ازياء - فساتين سهرة و مكياج و طبخ - مليت من قولت: آصبر وهونهآ يآقلب وتهون

أبيات .. مُتواضِعه

ف ارحموا ضَعفَها ’ واجبروا كَسرَها ..

من هالحياه شْ كنت أبي ؟ ماكنت أبي إلا الحنان

وشهو حَصَل ؟ وش ماحَصَل ؟ لاماحَصَل إلا الطعون

ايه انطَعَنت ’ ثم إنكويت ’ والله لَعَب فيني الزمان

ايه إنكِسَر فيني حِلِم ’ مات على جِذعي غُصون

مَلّيت من نفسي أنا ’ ومن وقت ماقِد يوم لان

مَلّيت من قولت: اصَبر ’ وهَوّنها ياقلب وتهون

المشكِلَه مابَه أمَل ’ وال جرح ماظنّيت هان

مَدري البلا فيني أنا والا البلا بْ حسن الظنون

ياهالبَشَر وين اتجه ؟ وين القى لاحساسي مكان !

الواقع أزرى يبتسم ’ واحلامي مات بالجفون

يمّه أبي بس أشتكي ’ وينك قبل فوت الأوان ؟

غَصّت بي آهاتي (تَعَب) يمّه أبي صدرٍ حنون

وَجّهت وجهي للذي إن قال :كُن’ كِل شَيّ |كان|

ربي ’ إلهي ’ خالقي ’ دعوات عَبده ماتهون

مِسَحت دمعه تسَلّلَت ’ مالَت على خدّي ب أمان

دَمعه يتيمه صامته ’ ضَج إبْ صداها هالسكون

ثم إختِنَقت ب عبرتي وارخيت جفني واستكان

ثم قلت : يانفس إصبري واحتسبي أجر الصابِرون

بافنى وانا أدري أكيد |كِلْ مِن على هالأرضْ فان|

بافنى وانا في دنيتي ذِقت ال عَنا من كِل لون

~ما راق لي~