أزواج غير شكل
 

زوجين متدينين :
الزوج : إني أحبك في الله
الزوجة : وأنا كمان أحبك في الله. استغفرالله من كل ذنب عظيم
الزوج : بكل صلاة ما بنساكي من دعائي
الزوجة : الله يبارك فيك ويجزي الخير
الزوج : أدش بتحبيني ؟
الزوجة : عدد ما غرد طير وطار وتعاقب اليل والنهار ودعا داع في الأسحار
الزوج : الله يا سلام على هالكلام زكرتيني بليالي رمضان
الزوجة : إيمت بدنا نساوي عمرة ؟
الزوج : رمضان الماضي كنّا بالعمرة !!
الزوجة : معق حق شو رأيك نحج السنة
الزوج : على بركة الله
قبل ما يختمو السهرة..
الزوجة : أبو حذيفة
الزوج : نعم يا أم حذيفة
الزوجة : دعاء كفارة المجلس
الزوج : سبحانك الله وبحمدك أشهد أن لا إله إلا أنت استغفرك وأتوب إليك

(2) زوجين صايعين :ا
لزوج : بتسدئي ما حبيت وحدة قد ما حبيتك
الزوجة : وأنا كمان أدش حبيت بس متلك أبدًا ما حبيت
الزوج : إنتي خليتي حياتي كول
الزوجة : إنت ستايل وبتجنن وبتشبه توم كروز
الزوج : بتزكري أول مرة شفتك فيا وين ؟
الزوجة : م بتزكر كنت مع رفقاتي بالسيتي سنتر
الزوج : يالله كان أسعد يوم بحياتي
الزوجة : أدش بتحبني ؟
الزوج : قد جمهور ريال مدريد
الزوجة : صرعتني بريال مدريد ترا
الزوج : يا عمري انا بشجع ريال مدريد لأن لون يزكرني بلون شعرك
الزوجة : طيب بتعرف ليش أنا بشجع برشلونة
الزوج : ليش ؟
الزوجة : لأن ريحة البصل بتذكرني فيك
الزوج : الله عسل عسل دمك
الزوجة : إي قوم قوم قبل لا …..

(3)زوجين أغنياء:
الزوج : حبيبتي شو رأيك بغدانا مبارح بفينيسيا ؟
الزوجة : بصراحة القعدة حلوة بس أكلن مو زيادة
الزوج : أنا بصراحة عجبني أحسن من مطعمنا بروما
الزوجة : طيب أنا رايحة باريس تمورو مشان أعمل شوبنغ بدك شي من هنيك؟
الزوج : إيمت راجعة ؟
الزوجة : ما بعرف على حسب يمكن تو ديز وبرجع
الزوج : أخدتي مليونك من أبوكي ؟
الزوجة : ياربي الله يوفقك روح خدن والله ما عاد لحيق
الزوج : طيب شو الفائدة لو أخدتن طالما إنت مسافرة ومستعجلة!! بأي حساب بدك تعملي الشوبنغ ؟
الزوجة : مو مشكلة .. في 300 ألف بحساب ابننا جوجو
الزوج : أوكي حبيبتي بس ما تنسي ترجعين عساب جوجو .. هدول مصاريه وبدو ينبسط فين
الزوجة : انت وين رايح هالويكند ماي سويت هارد ؟
الزوج : كنت بدي روح معك بس مواعد الوليد بن طلال عازمني عالعشا
الزوجة : أوكي أنا بسافر بالطيارة الرمادية عبّيتا بانزين ؟
الزوج : إي فيا بانزين أكيد .. وأنا رايح باليخت تبعي
الزوجة : غود نايت حبيبي وسويت دريمز
الزوج : غود نايت ماي سويت هارد

(4)زوجين صغار
الزوج : بتصدقي خلصت المرحلة الأخيرة بهالعبة ؟
الزوجة : إيه أنا من زمان خلصتا .. هلأ عم إلعب لعبة جديدة
الزوج : شو رأيك تدقي لسمير السمان خليه يطالعلنا تشكيلة بسكويت وشوكولا ولا تنسي أهم شي الكندر سربرايز
الزوجة :حتى أنا مشتهية كندر سربرايز عم يطلع بقلبا لعبة شريك
الزوج : وإزا دق علي توتو البطّه قوليلو مو موجود
الزوجة : طيب قوم خلينا نكمل بلاي ستيشن
الزوج : لحظة متابع حلقة سلاحف النينجا هلأ بتطلع ع سبيس تون
الزوجة : شايفتا هالحلقة مو حلوة
الزوج : هلأ بلا ما تحرقيلي الحلقة ترا لما طلع باباي البوكيمون كنت شايفا بس ما حرقتا عليكي.. إيوا

[ (5)زوجين نهفة:ا
لزوج : قال في مدرس قال لطلابو : الغبي يوقف .. قام وقف واحد سألو المدرس ليش وقفت ؟ قلو ما حبيت شوفك واقف لحالك يا إستاذ هاهاهاها
الزوجة : عم تخف دم ؟ سماع : مرة واحد دخل السلك الدبلوماسي تكهرب هاهاهاها
الزوج : يخرب بيت الغباء سمعي : كلب شوارع مر على مخفر شرطة شاف كلب بوليسي قال : آآخ لو مكمل دراستي هههههههه
الزوجة : عنجد دمك تئيل سماع : في واحد نازل ضرب بالجاجة تبعن ليش ؟
الزوج : ليش ؟
الزوجة : عم يقلا كل يوم بيض كل يوم بيض ما في جبنة .. هي هي هي
الزوج : ههههههاي ماشي حالا .. سمعي : في ولد عمرو 3 سنين قال لأمو الحامل شو في بطك ؟ قالتلو : هادا أخوك الصغير ...
الزوجة : هاهاهاهاهاها
الزوج : لحظة ما خلصت صحي إنك غبية !!
الزوجة : أوكي
الزوج : قلا : بتحبيه ؟ قالتلو : إي بحبو .. قلا : طيب ليش بلعتيه ؟
الزوجة : خلصت ؟
الزوج : يا الله العالم شبعو ضحك...


منقول

رد: أزواج غير شكل