|
رد: (ماكل من يضحك مع الناس مبسوط ياكثر من يضحك ونفسه حزينه)
البارت الرابع بعد مرور اسبوع (يوم اختبار القبول ) الصبح ع الفطور العائلة باكملها مجتمعه للفطور ماعدا ليلى ابو نور : وين ليلى يانور نور : ليلى يبه جالسة تتجهز للجامعه ابو نور : الله يوفقها ان شاء الله ها حنان بتروحين معاها الجامعه حنان : تبيهم يطردوني ام نور : ليش ؟ حنان : يمه الله يسلمك الحين ليلى بتروح تختبر بقسم الكليات الصحيه وهم اقسامهم منفصله بمبانيها عن اقسام بقية الكليات وبطاقه الدخول حقتي مكتبوب عليه ان تخصصي قانون السكيورتي مارح تخليني اشبر شبر بتقول انتي شجايبك مكان مو مكانك احتفظ بكرامتي احسن عن يطردوني ام نور : ياقلبي على بنيتي اخاف تضيع ابور نور : الله يهداك شتضيع بعد بزر هي ماشاء الله عليها البنات: خخخخخخخخخخ ام نور : برضو يارجال بتكون بمكان جديد عليها مريم : ترى يمه يحطون لهم ارشادات وناس تدلهم ع الطريق تطمني وترى مابتكون لحالها احلاام معاها وشوي ويشوفون ليلى نازله ع الدرج ولابسه العبايه وماسكه كتاب بيدها وتذاكر حتى ماكلفت خاطرها تناظر الطريق حنان : اقول يالمجتهده شوي شوي على عمرك لاتتعنقلين ليلى مسكينه واصله حدها من التوتر : حنانوه ترى مو ناقصتك واصله حدي حنان : والله مايسوى عليك هالامتحان ليلى : احتفظي برايك لنفسك مو انتي الي رح تختبر ولا انتي الي حلمها رح يكون على كف عفريت حنان بمغايضه : قصدك غبائك المستدق ابو نور مو عاجبه اسلوب حنان : حنااااااااااااااااااااااااااان بس ولتفت الى ليلى : ها بنتي ان شاء الله مذاكره زيين ومعنوياتك عااليه حنان رزت وجهاا : ابشرك ماكله الكتب اكل ابونور : وبعدين معاك يعني ليه ماتنكتمين لما اسألك جاوبي بطلي اسلوب الرزه حنان انحرجت وايد وبان هالشي عليهااوكان ودها تترك السفره وتقوم لكن طبعا عزت نفسها ماسمحتلها تسوي هالشي وجلست براس مرفوع ع السفره ولاكأن صار شي مريم : تستاهلين جبتي لنفسك الكلام حنان :....................... ليلى ولاكأن شي صار : الحمد الله يبه ذاكرت زين انتو ادعولي الله يوفقني ام نور : ان شاء الله يابنتي ربي يكون معااك وتتوفقين واشوفك دكتوره ياليلى ابو نور : ابغى ارفع راسي فيك ياليلى واقول عندي بنت دكتوره (وهو يوقف بيطلع) مريم :يعني الحين مافي غير ليلى ترفع راسك واحنا وين رحناا ابو نور : اشوفك انعديتي من طولة لسان ناس حنان (شرقت بالعصير عرفت انها المقصوده ) : كح كح ام نور : بسم الله اشربي شوي شوي لاتصيرين مفجوعه حنان : ان شا ءالله مريم : يبه المثل يقول من عاشر قوم اربعين يوما صار منهم وانا ماعشرتهم سنيين شلون مارح اصير زيهم ابو نور : خخخخخخخخ يالله في امان الله ليلى جالسه ع السفره وحاطه الكتاب جنبها وطبقها مالمسته لان نظرها وانتباهها كله ع الكتاب ام نور : ليلى قفلي هالكتاب واكلي فطورك ليلى : هااه ما ابي يمه شبعت خلااص ام نور : المسي الاكل اول وبعدين اشبعي ليلى : لاخلاص بطلع الحين الجامعه ام نور : تو الناس ترى ماشبرتي شبر برا البااب اذ ا ماكلتي ليلى اظطرت تقعد عصب عنها عشان تفطر اكلت بسرعه حنان : عن اذنكم ام نور: وين ياحنان حنان : بطلع انام يمه ام نور : زيين وطلعت حنان غرفتهاا ليلى : يللا ياجماعه انا بروح الحين ادعووولي الكل : موفقه ان اشاء الله طلعت ليلى الى الشارع وشافت السياره موقفه لكن السواق مو موجود ليلى : اوووووف هذا وين راح ليلى دقت على جوال السواق: اكبر وينك فيه اكبر : سوي سلام اول ليلى ليلى : الله ماطولك ياروح سلام عليكم اكبر شلونك شخبارك (بصوت عالي ) انت وينك فييييييييييه اكبر : وألكيم السلام حال انا تماام انت كيف حالك انا اند طوني سواق بابا رااشد (واحد ساكن بالحي بس بيته شوي بعيد عن بنت ابو نور ) ليلى : وانا شكو فيه ياللا تعال الان بسرعه اكبر : ان شاء الله مرت خمس دقايق على ليلى وهي ملطوعه ياحرام في الشارع وشوي الا تشوف اكبر جاي وهو يمشي على اقل من مهله ليلى بخاطرها (ويتمخطر بمشيته بعد ) : اكبر يسرعه يللا شغل السياره اكبر وهو يفتح باب السياره : شوي شوي سرعه من شيطان ليلى : ياارب صبر من صبر ايوووب وطلعوا السياااره حاول اكبر يشغل السياره لكن معصي دور المفتاح مره مرتيين السيااره تحن ومو راضيه تشتغل ابدااا ليلى : شفيه اكبر اكبر : هذا سياره مو راضي يشتغل ليلى : وشوووووووو اكبر : ماادري مكينه مو راضي يشتغل ليلى : طيب انزل شوف ايش فيهاا هز اكبر راسه يمين وشمال ونزل فتح كبوت السياره واول ماانفتح الغطا السياره دخنت اكبر : ليلى انا مايعرف ايس في هذا سياره لازم يروح ورشه ليلى : اكمللللللللللللللت الان انا كيف بروح وتنزل ليلى من السياره وتدخل الى البيت وتشوف نور جالسه في الصاله وحدها نور : بسم الله علامك رجعتي ليلى : السياره خربااانه وابوي ورااح الحين شلون بروح الاختبار نور : طيب اتصلي بابوي يجي ياخذك ليلى : ويين يجي الين مايوصل البيت بيروح علي الموعد نور : طيب شوفي امي لو ترضى بوديك بالتاكسي ليلى تطالعها بنص عيين : عشان تقصب رقبتي نور: اجل اقعدي وحطي يدك على خدك ليلى وهي تنقز : احلااااااااااااااااااام نور : شفيهااا ؟ ليلى : اكيد ماراحت بدق عليها تمرني نور : زين اجل دقيلها ليلى والسماعه باذنها : تررررررررن تررررررررن واول ماسمعت ان السماعه انرفعت ومن غير ماتعطي مجال للي راد عليهاا يفتح فمه بكلمه قالت وبسرررعه : الوووووووو كوناااان بسرعه عطيني اختك ولاتكثرين اسئله قوليلها ليلى تبيها ضروري صووت رجالي ومبين عليه انه كاتم الضحكه : لحظه اختي بعطيها خبر ليلى بخاطرها "مالت على ذا الوجه الحين ماعندهم احد يرد الا اخوها شبيقول علي هاليوم نحس من بدايته ..استغفر الله العظيم " احلام : الو شتبين داقه بهالوقت ليلى : مالت على ذا الاسلوب سلمي بالاول احلام : مافي سلام مقومتني من ع الفطوور ليلى : عشااان تنحفين احلام : ومن قال ابي انحف تكفين ليلوه قول شتبين قبل مايمسح رياانوه الاطبااق ليلى : ههههههههه اجل بمط المكاامله خليه يااكل براحته احلام : وقسم بالله ان ماقلتي شعندك لااقفل السماعه ليلى : طيب خلاااص اسمعي يعني اذا ماعليك امر ممكن تمريني اروح معاك الجامعه لان السياره عطلانه والوالد راح الدوام احلام : افكر ليلى : اقول بتمرين ورجلك فوق رقبتك بعد احلام: لا والله من يقوول ليلى : العيش والملح الي بينا يقوول احلام : اخخخخ مسكتيني من ايدي الي توجعني خلاااص بمرك ليلى : اووووووكي انا انتظرك احلام : ترى كلها 10 دقايق وانا عندك خليك جنب البااب بدق لك بوري ليلى : حاظر عمتي احلام : يللا ضفي وجهك بعد ماقفت ليلى من السماعه نور : بيمرونك ؟ ليلى : ايه نور : اجل بطلع اقول لاومي ليلى : مشكووره وفرتي علي المشواار وطلعت ليلى للحوش تنتظر احلام + + + + في بيت احلام + + + + احلام : اقول دحمي ترى بنمر بيت صحبتي بناخذها معانا عبد الرحمن : انا كم مره اقول بطلي دحمي هذا ياشيخه استحي رجال طول بعرض وتناديني دحمي دحمي احلام : جزاتي اني ادلعك عبد الرحمن : دلعك ومستغنيين عنه وبعدين من قال اني بمر بيت صحبتك المخفه سواقك عندك انتي وجهك احلام : لا كله ولا لولوو ماارضى عليهاا هااذي ست العاقلين عبد الرحمن : دامها صحبتك الموضوع مشكوك فيه بصرااحه رياان : خخخخخخخخخخخخ حلووووووووووووووه احلام : انت انكتم (لريان ) ريان : يعني عشان ماقدرتي عليه تجين علي انا الغلبان احلااام : ريااانوو ام عبد الرحمن : بس عاد احشموني احلام : محشومه يمه عبد الرحمن : بس خلااص يللا انا بالسياره وانتي بسرعه اطلعي البسي عباتك وانت امشي قداامي (لريان ) تامرين على شي يم ام عبد الرحمن : سلامتك ياوليدي لا تسرع عبد الرحمن: من عيوووني |
رد: (ماكل من يضحك مع الناس مبسوط ياكثر من يضحك ونفسه حزينه)
تكمله البارت الرابع خلونا نعطيكم معلومات عن عائلة احلام <<صح النوم احلام : 18 سنه حبوبه وفرفووشه صديقة ليلى من ايام المتوسطه ومقدمه معاها بامتحان القبول للطب عبد الرحمن : 26 سنه من مات ابوه قبل 6 سنيين وهو صاير رجال البيت وهم الشغل والشركه كله فووق رااسه كشكل مملوح وماعليه كلام والكل يشيد باخلااقه العاليه روان : 10 سنيين البنت هذي ملقووفه لقافه مو طبيعيه ومسميتها ليلى المحقق كونااان ريان : 8 سنيين اخر العنقود مات ابوه وعمره سنتين متعلق بعبد الرحمن وايد لانه الي مربيه رياان يعز الاكل مره وتختوووخ شووي ولسانه يبيله قص شووي ام عبد الرحمن : مره طيبه وحنونه نرجع للاحداااااث ++++ في السيارة ++++ عبد الرحمن : احلام وين بيت صحبتك احلام : هذا البيت البني والبيج الي جنب المسجد عبد الرحمن : اهاا عرفته وصلوو البيت ودق بوري وطلعت ليلى ليلى اول مادخلت سلمت بصووت وااطي يادوب ينسمع ريااان : الناس تدخل تسلم ليلى انحرجت من رياان احلام : ريان البنيه سلمت ريان : وانا ماسمعتهاا احلام : يااخي مو ضروري ريان يتكلم لكن لمح نظره من عين عبد الرحمن كفيله بانها تسكته عشرييين سنه قدااام وساد الصمت بينهم رفع عينه لاول مره يناظر المرايا وشاف عيونها التقت النظرات لمده ماتتجاوز بضع لحظات الا انها كانت كفيله تذووب عبد الرحمن وتغرق ليلى عبد الرحمن في خاطره الله اكبر كيف يجرحن العيون كيف مايبرى صويب العين ابد احسب ان الرمش لاسلهم حنون اثر رمش العين ما ياوي لاحد يوم روح لي نظر عينه بهون فزّ له قلبي وصفقّ وارتعد لفّني مثل السحايب والمزون في عيوني برق وبقلبي رعد نقّض جروحي وجدد بي طعون قلت : يكفي قالت عيونه بعد وانعطف هاك الشّعر فوق المتون وانثنى عودة وقفى وابتعد اشغلتني نظرة العين الفتون حيّرتني بالتوعد والوعد هي تمون العين والاّ ما تمون لي خذت قلبي وقفتّ ياسعد وصلو الجامعه كل وحده راحت باتجاه قاعتهاا ع الساعه 12 خلصو البنات ليلى : السلام عليكم احلام هلاا وعليكم السلام ها بشري ليلى : مالت عليهم جايبين اسئله من برى المناهج مره صعبه احلام : والله الي من جوى والي من برى كلها صعبه الله يستر ونعديهاا ليلى : احلام ترى انا بروح مع السوااق احلام : ليييييييه ليلى : ايش ليه السياره صلحهاا والحين جاي ........وبعدين والله فشله من اخوك شيقول علي احلام: مارح يقول شي والله ونااسه معااااك ليلى : تسلمين والله ماتقصرووون يللا هذا السواق يدق في امان الله احلام : مع السلاااااااااامه بعد يومين كانت ليلى في غرفتها ونور ناايمه وفجأه ليلى تصرخ ليلى : لااااااااااااااااااااااااااااا اااااا *الابيات لدايم السيف أأُنكر دمع عيني إن تداعي؟ ... وأصطنع ابتساماتي اصطناعا نور قامت مفزوعه من النوم :خير شصاار ؟ ليلى وهي ماسكةضحكتها على شكل نور : ولا شي وترجع تكلم احلاام الي ع التلفووون : احلام دقيقه شووي اوكي نور واصلة حدها : ودام مافي شي ليه تصارخينحرام عليك روحي احسها طلعت من الخوف ليلى متفشله : سوري مو القصد بس عاد تحمست مع المووضوع بعدين بقولك عليه الان ناامي نور: شلون بنام وانتي طيرتي النوم من عيني وقامت شايلة لحافها ومخدتهاا ومتجهه للباب ليلى : على وييييييين ؟ نور : مايخصك وطلعت من الحجره ليلى رجعت تكلم احلاام : باااااااااااااكو احلام : تو الناس كان تأخرتي شوي ليلى : خخخخخخخ سوريكنت اكلم النوري مسكينه قامت خايفه من صوت الصرخه احلااام : اكيد بتخاف اذا انا احس طبلة اذني انفجرت وانتي ماتقصرين تموتين على رقعة الصوت (الصراخ ) ليلى : يؤ يؤيؤ انا تحمست للموضوع احلاام : عسى بس مازعلت ليلى : الا هجت من الغرفه بكبرها احلام : يااويلي حرام ليلووو راضيهاا ليلى : افكورس براضيهاا هاذي النوري مااستغنى عنها ابدااااا احلاام : ياعيني ياعيني ليلى : اوكي ياللا ضفي وجهك بروح اشووف اختي وينها وبراضيهااا احلام : اوكي يالدعله لاتنسين تشيكين ع الموقع الجامعه ليلى : دعله انا اقول حتى بالديره بطلوهاا احلاام : خخخ كيفي انا احب اتمسك بالتراث ليلى : ونعم التراث احلاام : خخخخخ يللا في امان الله ليلى : في امان الكريم نور خرجت من الغرفه معصبه وواصله حدهاا الدنيا كانت ظلام مافي غير اضاءات الجدار الصغيرونه الا وفجأه يوم وصلت للدرج الي ينزل ع الدور الارضي تسمع هااااااااااااااااي اااااااااااااااااااااااااخ اااااااااااااااااااااااااااااا اااااااااااااااه هيهاااااااااااااااي نور : بسم الله الرحمن الرحيم انا اكيد اتخيل نووووووووووور جاء الصوت من وراها ينادي بسمهاااا نور : ااااااااه ليلوووه فجعتيني ليلى : ايش موقفك هناااا نور : سمعت صوووت من الصاله تحت ليلى : من الصاله من فيهااا الان الكل نايم نور : اقولك والله سمعت ليلى : يابنتي يتهيألك وماا ان خلصت ليلى عبارتهاا الا ورجع الصوت لكن هالمره صوت مره صوت ضحكاااااات بشكل هستيري يقطعهاا صرااااخ مره معذبه ليلى : يمممممممممممممممممه نور : يتهيألي موووو ليلى ويقال انها شجاعه : صدقيني هذا التلفزيون تلاقين حنان نامت من غير لا تطفيه نور : هقوتك ؟ ليلى : ايه نعم تعالي معااي نور : ويييين ؟ ليلى : وين بعد بننزل الصااله تحت نور : لييييييش؟ ليلى : شنو ليش تعالي بنقل التلفزيووون نور : ماابي روحي لحالك ليلى : لا والله من فينا الكبيره تعالي معاي انا اخاف اروح لحالي بالليل ومن غير ماتعطيها مجال للرد سحبتهاا ع الصاله التحتيه وصلو لمكان التلفزيوووون ما شااافووو شي التفزيووون كاااان مو شغال ومافي اثر ان أي شخص موجوود لكن فجأه تتكرر الاصوات وهالمره بشكل مره اعلى ليلى ونور لصقووو ببعض نور : ليلىىىىىىىىى قومي نطلع من هني ليلى : مو قادره احرك رجلي وربي وشوي الا ونور (اضاء ه )على الدرج يظهر ويختفي ونفس الوقت حاجه تتحرك نور : قل اعوذ برب الفلق ويجيهم صوت لاشياء تتكسر وابواب تنظرب ببعضهاا وريح قووويه ليلى: لاااااااااااااااااااااااا ابي حجرتي ليلى ونور ماتشوفون الا غبااره مسرعين باتجاه الدرج لكن طلعلهم شي ماكان بالحسباااان جالس ينزل من الدرج شي ابيض مو باين منه ولا شي غير عيونه ليلى ونور بصوت واحد : اااااااااااااااااااااااااااااا اااااااااااااااااااا ااااااااااااااااااااا ورجعو ركض للصاله لكن طلعلهم نفس الشي ليلى ونور : يمممممممممممممممه يباااااااااااااااااااااااااا وحظنووو بعض يبكووون وفجأه تولعت الانوااار وبانت الاشكااال وصوت الضحك تغير وفجاءه |
رد: (ماكل من يضحك مع الناس مبسوط ياكثر من يضحك ونفسه حزينه)
نور بوسط معمعة تولعت الانوااار وبانت الاشكااال وصوت الضحك تغير البكاا انتبهت للاصوات وعرفتهاا والتفت وشافت مصدر الصوووت نور : حناااااااااااااااااااااااااااا اااااااان حنان الي فاطسه على روحهاا من الضحك وماسكة الششف الابيض بيدهااا : وربي انكم مقصاااااااااااااااات خخخخخخخخخخخخخخخ نور : كيف مريم الي تنزل من ع الدرج : ههههههههههه جبانات ليلى استوعبت الموضوع اخيرا : انتوووووووووووووووووو وتقوم تلحق ورى حنان ونور ورى ليلى الين مامسكت كل وحده طريدتها وقامووو ينتقمون منهم ليلى تشد شعر حنااااان : ان مانتفت شعر ك شعره شعره يالتيسه حنااان : حرام عليك كل هذا غيره من شعري نور : خل يكون عندك شعر بالاول مريم : لااااااااااا خخخخخخخخخخ بس مااقدر نور : واهي تكركر مريم ببطنهااا : تستاااااااااااهلين اعرفك ماتتحملييين مريم : خخخخخخخخ لا نور حرام خصري ههههههههههههههههه واخيرااا توقفت الحرب بين البنااات وجلسوو كل وحده مقابلة الثانيه نور : ممكن تفهموني ليه سوتو كذاا وفكرت مين حناااان : خخخ انا كنت مرتبه لك المقلب من فتره ومنتظره الفرصه المناسبه ويوم كنت طالعه من المطبخ مريت من جنبل غرفتكم سمعت هوشتك انتي وليلى قلت والله وجاتك الفرصه وطبعاا مريوووم سااعدتني نور تناظر مريم : والله ويطلع منك ياامرااايموو مريم تضحك : خخخخخخ وازيدك من الشعر بيت انا مصممة الازياء البنات : ههههههههههههه ليلى : طيب والاصواااات حنان :هههههههههههههههه الاصوات هاذي انا محملتها من النت وبعضها خذتها من cd للمؤثرات الصوتيه نزلتها ع اللاب توووب وشغلتهااا وقت ماحضراتكم جيتووو ليلى بتشكيك : شلون ينسمع اللاب توب من حجرتكم مريم : يابنت اللاب ورى الكنبه الي جنب الشباااك ليلى : اهاااااااا نور : المهم لا تعيدونها ساامعين والله حسيت قلبي بيوقف مريم : سلاااااااامة قلبك حنان : طيب ليلوه لليه انتي كنت تصارخين نور: ايه تذكرت وتجر ليلى من اذنهااااا ليلى : اااااااااااااي نووووور اذني نور : بلا اذنك بلا نيله اعترفي ليه الصرااخ ليلى : زيييييييييييين بقووووول مريم : ناس ماتمشي الا بالعين الحمراا الكل : هههههههههههه ليلى : احلام صديقتي انخطبت نور: وهذا الي خلاك تصرخين ليلى : ايه نعم تفاجأت بصرااااحه نور : وليه يعني اهي بنت زي كل البنات لازم بيوم تنخطب وتتزوج حنان : اهاااااا نور : حنان شعندك حنان : ابد سلامة راااسك بس كل بنت لام تتزوج موووو نور : حنااااااااااان لا تبدأين حنااان : ابدأ بشنووو مريم وهي تحاول تخفف من حدة التوتر : بنات ترى بكره السفر جهزتو الشنط ليلى على نفس المنواااال : ايه نعم حنان عسى حطيتي بنااطيل ترى امي بتذبحك حنان وعيونها بعيون نور وكلاام بالعيون ينقاال محد فاهمة غيرهم الثنتين : تطمني ماحطيت اعرف جدتي بتفتح لي محاظره مالها اول من تالي وبتقلب الموجه على امي نور وقفت واهي بحالة انفعاال مو قادره تتحمل نظرات حنان : انا بطلع اناام اذا اذن الفجر صحوني حنان : هروووب موفق ليلى وهي تضفط على ايد حنان : بس حنااان نور طنشت وكملت طريقهاا مريم لحنان بعد طلوع نور : انتي اكيد جنيتي حنان : nooooooooo :01111: ليلى : حنان حرام عليك تعرفين حساسيتهاا تجين انتي تزيدينهاا يكفي انها شايله هم السفر على راسهااا حنان : لو اهي فعلاا عاقله تنسى الي رااح شوفي شلون صااارت من يصدق ان هااذي نوور الي كانت ضحكتها ترن بالبيت رن الخلاخل بالفراااغ هااذي نور الي كل من يشووفهاا يقول سبحااان الي خلقهااا وين نور العاقله نور المتفائله انا مو شايفه قداامي الا حطااااااااااااااااام مريم : حنااااااااااااااااااااااااان حنان : شنو حنان انتي بعد هذا الواقع ولا شي من نسج الخيااال مريم : .................. حنان : هاا ليلى ؟ ليلى : ................. حنان : اجل لا تلوموني هاذي اختي وقلبي يوجعني عليها يوم اشوفهااا بهالمنظر ليلى : بس كلاامك نظراتك تجرحهااا حنان : احيان الجرح يكون الدوا مريم : شقصدك حنان : زي العمليات الجراحيه يجروح الجسم وبعدين يخيطونه ليلى : لا والله ومن بيخيط جرح نور حنان : نور وحدهاا ليلى : صعب حنان : لو تقرر صدقيني رح تقدر بعيد بغرفه نور جافى عينها النوم تناظر لسقف غرفتهااا : اااااااه ليه يااحنان ادري كل الي بتقولينه صح لكن صعب والله صعب ونزلت من عينهاا دموع حااااره فيها من الالم مايفتت الحجر مسحت دمعتهاا واخذت دفترها الخااص وكتبت : اواه لو تغيير الزمان باستطاعتي لبدلت ايام الحزن فرحاا لا ينقض له مضجعي اواه يازمن حطت القلم ونامت |
رد: (ماكل من يضحك مع الناس مبسوط ياكثر من يضحك ونفسه حزينه)
البارت الخامس ودي ابكي لين مايبقى دموع ودي اشكي لين مايبقى كلام من جروح صارت بقلبي تلوع ومن هموم احرمت عيني المنام انطفت في دنيتي كل الشموع والهنا مايوم في دنياي دام ان شكيت الحال محدن لي سموع وان سكت الناس زادوني ملام ++++++++++++++++++++++ حنان مدري ليه اصحى بدري حتى لو نايمة عقب الفجر برضو اصحى بدري اعتقد ان جسمي خلاص تبرمج على هالشي بعكس خواتي النوم عندهم شي مايمكن يتعوض يطقونهااا 10 او 12 سااعه ماتفرق اليوم هو الخميس موعد سفرناا للريااض تدرون ابداا مااحس بالحمااس لهالسفره مااعتقد ان في احد متحمس لها غير ابوي وامي الريااض لنا فيها ذكريات حلوه وسعيده لكنا بنفس الوقت تعيد ذكرياات كلها الم وحسره نزلت للدور الارضي لقيت الوالد والوالده جالسين يتقهوون ماتغيرت ابد عاداتهم رغم مرور خمس وعشرين سنه الا ان هذي هي عادتهم كل خميس وجمعه يقعدون سوى قدامهم القهوة والتمر ويتكلمون لما اشوفهم احس دوووم ان امي محظوظه باابوي حتى هو محظوظ فيهاااا تدروون بيني وبين نفسي ادعي ان الله يرزقني بالرجال الي يكون شرات ابوي بكل شي حتى التجاعيد الي عند عينه يوم تظهر وهو يبتسم اول مما انتبه اني جايه عليهم بدأ يرحب فيني هاذي عادته كل ماشاف وحده منا يحب يسمعها احلى كلاام الترحيب والحب عمرناا ماحسينا ان ناقص حنان ابو رغم كل مشااغله وضغوط عمله الا ان كل هذي الاشياء يكبها ورا ظهره اول مايدخل البيت ابوي : هلاا والله هلااا بشيخة البنااات هلاا بالغلاا كله عاد شقت الابتسااامه وجهي : هلاا فيك يبه شلونك يالغالي اليوم قالي : الحمد الله انتي شلونك قلت له : ازقح ولله الحمد قربت من امي وسلمت ع راسهااا : شلونك يمه امي: الحمد الله يابنتي وقالت لابوي بلهجة عتب : اللحين حنان الغلاا كله اجل انا شتطلع يابو نور بيني وبينكم حسيت نفسي رح افطس من الضحك لكن عااد احترمت نفسي لا تجيني كلمه من هني ولامنااك رد ابوي بذكاء رجاال الاعمال: امنتي الاصل يا ام نور وغلا بنااتك ماهي الا جزء بسيط من غلااك بقلبي انصبغ وجه امي باللون الاحمر ياالله ماتوقعت ان بعد كل هالعمر تستحي من كلمة غزل طبعاا اهني ماقدرت امسك نفسي قمت اصفر واقول : احلاااااااااااا علي يستحوون ومعاه ذيك الصفقه العربجيه ماحسيت الا وامي سااحبة اذني : اناا كم مره اقول بطلي هالحركااااات مره شتطولك شعرضك تسوين هالحركااات قلت وانا اتوجع : اااااااااااااااااي زين زين مااعيدهااا ابوي كام يضحك علي ويقول لامي : اتركيهااا حرام عليك امي تعاتب ابووي : ايه اتركهااا دللتها وكبرت راسهااا الي يشوفها ما يقول انها بنيه فتحت عيني على الاخير : اجل شنوو يمه امي : أي شي الا انك بنيه بيني وبينكم حسيت بغصه معقول انا لهالدرجة مايبين علي اني بنيه معقول ان كل تصرفاااتي تصرفاات صبيان شرات ماتقول امي طيب شسوي اذا كانت ميولي للسياارات واحب الاكشن والملاابس العمليه ومااحب الطخ وجهي كأني مهرج سيرك والشعر الطويل اوووووووف يضاايقني احس نفسي امشي وشي يشدني لورى ابوي حس اني زعلت من كلاام امي دووم اهو الي يحس فيني وبمشااعري لاني الاقرب له من كل خوااتي ضمني وباسني على راااسي وقااال : بسم الله على بنتي الا شيخه البناات كلهم من اولهم لاااخرهم بكرة بتركد وتصيري شحلوها وشزينهاا امي كملت : من هي صغيره وانت تقول هالكلااام تعبت ونا اوقلك حنان بنيه ياعبد الله والي تعلمه اياهاا مو لللبنااات لكن ماكو فااايده ابوي بصدمه مفتعله : انااا امي : ايه نعم انت اجل احد عنده بنيه عمرهاا 8 سنيين ياااخذها المقناااص ولا يعلمها ركووب الخيل خواتها بسنها يلعبون بالعراايس والالعااب المطبخ واهي ماتاخذ الا السيااراات والاسلحه حاولت ادافع عن نفسي : يمه كل شخص له ميووله امي : وانيت تشوفين ميولك شي طبيعي حناان يمه انا امك واخاف عليك وعلى مصلحتك اليوم انتي عندناا بكره ببيت رجلك وبين نااس غير النااس شيقولون يوم يشوفون تصرفااتك مزوجين ولدناا رجال بشكل حرمه قلت لها : والله ألي يبيني ياخذني شرات ماانا مارح اغير نفسي عشااان رجاال مو عاجبه بالطقاااق الي يطق رااسه ابوي عاتبني : حناان يابنتي ثمني الكلاام قبل لا تقولينه الي تتكلمين عنه ولد عمك تعرفون يوم تنكب عليكم مويه بارده او تصعقكم الكهربا هذا نفس شعوري يوم قال ابوي هالكلمه ولد عمك قلت وانا كلي صدمه : أي ولد عم يبه ؟!!!!!! امي : وانتي كم عم عندك ابوك يتكلم عن بندر انتي محجوزه له من صغرك قلت وانا اناظر ابوي اتمنى يكذب الي اسمعه : يبه صحيح هالكلاااام ؟!! انا محجوزه له ؟ ابوي مسح على راسي: ايه نعم وعمك كلمني قبل يومين وخطبك رسمي مني وانا عطيته موافقتي المبدأيه استغربت من رد ابوي عطاه الموافقه انزين واناا شخاانتي كمالت عدد انسانه بلاا رااي قلت له : انزين ورأي ماله اهميه ماله قيمه امي جاوبتني : بتكسرين كلمة ابوك ياحنااان رديت بسرعه : ماعاش ولا كان الي بيكسر كلمت ابووي بس انا ابوي : حنان سمعيني زين انا ماوفقت على بندر الا لاني اعرف انه بيحافظ عليك ويصوونك ويابنتي البنت مايعزها احد اكثر من ولد عمهااا ولد عمي ذااك المغروور انا مكنت اطيقه واحنا صغاار اجي اخذه اللحين بعد ماكبرناا ابوي قالي : شوفي يابنتي صلي واستخيري اذا ماتبينه انا مااارح اغصبك وبقول لعمك ماللك نصيب عندنااا قلت له اذكره : بس انت عطيته كلمتك قال وهو يتنهد : اخوي رجال عااقل وعادي بقوله اني وافقت من غير مااستشيرك ويوم سألتك ماوافقتي قلت له : بهالسهوله قال : تأكدي اني مارح اغصبك على شي ومستحيل اجبرك على شي انتي ماتبينه اهم شي سعادتك عندي ووقف بيطلع : ياللا توصون على شي سألته امي : وين بترووح قال : ابد شويت اورااق بروح اجيبها من المكتب يحتاجها ابو تركي امي: زين الله يحفظك قال : مارح اتاخر ارجع القاكم جااهزين امي : ان شاء الله ابوي : مع السلامه وطلع من البيت وتركني سط حيرتي وسط ضيااعي عمره ابوي مايسوي شي من غير لا يشاورناا طول عمره يسألناا ويعرف ارائنا ليه بموضوع زي هذا اعطى كلمته وجاء يشاور بعد مااتخذ القراار ليه ؟مل كذا ليه ؟!!!!!!! كأن امي حست بتفكيري : حنان اعرف بشنو تفكرين يابنتي لكن ابوك ماسوى الا الي بمصلحتك قلت لهاا وانا شوي بنفجر من القهر : مصلحتي مصلحتي اخذ هذا الي ما يحترم ولا يحشم النااس مغروور ويكلم خلق الله من طرف خشمه تقولين جالسين يطروون من عنده امي انصدمت : بندر فيه كل هذااا قلت لها باصراار : ااااااااااااااااااايه امي : وانتي شدرااك اخر مره شفتي وقعدتي معاه كان عمرك 12 سنه وبعد كذا تحجبتي وين بتشوفينه وهو اول ماغلق الثانوي سافر يدرس بره وعمري ماسمعت ابوك يذمه ولا أي احد الا الكل يشكر فيه ويقولون محمد جااب رجاال ينشد فيه الظهر قلت وانا احاول اداافع عن رأي : يمه هذا طبعه مارح يتغير من يوم كنا صغاار وهذاك طبعه شبيغيره الان جاوبتني : يابنتي الناس تتغير بيوم وليله مارح تغيره السنيين قلت لها : يمه طبيعه بالبدن ماتروح الا بالما والكفن قالت بعد ماتعبت من الكلاام معي : حنان هذا مستقبلك وانتي حره فيه ولا تنسي ان ابوك عطى عمك كلمه وهو ماقال قولته الا وهو متأكد ان بندر رح يعزك ويحافظ عليك قلت لهااا : شمعنى اناا ليه مو نور او ليلى او مريم ؟ امي بحزن : مو معقول ياخذ وحده رفضت اخوه ومريم تعرفين وضعهاا زين وليلى صغيره عليه وبعدين قلت لك انتي محجوزه له من يوم كنتي صغيره قلت بعصبيه : شنو محجوزه له قطعت اثااث انااا ؟ يمه هذا زواج مو لعبه ؟ وانا يحق لي اختار شريك حيااتي ؟ ودام نور ارفضت انا بعد برفض امي وصلت حدهاا : لا تقاارنيين نفسك بنوور نور غير وانتي غير وبعدين شتبن عمك يقول عنااا مايبون عيالي شعيبهم شقااصرهم ولا شايفين لهم شوفه او ان عبدالله ماله كلمه على بناااته ترضين ينقال على ابووك ان شوره بيد نسوانه ترضينها عل ابووك هني ماقدرت اقول شي كله ولا ابووي مستحيل اتحمل شي يمسه او يقلل من قيمته قلت وانا كلي حسره : زين يمه قولي لاابوي اني موافقه امي فرحت وكانها ماصدقت قامت تزغرط (تيبب ) :هذا الكلااام السنع الف مبروك ضمتني لصدرهاا ومسحت ع رااسي وباستني وقالت : صدقيني يمه هذا كله لمصلحتك ناظرتهاا وقلت : الله كريم من سمعوا صوت الزغااريد نزلوو جري ع الصاله نور : خير يمه شصااير امي وهي فرحاانه : بااركو لحناان تراها خطبها بندر ولد عمكم ووافقت تجمعو حولي خوااتي وكلهم يباااركولي وفرحااانيين لمحت بعيوون نور الف سؤال وسؤال تجنبت احط عيني بعينها لا تفضحني وتفضح شعووري تنبهت لمريم وهي تقول : من يصدق ان حنااان تتزوج قلت لهاا وانا احاااول اهرب : ليه عمتي مريم مو بنت زي كل البنااات نور قالت : اشك بصراحه وقااامت تجري لحقتها : هين ارااويك شايفتني بشنب كنا متجهين للباب بنطلع نتراكض بالحديقه وقفنا صوت امي يوم تنادينا امي : حناان نور عن شغل البزراان روحو جهز شنطكم قالت لها نور وهي ماسكتني من ايدي : يمه كلهاا اغراضناا جااهزه بنطلع بره نلعب شووي ليلى مريم تجون معاااناا ؟!! مريم : انا مااقدر ع الركض وبعدين الجو بااارد قامت ليلى : وانا بروح اشوف نتيجتي اكيد طلعت نور طلعت انا حنان الحديقه ماكنت ابي العب زي ماقلت لامي كنت ابي اعرف شنو يدور براسها هذي مو حناان الي اعرفهاا زين ناظرتني وابتسمت ابتسامه جااافه وقالت : نور شتبين تعرفين ؟ لا تقعدين ساكته ماطلعتيني الحديقه الا تبين تعرفين الي صار مو ؟ قلت لهاا : يعني في شي صاار شي مو قادره تخفينه بابتسامتك المزيفه حنان انتي ماتبين بندر صح ؟ قالتلي : شالفرق ابيه او ماابيه اولا واخير رح اتزوج سواء اهو او غيره فشخص اعرفه احسن من الغريب قالت لي : من متى تفكرين بهاطريقه كأني اكلم شخص ثااني مو حنان اختي الي اعرفهاا قالت لي والغصه بحلقها : نور اليوم حسيت اني مسلوبت الاراده كاني اداءة بيد امي وابوووي تخيلي هالشعور ماقدرت اقول لا مااقدرت ابوي عطى عمي الموافقه يعني راي مارح يقدم ولا ياخر قلت لهاا : ابوي لا قلتي ماتبين بندر مارح يغصبك قالت لي :مااقدر انتي ماشفتي شلون كان فرحاان وهو يقولي ع الخبر انتي تدرين شكثر ابوي يعز عمي وعياااله تبينه يقوله بكل بسااطه بنتي ماتبي ولدك لاتنسين انك رفضتي تركي وصعب ينرفض اللحين بندر قلت لهااا وانا حاسه بلووم اني مسؤوله ولو بشكل جزئي عن الي تمر فيه : حناان انتي مالك علااقه برفضي لتركي وبعدين هالسالفه من سنيييين اذا ماتبين تقولي لابوي انا رح اقوله انك ماتبين بندر جاوبتني : مافي دااعي انا خلاص قلت لامي اني موافقه وبعدين امي تمدح فيه وابووي وعاجبهم قلت لها : مو مهم يعجبهم المهم يعجبك |
رد: (ماكل من يضحك مع الناس مبسوط ياكثر من يضحك ونفسه حزينه)
تكمله البارت الخامس ردت علي : انا مااطلع من شور ابووي تصدقون مافاجأني ردهااهذي هي حناان ماتحب تكسر كلاام ابوي ولاا امي بقدم الكل على نفسهااا تقطع قلبي عليهاا وانا اشوف شرودهااا كرهت نفسي لاني اشوفها تتألم وانا عاجزه اني اساعدهاا جات الشغاله تنادينا ندخل عشان نبدل هدومنا ابوي على وصول ولاازم نجهز طلعناا حجرناا وبدلنا هدومناااا طبعاا البناطيل كانت ممنوعه فالكل لبس تنانير وصل ابوي وبلغته امي بقراار حنان وكان مستانس واايد لان بنته المفضله رح تاخذ ولد اخوه المفضل وصلنا مطار الملك خالد بالريااض اتوقعنا لاقي عمي بااستقبالناا لكن كانت صدمتي يوم شفته هذا هو مااتغير بنفس الهيبه والشموخ كبر صح قريب ويصك الثلااثين كان مبتسم قرب الين ابوي وحب رااسه وحب راس امي تركي : شلونك عمي شلونك عمتي عشااكم بخير تو مانورت الريااض ابوي : الرياض منوره بأهلهاا امي : انت شلونك ياتركي وينك ماتزورناا تركي: الله اشغلتنا الدنياا ياعمه التفت لنا وسلم علينا من بااب الادب وسال عن احوالنااا اتجهناا للسياره كان جاايب الجمس ركب ابوي جنبه واحنا ورى وصلنااا اخيراا للبيت بيني وبينكم حسيت بالرهبه رجعت لي الذكريااات اشياء كثير تمنيت انساهااا انقذني من هالوضع صوت ابوي واهو يطلب منا ننزل دخلناا الصااله اما ابوووي اتجه للمقلط مع تركي وبدأ السلااام والسؤال عن الاحوال مع خالتي سمعنا صوت طق طق صوت نقر كلنا رفعناا النظر باتجااه القاادم سمعت ليلى وهي تهمس لحناان : الله يستر وصل هتلر مريم كتمت ضحكتها عن تنفجر اما حنان تباان كانها رايحه معركه علامات التاهب باينه عليها واضحه وضوح الشمس اما انا كنت بداخلي خااايفه جدتي مو ممكن الوااحد يتوقع شنو رح تقول او كيف يكون استقبالهاا جدتي : هلاااا بام البنااات امي راحت وحبت على راسه ويدينها على : فيك ياخااالتي شلونك شخباارك جدتي : وين رجلك ابو البنااات رديت عليها وانا اسلم عليها : ابوي بالمقلط مع عمي وبدن خواتي يسلمون عليها كانت اخر وحده حنااان لمحت بعين جدتي نظره غريبه مدري شلون افسرها بس نظراتها لحنان غير جلسناا كلناا بالصاله وقمنا نخلع العبايات والطرح مادرينا الا وجدتي تناظر باستنكااار لحناااان وقالت : حنيين (استصغار) شنو هالشعر حنان وهي تحاول تمسك اعصابها : شفيه شعري جدتي : شنو مافيه هذا شعر بنيه استحي على نفسك تقولين صبي وناظرت امي وقالت : ونعم التربيه ياحصيص حنان ماتحملت وقاالت : وشفيها تربيتناا ياجدتي في ايش مو عاجبينك مااشوفناا صايعات ولا قليلات ادب ومحج يقدر يقول كلمة على تربية امي لناا جدتي جاوبتهاا : وهاللسان شيطلع حنان كانت رح ترد على جدتي لكن امي منعتهاا ماتبي الدنيا تشعل بينهم اكثر مما هي شعلانه *حـــــــــــــــــــنــــــــ ــــــــــــــــااان * ياااربي احس بداخلي نار مشتعله هذي هي جدتي ماتغيرت لازم تسمعنا كلاام يسم البدن الله يستر ويعدي هالزيارة على خير سمعنا صوت ابوي وهو يتنحن بيدخل يسلم على جدتي جدتي : هلاا بوليدي هلا بالغالي ابوي وهو يحب راسهاا : هلاا يمه شلونك شخباارك عسااك بخير جدتي : اخباري مو بزينه وزعلاانه عليك ابوي : افااا يمه كله ولا زعلك انا مااقدر عليه جدتي : ودامك ماتقدر على زعلي ليه مقصر فيني مااشوفك ولا اشوف بنات الا بالاعياد والاجازات وكل كلاامك معي بالتلفوناات ابوي متلوم : يمه اعترف اني مقصر بس لازم تعذريني البنات عندهم دراسه وانا مااقدر افارقهم مالنا احد بجده ممكن ينتبه لهم جدتي ووصلت لمبتغاهاا : اجل خلااص اتركك من جده وارجع للرياض واقعد هني بين اهلك ونااس هني عاد وجوهنا كلنا تلونت بالوان قوس قزح مستحيل نرجع الرياض ونعيش فيهاا نترك جده نوو وااااي اكيد جدتي تبي تذبحناا ابوي ينهي النقااش : يمه هذا الموضوع كل مره نعيد ونزيد فيه البنيات وراهم جامعات ومدارس وغير كذا حلاالنا نخليه لمنوو المال السايب يعلم السرقه جدتي : كيفك حمدت ربي ان ابوي ماطاعهااا ولا رحنا وطي طلع ابوي للمقلط عشان يتغدا مع عمي وتركي وطبعا انحط لناا الغذا احناا بعد الغدا كان ع الارض وكله بصحن واحد كبير ومافي شي اسمه ملاعق وصحون جانبيه لا حطوهاابتصير فضيحتنا بجلاجل جلسنا ع السفره الشغالات كانو حاطين ملاعق للسلطه ومزودين كم لعقه اذااحتاج احد ما ان لمحت جدتنا المصون الملاعق حتى بدت محاضره جدتي بنقمة : ليش هالملاعق عمتي ام تركي: هذي للسلطه ياااخاله جدتي واهي تناظرنا بطرف عينها : احسب بعد على يدينهم نقش الحنا ولا المدارس كبرت روسهم على عاداتنااا وتقلدوون الكفره عمتي ناظرتناا بعيون كلها اسف ابتسمناا بوجههاا دلاله اننا عارفين جدتنا وطبعهاا الغريبه ان جدتنا بكل القسوه عليناا الا انها كانت تهتم بمريم تطمن عليها وعن احوالهاا حتى بالعيديه تعطيها فلوس اكثر مناا جدتي بعد الغدا طلعت تقيل شوووي احنا هني تنفسنا الصعداء اخيراا بنقعد شووي من غير هوشه وصيااااح قدمت لنا عمتي الشاي وجلسناا نتكلم عمتي : معليه ياحصه تعرفين خالتك وطبايعهاا لا تاخذين في بالك من كلامهاا امي ابتسمت : تعلميني عليهاا مهما كان هي مره كبيره ولازم مانعاندها قالت كلمتهاا وهي تناظرني فغصيت بالشاي الي اشربه الكل ضحك علي عمتي : حنان يابنتي طولي بالك عليهاا لا تندين معاهااا بكره رح تعيشين معانا بنفس البيت اذا ماكسبتي جدتك بصفك رح تتعبين خصوصا ان بندر حبيب قلبهاا مدري ليه سرت رعشه بجسمي من انذكر اسمه ناظرت الارض احسها تتحرك من تحتي الكل فسره خجل الا اني مدري يمكن كنت ادور على شق بالارض ارمي نفسي فيه بس اخلص من هذا الي اسمه بندر امي تسأل عمتي : متى جاي ان شاء الله عمتي : امس كلمنا وان اشاء الله رح يجي بعد شهرين امي : ليه مايخلي الاجازه ع رمضان عمتي: ياريت قلنا له قال مايقدر ماعنده الا الان ومارح يقدر يجي الا عقب سنه عاد ابو تركي قال خلااص يملك على حنان وياخذهامعه مايقعد بالغربه لحاله امي : قلي ابو نور والله مدري كيف بصبر على فراق بنتي عمتي : هذا حال الدنياا ماقدرت استوعب الكلاام اللحين هذا الي رح يصير زوي بيجي بعد شهرين لا ويبغاني اترك ديرتي هذا اكيد مجنوون كيف اتركهاا اروح مع واحد غريب مكان مااعرفه مايربطني فيه شي اترك خوااتي امي اترك ابووي شلون اقدر اقعد من غير ابووي من غير حنان امي وهوشات ليلى! اذا تضايقت وين رح تكون نور؟ من رح يكتم اسرارها لمن رح تفضفض غيري؟ مريم من رح يونسها من رح يروح معاها مواعيدهاا لمن رح تشكي غير ي مستحيل اترك كل هذاا ورى ظهر يواروح مع هذا الي مفروض يصير زووجي شلوون ماا نبهني من شروودي الا صوت ليلى وهي تصااارخ علي يكلمها ليلى : قووولي والله .........انتي متأكده لا تكوني غلطااانه ....ايه ادري انا كنت حاطتها رغبة ثانيه والحمد الله طحت فيهاا ....خخخ يابنتي ريح ابو علي ولا عدمه سلمي ع الواالده ..... زين يوصل ان شاء الله ...في امان الكريم امي سالتها على طووول : شفيه ليلى شصاار ليلى : ماصار الا الخير هذي ليلى تبشرني طلعت نتايج الامتحان وما انقبلت في الطب البشري امي بحسره : واحسرتي عليك يابنيتي ها وانيت ذبحتي عمرك بالمذااكره ليلى : ههههه يمه لا تهتمين انا والله مو زعلااانه بالمره تصدقون انا قلت اني لو ماانقبلت رح استخف لكن بالعكس انا احس نفسي مبسووطه امس صليت بالليل ودعيت ربناا ان لو لي خير بالبشري يسره لي وشكلوه ان مافيه خير فتيسرت التقنيه امي : شنو هذي التقنيه ليلى : يمه هذي كليه جديده فتحوها مالها سنتين بعد محد تخرج منهاا عمتي : زين يعني لا تخرجتي بتصيري شنو ردت ليلى : بصير دكتوره زي زي الي تخرجو من الطب البشري لكن عدد السنيين اقل امي : خلااص درسي عظام عشان تعالجين رجولي ليلى : خخخ يمه هذا يخرج دكاترة اشعه وتخدير ودكاترة متخصصين بامراض الدم والعلااج الطبيعي امي بصدمه : يعني انتي بتصيرين تصورين رجول النااس وتاخذين تحاليلهم هذا الي تسويه الممرضات ليلى : يعني زيهم بعدين هذول يمه اغلبهم الا دكاتره عمتي : مابقي الا تشتغلين هالشغله ياكثر الي يسونها من غير دكتره كله نناديهم بمرضه ولا سستر ليلى تدافع عن تخصصها : لاننا محتاجين توعيه احنا نستصغر هالوظايف مع انها اهم من وظيفة الدكتور نفسه الدكتور مايقدر يعطيك علاج الا لما يشوف هالتحاليل اشطالع فيهاا مايقدري سوي عملية اذا دكتور التخدير مو موجود رجلك ماتجبس من غير اشاعة مانعرف الامراض السرطانيه حمى الله السامعين من غيرهاا وبدل مايجي الاجنبي بهاوظايف نكون احنا فيهاا احنا الاقدر نراعي مرضانا ونراعي عاداتنا وتعاليم دينااا والوطن يمه مايبنيه الا عيااله وبناته الين متى رح نعتمد ع الاجنبي عمتي وامي بان عليهم الاقتناع من كلام ليلى : والله انك صاادقه هذي هي ليلى دوم تاخذ الامور بتفائل وتاخذ الاشياء بموضوعيه رغم صغر سنها الا انها عااقله وهذا الي يخليني مااخاف ابد عليها * نـــــــــــــــــــــــــــــ ور * بعد ماصلينا قررت اطلع اتمشى بالحديقه امي وعمتي راحو المطبخ يجهزون القهوه وياخذون الاخبار والعلووم اما خواتي طلعوو الجناح الخاص فيهم وابوي وعمي طلعو يزورون واحد من اصدقئهم القدامى اما تركي نايم بحجرته اخذت الشيله معاي من بااب الاحتياط خفت لايطلع سواق بوجهي الجو اليوم حلوو وشوي مغيم هذي هي الرياض جوها ماينعرف له متقلب يوم حر يوم برد نزلت اتمشى الحديقه وااايد كبيره بحكم مساحة الارض الكبيره جداا عمي زرع فيهاا نخل زيااده اكيد هذا من شور جدتي تموت ع الرطب اتذكر كان في مسبح بوجه المقلط لكن عمي ردمه بعد ماطاحت فيه حنااان وهي صغيره وبغت تمووت غرقى الحمد الله كان يومتهاا اكبر السواق موجود وطلعهااا بعد مانادته ليلى وقفت فجأه مردي شلون رجولي خذتني لذااك المكاان ماتوقعت بيوووم ارجع لهذي المنطقه عمي غير بالحوش كله ماقدر يهدم هالمكااان ليه الى الان قاائم ماتغير ليه بعده موجود يبيه تذكاار لكل الالم لكل العذااب بسرعه درت راسي ورجعت بخطى سريعه اقرب ماتكون للركض منها للمشي وانا ماشيه والتفت حولي خفت يكون احد يحقني يمكن المااضي ماادري المهم حسيت احد يلحقني ماحسيت بنفسي الا وانا مصطدمه بشي قداامي رفعت نظري |
| الساعة الآن توقيت السعودية الرياض و الدمام و القصيم و جدة 03:29 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.