|
رد: (ماكل من يضحك مع الناس مبسوط ياكثر من يضحك ونفسه حزينه)
اطالع شنو هذا كان تركي قدامي بسرعه وخر عني ووخرت عنه وبحركه سريعه رفعت الشيله على راسي وغطيت وجهي نزل اعيونه بالارض عشان لا يحرجني وقال : السموحه منك يابنت العم قلت له بارتبااك : ماصار شي انا الي ماانتبه جيبت ابي امشي ناداني : شلونك يااانور شخباارك رديت عليه : الحمد الله رد علي : نور انا ابيك بموضوع قلت له باستنكار : مااعتقد ان بينا مواضيع رد علي : الا في يانور قلت له : الي اهو ؟ جاوبني : نور انا بعدني ابيك على سنة الله ورسوله حسيت بارتبااك بخووف مابغيت ابينها : وانت تعرف راي بالموضوع هذا جاوبتك ع طلبك من سنيين رد علي بحزم : تلوميني على شي انا مو مسؤول عنه وانتي تدرين اني احبك رديت عليه بانفعال : تركي مااعتقد اني جالس تقوله يصير وهذي الوقفه مالها داااعي جيت بمشي ماحسيت الا ويده ماسكه ايدي استغربت من تصرفه ماعمره تجرا وسوى هالحركه قلت له : انت جنيت اترك ايدي لا اجمع عليك امه لا اله الا الله قال : صرخي ولا هامني انتي أي قلب عندك تعرفين اني احبك من زمااان من يوم ماكنا صغااار من يوم مااكانو يقولون نور لتركي وتركي لنور تذكرين عشت احلم باليوم الي يجمعني انا وياك ببيت واحد اليوم الي تنزفين فيه لي وجا اليوم لكن ماكنتي انتي العروس كانت غيرك وحده ماقدرت احبها ماقدرت اكمل حياتي معااهاا عشت انا وياها بتعااسه مااتفقنااا ابدااا كنت اتخيل شلون بتكون حيااتي معااك شلون رح تعيش بسعاااده لكنك حرمتيني من حلمي ليه رديتيني ليه ياانور لا تحمليني ذنب غيري حرام عليك تظلميني وتظلمين نفسك نور انا ابي ارجع اخطبك من عمي شقلتي ؟ قلت له وانا خلاص وصلت حدي وجريت ايي من ايده : لو انت اخر رجااال بهالكون ماخذتك سامعني ياتركي ماااخذتك تدري ليه لان كل شي صاار لي من تحت راااسك انت تقدر تقولي من الي دخله بيتناا من الي رحب فيه وقال صديقي ومافي مثله من غيرك تركي : نور انا مستعد اسوي الي يرضيك رديت عليه : تقدر ترجع الي راااح يااتركي ؟ تقدر ترجعه ؟ جااوبني ؟ ليه سااكت تقدر تمحي النظره الي البنات كانو يطالعوني فيها بالجامعه تقدر ترجع كرامتي الي انجرحت بالجامعه من وحده ماتسوى؟ تقدر يااتركي ؟ تركته قبل لا يجاوب رحت اركض لداخل البيت بغيت اهرب منه ماابغى اسمع ولاكلمه منه ماابغى اسمع دفاااع ولاا مبررات ماابغى ذكرى المااضي تعود وتجرحني ماصد قت لملمت جرااحي ليه ترجع تنفتح ليه ؟ وصلت لحجرتي حمدت الله ان محد فيهاا اكيد انهم بالمجلس دخلت على طول للحمام ( اكرمكم الله ) غسلت وجهي مره واثنيين وعشر يمكن يطلع كل الي صار مع تركي وهم بوهم يمكن احلم اتخيل المهم ماايكون صدق للاسف كان واقع مو خياال تمددت ع السرير غمضت عيووني رجعت اتذكر ذاك اليوم عمري مانسيته ومااعتقد اني ممكن انساااه ابد آآآآآآآآه كنا عايشين لسى بالرياض واحنا وعمي ساكنيين ببيت واحد وقتها كان عمري تسع سنيين ابوي طلع البر واخذ معاه حنان طبعااوراح معاه عمي وولده بندر اما ليلى كانت مريضه وعندهاا حمى فما تقدر تنزل تلعب معاااي ومريووم كانت صغيره اربع سنين تقريبا فجلس الكل بالبيت واناا طلعت العب بالحديقه طبعا طلعت من بااب المطبخه الي يودي ع الحديقه الخلفيه من غير لحد يحس فيني قلت العب شووي قبل لا يرد تركي ويعملها سالفه لي شلون طلعت والدنيا تمطر كان يخااف علي وايد ويهتم فيني واايد لكن عمره ماتجااوز حدوده معاااي المهم نزلت العب بالحديقه قدام الغرفه الي بناها عمي لتركي عشان يستقبل فيها اصدقائه اذا جو عنده منها ياخذون راحتهم ومنهاا مايكون في مضايقة لنسوان البيت او حد لحريتهن وانا العب بالحوش انفتح البااب حق الغرفه اتوقعت بيكون تركي رجع من برى لكن اتفاجاة انه خالد صديقه اذكر ان عمري ماارتحت له ولا هضمته ناداني وقال :شتسووين يااحلوه قلت له وانا مشغوله باللعب بالمطر : جالسه العب شوف المطره كيف حلوه قال : ايه وناظرني بنظرااات بذاك اليوم مافهمتها اما اليوم لما اتذكرهاا احس بحرقه بجسمي كله كأنه كان يجردني من هدومي بهالنظراات جلس يراقبني وانا العب اكثر من نص سااعه وبعدين دخل الغرفه قلت بنفسي وقتها فكه اخيرا ذلف لكن بعد عشر دقاايق نادااني خالد : نور نور تعالي اقفلي المكيف مره برد جاوبته : وانت ليه ماتقفله بنفسك خالد : ماني لاقي المفتاح تعالي انتي ادرى رحت وانا اتأفأف من طلبه دخلت الغرفه اتجهت للمفتاح ايل خلف الستاره عشان اطفيه الا وسمعت بااب الغرفه ينقفل التفت له وسالته : ليه قفلت الباااب قالي : اسمعي خليك سااكته وانا اعطيك عشرة ارياال قلت : ماابي فلوس وخر عني جيت اب ياطلع سحبني من كم الفستان عصبت عليه : كذا قطعت الفستان ان ماقلت لتركي ماجاوبني ابتسم ابتسامه كلهاا خبث ورماني ع الارض جردني من اهدومي و .... صرخت وصرخت ناديت ابوي امي عمتي تركي ناديته ونااديت محد رد ع صووتي محد جاا وانقذني منه قبل لااا يسلبني اعز ماااملك قبل لايجردني من طفولتي وبعد ماخلص وشبع مد يدينه لرقبتي يبي يخنقني عشان اموت وتموت معااي جريمته البشعه صخرته حاولت ادفعه بعيد عني ماقدرت فرق الجسم فرق العمر مو بصاالحي واخيرا على صوت صرخاتي المكتومه جاء تركي كسر الباااب وانصدم يوم شاف صديقه اذكر انه هجم عليه وضربه الين مااغمى عليه من كثر الضرب كنت بالركن متكوره على نفسي بلاا ملااابس شعري هو الي سااترني خلع ثووبه ولبسني اياه اخذني لدااخل البيت كل الي اذكره اني ارتميت بحظن امي وماصحيت الا وانا بالمستشفى عقبهاا صرت اعاني من حاله نفسيه كرهت كل الرجال ماقدرت اتحمل أي رجل غير ابوي يقرب مني حتى الاطباء ماقدرت اتحمل قربهم وجلست على هالحال لمدة عشر سنيين ماكنا ننزل الرياض الا بالاعياااد ومااخرج من البيت ابداا الحديقه مااعتبهاا لاجل كذا بعد الحادث انتقلنا طبعا لجده عشاان ابتعد عن مكان الذكرى الاليمه اما خالد انحكم عليه ثمانيين جلده حد الزنا بالاضافة الى ثمانيين جلده حد الشرب لانه ماكان بوعيه وقت مااعتدى علي عمري مارح اسامح تركي اهو السبب لو مارافق هالي اسمه خالد ماصار الي صار هو الي دخله البيت لا وجا يبي يعمل فيها راعي نخوه ويتزوجني يبي يستر على بنت عمه الي كان السبب في توسيخ اسمهاا ترن ترن ترن <<التلفون الداخلي رفعت السماعه : هلااا مريم : اهليين اقول انزلي ترى حطو القهوه بسرعه لاتنزل جدتك وتفضحناا جاوبتها : خلااص الان نازله -------------------------------------------------------------------------------- البارت السادس ++++++++++++++++++ امريكاا (شيكاغو ) اخيرا جلس ع الكرسي ليرتااح صارله وقت وهو يركض * بــــــــــــــــــــــنــــــ ــــــــــــــــــــ در * معقول لي سااعتين اركض ولا حسيت بالوقت لهالدرجه احسااسي بالزمااان توقف مااتوقعت اني رح اعطي هالموضوع أي اهتماااام ..!!! رجعت فيه ذاكرته لوقت مو بعيد قبل يومين تحديد بالضبط الساعه 12 الظهر كان راجع من الجامعه مخلص المحاضرات بدري شووي ما ان دخل شقته الفخمه حتى رن التلفون ركض له بسرعه بندر: hello تركي : السلام عليكم بندر بفرح : وعليكم السلام والرحمه هلاا والله بابو محمد تركي : خخخخ شكلك انت الي رح تصير ابو محمد قبلي بندر : ليه ناوي تعنس تركي : خخخخ لا بس انت الي خنتني وخليتهم يخطبولك كذا يابندر من غير ماتقول لتركي اخوك حبيبك صديقك بندر كان متفاجأ : هااااي انت يالحبيب اشفيك مخرف أي خطوبه أي بطيخ ؟ تركي : علينا هالحركااات ياباابا كل شي باااان بندر : اقول تركي انعدل بالطيب عن أي خطوبه تتكلم ؟ تركي بجديه : خطوبتك من حناان بنت عمي بندر: ومن قال اخطبوهاا ؟ تركي : بندر اشفيك الوالد خطبهاا لك مو انت قايله هالشي ؟ بندر : لاا انا اصلاا وين كلمته لي اسبوعين ماسمعت صوته تركي: شلون امس ابوي مكلم عمي قدامي وقاله ترى بندر يبي حناان بندر : تركي لو هذا مقلب تراه باايخ ساامع تركي : بندر هالمواضيع مافيها مزح بندر معصب : شلون ابوي يسوي كذا ؟ ليه يخطبلي من غير لا يسألني عن راي شنو قدامه بزر يمشيه على كيفه ؟ تركي : بندر هدي اعصاابك يااخوي مايسوى عليك ؟ بندر : ايش اهدي اعصابي انت بعد تستهبل تركي : بندر لا يكون ناسي اني اخوك الكبير تكلم معي باحترام بندر : تركي انا اسف بس الموضوع مو هين هذا زواج عشرة عمر تركي : انت معترض ع الزواج او ع البنت بندر : ع الاثنيين تركي : اعتراضك ع الزواج وفهمنااه ماتبي تفقد حريتك ومسؤوليه ودراستك وهالشغلاااات لكن اعتراضك على حنان شسببه ؟شايف عليها شي سامع عنها شي لا سمح الله ؟ بندر : انا لو سامع او شايف كان ذبحتهاا من زمان لا تنسى هذي تربية عمك عبد الله بس ...... تركي : ياخي طفرتني بس شنو بندر بضجر : اووف منك يااخي اتذكرهاا من كنا صغار عربجية وماكانت بنت ابداا تذكر يوم ماكانت ترووح معانا المقنااص بالله في بنت تحب القنص ياارجال تركي : ايه في عروس المستقبل بندر : ياثقل دمك تركي : بتكلم ابوي ؟ بندر : ابوك ماكلف عمره يشاورني تبيني اروح له بكل بساطه اقوله بنت اخوك ماابيهاا ؟ مو عاجبتني ؟ تركي : تبيني اكلمه ؟ بندر : لا والي يعافيك خله راضي عنك لا يغضب عليك والسبب انا تركي : بعده زعلان منك ؟ بندر : اجل ليش يبيني اتزوج ؟ تركي : وهذيك الملقوفه كان لازم ترد بندر : حظ اخوك الاقشر تركي : ايش يدريك يمكن البنت ترفض ؟ بندر : مااعتقد مع اني اتمنى تركي : اقول بندر ترى اخرتي والمكالمات غاليه ياللا مع السلامه بندر : خخخ مع السلامه رفعت راسي صحاني من حلم يقظتي صوت احمد صديقي وانيسي في غربتي احمد اماراتي يدرس معاي تعرفت عليه بيوم التسجيل في الجامعه من خمس سنيين وندرس الماجستر سوىسكنا بنفس الشقه لمدة ثلااث سنيين بعدها الحبيب تركني وسكن بالعمارة الي جنبي لانه تزوج وصار عنده بندر صغيروون احمد : شتسوي هني كسرت البااب وانا ادق عليك جاوبته : تعرفني مااستغنى عن رياضة الصبح قالي : بس اليوم مبكر مو عادتك ...سكت شوي ....اعتقد انك تفكر بموضع العرس رديت : ااااااااااااه صدقني مانمت طول الليل وانا افكر قال : انت ليه تقدم الشر ياريال تفاول بالخير قلت : عمر يماتخيلت اني بتزوج بهالطريقه سألني بمزح : لا يكون الاخ كان ناوي يعيش قصة حب قبل الزواج قلت له : تعرف ان هذا عمره ماكان تفكيري قال : اجل شنو الطريقه الي كنت ناوي تتزوج فيهاا قلت له : يااخي اختار صفاتها اشوفها عجبتني قلت ايه ماعجبتني يفتح الله لكن مو وحده مفروضه علي فرض مااقدر اقول زينه ولاا شينه يااخي انا شكلها حتى مااعرفه كل الي اذكره عنهاا طفله عمرها 12 سنه سالني : كانت مزيونه ناظرته بطرف عيني : هذا سؤال بربك جاوبني : الا هذا اهم سؤال بحوارنا قلت له بسخريه : ليه ان شاء الله رد : لانك بتعرف فيه مواصفات عروسك سالته باستغراب :شلون يعني جاوبني : شوف يالحبيب اذا كانت وهي صغيره شينه فاكيد بكبرها بتكون اشين او بنفس المستوى اما اذا كانت مزيونه فالزين يزيد يوم عن يوم ساعتهاا ضحكت بصوت عالي بصرااحه احيان مااادري شلون يفكر |
رد: (ماكل من يضحك مع الناس مبسوط ياكثر من يضحك ونفسه حزينه)
تكمله البارت السادس انقلبت ملامح احمد للجديه وقالي : اسمعها مني يابندر انا بحسبة اخوك ومابينا أي اسرار يوم خذت ام بندر ماكانت شرات ماابي حتى المواصفات الي ابيها ماكانت فيها حتى التعليم مافيه تكافىء مثل ماتعرف اهي بنت عمي ومن صغيري محيره لي فشي طبيعي اكبر اخذها تقريبا كنت مهيأ نفسي للفكره بعد زواجي منها وعشرت الايام تعلمت شلون احبها تعلمت ان الي يحب بيتغاضى عن كل عيوب حبيبه وبيشوف حبيبه ياكثر ماكنت احاول اغايضها اطلعها عن طورها عاملتهاا بجفى واايد الا انهاا ماسوت مثلي كل ماصديت اقبلت وان اقبلت تغلت اللحين الان ماعندي احد يسواهاا ابد قلت له : الله يهنيكم ان شا ء الله ام بندر مره والنعم فيهاا انا اشهد انها بنت رجال قالي : مو كانك طايح غزل بحرمتيه رديت اغايضه : وناسي اني حسبت اخوها قال : لا مانسيت تعجبني يوم تهددني فيك خخخخخ شديت اذنه بخفه : ايه اعرف ان وراها ظهر ولا تغرك الغربه ترى ان اشتكت لي منك لنت صاحبي ولا اعرفك قالي : المهم الان اقتنعت قلت له : شوف يابو الشباب اعترف كلامك حلو ومقنع ونوعا ما تقبلت فكرة العرس لكن الحب اتوقع صعب خصوصا انها مو من النوع الي يعجبني شخصيتها قوويه واايد وطبعهااا طبااع رجاال تصدق الوالد يوم كان يطريها قدامنا مايقول الا ولد عبد الله she`s not my type رد علي : زين و your type شيطلع ؟ جاوبته : ابي وحده تكون قدمي مره بمعنى الكلمه كلها رقه وانوثه وحده كذا مدري شلون بس انت اكيد فااهم رد علي: ياخي انت الكلام معك ضاايع لكن تدري مارح يجيب راسك الا هالبنيه قلت له : ماجبتها امهااا الي بتجيب راسي قالي : انت موذابحك الا هالغرور سالته : وليه مو ثقه بالنفس ؟ قال : لان الثقه الزايده عبط قلت له : مالت عليك وعلى الي مصاحبك قوم بنتأخر ع الجامعه نرجع لارض السعوديه الرياض بمبنى الشركه العائليه بالرياض * تــــــــــــــركـــــــــــــ ـي * كان جالس بمكتبه ولسى كلماتهاا ترن باذنه " لو انت اخر رجااال بهالكون ماخذتك" معقول لهالدرجة مو طايقتي يانور وانا الي امني نفسي فيك قلت عقب مافكيتي خطبتك بتقبلين فيني لكن اهاااااااا لو دريتي بغلاك عندي كان عذرتيني اتذكر يوم ماانولدتي ورحنا لامك المستشفى يومتها حطوك بيدي بعد ماذبحتهم وانا اسأل وين النونو وينه كنتي صغيروونه واايد ووجهك احمر عيونك صغاار جلست اناظر فيك واتاملك سالتني جدتي عجبتك البنيه رديت عليهاا : ايه حلوه قالت : خلااص هذي لما تكبر بتصير حرمتك شرايك ابتسمت وهزيت راسي بالموافقه وعشت على هالحلم عمري كله لكن الصد واااه من الصد حسبي الله على من كان السبب خخخخخ شكلي جنيت اكلم نفسي ترن ترن ترن ...........هلاا يااسر ياسر : استاذ تركي عمي عبد الله بره يبي يقاابلك تركي عمي دخله شتستنى ركضت الين البااب وفتحت بنفسي عمي شتسوي هني اقصد ليه مادخلت على طول رد علي : قلت لا تكون مشغول واعطلك رديت : افا ياعمي مافي شي اهم منك دخلناا مكتبي صبيت له فنجان قهوة وجلست قباله قالي : تركي انا ابيك بسالفه ياوليدي قلت له : امرك ياااعمي صار شي بالشغل قالي : وانت كل تفكيرك بالشغل قلت له : وانا شعندي غيره قالي : شوف ياتركي انا حسبت ابوك وتعرف شكثر اغليك واعزك تفاجأت من كلام عمي عرفت ان الموضوع مهم ولا ماقال هالكلام كمل : شوف ياتركي انا الله مارزقني عيال ورزقني باربع بنات يسون عندي ملاايين الرجال قلت : والنعم فيهم ياعمي بناتك ماعليهم زوود قالي : ينعم بحالك ياوليدي شوف كل اب يحلم بانه يزوج بناته ويامن مستقبلهم انا الله عطاني المال والحمد الله اعرف لا غابت عيني بناتي مارح يكون قاصرهم شي لكن اعرف ان زي مافي نااس زسنه اعرف ان الشين ملياان وانهن بيكونون مطمع للكل قلت له : عسى عمرك طويل ياعمي واحنا وين رحناا قالي : اسمع ياتركي ولا تقاطعني ياولدي حناان انا مااخاف عليهاا هذي الرجال الي مارزقني الله فيه ليلى عاقله والطب ماخذ فكرها مريم اعرف ان محد بيقصر معاها وحتى صغر سنهاا الاانها قويه وماينخاف عليهاا هذي تربية حناان خوفي كله على نور اعرفها ضعيفه وماعندها القوه الي عند خواتهاا طيبتها سلاح ضدهاا واعرف انهاا مارح تلقى الرجل الي يستاهلهااا شفت جربنا فهد وكيف كانت النتيجه تركي الرجال مو عيب انه يخطب لبنته الي يستاهلها ويشوفه كفو لهاا ويشهد الله انه لو غيرك مافتحته بالموضع شرايك ياتركي تاخذ نور استغربت من كلامه مااتوقعت يوم ان عمي يسويها ويعرض علي نور نرو الي مو بس احبهاا الا امووت فيهاا قلت لعمي : عمي طلبك هذا على عيني وراسي لكن طلبك هذاامااقدر اقبله مو نقيصه ببنتك لا سمح الله لكن ياعمي انت ماترضاها علي اخذ وحده عايفتني قال: ومن قال انها عايفتنك قلت له : انت ناسي اني خطبتها وهي رفضت قالي : الي صار لها مو قليل خلاها تكره الرجال وانا ضامن لك موافقتها سالته : رح تغصبهاا ؟ قالي : رح اقنعهااا قلت له : بس ياعمي انا ماارضى اخذها وهي ماتبيني قالي : وان ترجيتك قلت له : عمي شهالكلاام شنو تترجاني انا عصاك الي ماتعصااك لكن هذا زواج ...... وقف من مكانه اتجه للشباااك المطل عالرياض وقالي : اسمع ياتركي انا ايامي خلااص صارت معدوده بهذي الدنيا انت تعرف اني رجال عنده القلب وابي اطمن عليها قبل موتي وانا اعرف شكثر انت تغليهاا وتحبهااا ولا ياوليدي مافي رجال يخطب مره مرتين الا اذا شاريها ها وشرايك ياوليدي قلت له:.......... |
رد: (ماكل من يضحك مع الناس مبسوط ياكثر من يضحك ونفسه حزينه)
البارت السابع قلت له : انا موافق ياعمي قولها اني ابيها على سنة الله ورسوله عمي ابتسم وقال : الله يريح قلبك ياتركي خرج عمي وتركني بحيرتي مدري ليه وافقت هل هو نزول لغربة عمي او رغبتي الحقيقية بقرب نور ؟ يا دمعة عيني في فرحي و دمعة عيني في أحزاني.. يا حب تالي العمر اهلا نطرته سنين لي جاني.. بشيلك في وسط عيني يا أغلا حب لاقاني ... و فقلبي يا فرح قلبي و شبابي الي رجع ثاني ... +++++++++++++++++ مايدرون ايش صار لها دخلت عليهم فجأة البيت واركضت لغرفتها ارتمت ع السرير دفنت راسها بمخدتها * نور* اه ليه هذا يصيرلي ليه ياربي ؟ مو معقوله هذا شيبي مني ؟ ليه كل ماقلت بنسى يرجع شي ويذكرني فيه ليه ؟ اتذكرت كلام ابوها او بالاحرى صدمته لها !!! ابو نور: اسمعي يانور انتي الان ماشاء الله كبرتي وشفتي اختك اصغر منك وبتزوج نور : يبا وفر الكلام انا شايلة هالموضوع من دماغي ابو نور : من غير ماتعرفي العريس من يكون ؟ نور : مايهمني ابدا ابو نور : اسمعي يانور الي خطبك تركي ولد عمك وانا عطيته كلمتي نور الي انصدمت وماقدرت تقول شي الا ان دموعها انهمرت على خدها كمل ابوها كلامه من غير أي اهتمام لدموعها : نور يابنتي انتي كبرتي وصرتي ماشاء الله عليك الكل يشكر بعقلك وتربيتك وانا ابي اتطمن عليك قبل لا تغيب عيني الزواج ستر لك ويابنتي المره بالدنيا لازم يكون لها سند ومايسندها غير رجلها وانا لو ماشوف تركي كفو لك ماكان وافقت عليه ابدا تركي يحبك يانور وشاريك جاوبته من وسط حرقتها : هو مايبيني لانه يحبني يبه هو يبي يكفر عن ذنبه صرخ بوجها ابوها : بس يانور لاتلومين الرجال على شي اهو ماله أي ذنب فيه سامعه ماله ذنب ويكون بمعلومك عرسك بيكون قبل عرس حنان يعني بعد شهر من الان سمعت صوت طق على باب حجرتها عرفت ان مافي غير شخص واحد ممكن يتجرأ ويقتحم خلوتها هو نفسه الشخص الوحيد الي تقدر تقوله كل شي من غيره أي شرط من غير أي قيد وهو نفسه رح يكون صوت المنطق بالنسبه لها * حنان * كلنا اتفاجأنا من دخولها علينها ودموعها على خدها كانت قبل شوي مافيها شي كلها ربع ساعه مع ابوي بالحديقه رجعت معفوسه الحمد الله عمتي ماكانت موجوده ولا جدتي ولا شكانو قالوا ...طبعا عرفنا من ابوي ان تركي خطب نور وانه عطاه الموافقه . بيني وبين نفسي كنت احس بالصدمه اخر شي كنت اتوقعه ان ابوي يتبع معانا اسلوب الغصيبه !! ابوي الي كان يشاورنا بابسط الاشياء جا عند اهم قرار بحياتنا وقام ياثر علينا يمكن ماغصبني لكنه غصب نور ماقدرت امنع نفسي طلعت لها اعرف انها محتاجه لي محتاجه تتكلم وشخص يسمع طقيت الباب فتحت لي كانت الدموع غزت خدودها قلت لها وانا اقلد اللهجه المصريه : مال الجميل زعلان ؟ ماردت علي دخلت وسابتني ع الباب دخلت الغرفه وصكيت الباب اتمدت ع السرير بالقرب من مكان جلوسها قلت لها : تكلمي انا اسمع قالت لي وهي تمسح دموعها : ليه كل هذا يصيرلي ؟ سألتها : وشلي يصيرلك ومو عاجبك قالت : ليه كل ماجيت انسى يرجع الماضي ليه كل ماقلت بحط كل شي ورى ظهري يرجع يظهر مره ثانيه كأن الفرح صار خصيمي والالم رفيقي جاوبتها : اكب رغلط ترتكبينه بحق نفسك حرمانها من ماضيها لا حرمتيها من الماضي الغيتي وجودها قاطعتني : الماضي كله الم كله عذاب رديت : اعرف والمنا هو الي يعطي للفرحه طعم هو الي يزين البسمه على شفانا قالت لي : لانك ماتجرعتي الكاس ....مو انتي الي كل مارحتي مكان لاحقتك انظار الناس مو اعجاب الا اشفاق مصحوب بازدراء البعض يبعد عنك لانه يشوفك اشبه بالقذاره ممكن تنجسينه تذكرين فهد الي كان راعي بنات ومغازلجي وارفضته اخته كانت معاي بنفس القسم بالكليه جاتني وسط البنات بالمدرج وقالت لي بالحرف الواحد انتي مو |
رد: (ماكل من يضحك مع الناس مبسوط ياكثر من يضحك ونفسه حزينه)
تكمله البارت السابع تحمدين الله ان اخوي جا وخطبك ولا انتي من يفكر ياخذ وحده زيك عاد من شهامته انهفكر يتنازل وياخد \وحده مستعمله يستر عليك وياخذ فيها اجر وثواب لكنك مو كفو احد ياخذك اذكر شلون البنات ناظروني باشمئزاز اذكر زين صفعتي لها ورنين الكف الي هز المدرج ابدا ماندمت ع هالشي لكن حتى الان كل ماتذكرت نظرات الطالبات لي حسيت بنار تحرقني شلون تجنبوني شلون حسيت بالالم يوم امر واشوفهم يتغامزون علي زي كذا سحبت ملفي من الكليه وماكملت رديت عليها : يمكن انا ماقدر احس بحجم الالم مهما ادعيت المعرفه لكن اؤكد لك ان هالالم عمره مارح يخف اذا ماقدرتي تقضين على مسببه سالتني : شتقصدين رديت : اقصد القوقعه الي انتي حابسه نفسك فيها اكسريها واخرجي منها عيشي عمرك عيشي حاظرك لاتلغي ماضيك لكن لا تعيشين فيه بحاظرك الي صار ماكان هين لكن اننا نعاقب انفسنا لاخطاء غيرنا او نحمل الغير خطأ مالهم ذنب فيه قمت الظلم لا تسمحين لاصحاب العقول المرضه انها تتحكم فيك وتشكل زي ماتبغي اشكال فهد واخته مليانين بالدنيا يمكن بصور مختلفه لكنهم موجودين ان سمحنا لهم يعلبون بقناعاتنا رح نخسر وايد ردت علي بكل الم : ابوي بيزوجني تركي يبي يستر علي اذا هذا تفكيره وهو اقرب المقربين اجل البعاد شلون جاوبتها : ابوي زي أي اب بهالكون كله كل امنيته يشوف بناته ملكات في بيوت رجاجيلهم نور اسمعيني ياقلبي انتي وضعك غير يخلي فرصتك بالزواج انا مابيك تضايقين مني او تزعلين من كلامي هذا هو الواقع الي عايشين فيه مارح يجيك الا ارمل او واحد يبيك ضره او راعي سوابق او مطلق يعين فرصتك بالاختيار وايد قليله نور : الي يسمعك يقول الان تركي ماعرس قبلي رديت : اعرس بس الفرق ان تركي يحب وشاريك ولاتنسين يانور انه ولد عمك رح يخاف عليك وان ماحب ماذلك نور ضحكة بسخريه: اذا هذا السبب الي يخليني اقبل تركي انه ما رح يذلني ولانه ولد عمي اجل انيت قبلانه بندر لنفس السبب جاوبتها : ايه ولاني مابغيت اكسر كلمة ابوي صدقيني انا بداخلي خايفه وايد من هالخطوه زواج بشخص مايجمعني فيه الا الذكريات والدم وغير كذا مافي أي قاسم مشترك وفوق كذا غربة احمدي ربك انك بتعيشيني هنا بلادك سالتني :ماتعتقدين انه يبي ينتقم مني لاني رفضته رديت عليها : تكونين غبيه اذا اعتقدتي هالشي ماتوقع ان رجل بعقل تركي واخلاقه ينزل لهالمستوى من التفكير تنهدت بالم وقالت : ماقدر انسى ابد انه السبب في الي صارلي بصراحه هني وصلت حدي احس نفسي انفخ في قربة مخرومه قلت لها : ربنا يقول :" ولا تزر وازرة وزر اخرى " طلعت من الحجرة وتركتها لحالها من غي رماسمع رد عشان لا اسوي فيها شي اندم عليه بصراحه *بعد مرور شهر الموعد المنتظرليلة زواج تركي ونور * ناظرت الحنا الي زينت ايديها مو مصدقه ان خلاص هذي اخر ليله لها في فراشها في غرفتها في بيتها بين خواتها امها وابوها اخر ليله لها في جده بكبرها ماعرفت شتسوي اطلقت العنان لدموعها جاها صوت ليلى تنبيه لها انها مو لوحدها ليلى : نور والي يرحم والديك يكفي دموع ترى من اول اليل احاول انام مو قادره يجيني الان صوت ونينك نور : اسفه ماقصد ازعج ليلى وهي تنعدل في جلستها : انتي مازعجتيني اصلا انا زي ماقلت مانمت ماتخيل نفس يوم ادخل هالغرفه مالقاك بالله افجع فين في غياب نور حذفتها بالمخده الي صقعت بوجهها : مالت عليك انا قلت بتشتاقين لي اثر تفكيرك كله بالمقالب البايخه ليلى : ههههههههه والله رح اشتقلك وانفتح الباب بالدفاشه المعهوده وطلت عليهم حنان : اه يالخاينات سهرة من ورانا نور : بسم الله انتي ماتعرفين تفتحين بالباب زي خلق الله حنان باستعباط : لا ماعرف شلون نور : مافي فايده الله يعين بندر عليك حنان : اذكريلنا شي عدل ليلى : اوف من الان ماتعجبك سيرتهوتعصبين منها اجل لا عرستو شبتسوين في الرجال حنان : والله عاد هذا يعتمد ع المزاج نور : بخلي ولد عمي يأمن على نفسه البنات : خخخخخ فجأ توقف صوت الضحكات وحل مكانه نظره ذهول ماعدا حنان |
رد: (ماكل من يضحك مع الناس مبسوط ياكثر من يضحك ونفسه حزينه)
البارت الثامن ياغايب عن عيوني خاطري يطريك في كل لحظة عيونك كيف بانساها لو غبت ماغاب طيفك عني وطاريك كنك معي في خفايا الروح واقصاها فجأ توقف صوت الضحكات وحل مكانه نظره ذهول ماعدا حنان الي سطحت ضحك ع الاخير * حن ان * واي يابطني ماني قادره امسك نفسي من الضحك خخخخخخخخخخخخخ اول مره اشوفها بهالشكل كخخخخخخخخ قلت لها : يمه شهذا خخخخخخخخ وفطسو بعدي نور ليلى امي : شفيكم تضحكو شايفيني مضحكه؟!!!!!!!! حنانوه وجع ان شاء الله على ايش تضحكين ؟؟؟ قلت لها : يمه ناظري وجهك بالمرايه راحت امي للمرايه وانصدمت يوم شافت وجهها!!!! وبعدين افطست ضحك مع بناتها على شكلها سالتها ليلى : يمه من عمل فيك كذا جاوبتها : هذي مريمو حسبي الله على ابليسها حطلتي هذا القناع وقالت زين للوجهي قالت لها ليلى : انزين وليه ماغسلتي وجهك ؟ من متى حاطتنه ؟ مي واهي تذكر : عقب مانام ابوك نور : ويلي يمه ابوي نايم من 11 ناظري الان الساعه 2 الفجر قامت امي اغسلت وجهها بحمام الغرفه (اكرمكم الله ) شوي وان تدخل علينا مريم كانت شايله صينيه فيها هوت شوكلت ...قلت لها وانا اخذ منها الصينيه شنو هالنشاط كله هوت شوكلت مره وحده اخبرج ماتطيقين المطبخ مريم وهي تجلس ع السرير قالت : الي يسمعك يقول الان مسويه مفطح كله هوت شوكلت وبعدين تراه مو عشانك عشان عروسنا الحلوه نور ناظرتها بابتسامه كلها امتنات : تسلمين يالغاليه وبدت دموعها ليلى : واليل الحين ليه تبكين وفري دموعك لبكره اديتها بكس على ذراعها : انتي ماتعرفين تتكلمين ليلى : وانا شقلت ؟ قلت لها : جبتي السبب خطا وناظرت لنور بنظرة مكر مريم الي فهمت خطتي كملت على نفس المنوال : ياغبيه هذا كله شوق لتركي نور الي انصدمت من رد مريم : لا والله وطلع للبزر لسان مريم : اذا انا مبزره انتي عجوز ..ومدتلها لسانها وجرت خصله من شعرها الطويل نور توجعت وايد : اي ارويك يالدب وقامت جرت ورى مريم بالغرفه امي كانت واقفه عند باب الحمام وتناظرنا وهي تضحك على شكل نور ومريم صارو يدورون حوليها ومريم تحاول تهرب برى الغرفه لان نور لو مسكتها مارح ترحمها صار قريبه وايد من عند الباب نور الي ماقدرت تمسكها سحبت طرف الشال الي كانت لافته على راسها وبمجرد ما وصلت مريم للبا لاحظت ان نور ماتبعتها واصوات الضحك توقفت التفت وراها شافت نور واقفه مكانها ماتحركت وبيدها شي تعرفه !!!!!!!! نور ومنصدمه من تصرفها : انا اسفه والله ماقصد مريم ابتسمت لها وقربت الين عندها سحبت الشال وقالت : ولا يهمك عن اذنكم امي وقفتها : مريم يمه على وين خليك معانا مريم : تعبانه يمه بروح انام وابي اكون بكرة مصحصحه لعرس النوري حتى انتو لازم تنامو تتركوها تنام قالت عبارتها وهي تسحب نور مره ثانيه من شعرها نامي لا تصير عينك منفوخه ويهرب الرجال ليلى : خلاص مارح يقدر طاحت الفاس بالراس مريم : من قال طاحت تو الناس بعده ماملك قلت : يبوس ايده وجه وقفا ان النوري وافقت تاخذه امي بس خلاص كلتو الرجال اشوف غرفكم يالله قدامي عاد احترمنا انفسنا ورحنا كلنا غرفنا الامارات (دبي ) حاط شماغه على كتفه ماسك طرف ثوبه لا يتعثر فيه وشبشبه بدينه (عز الله مقامكم ) دخل البيت شوي شوي عن يحس فيه احد حمدان : الحمد الله ماكو احد الا ان النبات اتولعت فجأه وجاه الصوت الي كان خايف منه سلطان : حمدانوه حمدان الي جمد مكانه واعتدل في قامته وبخاطره يقول " رحنا وطي " حمدان : ه...هلا سلطان سلطان : لا والله هلا سلطان تسمح تقلي الساعه كم الحين حمدان : والله مو لابس ساعه بشوفلك كم الوقت من حجرتي ..وراح باتجاه الدرج الا ويسحبه سلطان من ظهره سلطان : تعالي هني وين رايح ؟ حمدان : بشوف الساعه سلطان : لا مشكور ماقصرت الساعه 3 الفير حمدان : لا؟ تصدق توني ادري مشكله يوم الوحد مامعه ساعه سلطان : لا والله تمصخر حظرتك الساعه 3 الفير.. انا ابي افهم انت ماتستح على وجهك ريال شطولك شعرضك وتبي من ينبهك لتصرفاتك انت تشوفها عدلة ترد بهالوقت مايرد بهالوقت الا السكارى اصحاب البلاوي حمدان : انت تدري اني موراعي هالسوالف سلطان : اسمعني سلطانوه احسلك تصطلب بنفسك لا تخليني اتبع معاك معاك اسلوب مارح يسرك انت تسمع حمدان في خاطره "شيفكنا منه الان " اسمعني ياحمدانوه وهذا اخر انذار لك قسم بالله ان باجر ماشفتك الساعه 8 بمكتبك بالشركه لاسحب السياره والموبايل حتى مصروف مافي ودورلك حد يعطيك بيزات حمدان : حرام عليك خلها 10 طالعه سلطان بنظره تحرق فقاله حمدان : طيب تسع سلطان نفس النظره من غير رد ....... حمدان اخر محاوله : انزين 9 سلطان : اهي 8 وان زدت عليها خمس دقايق بيصير الي مايرضيك وانت تعرفني مارجع بكلميت لو على رقبتي حمدان بصوت واطي : انت تقولي سلطان: تقول شي حمدان سلامة راسك ياخوي |
| الساعة الآن توقيت السعودية الرياض و الدمام و القصيم و جدة 05:02 PM. |
Powered by vBulletin® Copyright ©2000 - 2024,
vBulletin Optimisation provided by
vB Optimise (Pro) -
vBulletin Mods & Addons Copyright © 2024 DragonByte Technologies Ltd.