتقربت يمها
جسمي يرجف حيلي بايد
والضغط يمي تخربط
مره نازل ومره صاعد
كمت اتمتم كمت اعتعت
كمت احس بلساني جامد
جني سياره عتيكه
وانكسر من عدها كايد
ردت افلت ما عاد ينفع
كالت اتفضل اشرايد
كلت عفوااا من رخصتج

بلكي عندج قلم زايد

هههههههههه

القصيدة منقولة

رد: قصيدة لطالب بالكلية..ذبه الدهر هع

تسلمي هههههههههههههه

رد: قصيدة لطالب بالكلية..ذبه الدهر هع

مشكوره يا عسل :0153:

رد: قصيدة لطالب بالكلية..ذبه الدهر هع

اقتباس:

المشاركة الأصلية كتبت بواسطة اصعب دمعه (المشاركة 2113881)

مشكوره يا عسل :0153:

شكرا ياورده:0154::0154::0154:

رد: قصيدة لطالب بالكلية..ذبه الدهر هع

اقتباس:

المشاركة الأصلية كتبت بواسطة dark angel girl (المشاركة 2113679)

تسلمي هههههههههههههه

مشكوره على المرور نورتي الموضوع